གུ་རུའི་གསོལ་འདེབས་དག་པའི་ཞིང་མཆོག

ཨེ་མ་ཧོ། དག་པའི་ཞིང་མཆོག་རྔ་ཡབ་དཔལ་རིའི་རྩེ། །ཕོ་བྲང་པདྨ་འོད་ཀྱི་གཞལ་ཡས་སུ། །རྒྱལ་བ་ཀུན་འདུས་གུ་རུ་པདྨ་འབྱུང་། །རྒྱལ་བའི་ཡུམ་མཆོག་ལྷ་ལྕམ་མནྡ་ར། །ཤེས་རབ་རང་མདངས་ཌཱ་ཀྐི་མཚོ་རྒྱལ་མ། །སྙིང་ཁུང་རུས་པའི་གཏིང་ནས་གསོལ་བ་འདེབས། །བདག་དང་འགྲོ་དྲུག་སེམས་ཅན་ཐམས་ཅད་ཀྱི། །ལུས་ཀྱི་ན་ཚ་ཞི་བར་བྱིན་གྱིས་རློབས། །སེམས་ཀྱི་སྡུག་བསྔལ་ཞི་བར་བྱིན་གྱིས་རློབས། །ཚེ་ཡི་བར་ཆད་ཞི་བར་བྱིན་གྱིས་རློབས། །གནས་སྐབས་བདེ་སྐྱིད་ལྡན་པར་བྱིན་གྱིས་རློབས། །མཐར་ཐུག་མངོན་སངས་རྒྱས་པར་བྱིན་གྱིས་རློབས། །འཕོས་ཚེ་བདེ་ཆེན་ཞིང་དུ་ལམ་སྣ་དྲོངས། །ཞེས་ཨ་རཱ་གས་སོ།། །།