གཞུང་དོན་འགལ་མེད་གནད་དོན་བསྡུ་བ།
གསུམ་པ་གཞུང་དོན་འགལ་མེད་གནད་དོན་བསྡུ་བ་ནི།
དེས་ན་དབུ་མ་ཆེན་པོ་ཡི། །
ངེས་དོན་མདོ་དང་བསྟན་བཅོས་ཀྱི། །
བསྟན་དོན་བདེན་གཉིས་རབ་དབྱེ་དག །
གཉིས་ཀ་འགལ་མེད་མཁྱེན་པར་མཛོད། །
ཅེས་སོགས་ཏེ། རྒྱུ་མཚན་དེས་ན་དབུ་མ་ཆེན་པོ་ཐལ་འགྱུར་པའི་ལུགས་ཀྱི་ངེས་དོན་གྱི་མདོ་སྡེ་ཟབ་མོ་བཀའ་བར་མཐའ་གཉིས་དང༌། དེའི་དགོངས་འགྲེལ་གྱི་བསྟན་བཅོས་འཇུག་པ་རྩ་འགྲེལ་དང་རྒྱུད་བླ་མ་སོགས་ཀྱིས་བསྟན་དོན་སྣང་སྟོང་དང་གནས་སྣང་གི་བདེན་གཉིས་ཀྱི་རབ་དབྱེ་གཉིས་སུ་གསུངས་པ་དག་ཐལ་འགྱུར་བའི་ལུགས་ལ་གཉིས་ཀ་འགལ་མེད་གནད་གཅིག་ཏུ་ཞལ་གྱིས་བཞེས་པའི་ཚུལ་ཡང་མཁྱེན་པར་མཛོད་ཅིག་གུ།