ལས་འགྲིགས་དངོས་གྲུབ་བླང་བ།
དེ་ནས་དངོས་གྲུབ་བླང་བ་ནི༔ ཧཱུྃ༔ ཞལ་ཟས་ཚོགས་ཀྱི་མཆོད་པ་འདི༔ འདོད་ཡོན་མ་སྤངས་ལོངས་སྤྱོད་རྒྱས༔ དངོས་གྲུབ་སྣ་ཚོགས་འདི་ལས་བྱུང་༔ རྣལ་འབྱོར་དགྱེས་པར་ཚོགས་ལ་རོལ༔ སིདྡྷི་ཕ་ལ་ཨ་ལ་ལ་ཧོ༔ དེ་ནས་སྨོན་ལམ་གདབ་པ་ནི༔ ཧཱུྃ༔ སྔོན་ནས་ད་ལྟ་ཡན་ཆད་དུ༔ རྣལ་འབྱོར་བདག་ཅག་འཁོར་བཅས་དམས་དགེ་བའི་ཚོགས་འཁོར་གྱིས༔ ཚེ་དབང་ལོངས་སྤྱོད་བརྟན་རྒྱས་ཤོག༔ ༈ དེ་ནས་ལྷག་མའི་ཆོ་ག་བྱ་བ་ནི༔ རཾ་ཡཾ་ཁཾ༔ ལྷག་མའི་ཉེས་སྐྱོན་བསྲེགས་གཏོར་སྦྱངས་ནས་ཤ་ལྔ་བདུད་རྩི་ལྔའི་རང་བཞིན་དུ་གྱུར༔ ཨོཾ་ཨཱཿཧཱུྃ་ཧ་ཧོ༔ཧི༔ ཧཱུྃ༔ ཆོས་དབྱིངས་རྣམ་དག་གཞལ་ཡས་ནས༔ སྐྱེ་བའི་ཆོ་འཕྲུལ་ཞི་ཁྲོའི་ཚོགས༔ འདིར་བྱོན་རྒྱན་གྱིས་མཆོད་གཏོར་བཞེས༔ སྐུ་གསུང་ཐུགས་ཀྱི་དངོས་གྲུབ་སྩོལ༔ ཧཱུྃ༔ དང་པོ་ཕུད་ཀྱིས་མི་མཆོད་རྒྱུ༔ བཀའ་བརྒྱད་ཡོངས་རྫོགས་ལྷ་རྣམས་མཉེས༔ བར་དུ་ལྷག་མས་མི་མཆོད་རྒྱུ༔ མ་མོ་མཁའ་འགྲོ་ལྷག་ལ་དགྱེས༔ ཐ་མ་གཅིག་ཏུ་མི་བསྲེ་རྒྱུ༔ ཆོས་ཉིད་ཡེ་ནས་རྒྱུ་འབྲས་གཅིག༔ ལྷག་མ་ཁ་ཆུས་མི་བྲན་རྒྱུ༔ ཁྱོད་དང་ང་གཉིས་དམ་ཚིག་གཅིག༔ ཧཱུྃ༔ དཔལ་གྱི་
བཀའ་ཉན་ལྷག་སྡུད་མ༔ རིགས་བཞི་མཁའ་འགྲོ་ཤུགས་འགྲོ་བཅས༔ དབང་ཕྱུག་ཆེན་མོ་ཉེར་བརྒྱད་དང་༔ མཁའ་འགྲོ་སུམ་ཅུ་རྩ་གཉིས་རྣམས༔ གནས་བཟང་དུ་ནི་དུར་ཁྲོད་འཛིན༔ གོས་བཟང་དུ་ནི་ཞིང་ཆེན་གྱོན༔ སྐྱོགས་བཟང་དུ་ནི་བྷན་ཐོགས༔ ཟས་བཟང་དུ་ནི་ཚྭ་ས་ཟ༔ སྐྱེམས་བཟང་དུ་ནི་རཀྟ་གསོལ༔ དམ་ཚིག་བསྲུང་ཞིང་མཁའ་ལ་འགྲོ༔ ཟས་སུ་ཤ་དང་ཁྲག་ལ་དགྱེས༔ ལས་སུ་གསོད་དང་གཅོད་ལ་བརྩོན༔ ཤ་ཁྲག་དམར་གཏོར་འདི་བཞེས་ལ༔ སྔོན་ཚེ་དཔལ་གྱི་བཀའ་ལུང་བཞིན༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ དཔལ་གྱི་བཀའ་ཉན་ལྷག་སྡུད་མ༔ སྐྱེས་མཆོག་གིང་ཆེན་བཅོ་བརྒྱད་པོ༔ དབུ་ལ་རལ་ཕུར་ཤ་ར་ར༔ ཕྱག་ན་གྲི་ཐོད་ཟངས་སེ་ཟང་༔ གིང་ཕོ་དགུ་ནི་ཤ་ར་ར༔ གིང་མོ་དགུ་ནི་སི་ལི་ལི༔ ཐམས་ཅད་རུ་མཚོན་ཆེམས་སེ་ཆེམ༔ དམ་ཚིག་བསྲུང་ཞིང་མཁའ་ལ་འགྲོ༔ ཟས་སུ་ཤ་དང་ཁྲག་ལ་དགྱེས་ལས་སུ་གསོད་དང་གཅོད་ལ་བརྩོན༔ ཤ་ཁྲག་དམར་གཏོར་འདི་བཞེས་ལ༔ སྔོན་ཚེ་དཔལ་གྱི་བཀའ་ལུང་བཞིན༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ དཔལ་
གྱི་བཀའ་ཉན་ལྷག་སྡུད་མ༔ མ་མོ་བདུན་དང་སྲིང་མོ་བཞི༔ འབར་མ་ཆེན་མོ་བརྒྱད་རྣམས་དང་༔ ཕོ་ཉ་དྲུག་ཅུ་རྩ་བཞི་རྣམས༔ མཛེས་པའི་སྐུ་ལ་སྒེག་ཚུལ་ཅན༔ དུར་ཁྲོད་རྒྱན་ཆ་སྤུངས་སེ་སྤུང་༔ རྣལ་འབྱོར་ཀུན་གྱི་དྲོད་ཉུལ་ཞིང་༔ སྒྲུབ་པ་པོ་ཡི་གྲོགས་མཛད་མ༔ དམ་ཚིག་བསྲུང་ཞིང་མཁའ་ལ་འགྲོ༔ ཟས་སུ་ཤ་དང་ཁྲག་ལ་དགྱེས༔ ལས་སུ་གསོད་དང་གཅོད་ལ་བརྩོན༔ ཤ་ཁྲག་དམར་གཏོར་འདི་བཞེས་ལ༔ སྔོན་ཚེ་དཔལ་གྱི་བཀའ་ལུང་བཞིན༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ དཔལ་གྱི་བཀའ་ཉན་ལྷག་སྡུད་མ༔ ལང་ཀ་དུར་ཁྲོད་བདག་མོ་དང་༔ འབུམ་ཕྲག་ཡངས་པའི་མཁའ་འགྲོ་མ༔ ལྷ་སྲིན་སྡེ་བརྒྱད་ཐམས་ཅད་ཀྱང་༔ དུར་ཁྲོད་རྫས་ལ་ལོངས་སྤྱོད་ཅིང་༔ བསྟན་པའི་དགྲ་བགེགས་གཉན་པོ་ཆེ༔ དམ་ཚིག་བསྲུང་ཞིང་མཁའ་ལ་འགྲོ༔ ཟས་སུ་ཤ་དང་ཁྲག་ལ་དགྱེས༔ ལས་སུ་གསོད་དང་གཅོད་ལ་བརྩོན༔ ཤ་ཁྲག་དམར་གཏོར་འདི་བཞེས་ལ༔ སྔོན་ཚེ་དཔལ་གྱི་བཀའ་ལུང་བཞིན༔ བཅོལ་བའི་ཕྲིན་ལས་འགྲུབ་པར་མཛོད༔ ཨོཾ་མ་ཧཱ་ཤྲཱི་ཧེ་རུ་ཀ༔ ས་མ་ཡ༔ དེ་ཝི་ཀྲོ་དྷ་སརྦ་བ་
ལིཾ་ཏ་ཁཱ་ཧི་ཁཱ་ཧི༔ ཨོཾ་ཨཱ༔ཧཱུྃ་ཨུཙྪིཥྛ་བཛྲ་ཨ་ཏིཥྛ་མུ་ཤ་ཏྲ་མ་ས་མ་ཡ༔ ཧཱུྃ་ཕཊ༔ ཧཱུྃ་ཧཱུྃ་ཧཱུྃ༔ ཧཱུྃ་ཧཱུྃ་ཧཱུྃ༔ བློ་སྦྱོ་བྷྱོ༔ ཨཱ་ར་ལི་ཛ་ས་མ་ཡ་བྷྱོ༔ ལྷག་མ་མདུན་གྱི་ལྕགས་རིའི་ནང་དུ་བླུག༔ ༈ དེ་ནས་རྩང་བསྟོད་ནི༔ ཧཱུྃ༔ གྲུ་གསུམ་མཐིང་ནག་འབར་བའི་དཀྱིལ་འཁོར་ནས༔ སྤྲུལ་པའི་ཕོ་ཉ་ལས་ལ་མངག་པ་དང་༔ ཉོན་མོངས་གདུག་པ་མ་ལུས་བསྒྲལ་བའི་ཕྱིར༔ སྤྲུལ་པའི་ཕྱག་རྒྱ་རྟགས་ཀྱི་ཕྱག་མཚན་གསལ༔ གདུག་པའི་རྩང་ཕུར་ཕྱག་རྟགས་ཉིད་དང་ལྡན༔ ཡར་གྱི་རྩེ་མོ་ཆོས་ཉིད་དབྱིངས་སུ་སླེབས༔ མར་གྱི་རྩེ་མོས་ངན་སོང་གསུམ་ལ་གཟིར༔ སྐེད་པ་རྒྱ་མདུད་ཆོས་ཉིད་འབྱུང་བའི་གནས༔ ཡར་གྱི་རྩེ་མོ་ལྷག་མཐོང་ཡུལ་དུ་འཛུགས༔ མར་གྱི་རྩེ་མོས་རྒྱུ་དྲུག་སྙིང་པོ་སྒྲོལ༔ སྐེད་པ་རྒྱ་མདུད་ཁམས་གསུམ་གཏོས་དང་མཉམས༔ ཡར་གྱི་རྩེ་ལ་གདུག་རྩུབ་མེ་ལྟར་འབར༔ མར་གྱི་རྩེ་ལ་གདུག་པའི་འོད་ཟེར་འཕྲོ༔ སྐེད་པ་རྒྱ་མདུད་མཚོན་ཆའི་གུར་དུ་ཕུབ་ཡར་གྱི་རྩེ་ལ་རཾ་གྱི་ཁུ་འཕང་འཕྲོ༔ མར་གྱི་རྩེ་ལ་ཛཡི་བུ་ཡུག་འཚུབ༔ སྐེད་པ་རྒྱ་མདུད་དམུ་ཡི་ཕོ་བྲང་བཅས༔ ཡར་གྱི་རྩེ་ལ་ཁྲག་གི་བྱ་རྒོད་ལྡིང་༔ མར་གྱི་རྩེ་ལ་ལྕགས་ཀྱི་
འུག་པ་གྲིག༔ སྐེད་པའི་དཀྱིལ་དུ་ཟངས་ཀྱི་ཕོ་རོག་འགྱེད༔ ཡར་གྱི་རྩེ་ལ་ཁྲག་གི་སྦྲང་བུ་གྲག༔ མར་གྱི་རྩེ་ལ་ལྕགས་ཀྱི་བུང་བ་གྲག༔ སྐེད་པའི་དཀྱིལ་ན་གཡུ་ཡི་ཁུ་བྱུག་གྲག༔ ཡར་གྱི་རྩེ་ལ་ལྷ་སྲིན་དམར་ནག་འཁྲུགས༔ མར་གྱི་རྩེ་ལ་རྒྱ་གྲོག་དམར་ནག་རྒྱུག༔ སྐེད་པའི་དཀྱིལ་དུ་གསེར་གྱི་སྦལ་པ་འཁུན༔ ཡར་གྱི་རྩེ་ལ་ཁྲག་གི་ཐིགས་པ་འཛག༔ མར་གྱི་རྩེ་ལ་དུག་གི་ཆུ་བོ་ཁོལ༔ སྐེད་པའི་དཀྱིལ་ན་ཟངས་ཀྱི་ཝ་མོ་བརྒྱལ༔ ཡར་གྱི་རྩེ་ལ་ཟངས་ཀྱི་འཕར་བ་རྒྱུག༔ མར་གྱི་རྩེ་ལ་ལྕགས་ཀྱི་སྤྱང་མོ་རྒྱུག༔ སྐེད་པའི་དཀྱིལ་ན་ཟངས་ཀྱི་ཁྱི་མོ་ཟུག༔ ཡར་གྱི་རྩེ་ལ་བདུད་བྱ་ཀང་ཀ་རྒྱུག༔ མར་གྱི་རྩེ་ལ་དོམ་དང་དྲེད་མོང་འཐབས༔ སྐེད་པའི་དཀྱིལ་དུ་སྟག་དང་སེང་གེ་འཐབས༔ སྤྲུལ་པའི་ཕོ་ཉ་དེ་རྣམས་ཀྱང་༔ ཆེ་ཆུང་རྒྱ་གྲོག་དམར་ནག་ཙམ༔ གདུག་པའི་བརྟུལ་ཞུགས་སྣ་ཚོགས་ཀྱིས༔ རི་རབ་ཀུན་ཀྱང་ཚོགས་པོར་འཕེན༔ འཇིགས་པའི་སྒྲ་སྐད་སྣ་ཚོགས་ཀྱིས༔ ཁམས་གསུམ་ཐམས་ཅད་ཟིལ་གྱིས་གནོན༔ མྱུར་མགྱོགས་དྲག་པོས་ཁམས་གསུམ་དབང་དུ་སྡུད༔ ཡང་སྤྲུལ་མངག་གཞུག་དཀྱིལ་འཁོར་
གང་༔ འབར་བའི་ཡང་སྤྲུལ་མཐའ་དང་མཉམ༔ དཀྱིལ་འཁོར་ནམ་མཁའི་མཐའ་དང་མཉམ༔ སྤྲུལ་པ་ཀུན་འབྱུང་གདུག་པའི་རྩང་ཕུར་རྣམས༔ གྲུ་གསུམ་གླིང་བཞི་དྲག་པོར་བཅས༔ ཆོས་ཉིད་ཡེ་ཤེས་དྲྭ་བ་མིག་མང་རིས༔ འཁོར་བའི་དྲྭ་བ་སྐྱ་ཤད་འཛིང་པ་འདྲ༔ ཉོན་མོངས་དྲྭ་བ་སེམས་ཅན་འཆིང་བའི་རྒྱུ༔ ཤེས་རབ་དྲ་བ་མ་རིག་འབྱེད་པའི་སྒོ༔ སྤྲུལ་པའི་དྲ་བ་ཅིར་ཡང་བསྒྱུར་བའི་འཐབས༔ གདུག་པའི་དྲྭ་བ་སེམས་ཅན་ཆུད་པའི་སྣོད༔ སྤྲུལ་པའི་ཕོ་ཉ་མྱུར་མགྱོགས་རྒྱུག་པའི་སྲང་༔ དམ་ཉམས་དགྲ་བགེགས་ཤོར་བའི་མུ་མཐའ་མེད༔ གདུག་རྩུབ་སྤྲུལ་པའི་དྲྭ་བ་མིག་རེ་ལ༔ གདུག་པའི་དགྲ་བགེགས་སྲོག་རྩ་གཅོད་པར་བྱེད༔ དམ་ཉམས་དགྲ་བོའི་སྲོག་ལ་རྟོད་ཅིང་འཐབས༔ ཧཱུྃ༔ གྲུ་གསུམ་མཐིང་ནག་འབར་བའི་དཀྱིལ་འཁོར་འདིར༔ གདུག་རྩུབ་དབལ་དྲག་ལྡན་པའི་རྩང་ཕུར་བཞུགས༔ དམ་ཉམས་དགྲ་བོའི་སྙིང་ལ་ཀཱི་ལ་ཡ༔ ཡ་ཡི་ཕྲིན་ལས་མཛོད༔ བྷྱོ་བྷྱོ༔ ཛ་ཛ༔ དམ་ཉམས་དགྲ་བོ་འདུལ་བའི་ཕྱིར༔ སྒྲུབ་པ་བཀའ་བརྒྱད་ལྷ་ཚོགས་རྣམས༔ དྲག་པོའི་སྟོབས་ཀྱིས་རྩང་ཕུར་བཞེངས། ཧཱུཾ༔
དབང་དྲག་ཕུར་པའི་ལྷ་ཚོགས་རྣམས༔ དྲག་པོའི་སྟོབས་ཀྱིས་རྩང་ཕུར་བཞེངས༔ ཧཱུྃ༔ གྲུ་གསུམ་མཐིང་ནག་འབར་བའི་དཀྱིལ་འཁོར་འདིར༔ དམ་ཉམས་དགྲ་བོ་འདུལ་བའི་ཕྱིར༔ མཐིང་ནག་དབལ་གྱི་གདན་སྟེང་དུ༔ དབལ་དྲག་འབར་བའི་རྩང་ཕུར་བཞེངས༔ ཡེ་ཤེས་ཕུར་པ་ཀཱི་ལ་ཡ༔ རྫས་ཀྱི་ཕུར་པ་ཀཱི་ལ་ཡ༔ མགོ་བོ་རྒྱ་མདུད་མངའ་གསོལ་ལོ༔ ཡེ་ཤེས་ཐིག་ལེས་མངའ་གསོལ་ལོ༔ ཟུར་བརྒྱད་འབར་བས་མངའ་གསོལ་ལོ༔ ཕྱག་རྒྱ་སྦྱོར་བས་མངའ་གསོལ་ལོ༔ སྐེད་པ་རྒྱ་མདུད་མངའ་གསོལ་ལོ༔ རིགས་བཞི་ཕྱག་རྒྱས་མངའ་གསོལ་ལོ༔ གྲུ་གསུམ་འབར་བས་མངའ་གསོལ་ལོ༔ ཛ་གསུམ་འབར་བས་མངའ་གསོལ་ལོ༔ ངོས་གསུམ་འབར་བས་མངའ་གསོལ་ལོ༔ པདྨ་རཀྟས་མངའ་གསོལ་ལོ༔ ཟུར་གསུམ་འབར་བས་མངའ་གསོལ་ལོ༔ སྣ་ཚོགས་ཛ་ཡིས་མངའ་གསོལ་ལོ༔ རཀྟ་ཁྲག་གིས་ངར་བླད་ནས༔ སྲིན་པོའི་ཐོད་པ་འདི་ལ་བརྡར༔ ཕུར་པའི་མདའ་ལ་ཉེ་རིང་མེད༔ དམིགས་པའི་འབེན་ལ་ཆེ་ཆུང་མེད༔ མ་མོའི་ཐུན་ལ་ཉེ་རིང་མེད༔ ཡུངས་དཀར་རྦབ་ལ་གྱེན་ཐུར་མེད༔ ཕོ་ཉའི་ལས་
ལ་དཀའ་སླ་མེད༔ ས་མ་ཡ་ཛ་ཛ༔ རྩང་གྱེར་རྫོགས་སོ༔ ཨོཾ༔ འདི་ཕྱིན་འབུལ་ཁ་བར་དུ་མི་འདོན། ཉམཀཎཝཾ༔ ཁྲོ་བོ་རོལ་པའི་གཏོར་ཟློག་འབུལ་བའི་འདོན་འགྲིགས་ནི༔ ཐུན་མཚམས་དངོས་གྲུབ་བླང་བ་ནི༔ ཧཱུྃ༔ ལྷ་དང་རིག་འཛིན་མཁའ་འགྲོ་དགོངས༔ འདིར་བཞུགས་རིག་འཛིན་བདག་ཅག་རྣམས༔ སྨིན་གྲོལ་གཉིས་ཀྱིས་རྒྱུད་སྦྱངས་ཤིང་༔ བསྐྱེད་རྫོགས་གཉིས་ཀྱིས་ལས་གཞུང་བསྲང་༔ བསྙེན་སྒྲུབ་ལས་གསུམ་མཐའ་རུ་ཕྱིན༔ ལས་དང་ཐུགས་རྗེ་མཐུན་པ་ཡིས༔ ཞི་རྒྱས་དབང་དྲག་ཡིད་བཞིན་གཏེར༔ སྐུ་གསུང་ཐུགས་ཀྱི་དངོས་གྲུབ་སྩོལ༔ ཨོཾ་ཨཱཿཧཱུྃ་ཀཱ་ཡ་ཝཱཀ་ཙིཏྟ་སརྦ་སིདྡྷི་ཧཱུྃ་ཨཱཿ ཞེས་ལས་བྱང་ལྟར་དངོས་གྲུབ་བླངས་ཏེ༔ མདའ་དར་ཁྱུང་སྐུ་མར་རྒྱན་དངོས་གྲུབ་བླང་ངོ་༔ དེ་ནས་གསང་བ་སྒྲུབ་ཆེན་གཞུང་བསྲང་ལ༔ རྗེས་ཀྱི་ལས་འགྲིགས་བཅུ་བཞི་བསྟན་པ་ནི༔ དང་པོ་ཆེ་བ་བསྐྱེད་པ་ནི༔ ཧཱུྃ༔ སྣང་སྲིད་ཐམས་ཅད་གཞལ་ཡས་ཁང་༔ གཟུགས་སྣང་ཐམས་ཅད་ཧེ་རུ་ཀ༔ ཐམས་ཅད་ཐམས་ཅད་བྲན་དུ་ཁོལ༔ ང་ལས་ཆེ་བཙན་སུ་ཡང་མེད༔ ཧཱུྃ་ཧཱུྃ་ཧཱུྃ༔ ཧཱུྃ་ཧཱུྃ་ཧཱུྃ༔ ཧཱུྃ་ཧཱུྃ་ཧཱུྃ༔ དེ་ནས་ཐུགས་དམ་བསྐུལ་པ་རྒྱས་པ་ནི་བཀོལ་བར་ཤེས༔ བསྡུ་ན་འདི་སྐད་དོ༔ ཧཱུྃ༔ ཆོས་སྐུ་སྐྱེ་མེད་ངང་ཉིད་ལས༔
གཟུགས་སྐུ་འཇིགས་པའི་ཆ་ལུགས་བཞེངས༔ ཞི་རྒྱས་དབང་དྲག་མངོན་སྤྱོད་ལས༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ་ཧཱུྃ་སརྦ་དུཏྟཾ༔ ཨོཾ་ཤཱནྟི༔ སྲ་པུཏྟིཾ༔ ཨོཾ་པཱ་ཤཾ༔ ཧཱ་མཱ་ར་ཡ་རྦད༔ ཨོཾ་སརྦ་སིདྡྷི་ཀུ་རུ་དྲོད་ཟོར་སརྦ་ཟློག་བྷྱོ༔ དེ་ནས་ནང་གི་སྒོ་འབྱེད་པ་ནི༔ ཧཱུྃ༔ ཕྱོགས་བཞིའི་སྒོ་མ་ཆེན་མོ་བཞི༔ ཕྱག་མཚན་བཞི་ཡི་ཕྱག་རྒྱ་ཡིས༔ དཀྱིལ་འཁོར་ཕྱོགས་བཞིའི་སྒོ་རྣམས་ཕྱེས༔ གསེར་སྐྱེམས་གཉན་པོ་འདི་གསོལ་ལ༔ གཏོར་མའི་ཟོར་ལམ་དགྲ་ལ་སྟོན༔ བཛྲ་རཏྣ་པདྨ་ཀརྨ་པྲ་ཝེ་ཤ་ཡ་ཕཊ༔ ཅེས་གསེར་སྐྱེམས་གཏོར་མ་ལ་གཏོར༔ དེ་ནས་བཞེངས་ཞུས་ནི༔ ཧཱུྃ༔ ཞི་ཁྲོ་ཚོགས་འདུས་ཡེ་ཤེས་དཔལ་གྱི་འཁོར༔ དཔལ་ཆེན་གཙོ་དགུ་ཡབ་ཡུམ་དབྱིངས་ནས་བཞེངས་གཞན་ཡང་སྟེང་འོག་ཕྱོགས་མཚམས་སོ་སོ་ནས༔ དཔལ་གྱི་བཀའ་སྡོད་ཅི་བགྱིས་བཀའ་ཉན་ཚོགས༔ ཐུགས་དམ་བདག་ལ་དགོངས་ནས་བཞེངས་སུ་གསོལ༔ ཏ་ཀི་རཱ་ཙ་ཧཱུྃ་ཕཊ༔ ཏ་ཀི་རཱ་ཛ་ཧཱུྃ་ཛ༔ ཏ་ཀི་རཱ་ཛ་ཨ་ཀད་ཏ་ཡ༔ ཏ་ཀི་རཱ་ཛ་ཨ་ཀད་ཏ་ཡ༔ པྲ་ཝེ་ཤ་ཡ་པྲ་ཝེ་ཤ་ཡ༔ ཨཱ་ཝེ་ཤ་ཡ༔ ཨཱ་ཝེ་ཤ་ཡ༔ བྷན་ཡ་བྷན་ཡ༔ དོ་ཤ་ཡ་
དོ་ཤ་ཡ༔ མོ་ཧ་ཡ་མོ་ཧ་ཡ༔ སརྦ་ནན༔ བཛྲ་དྷཱཀྐི་ནི་ཧཱིད་ཡ་ཧཱུྃ་ཧཱུྃ་ཕཊ་ཕཊ༔ ཅེས་གཏོར་མ་བཏེག་ལ་བཞག་གོ༔ དེ་ནས་ཁང་ཐོག་ག་མ་མདུན་དེར་དང་པོ་དཀར་གཏོར་ཟུང་གཅིག་དམར་གཏོར་གཅིག་བཤམས་མདོས་ཀྱང་ཞལ་བསྒྱུར་ཏེ༔ ཧཱུྃ༔ ང་ནི་དཔལ་ཆེན་ཧེ་རུ་ཀ༔ སྣང་སྲིད་ཡོངས་རྫོགས་གཏོར་མ་གཏོང་༔ སྡེ་བརྒྱད་དྲེགས་པ་ཅན་རྣམས་ཞལ་བསྒྱུར་རོ༔ ལྷ་དང་དམ་ཅན་མ་ལུས་ཀུན༔ ཞལ་ཁ་ཁྲམ་ཁ་དགྲ་ལ་སྒྱུར༔ སྒྱུར་ཅིག་ཟློག་ཅིག་བློ་བྷྱོ༔ མཱ་ར་ཡ་བྷྱོ་ཟློག་ཅིག༔ དེ་ནས་དཀར་གཏོར་ཆུ་གཙང་གིས་བྲན་ཞིང་༔ ཨོཾ་སྭ་བྷཱ་ཝ་སོགས༔ སྟོང་པ་ཉིད་དུ་གྱུར༔ སྟོང་པའི་ངང་ལས་ཐོད་པའི་སྣོད་དུ་གནས་པའི་གཏོར་མ་བདུད་རྩིའི་རང་བཞིན་སོ་སོའི་ཡིད་དང་མཐུན་པའི་ལོངས་སྤྱོད་དུ་གྱུར༔ ཨོཾ་ད་ཤཱ་དིཀ་ལོཀ་པཱ་ལ་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ བཛྲ་དྷ་ར་ཨ་ཛྷཱ་པ་ཡ་ཏི་སྭཱ་ཧཱ༔ ཧཱུྃ༔ ཤར་ལ་སོགས་པའི་ཕྱོགས་བཅུ་ན༔ གནས་པའི་ལྷ་ཀླུ་མི་མ་ཡིན༔ ཐམས་ཅད་བཀའ་ཡི་གཏོར་མ་ལོངས༔ རིག་འཛིན་བདག་གི་ངག་འདི་ཉོན༔ བདེ་གཤེགས་བསྟན་ལ་སྤྱི་དགྲ་བྱུང་༔ འདི་ལ་ཁྲག་འཐུང་ཆེན་པོའི་བཀས༔ དྲེགས་པ་ཐམས་ཅད་དབང་དུ་སྡུས༔ ལམ་དུ་
གནས་པའི་མཐུ་ཆེན་དེངས༔ མ་རུངས་ལྷ་སྲིན་འཁོར་དང་བཅས༔ ཐམས་ཅད་དེ་རིང་དམག་ལ་དྲོངས༔ དྲང་སྲོང་རྒྱལ་པོ་རཱ་ཧུ་ལ༔ འཁོར་བཅས་དམག་གི་སྡོང་གྲོགས་མཛོད༔ ལྟོ་འཕྱེ་ཧལ་ཁྱི་ཟིན་ཕུང་དང་༔ ས་གསུམ་མཐུ་ཆེན་མ་ལུས་པ༔ འཁོར་བཅས་དམག་གི་སྡོང་གྲོགས་མཛོད༔ ཅེས་གཏོར་མ་འབུལ་བའི་ཕྱོགས་སུ་འབུལ་བར་བྱའོ༔ ཧཱུྃ༔ ང་ནི་དཔལ་ཆེན་ཧེ་རུ་ཀ༔ སྣང་སྲིད་ཡོངས་རྫོགས་གཏོར་མ་གཏོང་༔ མདོས་བདག་ཀུན་གྱིས་མདོས་འདི་ལོངས༔ གླུད་བདག་ཀུན་གྱིས་གླུད་འདི་ལོངས༔ ཟོར་བདག་ཀུན་གྱིས་ཟོར་འདི་རྒྱོབས༔ བདེ་གཤེགས་ཡོངས་རྫོགས་མཐུ་དཔུང་ཕྱུངས༔ དམ་ཅན་ཀུན་གྱིས་ཕྲིན་ལས་མཛོད༔ ཕོ་ཉ་ཡོངས་ཀྱིས་ཤན་པ་མཛོད༔ སྣང་སྲིད་ལྷ་འདྲེ་ཐམས་ཅད་ཀྱིས༔ དགྲ་བོའི་ཡུལ་དུ་ཕོ་བྲང་ཐོབ༔ དགྲ་དང་བགེགས་ཀྱི་སྲོག་དབུགས་ལོངས༔ ནད་མཚོན་ཆོ་འཕྲུལ་དགྲ་ལ་ཕོབ༔ ད་ལྟ་ཉིད་དུ་ཕྲིན་ལས་མཛོད་མཱ་ར་ཡ་བྷྱོ་བྷྱོ༔ དེ་ནས་གཏོར་མདོས་གོམ་པ་བདུན་ཅུའམ༔ ཡང་ན་བདུན་ནམ་བཞི་ལ་དཔགས༔ དེ་ནས་ཕྱིར་བ་ནག་པོའི་གཏོར་ལམ་བཏིང་སྟེ༔ ཕྱོགས་ཡོད་སར་གདོང་ཕྱོགས་ཏེ་ངར་མདོས་དང་ཆད་མདོའི་གཏོར་མ༔ སྔར་
བཏོན་པའི་དྲེགས་པའི་གཏོར་མ་གཏོར་ཟློག་ཐམས་ཅད་རིམ་པར་བཤམས་ལ་དེ་ནས་གཏོར་མ་སྐྱོང་བ་ནི༔ ཧཱུྃ༔ སྔོན་ཚེ་འདས་དུས་བསྐལ་པའི་དང་པོ་ལ༔ འོག་མིན་དགའ་ལྡན་ཞེས་བྱའི་གནས་མཆོག་ནས༔ བཅོམ་ལྡན་དཔལ་ཆེན་ཁྲག་འཐུང་ཆེན་པོ་ཡི༔ སྣང་སྲིད་མ་མོ་དམ་ལ་བཏགས་པའི་ཚེ༔ ཀོའུ་རི་ལ་སོགས་གནས་ཀྱི་མ་མོ་བརྒྱད༔ སེང་ཧ་ལ་སོགས་ཡུལ་གྱི་ཕྲ་མེན་བརྒྱད༔ སྟག་གདོང་ལ་སོགས་ཡུལ་གྱི་སྒོ་མ་བཞིས༔ སོ་སོའི་གཟུགས་མཆོག་དམ་པ་བསྟན་ནས་ཀྱང་༔ བཀའ་ཡི་གཏོར་མ་ལེན་པར་མ་ཆད་དམ༔ རྣལ་འབྱོར་ཚེ་སྲོག་བསྲིང་བར་མ་ཆད་དམ༔ བཅོལ་བའི་ཕྲིན་ལས་བསྒྲུབ་པར་མ་ཆད་དམ༔ སྔོན་ཚེ་ཞལ་བཞེས་དམ་ལས་མ་འདའ་བར༔ ཤ་ཁྲག་བརྒྱན་པའི་གཏོར་མ་འདི་བཞེས་ལ༔ ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད༔ དེ་འོག་བར་གྱི་བསྐལ་པའི་དབུས་མ་ལ༔ བལ་ཡུལ་ཡང་ལེ་ཤོད་ཀྱི་དབེན་གནས་སུ༔ སློབ་དཔོན་ཆེན་པོ་པདྨ་འབྱུང་གནས་དང་༔ སློབ་མ་མཁས་པ་བི་མ་མི་ཏྲ་ཡིས༔ རྡོ་རྗེ་དབྱིངས་ཀྱི་དཀྱིལ་འཁོར་ཞལ་ཕྱེས་ཚེ༔ རྡོ་རྗེ་རིགས་ཀྱི་སྲུང་མ་ཐམས་ཅད་ཀྱིས༔ སོ་སོའི་གཟུགས་མཆོག་དམ་པ་བསྟན་
ནས་ཀྱང་༔ བཀའ་ཡི་གཏོར་མ་ལེན་པར་མ་ཆད་དམ༔ རྣལ་འབྱོར་ཚེ་སྲོག་བསྲིང་བར་མ་ཆད་དམ༔ བཅོལ་བའི་ཕྲིན་ལས་བསྒྲུབ་པར་མ་ཚད་དམ༔ སྔོན་ཚེ་ཞལ་བཞེས་དམ་ལས་མ་འདའ་བར༔ ཤ་ཁྲག་བརྒྱན་པའི་གཏོར་མ་འདི་བཞེས་ལ༔ ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད༔ དེ་འོག་བར་གྱི་བསྐལ་པའི་ཐ་མ་ལ༔ བསམ་ཡས་ལྷུན་གྱིས་གྲུབ་པའི་གཙུག་ལག་ཏུ༔ སློབ་དཔོན་ཆེན་པོ་པདྨ་འབྱུང་གནས་དང་༔ སློབ་མའི་དྭངས་མ་རྗེ་འབངས་གྲོགས་གསུམ་གྱིས༔ ཞི་ཁྲོ་ཡོངས་རྫོགས་དཀྱིལ་འཁོར་ཞལ་ཕྱེས་ཚེ༔ སྒྲུབ་པ་བཀའ་བརྒྱུད་དམ་ཅན་ཡོངས་འདུས་ནས༔ སོ་སོའི་གཟུགས་མཆོག་དམ་པ་བསྟན་ནས་ཀྱང་༔ བཀའ་ཡི་གཏོར་མ་ལེན་པར་མ་ཆད་དམ༔ རྣལ་འབྱོར་ཚེ་སྲོག་བསྲིང་བར་མ་ཆད་དམ༔ བཅོལ་བའི་ཕྲིན་ལས་བསྒྲུབ་པར་མ་ཆད་དམ༔ སྔོན་ཚེ་ཞལ་བཞེས་དམ་ལས་མ་འདའ་བར༔ ཤ་ཁྲག་བརྒྱན་པའི་གཏོར་མ་འདི་བཞེས་ལ༔ ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད༔ དེ་འོག་ལྔ་བརྒྱ་དུས་ཀྱི་ཐ་མ་ལ༔ དཔལ་རི་པདྨ་འོད་ཀྱི་གཞལ་ཡས་སུ༔ སློབ་དཔོན་ཆེན་པོ་པདྨ་
ཐོད་ཕྲེང་དང་༔ ཐུགས་རྗེ་ཆེན་པོའི་རྣལ་འབྱོར་ཆོས་དབང་གིས༔ གསང་བ་སྒྲུབ་ཆེན་དཀྱིལ་འཁོར་ཞལ་ཕྱེས་ཚེ༔ དྲེགས་པའི་སྡེ་དཔོན་སུམ་ཅུ་ཐམ་པ་ཡིས༔ སོ་སོའི་གཟུགས་མཆོག་དམ་པ་བསྟན་ནས་ཀྱང་༔ བཀའ་ཡི་གཏོར་མ་ལེན་པར་མ་ཆད་དམ༔ རྣལ་འབྱོར་ཚེ་སྲོག་བསྲིང་བར་མ་ཆད་དམ༔ བཅོལ་བའི་ཕྲིན་ལས་བསྒྲུབ་པར་མ་ཆད་དམ༔ སྔོན་ཚེ་ཞལ་བཞེས་དམ་ལས་མ་འདའ་བར༔ ཤ་ཁྲག་བརྒྱན་པའི་གཏོར་མ་འདི་བཞེས་ལ༔ ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད༔ དེ་འོག་རྩོད་ལྡན་དུས་ཀྱི་སྙིགས་མ་ལ༔ ལྷོ་བྲག་ལྷ་བྲོ་རྣལ་རྒྱལ་ཁང་བཟང་དུ༔ སློབ་དཔོན་ཆེན་པོ་ཆོས་ཀྱི་དབང་ཕྱུག་དང་སློབ་མ་མར་སྟོན་གྲགས་པ་སེང་གེ་ཡིས༔ བཀའ་བརྒྱད་ཡོངས་རྫོགས་དཀྱིལ་འཁོར་ཞལ་ཕྱེས་ཚེ༔ འཇིག་རྟེན་དྲེགས་པ་ལྷ་སྲིན་སྡེ་བརྒྱད་ཀྱིས༔ སོ་སོའི་གཟུགས་མཆོག་དམ་པ་བསྟན་ནས་ཀྱང་༔ བཀའ་ཡི་གཏོར་མ་ལེན་པར་མ་ཆད་དམ༔ རྣལ་འབྱོར་ཚེ་སྲོག་བསྲིང་བར་མ་ཆད་དམ༔ བཅོལ་བའི་ཕྲིན་ལས་བསྒྲུབ་པར་མ་ཆད་དམ༔ སྔོན་ཚེ་ཞལ་བཞེས་དམ་ལས་མ་འདའ་བར༔ ཤ་ཁྲག་བརྒྱན་པའི་གཏོར་
མ་འདི་བཞེས་ལ༔ ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད༔ ཆད་མདོ་འདི་དང་འོག་གི་བརྟན་སྐྱོང་གཉིས་ཡར་འཐེན་ལ་རྒྱུན་དུ་གཏོར་འབུལ་ལ་འདོན་པར་བྱའོ༔ འདི་འབུལ་ཁའི་འགྲིགས་རིམ་ཀཿཐོག་གི་ཕྱག་ལེན་རྙིང་པ་མ་འཆུགས་པར་བྲིས་པའོ།། ༈ ར་དགེ་འབུལ་ཐབས་ནི། ཧཱུྃ༔ ཉི་མ་ནུབ་ཕྱོགས་ཕ་ཀི་ན༔ ལྕགས་རི་ནག་པོའི་ནང་རོལ་ནས༔ ཕ་ཝང་ལོང་བུའི་སྐུ་མཁར་ནས༔ འཇའ་ཚོན་སྣ་ལྔའི་འོད་ཟེར་འཕྲོ༔ སྟེང་ན་དུག་གི་སྤྲིན་འཁྲིགས་ཤིང་༔ ཕྱི་རོལ་ཁྲག་གི་རྒྱ་མཚོ་ཁོལ༔ ཞེ་སྡང་གདུག་པའི་རླུང་ནག་འཚུབ༔ འབྱུང་བ་ཆ་གྲང་འཐབ་པའི་སྒྲ༔ གནམ་ལྕགས་ཐོག་གི་བུ་ཡུག་འཚུབ༔ དེ་ལྟ་བུ་ཡི་སྐུ་མཁར་ན༔ ཆོས་སྐྱོང་རྒྱལ་པོ་བཞུགས་པ་ནི༔ སྐྱེས་བུ་བཛྲ་སཱ་དྷུ་སྟེ༔ རྒྱལ་བ་ཀུན་གྱི་བསྟན་སྲུང་ཞིང་༔ དཀྱིལ་འཁོར་ཀུན་གྱི་ཤུལ་མ་སྟེ༔ རྣལ་འབྱོར་ཀུན་གྱི་ཆོས་སྐྱོང་ཁྱེད༔ འདིར་བྱོན་དམ་བསྐང་ཕྲིན་ལས་མཛོད༔ ཅེས་སོགས་དམ་ཅན་དགེ་བསྙེན་ལ་འབུལ། ༈ ར་དགེ་ཞེས་པ་ནི་ཀློང་ཆེན་རབ་འབྱམས་ལུགས་དང་། སྲས་རྒྱུད་ལ་མེད་དོ༔ གཞུང་ནས་མ་གསུངས་ཀྱང་ཀཿཐོག་ལུགས་ལ་ཟན་གཙང་མ་ལ་རའི་གཟུགས་གཅིག་བྱས་ལ་སྔོན་ལ་དཀར་གཏོར་དང་མཉམ་དུ་ཁྱེར་ནས་ཟོར་གྱི་སྔོན་ལ་དམ་ཅན་གྱི་བསྐུལ་ཐུང་དེ་
འདོན་ནས་རའི་གཟུགས་དེ་འབུལ་ཕྱོགས་སུ་རྒྱང་རིང་དུ་འཕེན། དེ་ནས་ཡས་མདའ་འཕེན་སྲོལ་ཡོད་པར་སྣང་སྟེ། ཀ༔ཐོག་གི་གནས་བདག་དགེ་བསྙེན་རྡོ་རྗེ་ལེགས་པ་ཡིན་པའི་ལོ་རྒྱུས་དང་། རྣོ་སོ་ཡིན་འདུག་པས་དགེ་བསྙེན་རྡོ་རྗེ་ལེགས་པ་ལ་རའི་གཟུགས་ཕུལ་ན་རྦད་པའི་ཕྱིར་ར་དགེ་ཞེས་གྲགས་པར་འདུག་སྟེ༔ འདི་ཕྱག་ལེན་མི་འཆུག་ཙམ་དུ་བྲིས་པ་ཡིན་གྱིས༔ རང་རེས་དེ་མ་བྱས་ཀྱང་ཆོག་གི །རང་གི་ཕོ་ལྷ་ཡིན་པས་དེ་དོན་ར་འབུལ་བར་བྱས་ཀྱང་། རྒྱང་རིང་དུ་ཟོར་དུ་འགྲིམ་ན་ཧ་ཅང་རྩུབ་པས་མི་ལེགས༔ འཕེན་དགོས་མི་དགོས་གནས་སྐབས་ལ་དཔྱད་དེ་བྱའོ། ངག་ཁྲིད་ཞིབ་ཆ་ཡིན་ནོ།། ༈ དེ་ནས་དམར་གཏོར་བཀའ་བརྒྱད་ཀྱི་དྲེགས་པ་ལ་འབུལ༔ མི་ཕུལ་བར་བཞག་ན་ཟོར་མ་གྲུ་ན་འཕེན་རྒྱུ་བྱེད་དོ༔ བྷྱོ༔ སྣང་སྲིད་དྲེགས་པ་སྡེ་དཔོན་བཞེངས༔ དབང་ཕྱུག་མ་ཧཱ་དེ་ཝ་དང་༔ བཙུན་མོ་ཨུ་མ་དེ་ཝ་བཅས༔ ཕྱག་ན་ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་བཞེས་ལ༔ དེ་རིང་ཟློག་པའི་དམག་དཔུང་མཛོད༔ བྷྱོ༔ འཆི་བདག་ཡ་མ་རཱ་ཙ་དང་༔ སྐྱེ་འགྲོ་སྲོག་གི་བདག་མོ་གཉིས༔ ཕྱག་ན་ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་བཞེས་ལ༔ དེ་རིང་ཟློག་པའི་དམག་དཔུངམཛོད༔ བྷྱོ༔ མ་མོ་སྲིད་པའི་རྒྱལ་མོ་དང་༔ སྔགས་བདག་ཨེ་ཀ་ཙ་ཏི་གཉིས༔ ཕྱག་ན་
ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་བཞེས་ལ༔ དེ་རིང་ཟློག་པའི་དམག་དཔུང་མཛོད༔ བྷྱོ༔ བདུད་པོ་སྐོས་རྗེ་བྲང་དཀར་དང་༔ བདུད་མོ་ནག་མོ་རེ་ཏེ་གཉིས༔ ཕྱག་ན་ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་བཞེས་ལ༔ དེ་རིང་ཟློག་པའི་དམག་དཔུངམཛོད༔ བྷྱོ༔ རྒྱལ་པོ་བེ་དཀར་དགྲ་བླ་དང་༔ སྲོག་བདག་ཚངས་པ་དཀར་པོ་གཉིས༔ ཕྱག་ན་ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་བཞེས་ལ༔ དེ་རིང་ཟློག་པའི་དམག་དཔུང་མཛོད༔ བྷྱོ་སྐྱེས་བུ་རྡོ་རྗེ་ལེགས་པ་དང་༔ གཟའ་བདུད་ཆེན་པོ་རཱ་ཧུ་ལ༔ ཕྱག་ན་ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་བཞེས་ལ༔ དེ་རིང་ཟློག་པའི་དམག་དཔུང་མཛོད༔ བྷྱོ༔ སྲིན་པོ་ནག་པོ་གློག་ཕྲེང་དང་༔ སྲིན་མོ་སྦལ་མགོ་ཁྲག་མིག་གཉིས༔ ཕྱག་ན་ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་བཞེས་ལ༔ དེ་རིང་ཟློག་པའི་དམག་དཔུང་མཛོད༔ བྷྱོ༔ གནོད་སྦྱིན་ཡཀཱ་མེ་དབལ་དང་༔ གནོད་སྦྱིན་མོན་མོ་ནག་མོ་གཉིས༔ ཕྱག་ན་ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་
བཞེས་ལ༔ དེ་རིང་ཟློག་པའི་དམག་དཔུང་མཛོད༔ བྷྱོ༔ མགོན་པོ་མ་ཧཱ་ཀཱ་ལ་དང་༔ བེང་ཆེན་རྡོ་རྗེ་བདུད་འདུལ་གཉིས༔ ཕྱག་ན་ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་བཞེས་ལ༔ དེ་རིང་ཟློག་པའི་དམག་དཔུང་མཛོད༔ བྷྱོ༔ ཀླུ་བདུད་ནག་པོ་བཀྲག་མེད་དང་༔ མུ་སྟེགས་གུ་ལང་ནག་པོ་གཉིས༔ ཕྱག་ན་ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་བཞེས་ལ༔ དེ་རིང་ཟློག་པའི་དམག་དཔུང་མཛོད༔ བྱོ༔ སྲིད་པའི་ལྷ་རབ་ཤམ་པོ་དང་༔ གནམ་སྨན་ཐོག་གི་བུ་ཡུག་གཉིས་ཕྱག་ན་ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་བཞེས་ལ༔ དེ་རིང་ཟློག་པའི་དམག་དཔུང་མཛོད༔ བྷྱོ༔ མ་སང་གཡའ་སྤང་སྐྱེས་གཅིག་དང་༔ བྲག་བཙན་སྲོག་གཟན་དམར་པོ་གཉིས༔ ཕྱག་ན་ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་བཞེས་ལ༔ དེ་རིང་ཟློག་པའི་དམག་དཔུང་མཛོད༔ བྷྱོ༔ སྲོག་བདག་གནམ་ཐེའུ་དཀར་པོ་དང་༔ བཙན་འགོང་ཡམ་ཤུད་དམར་པོ་གཉིས༔ ཕྱག་ན་ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་བཞེས་ལ༔ དེ་རིང་ཟློག་པའི་དམག་དཔུང་
མཛོད༔ བྷྱོ༔ བགེགས་རྒྱལ་བི་ན་ཡ་ཀ་དང་དཔལ་ལྡན་ནག་མོ་མགྱོགས་མ་གཉིས༔ ཕྱག་ན་ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་བཞེས་ལ༔ དེ་རིང་ཟློག་པའི་དམག་དཔུང་མཛོད༔ བྷྱོ༔ ཀླུ་བདུད་ནག་པོ་མགོ་དགུ་དང་༔ ཀླུ་མོ་ནག་མོ་མགྱོགས་བྱེད་གཉིས༔ ཕྱག་ན་ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་བཞེས་ལ༔ དེ་རིང་ཟློག་པའི་དམག་དཔུང་མཛོད༔ བྷྱོ༔ སྣང་སྲིད་ལྷ་འདྲེ་འཁོར་བཅས་རྣམས༔ ཕྱག་ན་ཟློག་པའི་མཚོན་ཆ་བསྣམས༔ དམར་གྱི་གཏོར་མ་འདི་བཞེས་ལ༔ དེ་རིང་ཟློག་པའི་དམག་དཔུང་མཛོད༔ ཨོཾ་བཛྲ་ཙཎྜ་སརྦ་དུཥྛན་ཨེ་ཛ་བྷྱོ༔ དགྲ་བགེགས་འབྱུང་པོ་མཱ་ར་ཡ་ཧཱུྃ་ཕཊ༔ ཐུམ་རི་ལི་ལི་བྷྱོ་བྷྱོ༔ ཞེས་འཕང་ངོ་༔ འདི་ལ་དགྲ་བགེགས་གང་ཡིན་པ་རྣམས་ཡང་ཡང་བཀུག་ཅིང་༔ བསྟིམས་ལ་དྲེགས་པའི་ལྷ་ཚོགས་རྣམས་ལ་འབུལ་བར་བྱའོ། །ཟོར་འཕང་བས་མ་རྒྱུ་ན་རྗེས་སུ་གཏོར་མ་ཟོར་དུ་འཕང་བར་བྱའོ། བློ་གདབ༔ གོང་དུ་དམར་སྦེང་༔ འདི་གྱེར་བར་བཤད་དེ༔ དེ་ནས་བློགདབ་པར་བྱའོ༔ ཨྠྀི༔ ༈ དེ་ནས་ཕྱི་སྒོ་ཕྱེ་བ་ནི༔ བྷྱོ༔ ཉི་མ་ཕྱོགས་བཞི་ཕ་ཀི་ན༔ རིན་ཆེན་ཐང་ཆེན་སྐད་དེ་སྐད༔ རིན་ཆེན་སྐུ་
མཁར་ལྡེམས་སེ་ལྡེམ་རིན་ཆེན་རི་རབ་ཟོམས་སེ་ཟོམ༔ རིན་ཆེན་མཚོ་མོ་ཀྱི་ལི་ལི༔ མཚོ་མོ་དེ་ཡི་ནང་ཤེད་ན༔ རིན་ཆེན་བུད་མེད་ཆེན་པོ་ལ༔ རིན་ཆེན་ཐོད་ལྡིང་ཐོར་ཙུགས་ཅན༔ གཡས་པས་རྒྱ་སྡེ་ཁྲ་ལ་ལ༔ གཡོན་པས་གཟེ་མ་སི་ལི་ལི༔ འཁོར་དུ་ས་བདག་རྒྱལ་པོ་སྟོང་༔ བཙུན་མོ་སྲས་དང་བློན་པོར་བཅས༔ ཕོ་ཉ་མངག་གཞུག་ར་མདའ་བ༔ གསེར་སྐྱེམས་གཉན་པོ་འདི་གསོལ་ལ༔ སྒོ་མ་ལ་སོགས་སྒོ་ཕྱེས་ལ༔ འཕྲང་མ་ལ་སོགས་འཕྲང་སོལ་ཅིག༔ གཏོར་སྒོ་ཟོར་སྒོ་སོ་སོར་ཕྱེས༔ ཡས་སྒོ་གླད་སྒོ་ཤགས་ཀྱིས་ཕྱེས༔ ནད་སྒོ་རིམས་སྒོ་ཐམ་གྱིས་ཆོད༔ སྒོ་མ་ཆེན་མོའི་དུས་ལ་བབ༔ ཅེས་རང་བཞིན་ལྷུན་གྱིས་གྲུབ་པའི་དཀྱིལ་འཁོར་སྒོ་ཕྱེས་ནས་ས་ཡི་ལྷ་མོའི་སྤྲུལ་པ་བཞིས་ནམ་མཁར་བཏེག་ནས་བཞུགས་པར་བསམས་ལ༔ གསེར་སྐྱེམས་ཕྱོགས་བཞིར་གཏོར༔ དེ་ནས་གསེར་སྐྱེམས་བྱ་སྟེ༔ ཧཱུྃ༔ ང་ནི་ཁྲོ་རྒྱལ་བདུད་རྩི་འཁྱིལ༔ ཐམས་ཅད་ང་ཡི་བཀའ་ལ་ཉོན༔ སྔོན་མོ་འབྲུ་ཡི་སྙིང་ཁུ་དེ་རིན་ཆེན་དམ་པའི་གསེར་བརྡར་ནས༔ བླ་མ་དཀོན་མཆོག་ཡི་དམ་ལྷ༔ མཁའ་འགྲོ་ཆོས་སྐྱོང་རྣམས་ལ་འབུལ༔ དེ་རིང་གཟུ་དང་དཔང་པོ་མཛོད༔ མ་ཧཱ་ཀཱ་ལ་ལྕམ་
དྲལ་དང་༔ དཔལ་མགོན་བདུན་ཅུ་འཁོར་དང་བཅས༔ མ་ཐོགས་ཚུར་མཆིས་སྐྱེམས་ལ་བྱོན༔ རིན་ཆེན་གསེར་སྐྱེམས་འདི་བཞེས་ལ༔ བར་ཆད་རྐྱེན་རྣམས་བཟློག་ཏུ་གསོལ༔ གཟའ་བརྒྱད་གདོང་མོ་རྒྱུ་སྐར་ཚོགས༔ དབྱུག་གུ་དྲུག་ཅུ་མཁའ་འགྲོ་བདུན༔ ས་བདག་རྗེ་བློན་བཅུ་གཉིས་སོགས༔ དུས་ཚོད་ཚེས་གྲངས་བདག་པོ་རྣམས༔ མ་ཐོགས་ཚུར་མཆིས་སྐྱེམས་ལ་བྱོན༔ རིན་ཆེན་གསེར་སྐྱེམས་འདི་བཞེས་ལ༔ ཀོ་ལོང་ཕྲག་དོག་མ་མཛད་ཅིག༔ སྡེ་བརྒྱད་ཡུལ་ལྷ་གཞི་བདག་དང་༔ ཡུལ་དང་ས་སྐོར་ཁང་ཁྱིམ་འདིར༔ གཉུག་མར་གནས་པ་མ་ལུས་ཀུན༔ མ་ཐོགས་ཚུར་མཆིས་སྐྱེམས་ལ་བྱོན༔ རིན་ཆེན་གསེར་སྐྱེམས་འདི་བཞེས་ལ༔ རུ་ང་ཕྲག་དོག་མ་བྱེད་ཅིག༔ མཐོ་བ་རྣམས་ཀྱིས་ཞབས་ཡར་སྐུམས༔ དམའ་བ་རྣམས་ཀྱིས་དབུ་ཐུམ་ཞིག༔ ཐད་དུ་འདུག་པ་སྐུ་བཟུར་ཅིག༔ རིན་ཆེན་གསེར་སྐྱེམས་འདི་བཞེས་ལ༔ མདོས་དང་ཟོར་གྱི་ལམ་ཕྱེས་ཤིག༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་ཕྱོགས་ཐམས་ཅད་དང་། ཁྱད་པར་དུ་འབུལ་བའི་ཕྱོགས་སུ་གསེར་སྐྱེམས་གཏོར་བར་བྱའོ།། ༈ དེ་ནས་བཀའ་བརྒྱད་ཀྱི་ཟོར་གཞུང་བསྡུས་པ་
དེ་འཕེན་པའི་སྐབས་སུ་འདོན། ༈ བཀའ་བརྒྱད་ཟོར་ལས་བསྡུས་པ་ནི༔ སྣོད་གཅིག་གི་ནང་དུ་གཡང་གཞི་བཀྲམ་ལ་ཁྲག་གིས་འཁོར་ལོ་རྩིབས་བརྒྱད་བྲིས་པའི་དབུས་སུ་ཐོད་ངན་དུ་འཁོར་ལོ་རྩིབས་བརྒྱད་ལ་སྡེ་བརྒྱད་དབུས་སུ་ཧཱུྃ་བྲིས་པའི་ནང་དུ་ཟོར་ལིང་བཞག༔ རྩིབས་བརྒྱད་ལ༔ ཕུར་པ༔ ཐོ་བ༔ ཐོད་ཁྲག༔ མདའ་ཟོར༔ ཀོང་ཟོར༔ གཏོར་མ༔ རྡོ༔ མར་མེ༔ ཐོད་པར་དུག་ཆུ་རྣམས་བཀོད༔ སྟོང་པའི་ངང་ལས་ཐོད་པ་ཧཱུཾ་ལས་སྟོབས་པོ་ཆེ་རི་རབ་ཐོགས་པ༔ སྡེ་བརྒྱད་ཀྱིས་བསྐོར་བ༔ ཐོད་པ་ལྕགས་ཀྱི་བཙོན་ཁང་དུ་དགྲ་བགེགས་དངོས་སུ་གསལ་བ༔ ཕུར་པ་སྲས་མཆོག་ཀཱི་ལ་ཡ༔ ཐོ་བ་ཡཀཱ་མེ་དབལ༔ ཐོད་ཕོར་ལེགས་ལྡན་ནག་པོ༔ མདའ་ཡ་མ་རཱ་ཙ༔ ཀོང་ཟོར་མོན་པ་ནག་པོ༔ གཏོར་མ་བདུད་ཡབ་རྗེ༔ རྡོ་ཟོར་ངོམ་རྗེ་ནག་པོ༔ མེ་ཟོར་མེ་ལྷ་དྲང་སྲོང་༔ དུག་ཟོར་ལྷ་མོ་ནག་མོ༔ གཞན་ཡང་མ་མོ་མཁའ་འགྲོ་ལྷ་སྲིན་སྡེ་བརྒྱད་ཀྱི་དམག་ཚོགས་སུ་གྱུར༔ ཧཱུཾ་བྷྱོ༔ ཕྱོགས་བཞི་དབུས་ལྔའི་དཀྱིལ་འཁོར་ནས༔ རིགས་ཀྱི་གར་གྱི་དབང་མོ་ལྔ༔ རང་རང་འཁོར་ཚོགས་འབུམ་གྱིས་བསྐོར༔ དེ་རིང་ཟོར་ལ་སྤྱན་འདྲེན་གཤེགས་སུ་གསོལ༔ གསེར་སྐྱེམས་དམ་པ་འདི་བཞེས་ལ༔ བྱད་ཁ་ཟློག་པའི་དུས་ལ་
བབ༔ བྷྱོ༔ སྟེང་གི་ཕྱོགས་དང་བར་སྣང་ནས༔ ནམ་མཁའ་གར་གྱི་དབང་མོ་དང་༔ མ་མོ་ཆེན་མོ་ཐོད་ཕྲེང་རྩལ༔ འཁོར་ནི་མཁའ་འགྲོ་འབུམ་གྱིས་བསྐོར༔ དེ་རིང་ཟོར་ལ་སྤྱན་འདྲེན་གཤེགས་སུ་གསོལ༔ གསེར་སྐྱེམས་དམ་པ་འདི་བཞེས་ལ༔ བྱད་ཁ་ཟློག་པའི་དུས་ལ་བབ༔ བྷྱོ༔ མཚམས་བཞི་དག་ནས་སྤྱན་འདྲེན་པ༔ དབང་ཕྱུག་ཕྲ་མེན་རྒྱ་མཚོ་མ༔ ཨེ་ཀ་ཙ་ཏི་སྦལ་མགོ་མ༔ ཨེ་ཀ་ཙ་ཏི་རལ་གཅིག་མ༔ མ་མོ་གསེར་ཟ་སྨན་གཅིག་མ༔ རང་རང་འཁོར་ཚོགས་འབུམ་དང་བཅས༔ དེ་རིང་ཟོར་ལ་སྤྱན་འདྲེན་གཤེགས་སུ་གསོལ༔ གསེར་སྐྱེམས་དམ་པ་འདི་བཞེས་ལ༔ བྱེད་ཁ་ཟློག་པའི་དུས་ལ་བབ༔ བྷྱོ༔ དྲག་པོ་ཟློག་བྱེད་ཟེར་ཆེན་ལ༔ རྫུ་འཕྲུལ་མཐུ་ཡིས་དབང་བསྐུར་རོ༔ དྲག་པོ་སྔགས་ཀྱིས་དབང་བསྐུར་རོ༔ སྔོན་མོ་ནས་ཀྱིས་དབང་བསྐུར་རོ༔ ཡུངས་ཀར་རྒྱལ་པོས་དབང་བསྐུར་རོ༔ ཟོར་སྣ་ཚུར་ལ་མི་འགྱུ་བའི༔ ཤ་ཟ་ཁྲག་འཐུང་དབུགས་འཕྲོག་མ༔ སྙིང་འབྱིན་མ་ཡིས་དབང་བསྐུར་རོ༔ ཁྲོ་མོ་གྱོད་མོ་དེ་མོ་དང་༔ ཨེ་ཀ་ཙ་ཏི་གསེར་ཟ་སྨན༔ བྱང་མཚམས་ཉི་ཟླ་ཐོད་ཕྲེང་མ༔
བདུད་མོ་ཧལ་ཁྱི་ཏིང་ཏིང་མ༔ སྲིང་མོ་བཞི་ཡིས་དབང་བསྐུར་རོ༔ ཨེ་ཀ་ཙ་ཏི་རེ་མ་ཏི༔ སྲིད་པའི་མ་མོ་མཁའ་འགྲོ་མ༔ དབང་ཆེན་ཀུན་གྱིས་ཟོར་འདི་འཕོངས༔ ཁྲི་སྨན་སི་ལེ་ཕུང་བྱེད་མ༔ ལས་ཀྱི་མ་མོས་ཟོར་སྣ་ཁྲིད༔ ཟོར་སྣ་ཚུར་ལ་མ་གྱུ་ཅིག༔ ཐུན་སྣ་ཚུར་ལ་མ་ལྡོག་ཅིག༔ བྱད་སྣ་ཚུར་ལ་མ་འབེབས་ཤིག༔ དགྲ་སྣ་ཚུར་ལ་མ་ལྡོག་ཅིག༔ ནད་སྣ་ཚུར་ལ་མ་འོངས་ཤིག༔ བན་བྱད་བོན་བྱད་མུ་སྟེགས་བྱད༔ སྣང་སྲིད་ལྷ་འདྲེའི་གདུག་རྩུབ་རྣམས༔ དྲག་པོས་ཟོར་གྱིས་བཟློག་ཏུ་གསོལ༔ བྷྱོ་བྷྱོ་ཟློག་ཟློག༔ ཅེས་ཟོར་གཞུང་ཡིན་ནོ༔ ཧཱུྃ༔ མ་ཉེས་དཔང་དུ་དཀོན་མཆོག་བཞུགས༔ དགྲ་བགེགས་མ་གཏོགས་སྐུ་བཟུར་ཅིག༔ བཀའ་བརྒྱད་ཡོངས་རྫོགས་དམག་དཔུང་བསྐྱེད་དགྲ་བགེགས་སྙིང་ལ་ཕུར་ཟོར༔ ཐོད་ཟོར༴ མདའ་ཟོར༴ རྡོ་ཟོར༴ མེ་ཟོར༴ ཆུ་ཟོར༴ གཏོར་ཟོར༴ ཁྲག་ཟོར༴ ཀོང་ཟོར༴ རྒྱོབ༔ བཛྲ་སརྦ་དུཥཱན་ཏྲིག་ནན༔ ཨེ་ཧུར་ཐུམ་ཛ༔ དགྲ་བགེགས་ནི་ཏྲི་ཤ་ཏུཾ་མཱ་ར་ཡ་རྦད༔ ཅེས་འཕང་བཀའ་བརྒྱད་ཀྱི་ཟོར་གཞུང་ནས་ཟོར་གྱི་སྤྱན་འདྲེན་དབང་བསྐུར་བཀའ་བསྒོ་བྱ་བ་དང་༔ ཟོར་ལས་ཆ་དགུ་མའི་བཅའ་ཚོགས་དམིགས་
རིམ་འདོན་གཞུང་ཐམས་ཅད་ཀྱི་དོན་བསྡུས་ནས་སྦྱར་བ་སྟེ༔ འདིའི་གཞུང་ཁྱིམ་ན་འདོན་ནས༔ འཕེན་པའི་ཚིག་ལས་བྱང་གི་གཞུང་ཚིག་ཁ་བསྒྱུར་ནས་འཕེན་པས་འཐུས་སོ༔ ཞེས་ཟོར་ལས་ཉུང་ངུར༔ ཨ་རཱ་གས་བསྡུས་པ་ཉེས་འགལབཤགས་ཤིང་དགེ་བས་བར་ཆད་ཀྱི་བདུད་ཐམས་ཅད་ཚར་ཆོད་པར་གྱུར་ཅིག༔ ས་མསཡ་༔ རྒྱ་རྒྱ་རྒྱ༔ སརྦ་མངྒ་ལཾ།། །། ༈ དེ་ནས་དམག་འགྱེད་ནི༔ ལྷ་ཚོགས་ཐམས་ཅད་དམག་ལ་ཆས་པར་བསམས་ལ༔ ཧཱུྃ༔ དབུས་དང་ཕྱོགས་བཞི་མཚམས་བརྒྱད་དཀྱིལ་འཁོར་ནས༔ ལྷ་ཚོགས་བདུན་བརྒྱ་ཉེར་ལྔ་དམག་ལ་ཆོས༔ ཕོ་བྲང་དགུ་ཡི་བར་ཁྱམས་འཁོར་ཡུག་ནས༔ དཔལ་གྱི་བཀའ་སྲུང་དམ་ཅན་དམག་ལ་ཆོས༔ དཀྱིལ་འཁོར་ཆེན་པོའི་བར་ཁྱམས་འཁོར་ཡུག་ནས༔ འབུམ་ཕྲག་ཡངས་པའི་ཌཀི་དམག་ལ་ཆོས༔ བདེ་གཤེགས་ཁྲག་འཐུང་དགུ་ཡིས་དམག་དཔོན་མཛོད༔ དྲེགས་པའི་སྡེ་དཔོན་སུམ་ཅུས་དམག་སྣ་དྲོངས༔ བསྟན་དགྲ་བདུད་བགེགས་ཐལ་བའི་རྡུལ་དུ་རློགས༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ ས་མ་ཡ་བྷྱོ་བྷྱོ༔ དེ་ནས་ད་ནངས་ཚོགས་བྱས་ལ་ལྷག་མ་འདིར་འདོན་ནས་མདོས་ཟུར་དུ་ཕུལ་ཏེ། ༈ དེ་ནས་ལམ་བསྟན་ནི༔ ཧཱུྃ༔ སྲིད་པའི་མདོས་ལ་ལམ་བསྟན་པ༔ མདོས་
ཀྱི་ལམ་བསྟན་དགུང་དུ་བསྟན༔ དགུ་ཚིགས་སྐྱ་མོ་དགུང་གི་ལམ༔ ལམ་དེར་ཞུགས་ལ་མ་ལྡོག་ཅིག༔ མདོས་ཀྱི་ལམ་བསྟན་དོག་ལ་བསྟན༔ རྒྱ་མཚོ་ཆེན་པོ་དོག་གི་ལམ༔ ལམ་དེར་ཞུགས་ལ་མ་ལྡོག་ཅིག༔ མདོས་ཀྱི་ལམ་བསྟན་ཕྱོགས་བཅུར་བསྟན༔ ལྷ་ཀླུ་ཡི་དྭགས་ཀུན་གྱི་ལམ༔ ལམ་དེར་ཞུགས་ལ་མ་ལྡོག་ཅིག༔ མདོས་ཀྱི་ལམ་བསྟན་དབྱིངས་སུ་བསྟན༔ ཆོས་ཀྱི་དབྱིངས་སུ་ལམ་བསྟན་ནོ༔ ཆོས་ཀྱི་དབྱིངས་ནས་སླར་མ་ལྡོག༔ མཆོད་ཀྱང་ཆོས་ཀྱི་དབྱིངས་སུ་མཆོད༔ གཤེགས་ཀྱང་ཆོས་ཀྱི་དབྱིངས་སུ་གཤེགས༔ དེ་ནས་གཏོར་རྫོང་ནི༔ གཏོར་ཆུང་ཉེར་གཅིག་ཕྱོགས་བཞི་མཚམས་བརྒྱད་དུ་གཉིས་རེ༔ མདུན་དུ་གཉིས༔ རྒྱབ་ཏུ་གསུམ་རྣམས་བཤམས༔ ཡོད་ན་ཡུངས་ཀར་མེད་ན་ནས་འབྲུ་བླུགས་ལ་བྲན་ནས་བཟུང་༔ དང་པོ་རྒྱབ་ཀྱི་གསུམ་དེ་རེ་རེ་བཞིན་དབུས་སུ་འབུལ༔ ཕྱོགས་མཚམས་སོ་སོར་གཉིས་རེ༔ མདུན་དུ་གཉིས་རྣམས་རེ་རེ་ནས་འབུལ༔ གཏོར་མ་ཕུལ་བ་དང་མཉམ་དུ་གཅིག་གིས་ཁ་ཕྱིར་གྲུ་ལ༔ དར་ནག་གཡབ་པ་དང་༔ རོལ་མོ་འུར་རྡུང་དུང་འབུད་པ་དང་བློ་བཟློག་གི་སྔགས་རྣམས་མཉམ་དུ་བརྗོད་པ་རིགས་འགྲེས༔ ཧཱུྃ༔ འོག་མིན་ཆོས་ཀྱི་དབྱིངས་ཀྱི་ཕོ་བྲང་ནས༔ ཀུན་བཟང་ཡབ་ཡུམ་རིགས་ལྔ་ཡབ་ཡུམ་བཅུ༔ སེམས་
དཔའ་ལྕམ་དྲལ་བཅུ་དྲུག་ཐུབ་པ་དྲུག༔ ཏ་ཀྲི་སྒོ་བ་ཁྲོ་རྒྱལ་ཡབ་ཡུམ་བཞི༔ ཞི་བ་བུདྡྷ་ལྷ་ཚོགས་བཞི་བཅུ་གཉིས༔ དམ་རྫས་བདུད་རྩིའི་མཆོད་པ་འདི་བཞེས་ལ༔ བདག་དང་རྒྱུ་སྦྱོར་ཡོན་བདག་འཁོར་བཅས་ལ༔ མི་མངོན་དབྱིངས་ནས་ཐུགས་རྗེས་སྤྱན་གྱིས་གཟིགས༔ སྲུང་སྐྱོབ་ཚེ་དབང་མཆོག་གི་དངོས་གྲུབ་སྩོལ༔ ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད༔ ཨོཾ་ཨཱཙཱཧཱུྃ་སརྦ་པཉྩ་པཱུ་ཙ་ཧོ༔ གཅིག་ཕུལ༔ ཧཱུྃ་དབུས་ཕྱོགས་སྨུག་ནག་འབར་བའི་དཀྱིལ་འཁོར་ནས༔ ཆེ་མཆོག་ཡབ་ཡུམ་སྲས་མཆོག་རིགས་བཞི་སོགས༔ བདུད་རྩི་ཡོན་ཏན་ལྷ་ཚོགས་སུམ་ཅུ་གཉིས༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྱོ༔ ཟློག་ཟློག་ཆག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ ཡོན་ཏན་རིགས་ཀྱིས་བྱད་མ་ཆོད་གཏོང་ཟློག༔ དབུས་ཕྱོགས་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག༔ གཉིས་ཕུལ༔ ཧཱུྃ༔ དབུས་ཕྱོགས་དཀྱིལ་འཁོར་ཕྱི་ཡི་བར་
ཁྱམས་ལ་དཔལ་གྱི་བཀའ་ཉན་སྤྲུལ་པའི་ཕོ་ཉ་ནི༔ ལྕེ་སྤྱང་མ་བརྒྱད་མཐུ་དང་རྫུ་འཕྲུལ་ཅན༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ ཡོན་ཏན་རིགས་ཀྱིས་ཕོ་ཉའི་བྱད་ཁ་ཟློག༔ དབུས་ཕྱོགས་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག་གསུམ་ཕུལ༔ ཧཱུྃ༔ ཤར་ཕྱོགས་མཐིང་ནག་འབར་བའི་དཀྱིལ་འཁོར་ནས་ཁྲག་འཐུང་རིགས་ལྔ་ཡབ་ཡུམ་ཀེ་སེང་སོགས༔ ཁྱུང་ནག་འབར་བའི་ལྷ་ཚོགས་ལྔ་བཅུ་བརྒྱད༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ ཐུགས་ཀྱི་རིགས་ཀྱི་རིག་སྔགས་བྱད་མ་ཟློག༔ ཤར་ཕྱོགས་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་
ཟློག༔ བཞི་ཕུལ་ལོ༔ ཧཱུྃ༔ ཤཱར་གྱི་དཀྱིལ་འཁོར་ཕྱི་ཡི་བར་ཁྱམས་ན༔ མ་བདུན་སྲིང་བདུན་མཛའ་བདུན་བྲན་མོ་བདུན༔ དཔལ་གྱི་བཀའ་ཉན་དབང་ཕྱུག་ཉི་ཤུ་བརྒྱད༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ རྡོ་རྗེ་རིགས་ཀྱིས་ཕོ་ཉའི་བྱད་ཁ་ཟློག༔ ཤར་ཕྱོགས་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག༔ ལྔ་ཕུལ༔ ཧཱུྃ༔ ལྷོ་ཕྱོགས་སེར་ནག་འབར་བའི་དཀྱིལ་འཁོར་ནས༔ ཡ་མཱནྟ་ཀ་ཡབ་ཡུམ་སྲས་བཞི་སོགས༔ འཇམ་དཔལ་སྐུ་ཡི་ལྷ་ཚོགས་བདུན་ཅུ་བརྒྱད༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ སྐུ་ཡི་རིགས་ཀྱིས་རིག་སྔགས་བྱད་ཁ་ཟློག༔ ལྷོ་ཕྱོགས་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔
ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག༔ དྲུག་ཕུལ༔ ཧཱུྃ༔ ལྷོ་ཕྱོགས་དཀྱིལ་འཁོར་ཕྱི་རིམ་བར་ཁྱམས་ནས༔ ཁྲམ་ཐོགས་ཤྭ་ཐོགས་སྲོག་གཅོད་ཤན་པའི་ཚོགས༔ འཇམ་དཔལ་སྐུ་ཡི་བཀའ་སྲུང་མཐུ་རྩལ་ཅན༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ སྐུ་ཡི་རིགས་ཀྱིས་ཕོ་ཉའི་བྱད་ཁ་ཟློག༔ ལྷོ་ཕྱོགས་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག༔ བདུན་ཕུལ༔ ཧཱུྃ༔ ནུབ་ཕྱོགས་དམར་ནག་འབར་བའི་དཀྱིལ་འཁོར་ནས། དབང་ཆེན་རིགས་བཞི་ཡབ་ཡུམ་ཟིལ་གནོན་སོགས༔ པདྨ་གསུང་གི་ལྷ་ཚོགས་དྲུག་ཅུ་དྲུག༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ པདྨ་རིགས་ཀྱིས་བྱད་མ་ཆོད་གཏོང་ཟློག༔ ནུབ་ཕྱོགས་གནོད་
བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག༔ བརྒྱད་ཕུལ༔ ཧཱུྃ༔ ནུབ་ཕྱོགས་དཀྱིལ་འཁོར་འཁོར་ཡུག་ལ་གནས་པའི༔ ཁམས་བརྒྱད་དམུས་ལོང་མཆེ་གཤོག་འབྲུག་མོ་སོགས༔ པདྨ་གསུང་གི་ལྷ་ཚོགས་ཕོ་ཉ་དྲག་རྩལ་ཅན༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ པདྨ་རིགས་ཀྱིས་བྱེད་མ་ཆོད་གཏོང་ཟློག༔ ནུབ་ཕྱོགས་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག༔ དགུ་ཕུལ༔ ཧཱུྃ༔ བྱང་ཕྱོགས་ལྗང་ནག་འབར་བའི་དཀྱིལ་འཁོར་ནས༔ རྡོ་རྗེ་གཞོན་ནུ་ཡབ་ཡུམ་སྲས་མཆོག་བཞི༔ ཁྲོ་བཅུ་ཡབ་ཡུམ་ཁྲ་ཐབས་ཉི་ཤུ་ཚོགས༔ བདུད་འདུལ་ཕུར་པའི་ལྷ་ཚོགས་བདུན་ཅུ་བརྒྱད༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆག་
ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ ཕྲིན་ལས་རིགས་ཀྱིས་བྱད་མ་རྦོད་གཏོང་ཟློག༔ བྱང་ཕྱོགས་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག༔ བཅུ་ཕུལ༔ ཧཱུྃ༔ བྱང་ཕྱོགས་དཀྱིལ་འཁོར་བར་ཁྱམས་ལ་གནས་པའི༔ བདག་ཉིད་ཤྭ་ན་བསེ་མོ་གིང་ལ་སོགས༔ ཕྲིན་ལས་ཕུར་པའི་བཀའ་སྲུང་བཅུ་དྲུག་པོ༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཚིག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ ཕྲིན་ལས་རིགས་ཀྱིས་བྱེད་མ་ཆོད་གཏོང་ཟློག༔ བྱང་ཕྱོགས་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་བཟློག༔ བཅུ་གཅིག་ཕུལ༔ ཧཱུྃ༔ ཤར་ལྷོ་རཀྟའི་རྦ་ཀློང་དཀྱིལ་འཁོར་ནས༔ ཁྲག་འཐུང་ཡུམ་གྱི་དབྱིངས་ཀྱི་མ་མོ་ལ༔ དབང་མོ་ཆེ་དང་ཐུགས་སྲས་ལ་སོགས་པ༔ དམ་རྫ་ས་བརྒྱན་པའི་གཏོར་མ་འདི་བཞེས་ལ༔ བྷྱོ༔
བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆོག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ མ་མོ་རིགས་ཀྱིས་རིག་སྔགས་བྱད་ཁ་ཟློག༔ ཤར་ལྷོ་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག༔ བཅུ་གཉིས་ཕུལ༔ ཧཱུྃ༔ ཤར་ལྷོའི་དཀྱིལ་འཁོར་བར་ཁྱམས་ལ་གནས་པའི༔ དམག་རྒྱལ་རོ་ཁ་ཕུང་བྱེད་ལ་སོགས་པ༔ མ་མོ་རྦོད་གཏོང་བཀའ་སྲུང་ཐུགས་དམ་ཅན༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ འཇིག་རྟེན་མ་མོའི་རིག་སྔགས་བྱད་ཁ་ཟློག༔ ཤར་ལྷོའི་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག༔ བཅུ་གསུམ་ཕུལ༔ ཧཱུྃ༔ ལྷོ་ནུབ་རྒྱལ་བའི་གདུང་འཚོབ་དཀྱིལ་འཁོར་ནས༔ རིག་འཛིན་རྣམ་ལྔ་ཡབ་ཡུམ་སྲས་དང་བཅས༔ ཉི་ཤུ་རྩ་དྲུ་
སློབ་དཔོན་ཚོགས༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ རིག་འཛིན་རྣམས་ཀྱིས་བྱད་ཁ་རྒོད་གཏོང་ཟློག༔ ལྷོ་ནུབ་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག༔ བཅུ་བཞི་ཕུལ༔ ཧཱུྃ༔ ཐུགས་རྗེས་གདུང་འཚོབ་དཀྱིལ་འཁོར་བར་ཁྱམས་ནས༔ དཔའ་བོ་མཁའ་འགྲོ་སྡེ་བཞི་ཤུགས་འགྲོར་བཅས༔ རིག་འཛིན་གཉན་གྱི་སྲུང་མ་ཐུགས་དམ་ཅན༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྱོ༔ ཟློག་ཟློག་ཆག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ གིང་ཆེན་ཀིས་བྱད་ཁ་དྲོད་གཏོང་ཟློག༔ ལྷོ་ནུབ་གནོད་བྱེད་ཟློག་པའི་དུས་ལ་བབ་ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག༔ བཅོ་ལྔ་ཕུལ༔ ཧཱུྃ༔ ནུབ་བྱང་དམ་རྫས་འཚོགས་པའི་དཀྱིལ་འཁོར་
ནས༔ དྲེགས་འདུལ་ཡབ་ཡུམ་མ་ཧཱ་དེ་ཝ་སོགས༔ འཇིག་རྟེན་དྲེགས་པའི་སྡེ་དཔོན་སུམ་ཅུ་གཉིས༔ དམ་རྫས་བརྒྱན་པའི་གཏོར་མ་འདི་བཞེས་ལ༔ དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆོག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ འཇིག་རྟེན་ལྷ་འདྲེས་བྱེད་ཁ་དྲོད་གཏོང་ཟློག༔ ནུབ་བྱང་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག༔ བཅུ་དྲུག་ཕུལ༔ ཧཱུྃ༔ འཇིག་རྟེན་སྟོང་གསུམ་ཡངས་པའི་དཀྱིལ་འཁོར་ནས༔ སྡེ་དཔོན་སུམ་ཅུ་བཀའ་འཁོར་དྲེགས་པའི་ཚོགས༔ འཁོར་གཡོག་སྡེ་ཚོགས་དཔུང་དང་བཅས་པ་རྣམས༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཚིག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ སྣང་སྲིད་འབྱུང་པོས་བྱད་ཁ་ཆོད་གཏོང་ཟློག༔ ནུབ་བྱང་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔
སྣང་སྲིད་སྲིད་ཀྱི་གཡོས་པ་ཟློག༔ བཅུ་བདུན་ཕུལ༔ ཧཱུྃ༔ བྱང་ཤར་ཙིཏྟ་སྤྱང་པའི་དཀྱིལ་འཁོར་ནས༔ ལྷ་མཆོག་སྟོབས་ལྡན་ཡབ་ཡུམ་བཀའ་ཡི་འཁོར༔ དྲག་སྔགས་བདག་པོ་དྲེགས་པ་བཅོ་བརྒྱད་པོ༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆག་ཆེན་ཉམ་ང་ཐམས་ཅད་ཟློག༔ སྒྱུརསྒྱུར་དུས་མིན་འཆི་བའི་ལྟས་ངན་སྒྱུར༔ དྲག་སྔགས་བྱད་ཁ་རྦོད་གཏོང་ཐམས་ཅད་ཟློག༔ བྱང་ཤར་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག༔ བཅོ་བརྒྱད་ཕུལ༔ ཧཱུྃ༔ བྱང་ཤར་དཀྱིལ་འཁོར་བར་ཁྱམས་ཁོར་ཡུག་ན༔ ཕྱི་ནང་གསང་བའི་ལྷ་སྲིན་སྡེ་བརྒྱད་ཚོགས༔ རང་རང་བཙུན་མོ་སྲས་དང་བློན་པོར་བཅས༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ སྣང་སྲིད་དྲེགས་པའི་བྱད་ཁ་ཆོད་གཏོང་ཟློག༔ བྱང་ཤར་གནོད་བྱེད་ཟློག་པའི་དུས་ལ་བབ༔
ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་བཟློག༔ བཅུ་དགུ་ཕུལ༔ ཧཱུྃ༔ དཔལ་ཆེན་གཙོ་བོ་དགུ་ཡི་གཙུག་རོལ་དང་༔ གཤོག་ཟུར་གཡས་གཡོན་ལ་གནས་ག་རུ་ཊ༔ སྤྲུལ་པ་ཡང་སྤྲུལ་ཉིང་སྤྲུལ་ཁྱུང་གི་ཚོགས༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ མི་རུང་ལྟས་ངན་བརྒྱ་ཅུ་རྩ་གཅིག་ཟློག༔ སྟེང་གི་གནོད་བྱེད་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག༔ ཉི་ཤུ་ཕུལ༔ ཧཱུྃ༔ དཀྱིལ་འཁོར་ཕྱི་རིམ་འཁོར་ཡུག་ཆེན་པོ་ནས༔ ཕོ་ཉ་རིགས་བཞི་དྷཀི་སུམ་ཅུ་གཉིས༔ འབུམ་ཕྲག་ཉི་ཤུ་མཁའ་འགྲོ་བརྟན་མའི་ཚོགས༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བྷྱོ་བྷྱོ་དམ་ཉམས་དགྲ་དང་བགེགས་ལ་བྷྱོ༔ ཟློག་ཟློག་ཆག་ཆེན་ཉམ་ང་ཐམས་ཅད་ཟློག༔ སྒྱུར་སྒྱུར་དུས་མིན་འཆི་བའི་ལྟས་ངན་སྒྱུར༔ སྲིད་པའི་མ་མོའི་རིམས་ཁ་
དལ་ཡམས་ཟློག༔ གློ་བུར་ཡེ་འདྲོག་ཟློག་པའི་དུས་ལ་བབ༔ ལྟས་ངན་ཟློག་པའི་དུས་ལ་བབ༔ ཕུར་ཁ་ཟློག་པའི་དུས་ལ་བབ༔ སྣང་སྲིད་སྲིད་ཀྱི་གཡོས་པ་ཟློག༔ ཉེར་གཅིག་ཕུལ༔ ༈ ཅེས་པ་འདི་ནི་གཞུང་གི་ཡིག་ཆུང་ལས་གཏོར་རྫོང་བྱ་གསུངས་ཀྱང་༔ ཀཿཐོག་ལུགས་ཀྱི་ཕྱག་ལེན་ལ་མི་འདུག་ནའང་༔ བཀའ་བརྒྱུད་ཉང་ལུགས་ཀྱི་གཏེར་གཞུང་མན་ངག་ཡི་གེ་ལ༔ གཏོར་རྫོངས་བྱ་བ་ནི། རྔ་རྡུང་ཞིང་དུང་དང་གླིང་བུ་འབུད༔ དར་ནག་དང་ཧསྟ་གཡབ༔ ནས་འབྲུ་ཡུངས་ཀར་གང་འཛོམ་བཟུང་བས་མཆེད་ལྕམ་གྱིས་ཕྱོགས་གདབ༔ ལྟས་ངན་ཟློག༔ ཕུར་ཁ་ཟློག༔ སྣང་སྲིད་ཀྱི་གཡོས་པ་ཟློག༔ དེ་སྐད་བྱའོ་གསུངས་པའི་དོན་ཡིན་ཞིང་༔ འདོན་ཆ་གཞུང་དུ་མི་གསལ་བས་སྔགས་འཆང་༧རཱ་ག་ཨ་སྱས་སྦྱར་བའོ༔ ༈ མདོས་ཐབས་ཡིན་ན་རྫོངས་འདེབས་སོགས་འདི་རྣམས་སྦྱར༔ ཟློག་པ་ཁ་རྐྱང་ལ་མི་བྱའོ༔ ཧཱུྃ༔ ད་ནི་མདོས་ལ་རྫོངས་ཤིག་འདེབས༔ གླིང་བཞི་རི་རབ་གསེར་རི་བདུན༔ ཉི་ཟླ་སྲོག་ཆགས་སྣ་ཚོགས་བཀོད༔ འདོད་ཡོན་སྣ་ཚོགས་ཡིད་ཀྱིས་སྤྲུལ༔ སྲིད་པའི་མདོས་ལ་རྫོངས་སུ་འདེབས༔ འདབ་ཆགས་གཅན་གཟན་རི་དྭགས་སོགས༔ གཟུགས་འགྲོས་སྣ་ཚོགས་རྫོངས་སུ་འདེབས༔ གསེར་དངུལ་ཟངས་ལྕགས་འཁར་བ་སོགས༔ རིན་ཆེན་སྣ་ཚོགས་
རྫོངས་སུ་འདེབས༔ དར་ཚོན་སྣམ་རས་ལ་སོགས་པའི༔ གོས་དར་སྣ་ཚོགས་རྫོངས་སུ་འདེབས༔ སྟག་གཟིག་དོམ་དྲེད་གཡི་སྤྱང་སོགས༔ སྤུ་ཤུན་སྣ་ཚོགས་རྫོངས་སུ་འདེབས༔ ཀ་ར་བུ་རམ་སྦྲང་རྩི་སོགས༔ དཀར་གསུམ་མངར་གསུམ་རྫོངས་སུ་འདེབས༔ ཙནྡན་ག་པུར་སི་ལ་སོགས༔ དྲི་ཞིམ་སྣ་ཚོགས་རྫོངས་སུ་འདེབས༔ བཟང་དྲུག་པཉྩ་ཨ་མྲྀ་ཏ༔ རྩི་སྨན་སྣ་ཚོགས་རྫོངས་སུ་འདེབས༔ ཧཱ་ལོ་ཨུཏྤལ་ཁུག་ཆོས་སོགས༔ མེ་ཏོག་སྣ་ཚོགས་རྫོངས་སུ་འདེབས༔ ཁམ་བུ་སྟར་ག་རྒྱུན་འབྲུམ་སོགས༔ ཤིང་ཐོག་སྣ་ཚོགས་རྫོངས་སུ་འདེབས༔ ནས་འབྲས་གྲོ་སྲན་སོ་བ་སོགས༔ འབྲུ་སྣ་སྣ་ཚོགས་རྫོངས་སུ་འདེབས༔ བཙོད་ལྕམ་རམ་སྐག་ལ་སོགས་པའི་ཚོས་ཀྱི་བྱེ་བྲག་རྫོངས་སུ་འདེབས༔ ལན་ཚྭ་སྒ་སྐྱ་སྒོག་གཡེར་སོགས༔ རྫས་སྣ་མང་པོ་རྫོངས་སུ་འདེབས༔ ཤ་སྣ་ཁྲག་སྣ་རུས་སྣ་ཚིལ༔ སྐམ་རློན་བཙོས་སྲེག་རྫོངས་སུ་འདེབས༔ མདའ་འཕང་ནམ་ལྗང་ཤིང་རིས་དང་༔ ཁྲམ་ཤིང་སྣ་ཚོགས་རྫོངས་སུ་འདེབས༔ སྦ་སྨྱུག་བལ་ཚོན་རྔ་ཚོན་སོགས༔ མཐུན་རྫས་སྣ་ཚོགས་རྫོ་ངས་སུ་འདེབས༔
བདེ་གཤེགས་ཞི་བའི་ལྷ་ཚོགས་རྣམས༔ ལྟ་བ་ཡངས་པས་རྫོངས་འདེབས་སོ༔ ཁྲག་འཐུང་དཔལ་དགུའི་ལྷ་ཚོགས་རྣམས༔ ཏིང་འཛིན་གསལ་བས་ལྗོངས་འདེབས་སོ༔ མ་མོ་མཁའ་འགྲོ་ཤུགས་འགྲོ་རྣམས༔ བདུད་རྩི་སྨན་གྱི་རྫོངས་འདེབས་སོ༔ འཇིག་རྟེན་ལྷ་སྲིན་དྲེགས་པའི་ཚོགས༔ དགྲ་བགེགས་ཤ་ཁྲག་རྫོངས་སུ་འདེབས༔ བཀའ་སྲུང་བསྟན་སྲུང་དམ་ཅན་ཚོགས༔ དམ་རྫས་གཏོར་མ་རྫོངས་སུ་འདེབས༔ འཇིག་རྟེན་སྐྱོང་བའི་དགེ་བསྙེན་རྣམས༔ ཟས་ཕུད་གཙང་མ་རྫོངས་སུ་འདེབས༔ རྫོངས་འདེབས་དྲག་པོ་འདི་བཞེས་ལ༔ ཐམས་ཅད་མཉེས་ཤིང་ཚིམ་པར་མཛོད༔ བདག་ཅག་ཡོན་མཆོད་འཁོར་བཅས་ཀྱི༔ རྐྱེན་ངན་བར་ཆད་ཐམས་ཅད་ཟློག༔ བཅོལ་བའི་ཕྲིན་ལས་འགྲུབ་པར་མཛོད༔ ༈ ཀྱེ༔ ད་ནི་མདོས་ལ་ཁལ་འགེལ་བ༔ ཏིང་འཛིན་རྩལ་ལས་སྤྲུལ་པའི་ཁལ༔ གླང་ཆེན་རྔ་མོང་མཛོ་དང་གཡག༔ དྲེལ་ནག་རྟ་ནག་བོང་ནག་དང་༔ གླང་ནག་མ་ཧེ་ལུག་ནག་ར༔ དབང་པོ་ཁམས་དང་སྐྱེ་མཆེད་རྫོགས༔ རྫུ་འཕྲུལ་རྐང་པ་མྱུར་མགྱོགས་ཤུགས༔ རླུང་གི་གཤོག་པས་ཐོགས་མེད་རྒྱུག༔ བརྒྱ་སྟོང་བྱེ་བ་ཁྲི་
འབུམ་ནི༔ ཡིད་ཀྱིས་སྤྲུལ་ཏེ་ཁལ་དུ་འབུལ༔ དེ་ལ་ཁལ་དུ་འགེལ་བ་ནི༔ བན་བྱད་བོན་བྱད་ལྷ་འདྲེའི་བྱད༔ གཏད་སེལ་ངག་མནན་རླུང་འཁོར་སོགས༔ བསམ་ངན་དུག་སྦྱོར་ཁལ་དུ་འགེལ༔ ཆག་ཆེན་ཉམ་ང་ལྟས་ངན་དང་༔ མོ་ངན་རྨིས་ངན་མཚན་ལྟས་ངན༔ ཐམས་ཅད་མདོས་ལ་ཁལ་དུ་འགེལ༔ སྐག་དང་སྲི་ངན་འབྱུང་པོའི་གདོན༔ གློ་བུར་ཡེ་འདྲོག་དུས་མིན་འཆི༔ སྲིད་པའི་མདོས་ལ་ཁལ་དུ་འགེལ༔ ཆེ་སྲི་ཆུང་སྲི་དར་སྲི་དང་༔ ཕུང་སྲི་མི་ཁ་བྲ་མཆུ་རྣམས༔ སྲིད་པའི་མདོས་ལ་ཁལ་དུ་འགེལ༔ རིམས་ནད་གག་ལྷོག་གཟེར་གསུམ་དང་༔ དལ་ཡམས་ཕྱི་ནང་འཁྲུག་རྩོད་རྣམས༔ སྲིད་པའི་མདོས་ལ་ཁལ་དུ་འགེལ༔ མི་ནད་ཕྱུགས་ནད་རྟ་ནད་དང་༔ ལྟོགས་འགོང་དབུལ་སྲི་བཙའ་སད་སེར༔ སྲིད་པའི་མདོས་ལ་ཁལ་དུ་འགེལ༔ རྐྱེན་ངན་ཉི་ཁྲི་གཅིག་སྟོང་དང་༔ ཡེ་འདྲོགས་སུམ་བརྒྱ་དྲུག་ཅུ་དང་༔ ནད་རིགས་བཞི་བརྒྱ་རྩ་བཞི་དང་༔ སྐག་ཆེན་བདུན་བརྒྱ་ཉི་ཤུ་དང་༔ བགེགས་རིགས་སྟོང་ཕྲག་བརྒྱད་ཅུ་དང་༔ ལྟས་ངན་བརྒྱད་ཅུ་རྩ་གཅིག་བཅས༔ སྲིད་པའི་མདོས་ལ་ཁལ་དུ་འགེལ༔ ཁལ་དུ་
འགེལ་ལོ་ཁུར་དུ་བསྐུར༔ ཁལ་འདི་དྲང་ལ་ཁུར་འདི་ཁུར༔ སྲིད་པའི་མ་མོ་མཁའ་འགྲོ་དང་༔ དྲེགས་ཆེན་བཅོ་བརྒྱད་འཁོར་དང་བཅས༔ སྡེ་དཔོན་སུམ་ཅུ་དཔུང་དང་བཅས༔ ཁལ་དང་ཁུར་འདི་མ་སྒྱུར་བར༔ བསྟན་དགྲ་དམ་ཉམས་ཡུལ་དུ་སོང་༔ དེ་རུ་ཁལ་དང་ཁུར་ཕོགས་ལ༔ བཞུགས་ཡུལ་ཕོ་བྲང་དེ་རུ་ཐོབ༔ ཤྭ་རྩིས་མདུན་སྟོང་དེ་རུ་ཆོད༔ དཔལ་ཆེན་བཀའ་ལས་མ་འདའ་བར༔ བཅོལ་བའི་ཕྲིན་ལས་འགྲུབ་པར་མཛོད༔ བཀའ་བརྒྱད་མདོས་ཐབས་ཀྱི་ཁ་བཀང་ཆེན་མོ་ནས་བསྡུས་ཏེ་རཱ་ག་ཨ་སྱས་བསྒྲིགས་པས་དགེ་བས་བསྟན་དགྲ་ཕྱེ་མར་བརླག་པའི་རྒྱུར་གྱུར་ཅིག༔
༈ ཧཱུྃ༔ ང་ནི་དཔལ་ཆེན་ཧེ་རུ་ཀ༔ སྣང་སྲིད་ཡོངས་རྫོགས་གཏོར་མ་གཏོང་༔ མདོས་བདག་ཀུན་གྱིས་མདོས་འདི་ལོངས༔ གླུད་བདག་རྣམས་ཀྱིས་གླད་འདི་ལོངས༔ ཟོར་བདག་རྣམས་ཀྱིས་ཟོར་འདི་རྒྱོབས༔ བདེ་གཤེགས་ཡོངས་རྫོགས་མཐུ་དཔུང་ཕྱུངས༔ དམ་ཅན་ཀུན་གྱིས་ཕྲིན་ལས་མཛོད༔ ཕོ་ཉ་ཡོངས་ཀྱིས་ཤན་པ་མཛོད༔ སྣང་སྲིད་ལྷ་སྲིན་ཐམས་ཅད་ཀྱིས༔ དགྲ་བོའི་ཡུལ་དུ་ཕོ་བྲང་ཐོབ༔ དགྲ་དང་བགེགས་ཀྱི་སྲོག་དབུགས་ལོངས༔ ནད་མཚོན་ཆོ་འཕྲུལ་དགྲ་ལ་ཕོབ༔ ད་ལྟ་ཉིད་དུ་ཕྲིན་ལས་མཛོད༔ མཱ་ར་ཡ་བྷྱོ་བྷྱོ༔ དེ་ནས་གཏོར་མདོས་གོམ་པ་བདུན་ཅུའམ༔ ཕྱག་ལེན་ནི༔ གོམ་པ་བདུན་ཡན་དཔག་ལ༔ དེར་ཕྱར་བ་ནག་པོའི་གཏོར་ལམ་བཏིང་སྟེ་ཕྱོགས་ཡོད་སར་གདོང་ཕྱོགས་ཏེ༔ ངར་གླུད་དང་ཆད་མདོའི་གཏོར་མ་སྔར་འདོན་པའི་དྲེགས་པའི་གཏོར་མ༔ གཏོར་ཟློག་ཐམས་ཅད་རིམ་པར་བཤམས་ལ༔ དེ་ནས་གཏོར་སྐྱོང་སོགས། ཞེས་ཆད་མདོ་བྱས༔ གཏོར་མ་མདོས་ལ་ཁྲག་གམ་བདུད་རྩིས་བྲན་ལ༔ ༈ ཞི་ཁྲོ་ཡོངས་རྫོགས་ཀྱི་བློ་ཟློག་སྲིན་མོ་ཟ་ལམ་བཞུགས་པའི་དབུ་ཕྱོགས་ལགས་སོ༔ དེ་ནས་གཏོར་མ་བཀྱག་ལ༔ གོམ་པ་བདུན་ཅུའི་སར་ཕྱིན་ལ༔ རྔ་རྡུང་༔ དུང་འབུད༔ རོལ་མོ་བཀྲོལ༔ ཞིང་ལྤགས་བརྡབ༔ དར་
ཕྱར་ལ་འདི་སྐད་དོ༔ ༈ སྒྲུབ་པ་བཀའ་བརྒྱད་ཀྱི་སྲིན་མོ་ཟ་ལམ་བསྐྱེད་ཆོག་ནི། ཨོཾ་སྭ་བྷ་ཝ་སོགས༔ སྟོང་པའི་ངང་ལས་ཆེ་མཆོག་ཧེ་རུ་ཀར་གསལ་བའི་མདུན་དུ༔ ཡི་གེ་བློ་ཡོངས་སུ་གྱུར་པ་ལས༔ སྲིན་མོ་ཟ་ལམ་སྐུ་མདོག་དམར་ནག་མེ་ལྟར་འབར་བ༔ ཞལ་རབ་ཏུ་གདངས་བ་ལས་མཆེ་བ་གཙིགས་ཤིང་ལྗགས་གློག་ལྟར་གཡོ་བ༔ ཞལ་ནས་ཁྲག་གི་ཆར་ཆེན་འབེབས་པ་དབུ་སྐྲ་དམར་ནག་གི་རལ་པས་ས་གཞི་ཁེངས་པ༔ གསུས་པ་ཤིན་ཏུ་ཆེ་ཞིང་ནུ་མ་གཅིག་པུར་འཕྱངས་པ་ལ་རཀྟའི་རྒྱུན་ཟག་པ༔ ཕྱག་གཡས་དམར་གྱི་གཏོར་མ་གདེངས་ཐབས་སུ་འཛིན་ཅིང་གཡོན་པས་ཀོང་ཟོར་དགྲ་ལ་འཕེན་པ༔ སྐུ་སྟོད་ལ་ཞིང་ཆེན་གྱི་གཡང་གཞི་དང་སྐུ་སྨད་ལ་རེ་ལྡེའི་ཤམ་ཐབས་གསོལ་བ༔ ཞབས་གཉིས་བརྐྱང་བསྐུམ་འགྱིང་བའི་ཚུལ་གྱིས་བཞུགས་པ་ལས་རང་འདྲ་བཅུ་གསུམ་གྱིས་བསྐོར་བ༔ གཞན་ཡང་དེ་ཡི་འཁོར་དུ་དབང་ཕྱུག་ཆེན་མོ་ཉི་ཤུ་རྩ་བརྒྱད༔ བོད་སྐྱོང་བརྟན་མ་བཅུ་གཉིས་ལྷ་སྲིན་དྲེགས་པའི་ཚོགས་ཀྱིས་བསྐོར་བའོ༔ དེ་རྣམས་ཀྱི་དཔྲལ་བར་ཨོཾ༔ མགྲིན་པར་ཨཱཿ ཐུགས་ཀར་ཧཱུྃ་དང་གཙོ་མོའི་ཐུགས་ཀའི་བྷྱོ་ལས་འོད་ཟེར་འཕྲོས་པས་རང་བཞིན་གྱི་
གནས་ནས་སྤྱན་དྲངས༔ སྐུ་གཟུགས་དང་གཉིས་སུ་མེད་པར་གྱུར༔ བློ་སྦྱོ་བྷྱོ༔ ནད་ཀྱི་བདག་མོ་སྤྱན་འདྲེན་ནོ༔ ཡམས་ཀྱི་བདག་མོ་སྤྱན་འདྲེན་ནོ་ཟློག་བྱེད་མ་གཅིག་སྤྱན་འདྲེན་ནོ༔ སྒྱུར་བྱེད་མ་གཅིག་སྤྱན་འདྲེན་ནོ༔ སྲིན་མོ་ཆེན་མོ་སྤྱན་འདྲེན་ནོ༔ ཧཱུྃ་ཧཱུྃ་ཧཱུྃ༔ ཧཱུཾ་བྷྱོ་བྷྱོ༔ སྲིན་མོ་ཟ་ལམ་གོམ་པ་བདུན་ཅུ་འདས་པའི་ཕ་རོལ་ན༔ འཇིག་རྟེན་འདས་ཀྱང་འཁོར་བའི་ཆ་ལུགས་འཛིན༔ ཡེ་ཤེས་གྲུབ་ཀྱང་ལས་ཀྱི་མཁའ་འགྲོའི་ཚུལ༔ རྡོ་རྗེ་མ་མོ་ལྟས་ངན་བློ་ཟློག་ཅིག༔ སོ་སོའི་རིགས་དང་མིང་སྲིང་ལྕམ་དྲལ་ཚུལ༔ བྷྱོ༔ དཀར་མོ་སྤྱན་གཅིག་རྡོ་རྗེ་རིགས་ཀྱི་ལྕམ༔ ཉིད་ཀྱི་མིང་པོ་དྲི་ཟའི་བཀའ་བསྒྱུར་མ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ དྲི་ཟའི་གློ་བུར་ཡེ་འདྲོགས་ཤོར་ར་ར༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བསྒྱུར་རོ་རྒྱལ་པོའི་ཆོ་འཕྲུལ་དགྲ་ལ་སྒྱུར༔ བྷྱོ༔ སྲིན་མོ་ཤུགས་འཆང་རིན་ཆེན་རིགས་ཀྱི་ལྕམ༔ ཉིད་ཀྱི་མིང་པོ་གཤིན་རྗེའི་བཀའ་བསྒྱུར་མ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ འཆི་བདག་གཤིན་རྗེའི་ཁྲམ་ལ་བཏབ་བམ་རེ༔ བཟློག་གོ་དམར་ཆེན་
གཏོར་མ་འདི་ཡིས་ཟློག༔ བསྒྱུར་རོ་གཤིན་རྗེའི་ཁྲམ་ཁ་དགྲ་ལ་སྒྱུར༔ དམར་མོ་མཆུ་འཇིབ་པདྨ་རིགས་ཀྱི་ལྕམ༔ ཉིད་ཀྱི་མིང་པོ་ཀླུ་བདུད་བཀའ་བསྒྱུར་མ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ ས་བདག་ཀླུ་ཡི་ནད་རྣམས་བཅུག་ལ་རེ༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བསྒྱུར་རོ་ཀླུ་ཡི་གཏད་ཁྲམ་དགྲ་ལ་སྒྱུར༔ བྱོ༔ གར་གྱི་དབང་ཕྱུག་ལས་ཀྱི་རིགས་ཀྱི་ལྕམ༔ ཉིད་ཀྱི་མིང་པོ་གནོད་སྦྱིན་བཀའ་བསྒྱུར་མ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ གནོད་སྦྱིན་གདུག་པའི་གདོན་གྱིས་ཟིན་ཏ་རེ༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བསྒྱུར་རོ་གནོད་སྦྱིན་ཆད་པ་དག་ལ་སྒྱུར༔ བྷྱོ༔ དབྱིངས་ཕྱུག་དཔལ་ལྡན་རྡོ་རྗེ་མཁའ་འགྲོ་མ༔ ཉིད་ཀྱི་མིང་པོ་ཕྱ་ཡི་བཀའ་བསྒྱུར་ལ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ ཕྱུ་ཡི་དྲ་སྙིང་ཐམས་ཅད་ཕབས་སམ་རེ༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བསྒྱུར་རོ་མི་སྙིང་བློ་འཕྲོག་ཐམས་ཅད་དགྲ་ལ་སྒྱུར༔ བྷྱོ༔ སྔགས་སྲུང་ཨེ་ཀ་ཙ་ཏི་རལ་གཅིག་ཉིད་ཀྱི་མིང་པོ་རྐོས་རྗེ་དྲང་དཀར་ནག༔ རྣལ་འབྱོར་བདག་གི་འཁོར་དུ་
གཏོགས་པ་ལ༔ བདུད་ཀྱི་རྒྱལ་པོའི་ཁྲམ་ལ་བཏབ་བམ་ར༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བསྒྱུར་རོ་བདུད་ཀྱི་ཆད་པ་དགྲ་ལ་སྒྱུར༔ བྷྱོ༔ སྔགས་སྲུང་ཨེ་ཀ་ཙ་ཏི་གློག་མ་སྤྲིན༔ ཉིད་ཀྱི་མིང་པོ་བདུད་པོ་རེ་ལྡེ་མགོ་ཉག་བཀའ་བསྒྱུར་མ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ ནག་པོ་བདུད་ཀྱི་ནད་རྣམས་བསྐུས་སམ་ར༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བསྒྱུར་རོ་བདུད་ཀྱི་ཆད་པ་དགྲ་ལ་སྒྱུར༔ བྷྱོ༔ དཀར་མོ་ཆེན་མོ་ཉི་མའི་སྤྱན་གཅིག་མ༔ ཉིད་ཀྱི་མིང་པོ་གནམ་ལྷའི་བཀའ་བསྒྱུར་མ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ རྒྱལ་པོ་དཀར་པོ་ཡུལ་དུ་ཕབས་སམ་ར༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བསྒྱུར་རོ་རྒྱལ་པོའི་ཆད་པ་དགྲ་ལ་སྒྱུར༔ བྷྱོ༔ མ་མོ་ཨེ་ཀ་ཙ་ཏི་ཐལ་མདོག་མ༔ ཉིད་ཀྱི་མིང་པོ་བར་ཐེལ་ཁྲ་བོའི་བཀའ་བསྒྱུར་མ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ ཐེའུ་རང་རྣམས་ཀྱི་ཆོ་འཕྲུལ་ཤོར་ར་རེ༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བསྒྱུར་རོ་ཐེའུ་རང་ཆོ་འཕྲུལ་དགྲ་ལ་སྒྱུར༔ བྷྱོ༔ ས་བདག་ཆེན་མོ་ནག་
མོ་རལ་གཅིག་མ༔ ཉིད་ཀྱི་མིང་པོ་ས་ཐེལ་ནག་པོའི་བཀའ་བསྒྱུར་མ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ འབྱུང་པོ་ཐེའུ་རང་ཁང་ཁྱིམ་བཏབ་བམ་ར༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བསྒྱུར་རོ་ཐེའུ་རང་ཆོ་འཕྲུལ་དགྲ་ལ་སྒྱུར༔ བློ༔ མ་མོ་གནམ་གྱི་ཡེ་དྷརྨཱ༔ ཉིད་ཀྱི་མིང་པོ་གཟའ་བདུད་བཀའ་བསྒྱུར་མ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ གཟའ་ཡི་ནད་གདོན་བར་ཆད་ཕེབས་སམ་རེ༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བསྒྱུར་རོ་གཟའ་ཡི་ནད་གདོན་དགྲ་ལ་སྒྱུར༔ བྷྱོ༔ གནམ་གྱི་ཤེ་ཟ་སྨན་གཅིག་མ༔ ཉིད་ཀྱི་མིང་པོ་བཙན་གྱི་བཀའ་བསྒྱུར་མ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ བཙན་གྱི་རྒྱལ་པོའི་སྐྱ་བབ་ཤོར་ར་ར༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བསྒྱུར་རོ་བཙན་གྱི་གྲི་ཐབས་དགྲ་ལ་སྒྱུར༔ བྷྱོ༔ ཉ་ཆེན་འཇིགས་པ་ཁྲག་གི་རལ་པ་ཅན༔ ཉིད་ཀྱི་མིང་པོ་ཀླུ་སྲིན་བཀའ་བསྒྱུར་མ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ ཀླུ་སྲིན་རྣམས་ཀྱི་ཆོ་འཕྲུལ་ཤོར་ར་རེ༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བསྒྱུར་རོ་ཀླུ་
སྲིན་ཆོ་འཕྲུལ་དགྲ་ལ་སྒྱུར༔ བྷྱོ༔ ལྷ་མོ་ནག་མོ་ལས་ཀྱི་དབང་མོ་ཆེ༔ སྣང་སྲིད་མ་མོའི་སྐག་བསྒྱུར་དགྲ་ལ་སྒྱུར༔ རྣལ་འབྱོར་བདག་གི་འཁོར་དུ་གཏོགས་པ་ལ༔ སྣང་སྲིད་མ་མོའི་ཡམས་ནད་ཤོར་ར་རེ༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བསྒྱུར་རོ་མ་མོའི་ཆོ་འཕྲུལ་དགྲ་ལ་སྒྱུར༔ བྷྱོ༔ གཞན་ཡང་བཟློག་ཅིང་བསྒྱུར་བ་ནི༔ ལྷ་ཆེན་ཡོངས་ཀྱི་གདུག་རྩུབ་ཟློག༔ ལྷ་མ་ཡིན་གྱི་རྒྱུ་ཐབས་ཟློག༔ སྐེམ་བྱེད་ལྕགས་ཀྱུས་ཟིན་པ་ཟློག༔ དྲང་སྲོང་རྣམས་ཀྱི་དམོད་པ་ཟློག༔ མ་མོ་རྣམས་ཀྱི་ཐུན་སྔགས་ཟློག༔ ཕྲ་མེན་མ་ཡི་ཉེ་འབྱེད་ཟློག༔ ས་བདག་ཀླུ་ཡི་གདུག་བྱེད་ཟློག༔ ཕོ་ཉའི་འོད་སྟོང་བྱུང་བ་ཟློག༔ ཕུར་བུའི་དབལ་ཁ་འཕེན་པ་ཟློག༔ ཡུངས་ཀར་ཟོར་མདའ་འཕེན་པ་ཟློག༔ མུ་སྟེགས་བོན་པོའི་བྱད་ཟོར་ཟློག༔ བནྡེའི་ཧོམ་སྤར་ངན་པ་ཟློག༔ ཞང་ཞུང་བོན་པོའི་ཙོ་ཡང་ཟློག༔ སུམ་པའི་གླང་དང་ལིང་ཀྱང་ཟློག༔ མེ་ཉག་སྟག་པའི་འབོ་ལོ་ཟློག༔ ཁྱུང་པོའི་བཙན་དང་ཞ་ཐབས་ཟློག༔ གླང་ལ་ཐོང་ཤ་འགྱེད་པ་ཟློག༔ ཡས་ཀྱི་བདུད་དུ་གཡོས་པ་ཟློག༔ མོས་ཀྱི་སྲི་རུ་ལང་པ་ཟློག༔ ལྟག་པའི་
བདུད་དུ་ལྡང་བ་ཟློག༔ དཔྲལ་བའི་གཤེད་དུ་འཁོར་བ་ཟློག༔ ཕོ་སྲི་མོ་སྲི་ཆེ་སྲི་ཆུང་སྲི་ཟློག༔ དམ་སྲི་དབུལ་སྲི་གོད་སྲི་ཕུང་སྲི་ཟློག༔ ཕ་མེས་དུར་སྲི་བཙན་སྲི་ཟློག་བདུད་ཀྱི་ཐན་ངན་ཕྱག་བརྙན་ཟློག༔ ལོ་སྐག་ཟླ་སྐག་གཤེད་བཞི་ཟློག༔ ས་ལ་ཞག་རྩིས་འདེབས་པ་ཟློག༔ གནམ་ལ་ཟླ་གྲངས་འདེབས་པ་ཟློག༔ གཟའ་སྐར་ལོ་སྐག་ཟླ་སྐག་ཟ་སྐག་ཟློག༔ དུས་ཚོད་བརྩིས་ཏེ་བརྡེགས་པ་ཟློག༔ གནམ་གྱི་དལ་ཁ་ས་ཡི་ཡམས་ཁ་ཟློག༔ ཐོག་དབབ་དལ་ཀ་ཐམས་ཅད་ཟློག༔ བྱ་ཉེས་ལེན་ཉེས་ཐམས་ཅད་ཟློག༔ ཡུལ་མི་ཁྱིམ་མཚེས་དམོད་མོ་ཐམས་ཅད་ཟློག༔ གཡས་ནས་ཕོ་བརྒྱས་མདའ་བརྡར་ཟློག༔ གཡོན་ནས་མོ་བརྒྱས་དུག་གཡོས་ཟློག༔ མདུན་ན་རྩང་བཞིན་སྡོད་པ་ཟློག༔ རྒྱབ་ནས་ཁྱི་བཞིན་འབྲང་བ་ཟློག༔ མོ་ངན་སོག་སྡིག་ཐམས་ཅད་ཟློག༔ རྨིས་ངན་མཚན་ལྟས་ངན་པ་བཟློག༔ འུག་པ་ཉིན་ལ་རྒོད་པ་ཟློག༔ སྲོད་ལ་རྟ་ཕོ་འཚེར་བ་ཟློག༔ སྲིན་བྱས་ཁང་ཁྱིམ་ཀུས་འདེབས་ལྟས་ངན་བརྒྱད་ཅུ་རྩ་གཅིག་ཟློག༔ ཕ་ཚན་ནང་གི་རྒྱབ་འདྲེ་ཟློག༔ དར་ཚན་ནང་གི་སྟོང་འདྲེ་ཟློག༔ ཕུ་ནུ་ནང་གི་སྒོས་འདྲེ་
ཟློག༔ ཕོ་བདུད་དལ་ཁ་གཡས་སུ་ཟློག༔ མོ་བདུད་དལ་ཁ་གཡོན་དུ་ཟློག༔ སྤྱི་བདུད་དལ་ཁ་མཁའ་ལ་ཟློག༔ གཤིན་རྗེའི་ཁྲམ་ལ་འདེབས་པ་ཟློག༔ མ་མོའི་ཡམས་ནད་གཏོང་བ་ཟློག༔ བདུད་ཀྱི་ཚེ་ལ་རྐུ་བ་ཟློག༔ རྒྱལ་པོའི་སྨྱོ་འབོག་གཏོང་བ་ཟློག༔ བཙན་གྱི་གྲི་འཐབ་གཏོང་བ་ཟློག༔ དམུ་ཡི་དིག་ལྐུགས་གཏོང་བ་ཟློག༔ གཟའ་ཡི་ཀིང་ཀང་གཏོང་བ་ཟློག༔ ཀླུ་ནད་ཞ་གྲུམ་གཏོང་བ་ཟློག༔ ཐེའུ་རང་སྲི་ལ་རྐུ་བ་ཟློག༔ དུར་སྲི་ཝ་མོ་བརྒྱལ་བ་ཟློག༔ ལྟས་ངན་བརྒྱད་ཅུ་རྩ་གཅིག་ཟློག༔ ཡེ་འདྲོགས་སུམ་བརྒྱ་དྲུག་ཅུ་ཟློག༔ ལུས་ལ་ན་ཚ་གཏོང་བ་ཟློག༔ ཚེ་ལ་བར་ཆད་བྱེད་པ་ཟློག༔ ངོ་ནག་སྡིགས་མཛུབ་བྱེད་པ་ཟློག༔ ལུས་ལ་སྦྲུལ་ལྟར་འཁྲིལ་བ་ཟློག༔ ལྐོག་ན་འབུ་བཞིན་གཡེང་བ་ཟློག༔ ལུས་ལ་སྤེལ་ལྟར་འཛེགས་པ་ཟློག༔ རྒྱབ་ན་ཁྱི་བཞིན་ཟུག་པ་ཟློག༔ མི་ཁ་བྲ་མཆུ་ཐམས་ཅད་ཟློག༔ ཆག་ཆེ་ཉམ་ང་ཐམས་ཅད་ཟློག༔ ལོ་སྐག་ཟླ་སྐག་ཐམས་ཅད་ཟློག༔ ལྟོག་འགོང་དབུལ་སྲི་ཐམས་ཅད་ཟློག༔ ལོ་ནད་བཙའ་ནད་སེར་གསུམ་ཟློག༔ ལྟས་ངན་མཚན་ལྟས་ངན་པ་ཟློག༔ རྦོད་གཏོང་རྦད་འདྲེ་
ཐམས་ཅད་ཟློག༔ ལྷ་འདྲེ་མི་གསུམ་བྱད་ཁ་ཟློག༔ བྷྱོ་བྷྱོ་ཕོ་བློ་གཡས་སུ་བྱོ༔ བྷྱོ་བྷྱོ་མོ་བྷྱོ་གཡོན་དུ་བྷྱོ༔ སྡང་བྱེད་དགྲ་ཡི་སྟེང་དུ་བྷྱོ༔ གནོད་པར་བྱེད་པའི་བགེགས་ལ་བྷྱོ༔ བསམ་ངན་འཆང་བའི་དགྲ་ལ་བྱོ༔ ཟ་བར་བྱེད་པའི་འདྲེ་ལ་སྦྱོ༔ སྔ་དགྲ་ལག་གི་བདར་བའི་སྟེང་དུ་བྱོ༔ ཕྱི་དགྲ་ཡིད་ལ་བསམ་པའི་སྟེང་དུ་བྷྱོ༔ སློབ་མ་དམ་ལོག་བྱེད་པའི་སྟེང་དུ་བྷྱོ༔ བསམ་ངན་སྦྱོར་བ་རྩུབ་པའི་སྟེང་དུ་བྷྱོ༔ དགྲ་བགེགས་མ་ལུས་ཐམས་ཅད་ཀུན༔ དཔལ་ཆེན་འཁོར་དང་བཅས་པ་ཡིས༔ ཐམས་ཅད་གཅིག་ཏུ་བསྡུས་ནས་ནི༔ རྡུལ་ཕྲན་བཞིན་དུ་བརླག་པར་མཛོད༔ ཚལ་པ་ཚལ་པ༔ དུམ་བུར་དུམ་བུར༔ རྡུལ་ཕྲན་རྡུལ་ཕྲན༔ ཟློག་ཟློག༔ བྷྱོ་བྷྱོ༔ ཞེས་གཏོར་མ་དགྲ་ཕྱོགས་སམ༔ གང་གནོད་པའི་ཕྱོགས་སམ༔ དགྲ་ཡི་ཡུལ་མཐོང་སར་འཕང་༔ ཞིང་ལྤགས་བརྡབ༔ དུང་འབུད༔ གཏོར་གཞོང་མནན་པ་བྱ༔ བྲོ་བརྡུང་ངོ་༔ ༈ དེ་ནས་ངར་གླུད་མཐོ་གང་དེ་བྲན་སཾ་བྷ་རིས་བྱིན་གྱིས་བརླབས་ལ༔ ཀྱེ་སྣང་སྲིད་ལྷ་འདྲེ་ཡོངས་རྫོགས་ལ༔ བདག་ཅག་ཡོན་བདག་འཁོར་བཅས་ཀྱི༔ ཚེ་སྲོག་གླུད་དུ་ངོར་མི་འབུལ༔ ཕ་ནི་གནམ་ལ་མ་ནི་ས༔ རྒྱུ་ནི་རིན་ཆེན་འབྲུ་སྣ་ལྔ༔ རྐྱེན་
ནི་སྔགས་དང་ཕྱག་རྒྱས་སྤྲུལ༔ འབྲས་བུ་སྐུ་གསུང་ཐུགས་དང་ལྡན༔ ངོ་མཚར་གླུད་མཆོག་འདི་ཁྱེར་ལ༔ བཟུང་བ་ཐོངས་ལ་བཅིངས་པ་ཁྲོལ༔ ཕྱིན་ཆད་གནོད་པ་མ་བྱེད་ཅིག༔ ཅེས་ངར་མདོས་བསྔོ༔ ཧཱུྃ༔ ཚོམ་བུ་དགུ་ཡི་རིག་འཛིན་དཀྱིལ་འཁོར་ནས༔ ཁྲག་འཐུང་ཆེ་མཆོག་དཔལ་དགུ་བཞེངས་སུ་གསོལ༔ སྲས་སྤྲུལ་བཀའ་སྡོད་དམག་ཚོགས་དགྲ་ལ་བྷྱོ༔ ཕོ་ཉ་ལས་བྱེད་མང་པོ་དགྲ་ལ་ཡ༔ གཤིན་རྗེ་མ་མོའི་དམག་ཚོགས་དགྲ་ལ་བྷྱོ༔ ནད་དང་རིམས་ཀྱི་བདག་མོ་དགྲ་ལ་བྱོ༔ ལྷ་སྲིན་སྡེ་བརྒྱད་དམག་ཚོགས་དགྲ་ལ་བྷྱོ༔ སྡང་བར་བྱེད་པའི་དགྲ་ལ་བྷྱོ༔ གནོད་པར་བྱེད་པའི་བགེགས་ལ་བྷྱོ༔ ཞེས་མདོས་གྱེར་ཚར་ནས་རི་ལ་འབུལ་ན་འདི་ནས་རི་ལ་ཁྱེར༔ རི་ལ་འབུལ་ན་ཕྱོགས་དེར་ལིང་ག་བཙུགས༔ དཀར་གཏོར་དང་གཏོར་འབུལ་དམར་གཏོར་ལྷ་གྲངས་དེ་ནས་བཀའ་སྲུང་ཡོད་ན༔ གཏོར་ཟློག་རྣམས་གྲལ་དུ་རིམ་པར་བཤམས་ལ༔ དང་པོ་གསེར་སྐྱེམས་དང་དཀར་གཏོར་འབུལ༔ དེ་ནས་ཡས་མདའ་འཕང་༔ དེ་ནས་བཀུག་གཞུག་བྱས་ལ་ཟོར་དགུ་པོ་དང་ཟོར་ཆེན་འཕང་༔ ཟོར་ཆེན་མ་གྱུ་ན་དྲེགས་པའི་གཏོར་ཟློག་འཕང་༔ དར་ནག་བརྡབ༔ དེ་ནས་ལིངྒ་བསྲེགས་པའི་ཐལ་བ་དམར་གཏོར་ལ་བྲན་ནས་གཏོར་འབུལ་རྣམས་བྱ༔ དེ་ནས་གཏོར་ཟློག་
བཀྱག་ལ་བློ་ནས་ཟློག་ཐུང་གཅིག་འདོན་ནས༔ སར་བཞག་ལ་རྩང་ཤབ༔ ཕར་རྩེ་སྟོན་ལ་བསྒྱེལ་ལོ༔ ཁྱིམ་ན་ཡང་འབུལ་རུང་གི་འབུལ་ལུགས་རྒྱས་པ་རི་དང་འདྲ༔ བསྡུ་ན་དཀར་གཏོར་གསེར་སྐྱེམས་གཏོར་འབུལ་མི་དགོས༔ སླ་ང་ནང་དུ་ལིངྒ་བཞག་ལ་ཟོར་བརྒྱབ༔ ཟོར་ཆུང་ལིངྒ་གྲུ་གསུམ་མེ་ཧོམ་ནང་དུ་བསྲེགས༔ དེ་ནས་གཏོར་ཟློག་ཕུལ་བ་རི་དང་འདྲ༔ གལ་ཏེ་གཏོར་ཁ་བཏོན་ན་དཔལ་དགུའི་བསྐུལ་ཐུང་གང་རུང་རེ་འདོན་ཞིང་བརྒྱབ་པར་བྱའོ༔ རྒྱབ་ལུགས་ཞིབ་པར་ལོགས་སུ་བཀོད་དོ༔ གང་ལྟར་ཡང་སྐབས་འདིར་ཟོར་འཕེན་ཏེ༔ ༈ ཧོ༔ དགོངས་སུ་གསོལ༔ རྒྱལ་བ་དགོངས་པའི་བརྒྱུད་པ༔ རིག་འཛིན་བརྡའི་བརྒྱུད་པ༔ གང་ཟག་སྙན་ཁུང་བརྒྱུད་པ༔ ཐུགས་རྗེ་བྱིན་རླབས་བརྒྱུད་པ༔ བཀའ་བབས་དོན་གྱི་བརྒྱུད་པ༔ མཁའ་འགྲོ་གཏད་རྒྱ་བརྒྱུད་པའི་བླ་མ། ཡི་དམ་སྒྲུབ་ཆེན་བཀའ་བརྒྱུད་ཀྱི་ལྷ་ཚོགས་བདུན་བརྒྱ་ཉི་ཤུ༔ བཀའ་སྲུང་དམ་ཅན་རྒྱ་མཚོའི་བདེན་པའི་མཐུས༔ གནོད་བྱེད་དགྲ་བགེགས་བྱད་མ་དམ་སྲི་ཡིད་ལ་མནག་ཅིང་མིང་དུ་བྲིས་པ་འདི་གཟུགས་ལིངྒ་འདི་ལ་ཁུག་ཅིག༔ ཛཧཱུྃ་བོ་ཧོ༔ ལན་གསུམ༔ དེ་ནས་ཟོར་དགུ་རིམ་བཞིན་ཐོགས་ལ། ༈ ཧཱུྃ༔ མ་ཉེས་དཔང་དུ་དཀོན་མཆོག་བཞུགས༔ དགྲ་བགེགས་མ་གཏོགས་སྐུ་བཟུར་ཅིག༔
བཀའ་བརྒྱད་ཡོངས་རྫོགས་དམག་དཔུང་བསྐྱེད༔ དགྲ་བགེགས་སྙིང་ལ་ཕུར་ཟོར་རྒྱབ༔ རིམ་བཞིན་འགྲེས༔ ཐོད་ཟོར༴ མདའ་ཟོར༴ རྡོ་ཟོར༴ མེ་ཟོར་༴ གཏོར་ཟོར་༴ ཁྲག་ཟོར༴ ཀོང་ཟོར༴ བཛྲ་སརྦ་དུཎྞཾ་ཏྲིག་ནན་ཨེ་ཧུར་ཐུམ་ཛ༔ དགྲ་བགེགས་ནི་ཏྲི་ཤ་ཧཱུཾ་མཱ་ར་ཡ་རྦད༔ ཅེས་རེ་རེ་བཞིན་འཕང་ལ༔ དེ་ནས་ཟོར་ཆེན་ཐོགས་ལ་འདི་སྐད་དོ༔ ཧོ༔ དགོངས་སུ་གསོལ་ལོ༔ རང་བཞིན་ལྷུན་གྱིས་གྲུབ་པའི་ཕོ་བྲང་ལིང་དགུ་ནས༔ དཔལ་ཁྲག་འཐུང་གི་རྒྱལ་པོ་ཆེ་མཆོག་གཙོ་དགུ་ཡབ་ཡུམ་འཁོར་དང་བཅས་པ༔ ལྕེ་སྤྱང་མ་བརྒྱད༔ དབང་ཕྱུག་མ་ཉི་ཤུ་རྩ་བརྒྱད༔ གྲི་ཐོགས་ཀྱི་གིང་བཞི༔ ཁྲམ་ཐོགས་ཀྱི་བདུད་ཕོ་བཞི༔ ཤཱ་ཐོགས་ཀྱི་རྩིས་པ་བཞི༔ སྲོག་གཅོད་ཀྱི་ཤན་པ་བཞི༔ སྤྲུལ་པའི་ཁམས་བརྒྱ་མ་དྲུག༔ ཕྱོགས་བཞིའི་ལོང་བ་རྒྱབ་འདྲེལ༔ ཕོ་ཉ་ཁྱི་བརྒྱུད་སྤྱང་བརྒྱད༔ འཇིགས་པའི་འདབ་བཞི༔ རྔམས་པའི་འབྲུག་བཞི༔ རེ་ཏི་མཆེད་བཞི༔ བསེ་མོ་མཆེད་བཞི༔ སྐྱེས་བུ་གིང་བཞི༔ དམག་དཔོན་མཆེད་བཞི༔ ལས་བྱེད་མ་བརྒྱད༔ གཙུག་གི་མ་གསུམ༔ གསང་བའི་མ་གསུམ༔ རོ་ཁ་མཆེད་
གསུམ༔ གདོང་མོ་མཆེད་བཞི༔ རིགས་བཞི་དཔའ་བོ་མཁའ་འགྲོ༔ དྲེགས་པའི་སྡེ་དཔོན་སུམ་ཅུ༔ སྔགས་བདག་དྲེགས་ཆེན་བཅོ་བརྒྱད༔ མཁའ་འགྲོ་སུམ་ཅུ་རྩ་གཉིས༔ སྐྱེས་བུ་གིང་ཆེན་བཅོ་བརྒྱད༔ ལང་ཀ་བཅུ་གཉིས༔ འབར་མ་བརྒྱད༔ སྲིད་པའི་མ་མོ་བྱེ་བ་འབུམ་སྡེ༔ ཕོ་ཉ་ལས་མཁན་དང་བཅས་པ༔ སྣང་ཞིང་སྲིད་པའི་ལྷ་འདྲེ༔ འཇིགས་པའི་ཆ་ལུགས་དང་ལྡན་པ༔ དྲག་པོའི་ང་རོ་དང་ལྡན་པ༔ གདུག་པའི་ཞེ་སྡང་དང་ལྡན་པ༔ སྲིད་པ་གསུམ་ལ་དབང་བསྒྱུར་བ་ཁྱེད་རྣམས་ཀྱིས༔ ཉི་ཟླ་ཙམ་གྱིས་སྤྱན་བསྒྲད༔ གངས་རི་ཙམ་གྱིས་མཆེ་བ་གཙིགས༔ གློག་དམར་ཙམ་གྱིས་ལྗགས་བརྐྱངས༔ སྤྱིར་ཞིང་བཅུ་ཚང་བའི་བསྟན་པའི་སྤྱི་དགྲ༔ གནོད་ཅིང་འཚེ་བའི་གདོན་བགེགས་བསམ་ངན་འཆང་བའི་བྱད་མ༔ དོ་བསྡོ་བ༔ ཡ་བོ་བཟུང་བ༔ མཐུ་བུ་ལོན་བཞིན་དུ་སྙག་པ༔ དགྲ་ཡ་དང་གྱོད་ཡ་བྱེད་པ༔ འཛིང་ཡ་དང་འཁོན་ཡ་བྱེད་པ། འགྲས་ཡ་དང་རྩོད་ཡ་བྱེད་པ༔ དམག་སྣ་དང་དགྲ་སྣ་སྟོན་པ༔ ཇག་སྣ་དང་རྐུན་སྣ་སྟོན་པ༔ བྱད་ཁ་དང་ཕུར་ཁ་སྟོན་པ༔ བསམ་ངན་དང་སྦྱོར་རྩུབ་འཆང་བ༔ དེ་དགྲ་
དངོས་སུ་བསྡོ་བ༔ ཕྱི་དགྲ་ཡིད་ལ་བསམ་པ༔ ཁ་འོ་མ་བས་འཇམ་པ༔ སྙིང་ཚེར་མ་བས་རྩུབ་པ༔ སྲུང་བའི་ལེ་གུ་ལྷ་ལོག༔ བསླབས་པའི་སློབ་བུ་དམ་ལོག༔ བཞག་པའི་བྲན་གཡོག་སྙིང་རིང་༔ རུས་ཀྱི་ཕ་ཚན་རྒྱབ་ལོག༔ བཅོས་པའི་ནད་པ་སོས་ལོག༔ གཏམ་པའི་ཤག་རོགས་མནའ་ཟན༔ བཀའ་ལ་འདའ་བ༔ དམ་ལ་ལོག་པ༔ ཁྱད་པར་དུ་བསྲུང་བྱར་གྱུར་པའི་མི་ནོར་འཁོར་དང་བཅས་པ་རྣམས་ལ་གནོད་ཅིང་འཚེ་བའི་གདོན་བགེགས༔ ཟ་འདྲེ་ཤི་གཤེད༔ གོད་འདྲེ་གོད་སྲི༔ ནད་འདྲེ་གཅོང་སྲི༔ དར་སྲི་ཤི་སྲི༔ དགྲ་སྲི་གྱོད་སྲི༔ གཟུགས་ལིངྒ་ལ་བྲིས་པ༔ བརླ་འཁོར་ལོ་ལ་བསྐོར་བ༔ མིང་བྱང་བུ་ལ་བཏབ་པ་འདི་ཡི་བླ་ཚེ་སྲོག་དབུགས་ཁ་རྗེ་དབང་ཐང་དང་བཅས་པ་ལོ་དང་ཟླ་བར་མ་བཞག༔ ཞག་དང་ཟ་མར་མ་འགོར་བར༔ དྲག་པོ་ཐུན་གྱི་གཏོར་མ་འདི་དང་མཉམ་དུ་བཞེས་ཤིག༔ ཅེས་ཟོར་ཆེན་འཕང་༔ དར་ནག་བརྡབས༔ ཟོར་ལིང་བསྲེགས་ཐལ་བ་གཏོར་མར་བླུགས་ལ་བྲན༔ ཆོས་སྐྱོང་རྣམས་ཀྱི་གཏོར་འབུལ་རྒྱུས་བསྡུས་གང་འོས་དང་ཆད་མདོ་བྱ༔ ཆོས་སྐྱོང་དམག་ཐབས་ལ་དེ་ཚོ་མ་བྱས་ཀྱང་རུང་སྟེ་ཕྱག་ལེན་ལ་མེད་དོ༔ ༈ དེ་ནས་བཤལ་ཆུའི་བརྟན་མ་
སྐྱོང་བ་ནི༔ ཧཱུྃ༔ བརྟན་མ་སྐྱོང་མཛད་མ་དང་སྲིང་༔ དཔལ་གནས་མ་དང་ཡང་དག་ཤེས༔ ཁྱུང་བཙུན་རྐོང་ལྷ་གཡུ་བུན་མ༔ མེ་ཏོག་ཟླ་འོད་བྱང་རྒྱལ་མ༔ གསེར་ཐང་ཀུན་བཟང་ཤན་ཏིང་དཔལ༔ ཀླུ་མོ་གཟི་འབར་ལ་སོགས་ཏེ༔ བརྟན་མ་བཅུ་གཉིས་གཏོར་མ་ལོངས༔ མི་མཐུན་གནོད་པའི་ཕྱོགས་རྣམས་ཟློག༔ ཨོཾ་ཨ་ཧཱུཾ་བཛྲ་ཨ་མྲྀ་ཏ་ཁ་ཁ་ཁཱ་ཧི་ཁཱ་ཧི༔ མ་མ་ཧྲི༔ མ་མ་ཧྲི༔ ཁཱ་ཧི་ཁཱ་ཧི༔ དེ་ནས་གཏོར་གཞུང་ཁ་སྦུབ་ལ༔ རྒྱས་པར་ལས་བྱང་ལྟར་རམ༔ ན་མོ༔ དཀོན་མཆོག་གསུམ་དང་སྒྲུབ་པ་བཀའ་བརྒྱད་ཀྱི་ལྷ་ཚོགས་འཁོར་དང་བཅས་པའི་བདེན་པས་གནོད་བྱེད་དམ་སྲི་སྒབ་འདྲེ་ཐམས་ཅད་ས་རིམ་པ་དགུའི་མར་ཞབས༔ ལས་ཀྱི་གཤིན་རྗེའི་ལྟོ་བར༔ ཀླུ་བདུད་ནག་པོའི་ལག་པ༔ ཆུ་སྲིན་གདུག་པའི་གྲེ་བ༔ གཏོར་གཞོང་རི་རབ་འབར་བའི་འོག་ཏུ་ཁུག་ཅིག༔ ཛཧཱུྃ་བཾ་ཧོ༔ དེ་ནས་གཏོར་བྲོ་བྱ་བ་ནི་ལག་པ་ལུ་གུ་རྒྱུད་དུ་སྦྲེལ་ལ༔ ལས་བཞིའི་བྲོ་ར་སོ་སོར་བཅས་ལ༔ ཧཱུྃ༔ སངས་རྒྱས་ཀུན་གྱི་སྐུ་གསུང་ཐུགས༔ ཡོན་ཏན་ཕྲིན་ལས་རྫོགས་པའི་དཔལ༔ གཏི་མུག་བུདྡྷ་རྡོ་རྗེ་ལ༔ ཞི་བའི་ལྷ་དང་ལྷ་མོས་བསྐོར༔ དངུལ་ལམ་དཀར་པོའི་ཤིང་རྣམས་ལ༔
མགོ་བོ་རྒྱ་མདུད་རྩེ་ཟླུམ་པོ༔ སྐེད་པ་རྒྱ་མདུད་གཞལ་ཡས་ཁང་༔ ངོས་ལ་ཞི་བའི་ལྷ་བསྒོམས་ཏེ༔ བཏབ་པས་འཇིགས་བརྒྱད་ཞི་བར་འགྱུར༔ ཞི་མཛད་ལྷ་ལ་ཕྱག་འཚལ་བསྟོད༔ ཨོ་ཨོ་ཨཱ་མི་མཐུན་ཕྱོགས་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ༔ ཧཱུྃ༔ སངས་རྒྱས་ཀུན་གྱི་སྐུ་གསུང་ཐུགས༔ ཡོན་ཏན་ཕྲིན་ལས་རྫོགས་པའི་དཔལ༔ ང་རྒྱལ་རིན་ཆེན་རྡོ་རྗེ་ལ༔ རྒྱས་པའི་ལྷ་དང་ལྷ་མོས་བསྐོར༔ གསེར་རམ་སེར་པོའི་ཤིང་རྣམས་ལ༔ མགོ་བོ་རྒྱ་མདུད་རྩེ་གྲུ་བཞི༔ ངོས་ལ་རྒྱས་པའི་ལྷ་བཀོད་དེ༔ བསྟབས་པས་འབྱོར་དྲུག་རྒྱས་པར་བྱེད༔ རྒྱས་མཛད་ལྷ་ལ་ཕྱག་འཚལ་བསྟོད༔ སྲ་སྭ་སྭ་ཚེ་དང་བསོད་ནམས་ཐམས་ཅད་པུཊྚི་ཀུ་རུ་ཡེ་སྭཱ་ཧཱ༔ ཧཱུྃ༔ སངས་རྒྱས་ཀུན་གྱི་སྐུ་གསུང་ཐུགས༔ ཡོན་ཏན་ཕྲིན་ལས་རྫོགས་པའི་དཔལ༔ འདོད་ཆགས་པདྨ་རྡོ་རྗེ་ལ༔ དབང་གི་ལྷ་དང་ལྷ་མོས་བསྐོར༔ ཟངས་སམ་དམར་པོའི་ཤིང་རྣམས་ལ༔ མགོ་བོ་རྒྱ་མདུད་རྩེ་ཟླ་གམ༔ ངོས་ལ་དབང་གི་ལྷ་བཀོད་དེ༔ བཏབ་པས་སྣང་སྲིད་དབང་དུ་སྡུད༔ དབང་མཛད་ལྷ་ལ་ཕྱག་འཚལ་བསྟོད༔ ཧཱིཧིཧཱི༔ལྷ་འདྲེ་མི་གསུམ་དབང་དུ་འདུས་ཤིག་ཝ་
ཤཾ་ཀུ་རུ་ཡེ་སྭཱ་ཧཱ༔ ཧཱུྃ༔ སངས་རྒྱས་ཀུན་གྱིས་སྐུ་གསུང་ཐུགས༔ ཡོན་ཏན་ཕྲིན་ལས་རྫོགས་པའི་དཔལ༔ ཕྲག་དོག་ཀརྨ་རྡོ་རྗེ་ལ༔ དྲག་པོའི་ལྷ་དང་ལྷ་མོས་བསྐོར༔ ལྕགས་སམ་དྲག་པོའི་ཤིང་རྣམས་ལ༔ མགོ་བོ་རྒྱ་མདུད་རྩེ་ཟུར་གསུམ༔ ངོས་ལ་དྲག་པོའི་ལྷ་བཀོད་དེ༔ བཏབ་པས་དགྲ་བགེགས་རྡུལ་དུ་རློགས༔ དྲག་པོས་མ་བསྒྲལ་གང་ཡང་མེད༔ བརླག་མཛད་ལྷ་ལ་ཕྱག་འཚལ་བསྟོད༔ ཧཱ་ཧཱ་ཧཱ་དགྲ་བྱེད་གནོད་བྱེད་མཱ་ར་ཡ་ཧཱུྃ་ཕཊ༔ དེ་ནས་ཧཱུྃ་བཞིའི་སྔགས་ཀྱིས་མནན་ཏེ༔ ཨོཾ་སུམྦྷ་ནི་སུམྦྷ་ཧཱུྃ༔ གྲིབྷ་གྲིཉྩ་ཧཱུྃ༔ གྲཉྫཱ་པ་ཡ་གྲཉྫཱ་པ་ཡ་ཧཱུྃ༔ ཨཱ་ན་ཡ་ཧོ༔ བྷ་ག་ཝཱན་བིརྱ་རཱ་ཙ་ཡ་ཧཱུྃ་ཕཊ༔ བསྡུ་ན། ཧཱུྃ༔ ཆེ་མཆོག་དཔལ་དགུ་རོལ་པའི་བྲོ༔ དགྲ་བགེགས་དམ་སྲིའི་སྟེང་དུ་བརྡུང་༔ ཞི་ཁྲོ་བཀའ་བརྒྱད་རོལ་པའི་བྲོ༔ དགྲ་ནི་དུམ་བུར་གཏུབ་པའི་བྲོ༔ བགེགས་རྣམས་ཕྱེ་མར་བཏང་བའི་བྲོ༔ རུ་ཏྲ་དམ་སྲི་རྡུལ་དུ་རློགས༔ ཧཱུཾ་ཧཱུཾ་བྷ་ཡ་ནན༔ དེ་ནས་རྐང་པ་གཡས་གཡོན་གྱི་དཀྱིལ་དུ་གདབ་ཅིང་༔ ཧཱུྃ༔ དང་པོ་ཆོས་ཀྱི་དབྱིངས་ཀྱི་རྒྱ༔ གཉིས་པ་ཐབས་དང་ཤེས་རབ་རྒྱ༔ གསུམ་པ་སྐུ་གསུང་ཐུགས་ཀྱི་རྒྱ༔ དོན་དམ་བརྡའ་སྦྱར་རྟགས་ཀྱི་ཚུལ༔
གཉིས་སུ་མེད་པར་རྒྱས་གདབ་བོ༔ དཔལ་དགུའི་སྔགས་ཤམ་དུ༔ ཨོ་ལཾ་ཧཱུཾ་ལཾ་་དགྲ་བགེགས་དམ་སྲི་སྟེ་བྷ་ཡ་ནན༔ ཞེས་ཐོ་བཙུགས་ཁྱུང་གིས་སྒབ་འདྲེ་བཅད་པ་ནི༔ རང་ཕྱོགས་ཀྱི་དབུ་ལ་ཁྱུང་གསལ་བར་བསྒོམས་ལ་སྒབ་འདྲེ་བཅད་པར་བསམས་ལ༔ ཨོཾ་བཛྲ་ག་རུ་ཊ་ཙ་ལེ་ཙ་ལེ་ཧཱུྃ་ཕཊ༔ ཧཱུྃ༔ ཆེ་མཆོག་སྤྲུལ་པའི་བྱ་ཁྱུང་རྒྱལ༔ མཐུ་རྩལ་སྟོབས་ཀྱིས་སྡེ་བརྒྱད་འདུལ༔ བགེགས་དང་འབྱུང་པོའི་ཕྱིར་ལམ་ཆོད༔ བཛྲ་ག་རུ་ཊ་ཡ་ཧཱུྃ་ཕཊ༔ སརྦ་བྷུ་ཏ་ནན༔ ཤིང་བྱང་ལ་ཁྲོ་དང་གཡུང་དྲུང་བྲིས་ལ་བཙུགས༔ ལམ་དུ་ཕྱི་མིག་མི་ལྟ་བར་རྣམ་འཇོམས་དང་ཁྱུང་སྔགས་བཟླ་ཞིང་འོང་སྲོལ་ཡོད༔ ༈ དེ་ནས་གཏོར་མ་བསྐྱལ་ཚར་ནས་ཡང་ཁྱིམ་དུ་དཀྱིལ་འཁོར་གྱི་དྲུང་དུ་ཕྱིན་མ་ཐག་ལ་སྔགས་ཆས་རྣམས་མ་ཕུད་པར་བྲོ་བརྡུང་ཞིང་༔ ཧཱུྃ༔ གྲུ་གསུམ་མཐིང་ནག་འབར་བའི་དཀྱིལ་འཁོར་ནས༔ ཆེ་མཆོག་དཔལ་དགུའི་ལྷ་ཚོགས་སྐུར་བསྒོམ་སྟེ༔ བདུད་དང་ཉོན་མོངས་གཡུལ་ངོ་ཆེན་པོ་ལས༔ ད་ནི་སྔགས་འཆང་རྣལ་འབྱོར་གཡས་སུ་རྒྱལ༔ བར་ཆད་རྐྱེན་ངན་གཡུལ་ངོ་ཆེན་པོ་ལས༔ ད་ནི་སྔགས་འཆང་རྣལ་འབྱོར་གཡས་སུ་རྒྱལ༔ ནད་གདོན་བགེགས་ཀྱི་གཡུལ་ངོ་ཆེན་པོ་ལས༔ ད་ནི་སྔགས་འཆང་རྣལ་འབྱོར་གཡས་སུ་རྒྱལ༔ རོལ་མོ་དཀྱིལ་
འཁོར་ལ་ཕྱག་གསུམ་འཚལ། དེ་ནས་ཚེའི་འབྲང་རྒྱས་ཡོད་ན་ཡོན་བདག་གི་སྤྱི་བོར་བཞག་ལ། ཧཱུྃ༔ རྒྱལ་བ་ཞི་ཁྲོ་ཚེ་ཡི་བདག༔ ཅེས་ཀྱང་མི་འགྱུར་མི་ཤིགས་པ༔ ཚེ་སྲོག་བླ་ཁུག་རྒྱས་ཐོབ་ཅིག༔ ཨོཾ་བཛྲ་ཨ་ཡུ་ཥ་ཧཱུཾ་ཧཱུཾ་ནི་ཛ༔ ཚེ་དབང་དུ་གྱུར་ཅིག༔ སོགས་བརྗོད། དེ་ནས་བཤགས་པ་བྱ་བ་ནི། ཚེ་འཆང་དང་བཅས་པ་ཚེའི་འབྲང་རྒྱས་མཚོན་མི་བཏང་བར་བསྒོམ་སྟེ་རོལ་ལོ༔ ཧཱུྃ༔ བདེ་གཤེགས་ཞི་ཁྲོ་ཡོངས་རྫོགས་དགོངས༔ སྔོན་ནས་རང་དང་མཉམ་ཉིད་དོན༔ མ་རྟོགས་རང་མཚན་སོ་སོར་བཟུང་༔ དབྱེར་མེད་རྣམ་དག་ཀློང་དུ་བཤགས༔ ས་མ་ཡ་ཨི་ཧོ་ཤུདྡྷེ་ཨཱ༔ ཨོཾ་བཛྲ་ཧེ་རུ་ཀ་ས་མ་ཡ་སོགས་ཡིག་བརྒྱ་བརྗོད༔ དེ་ནས་མཆེད་ལྕམ་རྣམས་མདའ་དར་གཡོན་མར་འཆང་ཞལ་བུ་རེ་ཐོགས༔ སློབ་དཔོན་གྱིས་མེ་ཏོག་གཏོར་ཞིང་༔ ཧཱུྃ༔ རྣམ་སྣང་བཀྲ་ཤིས་ཆོས་དབྱིངས་ཡེ་ཤེས་སྐུ༔ བཀྲ་ཤིས་དེས་ཀྱང་དེང་འདིར་བདེ་ལེགས་ཤོག༔ རྡོར་སེམས་བཀྲ་ཤིས་མེ་ལོང་ཡེ་ཤེས་སྐུ༔ བཀྲ་ཤིས་དེས་ཀྱང་དེང་འདིར་བདེ་ལེགས་ཤོག༔ རིན་འབྱུང་བཀྲ་ཤིས་མཉམ་ཉིད་ཡེ་ཤེས་སྐུ༔ བཀྲ་ཤིས་དེས་ཀྱང་དེང་འདིར་བདེ་ལེགས་ཤོག༔ སྣང་མཐའི་བཀྲ་ཤིས་སོར་རྟོག་ཡེ་ཤེས་སྐུ༔ བཀྲ་ཤིས་དེས་ཀྱང་དེང་འདིར་བདེ་
ལེགས་ཤོག༔ དོན་གྲུབ་བཀྲ་ཤིས་ནན་ཏན་ཡེ་ཤེས་སྐུ༔ བཀྲ་ཤིས་དེས་ཀྱང་དེང་འདིར་བདེ་ལེགས་ཤོག༔ སརྦ་སིདྡྷི་ཧཱུཾ༔ ཞེས་བཀྲ་ཤིས་ཀྱི་རྫས་དངོས་གྲུབ་ཏུ་རོལ༔ ཧོ༔ བསོད་ནམས་ཡེ་ཤེས་ཚོགས་གཉིས་དགེ་སྤྱད་མཐུ་བྱིན་གྱིས༔ བདག་གཞན་འགྲོ་བ་མ་ལུས་ཐམས་ཅད་ཀུན༔ ཞི་རྒྱས་དབང་དྲག་བཞི་ལ་མངའ་བརྙེས་ཏེ༔ སྐུ་གསུམ་ལྷུན་གྲུབ་འགྲོ་དོན་མཐར་ཕྱིན་ཤོག༔ སྨོན་ལམ་བཏབ་པ་ནི༔ ཧཱུྃ༔ དང་པོ་ཆོས་སྐུ་སྐྱེ་མེད་ངང་ཉིད་ལས༔ འགྲོ་དོན་སྐྱེ་བའི་ཆོ་འཕྲུལ་ཚོམ་བུ་དགུ༔ ཞི་ཁྲོ་ཡོངས་རྫོགས་འགྲོ་བ་ཀུན་བཏུལ་ནས༔ སླར་ཡང་རྣམ་དག་ཆོས་དབྱིངས་ཀློང་དུ་བསྡུ༔ ཨོཾ་ཨཱཿཧཱུྃ༔བཛྲ་མུཿ མཎྜལ་མཐའ་ནས་དབུས་སུ་བསྡུའོ༔ བདག་བསྐྱེད་སྣོད་བཅུད་ཐམས་ཅད་རང་ལ་བསྡུའོ༔ དེ་ནས་ཧཱུྃ་ཡིག་གྱེན་དུ་ཐིག་ལེར་བསྡུས་ནས་སྤྲོས་བྲལ་མྱང་འདས་ངང་ལ་ས་ལེར་བཞག༔ དེ་ནས་ཆད་ལྷག་ཁ་བཀང་བ་ནི༔ ཨཱ་ཨཱ་སོགས་དབྱངས་གསལ༔ ཨོཾ་བཛྲ་ཧེ་རུ་ཀ་ས་མ་ཡ༔ སོགས་ཡིག་བརྒྱ་དང་༔ དེ་ནས་རྒྱུན་སྤྱོད་གོ་བགོ་བ་ནི༔ ཧཱུྃ༔ ངར་འཛིན་རྣམ་དག་སྒྱུ་ལུས་མཁའ་འདྲ་འདི༔ དཔལ་ཆེན་སྐུ་གསུང་ཐུགས་ཀྱིས་རྒྱས་བཏབ་སྟེ༔ བདེན་པ་དབྱེར་མེད་ལྟ་སྤྱོད་ཟུང་འབྲེལ་ནས༔ རྒྱུན་དུ་
འགྲོ་བ་འདྲེན་པའི་སྤྱོད་ལམ་བྱ༔ ཨོཾ་ཨཱཿཧཱུྃ་ཧྲིཧོ༔ ལས་བྱང་ལྟར་ལུས་སྲུང་གོ་བགོས་རྒྱུན་གྱི་སྤྱོད་ལམ་ལ་འཇུག་གོ༔ ཨེ་མ་ཧོ༔ བཀའ་བརྒྱད་ཁྲོ་བོ་རོལ་པའི་གཏོར་ཟློག་ཅེས༔ གངས་རིའི་ཁྲོད་འདིར་ཉི་ཟླ་ལྟར་གྲགས་ཀྱང་༔ ཕྱོགས་འདིར་ཅི་བཞིན་རྟོགས་པ་ཤིན་ཏུ་དཀོན༔ རྒྱས་བསྡུས་འབྲིང་དང་ཤིན་ཏུ་བསྡུས་པའི་ཚུལ༔ བཅས་དང་འདོན་འགྲིགས་སོ་སོར་མི་འགྱེད་པ༔ ཅི་བྱ་བརྟོལ་མེད་གང་བྱུང་དཔེ་རྣམས་འདོན༔ དེ་ལ་མ་བཟོད་བདག་གིས་འགྲིགས་འདི་བཀོད༔ ཕྱི་རབས་འདི་ལ་མོས་པའི་སྔགས་འཆང་རྣམས༔ རྒྱས་པར་འདོད་ན་ཉང་ལུགས་རྒྱས་པ་ལོངས༔ འབྲིང་པོར་འདོད་ན་ཆོས་དབང་ལུགས་ལྟར་གྱིས༔ བསྡུས་པར་འདོད་ན་འདི་ཉིད་ཉམས་སུ་ལོངས༔ ལས་བྱང་ཟློག་གཞུང་གཏེར་གཞུང་སླད་མེད་ཡིན༔ གོང་འོག་ཆ་ལག་ཧ་ཅང་ཉོབ་པ་རྣམས༔ གཏེར་གཞུང་དོན་བསྡུས་བདག་གིས་ཉུང་ངུར་བཀོད༔ འདི་ལ་འགལ་འཁྲུལ་བཅོས་སླད་ཉེས་པ་རྣམས༔ ཨོ་རྒྱན་རྗེ་དང་བཀའ་བརྒྱད་ལྷ་ལ་བཤགས༔ འདི་བྲིས་བདག་དང་འདི་ཉིད་ཉམས་ལེན་དང་འབྲེལ་པ་ཐོབ་པའི་ཡོན་བདག་ཐམས་ཅད་ཀྱང་༔ གནས་སྐབས་ཚེ་རིང་ནད་མེད་དཔལ་འབྱོར་རྒྱས༔ མཐར་ཐུག་ཀུན་བཟང་གོ་འཕང་ཐོབ་པར་ཤོག༔ ཅེས་པ་སྔགས་འཆང་ཀརྨ་ཨ་རཱ་གས་སྦྱར་བའོ༔ སརྦ་མངྒ་ལཾ༔ ཤུ་བྷཾ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་ཕར་བསྐྲུན་ཞུས།