འཇམ་དཔལ་ཕ་རོལ་རྒོལ་འཇོམས་ཀྱི་འབུལ་ཁའི་འདོན་འགྲིགས།
འཇམ་དཔལ་ཕ་རོལ་རྒོལ་འཇོམས་ཀྱི་འབུལ་ཁའི་འདོན་འགྲིགས་བཞུགས་སོ།།
ན་མོ༔མཉྫུ་ཤྲཱི་ཡ་མཱནྟ་ཀ་ཡ་མ་རཱ་ཛ་ཡེ༔ དེ་གཏོར་ཟློག་འབུལ་ཁར་ལྷ་ཚོགས་ནམ་མཁར་བཏེག་སྟེ་ནམ་མཁའ་བར་སྣང་ལ་སེར་སྤྲིན་འཁྲིགས་པ་ལྟར་བསམས་ལ། གཏོར་མ་ནམ་མཁར་བཏེག་བར་སྣང་ལ་ལྷ་ཉིད་དུ་གསལ་བར་ཞལ་བསྒྱུར་གང་བྱེད་གལ་ཆེ་ཆུང་བསྟུན་ཏེ། གཏོར་ཆུང་སོ་གཅིག་རྫོངས་འདེབས་ཀྱི་ཚུལ་དུ་གཞུང་ལྟར་འབུལ། དེ་ནས་གཟུ་དཔང་གསེར་སྐྱེམས་སྒོ་དབྱེ་དུས་ཕྱོགས་གཅིག་ཏུ་བསྡུས་པ་ནི། ཕུད་ཕྱོགས་བཅུར་འཐོར་ཞིང་། བྷྱོ། བདག་ནི་མ་ཉེས་མ་ཡོའོ། །དུས་གསུམ་བདེ་གཤེགས་ཞི་ཁྲོ་ཆོས་སྐྱོང་དང་། །དྲེགས་པ་ལྷ་སྲིན་སྡེ་བརྒྱད་གཞི་བདག་རྣམས། །རང་རང་གནས་ནས་དམ་རྫས་ཕུད་བཞེས་ལ། །གཟུ་དང་དཔང་
མཛོད་མཁྱེན་པའི་ཐུགས་ཀྱིས་དགོངས། །བདག་གིས་སྒྲུབ་པའི་དྲག་པོའི་ཐུན་ཟོར་འདི། །སྟེང་འོག་ཕྱོགས་མཚམས་ཀུན་ལ་བཞུགས་པ་ཡི། །ལྷ་ཀླུ་གཞི་བདག་ཀུན་ལ་མི་འཕེན་ཏེ། །གནོད་བྱེད་དགྲ་དང་བགེགས་ལ་འཕེན་བསམ་པས། །གདུག་སེམས་མ་འཆང་བདག་གི་སྡོང་གྲོགས་མཛོད། །ཕྱོགས་བཞིར་བཞུགས་པའི་ཕོ་ཉ་སྒོ་སྲུང་ནི། །བྱ་རྒོད་སྟག་དང་ཀ་ཀ་སྤྱང་མགོ་ཅན། །རང་རང་ཕྱག་རྒྱས་ཕྱོགས་བཞིའི་སྒོ་ཕྱེས་ལ། །གནོད་བྱེད་དགྲ་དང་བགེགས་ལ་ཟོར་སྣ་དྲོངས། །དགྲ་བགེགས་བར་ཆད་ཐལ་བ་རྡུལ་དུ་རློགས། །དེ་ནས་ཁྲོམ་ཆོས་
ཆེན་པོ་སྡེ་ཆེན་སྐུ་རིམ་ཡིན་ན་སྔགས་འཆང་ཆས་གོས་ནག་པོ་དང་། གཡས་ན་སྐྱེས་པ་གོ་མཚོན་ཅན། གཡོན་ན་བུད་མེད་དུག་ཐལ་ཅན་དང་། རོལ་མོའི་ཚོགས་དང་བཅས་ལ། སྐྱེས་བུའི་གོ་ཆ་དང་མཚོན་ཆ་ཅན་རྣམས་བསྲོ་སྒྲ་དང་བཅས་པས་ཕྱི་རོལ་དུ་ཁྱེར་ལ། སླ་ངའི་ནང་དྲག་པོའི་ཤིང་ལ་ལིངྒ་གཟུགས་ལ་སླར་ཡང་གསེར་སྐྱེམས་ཕུལ་ལ། ཁྱིམ་དུ་འབུལ་ན་མཐོང་བ་བརྒྱུད་ལྟར་བསྲེགས། ༈ གང་ལ་ཡང་ལིངྒ་བྲུབ་ཁུང་བསྐྱེད་ལ། བཀུག་གཞུག་བྱས་ལ་དང་པོ་ཟོར་ཀྱི་སྣ་འདྲེན་སྒོང་ཟོར་འཕེན་པ་ནི། བྷྱོ༔ སྲིད་པའི་བྱ་སྒོང་ཟླུམ་པོ་འདྲིལ་བའི་དབུས། །བྲ་བོ་སྲན་མ་ཚྭ་དང་ཐལ་ཆེན་དང་། །སྒོག་གཙོང་རམ་དང་བལ་ཚོན་ལ་སོགས་པ། །ངན་པའི་རྫས་ཀྱིས་ཟོར་གྱི་སྣ་དྲངས་ལ། །སྲིད་སྡེའི་མི་ཁ་བྲ་མཆུ་ངན་པ་རྣམས། །བསྟན་པ་བཤིགས་པའི་དགྲ་དང་བགེགས་ལ་ཟེར། །ཨོཾ་མི་ཁ་ཧུར་ཧུཾ་རྦད་རྦད་དྲིལ་དྲིལ་ཐུ་ཤིག་ཤིག་བྷྱོ་བྷྱོ་བསྒྱུར་བསྒྱུར། ཅེས་ཉ་བོ་རེ་ལ་ཟོར་རེ་བརྡེག་ལ། ཕུང་པོ་དང་ལུས་སེམས་རྡུལ་དུ་བརླག་པར་བསྒོམ། མི་ཁ་ཟློག་པའི་སྔགས་བཟླས་ལ་འཕང་ཟོར་ལིངྒ་ལ་བརྡེག་དུས་དམིགས་པ་འཆི་བདག་གཤིན་རྗེའི་ཁྲམ་ལ་ཐེབ་པར་བསམ་ཞིང་། །བྷྱོ ཡ་མ་རཱ་ཛ་གཤིན་རྗེ་སྲོག་གི་བདག །གཡས་ན་ཁྲམ་ཐོགས་གཤིན་རྗེའི་ཕོ་ཉ་རྣམས། །སྔ་དགྲ་ལག་བརྡར་སྲོག་ལ་ཁྲམ་ཟོར་རྒྱོབས། །ཤྭ་
རྩིས་ཁྲམ་གྱི་སྲོག་རྩ་རབ་དཀྲུགས་ནས། །དགྲ་དཔུང་བདུན་བརྒྱུད་རྩད་ཆོད་ཁྲམ་ལ་ཐོབ། །ཡ་མ་རཱ་ཛ་ཡ་ཛ་དགྲ་ལ་བྷྱོ། །དགྲ་བགེགས་མཱ་ར་ཡ་ཧུར་ཐུམ༔ མདའ་ཟོར་ལ། བྷྱོ༔ སྲོག་ཟན་དམར་པོ་ཚེ་བདག་བཙན་གྱི་གཙོ། །རྒྱབ་ན་དམར་པོ་བཙན་གྱི་དམག་ཚོགས་རྣམས། །ཕྱི་དགྲ་བསམ་པའི་སྙིང་ལ་མདའ་ཟོར་རྒྱོབས་། །གྲི་འཐབ་གཟེར་ནད་སྙིང་རྩའི་རྒྱུད་དཀྲུགས་ལ། །ཕོ་རྩ་མོ་རྩ་རྩད་ནས་ཆད་པར་གྱིས། །ཨ་བྷི་ཀྵ་ཛ་བྷྱོ༔ དགྲ་བགེགས་མཱ་ར་ཡ་ཧུར་ཐུམ་རྦད༔ ཁྲག་ཟོར་ལ། བྷྱོ༔ ཨེ་ཀ་ཙ་ཏི་མ་མོ་ནད་ཀྱི་བདག །གཡོན་ན་རིམས་བདག་མ་མོའི་དམག་ཚོགས་རྣམས། །ད་དགྲ་སྦྱོར་བའི་ལུས་ལ་ཁྲག་ཟོར་རྒྱོབས། །འདུ་བ་རྣམ་བཞི་ཁོང་ནས་རབ་དཀྲུགས་ལ། །སྒྱུ་ལུས་གཟུགས་ཕུང་རྡུལ་དུ་བརླག་པར་གྱིས། །ཨེ་ཀ་ཙ་ཏི་ཏྲག་ཛ་བྷྱོ༔ དགྲ་བགེགས་ཤ་ཏུཾ་ཧུར་ཐུམ་ཛམཱ་ར་ཡ་རྦད༔ རྡོ་ཟོར་ལ། བྷྱོ༔ སྐོས་རྗེ་ཏྲང་དཀར་འཆི་བདག་བདུད་ཀྱི་གཙོ། །མདུན་ན་ཞགས་ཐོགས་བདུད་ཀྱི་ཕོ་ཉ་རྣམས། །བསྟན་པ་བཤིགས་པའི་དགྲ་ལ་རྡོ་ཟོར་རྒྱོབས། །དགྲ་བོའི་བླ་ཚེ་སྲོག་དབུགས་རྒྱུད་ད་
ཀྲུགས་ཏེ། །ཁ་ཕུང་རྗེས་མེད་ཐལ་བ་རླུང་ལ་བསྐུར། །དུ་ཕྲག་དུ་ཛ་བྷྱོ༔ དགྲ་བགེགས་ཧུར་ཐུམ་མཱ་ར་ཡ་རྦད༔ དེ་ནས་ཀོང་ཟོར་འཕང་བ་ནི། ཧཱུྃ། ཡབ་གཅིག་དཔལ་ཆེན་ཁྲོ་རྒྱལ་གཤིན་རྗེའི་གཤེད། །གཟི་བརྗིད་དྲེགས་སྟོབས་རྔམས་པའི་བརྟུལ་ཞུགས་ཅན། །སྐུ་གསུང་ཐུགས་ཡོན་ཕྲིན་ལས་བསམ་ལས་འདས། །དོ་ནུབ་དྲག་པོ་ཟོར་གྱི་ཕྲིན་ལས་མཛོད། །ཕུང་བྱེད་གདུག་པ་དྲག་པོའི་ས་སྣ་ལ། །ཀོང་ཟོར་དམར་ནག་གྲུ་གསུམ་འཇིགས་པའི་ནང་། །མདའ་འཕང་ནམ་རྒྱང་དམར་གཏོར་ཉུང་རྩང་གིས། །བདུད་དང་ས་བདག་གཤིན་རྗེའི་ཆད་པ་ཟློག །མཚེ་ཉུང་མར་མེ་སྤོས་དང་དུད་པ་ཡིས། །མཁའ་འགྲོ་རྒྱལ་འགོང་གནོད་སྦྱིན་ཆད་པ་ཟློག །ཤ་ཁྲག་སྦྲང་ཚོར་ཕབ་དང་དུག་སྣ་ཡིས། །ཐེའུ་རང་གཟའ་དང་འགོང་པོའི་ཆད་པ་ཟློག །གུ་གུལ་རྟ་ཚིལ་རམ་དང་བལ་ཚོན་གྱིས། །བཙན་དང་ཀླུ་བདུད་ལྷ་ཡི་ཆད་པ་ཟློག །དྲག་པོ་སྔགས་དང་ཏིང་འཛིན་འཕྲོ་འདུ་ཡིས། །སྔགས་ཟོར་དལ་ཡམས་ཐམས་ཅད་དགྲ་ལ་ཟློག །ཅེས་དམིགས་པ་དང་བཅས་པས་བཟློག་སྔགས་བཟླ་ཞིང་རྒྱབ་བོ། །དེ་ནས་སླར་ཡང་ཕྱོགས་བཞི་མཚམས་བརྒྱད་དུ་འཕང་བས་སྣང་སྲིད་ཀྱི་བྱད་ཁ་ཐམས་ཅད་བཟློག་
པར་བསམས་ལ། དེ་ལྟར་དམིགས་པ་གསལ་ཞིང་ངར་དང་ལྡན་པས་གཅེས། ཞེས་གསུངས་སོ། །ཕྱོགས་སྐྱོང་གཏོར་མ་ཕྱོགས་སུ་བརྡེག་ཚད་བྱས་ཏེ། ཕྱོགས་དང་རྒྱུ་ལྡོག་འགྲིགས་ན་ལིང་གར་བརྡེག་སྟེ། སྟེང་འོག་ཕྱོགས་མཚམས་ཕྱོགས་སྐྱོང་འགྲེས་བཤང་སྟེ། ཧཱུྃ། སྟེང་གི་ཚངས་པ་ལྷ་དམག་འབུམ་དང་བཅས། །དོ་ནུབ་དྲག་པོའི་ཟོར་དང་ཐུན་ལ་རྒྱུག །སྔ་དགྲ་ལག་བརྡར་ཕྱི་དགྲ་ཡིད་ལ་སེམས། །ད་དགྲ་སྦྱོར་བའི་དགྲ་དཔུང་རྡུལ་དུ་རློགས། །བསམ་ངན་སྦྱོར་རྩུབ་བྱད་ཟོར་རྦོད་གཏོང་ཟློག །པྲ་ཧ་མ་ན་ཡེ་གནོད་བྱེད་མི་ཁ་བྲ་མཆུ་བྱད་མ་རྦོད་གཏོང་ཐམས་ཅད་བློ་བློ་ཟློག་ཟློག །བྷྱོ༔ ཤར་ཕྱོགས་ཆུ་བདག་ཀླུ་གཉན་འབུམ་དང་བཅས། །དོ་ནུབ་དྲག་པོའི་ཟོར་དང་ཐུན་ལ་རྒྱུག །སྔ་དགྲ་ལག་བརྡར་ཕྱི་དགྲ་ཡིད་ལ་སེམས། །ད་དགྲ་སྦྱོར་བའི་དགྲ་དཔུང་རྡུལ་དུ་རློགས། །བསམ་ངན་སྦྱོར་རྩུབ་བྱད་ཟོར་རྦོད་གཏོང་ཟློག །ཨིནྡྲ་ཡེ་གནོད་བྱེད་མི་ཁ་བྲ་མཆུ་བྱད་མ་རྦོད་གཏོང་ཐམས་ཅད་བློ་བྷྱོ་ཟློག་ཟློག །བྷྱོ༔ ྋཤར་ལྷོ་མེ་ལྷ་དྲང་སྲོང་འབུམ་དང་བཅས། །དོ་ནུབ་དྲག་པོའི་ཟོར་དང་ཐུན་ལ་རྒྱུག །སྔ་དགྲ་ལག་བརྡར་ཕྱི་དགྲ་ཡིད་ལ་སེམས། །ད་དགྲ་སྦྱོར་བའི་དགྲ་དཔུང་རྡུལ་དུ་
རློགས། །བསམ་ངན་སྦྱོར་རྩུབ་བྱད་ཟོར་རྦོད་གཏོང་ཟློག །ཨག་ཡེ་གནོད་བྱེད་མི་ཁ་བྲ་མཆུ་བྱད་མ་ཟོད་གཏོང་ཐམས་ཅད་སྦྱོ་བྷྱོ་ཟློག་ཟློག །བྷྱོ༔ ལྷོ་ཕྱོགས་གཤིན་རྗེ་འཆི་བདག་འབུམ་དང་བཅས། །དོ་ནུབ་དྲག་པོའི་ཟོར་དང་ཐུན་ལ་རྒྱུག །སྡེ་དགྲ་ལག་བརྡར་ཕྱི་དགྲ་ཡིད་ལ་སེམས། །ད་དགྲ་སྦྱོར་བའི་དགྲ་དཔུང་རྡུལ་དུ་རློགས། །བསམ་ངན་སྦྱོར་རྩུབ་བྱེད་ཟོར་རྦོད་གཏོང་ཟློག །ཡ་མཱ་ཡེ་གནོད་བྱེད་མི་ཁ་བྲ་མཆུ་བྱད་མ་རྦོད་གཏོང་ཐམས་ཅད་བྷྱོ་སྦྱོ་ཟློག་ཟློག །བྷྱོ༔ ལྷོ་ནུབ་བདེན་བྲལ་སྲིན་པོ་འབུམ་དང་བཅས། །དོ་ནུབ་དྲག་པོའི་ཟོར་དང་ཐུན་ལ་རྒྱུག །སྔ་དགྲ་ལག་བརྡར་ཕྱི་དགྲ་ཡིད་ལ་སེམས། །ད་དགྲ་སྦྱོར་བའི་དགྲ་དཔུང་རྡུལ་དུ་རློགས། །བསམ་ངན་སྦྱོར་རྩུབ་བྱད་ཟོར་རྦོད་གཏོང་ཟློག །ནི་རི་ཏི་ཡེ་གནོད་བྱེད་མི་ཁ་བྲ་མཆུ་བྱད་མ་ཆོད་གཏོང་ཐམས་ཅད་བློ་སྦྱོ་ཟློག་ཟློག །བྷྱོ༔ ནུབ་ཕྱོགས་ཆུ་བདག་ཀླུ་གཉན་འབུམ་དང་བཅས། །དོ་ནུབ་དྲག་པོའི་ཟོར་དང་ཐུན་ལ་རྒྱུག །སྔ་དགྲ་ལག་བརྡར་ཕྱི་དགྲ་ཡིད་ལ་སེམས། །ད་དགྲ་སྦྱོར་བའི་དགྲ་དཔུང་རྡུལ་དུ་རློགས། །བསམ་ངན་སྦྱོར་རྩུབ་བྱད་ཟོར་རྦོད་གཏོང་ཟློག །ཝ་རུ་ཎ་ཡེ་
གནོད་བྱེད་མི་ཁ་བྲ་མཆུ་བྱད་མ་རྦོད་གཏོང་ཐམས་ཅད་བློ་སྦྱོ་ཟློག་ཟློག །བྷྱོ༔ ནུབ་བྱང་རླུང་ལྷ་རིག་འཛིན་འབུམ་དང་བཅས། །དོ་ནུབ་དྲག་པོའི་ཟོར་དང་ཐུན་ལ་རྒྱུག །སྔ་དགྲ་ལག་བརྡར་ཕྱི་དགྲ་ཡིད་ལ་སེམས། །དེ་དག་སྦྱོར་བའི་དགྲ་དཔུང་རྡུལ་དུ་རློགས། །བསམ་ངན་སྦྱོར་རྩུབ་བྱད་ཟོར་རྦོད་གཏོང་ཟློག །བྷ་ཡ་བྷེ་ཡེ་གནོད་བྱེད་མི་ཁ་བྲ་མཆུ་བྱད་མ་རྦོད་གཏོང་ཐམས་ཅད་བློ་བློ་ཟློག་ཟློག །བྷྱོ༔ བྱང་ཕྱོགས་ལུས་ངན་གནོད་སྦྱིན་འབུམ་དང་བཅས། །དོ་ནུབ་དྲག་པོའི་ཟོར་དང་ཐུན་ལ་རྒྱུག །སྔ་དགྲ་ལག་བརྡར་ཕྱི་དགྲ་ཡིད་ལ་སེམས། །ད་དགྲ་སྦྱོར་བའི་དགྲ་དཔུང་རྡུལ་དུ་རློགས། །བསམ་ངན་སྦྱོར་རྩུབ་བྱད་ཟོར་རྦོད་གཏོང་ཟློག །ཀུ་བེ་ར་ཡེ་གནོད་བྱེད་མི་ཁ་བྲ་མཆུ་བྱད་མ་རྦོད་གཏོང་ཐམས་ཅད་བྷྱོ་བྷྱོ་ཟློག་ཟློག །བྷྱོ༔ བྱང་ཤར་དབང་ལྡན་འབྱུང་པོ་འབུམ་དང་བཅས། །དོ་ནུབ་དྲག་པོའི་ཟོར་དང་ཐུན་ལ་རྒྱུག །སྔ་དགྲ་ལག་བརྡར་ཕྱི་དགྲ་ཡིད་ལ་སེམས། །ད་དགྲ་སྦྱོར་བའི་དགྲ་དཔུང་རྡུལ་དུ་རློགས། །བསམ་ངན་སྦྱོར་རྩུབ་བྱེད་ཟོར་རྦོད་གཏོང་ཟློག །ཨི་ཤྭ་ན་ཡེ་གནོད་བྱེད་མི་ཁ་བྲ་མཆུ་བྱད་མ་རྦོད་གཏོང་
ཐམས་ཅད་བྱོ་བྱོ་ཟློག་ཟློག །བྷྱོ༔ འོག་གི་བརྟན་མ་ས་བདག་འབུམ་དང་བཅས། །དོ་ནུབ་དྲག་པོའི་ཟོར་དང་ཐུན་ལ་རྒྱུག །སྔ་དགྲ་ལག་བརྡར་ཕྱི་དགྲ་ཡིད་ལ་སེམས། །ད་དགྲ་སྦྱོར་བའི་དགྲ་དཔུང་རྡུལ་དུ་རློགས། །བསམ་ངན་སྦྱོར་རྩུབ་བྱད་ཟོར་རྦོད་གཏོང་ཟློག །པྲ་བི་དྷེ་ཝི་ཡེ་གནོད་བྱེད་མི་ཁ་བྲ་མཆུ་བྱེད་མ་དྲོད་གཏོང་ཐམས་ཙད་བྷྱོ་བྷྱོ་ཟློག་ཟློག །སོ་སོར་བརྡེགས། དེ་ནས་རྒྱལ་པོ་བཞི་བཏེག་སྟེ། བྷྱོ༔ ཤར་ཕྱོགས་གནས་སྲུང་དྲི་ཟ་འབུམ་དང་བཅས། །དོ་ནུབ་དྲག་པོའི་ཟོར་དང་ཐུན་ལ་རྒྱུག །སྔ་དགྲ་ལག་བརྡར་ཕྱི་དགྲ་ཡིད་ལ་སེམས། །དེ་དགྲ་སྦྱོར་བའི་དགྲ་དཔུང་རྡུལ་དུ་རློགས། །བསམ་ངན་སྦྱོར་རྩུབ་བྱད་ཟོར་རྦོད་གཏོང་ཟློག །དྷི་རཱཥྛ་ཡེ་གནོད་བྱེད་མི་ཁ་བྲ་མཆུ་བྱད་མ་རྦོད་གཏོང་ཐམས་ཅད་བྷྱོ་བྷྱོ་ཟློག་ཟློག །བྷྱོ༔ ལྷོ་ཕྱོགས་འཕགས་སྐྱེས་གྲུལ་བུམ་འབུམ་དང་བཅས། །དོ་ནུབ་དྲག་པོའི་ཟོར་དང་ཐུན་ལ་རྒྱུག །སྔ་དགྲ་ལག་བརྡར་ཕྱི་དགྲ་ཡིད་ལ་སེམས། །ད་དགྲ་སྦྱོར་བའི་དགྲ་དཔུང་རྡུལ་དུ་རློགས། །བསམ་ངན་སྦྱོར་རྩུབ་བྱད་ཟོར་རྦོད་གཏོང་ཟློག །བྷེ་རུ་ཌྷ་ཀ་ཡེ་གནོད་བྱེད་མི་ཁ་བྲ་མཆུ་བྱད་མ་ཆོད་གཏོང་ཐམས་ཅད་བློ་བྷྱོ་ཟློག་
ཟློག །བྷྱོ༔ ནུབ་ཕྱོགས་སྤྱན་བཟང་ཀླུ་བདུད་འབུམ་དང་བཅས། །དོ་ནུབ་དྲག་པོའི་ཟོར་དང་ཐུན་ལ་རྒྱུག །སྔ་དགྲ་ལག་བརྡར་ཕྱི་དགྲ་ཡིད་ལ་སེམས། །ད་དགྲ་སྦྱོར་བའི་དགྲ་དཔུང་རྡུལ་དུ་རློགས། །བསམ་ངན་སྦྱོར་རྩུབ་བྱད་ཟོར་རྦོད་གཏོང་ཟློག །བེ་རུ་བྷཀྵ་ཡེ་གནོད་བྱེད་མི་ཁ་བྲ་མཆུ་བྱད་མ་རྦོད་གཏོང་ཐམས་ཅད་བློ་བྷྱོ་ཟློག་ཟློག༔ ༣བྱོ༔ བྱང་ཕྱོགས་རྣམ་སྲས་གནོད་སྦྱིན་འབུམ་དང་བཅས། །དོ་ནུབ་དྲག་པོའི་ཟོར་དང་ཐུན་ལ་རྒྱུག །སྔ་དགྲ་ལག་བརྡར་ཕྱི་དགྲ་ཡིད་ལ་སེམས། །ད་དགྲ་སྦྱོར་བའི་དགྲ་དཔུང་རྡུལ་དུ་རློགས། །བསམ་ངན་སྦྱོར་རྩུབ་བྱད་ཟོར་རྦོད་གཏོང་ཟློག །བེ་ཤྲ་བ་ཎ་ཡེ་གནོད་བྱེད་མི་ཁ་བྲ་མཆུ་བྱད་མ་རྦོད་གཏོང་ཐམས་ཅད་སྦྱོ་བྷྱོ་ཟློག་ཟློག །ཧཱུྃ། ལེགས་ལྡན་ནག་པོ་མགོན་པོ་ཡོངས་ཀྱི་གཙོ། །དོ་ནུབ་དྲག་པོའི་ཟོར་དང་ཐུན་ལ་རྒྱུག །སྔ་དགྲ་ལག་བརྡར་ཕྱི་དགྲ་ཡིད་ལ་སེམས། །ད་དགྲ་སྦྱོར་བའི་དགྲ་དཔུང་རྡུལ་དུ་རློགས། །བསམ་ངན་སྦྱོར་རྩུབ་བྱད་ཟོར་རྦོད་གཏོང་ཟློག །མ་ཧཱ་ཀཱ་ལ་ཡེ་གནོད་བྱེད་མི་ཁ་བྲ་མཆུ་བྱད་མ་རྦོད་གཏོང་ཐམས་ཅད་བློ་སྦྱོ་ཟློག་ཟློག །ཧཱུཾ། དབང་ཕྱུག་རེ་ཏི་མ་
མོ་ཡོངས་ཀྱི་གཙོ། །དོ་ནུབ་དྲག་པོའི་ཟོར་དང་ཐུན་ལ་རྒྱུག །སྔ་དགྲ་ལག་བརྡར་ཕྱི་དགྲ་ཡིད་ལ་སེམས། །ད་དགྲ་སྦྱོར་བའི་དགྲ་དཔུང་རྡུལ་དུ་རློགས། །བསམ་ངན་སྦྱོར་རྩུབ་བྱད་ཟོར་རྦོད་གཏོང་ཟློག །རེ་མ་ཏི་ཡེ་གནོད་བྱེད་མི་ཁ་བྲ་མཆུ་བྱད་མ་རྦོད་གཏོང་ཐམས་ཅད་བློ་བྷྱོ་ཟློག་ཟློག །ཧཱུྃ།་ཁྱབ་འཇུག་ཆེན་པོ་གཟའ་བདུད་ཡོངས་ཀྱི་གཙོ། །དོ་ནུབ་དྲག་པོའི་ཟོར་དང་ཐུན་ལ་རྒྱུག །སྔ་དགྲ་ལག་བརྡར་ཕྱི་དགྲ་ཡིད་ལ་སེམས། །ད་དགྲ་སྦྱོར་བའི་དགྲ་དཔུང་རྡུལ་དུ་རློགས། །བསམ་ངན་སྦྱོར་རྩུབ་བྱད་ཟོར་རྦོད་གཏོང་ཟློག །རཱ་ཧུ་ལ་ཡ་གནོད་བྱེད་མི་ཁ་བྲ་མཆུ་བྱད་མ་རྦོད་གཏོང་ཐམས་ཅད་བློ་སྦྱོ་ཟློག་ཟློག །ཧཱུྃ། དགྲ་ལྷ་པེ་ཧར་སྲོག་བདག་འབུམ་དང་བཅས། །དོ་ནུབ་དྲག་པོའི་ཟོར་དང་ཐུན་ལ་རྒྱུག །སྔ་དགྲ་ལག་བརྡར་ཕྱི་དགྲ་ཡིད་ལ་སེམས། །ད་དགྲ་སྦྱོར་བའི་དགྲ་དཔུང་རྡུལ་དུ་རློགས། །བསམ་ངན་སྦྱོར་རྩུབ་བྱད་ཟོར་རྦོད་གཏོང་ཟློག །གིང་ཀ་ར་ཡེ་གནོད་བྱེད་མི་ཁ་བྲ་མཆུ་བྱད་མ་རྦོད་གཏོང་ཐམས་ཅད་སྦྱོ་བྷྱོ་ཟློག་ཟློག །ཧཱུཾ། རྡོ་རྗེ་ལེགས་པ་བཙན་འཁོར་སུམ་བརྒྱའི་ཚོགས། །དོ་ནུབ་དྲག་པོའི་ཟོར་དང་ཐུན་ལ་རྒྱུག །སྔ་
དགྲ་ལག་བརྡར་ཕྱི་དགྲ་ཡིད་ལ་སེམས། །ད་དགྲ་སྦྱོར་བའི་དགྲ་དཔུང་རྡུལ་དུ་རློགས། །བསམ་ངན་སྦྱོར་རྩུབ་བྱད་ཟོར་རྦོད་གཏོང་ཟློག །བཛྲ་སཱ་དྷུ་ཡེ་གནོད་བྱེད་མི་ཁ་བྲ་མཆུ་བྱད་མ་རྦོད་གཏོང་ཐམས་ཅད་བློ་བྷྱོ་ཟློག་ཟློག །ཧཱུཾ། ཀླུ་བདུད་མགོ་དགུ་ཀླུ་དམག་འབུམ་དང་བཅས། །དོ་ནུབ་དྲག་པོའི་ཟོར་དང་ཐུན་ལ་རྒྱུག །སྔ་དགྲ་ལག་བརྡར་ཕྱི་དགྲ་ཡིད་ལ་སེམས། །ད་དགྲ་སྦྱོར་བའི་དགྲ་དཔུང་རྡུལ་དུ་རློགས། །བསམ་ངན་སྦྱོར་རྩུབ་བྱད་ཟོར་རྦོད་གཏོང་ཟློག །ནཱ་ག་རཀ་ཡེ་གནོད་བྱེད་མི་ཁ་བྲ་མཆུ་བྱད་མ་རྦོད་གཏོང་ཐམས་ཅད་བློ་བློ་ཟློག་ཟློག །དེ་ནས་ལས་མཁན་བཞི་ནས་གོང་གི་ཟོར་གྱི་ཚིག་ལ་གཏོར་ཟོར་རྒྱོབ་ཅེས་པའི་བར་ཚིག་བསྒྱུར་ལ། ༈ གཏོར་མ་གཙོ་བོ་རྐྱེན་ཁག་ཆེ་བ་ལ་མགོ་ཐོག་ཏུ་འགྲིམས་པའམ། །ལིང་ག་ལ་བརྡེག་ནས་བསྐུལ་པ་དང་བཞེས་འབོད་བྱ་སྟེ། ཧཱུྃ། ཡབ་གཅིག་དཔལ་ཆེན་ཁྲོ་རྒྱལ་གཤིན་རྗེའི་གཤེད། །གཟི་བརྗིད་དྲེགས་སྟོབས་རྔམས་པའི་བརྟུལ་ཞུགས་ཅན། །སྐུ་གསུང་ཐུགས་ཡོན་ཕྲིན་ལས་བསམ་ལས་འདས། །དོ་ནུབ་དྲག་པོ་ཟོར་གྱི་ཕྲིན་ལས་མཛོད། །བྷྱོ་བྷེ་ཏ་ཙ་ལི་གོ་ཆ་ལྷ་ལྔ་དང་། །སྲས་མཆོག་རིགས་བཞི་ཡབ་ཡུམ་འཁོར་དང་
བཅས། །སྣང་སྲིད་ལྷ་སྲིན་སྡེ་བརྒྱད་དམག་ཚོགས་རྣམས། །དོ་ནུབ་དྲག་པོའི་ཟོར་དང་ཐུན་ལ་རྒྱུག །སྔ་དགྲ་ལག་བརྡར་ཕྱི་དགྲ་ཡིད་ལ་སེམས། །ད་དགྲ་སྦྱོར་བའི་དགྲ་དཔུང་རྡུལ་དུ་རློགས། །བསམ་ངན་སྦྱོར་རྩུབ་བྱད་ཟོར་ཅོད་གཏོང་ཟློག །གནོད་བྱེད་མི་ཁ་བྲ་མཆུ་བྱད་མ་ཆོད་གཏོང་ཐམས་ཅད་བློ་བྷྱོ་ཟློག་ཟློག །ཨེ་ཀ་དུ་ན་ཟློག །མ་ཧཱ་དུ་ན་ཟློག །ས་ག་དུ་ན་ཟློག །ཙ་དུར་སྙིང་ལ་ཟློག །རྭ་ཙ་དུ་ན་ཟློག །སུམ་ཏྲི་རཀྵ་ཟློག །བྱད་ཟོར་ཕུར་ཁ་ཆག་ཆེན་ཉམ་ང་དགྲ་གྱོད་མི་ཁ་བྲ་མཆུ་ཐམས་ཅད་དགྲ་ལ་བྷྱོ་བྷྱོ་ཟློག་ཟློག༔ ༈ དགོངས་སུ་གསོལ་ལོ། །གསན་དུ་གསོལ་ལོ། །གཟིགས་སུ་གསོལ་ལོ། །ལྷོ་ཕྱོགས་ལས་ཀྱི་གཤིན་རྗེའི་གྲོང་ཁྱེར་གྲུ་གསུམ་མཐིང་ནག་འབར་བའི་གཞལ་ཡས་ནས། ཤ་ཁྲག་རྒྱ་མཚོ་འཁྱིལ་བའི་ནང་ཤེད། དམ་ཉམས་དགྲ་བགེགས་བསྒྲལ་བའི་གདན་སྟེང་ནས། འཇམ་དཔལ་གཤིན་རྗེའི་གཤེད་ཀྱི་ལྷ་ཚོགས། འཁོར་དང་ཡང་འཁོར་སྤྲུལ་པ་དང་བཅས་པ། འཇམ་དཔལ་སྐུ་ཡི་ལྷ་ཚོགས། རྟ་མགྲིན་གསུང་གི་ལྷ་ཚོགས། ཕྱག་རྡོར་ཐུགས་ཀྱི་ལྷ་ཚོགས། ཆོས་རྒྱལ་ཡོན་ཏན་གྱི་ལྷ་ཚོགས། །
བདུད་རྩི་འཁྱིལ་པ་ཕྲིན་ལས་ཀྱི་ལྷ་ཚོགས། ཡུམ་བྷེ་ཏཱ་ཙ་ལི། སྲས་མཆོག་རིགས་བཞི་ཡབ་ཡུམ། གཤིན་རྗེ་ཡ་མ་རཱ་ཛ། མ་མོ་ཨེ་ཀ་ཙཱ་ཏི། སྲིད་པའི་མ་མོ་བདུན་འབུམ། བཙན་རྒོད་ཡམ་ཤུད་དམར་པོ། བཙན་འཁོར་དྲག་པོ་སྟོང་སྡེ། བདུད་པོ་ཀོང་རྗེ་དྲང་དཀར། བདུད་དམག་བྱེ་བ་འབུམ་སྡེ། མགོན་པོ་ལེགས་ལྡན་ནག་པོ། ཕོ་རྒྱུད་མགོན་པོའི་དམག་ཚོགས། དཔལ་ལྡན་འདོད་ཁམས་དབང་ཕྱུག །མོ་རྒྱུད་མ་མོའི་དམག་ཚོགས། གཟའ་བདུད་དུག་གི་སྤུ་གྲི། གཟའ་བརྒྱད་གདོང་མོའི་དམག་ཚོགས། སྲོག་བདག་རྒྱལ་པོ་བེ་ཧར། རྒྱལ་འགོང་དགུ་ཁྲི་དགུ་འབུམ། དམ་ཅན་རྡོ་རྗེ་ལེགས་པ། མཆེད་འཁོར་སུམ་བརྒྱ་དྲུག་ཅུ། ཀླུ་བདུད་ནག་པོ་མགོ་དགུ། ཀླུ་བདུད་ཀླུ་བཙན་འབུམ་སྡེ། ཤར་ཕྱོགས་རྒྱལ་པོ་ཡུལ་འཁོར་སྲུང་། དྲི་ཟ་བྱེ་བ་འབུམ་སྡེ། ལྷོ་ཕྱོགས་རྒྱལ་པོ་འཕགས་སྐྱེས་པོ། གཤིན་རྗེ་བྱེ་བ་འབུམ་སྡེ། ནུབ་ཕྱོགས་རྒྱལ་པོ་སྤྱན་མི་བཟང་། ཀླུ་རིགས་བྱེ་བ་འབུམ་སྡེ། བྱང་ཕྱོགས་རྒྱལ་པོ་རྣམ་ཐོས་སྲས། གནོད་སྦྱིན་བྱེ་བ་འབུམ་སྡེ། དབང་པོ་བརྒྱ་བྱིན་དྲི་ཟའི་དམག་ཚོགས། ཨཧྥེ་རཱ་ཛ་
དྲང་སྲོང་གི་དམག་ཚོགས། ཡ་མ་རཱ་ཛ་གཤིན་རྗེའི་དམག་ཚོགས། ནི་རི་ཏི་སྲིན་པོའི་དམག་ཚོགས། ཝ་རུ་ཎ་ཀླུའི་དམག་ཚོགས། བ་ཡ་ཝེ་རླུང་ལྷའི་དམག་ཚོགས། ཀུ་བེ་ར་གནོད་སྦྱིན་གྱི་དམག་ཚོགས། འབྱུང་པོ་དབང་ལྡན་བགེགས་ཀྱི་དམག་ཚོགས། གཙུག་ཕུད་ཅན་ཚངས་པའི་དམག་ཚོགས། ས་ཡི་ལྷ་མོ་ས་བདག་གི་དམག་ཚོགས། བཀའ་སྣང་ཞིང་སྲིད་པའི་ལྷ་མ་སྲིན་སྡེ་བརྒྱད། དམ་ལ་གནས་པ། མཆེད་ལ་སྡང་བ། ཤ་ལ་དགའ་བ། ཁྲག་ལ་རྔམས་པ་རྣམས་གསན་ཅིང་དགོངས་སུ་གསོལ་ལོ། །༈ །ཀྱེ་དཔལ་གྱི་བཀའ་སྡོད་ལས་མཁན། ཆོས་སྐྱོང་བའི་སྲུང་མ་ལྷ་སྲིན་དྲག་རྩལ་ཅན་ཁྱེད་རྣམས་ལ། བསྟན་པའི་དགྲ་བོ་དམ་ཉམས་མིང་བྱང་བུ་ལ་བྲིས་པ། བླ་འཁོར་ལོ་ལ་བསྐོར་བ། གཟུགས་ལིང་ག་ལ་བཀོད་པ་འདིས། ད་རྣམས་ལ་འགྲས་བཙལ་ཕུད་བཙུགས་དོ་བསྡོས་ལྷ་ཁྱེད་ལ་མཐུ་མེད་ཟེར་ནས་སྨད། རྣལ་འབྱོར་བདག་ལ་ལྷ་མེད་ཟེར་ནས་བརྙས། སངས་རྒྱས་ཀྱི་བསྟན་པ་བཤིག །དཀོན་མཆོག་གི་དབུ་འཕང་སྨད། དགེ་འདུན་གྱིས་དཀོར་ལ་འཕྲོག །རྡོ་རྗེ་སློབ་དཔོན་གྱི་སྐུ་ལ་བསྡོས། སྔགས་འཆང་རྣམས་
ལ་འཚེ། མནའ་ཟ་ཞིང་སེམས་ཅན་ཡོངས་ལ་འཚེ། དགེ་བ་བཅུ་ཁྱད་དུ་བསད། མི་དགེ་བཅུ་དང་དུ་བླངས། མཚམས་མེད་པ་ལྔའི་འབྲས་བུ་སྨིན། བསྒྲལ་བའི་ཞིང་བཅུ་འདི་ལ་ཚང་། ༈ འོ་འོ་སངས་རྒྱས་བསྟན་པའི་སྤྱི་དགྲ། དཔལ་ལྡན་བླ་མ་དམ་པའི་སྐུ་དགྲ། ཁྱད་པར་དུ་བདག་ཅག་སློབ་དཔོན་བསྲུང་བྱ་རྣམས་ཀྱི་ཚེ་ལ་བརྐུ་བ། སྲོག་ལ་འཇབ་པ། བླ་ལ་ཁྱེར་བ། གོད་ཁ་དང་ཆོ་འཕྲུལ་གཏོང་བ། བྱད་ཁ་དང་ཕུར་ཁ་སྟོན་པ། གཏད་སེར་དང་མནན་འཁོར་གྱི་ཁྲམ་ལ་འདེབས་པ། བསམ་ངན་དང་དུག་སྦྱོར་ཤོམས་པ། སྔ་དགྲ་ལག་གིས་བརྡར་བ། ཕྱི་དགྲ་ཡིད་ལ་སེམས་པ། ད་དགྲ་ཐད་དུ་ལང་བ། དམག་སྣ་དང་ཇིག་སྣ་རྐུན་སྣ་སྟོན་པ། མ་ཉེས་པའི་ཁ་ཡོག་འབེབས་པ། མཐོ་ནོན་ཕྲག་དོག་བྱེད་པ། ལུས་ལ་མཚོན་ཆ་འདེབས་པ། སེམས་ལ་སྡུག་བསྔལ་གཏོང་བ། སྒབ་འདྲེ་དང་ཕུང་དཀྲུགས་བྱེད་པ། ཡིད་ལ་དམིགས་པའི་དགྲ་བགེགས། ཚེ་འདིར་གནོད་པར་འགྱུར་པའི་ལས་ངན་སྡིག་ཅན་འདི་རྣམས། ༈ འཇམ་དཔལ་གཤིན་རྗེའི་གཤེད་འཁོར་དྲེགས་པ་སྡེ་བརྒྱད་དང་བཅས་པའི་ཞལ་དུ་ད་
ལྟ་ཉིད་དུ་བཞེས་ཤིག །གཤིན་རྗེ་ལྷ་སྲིན་ཁྱེད་རྣམས་ཀྱིས་གནོད་བྱེད་དགྲ་བགེགས་ཀྱི་སྟེང་དུ་མགྱོགས་པའི་རྟ་བརྟོད་གཅིག །རྣོ་བའི་མཚོན་བརྡར་ཅིག །ཇག་རྒྱུགས་ཤིག་རྟགས་དང་མཚན་མ་མངོན་དུ་སྟོན་ཅིག །སྐུ་གསུང་ཐུགས་མ་གཡེལ་ཅིག །དམ་ཉམས་དགྲ་བོ་འདིའི་གནམ་གྱི་འཇུ་ཐག་ཆོད་ཅིག་།ས་ཡི་བརྟན་ཕུར་ཕུད་ཅིག །དཔལ་ལྡན་མགོན་པོས་བཀའ་ཆད་ཐོངས་ཤིག །མ་མོས་དལ་ཡམས་ཐོངས་ཤིག །བདུད་ཀྱིས་ཞགས་པ་ཐོབ་ཅིག །གཤིན་རྗེས་ཁྲམ་ལ་ཐོབ་ཅིག །བཙན་གྱིས་གྲི་འཐབ་ཕོབ་ཅིག །ཀླུ་བདུད་ནག་པོས་མཛེ་ནད་ཐོངས་ཤིག །སྲོག་བདག་རྒྱལ་པོས་སྨྱོ་འབོག་ཐོངས་ཤིག །རྡོ་རྗེ་ལེགས་པས་ཆོ་འཕྲུལ་སྟོན་ཅིག །ཤན་པ་དམར་པོས་སྲོག་རྩ་ཆོད་ཅིག་།ཚེ་བདག་ནག་པོས་ཚེ་སྲོག་ལྟུང་ཅིག །ལྷ་སྲིན་སྡེ་བརྒྱད་ཀྱིས་སྙིང་རྩ་ཕྱུང་ཅིག །ནད་རིགས་བཞི་བརྒྱ་རྩ་བཞི་ཕོབ་ཅིག །ཡར་གྱི་ཕོ་རྒྱུད་ཆོད་ཅིག །མར་གྱི་མོ་རྒྱུད་ཆོད་ཅིག །བར་གྱི་བུ་རྒྱུད་ཆོད་ཅིག །མཚན་གྱི་བུ་དང་ཕྲོལ་ཅིག །སྒོ་ཡི་ནོར་དང་ཕྲོལ་ཅིག །གཞི་ཡི་སྐྱེ་རྒྱུད་ཆོད་ཅིག །འགོ་བའི་ལྷ་དང་ཕྲོལ་ཅིག༔
གནོད་པའི་བདུད་དང་སྤྱོད་ཅིག །ལས་ཀྱི་ལིང་ཐོབ་ཅིག །བརྟན་པའི་མཁར་ཤིག་ཅིག །སྲུང་བའི་གུར་ཆོམ་ཅིག །དཀྱིལ་འཁོར་ཀྱི་དཀྱིལ་དཀྲུག་ཅིག །ཚེ་ཡི་འདུ་བྱེད་སྐུམ་ཅིག །སྲོག་གི་དབང་པོ་བསྡུས་ཤིག །ཚེ་ཕྱི་མ་ལ་དུས་མ་འདེབས། ནམ་མཁའ་སྟོང་པ་ལ་ཚད་མ་བཙུགས། ལོ་དང་ཟླ་བར་མ་འགོར་ཅིག །ཞག་དང་ཟ་མར་མ་འགྱང་ཅིག །འཁོར་དཀྲུགས་ཚང་ཤིག །སྡེ་ཕ་ཚན་ལ་བབ་ན་གནམ་རྡིབ་པ་བཞིན་དུ་ཐོངས་ཤིག །མ་ཚན་ལ་བབ་ན་ས་ཞོམས་པ་བཞིན་དུ་ཐོངས་ཤིག་གཙོ་བོ་ལ་བབ་ན་རི་ཉིལ་བ་བཞིན་དུ་ཐོངས་ཤིག །མི་ཅིག་པ་ལ་བབ་ན་གཏིང་ཕུད་པ་བཞིན་དུ་ཐོངས་ཤིག །གཞོན་ནུ་ལ་བབ་ན་ཤིང་བཅད་པ་བཞིན་དུ་ཐོངས་ཤིག །རྒན་པོ་ལ་བབ་ན་སྡོང་རྒན་རྩ་ནས་འགྱེལ་པ་བཞིན་དུ་ཐོངས་ཤིག །རྒན་མོ་ལ་བབ་ན་ཐོག་རྡིབ་པ་བཞིན་དུ་ཐོངས་ཤིག །ཆུང་བྱིས་པ་ལ་བབ་ན་མེ་ཏོག་སད་ཀྱིས་ཁྱེར་བཞིན་དུ་ཐོངས་ཤིག །སྨན་བུ་མོ་ལ་བབ་ན་སྨྱུག་ཕྲན་ཟོར་བས་བྲེག་པ་བཞིན་དུ་ཐོངས་ཤིག །ནོར་ཕྱུགས་ལ་བབ་ན་ནགས་ཚལ་ལ་མེ་མཆེད་པ་བཞིན་དུ་ཐོངས་ཤིག །དམ་
ཉམས་བསྟན་དགྲ་མིང་དུ་བྲིས་པ་གཟུགས་སུ་བཀོད་པ་ཡིད་ལ་མནག་པ་འདི། རི་རྡོ་ཐང་ལ་ལྷུང་བ་བཞིན་དུ་ཐོངས་ཤིག །བྱ་སྤུ་རླུང་གིས་གཏོར་བ་བཞིན་དུ་ཐོངས་ཤིག །ཤིང་ཏ་ལའི་ལོ་མ་བཅད་པ་བཞིན་དུ་ཐོངས་ཤིག །བྱེ་མ་ཆུས་བཤལ་བ་བཞིན་དུ་ཐོངས་ཤིག །རྔ་མོང་གི་རྗེའུ་གཏོར་བ་བཞིན་དུ་ཐོངས་ཤིག །ངང་མོ་ཁྱོ་ཤི་བ་བཞིན་དུ་ཐོངས་ཤིག །སྒོ་ང་བྲག་ལ་རྒྱབ་པ་བཞིན་དུ་ཐོངས་ཤིག །བྱིས་ཚང་རྡོག་པས་བརྫིས་པ་བཞིན་དུ་ཐོངས་ཤིག །ཐལ་བ་རྡུལ་ཕྲན་བཞིན་དུ་ཐོངས་ཤིག །ཅེས་སྔགས་རིང་དང་བསད་སྔགས་བརྗོད་ཅིང་གཏོར་མ་ལིང་ག་ལ་བརྡེགས། དར་ནག་གཡབ། ༈ དེ་ནས་གཏོར་སྣོད་ཁ་སྦུབ་ལ། དེ་ཡི་འོག་ཏུ་དགྲ་བགེགས་ཚུད་པར་བསམས་ལ། ཧཱུྃ། བསྟན་པའི་དགྲ་བོ་དམ་ཉམས་འདི། །མནན་ནམ་དེ་ནི་མ་མནན་ན། །རི་རབ་ཆེན་པོའི་ཞབས་སུ་མནན། །མནན་ནོ་དེ་ནི་མ་ལྡང་ཞིག །བསྟན་པའི་དགྲ་བོ་མ་ལྡང་ཞིག །བསྒྱུར་རམ་དེ་ནི་མ་བསྒྱུར་ན། །རྒྱ་མཚོ་ཆེན་པོའི་གཏིང་དུ་བསྐྱུར། །བསྒྱུར་རོ་དེ་ནི་མ་ལྡང་ཞིག །བསྟན་པའི་དགྲ་བོ་དམ་ཉམས་འདི། །བརྫངོས་སམ་དེ་ནི་མ་རྫོངས་ན། །ཆུ་སྲིན་གདུག་པའི་གྲེ་བར་རྫོངས། །རྫོང་ངོ་དེ་
ནི་མ་ལྡང་ཞིག །བསྟན་པའི་དམ་ཉམས་དགྲ་བགེགས་འདི། །བསྐྱོན་ནམ་དེ་ནི་མ་བསྐྱོན་ན། །འཁོར་ལོ་འབར་བའི་རྩིབས་ལ་བསྐྱོན། །བསྐྱོན་ནོ་དེ་ནི་མ་ལྡང་ཞིག །ཧཱུཾ། འཁོར་འདས་དབང་བསྒྱུར་འཇམ་དཔལ་གཤིན་རྗེའི་གཤེད། །ཆོས་ཀྱི་དབྱིངས་ལས་ལོངས་སྐུར་སྐུ་བཞེངས་ནས། །སྟོང་གསུམ་སྲིད་གསུམ་འདུལ་བའི་རྡོ་རྗེའི་བྲོ། །བརྡུངས་བས་དགྲ་བགེགས་དམ་སྲི་རྡུལ་དུ་རློག །དགྲ་བགེགས་དམ་སྲི་ཨོཾ་ལཾ་ཧཱུཾ་ལཾ་སུཾ་བྷ་ཡ་མཱ་ར་ཡ་ནན། དེ་ནས་ནང་དུ་ལོག་ལ་ཚེ་འགུགས་སྤྱི་ལྟར་བྱའོ། །མཆོད་བསྟོད་བསྡུས་པ་ཙམ་བྱ། ཧཱུྃ། དུས་གསུམ་དཀོན་མཆོག་མ་ལུས་ཀུན་འདུས་པའི། །འཇམ་དཔལ་སྐུ་ཡི་ལྷ་ཚོགས་མ་ལུས་རྣམས། །མཁྱེན་བརྩེ་ནུས་སྟོབས་མཐར་ཕྱིན་འགྲོ་བའི་དཔལ། །ཡིད་བཞིན་ནོར་མཆོག་འདོད་དགུ་མི་ཟད་གཏེར། །སྐུ་གསུང་ཐུགས་ཡོན་ཕྲིན་ལས་སྒོ་ཕྱེས་ནས། །ཞི་རྒྱས་དབང་དྲག་མཆོག་དང་ཐུན་མོང་ཀུན། །མོས་པའི་བུ་ལ་དུས་འདིར་བརྩེ་བས་དགོངས། །དངོས་གྲུབ་དམ་པ་མ་ལུས་བསྩལ་དུ་གསོལ། །ཨོཾ་མཉྫུཤྲཱི་ཡ་མཱནྟ་ཀ་ཡ་མ་རཱ་ཙ་སིདྡྷི་ཕ་ལ་ཧཱུྃ། ཞེས་གཏོར་མ་དངོས་གྲུབ་ཏུ་བླངས། བཟོད་གསོལ་ནི། ཧོཿ
བདག་སོགས་མ་རིག་ལུས་དང་ངག་སེམས་ཀྱིས། །བསྐྱེད་རྫོགས་བསྙེན་སྒྲུབ་ཚུལ་བཞིན་མ་འགྲུབ་སོགས། །ལྷག་ཆད་ནོར་འཁྲུལ་ཉེས་སོགས་གང་མཆིས་པ། །མཁྱེན་མངའ་ལྷ་ལི་མཐོལ་བཤགས་བཟོད་པར་གསོལ། །ཨོཾ་ཡ་མཱན་ཀ་སཏཱ་ས་མ་ཡ་སོགས་སཏྭ་ཨཱཿ དབྱངས་གསལ་རྟེན་འབྲེལ་སྙིང་པོ་བརྗོད། ཧཱུྃ། སྐྱེ་མེད་ངང་ནས་འགག་མེད་སྐུར་ཤར་བ། །གང་འདུལ་ཆོ་འཕྲུལ་སྟོན་མཛད་སྐུ་མཆོག་ལྷ། །སྨིན་གྲོལ་ཆོས་འཁོར་འགྲོ་བ་མ་ལུས་སྐུ། །སླར་ཡང་ཆོས་དབྱིངས་སྐྱེ་མེད་ངང་དུ་བསྡུ། །ཨོཾ་ཨཱཿཧཱུྃ་བཛྲ་མུ། ཡེ་ཤེས་པ་གཤེགས། དམ་ཚིག་པ་རང་ལ་བསྡུ། ཧཱུྃ། འཇའ་ཚོན་ཆུ་ཟླ་ལྟ་བུ་ཞེན་མེད་ལུས། །ངར་འཛིན་རྣམ་རྟོག་རང་བྱུང་དཔལ་ཆེན་གྱི། །སྐུ་གསུང་ཐུགས་ཀྱི་རྒྱས་གདབ་དུས་ཀུན་ཏུ། །ཐབས་ཤེས་ཟུང་འབྲེལ་འགྲོ་འདུལ་སྤྱོད་ལམ་བྱའོ། །ཨོཾ་བཛྲ་མ་མ་ཧྲཱིཿ ཞེས་དང་། བཀྲ་ཤིས་བསྔོ་བ་སྨོན་ལམ་གང་འོས་སྤྱི་ལྟར་བྱའོ། །སྐུ་རིམ་གཏོར་ཟློག་སོགས་དང་། ཁ་ལ་རྒྱས་འདེབས། འགུགས་པ། མནན་པ། བསད་པ། བཅིངས་བ་སོགས་གཞུང་འདི་ལས་ཁོག་ཕུབ་ནས་ཚིག་གིས་བསྒྱུར་སོ་དང་། དམིགས་པའི་བྱེ་བྲག་ཞལ་ལས་ཤེས་སོ། །ཞེས་ཟུར་མཁར་པའི་ལུགས་གབ་འཁྲུགས་བུ་ཡིག་བསྡེབ་
སྟེ། རཱ་ག་ཨ་སྱས་སོ།། །༈ གླེགས་བམ་འདི་ཉིད་བཞེངས་པ་དང་། །འཆང་དང་ཀློག་པའི་དགེ་བའི་མཐུས། །བདག་ཅག་མཆེད་གཉིས་འཁོར་བཅས་དང་། །འཚོ་བ་སྦྱོར་བའི་ཡོན་བདག་རྣམས། །ཚེ་འདིར་བཀྲ་ཤིས་ཚེ་རིང་ཞིང་། །བདེ་སྐྱིད་ཕུན་སུམ་ཚོགས་པ་དང་། །ནམ་ཞིག་འདི་ནས་འཕོས་མ་ཐག །བདེ་བ་ཅན་དུ་སྐྱེ་ཕྱིར་བསྔོ། །ཞེས་པ་༧ ཨ་རཱ་གས་སོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།