བླ་མ་དྲག་པོའི་གསང་སྒྲུབ་ཀྱི་བསྙེན་སྒྲུབ་ལས་གསུམ་གྱི་དམིགས་པའི་ཟིན་བྲིས།
བླ་མ་དྲག་པོའི་གསང་སྒྲུབ་ཀྱི་བསྙེན་སྒྲུབ་ལས་གསུམ་གྱི་དམིགས་པའི་ཟིན་བྲིས་བཞུགས་ལགས་སོ།།
དྲག་པོ་ཐོད་ཕྲེང་རྩལ་ལ་ཕྱག་འཚལ་ལོ། །གུ་རུ་དྲག་པོའི་གསང་སྒྲུབ་སྐབས་སུ། བདག་དྲག་པོའི་དཀྱིལ་འཁོར་གཙོ་རྐྱང་བསྐྱེད། མདུན་གྱི་དཀྱིལ་འཁོར་བུམ་པ་དང་། སྒྲུབ་གཏོར་གྱི་སྣོད་དང་དབྱེར་མེད་པ། གཞལ་ཡས་ཁང་ན་བུམ་པ་བསྒོམ། དབུས་སུ་གཏོར་མ་བུམ་པ་དབྱེར་མེད་ལྷ་ཚོགས་བསྒོམ། ལས་བྱང་ལ་མངོན་རྟོགས་ཁ་སབ་དུས་བཞིར་བཏང་ངོ་། །དགོང་མོ་བཀའ་སྲུང་འདོན། དབུ་དང་ཚེས་བཅུ་ཐོན་ནུབ་གསུམ་ཚོགས་དང་བསྐང་བ་བྱ། རྒྱུན་དུ་མི་དགོས་སོ། །དང་པོ་འབུམ་ཕྲག་གཅིག་ཞི་བསྙེན་ཚེ། བདག་མདུན་དྲག་པོར་གསལ་བའི་
སྐུ་འཇམ་དཔལ་གྱི་དཔྲལ་བར་ཨོཾ་དཀར་པོ་རེ་བསྒོམ། བདག་གི་དཔྲལ་བར་ཨོཾ་དཀར་པོའི་ཕྲེང་བ་ལྟར་འཕྲོས། མདུན་བསྐྱེད་ཀྱི་ཨོཾ་གྱི་རྩེར་ཐིམ། སྐུ་མཉེས་པའི་མཆོད་པ་ཕུལ། སྐུ་ཡི་དངོས་གྲུབ་བྱིན་རླབས་ཐམས་ཅད་ཨོཾ་དཀར་པོ་ཐིག་ལེ་འོད་དང་བཅས་པ་ཚུར་བྱོན། རང་གི་དཔྲལ་བའི་ཨོཾ་གྱི་རྐང་པ་ནས་ཡར་ཐིམ། འགྱུར་མེད་སྐུ་ཡི་དངོས་གྲུབ་ཐོབ། བདག་གི་མགྲིན་པར་པདྨ་དམར་པོ་འདབ་མ་བཞི་ཡི་ལྟེ་བ་ལ། །ཨཱདམར་མོ་ཚེག་དྲག་དང་བཅས་པ་འཕྲོས། མདུན་བསྐྱེད་རྟ་མགྲིན་གྱི་མགྲིན་པར་ཨཱཋཡི་རྩེར་བབ་གསུང་མཉེས་པའི་མཆོད་པ་ཕུལ། གསུང་གི་
དངོས་གྲུབ་ཐམས་ཅད་ཨཱདམར་པོ་བྱུ་རུའི་ཕྲེང་བ་ལྟར་ཚུར་བྱོན། རང་གི་ཨ་རྐང་ནས་ཡར་ཐིམ། འགག་མེད་གསུང་གི་དངོས་གྲུབ་ཐོབ། ཡང་བདག་མདུན་གྱི་ཐུགས་ཀ་ནས་གསེར་གྱི་མཆོད་རྟེན་བུམ་པར་ཕྱག་རྡོར་དེ་ཡི་ཐུགས་ཀར་ཡེ་ཤེས་སེམས་དཔའ་དེ་ཡི་ཐུགས་ཀར་གསེར་གྱི་མཆོད་རྟེན་མང་བ་དེ་ཡི་དབུས་སུ་ཧཱུྃ་མཐིང་དམར་དེ་ཡི་རྩེ་ནས་ཧཱུྃ་མཐིང་ཀའི་ཕྲེང་བ་འཕྲོས། མདུན་བསྐྱེད་ཐུགས་ཀའི་ཧཱུཾ་གི་རྩེར་ཐིམ་ཐུགས་མཉེས་པའི་མཆོད་པ་འབུལ་བར་གྱུར། ཐུགས་ཀྱི་དངོས་གྲུབ་ཐམས་ཅད་ཧཱུྃ་སྔོན་པོའི་ཕྲེང་བ་ལྟར་ཚུར་བྱོན། རང་གི་ཐུགས་ཀའི་ཧཱུཾ་གི་ཞབས་ཀྱུའི་ནང་ནས་ཡར་ཐིམ། འཁྲུལ་མེད་ཐུགས་ཀྱི་དངོས་གྲུབ་ཐོབ་པར་གྱུར། དམིགས་པ་དེ་ལྟར་བསྒོམ་ཞིང་བཛྲ་གུ་རུ་ཧཱུྃའབྱར་བ་འབུམ་ཕྲག་གཅིག་བཟླས་བསྙེན་པའོ་།ཐུན་མཚམས་ན་འབྲུ་གསུམ་ཕྲེང་བ་ཕར་འཕྲོས་རྫོགས་ནས་མི་སྤྲོ། ཚུར་ཐིམ་ཚར་ནས་མི་སྤྲོ། དེ་ནས་ཁྲོ་བོ་སྒྲུབ་པ་ནི། བདག་གི་ཐུགས་མཆོད་རྟེན་དབུས། ཡེ་ཤེས་སེམས་དཔའི་ཐུགས་ཀར་རྡོ་རྗེ་རྩེ་ལྔ་བསྒྲིགས་པའི་ལྟེ་བར། ཉི་མའི་འོག་ཟླ་བའི་སྟེང་། ཁ་སྦྱོར་བའི་དབུས་སུ། ཧཱུྃ་དམར་གྱི་མཐར་ཨ་ཙིག་སོགས་སྔགས་ཕྲེང་གཡས་སུ་ཀྱི་ལི་ལི་
འཁོར། དེ་ཡི་འོད་ཟེར་ལས་གྲུབ་པའི་སྔགས་ཕྲེང་། བྱུ་རུའི་ཕྲེང་བ་ལྟར་ཐོན་ནས། ཡེ་ཤེས་སེམས་དཔའ་འམ་བདག་གི་ཞལ་བརྒྱུད་ནས། མདུན་བསྐྱེད་ཀྱི་ཞལ་ནས་ཐུགས་ཀར་ཐིམ། སྔགས་ཕྲེང་དྲག་ཏུ་འཁོར་བས་ཐམས་ཅད་ཀྱི་རྒྱུད་བསྐུལ་སླར་ཡང་སྔགས་ཕྲེང་འཕྲོས་ཚུར་བྱོན་རང་གི་ཐུགས་ཀར་ཐིམ། ཕར་མཆོད་མཉེས་པར་བྱས། །ཚུར་འདུས་དངོས་གྲུབ་ཐོབ་པར་བསྒོམ། དེ་ལྟར་དམིགས་པ་རྩེ་གཅིག་གིས་ཨ་ཙིག་སྔགས་ཉི་ཤུ་པ་དེ་རབ་བདུན་འབུམ་འབྲིང་སུམ་འབུམ་ཐ་མ་འབུམ་ཕྲག་གཅིག་བཟླས་པས་སྒྲུབ་པ་ཡིན། ཐུན་མཚམས་བདག་མདུན་བར་གྱི་འོད་ཟེར་བཅད། དེ་ནས་ལས་ལ་སྦྱར་བའི་དམིགས་པ་ནི། བདག་མདུན་སྐུ་ཡི་འོད་ཟེར་ལས་གྲུབ་པའི་གནམ་ས་ལྕགས་སྲེག་གི་འཁོར་ལོ་རྩིབས་སྟོང་དང་ལྡན་པའི། རྩིབས་རྩེ་རལ་གྲི་སོ་གཉིས་མའི་རྩེ་རྣོན་ལྟར། གའུ་ཁ་སྦྱོར་ལྟར་སྟེང་གཡས་བསྐོར་འོག་གཡོན་བསྐོར་དུ་འཁོར་བ་སོ་འཐབ་པའི་བར་དུ། རྒྱལ་བསེན་གདོན་བགེགས་རྣམས་ཤ་ཁྲག་དམར་ཉིལ་ཉིལ་གཏུབ་སྟེ་རྩིབས་བར་སྤྲུལ་པའི་སྡིག་པ་མང་པོས་ཟོས་པར་དམིགས་ལ། བཛྲ་སོགས་ཀྱི་སྡེ་བརྒྱད་ཤམ་བུ་ཅན་གྱི་སྔགས་བཟླའོ། །དེ་ནི་
ལས་སྦྱོར་རོ། །དེ་ནས་གྲོལ་ཁ་དངོས་གྲུབ་བླངས་བ་ནི། བདག་མདུན་འོད་ཟེར་དངོས་གྲུབ་རྫས་ལ་ཕོག །དེ་ཡི་འོད་ཟེར་ཕྱོགས་བཅུར་འཕྲོས། །སངས་རྒྱས་བྱང་སེམས་རྩ་གསུམ་གྱི། །མཆོག་དང་ཐུན་མོང་སྐུ་གསུང་ཐུགས་ཀྱི་དངོས་གྲུབ་ནི། ཨོཾ་དཀར་ཨ་དམར་ཧཱུྃ་མཐིང་གི་རྣམ་པར་གྱུར་ནས། ཆར་ལྟར་བབས་ནས་རིན་ཆེན་འབར་བ་ལ་ཐིམ། པདྨ་ཀྲོ་ཏི་ལ་སོགས་དངོས་གྲུབ་སྔགས་ཚོ་གསུམ་བཟླས། རྗེས་དངོས་གྲུབ་ལག་ཏུ་བླངས་ལ་འདི་སྐད་དོ། །ཧཱུྃ། མ་འགགས་རོལ་པའི་དཀྱིལ་འཁོར་ནས། །ཟད་མེད་ནམ་མཁའི་མཛོད་གླིང་སྐུལ། །མི་ཟད་རིན་ཆེན་གཏེར་ལ་སྤྱོད། །ཁམས་གསུམ་སྲིད་གསུམ་དབང་དུ་བསྡུ། །སྣང་སྲིད་ཆོས་ལ་དབང་བསྒྱུར་ཞིང་། ནམ་མཁའི་མཛོད་ལ་ལོངས་སྤྱོད་ཤོག །ཨོཾ་ན་མ་སརྦ་ཏ་ཐཱ་ག་ཏེ་བྷོ་བྷི་ཤྭ་མུ་ཁེ་བྷི་སརྦ་ཐ་ཁཾ་ཨུཏྤ་ཏེ་སྤ་ར་ཎ་ཨི་མཾ་ག་ག་ན་ཁཾ་སརྦ་ཨ་བྷི་ཥིཉྩ་ཧཱུྃ། ཅེས་འབྲང་རྒྱས་དེ་ཉིད་ཟ། སྒྲུབ་གཏོར་བུམ་པ་ལག་ཏུ་ཐོགས་ལ། སྒྲུབ་གཞུང་གི་དབང་ཚོགས་ཀྱི་རྗེས་ཀཱ་ཡ་སོགས་ཀྱི་སྔགས་བཟླས་ལ་གནས་གསུམ་ལ་གཏུགས། ཚོགས་བསྐང་གཏོར་འབུལ་བྱ། སྟོང་ཉིད་ངང་ལ་བཞག །བསྡུ་ཆོག་སྨོན་ལམ་བཀྲ་ཤིས་ཐུགས་
སྒྲུབ་གཞུང་ལྟར་བྱ། བླ་མ་པདྨ་ནམ་མཁས་བསྐུལ་ནས། ༧ སྔགས་འཆང་རཱ་ག་ཨ་སྱས་འཕྲལ་དུ་སྨྲས་སོ། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།