རཏ་གླིང་འདུས་པ་སྐོར་བཞིའི་བཀའ་སྲུང་རྣམས་ཀྱི་གསོལ་ཁ་ཉུང་ངུ་ཕྱོགས་གཅིག་ཏུ་བསྡུས་པ།
རཏ་གླིང་འདུས་པ་སྐོར་བཞིའི་བཀའ་སྲུང་རྣམས་ཀྱི་གསོལ་ཁ་ཉུང་ངུ་ཕྱོགས་གཅིག་ཏུ་བསྡུས་པ་བཞུགས་སོ༔
ཨོཾ་ཨ་ཀཱ་རོ་སོགས་ཀྱིས་བྱིན་གྱིས་བརླབས་ལ༔ ཧཱུྃ༔ སྒྲུབ་པ་ལུང་གི་ཕོ་ཉ་ཆེན་པོ་ནི༔ ཉི་མའི་དཀྱིལ་ནས་བསྐལ་པའི་མེ་ཆེན་འབར༔ སྤྲུལ་པ་ཡང་སྤྲུལ་ཕོ་ཉ་དཔུང་དང་བཅས༔ བདུད་འདུལ་དབང་དྲག་དཔལ་གྱི་བཀའ་ཉན་མ༔ ཁྲོ་བོའི་སྤྲུལ་པ་ཚངས་པའི་ལིང་པ་མོ༔ འདིར་གཤེགས་དམ་རྫས་བརྒྱན་པའི་གཏོར་མ་བཞེས༔ དམ་སྲི་ཉུལ་ལེའི་བར་ཆད་རྡུལ་དུ་རློགས༔ གནམ་ལྷའི་ལྕམ་མོ་ཟླ་བའི་དཀྱིལ་འཁོར་ནས༔ ཁྲག་མདོག་དམར་མོ་བསྲྭེ་ཡི་ལན་ཕྲན་ཅན༔ ཤིན་ཏུ་མི་བཟད་གཏུམ་ཆེན་ཁྲག་འཐུང་མ༔ དཔལ་གྱི་ཕོ་ཉ་དཔལ་གྱི་ཐུགས་
ལས་སྤྲུལ༔ འདིར་གཤེགས་དམ་རྫས་བརྒྱན་པའི་གཏོར་མ་བཞེས༔ དམ་སྲི་ཉུལ་ལེའི་བར་ཆད་རྡུལ་དུ་རློགས༔ ཧཱུྃ༔ པདྨ་གསུང་གི་བཀའ་སྲུང་ཐུགས་དམ་ཅན༔ འདིར་གཤེགས་དམ་རྫས་བརྒྱན་པའི་གཏོར་མ་བཞེས༔ དུས་མིན་འཆི་དང་ལྟས་ངན་འོད་ཟེར་ཟློག༔ དམ་སྲི་ཉུལ་ལེའི་བར་ཆད་རྡུལ་དུ་རློགས༔ ཨོཾ་ཀྲོ་དྷི་ཤྭ་རི་པཉྩ་ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི་ཁཱ་ཧི༔ ཏྲི་པ་ཏྲི་པ་ཧཱུྃ་ཕཊ༔ ཁ་ལ་རོ་ཤ་ཁ་ལ་རོ་ཤ་ཧཱུཾ་ཕཊ༔ ཡཀྴ་ཀུན་བཻ་ཛཿཧཱུྃ་ཕཊ༔ ཛྭ་ལ་རཾ་ཛྭ་ལ་རཾ་ཧཱུྃ་ཕཊ༔ ཛྭ་ལ་ཨ་མུ་ཀཾ་ཛྭ་ལ་ཨ་མུ་ཀཾ་ཧཱུྃ་ཕཊ༔ ཨ་མྲྀ་ཏ་བ་ལིཾ་ཏ་རཀྟ་ཁཱ་ཧི༔ ཞེས་གཏེར་
གཞུང་དང་སྔགས་སྲུང་མའི་གཏོར་བསྔོས་ནི༔ བྷྱོ༔ འོག་མིན་ཆོས་ཀྱི་དབྱིངས་ཀྱི་ཕོ་བྲང་ནས། །མ་དུས་གསུམ་སངས་རྒྱས་ཐམས་ཅད་སྐྱེད་པའི་ཡུམ། །སྔགས་ཀྱི་སྲུང་མ་ཨེ་ཀ་ཛཱ་ཊི་མ། །འཁོར་དུ་ཡེ་ཤེས་མ་མོ་འབུམ་གྱིས་བསྐོར། །ལས་སུ་སངས་རྒྱས་བསྟན་པ་རིན་ཆེན་སྲུང་། །ཟས་སུ་དམ་ཉམས་དགྲ་བོའི་ཤ་ཁྲག་ཟ། །མ་འདིར་གཤེགས་བརྒྱན་པའི་གཏོར་མ་འདི་བཞེས་ལ། །སངས་རྒྱས་བསྟན་པ་སྲུང་བའི་དུས་ལ་བབ། །དཀོན་མཆོག་དབུ་འཕང་བསྟོད་པའི་དུས་ལ་བབ། །བླ་མའི་སྐུ་ཚེ་བསྲིང་བའི་དུས་ལ་བབ། །རྣལ་འབྱོར་བར་ཆད་བསལ་བའི་དུས་ལ་བབ། །ཆོས་སྐྱོང་ཕྲིན་ལས་བསྒྲུབ་པའི་དུས་ལ་བབ། །དེ་བས་མ་མོ་མཁའ་འགྲོ་ཆོས་སྐྱོང་རྣམས། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །ཅེས་དྲུང་རྨ་སེས་མཛད་པའོ། །དེ་ནས་དམ་ཅན་མགར་བ་དམར་ནག་གི་གཏོར་བསྔོས་ནི། ཀྱེ༔ འཛམ་གླིང་ཉི་མ་ནུབ་ཕྱོགས་ན༔ ཕོ་བྲང་རྟག་ཆགས་བརྟེན་མཁར་ནས༔ འཛམ་བུ་གླིང་གི་སྐྱེས་གཅིག་པུ༔ རྡོ་རྗེ་ལེགས་པ་གཤེགས་སུ་གསོལ༔ དགེ་བསྙེན་ཆེན་པོ་དྲག་རྩལ་ཅན༔ འཛིན་གིང་བརྟན་མའི་ཚོགས་དང་བཅས༔ བཙན་རྒོད་དྲག་པོ་
སྟོང་གིས་བསྐོར༔ དཔོན་གཡོག་འཁོར་བཅས་གཤེགས་སུ་གསོལ༔ བཛྲ་སཱ་དྷུ་ས་མ་ཡ་ཏྲི་ཤུ་ལ་ཛཿཧཱུྃ་བཾ་ཧོ༔ ཨནྡྷཾ་སོགས། ཤབྡ་ཨཱཧཱུྃ༔ ཧཱུྃ༔ དམ་ཅན་སྐྱེས་བུ་ཐིག་ལེ་རྩལ༔ ཁྱེད་ཀྱི་ཐུགས་དམ་བསྐང་བ་ནི༔ མཁར་ཐབས་བཤོས་བུ་ར་ཡིས་མཚན༔ ཤ་ཁྲག་དམར་གཏོར་རཀྟ་དང་༔ ཚྭ་ས་ར་ཡི་གསུར་ཆེན་དང་༔ སྨྱུག་རྒོད་ཁྲབ་བྱང་རྔ་ཁྲབ་དང་༔ མཛེས་པའི་གླུ་གར་རོལ་མོ་དབྱངས༔ སྤྱན་གཟིགས་དཀོར་ཆས་ཐུགས་དམ་བསྐང་༔ ཨོཾ་བཛྲ་སཱ་དྷུ་ས་མ་ཡ༔ སྲོག་ཏྲིའུ་མ་ར་ཎ༔ རཏྣ་སིདྡྷི་ཕ་ཧཱུྃ༔ ཨི་དཾ་བ་ལི་ཁཱ་ཧི་ཁཱ་ཧི༔ ཨོཾབཛྲ་སཱ་དྷུ་ས་མ་ཡ་སྲོག་ཏྲིའུ་ཛཛཿ བཛྲ་ལི་ལ་མ་ཧཱུྃ་ཛཿ ཨི་དཾ་བ་ལི་ཁཱ་ཧི་ཁཱ་ཧི༔ ཨོབཛྲ་མ་ཧཱ་མ་ཏྲི་དུང་དུང་ཏྲི་ཛཿ ཨི་དཾ་བ་ལི་ཁཱ་ཧི༔ ཧཱུྃ༔ དམ་ཅན་སྐྱེས་བུ་བཛྲ་ཐིག་ལེ་རྩལ༔ ལྷ་མིའི་འཇིག་རྟེན་ཁམས་ན་དབང་ཕྱུག་བཙན༔ དབང་རྟགས་རྡོ་རྗེ་དགྲ་བོའི་ཙིཏྟ་འཛིན༔ དགེ་བསྙེན་ཆེན་པོ་ཁྱེད་ལ་ཕྱག་འཚལ་བསྟོད༔ སེང་གེ་དང་ནི་ར་སྐྱེས་ཆིབས་ནས་ཀྱང་༔ དར་དམར་གསོལ་ཞིང་རྫུ་འཕྲུལ་སྣ་ཚོགས་སྟོན༔ བཙན་དང་བརྟན་མའི་འཁོར་གཡོག་བསམ་མི་ཁྱབ༔ མཐུ་
སྟོབས་རྫུ་འཕྲུལ་ཅན་ལ་ཕྱག་འཚལ་བསྟོད༔ ཧཱུྃ༔ ཡང་ཅིག་བཞེངས་ཤིག་ནག་པོ་ཏི་པ་རྭ་ཙ་ཁྱོད༔ ལྷོ་བྲག་མཁར་ཆུའི་ཕྱོགས་སུ་ཆེ་བའི་སྐུར་སྟོན་པ༔ དགེ་བསྙེན་སྨྱོ་ཁ་ཞེས་སུ་མཚན་ཡང་གསོལ༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བདག་ཅག་རིག་འཛིན་རྣལ་འབྱོར་འཁོར་བཅས་ཀྱི༔ མི་མཐུན་རྐྱེན་སོལ་མཐུན་རྐྱེན་བསམ་པ་སྒྲུབས༔ གཏེར་གཞུང་དངོས་ལགས། ལུང་བཙན་དང་གཡུ་སྒྲོན་གཏེར་གཞུང་ནས་བཏུས་པ། ཀྱཻ༔ ཡ་ཀི་སྒོ་མོ་བྲག་དམར་ནས༔ ཇོ་བོ་བཙན་གྱི་རྒྱལ་པོ་ནི༔ སྐྱེས་བུ་ལུང་བཙན་སྤྱན་འདྲེན་ནོ༔ འདུར་འདུར་འདུར་གྱིས་གནས་འདིར་བྱོན༔ ཕུད་དང་བཤོས་དང་མཆོད་པ་བཞེས༔ བཀྲ་ཤིས་དར་རྒྱས་ཆེ་བ་ཡི༔ གྲོགས་དང་མགོན་སྐྱོབ་ཆེན་པོ་མཛོད༔ ཀྱེ༔ མ་ཀི་སྨན་ཡུལ་སྨན་ར་ནས༔ གཡུ་མཚོ་སྔོན་མོའི་ཕོ་བྲང་ནས༔ སྲིང་གཅིག་རྡོ་རྗེ་གཡུ་སྒྲོན་མ༔ མ་ཐོགས་མྱུར་དུ་གནས་འདིར་བྱོན༔ མཐུན་པའི་ཕུད་གཏོར་འབུལ་གྱིས་བཞེས་ཐུགས་རྗེ་ཆེན་པོའི་བཀའ་སྲུང་བ༔ བྲན་གཡོག་གནོད་སྦྱིན་ནོར་བསྙགས་ནི༔ མདོག་ན་ག་ཨཱ་ཙ་ར་ཡི་གཟུགས༔ འདིར་བྱོན་བརྒྱན་པའི་གཏོར་མ་བཞེས༔
སྡང་བའི་དགྲ་ལ་ཆོ་འཕྲུལ་ཐོང་༔ བཅོལ་བའི་ཕྲིན་ལས་གྲུབ་པར་མཛོད༔ སྔགས་བསྔོས་བྱ་བ་ནི་འདི་ལྟར་ལགས༔ ༀ་ཨེ་ཀ་ཛཱ་ཊི་བྷོ་ཛཿ ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི༔ ཨོཾ་ནཱ་ག་རཀཱ་ཀྲོ་དྷ་པ་ཙ་ལ་ཏི༔ དགྲ་བགེགས་ཀྱི་ཤ་ཁྲག་ལ་ཁཱ་ཧི༔ ཨ་མྲྀ་ཏ་བ་ལི་ཏ་རཀྟ་ཁཱ་ཧི༔ ཨོཾ་བྱི་ནུ་ཙ་ན་ས་མ་ཡ༔ རཀྟ་ཀུ་རུ༔ ཙ་ར་ན༔ ཧཱ་ན་ཧཱ་ན་རུ་ཙ་ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི་མ་མ་འུར་འུར༔ སྨན་སིལ་སིལ༔ རུ་རུ་ཏིང་ལཾ༔ ཏིང་མ་མ་ཛར༔ བ་ལིཾ་ཏ་ཁཱ་ཧི་ཁཱ་ཧི༔ ཨོཾ་བྷ་ཏོ་ར་ལི་ཡ༔ ས་དེ་ༀ་གུ་ཤ་ཛཿ ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི༔ འདི་ཡན་ལ་དམར་གཏོར་གཅིག་བསྔོས་ལ་ཕུལ་ལོ། །འདི་མན་དཀར་གཏོར་བསྔོས་ལ་ཕུལ། ཧཱུྃ༔ གླིང་བཞིའི་བྱང་ཕྱོགས་གསེར་རི་བདུན་གྱི་རྩེར༔ རིན་ཆེན་སྣ་ཚོགས་བརྩེགས་པའི་ལྡིང་ཁང་ནས༔ རྣམ་ཐོས་བུ་ཡི་བང་མཛོད་གཉེར་ཁ་བ༔ གནོད་སྦྱིན་དབང་པོ་གཞན་གྱིས་མི་ཐུབ་པ༔ འདིར་གཤེགས་དམ་རྫས་བརྒྱན་པའི་གཏོར་མ་བཞེས། མངའ་ཐང་སྟོབས་དང་འབྱོར་པའི་དངོས་གྲུབ་སྩོལ༔ ཧཱུྃ༔ སྟོང་གསུམ་འཛམ་གླིང་དབང་སྒྱུར་རྫུ་འཕྲུལ་ཅན༔ ནོར་ལྷ་ཀུན་གྱི་ཕོ་ཉ་མྱུར་མགྱོགས་ཅན༔ ནོར་གྱི་བདག་པོ་
དགེ་བསྙེན་ཡེ་ཤེས་གྲགས༔ འདིར་གཤེགས་དཀར་གསུམ་བརྒྱན་པའི་གཏོར་མ་བཞེས༔ སྣང་གསལ་པྲ་དང་ལོངས་སྤྱོད་དངོས་གྲུབ་སྩོལ༔ བྷྱོ༔ བསིལ་བ་ཚལ་དང་ཉེ་བའི་ཚནྡྷོ་ཏ༔ བདེན་བྲལ་མུན་པ་ཅན་གྱི་དུར་ཁྲོད་ནས༔ དཀོར་གྱི་བདག་མོ་རྡོ་རྗེ་ངས་ནུས་མ༔ འདིར་གཤེགས་དམ་རྫས་བརྒྱན་པའི་གཏོར་མ་བཞེས༔ དཀོར་རྣམས་སྲུང་ཞིང་སྤེལ་བའི་ཕྲིན་ལས་མཛོད༔ ཧཱུྃ༔ དགེ་བསྙེན་ཆེན་པོ་ཤེའུ་མཁའ་རིའི་སྐུ༔ མེས་པོ་གནམ་ལ་ཐོག་འབྲུག་ཆེམ་ཆེམ་ལགས༔ ཕྱི་མོ་གསེར་གྱི་ཉ་མཚོ་ཕྱུག་མོ་ལགས༔ ཡབ་ལ་མཚན་གསོལ་གངས་ཀྱི་གའུ་རྗེ༔ ཡུམ་ནི་སྨན་ཆེན་སྤུ་ར་སྤང་མོ་ལགས༔ དེ་གཉིས་བཤོས་པས་སྤྲུལ་པའི་མི་བོ་ཆེ༔ ལྷོ་སྟོད་ཤེ་འུ་མི་ཡུལ་ཕ་ཀི་ན༔ ཤེ་འུ་རྒྱལ་པོ་ཤེལ་བདག་བཙུན་མོའི་བུ༔ ཤེལ་ཕྲུག་གཟུགས་མཛེས་འགྲོ་བ་སྐྱེ་ཞེས་བྱ༔ ཚེ་དཔང་མཁའ་རི་མ་སང་གིང་སྤྲུལ་དང་༔ ལྕམ་མོ་ཤེལ་བཟའ་སྨན་གྱི་མཐུ་མོ་ཆེ༔ འདིར་གཤེགས་དམ་རྫས་བརྒྱན་པའི་གཏོར་མ་བཞེས༔ སློབ་དཔོན་པདྨའི་སྤྱན་སྔར་ཁས་བླངས་བཞིན༔ དམ་ལས་མ་འདའ་གང་འདོད་དངོས་གྲུབ་སྩོལ༔ བཅོལ་བའི་ཕྲིན་ལས་མ་ཐོགས་མྱུར་
དུ་མཛོད༔ ཨོཾ་ཧཱུྃཨ་པ་རཱ་ཛི་ཏ་ཛཿ བ་ལིཾ་ཏ་ཁཱ་ཧི༔ ཏྲིའུ་ཏྲིའུ་བ་ལིཾ་ཏ་ཁཱ་ཧི༔ ཨོཾ་ར་ལི་པྲ་མ་ཡ་ཛཿ བ་ལིཾ་ཏ་ཁཱ་ཧི༔ ཨོཾ་བཛྲ་ཏྲིག་ན་ཏྲིག་ཛཿ ཏྲིག་སྨན་རུ་རུ་ཙམ་ཙམ་ཛཿ བ་ལིཾ་ཏ་ཁཱ་ཧི༔ ཞེས་གཏོར་མ་ཕུལ་ལོ། །སྔགས་འཆང་ཨ་རཱ་གས་སྦྱར་བའོ། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།
ཤོག་སྟོང་།