འཇམ་དཔལ་གཤིན་རྗེའི་གཤེད་ཀིང་ཀང་དམར་ཆུང་རླུང་སྒྲུབ་ཀྱི་དགྲ་མནན་ཞལ་ཤེས་ཟིན་བྲིས།
འཇམ་དཔལ་གཤིན་རྗེའི་གཤེད་ཀིང་ཀང་དམར་ཆུང་རླུང་སྒྲུབ་ཀྱི་དགྲ་མནན་ཞལ་ཤེས་ཟིན་བྲིས་བཞུགས་སོ།།
བླ་མ་མཆོག་དང་གཤིན་རྗེའི་གཤེད། །དབྱེར་མེད་ཞབས་ལ་གུས་བཏུད་ནས།—།ཀིང་ཀང་དམར་ཆུང་རླུང་སྒྲུབ་ཀྱི། །ཞལ་གདམས་མན་ངག་ཡིག་ཆུང་བྲི། འདིར་ཞང་ཁྲོམ་གྱི་གཏེར་མ་ཀིང་ཀང་དམར་ཆུང་ལ་བརྟེན་པའི་དགྲ་མནན་གྱི་བཅའ་གཞི་དང་། ཆོག་ཁྲིག་སོགས་མཐོང་བ་བརྒྱུད་པ་ལྟར་ལས། ཅུང་ཞིག་ཁ་མི་གསལ་བའི་ཞལ་ཤེས་འགའ་ཞིག་ཡི་གེར་བྲི་བ་ལས། གཞུང་བསྲང་བ་རབ་ཏུ་འཇམ་དཔལ་ཕྱག་རྒྱ་ཟིལ་གནོན་མཆོག་ཏུ་ཤེས་ཏེ། །ལས་ཕྲན་འདི་ཉིད་བསྙེན་པའི་རྣོ་ཚར་སོང་བའི་ཕྱིར་རོ། །ཡང་ན་གུ་རུ་དྲག་སྒྲུབ་ཀྱི་རིགས་གང་ཡང་རུང་ལ། ཕུར་པ་མ་ཡིན་པའི་བཀའ་བརྒྱད་སྒོས་བཀའི་
རིགས་ལྟ་བུར་མཚོན་ཏེ་གཏེར་ཁ་གང་ཡང་རུང་བའི་ཕྲིན་ལས་གཞུང་རྣམས་བྱ་སྟེ། ཕུར་པ་ནི། གཤིན་རྗེ་མཁན་པོའི་ནུས་པ་ཕུར་པས་རྡུགས། ཞེས་པའི་བྱིན་རླབས་ཀྱིས་ཀིང་ཀང་གི་ནུས་པ་ཅུང་ཟད་ཉམས་པར་དོགས། དེ་ལྟ་ཡི་དམ་གྱི་ལས་གཞུང་སྔ་བར་བཏང་སྟེ། ཆོས་སྐྱོང་རྣམས་ལ་བསྐང་གསོལ་དང་། ལས་གཞུང་དེ་ཡི་ཚོགས་མཆོད་སོགས། སྨད་ལས་ཚང་བར་བྱ་དགོས་ལ། ཉིན་གྲངས་ལས་གཞུང་དངོས་ནི། ཆོས་རྒྱལ་དབང་པོའི་སྡེའི་ལྗགས་བསྒྲིགས་ཁོ་ན་བཞིན་བྱའོ། །ཐུན་གྱི་ངེས་པ་ནི་སྤྱིར་ཐུན་དྲུག་ཏུ་བྱེད་པ་གོ་བསྟུན་ཏེ། གཞུང་ལས་དགྲ་བོའི་བླ་འགུགས་དུས་བཞིར་བྱའོ། །
གསུངས་པའི་དགོངས་པ་ལྟ་བུར། བླ་མའི་མན་ངག་གིས། གུང་གཉིས། ཟེར་གཉིས་ཏེ་དུས་བཞིར་མཛད་སྲོལ་ཡོད་པ་ལྟར་བྱ། དེ་ཡང་གཞུང་འདིའི་དགོངས་དོན་དངོས་ནི་དགྲ་སྲི་མནན་པ་ཁོ་ན་གཙོ་བོ་་་་མཇུག་མི་འདུག །