ཀིང་ཀང་གི་ཟློག་ཐུང་།
དེ་ནས་ལམ་བསྟན་པ་ནི། ཧཱུྃ། གཤིན་རྗེ་འཁོར་བཅས་སྙན་གསོན་འཚལ། །འདི་ནས་ལྷོ་ཕྱོགས་དཔག་ཚད་ནི། །བརྒྱད་ཁྲི་འདས་པའི་ཕ་རོལ་ན། །ལྕགས་མཁར་ཐོད་པའི་དབུས་ཉིད་ནས། །ཡི་དྭགས་སྟོང་དཔོན་མ་མོའི་རྗེ། །གསོན་པོ་སྐོས་འདེབས་གཤིན་གྱི་རྒྱལ། །གསོན་གཤིན་གཉིས་ཀྱི་ཟམ་སོ་ནས། །དགེ་བའི་གྲོགས་མཛད་སྡིག་ཅན་གཤེད། །ལེགས་ཉེས་གཉིས་ཀྱི་སྟངས་འཛིན་པ། །ཆོས་རྒྱལ་གཤིན་རྗེ་ཞེས་བྱ་བཞུགས། །དེ་ཡི་འཁོར་གྱི་ཡམས་བདག་དང་། །འཆི་བདག་གཤིན་རྗེ་འཁོར་བཅས་ལ། །འདོད་པའི་ཡས་སྟགས་མཆོད་པ་འབུལ། །བདག་ཅག་ཡོན་མཆོད་འདི་རྣམས་ལ། །འགལ་རྐྱེན་གནོད་པ་མ་བྱེད་ཅིག །དེ་བཞིན་གཤེགས་པའི་སྦྱིན་སྟོབས་ཀྱིས། །འཆི་བདག་འཁོར་བཅས་རང་གནས་སོང་། །གཞན་ལ་གནོད་འཚེའི་བསམ་པ་སྤོངས། །སོང་ཞིག་གཤིན་རྗེ་གནས་དེར་སོང་། །ད་ལྟར་ཉིད་དུ་འགྲོ་བར་གྱིས་།ཕྱིན་ཆད་འཁོར་འདིར་གཏོགས་པ་ལ། །ཁྱོད་ཀྱིས་གནོད་པ་མ་བྱེད་ཅིག །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་སྐལ་པ་བཟང་། །ལོངས་
སྤྱོད་རྒྱ་ཆེན་ཀུན་ཐོབ་ཅིང་། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱི་སྡོང་གྲོགས་མཛོད། །དུས་མིན་འཆི་བའི་ནད་རྣམས་དང་། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཆོས་འཕེལ་བ། །བདེ་ལེགས་ཐམས་ཅད་འབྱུང་བའི་གནས། །ཡིད་ལ་འདོད་པ་ཀུན་འགྲུབ་མཛོད། །མཐུ་རྩལ་ཅན་གྱིས་བསྟན་པ་སྲུངས། །དེ་རིང་ཉི་མ་ཕྱིན་ཆད་ནས། །བདག་དང་རྒྱུ་སྦྱོར་ཡོན་བདག་ལ། །གདུག་པའི་བསམ་པ་མ་གཏོང་ཞིག །མདོས་གླུད་དགྲ་བོའི་སྟེང་དུ་བསྒྱུར། །སྐག་བདུད་གཤེད་གསུམ་མདོས་ཀྱིས་བསྒྱུར། །སྦྱོ་བྱོསྡང་བའི་དགྲ་ལ་སྦྱོ། །བྷྱོ་ཕྱོཋགནོད་པའི་བགེགས་ལ་བྷྱོ༔ །བྷྱོ་བྷྱོ་བྱད་མའི་སྟེང་དུ་བྷྱོ༔ །བྷྱོ་སྦྱོ༔བར་ཆད་བདུད་ལ་བྷྱོ༔ །འཆི་བདག་ཚེ་བདག་སྲོག་བདག་དང་། །ལོ་གཤེད་བཅུ་གཉིས་དགྲ་ལ་བྷྱོ༔ །།དགྲ་བགེགས་བྱད་མ་དམ་ཉམས་འདི། །གཤིན་རྗེ་ཁྱོད་ཀྱིས་ཁྲམ་ལ་ཐོབ། །དུས་
ལ་བབ་བོ་ས་མ་ཡ། །མ་གཡེལ་མ་འདའ་གཤིན་རྗེའི་ཚོགས། །དགྲ་བགེགས་སྟེང་དུ་མདོས་ཟོར་བསྒྱུར། །བཟློག་ཅིག་བསྒྱུར་ཅིག་ས་མ་ཡ། །བྷྱོ༔ མདོས་ཟོར་ཤ་ཁྲག་གཏོར་མ་འདིས༔ ད་ལྟ་རྣལ་འབྱོར་བདག་ཅག་ལ༔ སྡེ་བརྒྱད་ཆད་པ་བྱུང་བ་ཟློག༔ བྱད་ཟོར་ཕུར་ཁ་ཐམས་ཅད་ཟློག༔ བན་དེའི་སྔགས་ཟོར་འདུས་པ་ཟློག༔ མུ་སྟེགས་བོན་པོའི་ཛོ་དམར་ཟློག༔ ལྷ་འདྲེའི་ཟ་ཁ་ཟུག་པ་ཟློག༔ རྒྱལ་པོ་ལོ་ཡི་བདུན་ཟུར་ཟློག༔ བློན་པོ་ཟླ་བའི་དབང་བཙན་ཟློག༔ དམག་མི་ཞག་གི་དཔུང་དགྲ་ཟློག༔ མཚོན་ཆ་དུས་ཀྱི་རྣོ་ངར་ཟློག༔ སྤར་ཁའི་སྐྱ་མདའ་ཟུག་པ་ཟློག༔ སྨེ་བ་དུར་དུ་ཚུད་པ་ཟློག༔ ས་བདག་ཀོ་ལོང་གདུག་རྩུབ་ཟློག༔ འབྱུང་བའི་དགྲ་གཤེད་འཐབ་པ་ཟློག༔ གཟའ་སྐར་དུས་ཚོད་ངན་པ་ཟློག༔ ལོ་ཟླ་ཞག་དུས་བབ་པ་ཟློག༔ ཁྲམ་དང་བྱད་དུ་བཅུག་པ་ཟློག་ཧོམ་དང་པར་བུ་བསྐོར་བ་ཟློག༔ དགྲ་ཆེན་བདུད་དུ་ལང་བ་ཟློག༔ ལྟས་ངན་གློ་བུར་ཡེ་འདྲོགས་ཟློག༔ དུས་མིན་འཆི་བ་རྣམ་བརྒྱད་ཟློག༔ མི་ཁ་བྲ་མཆུ་ཐམས་ཅད་ཟློག༔ ཆག་ཆེན་ཉམ་ང་ཐམས་ཅད་ཟློག༔ སྔོན་སྒུག་ཕྱིས་
ནས་དེད་པ་ཟློག༔ དགྲ་སྣ་ཕུང་སྣ་གྱོད་སྣ་ཟློག༔ ནད་སྣ་རིམས་སྣ་ཡམས་སྣ་ཟློག༔ དགྲ་སྲི་རྨི་ངན་ཐམས་ཅད་ཟློག༔ ཆེ་སྲི་ཆུང་སྲི་རྒན་སྲི་ཟློག༔ གཞོན་སྲི་དར་སྲི་གོད་སྲི་ཟློག༔ དགྲ་སྲི་མཚོན་སྲི་ནད་སྲི་ཟློག༔ མདོར་ན་སྲིད་པའི་ཆག་སྒོ་དང་་་་བདག་ལ་གནོད་པའི་དགྲ་བགེགས་རྣམས་སྡང་བྱེད་དགྲ་ཡི་སྟེང་དུ་བྷྱོ༔ གནོད་བྱེད་བགེགས་ཀྱི་སྟེང་དུ་བྷྱོ༔ བར་ཆོད་བདུད་ཀྱི་སྟེང་དུ་བྷྱོ༔ ཟ་འདྲེ་ཕུང་སྲིའི་སྟེང་དུ་བྷྱོ༔ དམ་ཉམས་བྱད་མའི་སྟེང་དུ་བྷྱོ༔ ཨོཾ་བཛྲ་ཀྲོ་ཏ་ཧྱ་གྷི་ཝ་ཧུ་ལུ་ཧུ་ལུ། བཛྲ་ཙན་གནོད་བྱེད་སརྦ་དུཥཱན་ད་ཧ་པ་ཙ་ཧཱུྃ་ཕཊ༔ ཨེ་ཀ་དུ་ན་ཟློག༔ མ་ཧཱ་དུ་ན་ཟློག༔ ས་ག་དུ་ན་ཟློག༔ ཙ་དུར་སྙིང་ལ་ཟློག༔ སུམ་ཏྲི་རཀྵ་ཟློག༔ བྱད་ཟོར་ཕུར་ཁ་ཆག་ཆེན་ཉམ་ང་ལྟས་ངན་ཆོ་འཕྲུལ་དུས་མིན་འཆི་བ་ཐམས་ཅད་མཱ་ར་ཡ་བྷྱོ་བློ་ཟློག་ཟློག༔ སྒྲུབ་ཆེན་ནས་ཟློག་པ་མང་བྱ་གསུངས་པས་གཞུང་ན་མེད་ཕྱིར་ཀིང་ཀང་གི་ཟློག་ཐུང་༢རཱ་ག་ཨ་སྱས་སབ་པའོ།།