གུ་རུ་ཞི་བའི་སྐོར་ལ། མཇའ་མཚོན་གསོལ་འདེབས།

ན་མོ་གུ་རུ་ཧཱུྃ་ཀཱ་ལ་ཛྭ་ལ་རཾ། །སྣང་བ་མཐའ་ཡས་ཐུགས་རྗེའི་མཁའ་ཀློང་ནས། །པདྨ་འབྱུང་གནས་མཁྱེན་བརྩེའི་དཀྱིལ་འཁོར་རྒྱས། །སྤྲུལ་པའི་འོད་ཟེར་འགྲོ་བའི་མུན་སེལ་བ། །ལས་འཕྲོ་གླིང་པའི་ཞབས་ལ་གསོལ་བ་འདེབས། །ཧཱུྃ་ནག་མེ་འབར་སྣང་སྲིད་འདུལ་བའི་གཉེན། །རྫུ་འཕྲུལ་མཐུ་སྟོབས་ཐོགས་མེད་གློག་ལྟར་འཁྱུག །གང་འདུལ་དེར་སྟོན་སྤྲུལ་པའི་རིག་འཛིན་མཆོག །འཇའ་ཚོན་སྙིང་པོའི་ཞབ་ལ་གསོལ་བ་འདེབས། །ཁྱེད་ལ་གསོལ་བ་བཏབ་པའི་བྱིན་རླབས་ཀྱིས། །བར་ཆད་རྐྱེན་ངན་ཐམས་ཅད་ཞི་བ་དང་། །སྤྲོས་བྲལ་རྫོགས་ཆེན་རྟོགས་པ་མངོན་གྱུར་ནས། །ཚེ་གཅིག་སངས་རྒྱས་འགྲུབ་པར་བྱིན་གྱིས་རློབས། །ཞེས་པ་ཞི་ཁྲོའི་དབང་ཁྲིད་དུས་ནུབ་གཅིག་རིག་འཛིན་འཇའ་ཚོན་སྙིང་པོ་པཎ་ཞྭ་ཆོས་གོས་རབ་བྱུང་ཆ་ལུགས་རྟ་ལ་ཆིབས་ནས་རྫུ་འཕྲུལ་ཉ་ལྟར་འཕྱོ་བ་ཞིག་རྨི་ལམ་ལ་མཇལ་བས་གསོལ་བ་བཏབ་བོ། །རིན་པོ་ཆེ་ཨ་རཱ་གའི་བཀའ་འབུམ་ནང་ནས་བྱུང་།