དཔལ་འབྱོར་དོན་གྲུབ་རྣམ་ཐར།

སྙེ་བོ་གོ་ཤྲི་དཔལ་འབྱོར་དོན་གྲུབ་ནི། །སྐྱེས་ཆེན་དུ་མར་དམ་ཆོས་དཔག་མེད་དང་། །བཀའ་འགྱུར་བསྟན་འགྱུར་ལ་སོགས་བོད་ཡུལ་དུ། །བཞུགས་པའི་ཆོས་ལ་མ་གསན་མེད་པར་གྲགས། །བྱིན་རླབས་བཀའ་བབ་དགུ་ཡི་གུང་པར་གསོལ། །ལུགས་གཉིས་བསྟན་པའི་བདག་པོ་ཆེན་པོར་བསྐོས། །པདྨའི་སློབ་མ་འོ་བྲན་དབང་ཕྱུག་དང་། །ཞི་བ་འོད་ཀྱི་སྤྲུལ་སྐུར་ལུང་ཡང་བསྟན། །དམ་ཆོས་མཐའ་དག་མཆོག་གི་སྤྲུལ་སྐུར་ཕུལ། །བཞེད་པ་འགྲུབ་ནས་མཚུར་ཕུར་གཤེགས་པའི་ཚེ། །མེ་ཏོག་ཆར་ཆེན་ཆེན་པོ་བབ་པ་ཡི། །མེ་ཏོག་དཀར་སྔོ་ཡུ་བར་བཅས་པ་བབ། །རྒྱལ་ཚབ་སྤྲུལ་པའི་སྐུ་ལ་གུས་པར་འདུད། །ཅེས་ཨ་རཱ་གས་སོ། །མངྒ་ལཾ།། །།