ཀིང་ཀང་ལས་བྱང་དུག་རི་མེ་འབར།
ཀིང་ཀང་ལས་བྱང་དུག་རི་མེ་འབར་བཞུགས་སོ༔ ཨེཿ དམ་ཡེ་དབྱེར་མེད་སྐད་ཅིག་དྲན་རྫོགས་སུ༔ བདག་མདུན་འཇམ་དཔལ་ལས་ཀྱི་གཤིན་རྗེ་ནི༔ ཁྲག་མདོག་དམར་ནག་ཉི་ཟླའི་སྤྱན་གསུམ་བསྒྲད༔ གནམ་ས་ཞལ་གདངས་གངས་རི་མཆེ་བ་གཙིགས༔ གློག་དམར་འཁྱུག་ལྕེ་སྤྲིན་ནག་འཁྲུགས་འདྲའི་སྐྲ༔ གཡས་པས་ལྕགས་ཀྱུས་དག་བོའི་སྙིང་ནས་འདྲེན༔ གཡོན་པས་ཐོ་ཆེན་དགྲ་བགེགས་ཀླད་ཁྲག་འགེམས༔ གཅེར་བུ་རྒྱན་མེད་རླུང་ནག་འཁྲུགས་པའི་དབུས༔ ཁམས་གསུམ་དབང་སྡུད་སྲིད་གསུམ་ཟིལ་གྱིས་གནོན༔ སྣང་སྲིད་དྲེགས་པའི་དཔུང་དང་བཅས་པ་གསལ༔ ཧཱུྃ༔ སྲིད་ཞི་ཆོས་དབྱིངས་མཐའ་དབུས་བྲལ་བ་ནས༔ ཀིང་ཀང་དམར་ནག་མ་ནིང་ཏྲག་ཤད་སོགས༔ བཀའ་སྲུང་དམ་ཅན་ཐམས་ཅད་འདིར་བྱོན་ཅིག༔ སྡང་དགྲ་གནོད་བྱེད་སྟེང་དུ་དགྱེས་པར་བཞུགས༔ དགྲ་བོའི་ཁ་རྗེ་དབང་ཐང་སྟོབས་གཟི་བརྗིད༔ ཤ་ཁྲག་སྲོག་དབུགས་མཆོད་པ་འབུལ་གྱིས་བཞེས༔ ཀིང་ཀང་དམར་ནག་མ་ནིང་ཏྲཀ་ཤད་སོགས༔ ཡེ་ཤེས་འཇིག་རྟེན་སྲུང་མ་ཀུན་ལ་བསྟོད༔ བདག་ནི་སློབ་དཔོན་པདྨའི་རྗེས་འཇུག་སྟེ༔
གསང་སྔགས་ཆོས་ཀྱི་འགྲོ་དོན་བགྱིས་སྙམ་གྱིས༔ དམ་ཉམས་དགྲ་བགེགས་རྣམས་ཀྱིས་མ་སྟེར་རམ༔ དམ་ཅན་རྒྱ་མཚོས་གཟུ་དཔང་དྲང་ཤན་ཕྱེས༔ ཨེ༔ མདུན་དུ་འཇིགས་རུང་གཤིན་རྗེའི་གྲོང་ཁྱེར་དབུས༔ ལྕགས་སྲེག་ཁང་སྒྲོམ་ཟུར་གསུམ་ཁ་དོག་པ༔ མཐིལ་ཡངས་དུག་མཚོན་ནད་ཀྱི་མུན་པ་འཁྲིགས༔ དེ་ནང་ནི་ཏྲི་ལས་བྱུང་དགྲ་དང་བགེགས༔ མངོན་སུམ་ལྟ་བུར་གསལ་བ་ཉིད་དུ་གྱུར༔ ན་མོ༔ དཀོན་མཆོག་གསུམ་དང་རྩ་བ་གསུམ༔ ཀིང་ཀང་དམར་ནག་འཁོར་བཅས་བདེན་པའི་མཐུས༔ ད་དགྲ་དངོས་བསྟར་ཕྱི་དགྲ་ཡིད་ལ་བསམ༔ བསམ་ངན་སྦྱོར་རྩུབ་ཕྲག་དོག་མཐོ་ནོན་བྱེད༔ དོ་བསྡོ་ཕོད་བཙུགས་བྱེད་པའི་དགྲ་བགེགས་རྣམས༔ ད་ལྟ་ཉིད་དུ་ལིང་ག་འདི་ལ་ཁུག༔ སྤྲུལ་པའི་ཕོ་ཉ་བྱེ་བ་འབུམ་སྡེ་ཡིས༔ ལྕགས་ཀྱུས་སྙིང་ཟུངས་ཞགས་པས་སྐེ་ནས་ཁྲིད༔ ལས་རླུང་རྟ་ལ་བསྐྱོན་ནས་གཟུགས་ལ་ཕོབ༔ སྲུང་ཞིང་སྐྱོབ་པའི་ལྷ་སྲུང་ཀུན་དང་ཕྲོལ༔ ལྕགས་སྒྲོག་བསྡོམས་ལ་དྲིལ་བུས་མྱོས་པར་གྱིས༔ ཨོཾ་མཉྫུ་ཤི་ཡ་མཱནྟ་ཀ་ཡ་མ་རཱ་ཙ་དགྲ་བགེགས་ཛཿཧཱུྃ་བཾ་ཧོཿ དགྲ་བོའི་བླ་ཤ་རེ་མ་ཏི་འགྲིམ་འགྲིམ༔ ཤ་མ་
དུནྟི་ཐུཾ་ཐུཾ༔ མྱོག་མྱོག༔ ཡེད་ཡེད༔ ཤ་མ་དུན་ཏི་ཁུག་ཁུག༔ ལིང་མྱོག་ལིང་ཤག་ལིང་ཐུ༔ ཙ་མུནྟི་ཛཧཱུྃ་བཾ་ཧོཿ ཁོ་ཡི་ལྷན་ཅིག་སྐྱེས་པའི་ལྷ་དང་བདུད༔ དུག་སྦྲུལ་དཀར་ནག་གཉིས་སུ་གྱུར་ནས་ཀྱང་༔ ལུས་ཀྱི་གཡས་གཡོན་འཁྱུད་ཅིང་ལྕེ་ཡིས་ལྡག༔ དེ་ཚེ་སྤྱི་བོར་སྣ་ཚོགས་རྡོ་རྗེ་ནི༔ གསོར་ལྟར་འཁོར་བས་ཀླད་ཁྲག་སྙིང་ཁྲག་དཀྲུགས༔ སྦྲུལ་གཉིས་སྣ་བུག་བཤང་ལམ་ནས་ཞུགས་ཏེ༔ རྐང་ལག་རྣམས་ཀྱང་སྦྲུལ་གྱིས་དམ་བཅིངས་གྱུར༔ ཨོཾ་མཉྫུ་ཤི་ཡ་མཱནྟ་ཀ་ཡ་མ་རཱ་ཙ་ཧཱུྃ་ཕཊ༔ ཨོཾ་ཀིང་ཀང་ཐུ་རིལ་ནཾ་མྱོག༔ བསྒྲིབ་ཧྲཱིཿང་དགྲ་བོ་ཝཱཀྐ་སྟེ་བྷ་ཡ་ནན། བྷིགན༔ དགྲ་བོ་ཐུ༔ དེ་ཤོ་དེ་ཤཾ༔ བྱུར་བྲུབ་བྷི་ཤ་ཙཀྲ༔ ཧ་ལ་ཧ་ལ༔ ཧལ་ཏ་ཧལ་ཏ༔ ཧཱུཾ་ས་མ་ཡ་སྒྲིབ་ཧྲཱིཿང་༔ དགྲ་བོ་ཙཱ་བྷ་ཡ་རཀྵ་ནམ༔ ཧཱུཾ་ཧཱུཾ་ལཾ་ལཾ་ཧཱུཾ་ལཾ་ཤཾ་ལཾ༔ དགྲ་བོ་མཱ་ར་ཡ་རྦད་ནན༔ ཆིངས་ཤིག༔ ལོ་ཟླ་ཞག་དུས་སྲོག་ལུས་དབང་ཐང་ལ༔ རླུང་རྟ་དགྲ་དར་ཐམས་ཅད་མཱ་ར་ཡ་རྦད་ནན༔ ད་དགྲ་ཕྱི་དགྲ་བསམ་ངན་སྦྱོར་རྩུབ་དང་༔ དུག་གཡོས་བྱེད་པ་ཐམས་ཅད་མཱ་ར་ཡ་རྦད་ནན༔ ཁ་སྨྲས་ཁ་མཆུ་མི་ཁ་གྱོད་བྱུར་དང་༔ དགྲ་
སྣ་གྱོད་སྣ་ཐམས་ཅད་མཱ་ར་ཡ་ཆད་ནན་གསོད་ཤོམ་འཕྲོག་ཤོམ་བརྡུང་ཤོམ་བྱེད་པ་དང་༔ གནོད་པར་བྱེད་པ་ཐམས་ཅད་མཱ་ར་ཡ་ཆད་ནན༔ ༀ་ལཾ་ཧཱུཾ་ལཾ་ཙཱ་བྷ་ཡ་ནན༔ བདག་མདུན་ལྷ་ཚོགས་སྐུ་ལས་མཚོན་ཆའི་ཆར་བབ་པས་སྦྲུལ་མེད་དགྲ་བོ་དུམ་བུར་གཏུབ༔ ཤ་ཁྲག་གཏོར་མ་དབྱེར་མེད་བདུད་རྩིའི་མཚོ༔ ལྷ་ཚོགས་ཀུན་གྱིས་ལྷག་མ་མེད་པར་གསོལ༔ ཧཱུྃ༔ ཀིང་ཀང་དམར་ནག་མ་ནིང་ཏྲག་ཤད་སོགས༔ ཆོས་སྐྱོང་ཕོ་རྒྱུད་མོ་རྒྱུད་དྲེགས་པའི་ཚོགས༔ དམ་རྫས་བརྒྱན་པའི་གཏོར་མ་འདི་བཞེས་ལ༔ དགྲ་སྣ་གྱོད་སྣ་ཁ་མཆུ་མི་ཁ་ཟློག༔ བླ་མེད་ཨ་ཏིའི་ལམ་གྱི་བར་ཆད་ཟློག༔ ལོ་ཟླ་ཞག་དུས་བགེགས་རིགས་ཐམས་ཅད་ཟློག༔ དུས་མིན་འཆི་བ་བཅོ་བརྒྱད་ཐམས་ཅད་ཟློག༔ དམ་སྲི་རྒྱལ་འདྲེ་འགོང་པོ་ཐམས་ཅད་ཟློག༔ མ་ཉེས་ཁ་ཡོག་རྒྱལ་པོའི་གནོད་པ་ཟློག༔ བསམ་ངན་སྦྱོར་རྩུབ་ཕྲག་དོག་མཐོ་ནོན་ཟློག༔ དམ་ལ་མ་འདའ་ཕྲིན་ལས་མྱུར་དུ་མཛོད༔ དུས་འདིར་བདག་གི་འདོད་དོན་མི་སྒྲུབ་ན༔ ཁྱོད་ཀྱང་དམ་ཚིག་ཉམས་པར་མི་འགྱུར་རམ༔ སློབ་དཔོན་པདྨའི་བཀའ་བསྒོས་རྗེས་དྲན་ཅིང་༔ ད་ལྟ་ཉིད་དུ་
ཕྲིན་ལས་མྱུར་དུ་སྒྲུབས༔ བཅོལ་བའི་ཕྲིན་ལས་མ་ལུས་འགྲུབ་པར་མཛོད༔ ཨེ་ཡ་བྷྱོ་ཟློག༔ ཏདྱ་ཐཱ༔ དུ་ཤན་དུ་ཤན་རཀྵ་རཀྵ༔ དགྲ་བོའི་སྙིང་རྩ་སྲོག་རྩ་ཁྲག་རྩ་ལ་འདུས་འདུས༔ དགྲ་བོའི་སྙིང་རྩ་སྲོག་རྩ་ཁྲག་རྩ་ལ་འཇིབ་འཇིབ༔ དགྲ་བོའི་སྙིང་རྩ་སྲོག་རྩ་ཁྲག་རྩ་ལ་ཆོད་ཆོད༔ མཱ་ར་ཡ་ཟིད་སོད༔ གང་སྐབས་བརྗོད༔ སྔགས་ནག་ཨ་རཱ་གས་བགྱིས་པའོ༔ ཨོཾ༔ དྲན་རྫོགས་རང་ཉིད་ཀིང་ཀང་དམར་པོར་བསྒོམ༔ ཕྱག་གཡས་རལ་གྲི་ས་ལ་བརྒྱབ་པ་ཡིས༔ ས་གས་རྒྱ་མཚོ་སྔོ་མེར་བྱུང་བའི་ནང་༔ གཤིན་རྗེ་ཨ་ཝ་གླང་མགོ་སྐྱེ་ཡར་མངོན༔ གནམ་ས་ཙམ་གྱི་ཞལ་གདངས་འོ་དོད་འབོད༔ སྣང་ཞིང་སྲིད་པའི་ལྷ་སྲིན་སྡེ་བརྒྱད་རྣམས༔ དགྲ་གྱོད་མི་ཁ་བྲ་མཆུ་ཐམས་ཅད་ཀུན༔ ང་ཡི་ཁར་ཐོན་ཟེར་ནས་བོས་ཙམ་གྱིས༔ དགྲ་གྱོད་ཐམས་ཅད་ལུག་ཁྱུ་བསྡུས་པ་ལྟར༔ དོང་ནང་གཤིན་རྗེའི་ཁ་རུ་རུགས་སེ་བླུག༔ དེ་སྟེང་དབང་ཆེན་གསེར་གྱི་ས་གཞི་ཆགས༔ དེ་སྟེང་རི་རབ་གླིང་བཞི་དང་བཅས་ཆགས༔ དེ་སྟེང་ཀིང་ཀང་རྒྱལ་ཆེན་སྡེ་བཞིས་མནན༔ གཏོར་མ་མི་དགོས་དགྲ་བགེགས་དེ་ཉིད་གཏོར་མ་ཡིན༔ སྔགས་དང་དམིགས་པ་ཁོ་ནས་
དོན་འགྲུབ་པས༔ བྱེས་ལམ་སོགས་སུ་དགྲ་ཟློག་ཟབ་མོ་ཡིན༔ ཨ་རཱ་གས་སོ༔ དམར་གཏོར་གཅིག་ནང་ཟན་ལིང་དང་རྡུང་གསུམ་བཙུགས༔ ཤ་ཁྲག་གིས་བརྒྱན་པ་བཤམས་ལ་རྒྱུན་ཁྱེར་བྱས་ན་ཆོག་གོ༔ མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།