དྲག་པོ་སྤྱི་འདུས་ཀྱི་སྐུལ་པ།
དྲག་པོ་སྤྱི་འདུས་ཀྱི་སྐུལ་པ་ཀརྨ་ཨ་རཱ་གས་མཛད་པ་བཞུགས་སོ༔ དྲག་པོ་སྤྱི་འདུས་སྐུལ་པ། །དགེ་ལེགས་འཕེལ་ལོ།།
ཁྱོ་ཤུལ་གཤིན་རྗེའི་གཤེད་ཀྱི་ཟློག་པ་ནི་ས་ཧཱུཾ་བྷྱོ་བཅོམ་ལྡན་ད། པ་ཆེན་འཇུམ་དཔལ་གཤིན་རྗེའི་གཤེད༔ སོགས་གསུམ་ཕྱུག་དྲུག་ཞངས་བཞི་འཛོལ་ཐབས་བསྒྲད༔ དུར་ཁྲོད་ཆས་བརྒྱད་མེ་དཔུང་ཀློང་ན་བཞུགས༔ སྲིད་པའི་རྒྱུད་ཟོར་བཟློག་པའི་ཕྲིན་ལས་མཛོད༔ གཡས་ཞལ་དཀར་ལ་བཞད་པར་བསྟན་པ་ནི༔ སྟེང་གི་ལྷ་གདོན་བཟློག་པའི་ཕྲིན་ལས་མཛོད༔ གཡོན་ཞལ་དམར་ལ་སྨན་སྒྲ་རྡེབ་པ་རི༔ འོག་གི་ཀླུ་གདོན་བཟློག་པའི་ཕྲིན་ལས་མཛོད༔ དབུས་ཞལ་མཐིང་ནག་ཤིན་ཏུ་རྣམས་པ་ནི༔ བར་གྱི་སྡེ་བརྒྱད་བཟློག་པའི་ཕྲིན་ལས་མཛོད༔ ཕྱག་
མཚན་དྲག་པོ་མཚོན་ཆའི་འཁོར་ལོ་ཡིས༔ དགྲ་བགེགས་གནོད་བྱེད་བཟློག་པའི་ཕྲིན་ལས་མཛོད༔ ལྟེ་བ་སྲིད་པའི་འཁོར་ལོ་བསྐོར་བ་ཡིས༔ སྲིད་པའི་དགྲ་དཔུང་བཟློག་པའི་ཕྲིན་ལས་མཛོད༔ ལས་ཀྱི་གཤིན་རྗེའི་འཁོར་གྱིས་བསྐོར་བ་ཡིས༔ སྲིད་པའི་ཕོ་གདོན་བཟློག་པའི་ཕྲིན་ལས་མཛོད༔ གཉིས་མེད་ཡུམ་ཆེན་སྐུ་ལ་འཁྲིལ་བ་ཡིས༔ སྲིད་པའི་མོ་གདོན་བཟློག་པའི་ཕྲིན་ལས་མཛོད༔ སྐུ་སྤྲུལ་ཁྲོ་བོ་གྲངས་མེད་ལས་ལ་འགྱེད༔ གཤིན་རྗེའི་འཕྲུལ་འཁོར་བཟློག་པའི་ཕྲིན་ལས་མཛོད༔ གསུང་སྤྲུལ་ཁྲོ་བོ་གྲངས་མེད་ལས་ལ་འགྱེད༔ ཀླུ་ཡི་
གཏད་ཁྲམ་བཟློག་པའི་ཕྲིན་ལས་མཛོད༔ ཐུགས་སྤྲུལ་ཁྲོ་བོ་གྲངས་མེད་ལས་ལ་འགྱེད༔ གཟའ་ཡི་ཀིང་ཀང་བཟློག་པའི་ཕྲིན་ལས་མཛོད༔ ཡོན་ཏན་ཁྲོ་བོ་གྲངས་མེད་ལས་ལ་འགྱེད༔ མ་མོའི་ཐུན་ཟོར་བཟློག་པའི་ཕྲིན་ལས་མཛོད༔ ་ཕྲིན་ལས་ཁྲོ་བོ་གྲངས་མེད་ལས་ལ་འགྱེད༔ ཕུར་པའི་དབ་ལ་ཁ་བཟློག་པའི་ཕྲིན་ལས་མཛོད་དྲེགས་པ་ཉི་ཟླ་གདན་དུ་བྱས་པ་ཡིས༔ བསམ་ངན་སྦྱོར་རྩུབ་བཟློག་པའི་ཕྲིན་ལས་མཛོད༔ ༈ བྷྱོ༔ ཆུ་རླུང་འཚུབ་པ་གཤིན་རྗེའི་བྱད༔ ཡ་མ་རཱ་ཙས་བཟློག་ཏུ་གསོལ༔ མི་དམར་རྟ་དམར་བཙན་གྱི་བྱད༔ སྲོག་ཟན་དམར་པོས་བཟློག་ཏུ་གསོལ༔ བུད་མེད་དྲེལ་ཞོན་མ་མོའི་བྱད༔ ཨེ་ཀ་ཙ་ཏིས་བཟློག་ཏུ་གསོལ༔ མི་ནག་རྟ་ནག་བདུད་ཀྱི་བྱད༔ སྲིད་པའི་རྐང་རྗེས་བཟློག་ཏུ་གསོལ༔ མེ་འབར་ཆུ་འབྲུབ་མགོན་པོའི་བྱད༔ ལེགས་ལྡན་ནག་པོས་བཟློག་ཏུ་གསོལ༔ མོ་བཙུན་ཁྲོས་པ་བདུད་མོའི་བྱད༔ རེ་མ་ཏི་ཡིས་བཟློག་ཏུ་གསོལ༔ མིག་དམར་འོད་འཕྲོ་གཟའ་ཡི་བྱད༔ རཱ་ཧུ་ལ་ཡིས་བཟློག་ཏུ་གསོལ༔ མགར་མཁན་བྱིས་པ་ཐེའུ་རང་བྱད༔ རྡོ་རྗེ་ལེགས་པས་བཟློག་ཏུ་གསོལ༔ བྱ་དཀར་སྤྲེལ་
སོགས་རྒྱལ་པོའི་བྱད༔ སྲོག་བདག་དགྲ་ལྷས་བཟློག་ཏུ་གསོལ༔ སྦལ་སྦྲུལ་སྡོམ་སྡིག་ཀླུ་ཡི་བྱད༔ ནཱ་ག་རཀཱས་བཟློག་ཏུ་གསོལ༔ སྐྱེས་ཕྲན་དར་མ་ལྷ་མོའི་བྱད༔ ཡུལ་འཁོར་སྲུང་གིས་བཟློག་ཏུ་གསོལ༔ མཚན་ངན་གྲི་བོ་གཤིན་རྗེའི་བྱད༔ འཕགས་སྐྱེས་པོ་ཡིས་བཟློག་ཏུ་གསོལ༔ དམ་ཉམས་བཙུན་པ་དམ་སྲིའི་བྱད༔ སྤྱན་མི་བཟང་གིས་བཟློག་ཏུ་གསོལ༔ ཁལ་ཚང་ལྷ་ཁང་གནོད་སྦྱིན་བྱད༔ རྣམ་ཐོས་བུ་ཡིས་བཟློག་ཏུ་གསོལ༔ ཐོག་སེར་ཅོད་གཏོང་སྤྱི་ཡི་བྱད༔ ཕྱོགས་སྐྱོང་བཅུ་ཡིས་བཟློག་ཏུ་གསོལ༔ སྣ་ཚོགས་ཆོ་འཕྲུལ་སྡེ་བརྒྱད་བྱད༔ དྲེགས་པའི་འཁོར་གྱིས་བཟློག་ཏུ་གསོལ༔ དེ་ནས་ཟོར་གྱི་རབ་བྱུང་སྟེ་བཟློག་པ་ནི༔ བྷྱོ༔ སྔོན་ཚེ་རྒྱལ་བ་ཤཱཀ་ཐུབ་ལ༔ ལྷས་བྱིན་བདུད་ཀྱི་ཆད་པ་བྱུང་༔ ཁྲག་ཟོར་བྱོལ་ཟོར་འདི་ཡིས་བཟློག༔ དེ་འོག་སེང་གེ་རྒྱལ་པོ་ལ༔ སྔགས་ཟོར་བྱད་ཁ་མང་པོ་འདུས༔ ཁྲག་རྐང་བྱོལ་ཟོར་འདི་ཡིས་བཟློག༔ དེ་འོག་ཟ་ཧོར་རྒྱལ་པོ་ལ༔ བན་བོན་སྔགས་ཟོར་འདུས་པ་རྣམས༔ ཁྲག་རྐང་བྱོལ་ཟོར་འདི་ཡིས་བཟློག༔ སྔོན་དུས་དེ་ལྟར་བཟློག་པ་ལྟར༔ བྷྱོ༔ མདོས་ཟོར་ཤ་ཁྲག་
གཏོར་མ་འདིས༔ ད་ལྟ་བདག་ཅག་དཔོན་སློབ་ལ༔ སྡེ་བརྒྱད་ཆད་པ་བྱུང་བ་ཟློག༔ བྱད་ཟོར་ཕུར་ཁ་ཐམས་ཅད་ཟློག༔ བན་དེའི་སྔགས་ཟོར་འདུས་པ་ཟློག༔ མུ་སྟེགས་བོན་པོའི་ཛོ་དམར་ཟློག༔ ལྷ་འདྲེའི་ཟ་ཁ་ཟུག་པ་ཟློག་རྒྱལ་པོ་ལོ་ཡི་བདུན་ཟུར་ཟློག་༔ བློན་པོ་ཟླ་བའི་དབང་བཙན་ཟློག་དམག་མི་ཞག་གི་དཔུང་དགྲ་ཟློག༔ མཚོན་། ཆ་དུས་ཀྱི་རྣོ་ངར་ཟློག༔ པར་ཁའི་སྐྱ་མདའ་ཟུག་པ་ཟློག༔ སྨེ་བ་དུར་དུ་ཚུད་པ་ཟློག༔ ས་བདག་ཀོ་ལོང་བསྡོམ་པ་ཟློག༔ འབྱུང་བའི་དགྲ་གཤེད་འཐབ་པ་ཟློག༔ གཟའ་སྐར་དུས་ཚེས་ངན་པ་ཟློག༔ ཁྲམ་དང་བྱད་དུ་བཅུག་པ་ཟློག༔ ཧོ་དང་སྤར་བུ་བསྐོར་བ་ཟློག༔ དགྲ་ཆེན་བདུད་དུ་ལང་པ་ཟློག༔ ལྟས་ངན་གློ་བུར་ཡེ་འདྲོགས་ཟློག༔ དུས་མིན་འཆི་བ་རྣམ་བརྒྱད་ཟློག༔ མི་ཁ་བྲ་མཆུ་ཐམས་ཅད་ཟློག༔ ཆག་ཆེན་ཉམ་ང་ཐམས་ཅད་ཟློག༔ སྔོན་དགུག་ཕྱི་ནས་དེད་པ་ཟློག༔ དགྲ་སྣ་ཕུང་སྣ་གྱོད་སྣ་ཟློག༔ ནད་སྣ་ཡམས་སྣ་རིམས་སྣ་ཟློག༔ དགྲ་སྲི་མི་ངན་ཐམས་ཅད་ཟློག༔ ཆེ་སྲི་ཆུང་སྲི་རྒན་སྲི་ཟློག༔ གཞོན་སྲི་དར་སྲི་གོད་སྲི་ཟློག༔ དགྲ་སྲི་མཚོན་སྲི་ནད་སྲི་ཟློག༔ མདོར་ན་
སྲིད་པའི་ཆག་སྒོ་དང་༔ བདག་ལ་གནོད་པའི་དགྲ་འདྲེ་རྣམས༔ སྡང་བྱེད་དགྲ་ཡི་སྟེང་དུ་ཟློག༔ གནོད་བྱེད་བགེགས་ཀྱི་སྟེང་དུ་བྷྱོ། བར་ཆད་བདུད་ཀྱི་སྟེང་དུ་བྷྱོ། ཟ་འདྲེ་ཕུང་སྲིའི་སྟེང་དུ་བཟོར༔ དམ་ཉམ་བྱེད་མའི་སྟེང་དུ་བྷྱོ། ཨོཾ་མཉྫུ་ཤི་ཡ་མཱན་ཀ་ཡ་མ་རཱ་ཙ་ཧཱུྃ་ཕཊ༔ ཨོཾ་ཀིང་ཀང་ཁ་ཏྲི་ནི་བྷ་ཡ་ནན༔ བྷིག་ནན་ཏྲ་ཤཾ་ཏེ༔ ཏི་ཤན་ཏི་ཤན༔ སྤུར་ཐུ་སྤུར་ཐུ༔ བྷི་ཤ་ཙཀྲ་ཧ་ལ་ཧ་ལ༔ ས་མ་ཡ༔ དགྲ་སྲི་ཙཱ་བྷ་ཡ་རཀྵ་ནན༔ དྲོ་དྲོ་ལཾ་ལཾ་ཙཱ་བྷ་ཡ་ནན༔ ཨོཾ་ཁ་ཐུན་ཁ་ཐུན་ཡ་མ་ཡ་མ༔ དུན་ཏྲ་དུན་ཏཱི༔ པྲ་ལེ་ཛྭ་ལ་པྲ་ལེ་ནན༔ གནོད་བྱེད་དགྲ་བགེགས་ཐམས་ཅད་མཱ་ར་ཡ་ནན་ཟློག༔ ཨེ་ཀ་དུ་ན་ཟློག༔ མ་ཧཱ་དུ་ན་ཟློག༔ ས་ག་དུ་ན་ཟློག༔ རྩ་དུར་སྙིང་ལ་ཟློག༔ ར་ཙ་དུ་ན་ཟློག༔ སུམ་ཏྲི་རཀྵ་ཟློག༔ བྱད་ཟོར་ཆག་ཆེན་ཉམ་ང་དགྲ་གྱོད་མི་ཁ་བྲ་མཆུ་ཐམས་ཅད་དགྲ་ལ་བློ་སྦྱོ་ཟློག་ཟློག༔ ཅེས་བཟླས་ཤིང་སྒྲུབ་པའི་དུས་སུ་ཡུངས་ཐུན་ལ་བཟླས་ཤིང་ཟོར་དང་ཐུན་སྔགས༔ དུས་བཞིའམ་དྲུག་ཏུ་བྲན་ནས་ཐུན་རྣམས་སུ་ཟོར་གྱི་ཕོ་ཉ་བསྐུལ་ཞིང་༔ གཏོར་ཆུང་རེ་ཕུལ་ལོ༔ དགེའོ༔
ཤོག་སྟོང་།