སེར་སྲུང་གསེར་སྐྱེམས་ཕྲིན་བཅོལ།
སེར་སྲུང་གསེར་སྐྱེམས་ཕྲིན་བཅོལ་བཞུགས། ན་མོ་གུ་རུ་མ་ཧཱ་ནི་ཧ་པཱ་ད་ཡེ། ཇ་ཆང་འོ་ཕུད་འབྲུ་སྣ་སྦྱར་བ་བཤམས་ལ། རཾ་ཡཾ་ཁཾ་གིས་བསང་། ཨོཾ་ཨཱཿཧཱུྃ་གིས་བྱིན་བརླབས། རང་ཉིད་ལྷར་བསྐྱེད་པ་ནི། ཧཱུྃ༔ བདག་ཉིད་དབང་ཆེན་རྟ་མཆོག་ཧེ་རུ་ཀ །དམར་གསལ་ཐོད་དབྱུག་མེ་ཞགས་ཁྲོ་ཆས་རྫོགས། །གནས་ལྔར་གོ་ཆ་རྒྱན་གསུམ་ལྷ་ལྔར་གསལ། །དབུ་གཙུག་རྟ་མགོའི་དབྱིངས་ལས་མེ་བྱུང་འཕྲོས། །དམ་ཡེ་དབྱེར་མེད་སྣང་སྲིད་ཟིལ་གནོན་གྱུར། །ལྟར་སྣང་གསལ་བའི་ངང་ནས། ཧྲཱིཿགྱ་ཤྲཱི་ཝ་ཧཱུྃ་ཕཊ༔ གང་ནུས་དང་། ཧྲུབྱ་གྷཾ་ཝ་ཡ་མཱནྟ་ཀ་པདྨ་ཀྲོ་དྷ་བཛྲ་པཱ་ཎི་ཀྲོ་དྷི་ཀཱ་ལི་ཡཀཱ་ཀཱ་ལ་ཁྲོ་ག་རུ་ཊ་ཧི་ཧི་ཧཱུཾ་ཕཊ༔ བཅུའམ་གང་འོས་བཟླས་ཤིང་། སྡེ་བརྒྱད་གསེར་སྐྱེམས་ཀྱི་འདོད་གསོལ་ནི། མཆོད་པ་དམ་པ་འདི་འབུལ་ལོ། །གསེར་སྐྱེམས་གཙང་མ་འདི་བཞེས་ལ། །ལོ་དགྲ་སེར་བའི་གནོད་པ་ཟློག །བདག་གི་འདོད་དོན་བསྒྲུབ་ཏུ་གསོལ། །ཞེས་སྦྱར་བ་གསུམ་སོགས་གང་ནུས་འབུལ། ༈ སེར་བ་བཀག་ཐབས་ནི། ༀ་ཛྭ་ལ་རཾ་རཾ༔ མེ་ལ་རཾ་རཾ༔ ཆུ་ལ་རཾ་རཾ༔ དེས་ཐུབ་པ་གནམ་ཆོས་སོ། །