འཇམ་དཔལ་ཕ་རོལ་རྒོལ་འཇོམས་ལས། ཆགས་མེད་ལུས་དཀྱིལ།
འཇམ་དཔལ་ཕ་རོལ་རྒོལ་འཇོམས་ལས། ཆགས་མེད་ལུས་དཀྱིལ་བཞུགས་སོ།།
ཨེ་ཡ། བདག་མདུན་བཅོམ་ལྡན་འཇམ་དཔལ་གཤིན་རྗེའི་གཤེད། །མཐིང་དཀར་དམར་བའི་ཞལ་གསུམ་ཕྱག་དྲུག་པ། །གཡས་གསུམ་རལ་གྲི་ཐོ་བ་གཏུན་ཤིང་བསྣམས། །གཡོན་གསུམ་ལྕགས་ཀྱུ་ཞགས་པ་ཐོང་གཤོལ་བསྣམས། །ཡུམ་མཆོག་དམར་མོ་ཕུར་པ་ལྕགས་དྲ་འཁྱུད། །ཁྲོ་ཆས་ཡོངས་རྫོགས་མེ་ཀློང་པད་ཉིའི་སྟེང་། །ཡབ་ཀྱི་ཐུགས་ཀར་གོ་ཆ་ལྷ་ལྔ་གསལ། །ཐུགས་སྲོག་ཧཱུྃ་ལ་རྩ་སྔགས་གཡས་སུ་འཁོར། །ཡེ་ནས་དམ་ཡེ་དབྱེར་མེད་གཅིག་འདྲེས་གྱུར། །ཨོཾ་མཉྫུ་ཤི་ཡ་མཱནྟ་ཀ་ཡ་མ་རཱ་ཙ་ཧཱུྃ་ཕཊ༔ རྩ་སྔགས་སོ། །བདག་ཉིད་ལྷར་
གསལ་སྐུ་ལས་འོད་འཕྲོས་པས། །ཕྱི་རོལ་སྲུང་འཁོར་རྡོ་རྗེའི་རྭ་གུར་གསལ། །རྡོ་རྗེའི་གོ་ཁྲབ་ཞུ་ལུབས་གསོལ་བ་ལས། ། རྡོ་རྗེའི་ཚྭ་ཚྭ་དཔག་མེད་སྐར་ལྟར་འཁྲུགས། །ཕྱི་རོལ་སྲུང་བའི་རྭ་གུར་ཐམས་ཅད་ཀུན། །བསྡུས་ནས་རང་གི་སྲུང་འཁོར་ལ་ཐིམ་པས། །སྲ་མཁྲེགས་འགྱུར་མེད་རབ་ཏུ་བརྟན་པར་གྱུར། །རང་གི་ཐུགས་ཀར་པད་ཉི་ཡཱ་ཧཱུྃ་ལས། །འོད་འཕྲོས་འཁོར་འདས་མཐུ་སྟོབས་བདག་ལ་ཐིམ། །རྩ་སྔགས་མཇུག་ཏུ། །ཨོཾ་ཀིང་ཀང་ཁ་ཏུཾ་ཀྲྀ་མྱོག་དགྲ་བོ་ཝཱཀ་ཙཱ་བྷ་ཡ་ནན། བིག་ནན་ཏྲ་ཤཾ་ཏེ། ཏི་ཤན་ཏི་ཤན། སྤུར་ཐུ་སྤུར་ཐུ། བྷི་ཤ་ཙཀྲ་
ཧ་ལ་ཧ་ལ། ས་མ་ཡ། དགྲ་སྲི་ཏཱཾ་བྷ་ཡ་ནན། རཀྵ་ནན། ཧཱུཾ་ཧཱུཾ་ལཾ་ལཾ་ཙཱ་བྷ་ཡ་ནན། ཨོཾ་ཁ་ཐུན་ཁ་ཐུན། ཡ་མ་ཡ་མ། དུན་ཏྲ་དུན་ཏྲི། པྲ་ལེ་ཛྭ་ལ་པྲ་ལེ་ཛྭ་ལ། བདག་ཅག་འཁོར་དང་བཅས་པ་ལ་བྱུར་མི་ཁ་དགྲ་གྱོད་ཇག་རྐུན་གྱི་གནོད་པ་ལས་སྲུངས་ཤིག་རཀྵ་རཀྵ་ཀུ་རུ་ཡེ་སྭཱ་ཧཱ། སྲུང་སྔགས་ཅི་ནུས་བཟླ་འོ། །དེ་ནས་ཟློག་དམིགས་ནི། རང་ཉིད་་ལྷར་གསལ་སྐུ་ལས་འོད་འཕྲོས་པས། །མེ་ཡི་ཁྲོ་བོ་མེ་ཡི་མཚོན་ཆའི་ཚོགས། །དམག་དཔུང་རྣམ་པ་དཔག་ཏུ་མེད་པ་འཕྲོས། །དགྲ་གྱོད་མི་ཁ་ཇག་རྐུན་ཐམས་ཅད་རྣམས། །ཁོ་རང་རང་གཤེད་རང་ལ་བབ་ནས་ཀྱང་། །གཞོབ་ཐུལ་བསྲེགས་ཏེ་གཏན་ནས་བརླག་པར་གྱུར། །ཨོཾ་ཀིང་ཀང་ཁ་ཏུཾ་སོགས་ནས། པྲ་ལེ་ཛྭ་ལ་ཟློག །བྱུར་མི་ཁ་དགྲ་གྱོད་ཇག་རྐུན་ཐམས་ཅད་མཱ་ར་ཡ་ཟློག །ཅེས་དང་ལྷག་པར་མི་ཁའི་ཟློག་སྔགས་ནི། ཨོཾ་མཉྫུ་ཤི་ཡ་མཱནྟི་ཀ་ཡ་མ་རཱ་ཙ་ཧཱུྃ་ཕཊ། ཨོཾ་བཛྲ་ཀྲོ་ཏ་མ་ཧཱ་བྷ་ལ་ཧཱུཾ། སྤོ་ཊ་སྤོ་ཊ་ཧཱུྃ་ཕཊ། ཨོཾ་མི་ཁ་ཧུར་ཐུ། རྦད་རྦད་དྲིལ་དྲིལ་བྷཾ་ཐཾ། ཤིག་ཤིག་བྷྱོ་བྷྱོ་ཟློག་ཟློག །སྒྱུར་སྒྱུར། ཅེས་སོ། །བྱད་ཟློག་དམིགས་པ་དེ་ཉིད་ཁ་བསྒྱུར་ལ། རྩ་སྔགས་ཤམ་དུ། ཨོཾ་ཨེ་ཀ་ཡ་མ་དུ་རུ་ཙཀྲས་ཟློག༔
ཧེ་ཀ་ཡ་མ་པའི་སྲོག་ལ་མཱ་ར་ཡ་ཧཱུྃ་ཕཊ། གྷཾ་མ་ཡ་མ༴ སརྦ་ཙིཏྟ་གཟེར་ཐུ། བྷིག་ནན། ཏྲིག་ནན། རྦད་ནན། ཟློག་ཡ། གནོད་བྱེད་བྱད་མ་རྦོད་གཏོང་མཁན་ལྷ་དང་བཅས་ཅེས་ནངས་ནུབ་བརྒྱ་ཚར་རེ་ཙམ་བཟླའོ། །མཐར་སྤྲོས་མེད་ངང་དུ་བཞག་པ་རྙིང་མའི་ཁྱད་ཆོས་སོ། །ཞེས་རཱ་ག་ཨ་སྱས་སོ། །སརྦ་མངྒ་ལཾ། དགེའོ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།
ཤོག་སྟོང་།