ཐུགས་རྗེ་ཆེན་པོ་གསང་འདུས་ཀྱི་གཏོར་དབང་གི་དབང་སྒྲུབ་བསྡུས་པ།
ཐུགས་རྗེ་ཆེན་པོ་གསང་འདུས་ཀྱི་གཏོར་དབང་གི་དབང་སྒྲུབ་བསྡུས་པ་བཞུགས་སོ།།
གསང་འདུས་ཐུགས་རྗེ་ཅན་ལ་ཕྱག་འཚལ་ལོ། །དེ་ཡི་གཏོར་དབང་རྒྱས་བསྡུས་དབང་སྒྲུབ་ནི། །པད་འདབ་མ་ནི་འབྲུ་ཡི་ཚོམ་བུ་ལྔ། །ཐོད་ཕ་བདུད་རྩི་མེ་ལོང་ཤེལ་རྣམས་བཤམས། །བསྡུས་པ་བྱས་ན་གཏོར་དབང་གཅིག་པུས་ཆོག །བདག་དང་མདུན་བསྐྱེད་གཏོར་རྩེར་དཀྱིལ་འཁོར་བསྐྱེད། །སྦྱོར་འཚམས་བྱང་སེམས་བྷནྡྷའི་བདུད་རྩི་བསྟིམས། །དྲན་རྫོགས་ལྟ་སྒོམ་ལས་བྱང་རྩ་ཚིག་འདིས། །གསོལ་འདེབས་ཚུལ་དུ་བརྗོད་པས་ལས་བྱང་ཚང་།། ༈ ན་མོ། དཀོན་མཆོག་གསུམ་དང་ཡི་དམ་ལྷ་། །རྒྱལ་བ་རྒྱ་མཚོའི་ཚོགས་བཅས་ལ། །སྒོ་གསུམ་གུས་པས་སྐྱབས་སུ་མཆི། །ཚད་མེད་བཞི་རུ་སེམས་བསྐྱེད་དོ། །ཉོན་ཅིག་ལོག་
འདྲེན་བགེགས་ཀྱི་ཚོགས། །ཐམས་ཅད་རང་གི་གནས་སུ་དེངས། །བསྲུང་དང་མཚམས་ཀྱི་ཕྲིན་ལས་འགྲུབ་པར་མཛོད། །རང་རིག་གསལ་སྟོང་དག་པའི་སྒོ་ཕྱེས་ཤིག །དོན་དམ་སྙིང་པོའི་རང་བཞིན་མཇལ་ཕྱག་འཚལ། །སྲོག་གི་ཕྱིར་ཡང་མི་གཏོང་ས་མ་ཡ། །གནས་འདིར་སྐུ་གསུང་ཐུགས་ཀྱི་བྱིན་ཕོབ་ལ། །ཡེ་ཤེས་ལྔ་ཡི་དབང་མཆོག་བསྐུར་དུ་གསོལ། །ཕྱི་ནང་གསང་བའི་མཆོད་ཚོགས་རྣམས། གུས་པས་འབུལ་གྱིས་བཞེས་སུ་གསོལ། །ཉམས་ཆག་འགལ་འཁྲུལ་མཐོལ་ལོ་བཤགས། །ཧཱུྃ། སྤྲོས་མེད་ཆོས་རྣམས་ཡེ་ནས་དག །དེ་
ཉིད་མ་རྟོགས་སྙིང་རེ་རྗེ། །ཧིནི་ཡེ་ཤེས་སྙིང་པོའི་སྲོག །ཧཱིཝལས་ཧཱུྃ་འཕྲོས་གཞལ་ཡས་ཁང་། །གཞལ་ཡས་ཡོངས་རྫོགས་ཆེན་པོར་གསལ། །དལ་དབུས་གྷིཡི་འཕྲོ་འདུས་ལས་—།རང་ཉིད་ཐུགས་རྗེ་ཆེན་པོར་བསྒོམ། །གསང་འདུས་ཐུགས་རྗེ་སྤྱན་རས་གཟིགས། །ཚེ་བདག་རྟ་མགྲིན་གསང་ཡེ་ཡུམ། །ནོར་འཛིན་གསང་འཛིན་རིགས་ལྔར་བཅས་། སེམས་དཔའ་ཡབ་ཡུམ་ཐུབ་པ་དྲུག །སངས་རྒྱས་སྟོང་རྩ་སྒོ་བ་བཞི། །རིག་འཛིན་མཁའ་འགྲོ་དམ་ཅན་ཚོགས། །སྐུ་མདོག་ཕྱག་མཚན་རྒྱན་ཆ་ལུགས། །མ་འདྲེས་ནམ་མཁའི་འཇའ་ལྟར་གསལ། །ཧཱུྃ། རྣམ་དག་བདེ་ཆེན་གཞལ་ཡས་ནས། །ཐུགས་རྗེ་ཆེན་པོའི་ལྷ་ཚོགས་རྣམས། །སྔོན་གྱི་ཐུགས་དམ་ཇི་བཞིན་དུ། །གནས་འདིར་སྤྱན་འདྲེན་གཤེགས་སུ་གསོལ། །དབྱེ་བསལ་མེད་པར་བཞུགས་སུ་གསོལ། །སྒོ་གསུམ་དད་པས་ཕྱག་བགྱིའོ། །ཏེ་ཏེ་ཧཱུྃ་ཏེ་ན་ཧཱུཾ། ཡེ་མཆོད་ཆེན་པོར་བཞེས་སུ་གསོལ། །ཨ་མྲྀ་ཏ་བ་ལིང་ཏ་རཀྟ་ཁཱ་ཧི། སརྦ་པུཉྩ་ཧོ༔ དྷཱི༔ བདེ་གཤེགས་ཀུན་འདུས་ཐུགས་རྗེའི་ལྷ། །རང་བྱུང་ཡེ་ཤེས་སྤྱན་རས་གཟིགས། །ཡོངས་རྫོགས་ལྷ་ལ་ཕྱག་
འཚལ་བསྟོད། །རང་སྣང་དགོངས་རྒྱུད་དག་པས་ཐུགས་དམ་བསྐུལ། །ཨོཾ་མ་ཎི་པདྨེ་ཧཱུྃ་ཧཱུྃ༔ ཨོཾ་ཨཱཿཧཱུྃ་སྭཱ་ཧཱཿ ཨཾ་ལཾ་ཏཱཾ་པཱི་ཏཾ༔ སརྦ་ཏ་ཐཱ་ག་ཏ་མ་ཧཱ་པཉྩ༔ ཨོ་ཨཱ་ཡུ་ཛྙཱ་ན་མ་ཧཱ་པུཎྱ་ཏིཥྛ་ཨཱ༔ ཡིག་བདུན་ཅི་ནུས་བསྙེན། གྲྭ་སློབ་དང་ཁྲོམ་ཡོད་ན་འུར་འདོན་བྱ། ལས་བུམ་དུ་སྐད་ཅིག་གིས་བདུད་རྩི་འཁྱིལ་པ་ལྗང་ནག །རྒྱ་གྲམ་སྡིགས་མཛུབ་ཅན་བསྐྱེད་ནས། ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ ཅེས་ཉེར་གཅིག་ལས་མི་ཉུང་བར་བཟླ། གྲྭ་སློབ་ཡོད་ན་འཛབ་དབྱངས་ཀྱང་བྱ། དེ་ནས་དབང་བསྐུར་ཏེ། བརྡའི་བསྡུ་ཆོག་སོགས་ཉམས་ལེན་ངོ་བོ་སྐྱོངས་བས་ཀྱང་ཆོག་ཆེད་དུ་མི་དགོས། ཞེས་ཚེས་བཅུའི་ཉིན། རཱ་ག་ཨ་སྱས་བསྡུས་པ་ལ། འགལ་འཁྲུལ་གང་མཆིས་ཆོས་བདག་སྲུང་མའི་ཚོགས་ལ་བཤགས་ཤིང་། དགེ་བས་འགྲོ་བ་མཐའ་ཡས་པ་ལ། གསང་བ་འདུས་པའི་ཐུགས་རྗེ་འཇུག་པའི་རྒྱུར་གྱུར་ཅིག །ཡི་གེ་པ་ནི་འབྲོང་པ་དགེ་བཤེས་པདྨ་ཐབས་མཁས་སོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།
ཤོག་སྟོང་།