མཆོད་བརྗོད།
༄༅། །སྦྱོར་བ་ཡན་ལག་དྲུག་གི་ངོ་སྤྲོད་རྗེ་འབའ་རོམ་པ་བློ་གྲོས་རྒྱལ་མཚན་མཛད་པ་བཞུགས་སོ། །
ན་མོ་གུ་རུ། གཞི་ཡི་སངས་རྒྱས་ཀུན་གཞིའི་ཡེ་ཤེས་མཆོག །ལམ་གྱི་སངས་རྒྱས་ལམ་བདེན་མདུས་མ་བྱས། །འབྲས་བུའི་སངས་རྒྱས་བྲལ་འབྲས་ཆོས་ཀྱི་སྐུ། །མཁའ་ཁྱབ་ཕྱག་རྒྱ་ཆེ་ལ་ཕྱག་འཚལ་ཏེ། །ལུས་ལ་གནས་པའི་ཡེ་ཤེས་ཆེན་པོ་དེ། །ཡན་ལག་དྲུག་སྒོམ་སོ་སོ་རང་རིག་ཚེ། །མངོན་དུ་གྱུར་པའི་ཉམས་མྱོང་འོད་གསལ་རྣམས། །དོན་དམ་སེམས་སུ་ངོ་སྤྲོད་བྱ་རྒྱུ་ཡིན། །དང་པོ་འཁོར་འདས་སེམས་སུ་ཐག་བཅད་ཅིང་། ། ཀུན་གཞི་ཡེ་ཤེས་རྣམ་ཤེས 
་ཤན་ཕྱེ་ནས། །ཡང་དག་ཡང་དག་མིན་པའི་སྣང་བ་གང་། །ལེགས་པར་ཕྱེ་སྟེ་སེམས་ངོ་སྤྲོད་དགོས་སོ། །དཔལ་ལྡན་བླ་མའི་གདམས་ངག་ཁྱད་པར་ཅན། །བདེན་གཉིས་འབྱེད་པའི་རྣམ་དབྱེ་ལ་མཁས་པས། །ལས་སྣང་འོད་གསལ་སྣང་བ་མ་འདྲེས་པར། །སོ་སོར་ཕྱེ་ཞིང་སེམས་ངོ་སྤྲད་འཚལ་ལོ། །བདེ་དང་སྡུག་བསྔལ་སྐྱོན་དང་ཡོན་ཏན་དང་། །འཁོར་འདས་བདེན་གཉིས་དག་དང་མ་དག་སོགས། །རྣམ་པར་ཕྱེ་ནས་སེམས་ངོ་སྤྲོད་ལེགས་ཀྱི། །ཉམས་མྱོང་ཅན་ཁྱོད་རྩེ་གཅིག་ཡིད་ཀྱིས་ཉོན། །