རྟ་མགྲིན་ཡང་ཕྱུང་ནག་པོའི་ལས་རིམ་པོ་བདུན་ཇི་ལྟར་ཉམས་སུ་བླང་བའི་ཚུལ་གྱི་ལས་འགྲིགས་གབ་པ་མངོན་ཕྱུང་།
རྟ་མགྲིན་ཡང་ཕྱུང་ནག་པོའི་ལས་རིམ་པོ་བདུན་ཇི་ལྟར་ཉམས་སུ་བླང་བའི་ཚུལ་གྱི་ལས་འགྲིགས་གབ་པ་མངོན་ཕྱུང་འདི་གཞུང་དང་ལས་ཚོགས་མན་ངག་ཕྱག་ལེན་ཞལ་ཤེས་ཐམས་ཅད་བསྡུས་ཏེ་ཤིན་ཏུ་གསལ་བར་བྱས་པ་བཞུགས་སོ།།
མདོས་བསང་ཆུས་བྲན་ལ༔ ཨོཾ་བཛྲ་ཀྲོ་དྷ་ཧྱ་གྲི་ཝ་ཧཱུྃ་ཕཊ༔ ཀྱིས་བསངས་ལ༔ བ ལས་རིམ་ ཨོཾ་སྭ་བྷ་ཝ་ཤུདྡྷསརྦ་དྷརྨ་སྭ་བྷ་ཝ་ཤུདྡྷོཉཧཾ༔ གིས་སྟོང་པར་སྦྱངས༔ སྟོང་པའི་ངང་ལས་མདུན་དུ་གྲུ་གསུམ་མེ་རི་རབ་ཏུ་འབར་བའི་དབུས་སུ༔ དགྲ་བགེགས་ཐམས་ཅད་གན་རྐྱལ་དུ་བསྣོལ་བའི་སྟེང་དུ༔ ཡི་གེ་ཧཱུྃ་མཐིང་ནག་གཟི་བརྗིད་དང་ལྡན་པ༔ དེ་ལས་འོད་ཟེར་འཕྲོས་པས་དགྲ་བགེགས་གདུག་པ་ཅན་ཐམས་ཅད་ཚར་བཅད་འཇིག་རྟེན་ཁམས་ཀྱི་དྲེགས་པ་ཅན་ཐམས་ཅད་ཀྱི་ཚེ་དང་བསོད་ནམས་མཐུ་དང་ནུས་པ་བཀྲག་དང་གཟི་བརྗིད་ཐམས་ཅད་འོད་ཟེར་གྱི་ཚུལ་དུ་བསྡུས་ཏེ་ཧཱུཾ་
ལ་ཐིམ༔ ཧཱུྃ་ཡོངས་སུ་གྱུར་པ་ལས༔ དཔལ་ཁྲོ་བོ་རྟ་མགྲིན་སྐུ་མདོག་མཐིང་ནག་ཞལ་གཅིག་ཕྱག་གཉིས་པ༔ དྲག་པོའི་སྤྱན་གསུམ་བསྒྲད་ཅིང་མཆེ་བ་བཞི་རབ་ཏུ་གཙིགས་པ༔ ཕྱག་གཡས་སྒྲོལ་བྱེད་ཀྱི་རལ་གྲིས་དགྲ་བགེགས་ཀྱི་མགོ་ལུས་དུམ་བུར་གཏུབས་པ༔ གཡོན་པས་འཛིན་བྱེད་ཀྱི་ལྕགས་ཀྱུས་དགྲ་བགེགས་ཀྱི་སྙིང་ནས་འདྲེན་པ༔ ཞབས་གཉིས་ཀྱིས་དགྲ་བགེགས་ནོན་པར་མནན་པ༔ སྐུ་ལ་དར་ནག་གི་བེར་ཆེན་གསོལ་བ༔ སྤྱི་གཙུག་ན་རྟ་དབུ་ལྗང་ཞུར་རྟ་སྐད་དྲག་པོ་ནམ་མཁའི་དབྱིངས་སུ་འཚེར་བ༔ ཁམས་གསུམ་དབང་དུ་སྡུད་ཅིང་སྲིད་
གསུམ་ཟིལ་གྱིས་གནོན་པ༔ སྐུ་སྟོད་ལ་ཞིང་ལྤགས་ཀྱི་གཡང་གཞི་དང་སྐུ་སྨད་ལ་སྟག་ལྤགས་ཀྱི་ཤམ་ཐབས་གསོལ་བ༔ ཐོད་པ་སྐམ་པོ་ལྔ་ཡིས་དབུ་ལ་བརྒྱན་ཅིང་ཐོད་རློན་ལྔ་བཅུས་དོ་ཤལ་བྱས་པ༔ བ་སྤུའི་གསེབ་ནས་མེའི་ཚྭ་ཚྭ་འཕྲོ་བ༔ བསྐལ་པའི་མེ་དཔུང་འབར་བའི་ཀློང་ན་བཞུགས་པ༔ དབུ་སྐྲ་གནམ་ལྕགས་ཀྱི་རལ་པ་སྤྲུགས་པའི་སྐྲ་གསེབ་ནས་ཁྲོ་ཆུང་གི་ཚོགས་དཔག་ཏུ་མེད་པ་ཕྱིར་འཕྲོས་པས་དགྲ་བགེགས་གདུག་པ་ཅན་ཐམས་ཅད་ཚར་གཅོད་པ༔ དེའི་སྤྱི་གཙུག་ཏུ་ཡེ་ཤེས་ཀྱི་བྱ་ཁྱུང་དམར་པོ༔ རྭ་དང་མཆུ་སྡེར་གནམ་ལྕགས་ལས་གྲུབ་པ༔ ཀླུ་བརྒྱད་ཟས་སུ་ཟ་བ༔ ཀླུ་འབུམ་གདན་དུ་བཏིང་བ་ཁྱུང་སྐད་ནམ་མཁའི་དབྱིངས་སུ་འཚེར་བ༔ དེའི་གཡས་སུ་གྲུ་གསུམ་དམར་ནག་འཇིགས་ཤིང་ཡངས་པའི་ནང་དུ་རྒྱལ་བསེན་ཕོ་མོ་བསྣོལ་བའི་སྟེང་དུ༔ ཁྲོ་བོ་ཡཀྵ་ནག་པོ་་་་འདི་ཕྱག་རྡོར་གོས་སྔོན་ཅན་དང་རྒྱུད་གཅིག་པ་མེ་དབལ། སྐུ་མདོག་མཐིང་ནག་མེའི་རལ་པ་ཅན༔ གཡས་ན་མོའི་ཐོ་བ་དང་༔ གཡོན་པས་མེའི་ཞགས་པ་བསྣམས་པ༔ སྐུ་ལ་ཁྲོ་བོའི་ཚོགས་མང་པོ་འཕྲོ་བ༔ གཡོན་གྱི་ཕྱོགས་སུ་གྲུ་གསུམ་མཐིང་ནག་འབར་བའི་ནང་དུ༔ དགྲ་
བགེགས་ཐམས་ཅད་བསྣོལ་བའི་གདན་སྟེང་དུ༔ གནོད་སྦྱིན་ནག་པོ་ལྕགས་ཀྱི་རལ་པ་ཅན༔ སྐུ་མདོག་མཐིང་ནག་མུན་པའི་གཟུགས་སུ་འདུག་པ༔ གཡས་པས་གནམ་ལྕགས་ཀྱི་རྡོ་རྗེ་རྩེ་དགུ་བསྣམས་པ༔ གཡོན་པས་མེ་ཡི་ལྕགས་ཀྱུ་དམར་པོ་བསྣམས་པ༔ དེའི་གཡས་སུ་མོན་པ་ནག་པོ་བདུན་རྒྱུག་པ༔ གཡོན་ན་ཤན་པ་ནག་པོ་བདུན་རྒྱུག་པ༔ དེའི་མདུན་ན་ལྕགས་ཀྱི་སྡིག་པ་ནག་པོ་མགོ་དགུ་པ༔ རྭ་བཅོ་བརྒྱད་པ༔ རྭ་ཐམས་ཅད་ཀྱིས་ཚངས་པའི་འཇིག་རྟེན་ཉུག་ཉུག་བྱེད་པ༔ སྟེང་ལྷ་ཁམས་ཀྱི་གདོན་རིགས་ཐམས་ཅད་ཟས་སུ་ཟ་བ༔ མཇུག་མ་ས་ལ་བཤལ་བས་འོག་ཀླུ་ཡུལ་དུ་བསླེབས་པ༔ ཀླུ་གདོན་གྱི་རིགས་ཐམས་ཅད་ཟས་སུ་ཟ་བ༔ ལུས་གཉེར་མས་གང་བ༔ ཉེར་མ་ཐམས་ཅད་ཞལ་གྱིས་གང་བ༔ ཞལ་ཐམས་ཅད་མཆེ་བ་གཙིགས་པ༔ ལུས་གདོན་འབྱུང་པོ་རྒྱལ་བསེན་དང་བཅས་པ་ཐམས་ཅད་ཟས་སུ་ཟ་བ༔ གནོད་སྦྱིན་བྱེ་བ་འབུམ་གྱིས་བསྐོར་བ་གསལ་བར་གྱུར༔ བསྡུ་ན་འདི་གས་ཆོག༔ དེའི་ཕྱི་རོལ་གྱི་འདབ་མ་བརྒྱད་ལ༔ ཤར་དུ་ཨལས་སྲིད་པ་ལྷ་ཡི་གཙོ་བོ་སྐུ་མདོག་དཀར་པོ་སྐུ་ལ་དར་དཀར་གྱི་རལ་
ག་གསོལ་བ༔ གཡས་ཤེལ་གྱི་རལ་གྲི་དང་གཡོན་ན་དར་མདུང་དཀར་པོ་བསྣམས་པ༔ ཆིབས་སུ་ལྷ་གཡག་དཀར་པོ་ལ་ཆིབས་པ༔ ལྷོར་ཡལས་གཤིན་རྗེ་ཡ་མ་རཱ་ཙ་སྐུ་མདོག་ནག་པོ་སྟག་ལྤགས་རློན་པ་གསོལ་བ༔ གཡས་བེ་ཅོན་དང་གཡོན་ཐོད་དབྱུག་བསྣམས་པ༔ ཆིབས་སུ་མ་ཧེ་རུ་རིང་ལ་ཆིབས་པ༔ ནུབ་ཏུ་ལས་མ་མོ་སྲིད་པའི་རྒྱལ་མོ༔ སྐུ་མདོག་དཀར་མོ་སྐུ་ལ་དར་དཀར་གྱི་གོ་ཟུ་གསོལ་བ༔ གཡས་མདའ་དར་དང་གཡོན་མེ་ལོང་བསྣམས་པ༔ ཆིབས་སུ་གཡུ་འབྲུག་སྔོན་མོ་ལ་ཆིབས་པ༔ བྱང་དུ་དུལས་བདུད་ཕོ་སྐོས་རྗེ་དྲང་དཀར་སྐུ་མདོག་ནག་པོ་དར་ནག་གི་བེར་ཆེན་གསོལ་བ༔ གཡས་ཁྲམ་ཤིང་དང་གཡོན་དགྲ་ལྟ་བསྣམས་པ༔ ཆིབས་སུ་བདུད་རྟ་ནག་པོ་ལ་ཆིབས་པ༔ ཤར་ལྷོར་རཿལས་བཙན་རྗེ་སྲོག་གཟན་དམར་པོ༔ སྐུ་ལ་དར་དམར་གྱི་རལ་ག་གསོལ་བ༔ གཡས་མདའ་གཞུ་དང་༔ གཡོན་མདུང་དར་དམར་པོ་བསྣམས་པ༔ ཆིབས་སུ་བཙན་རྟ་དམར་པོ་ལ་ཆིབས་པ༔ ལྷོ་ནུབ་ཏུ་ཙཱལས་སྲོག་བདག་རྒྱལ་པོ་པེ་ཧར་སྐུ་མདོག་དཀར་པོ་གཡས་འཁར་གསིལ་དང་གཡོན་ལྷུང་བཟེད་བསྣམས་པ༔ སྐུ་ལ་ཆོས
གོས་ངུར་སྨྲིག་གསོལ་བ༔ ཆིབས་སུ་སེངྒེ་དཀར་མོ་ལ་ཆིབས་པ༔ ནུབ་བྱང་དུ་ཤལས་གནོད་སྦྱིན་ཀཱ་ལ་ཡཀྴ་སྐུ་མདོག་མཐིང་ནག་གཡས་རལ་གྲི་དང་གཡོན་རིན་པོ་ཆེ་བསྣམས་པ༔ སྐུ་ལ་ཟ་འོག་གི་བེར་གསོལ་བ༔ ཆིབས་སུ་སྟག་མོ་གྲུས་མ་ལ་ཆིབས་པ༔ བྱང་ཤར་དུ་ནལས་ཀླུ་བདུད་འཆི་བདག་མགོ་དགུ་སྐུ་མདོག་དུད་ཁ༔ གཡས་སྦྲུལ་ཞགས་དང་གཡོན་ནད་རྒྱལ་ཐོགས་པ༔ སྐུ་ལ་སྦྲུལ་གྱི་པགས་པ་གསོལ་བ༔ ཆིབས་སུ་ཆུ་སྲིན་ཁམས་པ་ལ་ཆིབས་པ༔ གཙོ་འཁོར་དེ་དག་གི་འཁོར་དུ་ལྷ་སྲིན་སྡེ་བརྒྱད༔ ཕྱོགས་སྐྱོང་བཅུ༔ རྒྱལ་པོ་ཆེན་པོ་སྡེ་བཞི་ལ་སོགས་པ་འཇིག་རྟེན་གྱི་དྲེགས་བྱེད་ཐམས་ཅད་ཁྲོ་ལ་གཏུམ་པ༔ དཔའ་ལ་རྔམ་པ༔ དྲག་ལ་རྩུབ་པ༔ དཔག་ཏུ་མེད་པས་བསྐོར་བར་གྱུར༔ གཞན་ཡང་མགྱོགས་བྱེད་ཀྱི་བྱ་ནག་མང་པོ་ཀླད་ལ་ལྡིང་བ༔ རྗེས་གཅོད་ཀྱི་ཁྱི་སྤྱང་མང་པོ་རོལ་དུ་ཁྲིད་པ༔ རྔམ་བྱེད་ཀྱི་སྟག་གཟིག་མང་པོ་སྔོན་དུ་འགྲོ་བ༔ དེ་ཐམས་ཅད་ཀྱིས་བདག་གི་བཀའ་ཉན་ཅིང་ལས་བྱེད་པ་ཞིག་ཏུ་གྱུར༔ ལྷ་ཚོགས་དེ་རྣམས་ཀྱི་སྤྱི་བོར་ཨོཾ༔ མགྲིན་པར་ཨཱཿ ཐུགས་ཀར་ཧཱུྃ༔ ཐུགས་ཀའི་ཧཱུྃ་ལས་
འོད་ཟེར་འཕྲོས་པས༔ བཅོམ་ལྡན་འདས་དཔལ་ཁྲོ་བོ་རྟ་མགྲིན་ནག་པོ་ལ་འཁོར་བཞི་དྲེགས་པ་སྡེ་བརྒྱད་ཀྱིས་བསྐོར་བ་དང་བཅས་པ་ཐམས་ཅད་མདུན་གྱི་ནམ་མཁར་སྤྱན་དྲངས༔ བཛྲ་ས་མ་ཡ་ཛ་ཛཿ དེ་ནས་སྐད་ཅིག་གིས་བདེ་ཆེན་དབང་དྲག་རོལ་པའི་ཕོ་བྲང་༔ བདེ་བ་ཅན་དང་རི་བོ་པོ་ཏ་ལ༔ ཟངས་མདོག་དཔལ་གྱི་རི་བོའི་རྩེ་ནས༔ དཔལ་རྟ་མགྲིན་ནག་པོ་འཁོར་བའི་དྲེགས་པ་སྡེ་བརྒྱུད་འཇིག་རྟེན་སྐྱོང་བ་དང་བཅས་པ་ཐམས་ཅད་འུར་འུར་ཐུག་ཐུག་ཆེམ་ཆེམ༔ རྟ་སྐད་རྩེར་རྩེར༔ རི་རབ་འགུལ་འགུལ་རྒྱ་མཚོ་ཆེམ་ཆེམ་དུ་བྱོན་པར་བསྒོམ་མོ༔ ཧཱུྃ༔ སྔོན་ཚེ་སངས་རྒྱས་བཅོམ་ལྡན་འདས༔ སྣང་བ་མཐའ་ཡས་སྤྱན་སྔ་རུ༔ ཐུགས་བསྐྱེད་རྣམ་དག་རྒྱ་ཆེན་གྱིས༔ ཐུགས་དམ་གཉན་པོ་ཞལ་བཞེས་པའི༔ ཐུགས་རྗེ་ཆེན་པོ་གཤེགས་སུ་གསོལ༔ སྤྱན་རས་གཟིགས་དབང་གཤེགས་སུ་གསོལ༔ འཇིག་རྟེན་དབང་ཕྱུག་གཤེགས་སུ་གསོལ༔ གསུང་གི་དབང་ཕྱུག་གཤེགས་སུ་གསོལ༔ གར་གྱི་དབང་ཕྱུག་གཤེགས་སུ་གསོལ་དབང་གི་རྒྱལ་པོ་གཤེགས་སུ་གསོལ༔ རྒྱ་གྷི་ཝ་གཤེགས་སུ་གསོལ༔ རྟ་མགྲིན་ནག་པོ་གཤེགས་སུ་གསོལ༔ གནོད་སྦྱིན་ནག་པོ་གཤེགས་སུ་གསོལ༔ ཡཀྵ་ནག་པོ་གཤེགས་སུ་གསོལ༔
གདོན་འདུལ་ནག་པོ་གཤེགས་སུ་གསོལ༔ ཀླུ་འདུལ་ནག་པོ་གཤེགས་སུ་གསོལ༔ གཟའ་འདུལ་ནག་པོ་གཤེགས་སུ་གསོལ༔ བགེགས་འདུལ་ནག་པོ་གཤེགས་སུ་གསོལ༔ སྲི་འདུལ་ནག་པོ་གཤེགས་སུ་གསོལ༔ དགྲ་འདུལ་ནག་པོ་གཤེགས་སུ་གསོལ༔ དཔལ་མགོན་ནག་པོ་གཤེགས་སུ་གསོལ༔ ལེགས་ལྡན་ནག་པོ་གཤེགས་སུ་གསོལ༔ བསྟན་སྲུང་ནག་པོ་གཤེགས་སུ་གསོལ༔ ལས་མཁན་ནག་པོ་གཤེགས་སུ་གསོལ༔ སྲོག་བདུད་ནག་པོ་གཤེགས་སུ་གསོལ༔ ཤན་པ་ནག་པོ་གཤེགས་སུ་གསོལ༔ མོན་པ་ནག་པོ་གཤེགས་སུ་གསོལ༔ སྤྲུལ་པ་ནག་པོ་གཤེགས་སུ་གསོལ༔ ཡང་སྤྲུལ་ནག་པོ་གཤེགས་སུ་གསོལ༔ བཀའ་ཉན་ཕོ་ཉ་གཤེགས་སུ་གསོལ༔ དྲེགས་པ་ཕོ་མོ་གཤེགས་སུ་གསོལ༔ ལྷ་སྲིན་སྡེ་བརྒྱད་གཤེགས་སུ་གསོལ༔ བསྟན་པ་བསྲུང་ཕྱིར་གཤེགས་སུ་གསོལ༔ དགྲ་བགེགས་འདུལ་ཕྱིར་གཤེགས་སུ་གསོལ༔ ཕྲིན་ལས་བསྒྲུབ་ཕྱིར་གཤེགས་སུ་གསོལ༔ ཐུགས་དམ་བསྐང་ཕྱིར་གཤེགས་སུ་གསོལ༔ སྔོན་གྱི་ཐུགས་དམ་རྗེས་དགོངས་ལ༔ ཕྲིན་ལས་སྒྲུབ་པའི་གནས་འདི་རུ༔ དགྱེས་ཤིང་བརྟན་
པར་བཞུགས་སུ་གསོལ༔ ཁྱེད་ལ་ཕྱག་འཚལ་མཆོད་པ་འབུལ༔ ཐུགས་དམ་གཉན་པོ་བསྐང་གྱུར་ཅིག༔ ཧཱུྃ༔ ཆོས་སྐུ་ཞི་བའི་ངང་ལས་མ་གཡོས་ཀྱང་༔ ཐུགས་རྗེ་ཁྲོས་། པས་དགྲ་བགེགས་འཇོམས་བྱེད་པ༔ ཁྲོ་མཆོག་དབང་གི་རྒྱལ་པོ་སྤྱན་འདྲེན་ན༔ དབང་གི་རྟ་སྐད་འཚེར་ཞིང་གཤེགས་སུ་གསོལ༔ ཧཱུྃ༔ འཇིགས་བྱེད་ཆེ་མཆོག་པདྨ་ཧེ་རུ་ཀ༔ ཐམས་ཅད་ཟིལ་གནོན་དྲག་པོའི་གདན་ལས་བཞེངས༔ དགྲ་བགེགས་བྱད་མ་མ་ལུས་རྡུལ་དུ་རློགས༔ དྲག་པོའི་གནས་འདིར་སྤྱན་འདྲེན་གཤེགས་སུ་གསོལ༔ སྲོག་ལ་མངའ་མཛད་ལྷ་སྲིན་ཡོངས་ཀྱི་རྗེ༔ རྟ་མགྲིན་ནག་པོ་འཁོར་བཅས་གཤེགས་སུ་གསོལ༔ ལྷ་ལ་མངའ་མཛད་ལྷ་དབང་ཡོངས་ཀྱི་རྗེ༔ ལྷ་ཡི་རྒྱལ་པོ་འཁོར་བཅས་གཤེགས་སུ་གསོལ༔ ཡ་མ་རཱ་ཛ་གཤིན་རྗེ་ཡོངས་ཀྱི་རྗེ༔ གཤིན་རྗེའི་རྒྱལ་པོ་འཁོར་བཅས་གཤེགས་སུ་གསོལ༔ མ་མོའི་རྒྱལ་མོ་མ་མོ་ཡོངས་ཀྱི་རྗེ༔ མ་མོའི་རྒྱལ་མོ་འཁོར་བཅས་གཤེགས་སུ་གསོལ༔ ཡབ་རྗེ་ནག་པོ་བདུད་ཕོ་ཡོངས་ཀྱི་རྗེ༔ བདུད་ཀྱི་རྒྱལ་པོ་འཁོར་བཅས་གཤེགས་སུ་གསོལ༔ སྲོག་གཟན་དམར་པོ་བཙན་དམག་ཡོངས་ཀྱི་རྗེ༔ བཙན་
གྱི་རྒྱལ་པོ་འཁོར་བཅས་གཤེགས་སུ་གསོལ༔ ཤེལ་གིང་དཀར་པོ་སྲོག་བདག་ཡོངས་ཀྱི་རྗེ༔ སྲོག་བདག་རྒྱལ་པོ་འཁོར་བཅས་གཤེགས་སུ་གསོལ༔ གནོད་སྦྱིན་རྒྱལ་པོ་གནོད་སྦྱིན་ཡོངས་ཀྱི་རྗེ༔ གནོད་སྦྱིན་རྒྱལ་པོ་འཁོར་བཅས་གཤེགས་སུ་གསོལ༔ སྦྲུལ་ཞགས་ཐོགས་པ་ཀླུ་བདུད་ཡོངས་ཀྱི་རྗེ༔ ཀླུ་ཡི་རྒྱལ་པོ་འཁོར་བཅས་གཤེགས་སུ་གསོལ༔ ཨོཾ་བཛྲ་ཀྲོ་ཏ་ཧྱ་གྷི་ཝ་ཧཱུྃ་ཕཊ༔ བཛྲ་ས་མ་ཡ་ཛཿ ག་རུ་ཊ་ཡཀྵ་ཀཱ་ལ་བཛྲ་རཀྟ་རུ་རུ་བྷ་ཤཱ༔ ཨ་ཡ་མ་དུ་རུ་ཙ་ཤ་ན་ས་མ་ཡ་ཛཿ ཛཧཱུྃ་བཾ་ཧོ༔ ཞེས་སྤྱན་དྲངས་པའི་ལས་ཀྱི་རིམ་པའོ༔ དེ་ནས་ལྷ་ཚོགས་དེ་དག་རྣམས་ཀྱི་གཙོ་བོ་རྣམས་ལ་ཉི་ཟླ་པདྨ༔ གནོད་སྦྱིན་དང་འཁོར་བཞི་ལ་ཉི་མ་རོ་ཡི་གདན་དང་༔ དྲེགས་པ་རྣམས་དགྲ་བོ་ཕོ་མོ་བྱི་ཆིངས་སུ་བསྣོལ་བའི་གདན་ལ༔ དགྱེས་པར་བཞུགས་པར་དམིགས༔ ཧཱུྃ༔ བསྐལ་པ་མེ་ལྟར་འབར་བའི་ཀློང་དཀྱིལ་ནས༔ དགྲ་བགེགས་དྲེགས་པ་བསྣོལ་བའི་གདན་སྟེང་དུ༔ དབང་གི་རྒྱལ་པོ་བཅོམ་ལྡན་ལྷ་ཡི་ལྷ༔ མི་གཡོ་དགྱེས་ཤིང་བརྟན་པར་བཞུགས་སུ་གསོལ༔ ཧཱུྃ༔ ལྷ་དམག་དབུགས་འབྱིན་རྟ་མགྲིན་ནག་པོ་ཆེ༔ འདོད་ཁམས་མངའ་བདག་རྟ་མགྲིན་ནག་པོའི་སྐུ༔ གཉིས་མེད་རང་
བཞིན་བརྟན་པར་བཞུགས་སུ་གསོལ༔ དུས་འཁྲུགས་གཏོང་བྱེད་ལྷ་ཡི་རྒྱལ་པོ་དང་༔ ཡ་མ་རཱ་ཛ་གཤིན་རྗེའི་རྒྱལ་པོ་དང་༔ ནད་རིམས་གཏོང་བྱེད་མ་མོའི་རྒྱལ་མོ་དང་༔ འཆི་བདག་ཁྲམ་ཐོགས་བདུད་ཀྱི་རྒྱལ་པོ་དང་༔ ཐོག་མདའ་འཕེན་བྱེད་བཙན་གྱི་རྒྱལ་པོ་དང་༔ སྨྱོ་འབོག་གཏོང་བྱེད་སྲོག་བདག་རྒྱལ་པོ་དང་༔ སྲོག་རྩ་གཅོད་བྱེད་གནོད་སྦྱིན་རྒྱལ་པོ་དང་༔ ལྷོག་ནད་གཏོང་བྱེད་ཀླུ་ཡི་རྒྱལ་པོ་དང་༔ གཉིས་མེད་རང་བཞིན་བརྟན་པར་བཞུགས་སུ་གསོལ༔ རྒྱལ་ཆེན་ཕྱོགས་སྐྱོང་སྤྲུལ་པ་འཁོར་དང་བཅས༔ སྔོན་གྱི་ཐུགས་དམ་རྗེས་དགོངས་ལ༔ སྒྲུབ་ཅིང་མཆོད་པའི་གནས་འདི་རུ་དགྱེས་ཤིང་བརྟན་པར་བཞུགས་སུ་གསོལ༔ ཁྱོད་ལ་ཕྱག་འཚལ་མཆོད་པ་འབུལ༔ ཐུགས་དམ་གཉན་པོ་བསྐང་གྱུར་ཅིག༔ ཨོཾ་བཛྲ་ཀྲོ་ཏ་ཧྱ་གྷི་ཝ་ཧཱུྃ་ཕཊ༔ ག་རུ་ཌ༔ ཡཀྴ་ཀཱ་ལ་བཛྲ་རཀྟ་རུ་རུ་བྷ་ཤ༔ ཨ་ཡ་མ་དུ་རུ་ཙ་ཤ་ན༔ ཨོཾ་བཛྲ་ཨགྷཾ་པྲ་ཏཱིཙྪ་ཨཱཧཱུྃ༔ ཞེས་ཡིད་ཀྱིས་ཕྱག་འཚལ་ཞིང་༔ བྱོན་སྐྱེམས་ཀྱི་ཚུལ་དུ་དངོས་སུ་མཆོད་ཡོན་གསོལ་ཞིང་བཞུགས་པར་བསམ་མོ༔ བཞུགས་གསོལ་འདི་སྤྱན་འདྲེན་ཡན་ལག་ཡིན༔ སྤྱན་འདྲེན་གྱི་ལས་རིམ་ས་མ་ཡ་རྒྱ་རྒྱ་རྒྱ༔ ཨོཾ་བཛྲ་ཀྲོ་ཏ་ཧྱ་གྷི་ཝ་ཧཱུྃ་ཕཊ༔ ག་རུ་
ཌ༔ ཡཀྴ་ཀཱ་ལ་བཛྲ་རཀྟ་རུ་རུ་བྷ་ཤཱ༔ ཨ་ཡ་མ་དུ་རུ་ཙ་ཤ་ན་ས་མ་ཡ་ཏིཥྛ་ལྷན༔ ཞེས་པས་བཞུགས་སུ་གསོལ༔ སླར་ཡང་ཐུགས་ཀ་ནས་འོད་ཟེར་འཕྲོས་པས་རིགས་ལྔ་ཡབ་ཡུམ་སྤྱན་དྲངས༔ བཛྲ་ས་མ་ཡ་ཛ་ཛཿ མདུན་བསྐྱེད་ལ་མངོན་པར་དབང་བསྐུར་དུ་གསོལ༔ ཞེས་གསོལ་བ་བཏབ་པས༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ་གིས་དབང་བསྐུར༔ སྐུ་གང་དྲི་མ་དག༔ ཆུའི་ལྷག་མ་ཡར་ལུད་པ་ལས་གཙོ་བོའི་རྟ་དབུའི་སྟེང་དུ་འོད་དཔག་མེད༔ འཁོར་བཞི་ལ་གཙོ་བོ༔ དྲེགས་པ་རྣམས་ལ་ཡཀྴ་མེ་དབལ་རེ་རེས་དབུ་བརྒྱན་པར་གྱུར༔ དེ་ནས་ལུས་ཞིང་གི་རྡུལ་སྙེད་དུ་སྤྲུལ་ཏེ་ཕྱག་འཚལ་བར་དམིགས་ཏེ༔ ཧཱུྃ༔ ཆགས་མེད་སྐྱོན་བྲལ་པདྨ་རིགས་ཀྱི་ལྷ༔ ཀླུ་དབང་ཚུལ་གྱིས་གདུག་པ་འདུལ་མཛད་པ༔ རབ་འཇིགས་བསྐལ་པའི་མེ་ལྟར་གཟི་བརྗིད་འབར༔ ཁྲོ་རྒྱལ་འཁོར་དང་བཅས་ལ་ཕྱག་འཚལ་ལོ༔ ཨོཾ་བཛྲ་ཀྲོ་ཏ་ཧྱ་གྷི་ཝ་ག་རུ་ཊ་ཡཀྴ་ཀཱ་ལ་བཛྲ་རཀྵ་རུ་རུ་བྷ་ཤ་ཨ་ཡ་མ་དུ་རུ་ཙ་ཤ་ན་ན་མོ་པུ་རུ་ཤ་ཡ་ཧོ༔ ཞེས་པས་ཕྱག་འཚལ་བའོ༔ དེ་ནས་མཆོད་པ་བྱིན་རླབས་ནི༔ ཨོཾ་བཛྲ་ཀྲོ་ཏ་ཧྱ་གྷཾ་ཝ་ཧཱུྃ་ཕཊ༔ ཅེས་བསང་ཆུ་གཏོར་ཞིང་བགེགས་བསྐྲད༔ ཨོཾ་སྭ་བྷ་
ཝ་ཤུདྡྷསརྦ་དྷརཿསྭ་བྷཱ་ཝ་ཤུདྡྷོཉཧཾ༔ སྟོང་པ་ཉིད་དུ་གྱུར༔ སྟོང་པའི་ངང་ལས་ཨ་ལས་ཐོད་པའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ༔ མཆོད་རྫས་རྣམས་དང་སྨན་གཏོར་རཀྟ་ཚོགས་ཀྱི་ཡོ་བྱད་རྣམས་ཡེ་ཤེས་ཀྱི་བདུད་རྩིར་གྱུར༔ དེ་ནས་སྨན་བྱིན་གྱིས་བརླབ་པ་ནི༔ ཨོཾ་ཨཱཿཧཱུྃ༔ སརྦ་པཉྩ་ཨ་མྲྀ་ཏ་ཧཱུྃ་ཧྲིཋ༔ ཞེས་པས་སྨན་དང་དེ་ནས་སྨན་ལན་གསུམ་གྱིས་རཀྟ་བྲན་ལ་བྱིན་གྱིས་བརླབ་པ་ནི༔ ཨོཾ་ཨཱཿཧཱུྃ༔ མ་ཧཱ་རཀྟ་ཛྭ་ལ་མཎྜལ་ཧཱུྃ་ཧྲིཋ༔ ཞེས་པས་རཀྟ་དང་༔ ལན་གསུམ་གྱིས་སྨན་གྱིས་གཏོར་མ་བྲན་ལ་བྱིན་གྱིས་བརླབ་པ་ནི༔ ཨོཾ་ཨཱཿཧཱུྃ༔ མ་ཧཱ་བ་ལིཾ་ཏ་ཏེ་ཛ་བྷ་ལཾ་ཏ་བྷ་ལ་བ་ཏི་གུ་ཧྱ་ས་མ་ཡ་ཧཱུྃ་ཧཱུྃ༔ ཞེས་ལན་གསུམ་གྱི་ས་སྨན་གྱིས་ཕྱི་མཆོད་བྲན་ལ་བྱིན་གྱིས་བརླབ་པ་ནི༔ ཨོཾ་ ཨནྡྷཾ། པཱདྡྷཾ། པུཥྛ། དྷུ་པེ། ཨཱ་ལོ་ཀེ གནྡྷེ། ནི་ཝིདྱ་ཤབྡ་པྲ་ཏིཙྪ་ཨཱཧཾ༔ ཞེས་ལན་གསུམ་གྱིས་མཆོད་པའི་དངོས་པོ་རྣམས་ཟག་མེད་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར་པར་བསམ་མོ༔ ཧཱུྃ་ཧཱུྃ༔ དཔལ་ཆེན་རྟ་མགྲིན་འཁོར་དང་བཅས་པ་ལ༔ ཕྱག་རྒྱ་ཆེན་པོ་གར་གྱི་མཆོད་པ་དང་༔ བསྟོད་པའི་རྒྱལ་པོ་གླུ་ཡི་མཆོད་པ་དང་༔ འདོད་ཡོན་མ་སྤང་ཕྱི་ཡི་མཆོད་པ་དང་༔ དུག་ལྔ་མ་སྤང་ནང་གི་མཆོད་པ་དང་༔ སྐྱེ་
འཆི་མེད་པ་བསྒྲལ་བའི་མཆོད་པ་དང་༔ འདུ་འབྲལ་མེད་པ་སྦྱོར་བའི་མཆོད་པ་དང་༔ དུག་གསུམ་ཤ་ཁྲག་རུས་པའི་མཆོད་པ་དང་༔ ཞལ་ཟས་སྣ་ཚོགས་ཚོགས་ཀྱི་མཆོད་པ་དང་༔ གཙང་སྦྱར་མ་ཉམས་ལྷག་མའི་མཆོད་པ་རྣམས༔ ཐོགས་མེད་བློ་ཡིས་ཐམས་ཅད་ཀུན་བསྡུས་ནས༔ ཏིང་འཛིན་དགོངས་བརྒྱུད་དག་པས་བྱིན་རླབས་ཏེ༔ གཉིས་སུ་མེད་པའི་ངང་དུ་འབུལ་ལགས་ན༔ བླང་དོར་མེད་པའི་ཚུལ་གྱིས་བཞེས་སུ་གསོལ༔ ཨོཾ་བཛྲ་ཀྲོ་ཏ་ཧྱ་གྲུཝ་ཧཱུྃ༔ ག་རུ་ཊ༔ ཡཀྴ་ཀཱ་ལ༔ བཛྲ་རཀཱ་རུ་རུ་བྷ་ཤ༔ ཨ་ཡ་མ་དུ་རུ་ཙ་ཤ་ན༔ ཨོཾ་བཛྲ་ཨརྒྷཾ་པཱཏཾ་པུབྦེ་དྷུ་པེ་ཨཱ་ལོ་ཀེ་གནྡྷེ་ནེ་ཝིདྱ་ཤབྡ་ཨཱཿཧཱུྃ༔ ཨོཾ་རཱུ་པ་ཤརྡ་གནྡྷེ་རཱ་ས་སྤརེ་ཨཱ་ཧཱུྃ༔ མ་ཧཱ་པཱུ་ཙ་གྷ་ན་ཙཀྲ་ལཱ་ཧི༔ ཞེས་སྤྱི་དྲིལ་དུ་མཆོད་ཅིང་༔ མཆོད་པའི་ལྷ་མོ་དཔག་ཏུ་མེད་པས་ཕྱག་ན་འདོད་ཡོན་དུ་མ་ཐོགས་ནས་མཆོད་པར་བསམ་མོ༔ དེ་ནས་སྨན་མཆོད་ནང་མཆོད་མདུན་དུ་བཞག་ལ༔ ཨོཾ་བཛྲ་ཀྲོ་ཏ་ཧྱ་གྷི་ཝ་ཧཱུཾ་ཕཊ༔ ཅེས་པས་བསང་༔ ཨོཾ་སྭ་བྷ་ཝས་སྦྱངས༔ ཨོཾ་ཨཱཧཱུྃ༔ ཞེས་བདུད་རྩིའི་ནང་དུ་ཆོས་འབྱུང་གཉིས་བརྩིགས་བྲིས༔ ཐིག་ལེ་ལྔ་བཀོད༔ ཨོཾ་ཧཱུྃ་སྭཱ་ཨཱ་ཧཱ༔ མཱུ་ལཱི་མཱི་པཾ་ཏཱཾ་ལས་རིགས་ལྔ་ཡབ་
ཡུམ་བཅུར་གྱུར༔ སྲིན་ལག་གིས་ལག་པ་གཡས་གཡོན་ལ་རིགས་ལྔའི་ཐིག་ལེ་ལྔ་བཀོད༔ ལག་པོ་གཡོན་དུ༔ ཨོཾ་ཨཱཿཧཱུྃ༔ འོག་མ་ཆོས་འབྱུང་༔ ཨོཾ་ཨཱཿཧཱུྃ༔ ཞེས་སྟེང་མ་སྟེ་ཆོས་འབྱུང་བསྣོལ་མ་བྲི༔ དེའི་དབུས་སུ་ཐིག་ལེ་ལྔ་བྱས་ལ༔ དབུས་སུ་རྟ་མགྲིན་ནག་པོ༔ གཡས་སུ་ཡཀྴ་མེ་དབལ༔ གཡོན་དུ་གནོད་སྦྱིན་ནག་པོ་ལྕགས་རལ་ཅན༔ སྟེང་དུ་བྱ་ཁྱུང་དམར་པོ༔ མདུན་དུ་ལྕགས་སྡིག་ནག་པོ༔ གཡོན་གྱི་སྲིན་ལག་གིས་གཡས་ཀྱི་སོར་མོ་ལྔ་ལ་ཐིག་ལེ་ལྔ་བྱ་ཞིང་༔ གཡས་ཀྱི་མཐེ་བོང་ཨོཾ་ལས་རྣམ་པར་སྣང་མཛད༔ མཛུབ་མོ་ཧཱུྃ་ལས་རྡོ་རྗེ་སེམས་དཔའ༔ གུང་མོ་གྲྭ་ལས་རིན་ཆེན་འབྱུང་ལྡན༔ སྲིན་ལག་ལས་སྣང་བ་མཐའ་ཡས༔ མཐེའུ་ཆུང་ཧ་ལས་དོན་གྲུབ༔ གཡས་ཀྱི་སྲིན་ལག་གིས་གཡོན་གྱི་སོར་མོ་ལྔ་ལ་ཐིག་ལེ་བྱ་ཞིང་༔ གཡོན་གྱི་མཐེ་བོང་མཱ་ལས་དབྱིངས་ཕྱུག་མ༔ མཛུབ་མོ་ལཱ་ལས་སྤྱན་མ༔ གུང་མོ་མཱི་ལས་མཱ་མ་ཀཱི༔ སྲིན་ལག་པཱ་ལས་གོས་དཀར་མོ༔ མཐེའུ་ཆུང་ཧཱུྃ་ལས་སྒྲོལ་མའོ༔ ཞེས་མཐེབ་སྲིན་གྱིས་རེས་མོས་གཡོན་གྱིས་ས་ལ་བདུད་རྩི་མཆོད་པའི་ཕྱིར་ཅུང་ཟད་གཏོར་ལ༔ སོར་མོ་བསྣོལ་བ་མཁའ་དབྱིངས་སྦྱོར་བའི་ཕྱག་རྒྱ་བྱས་ཏེ༔ ཨོཾ་ཨཱཿཧཱུྃ༔ སརྦ་པཉྩ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ ཅེས་དབྱངས་དང་བཅས་པས་
ཚར་བདུན་བརྗོད་ལ༔ ལྷ་ཚོགས་རྣམས་ལ་མཉེས་པའི་མཆོད་པ་འབུལ༔ རིགས་ལྔ་ཡབ་ཡུམ་དང་༔ དབང་ཆེན་ཡབ་ཡུམ་དང་ཟག་མེད་བདེ་བ་རྒྱས་པའི་སྦྱོར་མཚམས་་ནས་བྱང་སེམས་དཀར་དམར་མུ་ཏིག་གི་ཕྲེང་བ་ལྟ་བུ་བྷནྡྷའི་ནང་དུ་བབ༔ ཐོད་པ་ནས་རང་གི་རིགས་ལྔ་ཡབ་ཡུམ་གྱི་བདེ་བའི་རྒྱུད་བསྐུལ༔ སྦྱོར་བ་མཛད་པའི་སྦྱོར་མཚམས་ནས་བྱང་སེམས་དཀར་དམར་གྱི་འོད་ཟེར་ཕྱོགས་བཅུར་འཕྲོས་པས༔ རྒྱལ་བ་ཐམས་ཅད་ལ་མཉེས་པའི་མཆོད་པ་རྒྱུན་མི་འཆད༔ སེམས་ཅན་ཐམས་ཅད་ལ་སྒྲིབ་སྦྱོང་རྒྱུན་མི་འཆད༔ རྣལ་འབྱོར་བདག་ལ་དངོས་གྲུབ་ཀྱི་འདུ་བ་རྒྱུན་མི་ཆད་པའི་རང་བཞིན་དུ་གྱུར༔ ལག་སྟབས་བྱས་ལ༔ ལག་པའི་ལྷ་ཚོགས་རྣམས་ཆང་ནང་གི་ལྷ་ཚོགས་ལ་ཐིམ༔ ཆང་གི་ལྷ་ཚོགས་རྣམས་བདུད་རྩིའི་རང་བཞིན་དུ་ཞུ་བར་གྱུར༔ ཨོཾ་ཨཱཿཧཱུྃ༔ ཐོད་པ་ལག་ཏུ་ཐོགས་ལ༔ གཡས་ཀྱི་སྲིན་ལག་གིས་འཐོར་ཞིང་དབྱངས་སྙན་པོས་འདི་སྐད་དོ༔ ཧཱུྃ༔ རྩ་བརྒྱད་སྟོང་ལ་སྦྱར་བ་ཡི༔ རང་བྱུང་ཡེ་ཤེས་ངོ་མཚར་ཆེ༔ གསང་བ་བླ་ན་མེད་པའི་རྫས༔ འཆི་མེད་བདུད་རྩིར་གྱུར་པ་ཡིས༔ རྒྱལ་བ་རྒྱ་མཚོ་མཆོད་པའི་རྫས༔ བླ་མེད་གསང་བའི་མཆོག་ཆེན་
པོ༔ བླ་མ་ཡི་དམ་མཁའ་འགྲོ་དང་༔ དབང་ཆེན་དཀྱིལ་འཁོར་ལྷ་ཚོགས་ལ༔ དམ་རྫས་བདུད་རྩིའི་མཉེས་མཆོད་འབུལ༔ བཞེས་ཏེ་མཆོག་ཐུན་དངོས་གྲུབ་སྩོལ༔ བླ་མེད་གསང་བའི་དམ་རྫས་འདི༔ བླ་མ་རྣམས་ལ་ཕུལ་བའི་ཚེ༔ བྱིན་རླབས་དངོས་གྲུབ་ཐམས་ཅད་སྩོལ༔ ཡི་དམ་ལྷ་ལ་ཕུལ་བའི་ཚེ༔ སྐུ་གསུམ་ཡེ་ཤེས་ངང་མཁའ་འགྲོ་རྣམས་ལ་ཕུལ་བའི་ཚེ༔ དངོས་གྲུབ་རྒྱ་མཚོ་མ་ལུས་སྩོལ༔ ཆོས་སྐྱོང་རྣམས་ལ་མཆོད་པའི་ཚེ༔ བར་ཆད་སེལ་ཞིང་ཕྲིན་ལས་སྒྲུབས༔ རིགས་དྲུག་རྣམས་ལ་ཕུལ་བའི་ཚེ༔ ལན་ཆགས་འཁོར་ཞིང་སྒྲིབ་གཉིས་བྱང་༔ དགྲ་དང་བགེགས་ལ་ཕོག་པའི་ཚེ༔ ཚར་བཅད་བསྒྲལ་ནས་བདེ་ཆེན་སྦྱོར༔ ཨེ་མ་ངོ་མཚར་རྨད་ཀྱི་ཆོས༔ རྒྱལ་བའི་ཚོགས་རྣམས་མཉེས་གྱུར་ནས༔ དངོས་གྲུབ་མ་ལུས་བསྩལ་དུ་གསོལ༔ ཨོཾ་ཨཱཿཧཱུྃ༔ ཚིག་རེ་རེ་བཞིན་ནམ་མཁའ་ལ་སྲིན་ལག་གིས་འཐོར་ཞིང་༔ ཆོས་སྐུ་སྣང་བ་མཐའ་ཡས་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ ལོངས་སྐུ་ཐུགས་རྗེ་ཆེན་པོའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ སྤྲུལ་སྐུ་པདྨ་འབྱུང་གནས་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ མཁའ་
འགྲོ་ཡེ་ཤེས་མཚོ་རྒྱལ་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ གཏེར་སྟོན་ཉི་མ་འོད་ཟེར་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ མངའ་བདག་ཉང་རལ་པའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ གཏེར་སྟོན་རཏྣ་གླིང་པའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ སྔགས་འཆང་ཧཱུྃ་ནག་མེ་འབར་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ རྗེ་བཙུན་མཐོང་བ་དོན་ལྡན་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ དཔལ་ལྡན་ཡེ་ཤེས་སྙིང་པོའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ དྲིན་ཆེན་རཱ་ག་ཨ་སྱའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ དྲིན་ཆེན་རྩ་བརྒྱུད་བླ་མའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ ཡི་དམ་རྟ་མགྲིན་ནག་པོའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ ཆོས་བདག་མཁའ་འགྲོ་སྡེ་ལྔའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ ཆོས་སྐྱོང་ཡཀྵ་ནག་པོའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ བཀའ་སྲུང་དྲེགས་པ་སྡེ་བརྒྱད་ཞལ་དུ་སརྦ་པཉྩཨ་མྲྀ་ཏ་ལ་ཁ་རཾ་ཁཱ་ཧི༔ བྱིན་རླབས་ཀྱི་རྩ་བ་དབང་ཆེན་བརྒྱུད་པའི་བླ་མ་རྣམས་ཀྱི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ དངོས་གྲུབ་ཀྱི་རྩ་བ་ཡི་དམ་རྟ་མགྲིན་ནག་
པོའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ ཕྲིན་ལས་ཀྱི་རྩ་བ་བཀའ་སྲུང་དམ་ཅན་རྣམས་ཀྱི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ གཞན་ཡང་འགྲོ་བ་རིགས་དྲུག་གི་སེམས་ཅན་ཐམས་ཅད་རྟ་མགྲིན་ནག་པོའི་སྐུར་གསལ་བའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ དེ་ནས་དངོས་གྲུབ་གཏང་རག་གི་ཚུལ་དུ་རྣལ་འབྱོར་པས་བླང་བར་བྱ༔ བྷནྡྷའི་བདུད་རྩི་རིགས་ལྔའི་ངོ་བོ་ལས་འོད་ཟེར་ཕྱོགས་བཅུར་འཕྲོས་པས༔ ཕྱོགས་བཅུའི་རྒྱལ་བ་ཐམས་ཅད་ཀྱི་སྐུ་གསུང་ཐུགས་ཀྱི་ངོ་བོ་ཨོཾ་དཀར་པོ༔ ཨཱདམར་པོ༔ ཧཱུྃ་མཐིང་གའི་ཚུལ་དུ་བདུད་རྩི་ལ་ཐིམ་པས༔ བདུད་རྩི་ལས་ཡིག་འབྲུ་བཞི་རང་ལ་ཐིམ་པས༔ སྐུ་གསུང་ཐུགས་ཀྱི་དངོས་གྲུབ་མ་ལུས་པ་ཐོབ་པར་གྱུར༔ ཀཱ་ཡ་སིདྡྷི་ཨོ༔ ཝཱཀྐ་སིདྡྷི་ཨཱཿ ཙིཏྟ་སིདྡྷི་ཧཱུྃ༔ སརྦ་སིདྡྷི་ཧཱུྃ༔ དེ་རྣམས་སུ་གཡོན་གྱི་མཐེབ་སྲིན་གྱིས་ཐིག་ལེ་བྱ་ཞིང་༔ སརྦ་པཉྩ་ཨ་མྲྀ་ཏ་སིདྡྷི་ཕ་ལ་ཨ་ལ་ལ་ཧོ༔ ཞེས་ལྕེ་ལ་བཞག་པས་བྱང་སེམས་དཀར་དམར་གྱི་བདུད་རྩིའི་ལུས་ཐམས་ཅད་ཁེངས་ནས་བདེ་སྟོང་གི་ཡེ་ཤེས་རྒྱུད་ལ་སྐྱེ་བར་དམིགས་སོ༔ དེ་ནས་སླར་ཡང་གཏོར་མ་གསོ་བྲན་བྱས་ལ༔ ཨོཾ་བརྗོད་པས་གཏོར་མ་སྟོང་པ་ཉིད་དུ་གྱུར༔ ཨཱབརྗོད་པས་གཏོར་སྣོད་ཡངས་ཤིང་རྒྱ་ཆེ་བའི་ནང་དུ༔ ཧཱུྃ་
བརྗོད་པས་གཏོར་མ་དགྲ་བགེགས་ཀྱི་ཤ་ཁྲག་ལས་ངོ་བོ་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར༔ ཨོཾ་ཨཱཿཧཱུྃ༔ ལན་གསུམ་གྱིས་བྱིན་གྱིས་བརླབས༔ ཧཱུྃ༔ དུག་གསུམ་དགྲ་བགེགས་བསྒྲལ་བའི་ཤ་ཁྲག་དང་༔ དུག་ལྔ་སྨན་གྱུར་བདུད་རྩི་ཆེན་པོ་འདི༔ ཁྲོ་མཆོག་དབང་གི་སྐུ་ལ་མཆོད་འབུལ་ན༔ སྲིད་གསུམ་གདུག་པ་འདུལ་ཕྱིར་བཞེས་སུ་གསོལ༔ ཨོཾ་བཛྲ་ཀྲོ་ཏ་ཧྱ་གྲྭ་ཝ་ཧཱུྃ་ཕཊ༔ ག་རུ་ཊ༔ ཡཀྴ་ཀཱ་ལ༔ བཛྲ་རཀྵ་རུ་རུ་བྷ་ཤཱ༔ ཨཡམདུརུམཿཤཿས༔ ས་པཱ་རི་ཝཱ་ར་དགྲ་བགེགས་མཱ་ར་ཡ༔ མཱཾ་ས་རཀྟ༔ ཙིཏྟ༔ གོ་རོ་ཙ་ན༔ བ་སུ་ཏ༔ ཀི་ནི་རི་ཏི་བ་ལིཾ་ཏ་ཁ་རཾ་ཁཱ་ཧི༔ ཞེས་ལན་བདུན་ནམ་གསུམ་གྱིས་འབུལ་ཞིང་ལྷ་ཚོགས་འཁོར་བཅས་ཀྱི་ལྗགས་རྡོ་རྗེའི་སྤུ་གུ་ཅན་གྱིས་གཏོར་མ་གསོལ་བར་དམིགས་ལ༔ དེ་ནས་ཕུར་པ་ནམ་མཁའ་ལ་འདྲིལ་བས་འཁོར་བའི་རྒྱུ་ཁྲག་གི་གྲོད་པ་གཅིག༔ ཕུར་རྩེར་ཡེར་གྱིས་བྱུང་བ་ལ་ཕུར་པ་བཏབ་པས་ཁྲག་གི་རྒྱུན་ཆེན་པོ་འབབ་ཅིང་བྷན་ལྕང་ལོ་ཅན་གྱི་ནང་དུ་འཁྱིལ་བར་དམིགས་ལ༔ ཧཱུྃ༔ དགྲ་བགེགས་རུ་ཊ་ཁམས་གསུམ་སེམས་ཅན་རྣམས༔ ཉོན་མོངས་དུག་ལྔ་བསྒྲལ་བའི་རཀྟ་མཆོག༔ ལྕང་ལོར་བཅས་པའི་བྷནྡར་བསྐྱིལ་བ་འདི༔ བཅོམ་ལྡན་རྟ་མགྲིན་ལྷ་
ཚོགས་རྣམས་ལ་འབུལ༔ ཨོཾ་བཛྲ་ཀྲོ་ཏ་ཧྱ་གྷཾ་ཝ་ཧཱུྃ་ཕཊ༔ ག་རུ་ཊ༔ ཡཀྴ་ཀཱ་ལ༔ བཛྲ་རཀྟ་རུ་རུ་བྷ་ཤཱ༔ ཨཡམདུརུཙཤན༔ ས་པཱ་རི་ཝཱ་ར་མ་ཧཱ་རཀྟ་ལ་ཁ་རཾ་ཁཱ་ཧི༔ ཞེས་འཁོར་དང་བཅས་པས་རཀྟ་དམར་ལྡིབ་ལྡིབ་རྐན་སྒྲ་དང་བཅས་པས་གསོལ་བར་བསམ༔ དེ་ནས་རང་ལས་སྤྲུལ་པའི་ལྷ་མོ་དཔག་ཏུ་མེད་པས་ཚངས་པའི་དབྱངས་ཀྱིས་བསྟོད་ཅིང་བསྔགས་པར་དམིགས་ཏེ༔ ཧཱུྃ༔ ཆོས་སྐུ་སྐྱེ་མེད་ངང་ལས་མ་གཡོས་ཀྱང་༔ ལོངས་སྐུ་འཇིགས་པའི་ཆ་ལུགས་རྫོགས་མཛད་ཅིང་༔ འབར་བའི་རྒྱལ་པོ་དབང་གི་སྐུ་སྤྲུལ་ནས༔ འཇིག་རྟེན་དྲེགས་པ་འདུལ་ལ་ཕྱག་འཚལ་བསྟོད༔ སྐུ་མདོག་མཐིང་ནག་ཆོས་ཉིད་འགྱུར་བ་མེད༔ དར་ནག་བེར་ཆེན་སྣང་སྲིད་ཟིལ་གྱིས་གནོན༔ སྤྱི་གཙུག་རྟ་དབུ་སྣ་ཚོགས་ཕྲིན་ལས་རྫོགས༔ བདུད་འདུལ་ཟིནག་པོ་ཆེ་ལ་ཕྱག་འཚལ་བསྟོད༔ ཕྱག་གཡས་རལ་གྲིས་དགྲ་བགེགས་རྩད་ནས་གཅོད༔ གཡོན་པས་ལྕགས་ཀྱུས་མ་རུངས་སྙིང་ནས་འདྲེན༔ ལྕགས་རལ་གསེབ་ནས་ཁྲོ་ཆུང་སྤྲུལ་པ་འགྱེད༔ གནོད་སྦྱིན་གདུག་པ་འདུལ་ལ་ཕྱག་འཚལ་བསྟོད༔ ཞལ་གདངས་ལྗགས་འདྲིལ་མཆེ་བ་རབ་ཏུ་གཙིགས༔ སྤྱན་གསུམ་ཁྲོ་གཉེར་སྨིན་མ་གློག་ལྟར་
འཁྱུགས༔ གར་དགུའི་ཉམས་ལྡན་མེ་དཔུང་ཀློང་ན་བཞུགས༔ རབ་འཇིགས་དཔའ་བོ་ཆེ་ལ་ཕྱག་འཚལ་བསྟོད༔ ཧཱུཾ་གི་ང་རོས་ཁམས་གསུམ་དབང་དུ་སྡུད༔ ཕཊ་ཀྱི་འབྲུག་སྒྲས་ལོག་འདྲེན་མ་རུངས་འཇོམས༔ རྟ་སྐད་དྲག་པོས་དྲེགས་པ་ལས་ལ་བསྐུལ༔ གསུང་མཆོག་རིག་སྔགས་རྒྱལ་ལ་ཕྱག་འཚལ་བསྟོད༔ ཐུགས་ཉིད་སྤྲོས་དང་བྲལ་བའི་ངང་ཉིད་ལས༔ ཡེ་ཤེས་ལྔ་ཡི་མཚན་མ་ཅིར་ཡང་སྟོན༔ ཐུགས་རྗེ་ཐབས་མཁས་རྒྱ་ཆེ་རོལ་པ་ཡིས༔ ཡོན་ཏན་ཕྲིན་ལས་རྫོགས་ལ་ཕྱག་འཚལ་བསྟོད༔ ཐུགས་རྗེ་ཆེན་པོ་འཕགས་པ་སྤྱན་རས་གཟིགས༔ ཐུགས་རྗེའི་དབང་གིས་ཁྲོ་རྒྱལ་སྐུར་སྟོན་ནས༔ གར་གྱི་དབང་ཕྱུག་ཁྲོ་བོ་ཀུན་གྱི་རྗེ༔ ཡེ་ཤེས་སྤྲུལ་པའི་ཁྲོ་ཚོགས་འཁོར་དང་བཅས༔ བཀའ་ཡི་ཕོ་ཉ་དྲེགས་པ་སྡེ་བརྒྱུད་ཚོགས༔ སྔོན་གྱི་ཁས་བླངས་དམ་བཅའ་ཇི་བཞིན་དུ༔ ཐུགས་དམ་དབང་གིས་གཏོར་མ་འདི་བཞེས་ལ༔ དམ་ཚིག་དབང་གིས་རྣལ་འབྱོར་བདག་ཅག་ཀྱང་༔ བྱང་ཆུབ་ལམ་གྱི་བར་ཆད་བསྒྲལ་བ་དང་༔ བསྟན་པ་བཤིགས་པའི་དགྲ་དང་བགེགས་ལ་སོགས༔ བདུད་དང་ལོག་པར་འདྲེན་པ་ཐམས་ཅད་ལ༔ མངོན་
སྤྱོད་དྲག་པོས་བསྒྲལ་བའི་ཕྲིན་ལས་མཛོད༔ ཅེས་པས་ཡི་དམ་ལྟར་མཆོད་ཅིང་བསྟོད་ནས་ཕྲིན་ལས་བཅོལ༔ ༈ དེ་ནས་ཚོགས་བྱེད་པར་སྤྲོ་ན༔ འདིར་ཚོགས་བྱ་ཞིང་ཚོགས་ཕུད་འབུལ༔ བར་པས་གཏོར་མ་གསོ༔ འོན་ཀྱང་ཚོགས་མེད་ཀྱང་ཆོག་པས་མདོས་གཏོར་གསོ་བྲན་བྱས་ལ༔ ཨོཾ་སྭ་བྷ་ཝ་ཤུདྡྷསརྦ་དྷརྨསྭ་བྷ་ཝ་ཤུདྡྷོཉཧཾ༔ སྟོང་པ་ཉིད་དུ་གྱུར༔ སྟོང་པའི་ངང་ལས་ཨ་ལས་ཐོད་པའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ༔ བསྐང་རྫ་ས་འདོད་པའི་ཡོན་ཏན་དཔག་ཏུ་མེད་པར་གྱུར༔ ཨོཾ་བཛྲ་ཨགྷཾ་སོགས། ཤབྡ་ཨཱཧཱུྃ༔ མ་ཧཱ་མཱ་ས་རཀྟ་ཀི་རི་ཏི་བཱ་སུ་ཏ་གོ་རོ་ཙ་ན་ཙིཏྟ་ཨ་མྲྀ་ཏ་བ་ལི་ཏ་ཨཱཧཱུྃ༔ ཞེས་པས་བྱིན་གྱིས་བརླབས་ལ༔ དེ་ནས་བསྐང་བཤགས༔ མངའ་གསོལ་བྱ་བ་འདི་ལྟར་གྱུར༔ ཧཱུྃ༔ དཔལ་ཆེན་ཁྲོ་རྒྱལ་རྟ་མགྲིན་འཁོར་བཅས་ཀྱི༔ སྤྱན་གྱི་དབང་པོ་ཚིམ་བྱའི་ཕྱིར༔ སྣ་ཚོགས་གཟུགས་ཀྱི་ཐུགས་དམ་བསྐང་༔ སྙན་གྱི་དབང་པོ་ཚིམ་བྱའི་ཕྱིར༔ སྣ་ཚོགས་སྒྲ་ཡི་ཐུགས་དམ་བསྐང་༔ ཤངས་ཀྱི་དབང་པོ་ཚིམ་བྱའི་ཕྱིར༔ སྣ་ཚོགས་དྲི་ཡི་ཐུགས་དམ་བསྐང༔ ལྗགས་ཀྱི་དབང་པོ་ཚིམ་བྱའི་ཕྱིར༔ སྣ་ཚོགས་རོ་ཡི་ཐུགས་དམ་བསྐང་༔ སྐུ་ཡི་དབང་པོ་ཚིམ་བྱའི་ཕྱིར༔ སྣ་ཚོགས་རེག་
བྱས་ཐུགས་དམ་བསྐང་༔ ཐུགས་ཀྱི་དབང་པོ་ཚིམ་བྱའི་ཕྱིར༔ སྣ་ཚོགས་ཆོས་ཀྱི་ཐུགས་དམ་བསྐང་༔ ཕྱི་ནང་བར་ཆད་ཞི་བའི་ཕྱིར༔ ཕྱི་ཡི་མཆོད་པས་ཐུགས་དམ་བསྐང་༔ ཚེ་དབང་ལོངས་སྤྱོད་རྒྱས་པའི་ཕྱིར༔ ནང་གི་མཆོད་པས་ཐུགས་དམ་བསྐང་༔ སྣང་བ་དབང་དུ་སྡུད་པའི་ཕྱིར༔ གསང་བའི་མཆོད་པས་ཐུགས་དམ་བསྐང་༔ དགྲ་བགེགས་མ་ལུས་བསྒྲལ་བའི་ཕྱིར༔ ཤ་ཁྲག་དམར་གྱི་ཐུགས་དམ་བསྐང་༔ སྒྲུབ་ལ་དངོས་གྲུབ་སྟེར་བའི་ཕྱིར༔ བདུད་རྩི་སྨན་གྱི་ཐུགས་དམ་བསྐང་༔ དབང་དང་བྱིན་རླབས་འབེབས་པའི་ཕྱིར༔ དམར་ཆེན་རཀྟས་ཐུགས་དམ་བསྐང་༔ སྣ་ཚོགས་ཕྲིན་ལས་མཛད་པའི་ཕྱིར༔ དམ་རྫས་གཏོར་མས་ཐུགས་དམ་བསྐང་༔ བསོད་ནམས་ཕུན་སུམ་ཚོགས་པའི་ཕྱིར༔ ལོངས་སྤྱོད་ཚོགས་ཀྱི་ཐུགས་དམ་བསྐང༔ ཧཱུྃ༔ འགྲོ་དྲུག་ཐབས་ཀྱིས་འདྲེན་པའི་ཕྱིར༔ ཐུགས་རྗེ་ཆེན་པོའི་ཐུགས་དམ་བསྐང་༔ ཡེ་ཤེས་ཕྱོགས་མེད་རྒྱས་པའི་ཕྱིར༔ སྤྱན་རས་གཟིགས་ཀྱི་ཐུགས་དམ་བསྐང་༔ འཁོར་འདས་ཆོས་ལ་དབང་བསྒྱུར་ཕྱིར༔ འཇིག་རྟེན་དབང་ཕྱུག་ཐུགས་དམ་བསྐང་༔ གསུང་གི་
རིགས་ལས་སྤྲུལ་པའི་ཕྱིར༔ གསུང་གི་དབང་ཕྱུག་ཐུགས་དམ་བསྐང་༔ གང་ལ་གང་འདུལ་སྟོན་པའི་ཕྱིར༔ གར་གྱི་དབང་ཕྱུག་ཐུགས་དམ་བསྐང་༔ ཁྱད་པར་དབང་གི་ལས་མཛད་ཕྱིར༔ དབང་གི་རྒྱལ་པོའི་ཐུགས་དམ་བསྐང་༔ ཐུགས་རྗེས་ཁྲོས་པའི་ལས་མཛད་ཕྱིར༔ རྒྱ་གྷཾ་ཝའི་ཐུགས་དམ་བསྐང་༔ འཇིག་རྟེན་དྲེགས་པ་ཚར་གཅོད་ཕྱིར༔ རྟ་མགྲིན་ནག་པོའི་ཐུགས་དམ་བསྐང་༔ གདུག་པ་མ་ལུས་འདུལ་བའི་ཕྱིར༔ གནོད་སྦྱིན་ནག་པོའི་ཐུགས་དམ་བསྐང་༔ རྒྱལ་བསེན་ཕོ་མོ་འདུལ་བའི་ཕྱིར༔ ཡཀྵ་ནག་པོའི་ཐུགས་དམ་བསྐང་༔ འཆི་བདག་ཕོ་མོ་འདུལ་བའི་ཕྱིར༔ བདུད་འདུལ་ནག་པོའི་ཐུགས་དམ་བསྐང་༔ གདོལ་པ་ཕོ་མོ་འདུལ་བའི་ཕྱིར༔ ཀླུ་འདུལ་ནག་པོའི་ཐུགས་དམ་བསྐང་༔ དྲང་སྲོང་ཕོ་མོ་འདུལ་བའི་ཕྱིར༔ གཟའ་འདུལ་ནག་པོའི་ཐུགས་དམ་བསྐང་༔ ས་བདག་ཀླུ་གཉན་འདུལ་བའི་ཕྱིར༔ གདོན་འདུལ་ནག་པོའི་ཐུགས་དམ་བསྐང་༔ མ་ཡམས་ཐམས་ཅད་འདུལ་བའི་ཕྱིར༔ བགེགས་འདུལ་ནག་པོའི་ཐུགས་དམ་བསྐང་༔ དམ་སྲི་ཕོ་མོ་འདུལ་བའི་ཕྱིར༔ སྲི་འདུལ་ནག་པོའི་ཐུགས་དམ་བསྐང་༔ དགྲ་སྡང་
ཐམས་ཅད་འདུལ་བའི་ཕྱིར༔ དགྲ་འདུལ་ནག་པོའི་ཐུགས་དམ་བསྐང་༔ དམ་ཉམས་སྲོག་དབུགས་ལེན་པའི་ཕྱིར༔ ལྕགས་སྡིག་ནག་པོའི་ཐུགས་དམ་བསྐང་༔ སངས་རྒྱས་བསྟན་པ་བསྲུང་བའི་ཕྱིར༔ དཔལ་མགོན་ནག་པོའི་ཐུགས་དམ་བསྐང་༔ ལྷ་མིན་གཡུལ་ངོ་བཟློག་པའི་ཕྱིར༔ ལེགས་ལྡན་ནག་པོའི་ཐུགས་དམ་བསྐང་༔ བསྟན་པའི་རུ་ཊ་བསྒྲལ་བའི་ཕྱིར༔ བསྟན་སྲུང་ནག་པོའི་ཐུགས་དམ་བསྐང་༔ དྲག་པོའི་ལས་ལ་བསྐུལ་བའི་ཕྱིར༔ ལས་མཁན་ནག་པོའི་ཐུགས་དམ་བསྐང་༔ ཚེ་དང་སྲོག་ལ་མངའ་མཛད་ཕྱིར༔ སྲོག་བདུད་ནག་པོའི་ཐུགས་དམ་བསྐང་༔ གསོད་དང་གཅོད་ལ་མངའ་མཛད་ཕྱིར༔ ཤན་པ་ནག་པོའི་ཐུགས་དམ་བསྐང་༔ ཤ་དང་ཁྲག་ལ་མངའ་མཛད་ཕྱིར༔ མོན་པ་ནག་པོའི་ཐུགས་དམ་བསྐང་༔ སྟོང་གསུམ་དགྲ་བགེགས་འདུལ་བའི་ཕྱིར༔ སྤྲུལ་པ་ནག་པོའི་ཐུགས་དམ་བསྐང་༔ བདུན་རྒྱུད་རྩད་ནས་གཅོད་པའི་ཕྱིར༔ ཡང་སྤྲུལ་ནག་པོའི་ཐུགས་དམ་བསྐང་༔ གཙོ་བོའི་བཀའ་བཞིན་བསྒྲུབ་པའི་ཕྱིར༔ བཀའ་ཉན་ལས་མཁན་ཐུགས་དམ་བསྐང་༔ དཔལ་གྱི་བཀའ་སྡོད་ཡིན་པའི་ཕྱིར༔ དྲེགས་
པ་ཕོ་མོའི་ཐུགས་དམ་བསྐང་༔ བཀའ་དང་དམ་ལ་གནས་པའི་ཕྱིར༔ ལྷ་སྲིན་སྡེ་བརྒྱད་ཐུགས་དམ་བསྐང་༔ མཆོད་ན་དགེ་བའི་གྲོགས་མཛད་ཕྱིར༔ ཡུལ་ལྷ་ཟོ་དོར་ཐུགས་དམ་བསྐང་༔ ཁྱེད་ཀྱི་ཐུགས་དམ་བསྐངས་གྱུར་ནས༔ བདག་ཅག་ཡོན་མཆོད་འཁོར་བཅས་ཀྱི༔ དམ་ཚིག་ཉམས་ཆག་བསྐང་བ་དང་༔ ཆག་ཆེ་ཉམ་ང་མེད་པར་མཛོད༔ སྔོན་གྱི་ལས་དང་འཕྲལ་གྱི་རྐྱེན༔ མི་མཐུན་ཕྱོགས་རྣམས་ཞི་བར་མཛོད༔ ཚེ་དབང་ལོངས་སྤྱོད་འཕེལ་བར་མཛོད༔ འཁོར་དང་བསྟན་པ་རྒྱས་པར་མཛོད༔ སྣང་བ་དབང་དུ་འདུ་བ་དང་༔ བསམ་པ་ཡིད་བཞིན་འགྲུབ་པར་མཛོད༔ ལུས་ངག་ཡིད་གསུམ་སྲུང་བ་དང་༔ ཕྱི་ནང་བར་ཆད་བཟློག་ཏུ་གསོལ༔ བྱིན་རླབས་མཐུ་རྩལ་ཆེན་པོ་དང་༔ དབང་དྲག་ཕྲིན་ལས་ཐོག་ལྟར་ཕོབ༔ དགྲ་ལ་ཕོག་ན་དགྲ་དཔུང་ཆོམས༔ བགེགས་ལ་ཕོག་ལ་བགེགས་དཔུང་ཐུལ༔ གདོན་ལ་བབ་ན་གདོན་བསྐུངས་ཕུད༔ ལུས་གདོན་ནད་གདོན་རྩད་ནས་ཆོད༔ གོད་འདྲེ་གོད་སྲི་ཕུག་ནས་ཕྱུངས༔ དམ་སྲི་འདྲེ་མོ་ཚང་ནས་ཐོན༔ ས་བདག་ཀླུ་གཉན་སྙིང་ནས་དྲོངས༔ རྒྱལ་བསེན་འབྱུང་པོ་སྤྱི་ནས་ཆོམས༔ གཟའ་གདོན་
ཐལ་བ་རྡུལ་དུ་རློགས༔ བྱད་མ་རང་གཤེད་རང་ལ་ཕོབ༔ ནད་པ་ཡོད་ན་ཡོ་ནས་སློང་༔ སྲིའུ་ཡོད་ན་ཚང་ནས་འཚོས༔ འཆི་སྐག་ཆོད་ལ་གོད་ཁ་བསྡོམས༔ མི་ཁ་བསྒྱུར་ལ་ཡམས་ཁ་ཟློག༔ དུས་ལ་བབ་བོ་ས་མ་ཡ༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་པས་དམ་ཚིག་ཉམས་པ་རྣམས་བསྐང་ཞིང་༔ བཅོལ་བའི་ཕྲིན་ལས་མྱུར་དུ་འགྲུབ་བོ༔ ཞེས་ཐུགས་དགྱེས་པ་བཞིན་དུ་གསུང་ལྷང་ལྷང་འཁོར་དང་བཅས་པས་སྒྲོག་པར་བསམ་མོ༔ དེ་ནས་བཤགས་པ་བྱ་བ་ནི༔ ཐོག་མེད་དུས་ནས་བསགས་པའི་སྡིག་སྒྲིབ་ཉེས་ལྟུང་རྣམས་ཡིད་ལ་བཀོད་དེ༔ ཐལ་སྦྱར་པུས་བཙུགས་སུ་ཡིད་སྨད་ཅིང་འཁོད་དེ༔ གདུང་བའི་ཤུགས་ཀྱིས་དབྱངས་སྨྲེ་སྔགས་བྱས་ལ་བཤགས་པ་བྱའོ༔ ཧཱུྃ༔ ཐུགས་རྗེ་ཆེན་པོ་གསན་ཅིང་དགོངས་སུ་གསོལ༔ བྱམས་མགོན་ཐུགས་རྗེའི་ཕྱོགས་རིས་མི་མངའ་ཡང་༔ སྔོན་གྱི་ཐུགས་བསྐྱེད་སྨོན་ལམ་མཐའ་ཡས་ཀྱིས༔ ཞི་ལ་ཞི་དང་ཁྲོ་ལ་ཁྲོ་བོ་དང་༔ གང་ལ་གང་འདུལ་དེ་ལ་དེར་སྟོན་ཅིང་༔ ཕྲིན་ལས་རྣམ་བཞིས་འགྲོ་བ་ཐབས་ཀྱིས་འདུལ༔ མ་རིག་དབང་གིས་དེ་ལྟར་མ་རྟོགས་ཏེ༔ བག་མེད་ཚུལ་གྱིས་དམ་ལས་འགལ་གྱུར་པ༔ བྱམས་མགོན་ཐུགས་རྗེ་ཅན་ལ་བཟོད་པར་གསོལ༔ བཟོད་པར་
བཞེས་ནས་ཚངས་པར་བསྩལ་དུ་གསོལ༔ ཧཱུྃ༔ རྟ་མགྲིན་ནག་པོ་གསན་ཅིང་དགོངས་སུ་གསོལ༔ ཆོས་ཀྱི་སྐུ་ལ་བྱམས་སྡང་མི་མངའ་ཡང་༔ གདུག་པ་འདུལ་ཕྱིར་ཁྲོ་བོའི་སྐུ་སྟོན་པ༔ དབང་དྲག་སྟོབས་ཀྱིས་ཚར་གཅོད་རྗེས་བཟུང་མཛད༔ ཤིན་ཏུ་ཁྲོས་པ་གནོད་སྦྱིན་དྲག་པོའི་གཟུགས༔ གནམ་ལྕགས་རལ་པས་སྟོང་གསུམ་མུན་ལྟར་གཏིབས༔ ཆོས་ཉིད་ཡངས་པས་འཇིག་རྟེན་ལྟོ་བར་བཅུག༔ སྙིང་རྗེས་རྔམ་ཞིང་འགྲོ་དྲུག་ཞལ་དུ་གསོལ༔ མ་རིག་དབང་གིས་དེ་ལྟར་མ་རྟོགས་པས༔ བག་མེད་ཚུལ་གྱིས་དམ་ལས་འགལ་གྱུར་པ༔ འཕགས་མཆོག་སྤྱན་རས་གཟིགས་ལ་བཟོད་པར་གསོལ༔ བཟོད་པར་བཞེས་ནས་ཚངས་པར་བསྩལ་དུ་གསོལ༔ ཧཱུྃ༔ ཡཀྴ་ནག་པོ་གསན་ཅིང་དགོངས་སུ་གསོལ་ཆོས་ཉིད་ཞི་བའི་ངང་ལས་མ་གཡོས་ཀྱང་༔ ཐུགས་རྗེའི་དབང་གིས་མ་རུངས་ཚར་གཅོད་ཕྱིར༔ ཤིན་ཏུ་མི་བཟད་གནོད་སྦྱིན་གདུག་པ་འདུལ༔ ཁྲོ་གཏུམ་སྲིན་པོའི་ཆ་ལུགས་སྲོག་ལ་རྔམ༔ རབ་འཇིགས་དྲེགས་པའི་འཁོར་ཚོགས་ལས་ལ་འགྱེད༔ བསྟན་པ་བསྲུང་ཕྱིར་བཀའ་ཡི་བྱ་ར་མཛད༔ དཀར་པོའི་ཕྱོགས་སྐྱོང་ནག་པོའི་ཚོགས་རྣམས་
འཇོམས༔ མ་རིག་དབང་གིས་དེ་ལྟར་མ་རྟོགས་ཏེ༔ བག་མེད་ཚུལ་གྱིས་དམ་ལས་འགལ་གྱུར་པ༔ དབང་ཆེན་དྲེགས་པ་འདུལ་ལ་བཟོད་པར་གསོལ༔ བཟོད་པར་བཞེས་ནས་ཚངས་པར་བསྩལ་དུ་གསོལ༔ ཅེས་པ་འདི་ནི་སྐབས་སུ་རང་གི་དམ་ཚིག་རྩ་བ་ཡན་ལག་སྐུ་གསུང་ཐུགས་ལ་སོགས་པའི་དམ་ཚིག་སྡོམ་པ་གསུམ་གྱི་ཉེས་ལྟུང་གང་གིས་གོས་པ་དེ་ཡིད་ལ་བཀོད་ཅིང་༔ གནོང་འགྱོད་དྲག་པོས་ཁོག་ཏུ་དུག་སོང་བ་ལྟ་བུ་བྱེད་པ་གལ་ཆེའོ༔ ཧཱུྃ༔ གསང་སྔགས་གཉེན་པོའི་སྒོར་ཞུགས་རྣལ་འབྱོར་པས༔ ཤེས་བཞིན་མི་ལྡན་བག་མེད་དབང་གྱུར་ཏེ༔ སྐུ་ཡི་དམ་ཚིག་ཉམས་པ་མཐོལ་ལོ་བཤགས༔ གསུང་གི་དམ་ཚིག་ཉམས་པ་མཐོལ་ལོ་བཤགས༔ ཐུགས་ཀྱི་དམ་ཚིག་ཉམས་པ་མཐོལ་ལོ་བཤགས༔ ཡོན་ཏན་དམ་ཚིག་ཉམས་པ་མཐོལ་ལོ་བཤགས༔ ཕྲིན་ལས་དམ་ཚིག་ཉམས་པ་མཐོལ་ལོ་བཤགས༔ རྩ་བའི་དམ་ཚིག་ཉམས་པ་མཐོལ་ལོ་བཤགས༔ ཡན་ལག་དམ་ཚིག་ཉམས་པ་མཐོལ་ལོ་བཤགས༔ སྡོམ་པ་སྤྱི་དང་འགལ་བ་མཐོལ་ལོ་བཤགས༔ བཀའ་ལུང་དབང་དང་མི་ལྡན་མཐོལ་ལོ་བཤགས༔ དམ་ཚིག་སྣོད་དང་མི་ལྡན་མཐོལ་ལོ་བཤགས༔ མན་ངག་བཅུད་དང་མི་ལྡན་མཐོལ་
ལོ་བཤགས༔ ཉམས་ལེན་གདེང་དང་མི་ལྡན་མཐོལ་ལོ་བཤགས༔ ཡི་དམ་བླང་དོར་བྱས་པ་མཐོལ་ལོ་བཤགས༔ སྒྲུབ་ལ་བར་ཆད་བྱས་པ་མཐོལ་ལོ་བཤགས་༔ བསྐྱེད་རིམ་ཏིང་འཛིན་མི་གསལ་མཐོལ་ལོ་བཤགས༔ རྫོགས་རིམ་དགོངས་པ་མ་རྟོགས་མཐོལ་ལོ་བཤགས༔ བཟླས་བརྗོད་སྙིང་པོ་མ་དག་མཐོལ་ལོ་བཤགས༔ ཕྲིན་ལས་གཞུང་བཞིན་མ་བསྲང་མཐོལ་ལོ་བཤགས༔ མཆོད་པ་ལོ་ཟླར་འདས་པ་མཐོལ་ལོ་བཤགས༔ ཚོགས་དང་གཏོར་མ་ཆག་པ་མཐོལ་ལོ་བཤགས༔ དུས་དང་དུས་ལས་འདས་པ་མཐོལ་ལོ་བཤགས༔ དུས་མིན་ལས་ལ་སྦྱར་བ་མཐོལ་ལོ་བཤགས༔ མཐོལ་ལོ་བཤགས་སོ་བླ་མ་ཡི་དམ་ལྷ༔ གནོང་ངོ་འགྱོད་དོ་དཔའ་བོ་མཁའ་འགྲོའི་ཚོགས༔ བཟོད་པར་གསོལ་ལོ་སྲུང་མ་དམ་ཚིག་ཅན༔ ཚངས་པར་སྩོལ་ཅིག་བཛྲ་ས་མ་ཡ༔ མཆོད་ཅིང་གསོལ་ཅིག་བཛྲ་ཨ་ལ་ལ༔ ཞེས་མཆོད་བསྟོད་ཕུལ་ཞིང་བཤགས་པ་བྱས་པས༔ གཙོ་བོའི་དཔྲལ་བ་དང་མགྲིན་པ་ཐུགས་ཀ་ནས༔ བདུད་རྩིའི་རྒྱུན་དཀར་པོ་དང་དམར་པོ་མཐིང་ཀ་གསུམ་བྱུང་ནས༔ རང་དང་བསྲུང་བྱའི་དཔྲལ་བ་དང་མགྲིན་པ་སྙིང་ག་གསུམ་ནས་ཞུགས་ནས་
ལུས་ཐམས་ཅད་བདུད་རྩི་དཀར་དམར་མུ་ཏིག་གི་མདོག་ལྟ་བུས་གང་༔ ནད་གདོན་སྡིག་སྒྲིབ་རྣམས་བ་སྤུའི་བུ་ག་དང་འོག་སྒོ་གཉིས་དང་རྐང་བའི་སེན་ཕྲག་ནས་ཐོན༔ ས་འོག་ཏུ་སོང་བས་ས་འོག་ལས་ཀྱི་གཤིན་རྗེའི་ཁར་སོང་ནས་ངོམས་ཤིང་ཚིམ༔ རང་དང་བསྲུང་བྱའི་ལུས་ཤེལ་སྒོང་ལྟར་གྱུར་པར་བསྒོམ་ཞིང་༔ ཨོཾ་པདྨ་སཏཱ་ས་མ་ཡ། ཞེས་པ་ནས་པདྨ་མ་ཧཱ་ས་མ་ཡ་སཏྭ་ཨཱཿ ཞེས་པའི་བར་སྣང་བ་མཐའ་ཡས་ཡིག་བརྒྱ་བཟླའོ༔ བཤགས་པའི་ལས་རིམ་མོ༔ འདི་ཡན་སྡེ་བརྒྱད་རྒྱུན་དུ་འདོན་ན་ཡང་བསྐང་བ་ཡིན་ལེགས་སོ༔ ཨོཾ༔ དེ་ནས་མངའ་གསོལ་བྱ་བ་ནི༔ གཏོར་ཆུང་བྲན༔ གཏོར་ཆེན་གསོ༔ ཕྱེ་མར་དར་ཚོན་རིན་པོ་ཆེ་སྨན་སྣ་འབྲུ་སྣ་ཤིང་རྩི་སྤོས་སྣ་རྣམས་ཀྱིས་དུད་པ་བྱ་ཞིང་༔ ཨོཾ་བཛྲ་ཀྲོ་ཏ་ཧྱ་གྷཾ་ཝ་ཧཱུྃ་ཕཊ༔ ཨོཾ་སྭ་བྷ་ཝ་ཤུདྡྷསརྦ་དྷརྨསྭ་བྷ་ཝ་ཤུདྡྷོཉཧཾ༔ སྟོང་པ་ཉིད་དུ་གྱུར༔ སྟོང་པའི་ངང་ལས་ཨ་ལས་ཐོད་པའི་སྣོད་ཡངས་ཤིང་རྒྱ་ཆེ་བའི་ནང་དུ་མཆོད་རྫས་བདུད་རྩིའི་རྒྱ་མཚོ་ཆེན་པོ་གྱུར༔ ཨོཾ་ཨཱཧཱུྃ༔ ཨགྣི་པཱཧུཾ་པུཎྜེ་དྷཱ་པ་ཨཱ་ལོ་ཀེ་གནྡྷེ་ནེ་ཝིདྱ་ཤརྡ་ཨཱཙྪཱཧཱུྃ༔ ཧཱུྃ༔ དཔལ་ལྡན་མ་ཧཱ་ཀཱ་ལ་རྟ་གདོང་ཅན༔ ཁྱེད་ལ་མཆོད་ཅིང་བསྟོད་དེ་མངའ་གསོལ་ལོ༔ བླ་མར་མངའ་
གསོལ་ཚད་མེད་ཐུགས་རྗེ་ཅན༔ ཁྱེད་ལ་མཆོད་ཅིང་བསྟོད་དེ་མངའ་གསོལ་ལོ༔ ཡི་དམ་མངའ་གསོལ་བྱམས་མགོན་སྤྱན་རས་གཟིགས༔ ཁྱེད་ལ་མཆོད་ཅིང་བསྟོད་དེ་མངའ་གསོལ་ལོ༔ དཔའ་བོར་མངའ་གསོལ་རྟ་མགྲིན་དབང་གི་ལྷ༔ ཁྱེད་ལ་མཆོད་ཅིང་བསྟོད་དེ་མངའ་གསོལ་ལོ༔ ཁྲོ་བོར་མངའ་གསོལ་གནམ་ལྕགས་རལ་པ་ཅན༔ ཁྱེད་ལ་མཆོད་ཅིང་བསྟོད་དེ་མངའ་གསོལ་ལོ༔ མགོན་པོར་མངའ་གསོལ་དཔལ་ལྡན་ནག་པོ་ཆེ༔ ཁྱེད་ལ་མཆོད་ཅིང་བསྟོད་དེ་མངའ་གསོལ་ལོ༔ ཆོས་སྐྱོང་མངའ་གསོལ་མ་ཧཱ་ཀཱ་ལ་ཡ༔ ཁྱེད་ལ་མཆོད་ཅིང་བསྟོད་དེ་མངའ་གསོལ་ལོ༔ བསྟན་སྲུང་མངའ་གསོལ་ལྷ་ཆེན་ཚོགས་ཀྱི་བདག༔ ཁྱེད་ལ་མཆོད་ཅིང་བསྟོད་དེ་མངའ་གསོལ་ལོ༔ ལས་མཁན་མངའ་གསོལ་ཡཀྵ་མཐུ་བོ་ཆེ༔ ཁྱེད་ལ་མཆོད་ཅིང་བསྟོད་དེ་མངའ་གསོལ་ལོ༔ ཚར་གཅོད་མངའ་གསོལ་ཕྱག་གཡས་རལ་གྲི་ཕྱར༔ ཁྱེད་ལ་མཆོད་ཅིང་བསྟོད་དེ་མངའ་གསོལ་ལོ༔ རྗེས་བཟུང་མངའ་གསོལ་ཕྱག་གཡོན་ལྕགས་ཀྱུ་བསྣམས༔ ཁྱེད་ལ་མཆོད་ཅིང་བསྟོད་དེ་མངའ་གསོལ་ལོ༔ ཟིལ་གནོན་མངའ་གསོལ་དར་ནག་བེར་ཆེན་གསོལ༔ ཁྱེད་
ལ་མཆོད་ཅིང་བསྟོད་དེ་མངའ་གསོལ་ལོ༔ དབང་རྟགས་མངའ་གསོལ་སྤྱི་གཙུག་རྟ་དབུ་འཚེར༔ ཁྱེད་ལ་མཆོད་ཅིང་བསྟོད་དེ་མངའ་གསོལ་ལོ༔ ཡོན་ཏན་མངའ་གསོལ་དཔལ་གྱི་ཆ་ལུགས་ཅན༔ ཁྱེད་ལ་མཆོད་ཅིང་བསྟོད་དེ་མངའ་གསོལ་ལོ༔ ཕྲིན་ལས་མངའ་གསོལ་སྲིད་གསུམ་དབང་དུ་བསྡུསཿ་ཁྱེད་ལ་མཆོད་ཅིང་བསྟོད་དེ་མངའ་གསོལ་ལོ༔ ལྷ་དབང་མངའ་གསོལ་ལྷ་རྣམས་ཟིལ་གྱིས་གནོན༔ ཁྱེད་ལ་མཆོད་ཅིང་བསྟོད་དེ་མངའ་གསོལ་ལོ༔ ཀླུ་དབང་མངའ་གསོལ་ཀླུ་རྣམས་ཟས་སུ་ཟ༔ ཁྱེད་ལ་མཆོད་ཅིང་བསྟོད་དེ་མངའ་གསོལ་ལོ༔ སྟོབས་ལྡན་མངའ་གསོལ་དྲེགས་པ་ལས་ལ་བསྐུལ༔ ཁྱེད་ལ་མཆོད་ཅིང་བསྟོད་དེ་མངའ་གསོལ་ལོ༔ ཡེ་ཤེས་མངའ་གསོལ་མེ་དཔུང་ཀློང་ན་བཞུགས༔ ཁྱེད་ལ་མཆོད་ཅིང་བསྟོད་དེ་མངའ་གསོལ་ལོ༔ འཇིག་རྟེན་མངའ་གསོལ་སྡེ་བརྒྱད་ཕོ་ཉར་འགྱེད༔ ཁྱེད་ལ་མཆོད་ཅིང་བསྟོད་དེ་མངའ་གསོལ་ལོ༔ དམ་ཅན་མངའ་གསོལ་སངས་རྒྱས་བསྟན་པ་སྲུངས༔ ཁྱེད་ལ་མཆོད་ཅིང་བསྟོད་དེ་མངའ་གསོལ་ལོ༔ དགྲ་བླར་མངའ་གསོལ་དགྲ་བགེགས་རྩད་ནས་གཅོད༔ ཁྱེད་ལ་མཆོད་
ཅིང་བསྟོད་དེ་མངའ་གསོལ་ལོ༔ རྣལ་འབྱོར་བདག་གིས་ཁྱེད་ལ་མངའ་གསོལ་བས༔ ཁྱེད་ཀྱི་སྐུ་གསུང་ཐུགས་ཀྱི་རྒྱུད་མཉེས་ནས༔ ཡོན་ཏན་ཕྲིན་ལས་སྟོབས་ཀྱི་རྩལ་ཕྱུང་ཞིང་༔ བསྟན་པའི་དགྲ་བགེགས་མ་ལུས་རྡུལ་དུ་རློགས༔ བདག་ཅག་ཡོན་མཆོད་འཁོར་བཅས་བསྲུང་དུ་གསོལ༔ མི་མཐུན་རྐྱེན་ངན་བར་ཆད་ཐམས་ཅད་ཟློག༔ བཅོལ་བའི་ཕྲིན་ལས་མ་ལུས་འགྲུབ་པར་མཛོད༔ སྡང་བའི་དགྲ་དང་གནོད་པའི་བགེགས་རྣམས་ལ༔ ཁྱེད་ཀྱིས་ཕྲིན་ལས་དྲག་པོ་མྱུར་དུ་མཛོད༔ བར་ཆད་རྐྱེན་རྣམས་བཟློག་པའི་ཕྲིན་ལས་མཛོད༔ ཆེ་སྲི་ཆུང་སྲི་ཐེའུ་རང་རྡུལ་དུ་རློགས༔ བདག་གི་ཐུགས་ཀ་ནས་འོད་ཟེར་དམར་པོ་འཕྲོས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཐུགས་རྗེ་དང་ནུས་པ་བྱིན་རླབས་ཐམས་ཅད་དང་འཇིག་རྟེན་སྐྱོང་བ་ཐམས་ཅད་ཀྱི་ནུས་སྟོབས་ཡེ་ཤེས་པ་དང་འཇིག་རྟེན་ཆོས་སྐྱོང་ཐམས་ཅད་ཀྱིས་ནུས་པ་དང་རྩལ་ཐམས་ཅད་བསྡུས༔ མདུན་བསྐྱེད་ཀྱི་གཙོ་འཁོར་ཐམས་ཅད་ལ་ཐིམ་པས༔ གཟི་བརྗིད་ཆེར་འབར་ནས༔ འཇིག་རྟེན་གྱི་ཁམས་ཐམས་ཅད་ན་འགྲན་ཟླ་དང་བྲལ་བའི་གཟི་བརྗིད་ཆེར་འབར་བར་གྱུར༔ དེ་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད༔ ཡེ་ཤེས་དང་ཆོས་སྐྱོང་ཐམས་ཅད༔ ཚངས་པ་དང་བརྒྱ་བྱིན་རྒྱལ་པོ་ཆེན་པོ་བཞི་ལ་སོགས་པ་འཇིག་
རྟེན་སྐྱོང་བ་ཐམས་ཅད་དང་༔ ཡུལ་ལྷ་གཞི་བདག་བདུད་ཀྱི་སྡེ་དང་ལྷ་སྲིན་སྡེ་བརྒྱད༔ འགྲོ་བ་རིགས་དྲུག་གི་སེམས་ཅན་ཐམས་ཅད་ཀྱིས་དཔལ་རྟ་མགྲིན་ནག་པོ་ལ་དད་པ་དང་༔ མོས་པ་དང་༔ གུས་པ་དང་ཚད་མེད་པས་ཐལ་མོ་སྦྱར་ཅིང་པུས་མོ་བཙུགས་ཏེ༔ ཐམས་ཅད་མགྲིན་གཅིག་ཏུ་རྟ་མགྲིན་ལ་མངའ་གསོལ་ཞིང་གསོལ་བ་འདེབས་པར་བསྒོམ་མོ༔ དེ་ནས་མངའ་གསོལ་གྱི་གཏོར་མ་ནམ་མཁར་བཏེག༔ རོལ་མོ་འུར་བརྡུང་དྲག་པོ་བྱས་ལ་འདི་སྐད་དོ༔ ཧོ་དགོངས་སུ་གསོལ་ལོ༔ ཨོ་རྒྱན་པདྨ་ཡབ་ཡུམ༔ རིག་འཛིན་གྲུབ་ཐོབ་བརྒྱུད་པའི་བླ་མ༔ ཡི་དམ་རྒྱལ་བ་ཞི་ཁྲོ་རབ་འབྱམས༔ གནས་གསུམ་དཔའ་བོ་མཁའ་འགྲོའི་ལྷ་ཚོགས༔ གསན་ཅིང་དགོངས་སུ་གསོལ་ལོ༔ བདུད་རྩི་སྨན་གྱིས་མངའ་གསོལ་ལོ༔ རཀྟ་དམར་གྱིས་མངའ་གསོལ་ལོ༔ བྷ་ལིང་གཏོར་མས་མངའ་གསོལ་ལོ༔ སྒྲ་དབྱངས་རོལ་མོས་མངའ་གསོལ་ལོ༔ ཐུགས་དམ་བསྐངས་ལ་ཕྲིན་ལས་མཛོད་ཅིག༔ སངས་རྒྱས་ཀྱི་བསྟན་པ་སྲུངས་ཤིག༔ དཀོན་མཆོག་གི་དབུ་འཕང་བསྟོད་ཅིག༔ རྣལ་འབྱོར་པའི་བསྟན་པ་སྲུངས་ཤིག༔ ཞི་རྒྱས་དབང་དྲག་གི་ཕྲིན་ལས་ཐམས་ཅད་འགྲུབ་པར་མཛོད་ཅིག༔ བཅོམ་ལྡན་འདས་དཔལ་ཆེན་ཁྲོ་བོ་རྟ་མགྲིན་ནག་པོ༔ གཡས་སུ་ཡཀྴ་
ནག་པོ༔ གཡོན་དུ་གནོད་སྦྱིན་ནག་པོ༔ མདུན་དུ་ལྕགས་སྡིག་ནག་པོ༔ སྟེང་དུ་སྲིད་པའི་བྱ་ཁྱུང་དམར་པོ༔ སྐུ་གསུང་ཐུགས་ཀྱི་སྤྲུལ་པ་རྣམས་གསན་ཅིང་དགོངས་སུ་གསོལ་ལོ༔ བདུན་རྩི་སྨན་གྱིས་མངའ་གསོལ་ལོ༔ རཀྟ་དམར་གྱིས་མངའ་གསོལ་ལོ༔ བྷ་ལིང་གཏོར་མས་མངའ་གསོལ་ལོ༔ སྒྲ་དབྱངས་རོལ་མོས་མངའ་གསོལ་ལོ༔ ཐུགས་དམ་བསྐངས་ལ་ཕྲིན་ལས་མཛོད་ཅིག༔ སངས་རྒྱས་ཀྱི་བསྟན་པ་སྲུངས་ཤིག༔ དཀོན་མཆོག་གི་དབུ་འཕང་བསྟོད་ཅིག༔ རྣལ་འབྱོར་པའི་བསྟན་པ་སྲུངས་ཤིག༔ ཞི་རྒྱས་དབང་དྲག་གི་ཕྲིན་ལས་ཐམས་ཅད་འགྲུབ་པར་མཛོད་ཅིག༔ གཞན་ཡང་ལྷ་ཡི་དམག་ཚོགས༔ གཤིན་རྗེའི་དམག་ཚོགས༔ མ་མོའི་དམག་ཚོགས༔ བདུད་ཀྱི་དམག་ཚོགས༔ བཙན་གྱི་དམག་ཚོགས༔ རྒྱལ་པོའི་དམག་ཚོགས༔ གནོད་སྦྱིན་གྱི་དམག་ཚོགས། ཀླུ་ཡི་དམག་ཚོགས༔ རྒྱལ་ཆེན་སྡེ་བཞིའི་དམག་ཚོགས༔ ཕྱོགས་སྐྱོང་བཅུའི་དམག་ཚོགས༔ འཇིག་རྟེན་གྱི་དྲེགས་པ་ཅན༔ ཡང་འཁོར་སྤྲུལ་པ་ཡང་སྤྲུལ༔ དམ་ལ་གནས་པ་ཤ་ལ་དགའ་བ༔ ཁྲག་ལ་དགྱེས་པ༔ བསྟན་པ་བསྲུང་བར་ཞལ་
གྱིས་བཞེས་པའི་བཀའ་སྲུང་༔ འཇིག་རྟེན་དང་འཇིག་རྟེན་ལས་འདས་པའི་ཆོས་སྐྱོང་རྣམས་གསན་ཅིང་དགོངས་སུ་གསོལ་ལོ༔ བདུད་རྩི་སྨན་གྱིས་མངའ་གསོལ་ལོ༔ རཀྟ་དམར་གྱིས་མངའ་གསོལ་ལོ༔ བྷ་ལིང་གཏོར་མས་མངའ་གསོལ་ལོ༔ སྒྲ་དབྱངས་རོལ་མོས་མངའ་གསོལ་ལོ༔ ཐུགས་དམ་བསྐངས་ལ་ཕྲིན་ལས་མཛོད་ཅིག༔ སངས་རྒྱས་ཀྱི་བསྟན་པ་སྲུངས་ཤིག༔ དཀོན་མཆོག་གི་དབུ་འཕང་བསྟོད་ཅིག༔ རྣལ་འབྱོར་པའི་བསྟན་པ་སྲུངས་ཤིག༔ ཞི་རྒྱས་དབང་དྲག་གི་ཕྲིན་ལས་ཐམས་ཅད་ཡིད་བཞིན་དུ་འགྲུབ་པའི་ཕྲིན་ལས་མཛོད་ཅིག༔ ཅེས་གཏོར་ཆུང་དང་སྨན་ཕུད་ནམ་མཁའ་ལ་གཏོར༔ ཡང་ན་གཏོར་མ་མདོས་ནང་དུ་ཕུལ༔ དེ་ནས༔ བདག་མདུན་གཉིས་ཀྱི་ཐུགས་ཀར་ཉི་མའི་གདན་ལ་ཧཱུྃ་མཐིང་ག་རེ་རེ༔ ཧཱུྃ་གི་མཐའ་སྐོར་དུ་རྩ་བའི་སྔགས་ཕྲེང་ལས་འོད་ཟེར་དམར་པོ་གཡས་སུ་འཁོར་བ༔ ཁྱད་པར་བདག་བསྐྱེད་ཀྱི་ཐུགས་ཀའི་ཧཱུྃ་ལས་སྔགས་ཕྲེང་འོད་ཟེར་དམར་པོ་མེའི་རང་བཞིན་ཚྭ་ཚྭ་དང་བཅས་པ་འཕྲོས༔ ཞལ་ནས་ཐོན༔ མདུན་བསྐྱེད་ཀྱི་ཞལ་དུ་ཞུགས་ནས་ཐུགས་ཀའི་ཧཱུྃ་ལ་ཐིམ་པས་ཐུགས་དམ་གྱི་རྒྱུད་བསྐུལ༔ ཧཱུྃ་གི་ཞབས་
ཀྱུ་ནས་ལྟེ་བར་ཚུར་འདུས༔ བདག་ཉིད་ཀྱི་ལྟེ་བར་ཞུགས༔ ཐུགས་ཀའི་ཧཱུཾ་ལ་ཐིམ༔ སྔགས་ཕྲེང་མགལ་མེ་འཁོར་བ་ལྟར་དམར་སྒ་ར་ར་འཁོར་བས༔ ནད་གདོན་སྡིག་སྒྲིབ་ཐམས་ཅད་འོད་ཟེར་མེའི་སྤུ་གྲི་ལྟ་བུས་བསྲེག་པར་གྱུར༔ ཨོཾ་བཛྲ་ཀྲོ་ཏ་ཧྱ་གྷི་ཝ་ཧཱུྃ་ཕཊ༔ གྷ་རུ་ཊ་༔ ཡཀྴ་ཀ་ལ༔ ཤཨཡམདུརུཙཤར༔ ས་མ་ཡཱ༔ ཛཧཱུྃ་བཾ་ཧོ༔ ཞེས་ཅི་ནུས་བཟླས༔ ཞེས་གསལ་བཏབ་ནས་རྩ་སྔགས་ཤམ་བུ་དང་བཅས་པ་བརྒྱ་རྩ་དང་༔ རྩ་སྔགས་ཅི་ནུས་བཟླའོ༔ རས༔ ཡང་ན་ཉ་སྟོང་སོགས༔ ཚེས་བཅུའམ༔ དགུ་གཏོར་སོགས་ཅི་ལ་ཡང་༔ མཆོད་བསྟོད་དང་༔ བསྐང་བ་མངའ་གསོལ་རྣམས་ཁོ་ན་ཅི་ལྟར་མང་བཞིན་བཀྲ་ཤིས་ཤིང་བར་ཆད་སེལ་བའོ༔
དྲག་སྔགས་རྦད་བརྒྱད་བཞུགས་སོ། །ཨོཾ་བཛྲ་ཀྲོ་ཏ་ཧྱ་གྷི་ཝ་ཧཱུྃ་ཕཊ༔ ཡཀྭ་ནག་པོ་རྩྭ་ཏྲི་ཧུར་ཐུ་ཛཿ གནོད་བྱེད་མཱ་ར་ཡ་ཛཿ སྲོག་ལ་རྦད་རྦད༔ སྙིང་ལ་དྲོད་རྩ་ལ་རྦད་རྦད༔ ཁྲག་ལ་རྦད་རྦད༔ ཤ་ལ་རྦད་རྦད༔ རུས་པ་ལ་རྦད་རྦད༔ པགས་པ་ལ་རྦད་རྦད༔ ཀླད་པ་ལ་རྦད་རྦད༔ ཡིད་ལ་རྦད་རྦད༔ ཙིཏྟ་ཟུང་ཙིཏྟ་སྨུག་སྨུག་ཙིཏྟ་གཏུབ་གཏུབ༔ ཙིཏྟ་ཕྱུང་ཕྱུང་༔ ཙིཏྟ་མྱོག་མྱོག༔ ཙིཏྟ་ཐུམ་རིལ་ཛཿ ཡ་ཡ་བྷོ་བྷྱོ༔ སྲོག་རྩ་ཆོད་ཆོད༔ སྙིང་རྩ་ཕྱུངས་ཕྱུངས༔ ཁཾ་ཁཾ་ཚལ་པར་རྦད་རྦད༔ དུམ་བུར་རྡུད་རྡུད༔ ཐུམ་མྱོག་ཐཾ་རིལ༔ མཱ་ར་ཡ་རྦད་སོད༔ རཾ་རཾ་ཛྭ་ལ་རཾ༔ ཨུཙྪ་ཏ་ཡ་ཕཊ༔ ཅེས་དྲག་སྔགས་རྦད་བརྒྱད་བསད་པ་སྲོག་གི་སྤུ་གྲིའོ།
ཤོག་སྟོང་།
ལས་རིམ་བདུན་པའི་གདབ་ལས་བྱ་བ་ནི༔ དེ་ནས་ཕུད་ཕོར་དུ་གསེར་སྐྱེམས་ཉུང་ངུ་ཞིག་དང་༔ གཏོར་ཆུང་རྣམས་བདུད་རྩིས་བྲན་ལ༔ ཨོཾ་ཨཱཧཱུྃ་ལན་གསུམ་བདུད་རྩིར་དམིགས་ལ༔ མཆོད་གཡོག་པས་བཏེག་ལ༔ ཧཱུྃ༔ བླ་མེད་དཀོན་མཆོག་གསུམ་པོ་དང་༔ སྣང་སྲིད་ལྷ་སྲིན་སྡེ་བརྒྱད་དང་༔ ཡུལ་ཕྱོགས་འདི་ཡི་གཞི་བདག་རྣམས༔ གསེར་སྐྱེམས་གཉེན་པོ་འདི་བཞེས་ལ༔ མཐོ་བ་རྣམས་ཀྱིས་ཞབས་སྐུམས་ལ༔ དམའ་བ་རྣམས་ཀྱིས་དབུ་ཁུག་ཅིག༔ བར་པ་རྣམས་ཀྱིས་སྐུ་བཟུར་ལ༔ ཉམས་པའི་མགོན་སྐྱབས་མ་མཛད་ཅིག༔ དགྲ་ལྷ་གཉེན་པོ་སྐུ་བསྐྱོད་ལ༔ བདག་གི་ཕུར་པའི་དབལ་སོ་སྟོན༔ སྟེང་གི་ལྷ་ལ་ཕུར་པའི་དབལ་མི་སྟོན༔ འོག་གི་ཀླུ་ལ་ཕུར་པའི་དབལ་མི་སྟོན༔ བར་གྱི་གཉན་ལ་ཕུར་པའི་དབལ་མི་སྟོན༔ སྡང་བར་བྱེད་པའི་དགྲ་ལ་ཕུར་པ་འདེབས༔ གནོད་པ་བྱེད་པའི་བགེགས་ལ་ཕུར་པ་འདེབས༔ ལུས་ལ་སྦྲུལ་ལྟར་འཁྲིལ་བ་དང་༔ མགོ་ལ་སྐ་ལྟར་གཟིངས་བ་དང་༔ ཕུ་ནས་གཡབ་ཀྱིས་འདོར་བ་དང་༔ མདའ་ནས་ཀུ་ཡིས་འདེབས་པ་དང་༔ མ་ཉེས་དམ་ལས་ལྡོག་པ་དང་༔ དབེན་རི་གཉན་པོ་བཤིག་པ་དང་༔ བསྟན་པ་བཤིག་
ཅིང་དབུ་འཕང་སྨད༔ ཡིད་ལ་དམིགས་པའི་དགྲ་བགེགས་དང་༔ རྣལ་འབྱོར་སྐུ་ལ་བསྡོ་བ་རྣམས་ཤ་ལྟར་བྲོས་ཀྱང་ཁྱི་ལྟར་བསྙེགས༔ ཉ་ལྟར་བྲོས་ཀྱང་སྲམ་ལྟར་བསྙེགས༔ ལུག་ལྟར་བྲོས་ཀྱང་སྤྱང་ལྟར་བསྙེགས༔ བདག་ནི་མ་ཉེས་མ་ཡོ་འོ༔ གཟུ་དང་དཔེང་དུ་དཀོན་མཆོག་བཞུགས༔ གསེར་སྐྱེམས་མཆོད་པ་འདི་བཞེས་ལ༔ ཞལ་ལྕེ་ལྷ་སྲིན་ཡོངས་ཀྱིས་ཆོད༔ ཨོཾ་སརྦ་ལོ་ཀ་པཱ་ལ་ཨ་མྲྀ་ཏ་ཁཱ་ཧི་ཁཱ་ཧི༔ ཞེས་གསེར་སྐྱེམས་ནམ་མཁར་གཏོར་རོ༔ གཏོར་ཆེན་འོག་གི་ལིངྒརྣམས་མདུན་དུ་ལྕགས་སྣོད་ལྟ་བུར་བཤམས་པའི་ཟན་ལིང་ཤོག་ལིང་གང་ཡིན་བྲན་ལ༔ ཨོཾ་བཛྲ་ཀྲོ་ཏ་ཧྱ་གྷཾ་ཝ་ཧཱུྃ་ཕཊ༔ མདུན་དུ་གཏོར་སྣོད་ལྕགས་ཁང་གྲུ་གསུམ་དམར་ནག་ཡངས་ཤིང་རྒྱ་ཆེ་བ༔ ཁ་དོག་ཅིང་མཐིལ་ཡངས་པ༔ ཟིན་ནས་ཐར་ས་མེད་པའོ་པའི་ནང་དུ་ཀྲྀ་ཏྲི་ཡོངས་སུ་གྱུར་པ་ལས༔ བདག་ཅག་ཡོན་མཆོད་ལ་གནོད་བྱེད་དགྲ་བགེགས་ཀྱི་ལུས་སྐམ་པ༔ རིད་པ༔ སྐྱ་བ༔ ཧམ་པ༔ མགོ་བོ་ཐུར་དུ་བསྟན་པ༔ ཡན་ལག་ལྕགས་སུ་བཅུག་པ༔ མྱ་ངན་གྱི་ཕྱག་རྒྱ་ཅན༔ ཁ་ནས་ཁྲག་འཛག་པ༔ ཉམ་ཐག་པའི་གཟུགས་ཅན༔ མགོན་སྐྱབས་ཀྱི་ལྷ་དང་བྲལ་བ༔ གཅེར་བུ་འདར་ཕྲི་ལི་ལི་
བྱེད་པ་ཞིག་ཏུ་གྱུར༔ ན་མོ༔ རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་༔ སངས་རྒྱས་ཀྱི་བཀའ་བདེན་པ་དང་༔ ཆོས་ཀྱི་བཀའ་བདེན་པ་དང་༔ དགེ་འདུན་གྱི་བཀའ་བདེན་པ་དང་༔ གསང་སྔགས་རིག་སྔགས་གཟུངས་སྔགས་སྙིང་པོ་ཕྱག་རྒྱ་དང་ཏིང་ངེ་འཛིན་གྱི་བཀའ་བདེན་པ་དང་༔ ཡི་དམ་རྒྱལ་བ་ཞི་ཁྲོ་རབ་འབྱམས་གསང་སྔགས་གསར་རྙིང་བརྒྱུད་པའི་ལྷ་ཚོགས་རྣམས་ཀྱི་བཀའ་བདེན་པ་དང་༔ དཔལ་ཆེན་རྟ་མགྲིན་ནག་པོའི་ལྷ་ཚོགས་རྣམས་ཀྱི་བཀའ་བདེན་པ་དང་༔ བཀའ་སྡོད་དམ་ཅན་རྒྱ་མཚོ་ཆོས་སྐྱོང་སྲུང་མ་རྣམས་ཀྱི་བཀའ་བདེན་པ་དང་༔ བདེན་པ་ཆེན་པོའི་མཐུས༔ དམ་ཉམས་དགྲ་བགེགས་རྗེ་ཞེས་བྱ་བ་མིང་རུས་ལིངྒ་འདི་ལ་ཁུག་ཅིག༔ ཛཧཱུྃ་བཾ་ཧོ༔ ཞེས་ཛཡིས་བཀུག༔ ཧཱུྃ་གིས་གཞུག༔ བཻ་གྱིས་བཅིངས༔ ཧོས་གཉིས་སུ་མེད་པར་བསམ༔ དེ་ནས་བདག་མདུན་གཉིས་ཀྱི་ཐུགས་ཀ་ནས༔ གཙོ་བོ་རང་འདྲ་བའི་ཁྲོ་ཆུང་དཔག་ཏུ་མེད་པ་འཕྲོས་པས་ལྕགས་ཀྱུས་སྙིང་ནས་བཟུང་༔ ཞགས་པས་སྐེ་ནས་བཅིངས༔ ལྕགས་སྒྲོག་གིས་ཡན་ལག་བསྡོམས༔ དྲིལ་བུས་མྱོས་པར་བྱས་ནས༔ དགྲ་བགེགས་རང་དབང་མེད་པར་བཀུག་ཅིང་ལིངྒ་ལ་
བསྟིམ་པར་དམིགས་ཤིང་༔ ཧཱུྃ༔ དམ་ཉམས་དགྲ་བོ་སྡིག་ཅན་འདི༔ ལྕགས་ཀྱུ་ཅན་གྱིས་སྙིང་ནས་ཟུངས༔ ཞགས་པ་ཅན་གྱིས་ཡན་ལག་ཆིངས༔ ལྕགས་སྒྲོག་ཅན་གྱིས་དབང་པོ་བསྡོམས༔ དྲིལ་བུ་ཅན་གྱིས་སྨྱོས་སུ་ཆུག༔ རང་དབང་མེད་པར་འདིར་ཁུག་ཅིག༔ མིང་བྱང་འདི་ལ་མཆིས་པར་མཛོད༔ ཨོཾ་བཛྲ་ཀྲོ་དྷ་ཧྱ་གྷི་ཝ་ཧཱུྃ་ཕཊ༔ ཡཀྴ་ནག་པོ་ནི་ཏྲི་ཧུར་ཐུ་ཛཿ རྨེའམ་སྤྱི་ལ༔ དགྲ་བགེགས་གནོད་བྱེད་གདོན་བགེགས་ཀྱི་བླ་ཤ་རེ་མ་ཏི་འགྲིམ་འགྲིམ༔ ཤ་མ་རུ་ཏྲི་ཐུ་ཐུ༔ མྱོག་མྱོག་ཡེར་ཡེར༔ ཤ་མ་རུ་ཏྲི་ཁུག་ལིང་༔ མྱོག་ལིང་༔ ཤ་ལིང་ཐུ༔ ཙ་མུན་ཏྲི་བྷྱོ༔ ཛཧཱུྃ་བཾ་ཧོ༔ ཞེས་ལན་བདུན་ནམ་མན་ངག་ལྟར་བཟླས༔ ལྕགས་ཀྱུའི་ཕྱག་རྒྱས༔ བཛྲ་ཨངྐུ་ཤ་ཛཿ ཞགས་པའི་ཕྱག་རྒྱས༔ རཏྣ་པཱ་ཤ་ཧཱུྃ༔ ལྕགས་སྒྲོག་ཕྱག་རྒྱས༔ པདྨ་སྤོ་ཊ་ཐཾ༔ དྲིལ་བུའི་ཕྱག་རྒྱུས༔ ཀརྨ་གནྡྷེ་ཧོ༔ ཞེས་ལིང་ག་དང་དགྲ་བོ་དབྱེར་མེད་པར་བསམས༔ རང་གི་ཐལ་མོ་སྙིང་གར་སྦྱར་ནས༔ ཕྱོགས་བཅུའི་རྒྱལ་བ་སྲས་དང་བཅས་པ་ཡེ་ཤེས་ལས་དང་འཇིག་རྟེན་གྱི་ལྷ་ཐམས་ཅད་ལོ་རང་མ་ལེན་ཞིང་དགྲ་བོ་ཉེས་པའི་ཡུས་གསོལ་བར་དམིགས་ལ༔ ཧཱུྃ༔ ཕྱོགས་བཅུ་ནམ་མཁའ་མཉམ་པའི་དཀྱིལ་འཁོར་ནས༔ བླ་མ་ཡི་དམ་མཁའ་འགྲོ་ཆོས་སྐྱོང་
ཚོགས༔ ཐུགས་རྗེས་བརྩེ་བས་བདག་ལ་དགོངས་སུ་གསོལ༔ བདག་ཅག་སྒྲུབ་པ་པོ་ལ་དགྲ་བྱུང་ན༔ གཟུ་དང་དཔང་དུ་དཀོན་མཆོག་བཞུགས༔ དམ་ཉམས་དགྲ་བོ་སྡིག་ཅན་འདིས༔ བདེ་གཤེགས་རྒྱལ་བའི་བསྟན་པ་བཤིགས༔ སངས་རྒྱས་ཆོས་ལ་བདེན་མེད་ཟེར༔ ད་ལྟ་རྣལ་འབྱོར་ཡོངས་ལ་བསྡོས༔ དམ་ཉམས་དགྲ་བོ་སྡིག་ཅན་འདི༔ རང་དབང་མེད་པར་འདིར་ཁུག་ཅིག༔ དབང་དུ་བསྡུས་ལ་རྡུལ་དུ་རློགས༔ ཞེས་གསོལ་བ་བཏབ་པས་ཐམས་ཅད་ཀྱིས་མགྲིན་གཅིག་ཏུ་བཀས་གནང་བར་བསམ་ལ༔ ཕ་རོལ་པོས་ཡི་དམ་འདི་ལ་བྱེད་པ་ཞིག་ཡིན་ན༔ བྱེ་བྲག་ཏུ་གཟུ་དཔང་བྱ་བ་ནི༔ ཧཱུྃ༔ རྟ་མགྲིན་ནག་པོའི་ལྷ་ཚོགས་གཟུ་དང་དཔང་༔ ལྷ་སྲིན་སྡེ་བརྒྱད་སྙན་གསོན་དང་༔ བདག་ནི་མ་ཉེས་མ་ལེན་ཏེ༔ དམ་ཉམས་ལོག་འདྲེན་དམག་ཚོགས་ཀྱིས༔ བདག་ལ་གདུག་པ་བསྟན་ལགས་པས༔ ཁྱོད་ཀྱིས་མགོན་སྐྱབས་མ་མཛད་ཅིག༔ ཁྱེད་ཀྱིས་དམ་ཉམས་མི་བསྒྲལ་ལམ༔ དམ་ཉམས་དགྲ་བགེགས་བསྒྲལ་དུ་གསོལ༔ དུས་ལ་བབ་བོ་བསྟན་སྲུང་ཚོགས༔ ལོག་འདྲེན་དམག་ཚོགས་ཆམ་ལ་ཕོབ༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་
བརྗོད་མ་ཐག་ཏུ་རྟ་མགྲིན་ནག་པོའི་ལྷ་ཚོགས་རྣམས་ཀྱིས་ཁོ་སྤང་བར་བསམ༔ དེ་ནས་བྱ་རོག་འུག་སྒྲོ་ཡོད་ན་ལག་པ་གཡས་གཡོན་དུ་ཁྱེར་ལ༔ ཡང་ན་ལག་པས་དབྱེ་བའི་ཕྱག་རྒྱ་བྱས་ལ༔ ཧཱུྃ༔ དམ་ཉམས་དགྲ་བོ་སྡིག་ཅན་འདི༔ ལྷན་ཅིག་སྐྱེས་པའི་ལྷ་དང་ཕྱེས༔ འགོ་བར་བྱེད་པའི་ལྷ་དང་ཕྱེས༔ སྐྱོབ་པར་བྱེད་པའི་ལྷ་དང་ཕྱེས༔ མགོན་པར་བྱེད་པའི་ལྷ་དང་ཕྱེས༔ སྲུང་བར་བྱེད་པའི་ལྷ་འདང་ཕྱེས༔ གནོད་པར་བྱེད་པའི་བདུད་དང་སྤྱོད༔ གལ་ཏེ་འདི་ཡི་མགོན་བྱེད་ན༔ ཡེ་ཤེས་ལྷ་ཡང་ཐུགས་དམ་ཉམས་པར་འགྱུར༔ འཇིག་རྟེན་ལྷ་ཡང་རྡུལ་དུ་བརླག་པར་འགྱུར༔ དེ་ཕྱིར་འདི་ཡི་མགོན་སྐྱབས་མ་བྱེད་ཅིག༔ ཨོཾ་བཛྲ་ཀྲོ་ཏ་ཧྱ་གྷི་ཝ་ཧཱུྃ་ཕཊ༔ ཡཀྵ་ནག་པོ་ནི་ཏྲི་ཧུར་ཐུ་ཛཿ དགྲ་བོའི་ལྷ་སྲུང་ཐམས་ཅད་ཤག་ཕྱེས་ཤག་ཕྱེས༔ མ་མ་ཏྲག་རུ་དྲ་མཱ་ར་ཡ་ཧཱུྃ་ཕཊ༔ དེ་ནས་བདག་མདུན་གྱི་ཐུགས་ཀ་ནས་སྤྲུལ་པའི་ཁྲོ་ཆུང་མང་པོས་ཁོ་ཡི་སྲུང་འཁོར་ཐམས་ཅད་གཡས་ཐོ་བས་བཅོམ་གཡོན་ལྕགས་ཀྱུས་བཟུང་ནས་རང་གི་སྲུང་འཁོར་ལ་བསྟིམ༔ ཁོའི་ཚེ་དང་བསོད་ནམས་དང་༔ ཡེ་ཤེས་ཀྱི་ངོ་བོ་གནས་གསུམ་དུ་ཨོཾ་དཀར་ཨཱདམར་ཧཱུྃ་མཐིང་གསུམ་བཀུག་ནས་རང་ལ་བསྟིམ༔ འཇིག་རྟེན་པའི་ལྷ་སྲུང་ཐམས་ཅད་ཁྲོ་ཆུང་རྣམས་ཀྱིས་བྱ་སྤུ་རླུང་གིས་གཏོར་བ་ལྟར་རྒྱ་མཚོའི་ཕ་རོལ་དུ་བསྐྲད་པར་བསམ༔
དེ་ནས་རྟ་མགྲིན་འཁོར་དང་བཅས་པ་ལ་ཉེས་པ་བསྒྲག་ཅིང་བསྒྲལ་བར་གསོལ་བ་ནི༔ ཧཱུྃ༔ དམ་ཉམས་དགྲ་བགེགས་སྡིག་ཅན་འདིས༔ དང་པོ་སངས་རྒྱས་བསྟན་པ་བཤིགས༔ བར་དུ་དཀོན་མཆོག་དབུ་འཕང་སྨད༔ ད་ལྟ་རྣལ་འབྱོར་བདག་ལ་བསྡོས༔ འདི་ནི་བསྒྲལ་བའི་ཞིང་བཅུ་ཡིན༔ ཐུགས་རྗེའི་ཐབས་ཀྱིས་བསྒྲལ་བར་མཛོད༔ རྣམ་ཤེས་ཆོས་ཀྱི་དབྱིངས་སུ་སྒྲོལ༔ ཅེས་འཁོར་བཅས་ཁྲོས་འཁྲུགས་ནས་དགྲ་བགེགས་བསྒྲལ་བའི་ལས་ལ་རྔམ་པར་དམིགས་སོ༔ དེ་ནས་རང་ཉིད་རྟ་མགྲིན་དུ་གསལ་བས་ཕུར་པ་བླངས་ལ༔ ཕཊ༔ སྐད་ཅིག་གིས་ཕུར་པ་གནོད་སྦྱིན་ནག་པོ་ལྕགས་ཀྱི་རལ་པ་ཅན༔ གཡས་ལྕགས་ཀྱི་རྡོ་རྗེ་རྩེ་དགུ་གཡོན་མེའི་ལྕགས་ཀྱུ་དམར་པོ་བསྣམས་པ༔ སྐུ་སྨད་ན་ལྕགས་སྲེག་གི་ཕུར་པ་དབལ་སོ་དམར་ངར་རེ་འདུག་པར་གྱུར༔ ཞེས་གསལ་བཏབ༔ ཕུར་པ་སྲུང་ཕྱིར་ཀླད་ལ་ལན་གསུམ་བསྐོར༔ བཟློག་ཕྱིར་སྐེད་ལ་ལན་གསུམ་བསྐོར༔ བསད་ཕྱིར་འདྲིལ་ཞིང་ལིངྒའི་གནས་རྣམས་སུ་བཏབ་བོ༔ ཧཱུྃ༔ དམ་ཉམས་དགྲ་བགེགས་གནོད་བྱེད་འདི༔ དང་པོ་ཞེ་སྡང་ཕ་ཡི་སྐེད༔ ཕ་ཡི་སྐེད་ལ་ཀཱི་ལ་ཡ༔ དེ་ནས་འདོད་ཆགས་མ་ཡི་མངལ༔ མ་ཡི་མངལ་ལ་ཀཱི་ལ་ཡ༔ དེ་ནས་ཉོན་མོངས་ཕུང་པོ་ལྔ༔ ལྔ་
ཕུང་རྩད་ནས་གཅོད་པའི་ཕྱིར༔ ལྟེ་བའི་རྩ་ལ་ཀཱི་ལ་ཡ༔ རྣམ་ཤེས་རྟེན་ས་སྙིང་ཡིན་པས༔ དཀར་ནག་མཚམས་སུ་ཀི་ལ་ཡ༔ དབང་པོའི་རྟེན་ནི་མགོ་ཡིན་པས་ཀླད་པའི་དཀྱིལ་དུ་ཀཱི་ལ་ཡ༔ ལྟ་བར་བྱེད་པ་མིག་ཡིན་ཏེ༔ མཐོང་བྱེད་རྩ་ལ་ཀཱི་ལ་ཡ༔ ཉན་པར་བྱེད་པ་རྣ་བ་སྟེ༔ སྒྲ་ཚོར་རྩ་ལ་ཀཱི་ལ་ཡ༔ སྣོམ་པར་བྱེད་པ་སྣ་ཡིན་ཏེ༔ དྲི་ཚོར་རྩ་ལ་ཀཱི་ལ་ཡ༔ སྨྲ་བར་བྱེད་པ་ལྕེ་ཡིན་ཏེ༔ ཚིག་འབྱིན་རྩ་ལ་ཀཱི་ལ་ཡ༔ དབུགས་རྣམས་རྒྱུ་བ་གློ་བ་སྟེ༔ དབུགས་ཀྱི་རྩ་ལ་ཀཱི་ལ་ཡ༔ བྱ་བ་བྱེད་པ་ལག་པ་ཡིན། ལག་པའི་རྩ་ལ་ཀཱི་ལ་ཡ༔ འགྲོ་བར་བྱེད་པ་རྐང་པ་སྟེ༔ རྐང་པའི་རྩ་ལ་ཀཱི་ལ་ཡ༔ འཁོར་བའི་རྩ་བ་གསང་གནས་ཡིན༔ གསང་བའི་རྩ་ལ་ཀཱི་ལ་ཡ༔ སྟེང་གི་ཕོ་ལ་ཀི་ལ་ཡ༔ འོག་གི་མོ་ལ་ཀཱི་ལ་ཡ༔ མཆན་གྱི་བུ་ལ་ཀཱི་ལ་ཡ༔ ཡུལ་མཁར་ཁྱིམ་ལ་ཀཱི་ལ་ཡ༔ བསམ་པར་བྱེད་པ་སྙིང་ཡིན་པས༔ སྙིང་དཀར་ནག་མཚམས་སུ་ཀཱི་ལ་ཡ༔ ཨོཾ་བཛྲ་ཀྲོ་ཏ་ཧྱ་གྷི་ཝ་ཧཱུྃ་ཕཊ༔ ཡཀྵ་ནག་པོ་ནི་ཏྲེ་ཧུར་ཤྲཱི་ཛཿ བཛྲ་ཀཱི་ལི་ཀཱི་ལ་ཡ༔ མཱ་ར་ཡ་ཛཿ མཱ་ར་ཡ་ཁུག༔ མཱ་ར་ཡ་རྦད༔ མཱ་ར་ཡ་སོད༔ ཕུར་པ་སྙིང་དཀྱིལ་དུ་
བཏབ་པས་ཁྲག་གི་སྦལ་པ་བྱེའུ་ལེབ་མའི་མགོ་ཙམ་དེ་ལ་བཏབ་པས་རྣམ་ཤེས་ཚོགས་བརྒྱད་ནག་ཀེམ་གྱིས་སོང་བར་བསམ༔ ཕུར་པའི་རྩེ་མོར་ཁོའི་སྡིག་སྒྲིབ་ཐམས་ཅད་བསྡུས༔ ཕུར་པའི་འོད་ཀྱིས་སྡིག་པ་དག་པར་བསམ༔ རྣམ་ཤེས་ཨ་ཡིག་དཀར་པོ་ཕུར་པའི་ཁོང་གསེང་ནས་ཐོན་ཏེ་བདེ་བ་ཅན་དུ་འོད་དཔག་མེད་ཀྱི་ཐུགས་ཀར་རྒྱངས་ཀྱིས་འཕང་བར་བསམ༔ ཧཱུྃ་སྤ་ར་ཎ་ཕཊ༔ ཁོའི་ཚེ་བསོད་ནམས་དང་ཚྭ་ཡིག་ལྗང་གུ་རིང་ལ་བསྟིམ༔ རང་གི་གཟི་བརྗིད་རྒྱས་པར་བསམ༔ དེ་ནས་ཕུང་པོ་དེ་ལ་སླར་བླ་མི་འཁོར་བའི་ཕྱིར་དུ་ཐུན་སྣ་ཚོགས་བརྡེག་སྟེ༔ དང་པོ་ཡུངས་ཐུན་ནི༔ ཧཱུྃ༔ ཡུངས་དཀར་རྒྱལ་པོ་ཤ་རི་རམ༔ ཁྲོ་རྒྱལ་ཡོངས་རྫོགས་གྱད་ཀྱི་སྐུ༔ དྲག་སྔགས་ཐོག་སེར་དྲག་པོ་ཡིས༔ དགྲ་བགེགས་ལྔ་ཕུང་རྡུལ་དུ་རློགས༔ ཁྲག་ཐུན་ནི༔ ཧཱུྃ༔ རཀྟའི་རྒྱ་མཚོ་རྦ་ཀློང་འཁྲུགས་༔ མ་མོ་ཡོངས་རྫོགས་གྱད་ཀྱི་སྐུ༔ ནད་ཡམས་དལ་ཁ་ཆར་བཞིན་ཕོབ༔ དགྲ་བགེགས་ལྔ་ཕུང་རྡུལ་དུ་རློགས༔ དུག་ཐུན་ནི༔ ཧཱུྃ༔ འབྱུང་བའི་དུག་ཐུན་རླུང་ལྟར་འཚུབ༔ གདུག་པའི་དུག་སྣ་ཡོངས་རྫོགས་སྐུ༔ ལྔ་ཕུང་འཇིགས་བྱེད་དུག་རླངས་ཀྱིས༔ དགྲ་བགེགས་ལྔ་ཕུང་རྡུལ་དུ་རློགས༔ མདའ་ཐུན་ནི༔ ཧཱུྃ༔ སྟོབས་ཆེན་འདུལ་བ་མདའ་ཡི་ཐུན༔ དྲེགས་འཇོམས་
ཡོངས་རྫོགས་གྱད་ཀྱི་སྐུ༔ མི་ཟད་ཐོག་ཆེན་ཆར་འབེབས་ཀྱིས༔ དགྲ་བགེགས་ལྔ་ཕུང་རྡུལ་དུ་རློགས༔ རྡོ་ཐུན་ནི༔ ཧཱུྃ༔ སྟོབས་ཆེན་རྡུང་བ་རྡོ་ཡི་ཐུན༔ དྲེགས་པ་འཇོམས་མཛད་གཏུམ་པོའི་སྐུ༔ དྲག་པོའི་གནམ་ལྕགས་ཐོག་སེར་གྱིས༔ དགྲ་བགེགས་ལྔ་ཕུང་རྡུལ་དུ་རློགས༔ མཚེ་ཐུན་ནི༔ ཧཱུྃ་མཚེ་མདའ་དྲག་པོ་སྐར་ལྟར་འཁྲུགས༔ དྲེགས་པ་འཇོམས་བྱེད་རྩལ་གྱི་སྐུ༔ མཚེ་ཡི་མདའ་འཕེན་སེར་ལྟར་འབེབས༔ དགྲ་བགེགས་ལྔ་ཕུང་རྡུལ་དུ་རློགས༔ ཉམས་པའི་དམ་ཉམས་དགྲ་དང་བགེགས༔ རིང་བར་ཁུག་ལ་སྨོར་ཆུག་ཅིག༔ མངོན་སྤྱོད་དྲག་པོའི་དུས་ལ་བབ༔ མཚོན་ཆེན་འབར་བ་ཆེན་པོ་ཡིས༔ ལུས་ནི་དུམ་བུར་གཏུབ་པར་བྱ༔ དབང་པོ་རྩད་ནས་བཤིག་པར་བྱ། རྡུལ་ཕྲན་བཞིན་དུ་གཏོར་བར་བྱེད༔ མངོན་སྤྱོད་དྲག་པོའི་ལས་མཛོད་ཅིག༔ རྡོ་རྗེས་བརྡུང་ལ༔ ཧཱུྃ༔ བརྡུངས་ཤིག་རྡོ་རྗེ་འབར་བའི་གཏུན༔ བཀའ་ལས་འདའ་བྱེད་སྡིག་ཅན་འདི༔ རྡོ་རྗེ་མེ་འབར་སྙིང་བསྲེགས་ནས༔ ལུས་ངག་རྡུལ་ཕྲན་བཞིན་དུ་རློགས༔ ཁྲོ་མོ་འབར་བའི་གཏུན་ཁུང་དུ༔ རྡོ་རྗེའི་ཐོ་བས་བརྡུངས་བྱས་
ནས༔ ལྷའམ་འོན་ཏེ་བརླག་པར་འགྱུར༔ རྡུལ་ཕྲན་བཞིན་དུ་རླག་པར་བྱེད༔ ཅེས་བསད་སྔགས་སམ་མེད་ན་ཐུན་སོ་སོར་བརྡེག་གོ༔ དེ་ནས་བདག་མདུན་གཉིས་ཀྱི་ཐུགས་ཀ་ནས་ཡི་གེ་ཛདམར་ནག་གཉིས་འཕྲོས༔ དགྲ་བགེགས་ཀྱི་སྣ་བུག་དང་བཤང་ལམ་གཉིས་སུ་ཞུགས༔ སྙིང་གར་ཕྱིན་པས་ཟངས་ལྕགས་ཀྱི་འཁོར་ལོ་རྩིབས་བཅུ་པ་གཡས་སུ་འཁོར་བ༔ གནམ་ལྕགས་ཀྱི་འཁོར་ལོ་རྩིབས་བཅུ་པ་གཡོན་དུ་འཁོར་བར་གྱུར༔ ཨོཾ་བཛྲ་ཀྲོ་ཏ་ཧྱ་གྷི་ཝ་ཧཱུྃ་ཕཊ༔ ཡཀྵ་ནག་པོ་ནི་ཏྲི་ཧུར་ཤྲཱི་ཛཿ གནོད་བྱེད་མཱ་ར་ཡ་ཛཿ སྲོག་ལ་རྦད་རྦདི༔ སྙིང་ལ་རྦད་རྦད༔ རྩ་ལ་རྦད་རྦད༔ ཤ་ལ་རྦད་རྦད༔ རུས་པ་ལ་རྦད་རྦད༔ པགས་པ་ལ་རྦད་རྦད༔ ཀླད་པ་ལ་རྦད་རྦད༔ ཡིད་ལ་རྦད་རྦད༔ ཙིཏྟ་ཟུང་ཟུང་༔ ཙིཏྟ་སྨུག་རླུག༔ ཙིཏྟ་གཏུབ་གཏུབ༔ ཙིཏྟ་ཕྱུང་ཕྱུང་༔ ཙིཏྟ་མྱོག་མྱོག༔ ཙིཏྟ་ཐུམ་རིལ་ཛཿ ཡ་ཡ་བྷོ་བྷྱོ༔ སྲོག་རྩ་ཆོད་ཆོད༔ སྙིང་རྩ་ཕྱུངས་ཕྱུངས༔ ཁཾ་ཁཾ་ལཾ་ལཾ༔ ཚལ་པར་རྦད་རྦད༔ དུམ་བུར་རྡུད་རྡུད༔ ཐུམ་མྱོག་བི་རིལ༔ མཱ་ར་ཡ་བྱེད་ཡ༔ རཾ་རཾ་ཛྭ་ལ་རཾ༔ ཨུཙ་ཏ་ཡ་ཕཊ༔ འདིའི་སྐབས་སུ་ཟབ་པའི་མན་
ངག་ཅིག་ཡོད་པ་ཞལ་ལ་དྲིས༔ དགྲ་བགེགས་ཤ་ཁྲག་རུས་གསུམ་གཏུབས་ནས༔ གཏི་མུག་ཤ་ཡི་རི་བོ༔ འདོད་ཆགས་ཁྲག་གི་རྒྱ་མཚོ་ཞེ་སྡང་རུས་པའི་བྲག་རིའི་ཕུང་པོ་བསམ་གྱིས་མི་ཁྱབ་པར་གྱུར༔ ཅེས་དགྲ་བགེགས་ཀྱི་ཤ་ཁྲག་རུས་གསུམ་གཏུབས་ནས་རྟ་མགྲིན་གྱི་ལྷ་ཚོགས་ཀྱི་ཞལ་དུ་བསྟབས་པས་གསོལ་བར་བསམ་ལ༔ ཧཱུྃ༔ དགྲུ་བགེགས་གནོད་བྱེད་སྡིག་ཅན་འདི༔ ཕུང་པོ་ཁམས་དང་སྐྱེ་མཆེད་རྣམས༔ དོན་སྙིང་ལ་སོགས་རྣམ་ཤེས་བརྒྱད༔ མགོ་བོ་ལ་སོགས་དབང་པོ་ལྔ༔ གཏི་མུག་ཤ་ཡི་རི་བོ་འདི༔ འདོད་ཆགས་ཁྲག་གི་མཆོད་པ་འདི༔ ཞེ་སྡང་རུས་པའི་མཆོད་པ་འདི༔ ང་རྒྱལ་ཚིལ་གྱི་མཆོད་པ་འདི༔ ཕྲག་དོག་ཆུ་སེར་མཆོད་པ་འདི༔ ནང་ཁྲོལ་གློ་སྙིང་མཁལ་མར་བཅས༔ ཞལ་ཤེས་ཡོད། རྟ་མགྲིན་ལྷ་ཚོགས་ཞལ་དུ་བསྟབ༔ རྟ་མགྲིན་ནག་པོའི་ཞལ་དུ་བསྟབ༔ ཡཀྴ་མེ་དབལ་ཞལ་དུ་བསྟབ༔ གནོད་སྦྱིན་ལྕགས་རལ་ཞལ་དུ་བསྟབ༔ ལྕགས་སྡིག་ནག་པོའི་ཞལ་དུ་བསྟབ༔ ཁའ་ལྡིང་རྒྱལ་པོའི་ཞལ་དུ་བསྟབ༔ དྲེགས་པ་སྡེ་བརྒྱད་ཞལ་དུ་བསྟབ༔ རྒྱལ་ཆེན་ཕྱོགས་སྐྱོང་ཞལ་དུ་བསྟབ༔ གསོལ་ཅིག་རོལ་ཅིག་ཁ་རཾ་ཁཱ་ཧི༔ ཨ་ལ་ལ་ཏེ་དགྱེས་པར་
རོལ༔ ཨོཾ་བཛྲ་ཀྲོ་ཏ་ཧྱ་གྷི་ཝ༔ ཡཀྵ་ནག་པོ་༔ ཡཀྴ་ཀཱ་ལ༔ བཛྲ་རཀྟ༔ རུ་རུ་བྷ་ཤ༔ ག་རུ་ཊ༔ ཨཿཡཿམཿདུཿརཿཙཿན༔ སརྦ་ལོ་ཀ་པ་ལ༔ མཱཾ་ས་རཀ་ཙིཏྟ༔ གོ་རོ་ཙ་ན༔ བ་སུ་ཏ༔ ཀེ་ནི་རི་ཏི་ལ་ཁ་རཾ་ཁཱ་ཧི༔ འདིའི་སྐབས་སུ་ལས་རིམ་བདུན་གྱི་བཟློག་པ་འདོན་ན་བཟློག་དམིགས་འདི་ལྟར་བྱའོ༔ འདིའི་སྐབས་སུ་མདུན་བསྐྱེད་ཀྱི་གནམ་ལྕགས་ཀྱི་རལ་པ་ལན་གསུམ་སྤྲུགས་པས༔ དབུ་སྐྲའི་གསེབ་ནས་ཁྲོ་ཆུང་རང་འདྲ་བའི་ཚོགས་དཔག་ཏུ་མེད་པ་ཕྱིར་འཕྲོས་པས༔ བདག་ཅག་ཡོན་མཆོད་བསྲུང་བྱ་ཐམས་ཅད་ལ་གནོད་ཅིང་འཚེ་བར་བྱེད་པའི་དགྲ་བགེགས་བྱད་མ༔ ཕུར་ཁ་ལྷ་འདྲེའི་གྲོད་གཏོང་ཆག་ཆེ་ཉམ་ང་༔ རྨིས་ལྟས་མཚན་ངན་སྐག་འཆི་ལྟས་གོད་ཁ་དམ་སྲི་ལ་སོགས་པ་མདོར་ན་གང་གནོད་ཐམས་ཅད་ཁྲོ་ཆུང་རྣམས་ཀྱིས་བྱ་སྤུའམ་སྤྲིན་ནག་རླུང་གིས་གཏོར་བ་བཞིན་དུ་ཕྱིའི་རྒྱ་མཚོའི་ཕར་འགྲམ་བསྐྲད་ཅིང་༔ ཁྲོ་ཆུང་རྣམས་ཚུར་ཅུང་ཟད་འདུས་པས༔ བར་ལ་མེ་རི་དང་༔ རྡོ་ར་དང༔ རྡོ་རྗེ་དང་༔ རིན་པོ་ཆེ་དང་༔ པདྨ་དང་༔ རལ་གྲི་དང་༔ འཁོར་ལོའི་གུར་ཁང་༔ དེའི་ནང་དུ་ཁྲོ་ཆུང་ནག་པོ་མང་པོ་ཞལ་ཕྱིར་གཟིགས་ནས་བློ་བཟློག་གི་སྒྲ་དི་རི་རི་སྒྲོགས་པའི་གུར་ཁང་དུ་གྱུར་ཅིང་དེའི་ནང་དུ་ཁྲོ་བོ་དཀར་པོ་མང་པོས་ཚེ་བུམ་ཐོགས་ནས་སྲུང་སྔགས་དི་རི་རི་སྒྲོགས་པའི་གུར་ཁང་དུ་གྱུར་ཅིང་༔ ཡང་ནམ་མཁའ་ཐམས་ཅད་རྟ་མགྲིན་ནག་པོ༔ བར་སྣང་ཐམས་
ཅད་ཡཀྴ་མེ་དབལ༔ ས་གཞི་ཐམས་ཅད་སྡེ་བརྒྱད་ཚོགས་ཀྱིས་གང་ནས༔ ཐམས་ཅད་ཀྱིས་སྦྱོ་བཟློག་གི་སྒྲས་སྟོང་གསུམ་ཐམས་ཅད་འགུལ་འགུལ་ཤིག་ཤིག་བྱེད་པར་བསྒོམ་པར་བྱའོ༔ ཧཱུྃ༔ ཡབ་གཅིག་ཐུགས་རྗེ་ཆེན་པོ་སྙན་གསོན་དང་༔ རྟ་མགྲིན་ནག་པོ་སྙན་གསོན་དང་༔ ནག་པོ་ཆེན་པོ་སྙན་གསོན་དང་༔ ཡཀྴ་ནག་པོ་སྙན་གསོན་དང་༔ འཁོར་གྱི་དྲེགས་པ་སྙན་གསོན་དང་༔ ཕོ་ཉ་ལས་མཁན་སྙན་གསོན་དང་༔ ཁྱོད་ནི་སྔོན་གྱི་དམ་ཚིག་ཅན༔ བདག་ནི་རྣལ་འབྱོར་སྒྲུབ་པ་པོ༔ བདག་གིས་ཁྱོད་ལ་མཆོད་ཅིང་གསོལ༔ ཁྱེད་ཀྱི་ཐུགས་དམ་དུས་ལ་བབ༔ དུས་ལ་བབ་པོ་དམ་ཚིག་ཅན༔ ཁྱེད་ལ་བཟློག་གྱུར་ཕྲིན་ལས་བཅོལ༔ བཟློག་བསྒྱུར་ཕྲིན་ལས་བཅོལ་བ་ནི༔ དེ་ནས་བཟློག་པའི་བྱུང་ཁུངས་ནི༔ ཧཱུྃ༔ སྔོན་ཚེ་བཟློག་པ་གང་ནས་བྱུང་༔ སྟོང་གསུམ་སྟོང་གི་འཇིག་རྟེན་ན༔ རུ་ཊ་སྡེ་གསུམ་དར་བའི་ཚེ༔ དཔལ་ཆེན་རིགས་གསུམ་མགོན་པོ་ཡིས༔ དྲག་པོ་དཔལ་གྱི་གཏོར་ཆེན་བཤམས༔ གསང་སྔགས་མཐུ་ཡི་རྔ་ཆེན་བརྡུང་༔ རིག་སྔགས་ཐུན་གྱི་ཟོར་ཆེན་འདྲིལ༔ རུ་ཊ་སྡེ་གསུམ་གཏན་ནས་བརླགས༔ དེ་ནས་བཟློག་པ་གར་སྲིད་ན༔ སུམ་ཅུ་རྩ་གསུམ་ལྷ་གནས་
ནས༔ ལྷ་དང་ལྷ་མིན་འཐབ་པའི་ཚེ༔ ལྷ་དབང་རྒྱལ་པོ་སྟོབས་ཆེན་གྱིས༔ དྲག་པོ་དཔལ་གྱི་གཏོར་ཆེན་བཤམས༔ གསང་སྔགས་མཐུ་ཡི་རྔ་ཆེན་བརྡུང་༔ ག་སྔགས་ཐུན་གྱི་ཟོར་ཆེན་འདྲིལ༔ ལྷ་མིན་གཡུལ་ངོ་བཟློག་པར་མཛད༔ དེ་ནས་བཟློག་པ་གར་སྲིད་ན༔ རྒྱ་གར་རྡོ་རྗེ་གདན་དྲུང་དུ༔ མུ་སྟེགས་དམག་ཚོགས་རྒོལ་བའི་ཚེ༔ སློབ་དཔོན་ཤཱཀྱ་སེངྒེ་ཡིས༔ དྲག་པོ་དཔལ་གྱིས་གཏོར་ཆེན་བཤམས༔ གསང་སྔགས་མཐུ་ཡི་རྔ་ཆེན་བརྡུང་༔ རིག་སྔགས་ཐུན་གྱི་ཟོར་ཆེན་འདྲིལ༔ མུ་སྟེགས་དམག་ཚོགས་ཕམ་པར་མཛད༔ ད་ལྟའི་བཟློག་རབས་ནི༔ སྔོན་བྱུང་སྲིད་པ་དེ་བཞིན་དུ༔ ད་ལྟར་རྣལ་འབྱོར་བདག་ཅག་གི༔ སྔགས་འཆང་རྣལ་འབྱོར་སྒྲུབ་པ་པོ༔ བདག་དང་རྒྱུ་སྦྱོར་ཡོན་བདག་གི༔ ཕྱི་ནང་བར་ཆད་བཟློག་པའི་ཕྱིར༔ དྲག་པོ་དཔལ་གྱི་གཏོར་ཆེན་བཤམས༔ གསང་སྔགས་མཐུ་ཡི་རྔ་ཆེན་བརྡུང་༔ རིག་སྔགས་ཐུན་གྱི་ཟོར་ཆེན་འདྲིལ༔ མི་མཐུན་བར་ཆད་བཟློག་གྱུར་ཅིག༔ བྷྱོ༔ དྲག་པོ་དཔལ་གྱི་གཏོར་ཆེན་འདི༔ གསང་སྔགས་འདུས་པའི་བྱིན་རླབས་ཡིན༔ རིག་སྔགས་འདུས་པའི་མཚོན་ཆ་ཡིན༔ ཁྲོ་བོ་
འདུས་པའི་མཐུ་རྩལ་ཡིན༔ ཁྲོ་མོ་འདུས་པའི་དྲག་རྩལ་ཡིན༔ ཕོ་ཉ་འདུས་པའི་ལས་མཁན་ཡིན༔ སྡེ་བརྒྱད་འདུས་པའི་དམོད་པ་ཡིན༔ འདི་ཡིས་མི་བཟློག་གང་ཡང་ལྷམེད༔ བདག་ཅག་ཡོན་མཆོད་འཁོར་བཅས་ལ༔ ཆག་ཆེ་ཉམ་ང་མཆིས་པ་ཡང་༔ བཟློག་གོ་དམར་ཆེན་གཏོར་མས་ཟློག༔ སྔོན་གྱི་ལས་ལས་གྱུར་པ་ཡང་བཟློག་གོ་དམར་ཆེན་གཏོར་མས་ཟློག༔ འཕྲལ་གྱི་རྐྱེན་ལས་གྱུར་པ་ཡང་༔ བཟློག་གོ་དམར་ཆེན་གཏོར་མས་ཟློག༔ ཡས་ཀྱི་བདུད་ཁ་གཡོས་པ་ཡང་༔ བཟློག་གོ་དམར་ཆེན་གཏོར་མས་ཟློག༔ མས་ཀྱི་སྲི་ཁ་ལྡང་བ་ཡང་༔ བཟློག་གོ་དམར་ཆེན་གཏོར་མས་ཟློག༔ ཕ་རོལ་རྦོད་གཏོང་འཕྱོ་བ་ཡང་༔ བཟློག་གོ་དམར་ཆེན་གཏོར་མས་ཟློག༔ ཚེ་ལ་བར་དུ་གཅོད་པ་ཡང་༔ བཟློག་གོ་དམར་ཆེན་གཏོར་མས་ཟློག༔ སྲོག་ལ་ཧུར་ཐུམ་འབྱུང་བ་ཡང་༔ བཟློག་གོ་དམར་ཆེན་གཏོར་མས་ཟློག༔ ལུས་ལ་འབྱུང་བཞི་འཁྲུགས་པ་ཡང་༔ བཟློག་གོ་དམར་ཆེན་གཏོར་མས་ཟློག༔ སེམས་ལ་སྡུག་བསྔལ་འབྱུང་བ་ཡང་༔ བཟློག་གོ་དམར་ཆེན་གཏོར་མས་ཟློག༔ དུས་མིན་འཆི་བ་ཐམས་ཅད་ཀྱང་༔ བཟློག་
གོ་དམར་ཆེན་གཏོར་མས་ཟློག༔ ཧེ་རུ་ཀ་ཡི་དྲག་སྔགས་ཡང་༔ བཟློག་གོ་དམར་ཆེན་གཏོར་མས་ཟློག༔ ཁྲོ་ཚོགས་ཡབ་ཀྱི་དྲག་སྔགས་ཡང་༔ བཟློག་གོ་དམར་ཆེན་གཏོར་མས་ཟློག༔ མ་ཚོགས་ཡུམ་གྱི་དྲག་སྔགས་ཡང་༔ བཟློག་གོ་དམར་ཆེན་གཏོར་མས་ཟློག༔ འཁོར་ཚོགས་སྤྲུལ་པའི་དྲག་སྔགས་ཡང་༔ བཟློག་གོ་དམར་ཆེན་གཏོར་མས་ཟློག༔ ཕོ་ཉ་ལས་ཀྱི་དྲག་སྔགས་ཡང་༔ བཟློག་གོ་དམར་ཆེན་གཏོར་མས་ཟློག༔ མགོན་པོས་དམོད་པའི་དྲག་སྔགས་ཡང་༔ བཟློག་གོ་དམར་ཆེན་གཏོར་མས་ཟློག༔ མ་མོས་དམོད་པའི་དྲག་སྔགས་ཡང་༔ བཟློག་གོ་དམར་ཆེན་གཏོར་མས་ཟློག༔ གཤིན་རྗེས་དམོད་པའི་དྲག་སྔགས་ཡང་༔ བཟློག་གོ་དམར་ཆེན་གཏོར་མས་ཟློག༔ གནོད་སྦྱིན་དམོད་པའི་དྲག་སྔགས་ཡང་༔ བཟློག་གོ་དམར་ཆེན་གཏོར་མས་ཟློག༔ ཕོ་རྒྱུད་དམོད་པའི་དྲག་སྔགས་ཡང་༔ བཟློག་གོ་དམར་ཆེན་གཏོར་མས་ཟློག༔ མོ་རྒྱུད་དམོད་པའི་དྲག་སྔགས་ཡང་༔ བཟློག་གོ་དམར་ཆེན་གཏོར་མས་ཟློག༔ ལྷ་རྣམས་དམོད་པའི་དྲག་སྔགས་ཡང་༔ བཟློག་གོ་དམར་ཆེན་གཏོར་མས་ཟློག༔ ཀླུ་རྣམས་
དམོད་པའི་དྲག་སྔགས་ཡང་༔ བཟློག་གོ་དམར་ཆེན་གཏོར་མས་ཟློག༔ གཉན་རྣམས་དམོད་པའི་དྲག་སྔགས་ཡང་༔ བཟློག་གོ་དམར་ཆེན་གཏོར་མས་ཟློག༔ གཟའ་རྣམས་དམོད་པའི་དྲག་སྔགས་ཡང་༔ བཟློག་གོ་དམར་ཆེན་གཏོར་མས་ཟློག༔ བདུད་རྣམས་དམོད་པའི་དྲག་སྔགས་ཡང་༔ བཟློག་གོ་དམར་ཆེན་གཏོར་མས་ཟློག༔ བཙན་རྣམས་དམོད་པའི་དྲག་སྔགས་ཡང་༔ བཟློག་གོ་དམར་ཆེན་གཏོར་མས་ཟློག༔ རུ་ཊས་དམོད་པའི་དྲག་སྔགས་རྣམས༔ བཟློག་གོ་དམར་ཆེན་གཏོར་མས་ཟློག༔ མ་ཡམས་དམོད་པའི་དྲག་སྔགས་ཡང་༔ བཟློག་གོ་དམར་ཆེན་གཏོར་མས་ཟློག༔ དལ་ཡམས་དམོད་པའི་དྲག་སྔགས་ཡང་༔ བཟློག་གོ་དམར་ཆེན་གཏོར་མས་ཟློག༔ འགོང་པོས་དམོད་པའི་དྲག་སྔགས་ཡང་༔ བཟློག་གོ་དམར་ཆེན་གཏོར་མས་ཟློག༔ རྒྱལ་པོས་དམོད་པའི་དྲག་སྔགས་ཡང་༔ བཟློག་གོ་དམར་ཆེན་གཏོར་མས་ཟློག༔ བསེན་མོས་དམོད་པའི་དྲག་སྔགས་ཡང་༔ བཟློག་གོ་དམར་ཆེན་གཏོར་མས་ཟློག༔ ཐེའུ་རང་དམོད་པའི་དྲག་སྔགས་ཡང་༔ བཟློག་གོ་དམར་ཆེན་གཏོར་མས་ཟློག༔ ས་བདག་དམོད་པའི་དྲག་སྔགས་
ཡང་༔ བཟློག་གོ་དམར་ཆེན་གཏོར་མས་ཟློག༔ མུ་སྟེགས་དམོད་པའི་དྲག་སྔགས་ཡང་༔ བཟློག་གོ་དམར་ཆེན་གཏོར་མས་ཟློག༔ བགེགས་རྣམས་དམོད་པའི་དྲག་སྔགས་ཡང་༔ བཟློག་གོ་དམར་ཆེན་གཏོར་མས་ཟློག༔ ལྷ་ཡིས་དལ་ཟེར་འཕེན་པ་ཡང་༔ བཟློག་གོ་དམར་ཆེན་གཏོར་མས་ཟློག༔ ལྷ་མིན་མཚོན་ཆ་འཁྲུག་པ་ཡང་༔ བཟློག་གོ་དམར་ཆེན་གཏོར་མས་ཟློག༔ གཟའ་རྒོད་ཀིང་ཀང་འབབ་པ་ཡང་༔ བཟློག་གོ་དམར་ཆེན་གཏོར་མས་ཟློག༔ གཤིན་རྗེའི་འཁོར་ལོ་བསྐོར་བ་ཡང་༔ བཟློག་གོ་དམར་ཆེན་གཏོར་མས་ཟློག༔ མ་མོའི་ཁྲག་ནད་གཏོང་བ་ཡང་༔ བཟློག་གོ་དམར་ཆེན་གཏོར་མས་ཟློག༔ འཆི་བདག་ཁྲམ་ལ་བཏབ་པ་ཡང་༔ བཟློག་གོ་དམར་ཆེན་གཏོར་མས་ཟློག༔ བདུད་ཀྱི་ཞགས་པ་འདེབས་པ་ཡང་༔ བཟློག་གོ་དམར་ཆེན་གཏོར་མས་ཟློག༔ བཙན་གྱི་ཇག་པ་རྒྱག་པ་ཡང་༔ བཟློག་གོ་དམར་ཆེན་གཏོར་མས་ཟློག༔ རྒྱལ་པོས་སྨྱོ་འབོགས་གཏོང་བ་ཡང་༔ བཟློག་གོ་དམར་ཆེན་གཏོར་མས་ཟློག༔ འབྱུང་པོས་བར་ཆད་བྱེད་པ་ཡང་༔ བཟློག་གོ་དམར་ཆེན་གཏོར་མས་ཟློག༔ གནོད་
སྦྱིན་ཟ་ཁ་སྟོན་པ་ཡང་༔ བཟློག་གོ་དམར་ཆེན་གཏོར་མས་ཟློག༔ ས་བདག་གཏད་ཁྲམ་བྱུང་བ་ཡང་༔ བཟློག་གོ་དམར་ཆེན་གཏོར་མས་ཟློག༔ ཀླུ་ཡིས་བྱེད་དུ་བཅུག་པ་ཡང་༔ བཟློག་གོ་དམར་ཆེན་གཏོར་མས་ཟློག༔ ཐེའུ་རང་སྲིད་ལ་རྐུ་བ་ཡང་༔ བཟློག་གོ་དམར་ཆེན་གཏོར་མས་ཟློག༔ མུ་སྟེགས་ངན་སྔགས་བྱེད་པ་ཡང་༔ བཟློག་གོ་དམར་ཆེན་གཏོར་མས་ཟློག༔ བནྡེས་རིག་སྔགས་བྱེད་པ་ཡང་༔ བཟློག་གོ་དམར་ཆེན་གཏོར་མས་ཟློག༔ བོན་པོས་མཐུ་སྒྲུབ་བྱེད་པ་ཡང་༔ བཟློག་གོ་དམར་ཆེན་གཏོར་མས་ཟློག༔ སྐྱེ་བོས་མདའ་ཟོར་འཕེན་པ་ཡང་༔ བཟློག་གོ་དམར་ཆེན་གཏོར་མས་ཟློག༔ བུད་མེད་དུག་སྦྱོར་བཤམས་པ་ཡང་༔ བཟློག་གོ་དམར་ཆེན་གཏོར་མས་ཟློག༔ སྐག་རིགས་སུམ་བརྒྱ་དྲུག་ཅུ་ཡང་༔ བཟློག་གོ་དམར་ཆེན་གཏོར་མས་ཟློག༔ བགེགས་རིགས་སྟོང་ཕྲག་བརྒྱད་ཅུ་ཡང་༔ བཟློག་གོ་དམར་ཆེན་གཏོར་མས་ཟློག༔ ནད་རིགས་བཞི་བརྒྱ་རྩ་བཞི་ཡང་༔ བཟློག་གོ་དམར་ཆེན་གཏོར་མས་ཟློག༔ ལྟས་ངན་བརྒྱད་ཅུ་རྩ་གཅིག་ཡང་བཟློག་གོ་དམར་ཆེན་གཏོར་མས་ཟློག༔ ཡེ་འདྲོགས་སུམ་བརྒྱ་
དྲུག་ཅུ་ཡང་༔ བཟློག་གོ་དམར་ཆེན་གཏོར་མས་ཟློག༔ གློ་བུར་དགུ་བཅུ་རྩ་གཅིག་ཡང་༔ བཟློག་གོ་དམར་ཆེན་གཏོར་མས་ཟློག༔ དུས་མིན་འཆི་བ་བཅོ་བརྒྱད་ཡང་བཟློག་གོ་དམར་ཆེན་གཏོར་མས་ཟློག༔ མོ་ལྟས་མཚན་ལྟས་ངན་པ་ཡང་༔ བཟློག་གོ་དམར་ཆེན་གཏོར་མས་ཟློག༔ ཕ་ཚན་ནང་གི་རྒྱབ་འདྲེ་ཡང་༔ བཟློག་གོ་དམར་ཆེན་གཏོར་མས་ཟློག༔ མ་ཚན་ནང་གི་བྱེ་འདྲེ་ཡང་༔ བཟློག་གོ་དམར་ཆེན་གཏོར་མས་ཟློག༔ དར་ཚན་ནང་གི་སྟོང་འདྲེ་ཡང་༔ བཟློག་གོ་དམར་ཆེན་གཏོར་མས་ཟློག༔ དར་སྲི་ཆུང་སྲི་གཞོན་སྲི་ཡང་༔ བཟློག་གོ་དམར་ཆེན་གཏོར་མས་ཟློག༔ བརྒྱ་ཡི་མི་ཁ་ཟུག་པ་ཡང་༔ བཟློག་གོ་དམར་ཆེན་གཏོར་མས་ཟློག༔ སྟོང་གི་བྲ་མཆུ་བརྡེག་པ་ཡང་༔ བཟློག་གོ་དམར་ཆེན་གཏོར་མས་ཟློག༔ མ་ཉེས་ཁ་ཡོག་འོང་བ་ཡང་༔ བཟློག་གོ་དམར་ཆེན་གཏོར་མས་ཟློག༔ མི་ལ་ན་ཚ་ཐམས་ཅད་ཀྱང་༔ བཟློག་གོ་དམར་ཆེན་གཏོར་མས་ཟློག༔ ནོར་གྱི་གོད་ཡམས་ཐམས་ཅད་ཀྱང་༔ བཟློག་གོ་དམར་ཆེན་གཏོར་མས་ཟློག༔ ཞིང་གི་བཙའ་སད་སེར་གསུམ་ཡང་༔ བཟློག་གོ་དམར་ཆེན་
གཏོར་མས་ཟློག༔ བསྒྱུར་རོ་ལྟས་ངན་མཚེར་རྩུབ་བསྒྱུར༔ བཟློག་པའི་རྒྱལ་པོས་བཟློག་ཏུ་གསོལ༔ བསྒྱུར་བའི་རྒྱལ་པོས་བསྒྱུར་དུ་གསོལ༔ བཟློག་བསྒྱུར་ཕྲིན་ལས་དུས་ལ་བབ༔ དུས་ལ་བབ་བོ་ས་མ་ཡ༔ བཅོལ་བའི་ཕྲིན་ལས་འགྲུབ་པར་མཛོད༔ བྷོ་བྷོ་བྷྱོ༔ བཟློག་བཟློག་བཟློག༔ འདིའི་སྐབས་སུ་ལྟས་ངན་གང་བྱུང་གི་གཟུགས་མན་ངག་ལྟར་བྱའོ༔ མདུན་དུ་ལྕགས་སྣོད་དམ་བྲུབ་ཁུང་གང་རུང་དུ་བཞག་ལ༔ དེ་ལ་ཐུན་རྫས་ཀྱིས་བྲབ་ཅིང་༔ བདག་མདུན་གྱི་བསྐྱེད་རིམ་གསལ་བར་བྱའོ༔ ཧཱུྃ་དཔལ་ལྡན་མ་ཧཱ་ཀཱ་ལ་རྟ་གདོང་ཅན༔ ཁྱོད་ནི་ཟློག་བྱེད་རྒྱལ་པོ་ཡིན༔ དེ་རིང་བཟློག་བསྒྱུར་དུས་ལ་བབ༔ བཟློག་བསྒྱུར་ཕྲིན་ལས་བཅོལ་བ་ནི༔ ལྟས་ངན་ཟློག་ལ་མཚེར་རྩུབ་བསྒྱུར༔ ཐན་ལྟས་ཆོ་འཕྲུལ་ངན་པ་ཟློག༔ མོ་སོགས་པྲ་ལྟས་ངན་པ་ཟློག༔ ཐན་ལྟས་བཟློག་པའི་དུས་ལ་བབ༔ ཆོ་འཕྲུལ་བཟློག་པའི་དུས་ལ་བབ༔ དགྲ་སྣ་བཟློག་པའི་དུས་ལ་བབ༔ ཁྱོད་ནི་བཟློག་བསྒྱུར་རྒྱལ་པོ་སྟེ༔ ཁྱོད་ཀྱིས་མི་བཟློག་གང་ཡང་མེད༔ བདག་དང་རྒྱུ་སྦྱོར་ཡོན་བདག་ལ༔ གནོད་ཅིང་འཚེ་བ་བཟློག་ཏུ་གསོལ༔ ཞེས་པས་དམོད་བཅོལ་དང་བཟློག་པ་ཅི་འོས་བྱའོ༔ ས་མ་ཡ༔ རྒྱ་རྒྱ་
རྟ་མགྲིན་ནག་པོའི་ལས་རིམ་བདུན་པ་ལས༔ ལྟས་ངན་རྨི་ལམ་སྡེ་བརྒྱད་རྣམས་ཀྱི་བཟློག་པ་བཞུགས་སོ༔ འདིའི་སྐབས་སུ་ལྟས་ངན་གང་བྱུང་གི་གཟུགས་མན་ངག་ལྟར་བྱའོ༔ མདུན་དུ་ཐོད་པའམ་ལྕགས་སྣོད་བྲུབ་ཁུང་གང་རུང་དུ་བཞག་ལ༔ དེ་ལ་ཐུན་རྫས་ཀྱིས་བྲབ་ཅིང་༔ མདུན་བསྐྱེད་ཁྲོ་བོའི་སྐུ་དང་རལ་པའི་གསེབ་ནས་ཁྲོ་བོ་དཔག་ཏུ་མེད་པ་བྱུང་ནས༔ ལྟས་ངན་དེ་དང་དེ་གཏོང་བར་བྱེད་པ་ཐམས་ཅད་གཟུགས་ལ་བཀུག་ཅིང་༔ སྐུ་ལས་མཚོན་ཆ་དང་མེ་དཔུང་གི་ཆར་བབ་པས་གཏུབས་ཤིང་བསྲེགས་མདུན་བསྐྱེད་ཀྱི་ཤངས་ནས་བསྐལ་པའི་རླུང་བྱུང་སྟེ་གཏོར༔ ཁྱད་པར་ལྟས་ངན་གཏོང་མཁན་ཁོ་རང་ལ་བསྡིགས་པར་བྱས་ཤིང་༔ ཁོའི་གནས་སུ་ལྟས་ངན་གང་ཡིན་དེ་ལོག་ནས་སོང་བར་བསམ༔ ལྷ་ཚོགས་ཐམས་ཅད་ཀྱིས་ལྟས་ངན་ཐམས་ཅད་བློ་སྦྱོ་བཟློག་བཟློག་ཅེས་འུ་རུ་རུ་བཟླས་པར་དམིགས་སོ༔ ཧཱུྃ༔ གནམ་ནས་བདུད་ཀྱི་འབོད་པ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ས་ལ་སྲི་ཆེན་ལྡང་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བར་ན་རི་བཙན་རྒྱུག་པ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ལྷ་སྲིན་སྡེ་བརྒྱད་དམོད་པ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ དཔྱིད་གསུམ་ཐོག་འབྲུལ་ལྟས་ངན་ཡང་༔ བཟློག་གོ་དམར་
ཆེན་གཏོར་མ་འདི་ཡིས་ཟློག༔ དབྱར་གསུམ་ཐན་ལྟས་ངན་པ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ སྟོན་གསུམ་ལུག་མནུལ་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ དགུན་གསུམ་སྦྲུལ་མཐོང་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བྱི་བ་སྐྱེད་རྩར་འཁུན་པའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ རི་དྭགས་ཁྱིམ་དུ་འོང་བའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ རྒྱ་དང་གླ་བ་བསད་པ་མཐོང་བའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བྱི་བས་མི་སྐུ་བཅད་པའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བྱ་ཐན་ཁྱིམ་དུ་འོང་བའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ སྦལ་སྦྲུལ་ཁྱིམ་དུ་འོང་བའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ཁང་སྐམ་ཆུ་ཟག་འོང་བའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ སྦྲུལ་ནག་བྱི་གཟན་མཐོང་བའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་
ཡིས་ཟློག༔ སྲེ་མོང་བྱི་གཟན་མཐོང་བའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ སྲིན་བྱ་ཁྱིམ་དུ་འོང་བའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ སྲིན་བྱས་འབུ་རོ་ཁྱེར་བའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ཁྱིམ་ན་འུག་པ་དགོད་པའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ཕྱུགས་ལ་རྔ་མ་མེད་པའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ མི་དང་ཕྱུགས་ལ་ལྷག་ཆད་བྱུང་བའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ རང་གི་ལྷ་འདྲེ་མཐོང་བའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ རི་བྱིའུ་ཁྱིམ་དུ་ཚང་བཅས་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ གཅན་གཟན་སྒོ་ཁར་ཟུག་པའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ཁྲག་གི་ལོང་ཀ་མཐོང་བའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ འོ་མ་ཁྲག་ཏུ་རེད་པའི་ལྟས་ངན་ཡང་༔ བཟློག་གོ་དམར་ཆེན་གཏོར་
མ་འདི་ཡིས་ཟློག༔ སྦལ་སྦྲུལ་འཐབ་པ་མཐོང་བའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ གཡུང་ནོར་རི་དྭགས་འཐབ་པ་མཐོང་བའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ གཟའ་སྐར་ཐང་དུ་ལྷུང་བའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ མཚོ་དང་ཆུ་མིག་ཁྲག་ཏུ་མཐོང་བའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ སེམས་ཅན་མགོ་རྡུམ་མཐོང་བའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ རྟ་ཁལ་སྣ་ཐན་མཐོང་བའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ཁྱི་ཕོ་ལྕགས་ཐན་མཐོང་བའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ནོར་རུའི་མིག་ཐན་མཐོང་བའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ སེམས་ཅན་མགོ་མང་མཐོང་བའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ གནམ་ཁྱི་ནག་པོ་ཟུག་པའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ དབང་པོ་མ་ཚང་ལྷག་ཆད་མཐོང་
བའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ཁྱིམ་དུ་ཤེ་མོང་སྐྱེ་ཞིང་བྱི་ལོང་ཕྱིན་པའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ རང་འཐག་སྟོང་བསྐོར་རམ་ཕྱེ་འབྱུང་བའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ སེམས་ཅན་རང་གི་བུ་ཟོས་སྣ་ཚོགས་བག་རིལ་མཐོང་བའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བུང་བ་གྲོག་མས་ཁྱིམ་དུ་ཚང་བཅས་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ མི་མ་ཡིན་གྱིས་མི་རོ་ཁུར་བ་མཐོང་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ནགས་བིལ་རི་དྭགས་སྒོ་ཕྱིར་འགྲིམ་པའི་ལྟས་ངན་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བྷྱོ༔ མ་ཧཱ་ཀཱ་ལ་རྟ་གདོང་མཐུ་བོ་ཆེ༔ དེ་རིང་ཐན་ལྟས་ངན་པ་ད་བཟློག་ཅིག༔ ལྟས་ངན་བཟློག་པའི་དུས་ལ་བབ༔ བདག་དང་རྒྱུ་སྦྱོར་ཡོན་བདག་ལ༔ རྨི་ལམ་ངན་པ་ཐམས་ཅད་ཀྱང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ དགྲས་དེད་སྐྱབས་མེད་རྨིང་བ་ཡང་༔ བཟློག་གོ་དམར་ཆེན་གཏོར་
མ་འདི་ཡིས་ཟློག༔ མཁར་ཁང་འགྱེལ་བ་རྨིང་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ཆུས་ཁྱེར་ལྷམ་ལྟུང་རྨིང་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག་མགོ་ལ་མེ་ཤོར་རྨིང་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ཐུར་དུ་ས་འོག་འཛུལ་བ་རྨིང་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ རྐེ་དང་ལྕེ་བཅད་མིག་བྲུས་རྨིང་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ལུས་ལ་འབུ་སྲིན་ཞུགས་དང་རྣག་ཁྲག་འཐུང་པ་རྨིང་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བྲང་བརྡུང་ཅོ་བྲེག་རྨིང་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ སྤྲ་ཞིང་སྤྱང་སྐྱེ་ཁུར་བ་རྨིང་པ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ མི་ཤི་ངུ་འབོད་ཐལ་འགམ་རྨིང་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ཤི་བསྡུར་རྟ་ལུག་སྔོས་ཆས་བཏང་བ་རྨིང་པ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ རོ་ཁུལ་དུར་འདེབས་རྫིང་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ མཚོན་དང་ཁྲག་གི་ཆར་འབབ་
རྙིང་པ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ དགྲ་དང་གཅན་གཟན་སྡོང་དགུའི་དེད་པ་རྨིང་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ཆུ་དང་རྦབ་རྒོད་མི་ཡིས་དེད་པ་མིང་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ དུག་ཁྲག་བཤང་གཅི་ཟོས་པ་རྨིང་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ གོས་མེད་གཅེར་བུར་བུད་ནས་ཆོ་ངེས་བཏབ་པ་རྨིང་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བན་བོན་བུད་མེད་སྤྲེའུས་དེད་པ་༧རྨིང་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བོང་དྲེལ་ར་ཁྱི་མ་ཧེ་ཞོན་ནས་ཐུར་སོང་གླིང་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ཕ་མྱེས་མི་ཡིས་བསད་པ་རྨིང་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ལུས་ནས་རྣག་ཁྲག་བྱུང་བ་རྨིང་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ཡན་ལག་བཅད་དང་སྙིང་ཕྱུང་རྨིང་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ རང་གི་ཕྱུགས་ལ་གཅན་སྤྱང་རྒྱུག་པ་རྨིང་བ་ཡང་༔ བཟློག་གོ་དམར་
ཆེན་གཏོར་མ་འདི་ཡིས་ཟློག༔ སྒྲ་སྐད་མི་སྙན་སྒྲོགས་པ་རྨིང་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ རང་ལུས་བྱུ་རུའི་མདོག་བྱུང་རྨིང་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ སྨུག་ནག་མུན་པ་འཐིབ་ཅིང་མྱ་ངན་འདུག་པ་རྨིང་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བཙོན་བཟུང་ལྕགས་སུ་བཅུག་པ་རྨིང་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ རྨི་ལམ་ངན་པ་བཟློག་པའི་དུས་ལ་བབ༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ འདིའི་སྐབས་སུ་གཏོར་ཆུང་རེ་འབུལ་ལོ༔ རྨི་ལམ་ངན་པ་དང་༔ ལྟས་ངན་པ་དང་༔ མཚན་མ་ངན་པ་དང་༔ ལོ་ཟླ་ཞག་དུས་ཀྱི་སྐག་དང་༔ མོ་ངན་ཕྱོགས་སྡིག་གང་ཡིན་པ་དེ་དག་དང་༔ རླུང་མཁྲིས་བད་ཀན་ལ་སོགས་ནད་གང་ན་བ་དེ་དག་སྔོ་དམར་ལམ་ལམ་གཏོར་མ་ལ་ཐིམ་པར་བསམ་མོ༔ ཞི་བ་བྱེད་ན་གཏོར་མ་བདུད་རྩིར་རྒྱ་མཚོར་བསྒྱུར་ལ་འབུལ༔ དྲག་པོ་བྱེད་ན་དེ་དག་ཁྲོ་བོ་རྣམས་ཀྱི་ཞལ་ནས་མེ་ཧོམ་གྱི་རང་བཞིན་གདངས་པའི་ནང་དུ་འབུལ་བར་བསམ༔ བྷྱོ༔ མ་ཧཱ་ཀཱ་ལ་རྟ་གདོང་མཐུ་བོ་ཆེ༔ བདག་དང་རྒྱུ་སྦྱོར་ཡོན་བདག་ལ༔ མོ་ལྟས་ངན་པ་ཐམས་ཅད་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ རྒྱ་གར་ཆོས་
ཀྱི་ཡི་གེའི་མོ༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ཞང་ཞུང་ཇུ་ཐིག་ངན་པ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ དཔལ་ཤིའི་མོ་དང་སོ་སྡིག་མོ༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ལྟས་ཀྱི་ཟེར་མོ་ངན་པ་གང་བབས་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ཤིང་བུའི་མོ་དང་ཚད་ཀྱི་མོ༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ སྦམ་པ་དཀར་ནག་གང་བབས་པ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བྲམ་ཟེའི་ངན་སྔགས་ཐམས་ཅད་ཀྱང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ཇག་པས་རྟ་ཁ་བསིགས་པ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ རྐུན་མས་ཤ་ཆིང་ཁྱེར་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ཕྱི་དགྲ་ཡིད་ཤོམ་ད་དགྲ་བྱེད་པ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བརྒྱ་ཡི་མི་ཁ་ཟུག་པ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བརྒྱ་ཡི་ཁ་ཡོལ་སྟོང་གི་ཁ་མེར་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ གྱོད་ཀྱི་མི་ཁ་བྲ་མཆུ་
ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བྷྱོ༔ མ་ཧཱ་ཀཱ་ལ་རྟ་གདོང་མཐུ་བོ་ཆེ༔ བདག་དང་རྒྱུ་སྦྱོར་ཡོན་བདག་ལ༔ བཞི་བརྒྱ་རྩ་བཞིའི་ནད་བཏབ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ རླུང་མཁྲིས་བད་ཀན་འདུས་པའི་ནད་བཏབ་ཀྱང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ འབྲུམ་བུ་བས་ལྡོག་གཡན་པ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ སྲིན་བུ་འབྲས་དང་གག་ལྷོག་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ མཛེ་དང་ཤུ་བ་དྲེག་ནད་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ རིམས་ནད་ཡམས་ནད་འགོ་བའི་ནད་རྣམས་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ཀླུ་ནད་གཉན་ནད་ས་བདག་ནད་རྣམས་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ཤ་ཡི་ནད་དང་ཁྲག་གི་ནད༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ རུས་ནད་རྩ་ཡི་ནད་རྣམས་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བྷྱོ༔ མ་ཧཱ་ཀ་ལ་རྟ་གདོང་མཐུ་བོ་ཆེ༔ བདག་དང་རྒྱུ་སྦྱོར་ཡོན་བདག་ལ༔ ཡེ་འདྲོགས་རྨི་
ལམ་ངན་པ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག་ཁང་པ་ཚག་ཅིང་སྒོ་ཁྱི་དུ་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ རླུང་ནག་འཚུབ་མས་ཁང་ཁྱིམ་བཤིག་པ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ཐུག་ཆོམ་རི་བྲག་ཉིལ་དང་སྐར་མདའ་རྣམས༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ཁང་ཁྱིམ་འོད་ཀྱིས་གང་ཞིང་ལྟས་ངན་སྒྲོག༔ བཟློག་གོ་དམར་ཆེན་གཏོར་མ་འདི་ཡིས་ཟློག་དྲི་ངན་འཚུབ་ཅིང་སྦྲ་གུར་འགྱེལ་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ འབྲུག་སྒྲོག་ཐོག་སེར་ཤྭ་འུད་འོང་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ཤིང་ཆེན་འགྱེལ་དང་ཆུ་གཡོས་མེ་བྱུང་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ མཚོ་དང་ཆུ་མིག་སྐམ་ཞིང་རྦབ་ཆེན་འདྲིལ་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ སྐྲ་བྲེག་ཡིད་སྡུག་སེམས་འཕྱོ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ གནམ་འགྲོགས་ས་འགྲོགས་བར་སྣང་འགྲོགས༔ དེ་སོགས་གློ་བུར་ཡེ་འདྲོགས་རྣམས༔ བཟློག་གོ་དམར་ཆེན་
གཏོར་མ་འདི་ཡིས་ཟློག༔ གནམ་ལོ་རྒྱལ་པོའི་སྐག་བབས་སམ༔ རུ་དར་མཚོན་པ་བཅུ་གཉིས་ཀྱི༔ དུར་གྱི་ཁྲམ་དུ་བཅུག་པ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ཁྲོ་པ་སུམ་བརྒྱ་དྲུག་ཅུ་དང་༔ ཡུལ་དུ་ཀི་སྒྲ་འདེབས་པ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བདུད་པོ་ཁྲམ་ཐོགས་བཅུ་གཉིས་ཀྱིས༔ སྲོག་གཅོད་ཁྲམ་དུ་འབེབས་པ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ཁམས་ཀྱི་གཟུ་བོ་མི་གཉིས་ཀྱིས༔ གདོང་གི་ཡོ་གལ་བྱེད་པ་དང་༔ ཤེལ་གྱི་མི་དཀར་རྒྱང་གླུ་ལེན་པ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ གཤིན་ལུག་གྲོ་མོས་འབའ་སྒྲ་འདེབས་པ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ དུར་སྤང་ནག་པོ་རོ་ལ་རྒྱུག་པ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ གནམ་ཁྱི་ནག་པོ་རྗེས་སུ་འབྲང་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ གི་འཇིངས་ཤིང་ཆག་པ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ དབང་ཐང་གཡང་སྒོ་རལ་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ལུས་
སྨེ་དུར་དུ་ཞུགས་པ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ཀླུང་རྟའི་རྒྱལ་མཚན་ཆག་པ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ཞིང་གི་མུ་ཁ་རལ་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ཁང་པའི་གདུང་མ་གྲུམ་པ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ སྦྲ་ཡི་གུང་ཤིང་ཆག་པ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ མདུང་ཤིང་རྐུན་མས་ཁྱེར་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ འུག་པ་ཉིན་ལ་དགོད་པ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ སྲིན་བྱས་ཁང་ཁྱིམ་ཀིས་འདེབས་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ནོར་གྱི་མཚན་གེ༔ མོ་ལམ་རྒྱུག་དང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ མེ་ཆེན་གནམ་དུ་འབར་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ཆུ་ཆེན་ས་ལ་འབྲུབ་པ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ ས་སྲོས་ཉི་མ་ནུབ་པ་དང་༔ མིག་གཉིས་ས་ལ་ལྷུང་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ སྐུ་
བྱི་སོ་བུད་རྨིང་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ གཅེར་བུ་བུད་ནས་མཐུར་སྐྱ་རྒྱུག་པ་རྨིས༔ སྦྲ་མེད་སྦྲ་ནག་རྨིང་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ དར་མེད་ལུས་ལ་དར་གྱོན་རྨིང་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ གསེར་མེད་ལུས་ལ་གསེར་བཏགས་རྨིང་བ་ཡང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ རྨི་ལྟས་ངན་པ་ཐམས་ཅད་ཀྱང་༔ བཟློག་གོ་དམར་ཆེན་གཏོར་མ་འདི་ཡིས་ཟློག༔ བསྒྱུར་རོ་ལྟས་ངན་དགྲ་ལ་སྒྱུར༔ དེ་ནས་ཤིན་ཏུ་གལ་ཆེ་བའམ༔ སྔགས་པ་ནང་འགྲས་བྱུང་ན་འདི་བྱའོ༔ ནམ་གར་ཡང་མི་རུང་༔ བདག་གི་ཐུགས་ཀ་ནས་འོད་ཟེར་དམར་ནག་ཚ་ཞིང་རྩུབ་པ་མདུན་བསྐྱེད་ལ་ཕོག༔ ཤིན་ཏུ་ཁྲོས་པས་ང་རོ་སྒྲོགས་ཤིང་རྟ་སྐད་འཚེར་བས༔ ཐུགས་ཀ་ནས་འོད་ཟེར་ཚ་ཞིང་རྩུབ་པ་འཕྲོས་པས་སྡེ་བརྒྱད་ལ་ཕོག་པས༔ རབ་ཏུ་ཁྲོས་པས་གོ་གྱོན་མཚོན་ཐོགས་ནས་དགྲ་བགེགས་བྱད་མའི་གཡུལ་ངོ་བཟློག་པར་བསམ༔ བྷྱོ༔ ཤར་གྱི་ཕྱོགས་ནས་བསྐུལ་བ་ནི༔ སངས་རྒྱས་བསྟན་པ་སྲུང་མཛད་པ༔ ལྷ་ཡི་རྒྱལ་པོ་མཐུ་བོ་ཆེ༔ ལྷ་དམག་བྱེ་བ་འབུམ་གྱིས་བསྐོར༔ བཟློག་པའི་དུས་ལ་བབ་ཙམ་ན༔ དུང་ཁྲབ་དཀར་པོ་སི་ལི་ལི༔ དུང་གི་རྨོག་མོ་
གས་སེ་ལྷག༔ གནམ་ལྕགས་རལ་གྲི་ལྷབས་སེ་ལྷབ༔ ཐོག་མདའ་དམར་པོ་ཤ་ར་ར། མདུང་དར་དཀར་པོ་ཡུགས་སེ་ཡུག༔ རུ་མཚོན་དཀར་པོ་ལྷུབས་སེ་ལྷུབ༔ བཟློག་པའི་ཀུ་སྒྲ་ཏི་རི་རི༔ དགྲ་བགེགས་ཚོགས་དང་གཡུལ་ཆེན་ལ༔ མ་རུངས་གདུག་པ་ཆམ་ལ་ཕོབ༔ བཀའ་དང་དམ་ལས་འདའ་མ་བྱེད༔ བསྟན་པ་གཉན་པོ་ཁྱོས་སྲུང་ན༔ བླ་མེད་རྡོ་རྗེ་འཆང་ཐོབ་འགྱུར༔ ཨས་མ་ཡ་ན་ར་ཀན༔ བྷྱོ༔ ལྷོ་ཡི་ཕྱོགས་ནས་བསྐུལ་བ་ནི༔ སངས་རྒྱས་བསྟན་པ་སྲུང་མཛད་པ༔ གཤིན་རྗེའི་རྒྱལ་པོ་མཐུ་བོ་ཆེ༔ གཤིན་རྗེ་བྱེ་བ་འབུམ་གྱིས་བསྐོར༔ བཟློག་པའི་དུས་ལ་བབ་ཙམ་ན༔ གསེར་ཁྲབ་སེར་པོ་སི་ལི་ལི༔ གསེར་གྱི་རྨོག་མོ་ལྷགས་སེ་ལྷག༔ གནམ་ལྕགས་རལ་གྲི་ལྷབས་སེ་ལྷབ༔ ཐོག་མདའ་དམར་པོ་ཤ་ར་ར༔ མདུང་དར་སེར་པོ་ཡུགས་སེ་ཡུག༔ རུ་མཚོན་སེར་པོ་ལྷུབས་སེ་ལྷུབ༔ བཟློག་པའི་ཀུ་སྒྲ་ཏི་རི་རི༔ དགྲ་བགེགས་ཚོགས་དང་གཡུལ་ཆེན་ལ༔ མ་རུངས་གདུག་པ་ཆམ་ལ་ཕོབ༔ བཀའ་དང་དམ་ལས་འདའ་མ་བྱེད༔ བསྟན་པ་གཉན་པོ་ཁྱོས་སྲུང་ན༔ བླ་མེད་རྡོ་རྗེ་འཆང་ཐོབ་འགྱུར༔ ཡཱཿས་
མ་ཡ་ན་ར་ཀན༔ བྷྱོ༔ ནུབ་ཀྱི་ཕྱོགས་ནས་བསྐུལ་བ་ནི༔ སངས་རྒྱས་བསྟན་པ་སྲུང་མཛད་པ༔ མ་མོའི་རྒྱལ་མོ་མཐུ་མོ་ཆེ༔ མ་མོ་བྱེ་བ་འབུམ་གྱིས་བསྐོར༔ བཟློག་པའི་དུས་ལ་བབ་ཙམ་ན༔ ཟངས་ཁྲབ་དམར་པོ་སི་ལི་ལི༔ ཟངས་ཀྱི་རྨོག་མོ་ལྷགས་སེ་ལྷག༔ གནམ་ལྕགས་རལ་གྲི་ལྷབས་སེ་ལྷབ༔ ཐོག་མདའ་དམར་པོ་ཤ་ར་ར༔ མདུང་དར་དམར་པོ་ཡུགས་སེ་ཡུག༔ རུ་མཚོན་དམར་པོ་ལྷུབས་སེ་ལྷུབ༔ བཟློག་པའི་ཀུ་སྒྲ་ཏི་རི་རི༔ དགྲ་བགེགས་ཚོགས་དང་གཡུལ་ཆེན་ལ༔ མ་རུངས་གདུག་པ་ཆམ་ལ་ཕོབ༔ བཀའ་དང་དམ་ལས་འདའ་མ་བྱེད༔ བསྟན་པ་གཉན་པོ་ཁྱོས་སྲུང་ན༔ བླ་མེད་རྡོ་རྗེ་འཆང་ཐོབ་འགྱུར༔ མཿས་མ་ཡ་ན་ར་ཀན༔ བྱང་གི་ཕྱོགས་ནས་བསྐུལ་བ་ནི༔ སངས་རྒྱས་བསྟན་པ་སྲུང་མཛད་པ༔ བདུད་ཀྱི་རྒྱལ་པོ་མཐུ་བོ་ཚེ༔ བདུད་དམག་བྱེ་བ་འབུམ་གྱིས་བསྐོར༔ བཟློག་པའི་དུས་ལ་བབ་ཙ་ན༔ བསེ་ཁྲབ་སེར་པོ་སི་ལི་ལི༔ བསེ་ཡི་རྨོག་མོ་ལྷགས་སེ་ལྷག༔ གནམ་ལྕགས་རལ་གྲི་ལྷབས་སེ་ལྷབ༔ ཐོག་མདའ་དམར་པོ་ཤ་ར་ར༔ མདུང་དར་སྨུག་པོ་ཡུགས་ས་ཡུག༔ རུ་མཚོན་སྨུག་པོ་
ལྷུབས་སེ་ལྷུབ༔ བཟློག་པའི་ཀུ་སྒྲ་ཏི་རི་རི༔ དགྲ་བགེགས་ཚོགས་དང་གཡུལ་ཆེན་ལ༔ མ་རུངས་གདུག་པ་ཆམ་ལ་ཕོབ༔ བཀའ་དང་དམ་ལས་འདའ་མ་བྱེད༔ བསྟན་པ་གཉན་པོ་ཁྱོས་སྲུང་ན༔ བླ་མེད་རྡོ་རྗེ་འཆང་ཐོབ་འགྱུར༔ དུས་མ་ཡ་ན་ར་ཀན༔ བྷྱོ༔ ཤར་ལྷོའི་མཚམས་ནས་བསྐུལ་བ་ནི༔ སངས་རྒྱས་བསྟན་པ་སྲུང་མཛད་པ༔ བཙན་གྱི་རྒྱལ་པོ་མཐུ་བོ་ཆེ༔ བཙན་དམག་བྱེ་བ་འབུམ་གྱིས་བསྐོར༔ བཟློག་པའི་དུས་ལ་བབ་ཙམ་ན༔ བསེ་ཁྲབ་དམར་པོ་སི་ལི་ལི༔ བསེ་ཡི་རྨོག་མོ་ལྷགས་སེ་ལྷག༔ གནམ་ལྕགས་རལ་གྲི་ལྷབས་སེ་ལྷབ༔ ཐོག་མདའ་དམར་པོ་ཤ་ར་ར༔ རུ་མཚོན་དམར་པོ་ཡུགས་སེ་ཡུག༔ མདུང་དར་དམར་པོ་ལྷུབས་སེ་ལྷུབ༔ བཟློག་པའི་ཀུ་སྒྲ་ཏི་རི་རི༔ དགྲ་བགེགས་ཚོགས་དང་གཡུལ་ཆེན་ལ༔ མ་རུངས་གདུག་པ་ཆམ་ལ་ཕོབ༔ བཀའ་དང་དམ་ལས་འདའ་མ་བྱེད༔ བསྟན་པ་གཉན་པོ་ཁྱོས་སྲུང་ན༔ བླ་མེད་རྡོ་རྗེ་འཆང་ཐོབ་འགྱུར༔ རུཿས་མ་ཡ་ན་ར་ཀན༔ བྷྱོ༔ ལྷོ་ནུབ་མཚམས་ནས་བསྐུལ་བ་ནི༔ སངས་རྒྱས་བསྟན་པ་སྲུང་མཛད་པ༔ རྒྱལ་པོ་ཆེན་པོ་མཐུ་བོ་ཆེ༔ རྒྱལ་
འགོང་བྱེ་བ་འབུམ་གྱིས་བསྐོར༔ བཟློག་པའི་དུས་ལ་བབ་ཙམ་ན༔ ཤེལ་ཁྲབ་དཀར་པོ་སི་ལི་ལི༔ ཤེལ་གྱི་རྨོག་མོ་ལྷགས་སེ་ལྷག༔ གནམ་ལྕགས་རལ་གྲི་ལྷབས་སེ་ལྷབ༔ ཐོག་མདའ་དམར་པོ་ཤ་ར་ར༔ རུ་མཚོན་དཀར་པོ་ཡུགས་སེ་ཡུག༔ མདུང་དར་དཀར་པོ་ལྷུབས་སེ་ལྷུབ༔ བཟློག་པའི་ཀུ་སྒྲ་ཏི་རི་རི༔ དགྲ་བགེགས་ཚོགས་དང་གཡུལ་ཆེན་ལ༔ མ་རུངས་གདུག་པ་ཆམ་ལ་ཕོབ༔ བཀའ་དང་དམ་ལས་འདའ་མ་བྱེད༔ བསྟན་པ་གཉན་་པོ་ཁྱོས་སྲུང་ན༔ བླ་མེད་རྡོ་རྗེ་འཆང་ཐོབ་ཤོག༔ ས་མ་ཡ་ན་ར་ཀན༔ བྷྱོ༔ ནུབ་བྱང་མཚམས་ནས་བསྐུལ་བ་ནི༔ སངས་རྒྱས་བསྟན་པ་སྲུང་མཛད་པ༔ གནོད་སྦྱིན་རྒྱལ་པོ་མཐུ་བོ་ཆེ༔ གནོད་སྦྱིན་བྱེ་བ་འབུམ་གྱིས་བསྐོར༔ བཟློག་པའི་དུས་ལ་བབ་ཙམ་ན༔ ལྕགས་ཁྲབ་སྔོན་པོ་སི་ལི་ལི༔ ལྕགས་ཀྱི་རྨོག་མོ་ལྷགས་སེ་ལྷག༔ གནམ་ལྕགས་རལ་གྲི་ལྷབས་སེ་ལྷབ༔ ཐོག་མདའ་དམར་པོ་ཤ་ར་ར༔ མདུང་དར་སྔོན་མོ་ཡུགས་སེ་ཡུག༔ རུ་མཚོན་སྔོན་པོ་ལྷུབས་སེ་ལྷུབ༔ བཟློག་པའི་ཀུ་སྒྲ་ཏི་རི་རི༔ དགྲ་བགེགས་ཚོགས་དང་གཡུལ་ཆེན་ལ༔ མ་རུངས་གདུག་པ་ཆམ་ལ་ཕོབ༔
བཀའ་དང་དམ་ལ་འདའ་མ་བྱེད༔ བསྟན་པ་གཉན་པོ་ཁྱོས་སྲུང་ལ༔ བླ་མེད་རྡོ་རྗེ་འཆང་ཐོབ་ཤོག༔ ཤས་མ་ཡ་ན་ར་ཀན༔ བྷོ་བྱང་ཤེར་མཚམས་ནས་བསྐུལ་བ་ནི༔ སངས་རྒྱས་བསྟན་པ་སྲུང་མཛད་པ༔ ཀླུ་ཡི་རྒྱལ་པོ་མཐུ་བོ་ཆེ༔ ཀླུ་དམག་བྱེ་བ་འབུམ་གྱིས་བསྐོར༔ བཟློག་པའི་དུས་ལ་བབ་ཙམ་ན༔ གཡུ་ཁྲབ་སྔོན་པོ་སི་ལི་ལི་གཡུ་ཡི་རྨོག་མོ་ལྷགས་སེ་ལྷག༔ གནམ་ལྕགས་རལ་གྲི་ལྷབས་སེ་ལྷབ༔ ཐོག་མདའ་དམར་པོ་ཤ་ར་ར༔ མདུང་དར་སྔོན་པོ་ཡུགས་སེ་ཡུག༔ རུ་མཚོན་སྔོན་པོ་ལྷབས་སེ་ལྷབ༔ བཟློག་པའིཀུ་སྒྲ་ཏི་རི་རི༔ དགྲ་བགེགས་ཚོགས་དང་གཡུལ་ཆེན་ལ༔ མ་རུངས་གདུག་པ་ཆམ་ལ་ཕོབ༔ བཀའ་དང་དམ་ལས་འདའ་མ་བྱེད༔ བསྟན་པ་གཉན་པོ་ཁྱོད་སྲུང་ན༔ བླ་མེད་རྡོ་རྗེ་འཆང་ཐོབ་ཤོག༔ ནས་མ་ཡ་ན་ར་ཀན༔ ཞེས་ལས་རིམ་བདུན་པའི་སྡེ་བརྒྱད་ཀྱི་དམག་བསྐུལ་ས་མ་ཡ༔ རྒྱ་རྒྱ་རྒྱ༔ ༈ རྟ་མགྲིན་ནག་པོ་ལྕགས་རལ་ཅན་གྱི་རྩང་གྱེར་ལ་བཞུགས༔ ཧཱུྃ༔ ང་ནི་ཁྲོ་བོ་རྟ་མགྲིན་སྐུ༔ དྲག་པོ་དཔལ་གྱི་གཏོར་ཆེན་ལྕགས་རི་ལ༔ སྤྲུལ་པའི་ལས་མཁན་ཕོ་ཉ་མངག་པའི་རྟེན༔ དམར་ནག་རྩིང་ཕུར་ཉི་ཤུ་རྩ་
གཅིག་ནི༔ སྲིན་མོ་ཆུ་སྲིན་འགྲོས་སུ་བཙུགས་པ་ནི༔ དམ་ཉམས་དགྲ་བོ་ཆུ་སྲིན་ཁ་རུ་གཏད༔ ཉོན་མོངས་གདུག་པ་མ་ལུས་བསྒྲལ་བའི་ཕྱིར༔ སྤྲུལ་པའི་ཕྱག་རྟེན་རྟགས་ཀྱི་ཕྱག་རྒྱ་གསལ༔ གདུག་པའི་རྩང་ཕུར་ཆེན་པོའི་རྩེ་མོ་ནི༔ ཡར་གྱི་རྩེ་མོ་ཆོས་ཉིད་དབྱིངས་སུ་སླེབས༔ མར་གྱི་རྩེ་མོས་ངན་སོང་གནས་ནས་འདྲེན༔ རྐེད་པ་རྒྱ་མདུད་མཚོན་ཆའི་གུར་དུ་ཕུབ༔ སྟོད་ཀྱི་རྩེ་མོ་ཟུར་གསུམ་མེ་ལྟར་འབར༔ སྨད་ཀྱི་རྩེ་མོར་གདུག་པའི་མེ་སྟག་འཕྲོ༔ རྐེད་པ་རྒྱ་མདུད་ཁམས་གསུམ་སྟོང་དང་ལྡན༔ ཡར་གྱི་རྩེ་ལ་རྒྱ་སྟག་དམར་པོ་མཆོངས༔ སྟག་མོའི་འཛུམ་མདངས་ཤིགས་སེ་ཤིག༔ མར་གྱི་རྩེ་ལ་ཕག་རྒོད་མཆེ་བ་གཙིགས༔ ཕག་རྒོད་མཆེ་བ་ཐམས་སེ་ཐམ༔ རྐེད་པ་རྒྱ་མདུད་དྲེད་མོང་རལ་པ་བསིགས༔ དྲེད་མོང་རལ་བསིགས་ཡངས་སེ་ཡང་༔ རྗེས་མཛད་རུང་ཕུར་སྲིན་མོའི་འགྲོས༔ རྩང་ཕུར་དེ་ཡི་རྩེ་མོ་ན༔ ལྷ་དམག་བྱེ་བ་འབུམ་གྱིས་བསྐོར༔ དམ་ཉམས་དགྲ་བོ་ལས་ངན་ལ༔ ཀིང་ཀང་གཟའ་ཡི་ཆད་པ་ཕོབ༔ རྩང་ཕུར་བར་གྱི་རྒྱ་མདུད་ལ༔ གཉན་དམག་བྱེ་བ་འབུམ་གྱིས་བསྐོར༔ དམ་ཉམས་དགྲ་བགེགས་རྣམས་ལ་གྲི་ལིང་
ཐོབ༔ རྩང་ཕུར་མར་གྱི་རྩེ་མོ་ན༔ ཀླུ་དམག་བྱེ་བ་འབུམ་གྱིས་བསྐོར༔ དམ་ཉམས་དགྲ་བགེགས་རྣམས་ལ་མཛེ་ལིང་ཐོབ༔ རྩང་ཕུར་དེ་ཡི་དྲྭ་ཁུག་ནི༔ གཤིན་རྗེའི་དམག་ཚོགས་བྱེ་བ་འབུམ་གྱིས་བསྐོར༔ དམ་ཉམས་དགྲ་བགེགས་གཤིན་རྗེའི་ལག་ཏུ་གཏད༔ རྩང་ཕུར་དེ་ཡི་སྐེ་རགས་ནི༔ རྒྱུ་རློན་སྦྲུལ་ནག་ཆུན་པོས་དཀྲིས༔ དམ་ཉམས་དགྲ་བགེགས་ཀླུ་བདུད་ལག་ཏུ་གཏད༔ རྩང་ཕུར་དུར་ཁྲོད་ཁྲག་གིས་བྱུག་པ་ནི༔ དགྲ་བགེགས་བཙན་བདུད་ལག་ཏུ་གཏད་པའི་རྟགས༔ རྩང་ཕུར་དྲག་པོའི་སྣོད་དུ་བཤམས་པ་ནི༔ དམ་ཉམས་དགྲ་བགེགས་རི་རབ་ཞབས་སུ་མནན༔ རྩང་ཕུར་གར་སྟབས་ཁྲིགས་སེ་ཁྲིག༔ རྩང་ཕུར་ཤ་ཟ་ལྗིབས་སེ་ལྗིབ༔ རྩང་ཕུར་ཁྲག་འཐུང་ཀྱུ་རུ་རུ་རྩང་ཕུར་རུས་འཆའ་ཆེམས་སེ་ཆེམ༔ ལས་མཁན་སྡེ་བརྒྱད་རྣམས་ཀྱི་ཐུགས་དམ་བསྐང་༔ བདག་དང་རྒྱུ་སྦྱོར་ཡོན་བདག་གི༔ བར་ཆད་སོལ་ལ་རྐྱེན་རྣམས་བཟློག༔ དགྲ་བགེགས་བྱད་མ་རྡུལ་དུ་རློགས༔ བཟློག་ཅིག་དགྲ་བགེགས་བྱད་མ་བཟློག༔ སོད་ཅིག་དགྲ་བགེགས་བྱད་མ་སོད༔ རིག་སྔགས་དྲོད་གཏོང་བཟློག་ཏུ་གསོལ༔ བྱད་མ་ལྷ་
སྲུང་བཅས་པ་རྣམས༔ བཟློག་ཅིག་སོད་ཅིག་མཱ་ར་ཡ༔ དུས་ལ་བབ་བོ་ས་མ་ཡ༔ བཅོལ་བའི་ཕྲིན་ལས་འགྲུབ་པར་མཛོད༔ འདི་ལ་བཟློག་པའི་སྔགས་དམིགས་ཟབ་ཁྱད་མན་ངག་ཞལ་ཤེས་ལྟར༔ ཨོཾ་བཛྲ་ཀྲོ་ཏ་ཧྱ་གྷི་ཝ་ཧཱུྃ་ཕཊ༔ ཡཀྴ་ནག་པོ་ནི་ཏྲི་ཧུར་ཐུམ་ཛཿ དགྲ་བགེགས་བྱད་མ་གནོད་བྱེད་ཐམས་ཅད་མཱ་ར་ཡ་བཟློག་ཅིག་བསྒྱུར་ཅིག་ཅེས་སྔགས་ཅི་མང་དུ་བཟླས་ལ་ཐལ་མོ་ལན་ཅི་མང་བརྡབ་བོ༔ བཟློག་པའི་ལས་རིམ་མོ༔ ༈ འདི་ཕྱིན་གྱི་བསྐུལ་པ་རྣམས་གྲོལ་ཉིན་བར་འདོན་མི་དགོས་ཟེར་བ་འདུག་མཆན་བུའོ། དེ་ནས་ཕྱག་ལེན་ལྟར་བཟློག་པའི་དགྲ་ཡི་མདའ་གྲི་མདུང་གི་གཟུགས་དང་༔ ལྡེ་རོ་དགྲ་མཁར་རྣམས་བཤམས༔ རྒྱས་པར་བྱེད་ན་སྔར་ལྟར་བསྒྲལ་ལས་བྱའོ༔ ཡང་སྔར་གྱི་ལིང་རོ་དུམ་བུ་རེ་དང་གཏོར་ཆུང་བཅུ་གསུམ་བཤམས་ལ་བྲན༔ བསྐུལ་པ་རེ་དང་མཉམ་དུ་གཏོར་ཆུང་རེ་གཏོར་ཆེན་ནང་དུ་འབུལ་ལོ༔ ཧཱུྃ༔ གྲུ་གསུམ་མཐིང་ནག་འབར་བའི་དཀྱིལ་འཁོར་ནས༔ དགྲ་བགེགས་ཕོ་མོ་བསྣོལ་བའི་གདན་སྟེང་དུ༔ རྟ་མགྲིན་ནག་པོ་སྐུ་བཞེངས་ཤིག༔ ཡཀྵ་ནག་པོ་སྐུ་བཞེངས་ཤིག༔ གནོད་སྦྱིན་ནག་པོ་སྐུ་བཞེངས་ཤིག༔ ལས་མཁན་ནག་པོ་སྐུ་བཞེངས་ཤིག༔ བཞེངས་ཤིག་ཆོས་ཀྱི་དབྱིངས་ནས་བཞེངས༔ ཆོས་ཉིད་ཞི་བའི་ངང་ལས་མ་གཡོས་
ཀྱང་༔ གདུག་པ་འདུལ་ཕྱིར་དྲག་པོའི་སྐུ༔ སྐུ་མདོག་མཐིང་ནག་འཇིགས་པ་ལ༔ ཞལ་གཅིག་ཕྱག་གཉིས་སྤྱན་གསུམ་བསྒྲད༔ སྤྱི་གཙུག་རྟ་མགོ་ལྗང་གུས་རྟ་སྐད་འཚེར་བ་ཡིས༔ ཁམས་གསུམ་མ་ལུས་དབང་དུ་བསྡུས༔ སྐུ་ལ་དར་ནག་བེར་ཆེན་གསོལ་བ་ནི༔ དྲེགས་པ་ལྷ་སྲིན་སྡེ་བརྒྱད་ཟིལ་གྱིས་གནོན༔ ཐོད་སྐམ་ལྔ་ཡིས་དབུ་ལ་བརྒྱན་པ་ནི༔ རིགས་ལྔའི་དབང་རྫོགས་དོན་དམ་དགྱེས་པའི་རྟགས༔ དབུ་སྐྲ་ལྕགས་ཀྱི་རལ་པ་བསིགས་པ་ཡིས༔ ཁྲོ་ཆུང་མང་པོས་དགྲ་བགེགས་ཚར་གཅོད་མཛད༔ སྙན་ནས་དྲག་པོའི་འབྲུག་སྒྲ་སྒྲོགས་པ་ཡིས༔ དགྲ་བགེགས་མ་ལུས་ཟིལ་གྱིས་གནོན༔ སྤྱན་གསུམ་མེ་ཡི་ཚྭ་ཚྭ་འཕྲོ་བ་ཡིས༔ དགྲ་བགེགས་མ་ལུས་སྲེག་པར་བྱེད༔ ཤངས་ནས་དྲག་པོའི་འཐོར་རླུང་སྦྱད་པ་ཡིས༔ དགྲ་བགེགས་མ་ལུས་གཏོར་བར་བྱེད༔ ཞལ་ནས་ཁྲོ་བོའི་གད་རྒྱང་སྒྲོགས་པ་ནི༔ དགྲ་བགེགས་མ་ལུས་བརྒྱལ་བར་བྱེད༔ མཆེ་བ་དཀར་པོ་ཟུར་གསུམ་གཙིགས་པ་ཡིས༔ དགྲ་བགེགས་མ་ལུས་ཟ་བར་བྱེད༔ གཡས་པས་སྒྲོལ་བྱེད་རལ་གྲི་བསྣམས་པ་ཡིས༔ དགྲ་བགེགས་མ་ལུས་དུམ་
བུར་བསྒྲལ་བར་བྱེད༔ གཡོན་པས་འཛིན་བྱེད་ལྕགས་ཀྱུ་བསྣམས་པ་ཡིས༔ དགྲ་བགེགས་མ་ལུས་སྙིང་ནས་འདྲེན་པར་བྱེད༔ ཞབས་གཉིས་རོལ་པའི་རྟ་བྲོ་བརྡུང་བ་ཡིས༔ དགྲ་བགེགས་མ་ལུས་ཐལ་བ་རྡུལ་དུ་རློགས༔ ཐོད་རློན་ལྔ་བཅུས་དོ་ཤལ་བྱེད་པ་ཡིས༔ དགྲ་བགེགས་བསྒྲལ་ནས་ཐུགས་དམ་གཉན་པོ་བསྐང་༔ སྐུ་སྟོད་ཞིང་གི་གཡང་གཞི་གསོལ་བ་ནི༔ ཉོན་མོངས་ཕྲག་དོག་གནས་སུ་དག་པར་བྱེད༔ སྐུ་སྨད་སྟག་གི་ཤམ་ཐབས་གསོལ་བ་ནི༔ ང་རྒྱལ་སྡུག་བསྔལ་རྩད་ནས་གཅོད་པར་བྱེད༔ བ་སྤུ་བསྐལ་པའི་མེ་ལྟར་འབར་བ་ཡིས༔ ས་བདག་ཀླུ་གཉན་མ་ལུས་གཞོབ་ཏུ་བསྲེགས༔ གནམ་ལྕགས་སྡིག་པའི་ཚྭ་ཚྭ་འཕྲོ་བ་ཡིས༔ རྒྱལ་བསེན་འབྱུང་པོ་མ་ལུས་རྡུལ་དུ་རློགས༔ ཧཱུྃ༔ བསྐུལ་ལོ་ཡཀྴ་མཐུ་བོ་ཆེ༔ རྦད་དོ་དྲེགས་པ་སྡེ་བརྒྱད་ཚོགས༔ མ་གཡེལ་སྲུང་མ་ཐུགས་དམ་ཅན༔ དམ་རྫས་གཏོར་མ་འདི་བཞེས་ལ༔ སངས་རྒྱས་བསྟན་པ་ཁྱོད་ཀྱིས་སྲུངས༔ དཀོན་མཆོག་དབུ་འཕང་ཁྱོད་ཀྱིས་བསྟོད༔ རྣལ་འབྱོར་སྐུ་ཚེ་ཁྱོད་ཀྱིས་བསྲིང་༔ ཡོན་བདག་བར་ཆད་ཁྱོད་ཀྱིས་སོལ༔ སྡང་བའི་དགྲ་ལ་རྟགས་ཕྱུངས་ཤིག༔
གནོད་པའི་བགེགས་ལ་ལས་མཛོད་ཅིག༔ དུས་ལ་བབ་པོ་ས་མ་ཡ༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ གཡས་ཀྱི་ཕྱོགས་ནས་བསྐུལ་པ་ནི༔ གྲུ་གསུམ་དམར་ནག་འབར་བའི་དཀྱིལ་འཁོར་ནས༔ མི་བཟད་ཁྲོ་བོ་ཡཀྵ་ནག་པོའི་སྐུ༔ སྐུ་མདོག་དམར་ནག་རབ་ཏུ་འཇིགས་པའི་གཟུགས༔ ཕྱག་གཡས་མེ་ཡི་ཐོ་བ་བསྣམས་གཡོན་པས་མེ་ཡི་ཞགས་པ་བསྣམས༔ སྐུ་ལས་སྤྲུལ་པའི་ཁྲོ་བོ་གྲངས་མེད་འགྱེད༔ ས་བདག་ཀླུ་གཉན་རྒྱལ་བསེན་དབང་དུ་བསྡུས༔ དམ་རྫས་བདུད་རྩིའི་གཏོར་མ་འདི་བཞེས་ལ༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ གཡོན་གྱི་ཕྱོགས་ནས་བསྐུལ་པ་ནི༔ གྲུ་གསུམ་མཐིང་ནག་འབར་བའི་དཀྱིལ་འཁོར་ནས༔ དགྲ་བགེགས་ཕོ་མོ་བསྣོལ་བའི་གདན་སྟེང་དུ༔ གནོད་སྦྱིན་ནག་པོ་ལྕགས་ཀྱི་རལ་པ་ཅན༔ ཕྱག་གཡས་རྡོ་རྗེ་རྩེ་ལྔ་བསྣམས༔ གཡོན་པས་མེ་ཡི་ལྕགས་ཀྱུ་འཛིན༔ སྐུ་ལས་གནོད་སྦྱིན་བྱེ་བ་འཕྲོས༔ ལས་ཀྱི་ཕོ་ཉ་ཞན་པ་ནག་པོ་བདུན༔ དམ་ཉམས་དགྲ་བགེགས་རྡུལ་དུ་རློགས༔ གཡས་ཀྱི་མོན་པ་ནག་པོ་བདུན༔ དམ་རྫས་བདུད་རྩིའི་
གཏོར་མ་འདི་བཞེས་ལ༔ དམ་ཉམས་དགྲ་བགེགས་རྡུལ་དུ་རློགས༔ དམིགས་པའི་དགྲ་བགེགས་ཤོར་ར་རེ༔ ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད༔ ཧཱུྃ༔ མདུན་གྱི་ཕྱོགས་ནས་བསྐུལ་པ་ནི༔ ལྕགས་ཀྱི་སྡིག་པ་ནག་པོ་ནི༔ མགོ་ཡང་དགུ་ལ་ཁ་ཡང་དགུ༔ ལུས་པོ་ཐམས་ཅད་གཉེར་མས་གང་༔ གཉེར་མའི་གསེབ་ནས་ཁ་ཡིས་གང་༔ ཁ་ནང་མཆེ་བ་སྟོང་གིས་གང་༔ ཡན་ལག་ལྕགས་ཀྱུ་བསྒྲེང་བ་འདྲ༔ དམ་ཚིག་ཉམས་པའི་གཤེད་མར་བསྐོས༔ དམ་རྫས་བདུད་རྩིའི་གཏོར་མ་འདི་བཞེས་ལ༔ དམ་ཉམས་དགྲ་བགེགས་རྡུལ་དུ་རློགས༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ སྤྱི་གཙུག་ནམ་མཁའ་ཡངས་པའི་ཕོ་བྲང་ནས༔ དབང་ཆེན་གསུང་སྤྲུལ་ཁྱུང་ཆེན་ག་རུ་ཎ༔ རིགས་ལྔར་སྤྲུལ་པའི་བྱ་ཁྱུང་འཁོར་དང་བཅས༔ དམ་རྫས་བདུད་རྩིའི་གཏོར་མ་འདི་བཞེས་ལ༔ ས་བདག་ཀླུ་གཉན་འདུལ་བའི་ཕྲིན་ལས་མཛོད༔ ཅེས་འདི་ཡན་བསྐུལ་བ་ལྔ་པོ་འདི་ལ་གཏོར་མ་རེ་རེ་འབུལ༔ གདོན་ཆེན་སོགས་ལ་གཏོར་རྒྱག་སོགས་བྱེད་ན་དམག་ཐབས་ཀྱི་འདོན་ལུགས་ཞལ་ལས་ཤེས་སོ༔ ༈ སྡེ་བརྒྱད་ཀྱི་བསྐུལ་བ་འདི་རེ་རེ་ལ་གཏོར་ཆུང་རེ་རེ་འབུལ༔ དགྲ་ཁོ་ན་ལ་དམིགས་པ་ཡིན་
ན༔ གདོན་ལ་དམིགས་མི་དགོས་སོ༔ ཤིན་ཏུ་གཉན་པས་དུས་མིན་ལ་བསྐུལ་དུ་མི་རུང་ངོ་༔ ཧཱུྃ་བྷྱོ༔ ཕྱོགས་ཕྱོགས་དག་ཀྱང་ཕ་ཀི་ན༔ ཤར་ཕྱོགས་སྲིད་པའི་ཡུལ་རྩེ་ན༔ དུང་གི་སྐུ་མཁར་རྩེ་དགུ་ན༔ ལྷ་ཡི་རྒྱལ་པོ་ལྷ་ཡི་རྗེ༔ སྲིད་པ་གསུམ་གྱི་གཙོ་བོ་ནི་སྐུ་མདོག་དུང་ལྟར་དཀར་བ་ལ༔ དར་དཀར་རལ་ག་གོས་སུ་གྱོན༔ གཡས་པས་ཤེལ་གྱི་རལ་གྲི་འཛིན༔ དགྲ་སྲོག་གཅོད་པའི་དུས་ལ་བབ༔ གཡོན་པས་མདུང་དར་དཀར་པོ་བསྣམས༔ སྲིད་པའི་ལྷ་དམག་ཁ་ལོ་སྒྱུར༔ ཆིབས་སུ་ལྷ་གཡག་དཀར་པོ་ཆིབས༔ ལྷ་དམག་བྱེ་བ་འབུམ་གྱིས་བསྐོར༔ དུས་འཁྲུགས་བཏང་བའི་མཐུ་བོ་ཆེ༔ འདིར་གཤེགས་བཀའ་ཡི་གཏོར་མ་ལོངས༔ ཁྲོས་ནས་དྲག་ཏུ་རྦད་པའི་ཚེ༔ ལྷ་གཡག་འདུར་དར་ཆེམས་སེ་ཆེམ༔ རླུང་བས་མགྱོགས་པར་མྱུར་དུ་རྒྱུག༔ སྲོད་ལ་དགྲ་བོའི་བླ་ཁུག་ལ༔ ནམ་ཕྱེད་དམ་ཉམས་བརྒྱལ་དུ་ཆུག༔ ཐོ་རངས་སྲོག་རྩ་དམར་པོ་ཆོད༔ སྙིང་ཁྲག་དྲོན་མོ་ཞལ་དུ་གསོལ༔ བསྟན་པ་བཤིགས་པའི་སྡིག་ཆེན་འདི༔ མྱུར་དུ་བསྒྲལ་བའི་དུས་ལ་བབས༔ ཨདེ་ཝ་རཀ་དགྲ་བགེགས་རྗེ་མོ་ཨཾ་ཀུ་ཤ་ཛ་ཛཿ བྷྱོ༔ ཕྱོགས་ཕྱོགས་
དག་ཀྱང་ཕ་ཀི་ན༔ ལྷོ་ཕྱོགས་སྲིད་པའི་ཡུལ་རྩེ་ནས༔ གཤིན་ཡུལ་ཟངས་ཐང་དམར་པོ་ནས༔ གཤིན་རྗེའི་རྒྱལ་པོ་གཤིན་རྗེའི་གཤེད༔ གཤིན་རྗེ་ཡ་མ་རཱ་ཙ་ནི༔ སྐུ་མདོག་ནག་པོ་མུན་པའི་མདོག༔ སྟག་ལྤགས་རློན་པ་གོས་སུ་གྱོན༔ གཡས་པས་བེ་ཅོན་ནམ་མཁའ་ཕྱར༔ དམ་ཉམས་ཀླད་པའི་དཀྱིལ་དུ་རྒྱོབ༔ གཡོན་པས་ཐོད་དབྱུག་འབར་བ་བསྣམས༔ སྲིན་པོའི་དམག་ཚོགས་ལས་ལ་འགྱེད༔ ཆིབས་སུ་མ་ཧེ་རུ་རིང་ཆིབས༔ གཤིན་རྗེ་འབུམ་གྱི་ཁ་ལོ་བསྒྱུར༔ གོད་ཡམས་གཏོང་བའི་མཐུ་བོ་ཆེ༔ འདི་གཤེགས་བཀའ་ཡི་གཏོར་མ་ལོངས༔ ཁྲོས་ནས་དྲག་ཏུ་རྦད་པའི་ཚེ༔ མ་ཧེ་འདུར་དར་ཆེམས་སེ་ཆེམ༔ རླུང་བས་མགྱོགས་པར་མྱུར་དུ་རྒྱུག༔ སྲོད་ལ་དགྲ་བོའི་བླ་ཁུག་ལ༔ ནམ་ཕྱེད་དམ་ཉམས་བརྒྱལ་དུ་ཆུག༔ ཐོ་རངས་སྲོག་རྩ་དམར་པོ་ཆོད༔ སྙིང་ཁྲག་དྲོན་མོ་ཞལ་དུ་གསོལ༔ བསྟན་པ་བཤིགས་པའི་དགྲ་བགེགས་རྣམས༔ མྱུར་དུ་བསྒྲལ་བའི་དུས་ལ་བབས༔ ཡཱཡ་མ་རཀྟ་དགྲ་བགེགས་སྒྲེ་མོ་ཨངྐུ་ཤ་ཛ་ཛཿ བྷྱོ༔ ཕྱོགས་ཕྱོགས་དག་ཀྱང་ཕ་ཀི་ན་ནུབ་ཕྱོགས་སྲིད་པའི་ཡུལ་རྩེ་ནས༔ འཇའ་ཚོན་སྣ་ལྔའི་
གུར་ཁང་ན༔ མ་མོའི་རྒྱལ་མོ་མ་མོའི་རྗེ༔ མ་མོ་སྲིད་པའི་རྒྱལ་མོ་ནི༔ སྐུ་མདོག་དཀར་ལ་བརྗིད་པའི་ཞལ༔ དར་དཀར་གོ་ཟུ་གོས་སུ་གྱོན༔ གཡས་པས་མདའ་དར་ནམ་མཁའ་ཕྱིར༔ འཇིག་རྟེན་མ་མོ་དབང་དུ་སྡུད༔ གཡོན་པས་འཕྲུལ་གྱི་མེ་ལོང་བལྟ༔ དུས་གསུམ་མ་སྒྲིབ་ས་ལེར་མཁྱེན༔ ཆིབས་སུ་གཡུ་འབྲུག་སྔོན་མོ་ཆིབས༔ མ་མོ་འབུམ་གྱི་ཁ་ལོ་བསྒྱུར༔ ནད་རིམས་གཏོང་བའི་མཐུ་བོ་ཆེ༔ འདིར་གཤེགས་བཀའ་ཡི་གཏོར་མ་ལོངས༔ ཁྲོས་ནས་དྲག་ཏུ་རྦད་པའི་ཚེ༔ གཡུ་འབྲུག་འདུར་དང་ཆེམས་སེ་ཆེམ༔ རླུང་བས་མགྱོགས་པར་མྱུར་དུ་རྒྱུག༔ སྲོད་ལ་དགྲ་བོའི་བླ་ཁུག་ཅིག༔ ནམ་ཕྱེད་དམ་ཉམས་བརྒྱལ་དུ་ཆུག༔ ཐོ་རངས་དགྲ་བོའི་སྲོག་རྩ་ཆོད༔ སྙིང་ཁྲག་དྲོན་མོ་ཞལ་དུ་གསོལ༔ བསྟན་པ་བཤིག་པའི་སྡིག་ཆེན་འདི༔ མྱུར་དུ་བསྒྲལ་བའི་དུས་ལ་བབ༔ མམ་མོ་རཀཱ་དགྲ་བགེགས་སྒྲེ་མོ་ཨངྐ་ཤ་ཛ་ཛཿ བྷྱོ༔ ཕྱོགས་ཕྱོགས་དག་ཀྱང་ཕ་ཀི་ན༔ བྱང་ཕྱོགས་སྲིད་པའི་ཡུལ་རྩེ་ནས༔ བདུད་མཁར་མུན་པའི་གླིང་དགུ་ནས༔ བདུད་ཀྱི་རྒྱལ་པོ་བདུད་ཀྱི་རྗེ༔ བདུད་རྗེ་སྐོས་རྗེ་དྲང་དཀར་ནི༔ སྐུ་
མདོག་མཐིང་ནག་འབར་བ་ལ༔ དར་ནག་གོ་ཟུ་གོས་སུ་གྱོན༔ གཡས་ན་བདུད་ཀྱི་ཁྲམ་ཤིང་བསྣམས༔ དམ་ཉམས་དགྲ་བོ་ཁྲམ་ལ་ཐོབ༔ གཡོན་པས་དགྲ་སྟ་དགྲ་ལ་ཕྱར༔ དམ་ཉམས་མགོ་ལུས་ཚལ་པར་ཐོངས༔ ཆིབས་སུ་བདུད་རྟ་རྟིང་དཀར་ཆིབས༔ བདུད་དམག་འབུམ་གྱི་ཁ་ལོ་སྒྱུར༔ ཚེ་སྲོག་གཅོད་པའི་མཐུ་བོ་ཆེ༔ འདིར་གཤེགས་བཀའ་ཡི་གཏོར་མ་ལོངས༔ ཁྲོས་ནས་དྲག་ཏུ་ཆད་པའི་ཚེ༔ ཆུ་སྲིན་འདུར་དང་ཆེམས་སེ་ཆེམ༔ རླུང་བས་མགྱོགས་པར་མྱུར་དུ་རྒྱུག༔ སྲོད་ལ་དགྲ་བོའི་བླ་ཁུག་ཅིག༔ ནམ་ཕྱེད་དམ་ཉམས་བརྒྱལ་དུ་ཆུག༔ ཐོ་རངས་དགྲ་བོའི་སྲོག་རྩ་ཆོད༔ སྙིང་ཁྲག་དྲོན་མོ་ཞལ་དུ་གསོལ༔ བསྟན་པ་བཤིག་པའི་སྡིག་ཆེན་འདི༔ མྱུར་དུ་བསྒྲལ་བའི་དུས་ལ་བབ༔ དུཔྲ་མ་རཀ་དགྲ་བགེགས་རྒེ་མོ་ཨངྐུ་ཤ་ཛ་ཛཿ བྷྱོ༔ ཕྱོགས་ཕྱོགས་དག་ཀྱང་ཕ་ཀི་ན༔ ཤར་ལྷོ་སྲིད་པའི་ཡུལ་རྩེ་ནས༔ བཙན་མཁར་དམར་པོ་ལྡེམ་པ་ན༔ བཙན་གྱི་རྒྱལ་པོ་བཙན་གྱི་རྗེ༔ བཙན་རྗེ་སྲོག་ཟན་དམར་པོ་ནི༔ སྐུ་མདོག་མེ་དཔུང་འབར་བ་ལ༔ དར་དམར་རལ་ག་སྐུ་ལ་གསོལ༔ གཡས་ན་ལྕགས་ཀྱི་མདའ་གཞུ་
བསྣམས༔ དམ་ཉམས་དགྲ་བོའི་སྙིང་ལ་འཕེན༔ གཡོན་པས་བཙན་དར་དམར་པོ་ཕྱར༔ བཙན་དམག་ཡོངས་ཀྱི་རུ་སྣ་འདྲེན༔ ཆིབས་སུ་བཙན་རྟ་དམར་པོ་ཆིབས༔ བཙན་དམག་འབུམ་གྱི་ཁ་ལོ་སྒྱུར༔ གྲི་ཐབས་བཏང་བའི་མཐུ་བོ་ཆེ༔ འདིར་གཤེགས་བཀའ་ཡི་གཏོར་མ་ལོངས༔ ཁྲོས་ནས་དྲག་ཏུ་རྦད་པའི་ཚེ༔ ཆུ་སྲིན་འདུར་དང་ཆེམས་སེ་ཆེམ༔ རླུང་བས་མགྱོགས་པར་མྱུར་དུ་རྒྱུག༔ སྲོད་ལ་དགྲ་བོའི་བླ་ཁུག་ཅིག༔ ནམ་ཕྱེད་དམ་ཉམས་བརྒྱལ་དུ་ཆུག༔ ཐོ་རངས་དགྲ་བོའི་སྲོག་རྩ་ཆོད༔ སྙིང་ཁྲག་དྲོན་མོ་ཞལ་དུ་གསོལ༔ བསྟན་པ་བཤིག་པའི་སྡིག་ཆེན་འདི༔ མྱུར་དུ་བསྒྲལ་པའི་དུས་ལ་བབ༔ རུཨེ་ཧོ་དགྲ་བགེགས་ཆེ་མོ་ཨངྐུ་ཤ་ཛ་ཛཿ བྷྱོ༔ ཕྱོགས་ཕྱོགས་དག་ཀྱང་ཕ་ཀི་ན༔ ལྷོ་ནུབ་སྲིད་པའི་ཡུལ་རྩེ་ན༔ ཤེལ་གྱི་སྐུ་མཁར་ལྡེམ་པ་ནས༔ སྲོག་བདག་རྒྱལ་པོ་ཡོངས་ཀྱི་རྗེ༔ དགྲ་ལྷའི་རྒྱལ་པོ་པེ་ཧར་ནི༔ སྐུ་མདོག་སྨུག་ནག་བརྗིད་པའི་ཞལ༔ གཡས་པས་གསེག་ཤང་བསིལ་ཞིང་འཛིན༔ བསིལ་ཞིང་དམ་ཉམས་དགྲ་ལ་འཕེན༔ གཡོན་པས་ལྕགས་ཀྱི་ལྷུང་བཟེད་འཛིན༔ དམ་ཉམས་དགྲ་བོའི་སྲོག་ཁྲག་
འཐུང་༔ ཆིབས་སུ་སེང་གེ་དཀར་མོ་ཆིབས༔ འཁོར་དུ་རྒྱལ་འགོང་འབུམ་གྱིས་བསྐོར༔ སྨྱོ་འབོག་བཏང་བའི་མཐུ་བོ་ཆེ༔ འདིར་གཤེགས་བཀའ་ཡི་གཏོར་མ་ལོངས༔ ཁྲོས་ནས་དྲག་ཏུ་ཆད་པའི་ཚེ༔ སེངྒེ་འདུར་དང་ཆེམས་སེ་ཆེམ༔ རླུང་བས་མགྱོགས་པར་མྱུར་དུ་རྒྱུག༔ སྲོད་ལ་དགྲ་བོའི་བླ་ཁུག་ཅིག༔ ནམ་ཕྱེད་དམ་ཉམས་བརྒྱལ་དུ་ཆུག༔ ཐོ་རངས་དགྲ་བོའི་སྲོག་རྩ་ཆོད༔ སྙིང་ཁྲག་དྲོན་མོ་ཞལ་དུ་གསོལ༔ བསྟན་པ་བཤིག་པའི་སྡིག་ཆེན་འདི༔ མྱུར་དུ་བསྒྲལ་པའི་དུས་ལ་བབ་ཙར་ཙ་དགྲ་བགེགས་རྒེ་མོ་ཨངྐུ་ཤ་ཛ་ཛཿ བྷྱོ༔ ཕྱོགས་ཕྱོགས་དག་ཀྱང་ཕ་ཀི་ན༔ ནུབ་བྱང་སྲིད་པའི་ཡུལ་རྩེ་ན༔ རིན་ཆེན་སྣ་ལྔའི་སྐུ་མཁར་ནས༔ གནོད་སྦྱིན་རྒྱལ་པོ་གནོད་སྦྱིན་རྗེ༔ གནོད་སྦྱིན་ཀཱ་ལ་#ཡཀ་ནི༔ སྐུ་མདོག་སྔོན་པོ་གཡུ་འོད་འབར༔ ཟ་འོག་བེར་ཆེན་སྐུ་ལ་གསོལ༔ གཡས་པར་རལ་གྲི་ཀླད་ལ་བསྐོར༔ དམ་ཉམས་ལུས་སེམས་རྡུལ་དུ་རློགས༔ གཡོན་པས་ཡིད་བཞིན་ནོར་བུ་བསྣམས༔ རྣལ་འབྱོར་དགོས་འདོད་ཆར་ལྟར་འབེབས༔ ཆིབས་སུ་སྟག་མོ་རི་བཀྲ་ཆིབས༔ གནོད་སྦྱིན་འབུམ་གྱི་འཁོར་གྱིས་བསྐོར༔ ཐོག་སེར་བཏང་
བའི་མཐུ་བོ་ཆེ༔ འདིར་གཤེགས་བཀའ་ཡི་གཏོར་མ་ལོངས༔ ཁྲོས་ནས་དྲག་ཏུ་སྲིད་པའི་ཚེ༔ སྟག་མོ་འདུར་དང་ཆེམས་སེ་ཆེམ༔ རླུང་བས་མགྱོགས་པར་མྱུར་དུ་རྒྱུག༔ སྲོད་ལ་དགྲ་བོའི་བླ་ཁུག་ཅིག༔ ནམ་ཕྱེད་དམ་ཉམས་བརྒྱལ་དུ་ཆུག༔ ཐོ་རངས་དགྲ་བོའི་སྲོག་རྩ་ཆོད༔ སྙིང་ཁྲག་དྲོན་མོ་ཞལ་དུ་གསོལ༔ བསྟན་པ་བཤིག་པའི་སྡིག་ཆེན་འདི༔ མྱུར་དུ་བསྒྲལ་བའི་དུས་ལ་བབ༔ ཡཡཀྵ་རཀྵ་དགྲ་བགེགས་སྒྲེ་མོ་ཨཾ་ཀུ་ཤ་ཛ་ཛཿ བྷྱོ༔ ཕྱོགས་ཕྱོགས་དག་ཀྱང་ཕ་ཀི་ན༔ བྱང་ཤར་སྲིད་པའི་ཡུལ་རྩེ་ན༔ རྒྱ་མཚོ་མེར་བའི་ནང་ཤེད་ནས༔ ཀླུ་ཡི་རྒྱལ་པོ་མཐུ་བོ་ཆེ༔ ཀླུ་བདུད་འཆི་བདག་ནག་པོ་ནི༔ སྐུ་མདོག་དུད་ཁ་འཇིགས་པའི་གཟུགས༔ སྦྲུལ་གྱི་པགས་པ་གོས་སུ་གྱོན༔ གཡས་པས་སྦྲུལ་གྱི་ཞགས་པ་འཛིན༔ དམ་ཉམས་དགྲ་བོའི་མགུལ་ནས་ཆིངས༔ གཡོན་པས་ནད་ཀྱི་རྐྱལ་པ་འཛིན༔ དགྲ་ལ་ཀླུ་ནད་སྣ་ཚོགས་འབེབས༔ ཆིབས་སུ་ཆུ་སྲིན་འབར་བ་ཆིབས༔ ཀླུ་སྲིན་འབུམ་གྱི་འཁོར་གྱིས་བསྐོར༔ མཛེ་ནད་བཏང་བའི་མཐུ་བོ་ཆེ༔ འདིར་གཤེགས་བཀའ་ཡི་གཏོར་མ་ལོངས༔ ཁྲོས་ནས་དྲག་ཏུ་རྦད་པའི་
ཚེ༔ ཆུ་སྲིན་འདུར་དང་ཆེམས་སེ་ཆེམ༔ རླུང་བས་མགྱོགས་པར་མྱུར་དུ་རྒྱུག༔ སྲོད་ལ་དགྲ་བོའི་བླ་ཁུག་ཅིག༔ ནམ་ཕྱེད་དམ་ཉམས་བརྒྱལ་དུ་ཆུག༔ ཐོ་རངས་དགྲ་བོའི་སྲོག་རྩ་ཆོད༔ སྙིང་ཁྲག་དྲོན་མོ་ཞལ་དུ་གསོལ༔ བསྟན་པ་བཤིག་པའི་སྡིག་ཆེན་འདི༔ མྱུར་དུ་བསྒྲལ་བའི་དུས་ལ་བབ༔ ནནཱ་ག་རཀ་དགྲ་བགེགས་སྒྲེ་མོ་ཨངྐུ་ཤ་ཛ་ཛཿ ཞེས་སྔགས་འདི་འགུགས་རྦད་བསད་གསུམ་ཁ་བསྒྱུར་ཞལ་ལས་ཤེས་སོ༔ ཤིན་ཏུ་མནག་པའི་དྲག་དམིགས་བླ་མར་ཞུས་ནས་གསེར་གྱིས་བསླུ་བར་བྱའོ༔ ༈་དཔལ་རྟ་མགྲིན་ནག་པོ་ལྕགས་རལ་ཅན་གྱི་དགྲ་ཆོས་བཞུགས་སོ༔ དེ་ནས་སྤྲུལ་པ་ཡང་སྤྲུལ་བྱེ་བ་དུང་ཕྱུར་དང་བཅས་པས་གོ་གྱོན༔ མཚོན་ཐོགས་ནས་རྩུབ་སི་ལི་ལི༔ ནམ་མཁའ་ས་གཞི་ཐམས་ཅད་གང་ཞིང་དགྲ་ལ་ཆས་པར་དམིགས་ཤིང༔ ཧཱུྃ༔ ང་ནི་ཐུགས་རྗེ་ཆེན་པོའི་སྐུ༔ ང་ནི་རྟ་མགྲིན་དབང་གི་ལྷ༔ ང་ནི་ཁྲོ་བོ་ཀུན་གྱི་རྗེ༔ ང་ནི་མཁའ་འགྲོ་ཀུན་གྱི་གཙོ༔ ང་ནི་སྣང་སྲིད་ཀུན་གྱི་བདག༔ ཁམས་གསུམ་སྲིད་གསུམ་ང་ཡི་ཟས༔ ཆེ་བའི་ལྷ་རྣམས་ང་ཡི་འཁོར༔ མཐུ་ཆེན་སྟོབས་ལྡན་ཟིལ་གྱིས་གནོན༔ ང་ཡི་ཐུགས་ཀྱི་སྤྲུལ་པ་ནི༔ ཡཀྵ་ནག་པོ་མཐུ་བོ་ཆེ༔ ལས་མཁན་གནམ་ལྕགས་རལ་པ་ཅན༔ རབ་འཇིགས་གནོད་སྦྱིན་
སྲོག་ལ་རྔམ༔ གཏིང་ནས་ཁྲོས་ཤིང་ཆས་ཙམ་ན༔ སྟོང་གསུམ་ཀུན་ཀྱང་ཤིགས་སེ་ཤིག༔ གནམ་ས་ཀུན་ཀྱང་འུ་རུ་རུ༔ རི་རབ་ཀུན་ཀྱང་སྒ་ར་ར༔ རྒྱ་མཚོ་ཀུན་ཀྱང་མེ་རེ་རེ་ཉི་ཟླ་གཟའ་སྐར་ཆ་ལ་ལ༔ རིགས་དྲུག་སེམས་ཅན་ཉི་ལི་ལི༔ ལྷ་སྲིན་སྡེ་བརྒྱད་ཤ་ར་ར༔ མཁའ་ལ་འབྲུག་སྒྲ་འུ་རུ་རུ༔ བར་སྣང་གློག་འོད་ཁྱུགས་སེ་ཁྱུག༔ གནམ་ལྕགས་སེར་ཆེན་ཁྲ་ལ་ལ༔ རླུང་ནག་འཚུབ་མ་ཀྱི་ལི་ལི༔ བསྐལ་པའི་མེ་འབར་ལམས་སེ་ལམ༔ མཚོན་ཆའི་ཚྭ་ཚྭ་སྤུངས་སེ་སྤུང་༔ བསྐུལ་ལོ་སྟོབས་ལྡན་ནག་པོ་ཆེ༔ རྦད་དོ་དྲེགས་པ་སྡེ་བརྒྱད་ཚོགས༔ ཆོས་ཤིག་སྡང་བའི་དགྲ་ལ་ཆོས༔ སྟོབས་ལྡན་ནག་པོ་དགྲ་ལ་ཆོས༔ ཡཀྴ་ནག་པོ་དགྲ་ལ་ཆོས༔ གནོད་སྦྱིན་ནག་པོ་དགྲ་ལ་ཆོས༔ རུ་ཊ་ནག་པོ་དགྲ་ལ་ཆོས༔ སྲོག་བདུད་ནག་པོ་དགྲ་ལ་ཆོས༔ ལས་མཁན་ནག་པོ་དགྲ་ལ་ཆོས༔ ཤན་པ་ནག་པོ་དགྲ་ལ་ཆོས༔ མོན་པ་ནག་པོ་དགྲ་ལ་ཆོས༔ ལྷ་དམག་འབུམ་སྡེ་དགྲ་ལ་ཆོས༔ ཀླུ་དམག་འབུམ་སྡེ་དགྲ་ལ་ཆོས༔ གཉན་དམག་འབུམ་སྡེ་དགྲ་ལ་ཆོས༔ བདུད་དམག་འབུམ་སྡེ་དགྲ་ལ་ཆོས༔ བཙན་དམག་
འབུམ་སྡེ་དགྲ་ལ་ཆོས༔ མི་ནག་འབུམ་སྡེ་དགྲ་ལ་ཆོས༔ བྱ་ནག་འབུམ་སྡེ་དགྲ་ལོ་ཆོས༔ ཁྱི་ནག་འབུམ་སྡེ་དགྲ་ལ་ཆོས༔ གཅན་གཟན་འབུམ་སྡེ་དགྲ་ལ་ཆོས༔ དགྲ་བོ་མི་དཔའ་རྟ་མགྱོགས་ཀྱི༔ དཔུང་པ་ཆོད་ལ་རྒྱུས་པ་ཆིངས༔ གོ་ཁྲབ་ཤུས་ལ་མཚོན་ཆ་ཕྲོགས༔ མི་རྟ་ཕྱེས་ལ་ནང་ཚན་དཀྲུགས༔ དམག་དཔོན་སོད་ལ་དམག་མི་གཏོར༔ དགྲ་བོའི་བུ་རྟ་ཆམ་ལ་ཕོབ༔ དགྲ་བོའི་ཕོ་རྒྱུད་རྩད་ནས་ཆོད༔ དགྲ་བོའི་མོ་རྒྱུད་མངལ་ནས་སྐེམ༔ དགྲ་བོའི་རིགས་རྒྱུད་རྩད་ནས་ཆོད༔ དགྲ་བོའི་བླ་རི་རྨིང་ནས་ཤིག༔ དགྲ་བོའི་བླ་མཚོ་གཏིང་ནས་སྐམ༔ དགྲ་བོའི་བླ་ཤིང་སྐེད་ནས་ཆོག༔ དགྲ་བོའི་སྒོ་ནོར་ཕྱགས་མས་ཐོབ༔ དགྲ་བོའི་ཡུལ་མཁར་རླུང་ལ་བསྐུར༔ གཏོར་མ་འདི་དང་དགྲ་བོ་གཉིས༔ མཉམ་པོར་བཞེས་ལ་མེད་པར་མཛོད༔ ཀྱེ༔ སངས་རྒྱས་ཆོས་ལ་དགྲ་བྱུང་ན༔ སྲུང་མ་དམ་ཅན་ར་མདར་ལོག༔ རེམ་ཞིག་སྲུང་མ་མཐུ་རྩལ་ཅན༔ ཆོས་ཤིག་དགྲ་དང་བགེགས་ལ་ཆོས༔ མགོན་པོའི་དམག་ཚོགས་དགྲ་ལ་ཆོས༔ མ་མོའི་དམག་ཚོགས་དགྲ་ལ་ཆོས༔ གཤིན་རྗེའི་དམག་ཚོགས་དགྲ་ལ་ཆོས༔ གནོད་སྦྱིན་དམག་
ཚོགས་དགྲ་ལ་ཆོས༔ ལྷ་ཡི་དམག་ཚོགས་དགྲ་ལ་ཆོས༔ ཀླུ་ཡི་དམག་ཚོགས་དགྲ་ལ་ཆོས༔ གཉན་གྱི་དམག་ཚོགས་དགྲ་ལ་ཆོས༔ གཟའ་ཡི་དམག་ཚོགས་དགྲ་ལ་ཆོས༔ བདུད་ཀྱི་དམག་ཚོགས་དགྲ་ལ་ཆོས༔ བཙན་གྱི་དམག་ཚོགས་དགྲ་ལ་ཆོས༔ རྒྱལ་པོའི་དམག་ཚོགས་དགྲ་ལ་ཆོས༔ འགོང་པོའི་དམག་ཚོགས་དགྲ་ལ་ཆོས༔ ཐེའུ་རང་དམག་ཚོགས་དགྲ་ལ་ཆོས༔ ས་བདག་དམག་ཚོགས་དགྲ་ལ་ཆོས༔ ཟོ་དོར་དམག་ཚོགས་དགྲ་ལ་ཆོས༔ ཡུལ་ལྷ་གཉན་པོ་དགྲ་ལ་ཆོས༔ དམག་ཚོགས་དགྲ་ལ་ཆས་ཙམ་ན༔ བཙན་པོ་གྱོན་ལ་རྣོན་པོ་ཐོགས༔ གོ་ཆ་གྱོན་ལ་མཚོན་ཆ་བདོར༔ མགྱོགས་པ་ཞོན་ལ་རིང་བར་རྒྱུག༔ དཔའ་བོ་གོ་གྱོན་ལྷུབས་སེ་ལྷུབ༔ མགྱོགས་པས་རྟ་རྒྱུག་སྤེངས་སེ་སྤེང་༔ ཤན་པས་མཚོན་ཐོགས་ཟངས་སེ་ཟང་༔ ཀུ་བསྲོ་ཆ་སྒྲ་ཏི་རི་རི༔ དར་ནག་རུ་མཚོན་པུ་རུ་རུ༔ རླུང་ནག་འཚུབ་མ་ཀྱི་ལི་ལི༔ ནད་ཀྱི་ན་བུན་ཐིབས་སེ་ཐིབ༔ ཡམས་ཀྱི་རླངས་པ་ཕྱུ་རུ་རུ༔ ཁྲག་གི་སེར་བ་དྲི་ལི་ལི༔ དུག་གི་ཁུ་འཕང་ཁྲ་ལ་ལ༔ མཚོན་གྱི་ཆར་པ་སི་ལི་ལི༔ སྔགས་ཀྱི་འབྲུག་སྒྲ་འུ་རུ་རུ༔ ཐུན་གྱི་
གློག་དམར་ཁྱུགས་སེ་ཁྱུག༔ ཟོར་གྱི་ཐོག་མདའ་ཆེམས་སེ་ཆེམ༔ ཟོར་མདའ་དགྲ་བགེགས་སྙིང་ལ་རྒྱོབས༔ མཱ་ར་ཡ་ཡི་ལས་མཛོད་ཅིག༔ དེ་ལྟར་དགྲ་ཆོས་གསུམ་པོ་སོང་ནས་མདའ་གཞུ་གྲི་མདུང་གསུམ་བཅག༔ དགྲ་མཁར་བཤིག༔ གོ་གྱོན་མཚོན་ཐོགས་ནས༔ ལྡེ་རོ་བསྒྲལ་བ་ལ་སོགས་མཐོང་བ་བརྒྱུད་པ་ལྟར་བྱའོ༔ ཀྱེ༔ ལས་ངན་སྡིག་ཅན་དགྲ་བོ་འདིས༔ བདེ་གཤེགས་རྒྱལ་བའི་བསྟན་པ་བཤིག༔ ཐེག་ཆེན་ཆོས་ལ་སྐུར་པ་བཏབ༔ དགེ་འདུན་འདུས་པའི་དཀོར་ལ་འཕྲོག༔ དགེ་བ་བཅུ་པོ་རྒྱབ་ཏུ་བོར༔ མི་དགེ་བཅུ་པོ་དང་དུ་བླང་༔ དམ་ཅན་ཡོངས་ལ་དོ་རུ་བསྡོས༔ གསང་སྔགས་ཆོས་ལ་འདྲེན་དུ་བཙུགས༔ སྒྲུབ་པ་པོ་ལ་ལྷ་མེད་ཟེར༔ སངས་རྒྱས་ཆོས་ལ་བདེན་མེད་ཟེར༔ ཆོས་སྐྱོང་སྲུང་མར་མཐུ་མེད་ཟེར༔ བདག་ནི་མ་ཉེས་ཁོ་ཡིས་ཉེས༔ ཆགས་པ་མེད་པ་བུ་ལོན་བརྡས༔ བྱས་པ་མེད་པ་སྲོག་ལ་རྔམས༔ དེ་བས་བསྒྲལ་བའི་ཞིང་དུ་གྱུར༔ ཞིང་བཅུ་ཚང་བའི་སྡིག་པོ་ཆེ༔ སྡིག་ཅན་མྱུར་དུ་མ་བསྒྲལ་ན༔ དཀོན་མཆོག་གསུམ་གྱི་བསྟན་པ་བཤིགས༔ སྲུང་མ་དམ་ཚིག་ཉམས་པར་འགྱུར༔ དེ་བས་སྲུང་མ་དམ་མ་གཡེལ༔ དེ་བས་སྲུང་མ་མཐུ་མ་ཆུང་༔ དེ་
བས་སྲུང་མ་རྩལ་མ་ཞེན༔ དུས་ལ་བབ་བོ་དམ་ཚིག་ཅན༔ གཏད་དོ་གཉེར་རོ་དགྲ་དང་བགེགས༔ ཁུག་ཅིག་དྲོངས་ཤིག་དབང་དུ་བསྡུས༔ སོད་ཅིག་ཐུལ་ཅིག་མེད་པར་གྱིས༔ བསད་རྟགས་དོན་སྙིང་ཁྱེར་ལ་ཤོག༔ གནམ་གྱི་འཇུ་ཐག་ཆོད་ལ་ཤོག༔ ས་ཡི་རྟེན་ཕུར་ཕུད་ལ་ཤོག༔ ཚེ་ཡི་འདུ་བྱེད་བསྡུས་ལ་ཤོག༔ སྲོག་གི་འཕར་ཐག་ཆོད་ལ་ཤོག༔ སེམས་ཀྱི་མར་མེ་སོད་ལ་ཤོག༔ དགྲ་བོ་ལས་ངན་སྡིག་ཅན་འདི༔ ལྷན་ཅིག་སྐྱེས་པའི་ལྷ་དང་ཕྱེས༔ མཉམ་པོར་འོང་བའི་བདུད་དང་སྤྱོད༔ ལས་ཀྱི་གཤིན་རྗེའི་ཤན་པ་གྱིས༔ ཕོ་རྒྱུད་རྣམས་ཀྱིས་ཤ་ལ་ཟོ༔ མོ་རྒྱུད་རྣམས་ཀྱིས་ཁྲག་ལ་འཐུང་༔ བྱ་གཅན་རྣམས་ཀྱིས་ནང་གྲོལ་ཟོ༔ ཁོང་ཁྲག་ཁ་ནས་སྐྱུགས་སུ་ཆུག༔ ནང་དབུགས་ཕྱི་རུ་འདྲེན་དུ་ཆུག༔ ཕུང་པོ་ས་ལ་འགྱེལ་དུ་ཆུག༔ འོ་དོད་གནམ་ལ་འབོད་དུ་ཆུག༔ ཡན་ལག་བྲང་ལ་རྡེབ་ཏུ་ཆུག༔ ཡར་ཤན་ཡར་ལ་དགྲ་ཤ་ཟོ༔ མར་ཤན་མར་ལ་དགྲ་ཁྲག་འཐུང་༔ ཕར་ཤན་ཚུར་ཤན་དགྲ་རུས་མུར༔ ཏིལ་འབྲུ་ཙམ་ཡང་མེད་པར་མཛོད༔ མཱ་ར་ཡ་ཡའི་དུས་ལ་བབ༔ དུས་ལ་བབ་བོ་ས་མ་ཡ༔ བཅོལ་བའི་
ཕྲིན་ལས་འགྲུབ་པར་མཛོད༔ ཅེས་འཛོམས་ན་གོ་འཆམ་བྱེད་ཅིང་འདི་སྐད་གྱེར༔ ལྡེ་རོ་ལ་མནོལ་ཕབ་ལུགས་ཚིག་དང་བསྟུན་ནོ༔ ༈ དེ་ནས་ཕྱི་ནང་གི་སྒོ་དབྱེ་གསེར་སྐྱེམས་བྱ་བ་ནི༔ དེ་ནས་ཕྱི་རོལ་ནམ་མཁའི་ཕྱོགས་བཞི་ལ་གསེར་སྐྱེམས་ལན་གསུམ་འཐོར༔ མདོས་ཀྱི་ཕྱོགས་བཞིའི་སྒོ་ཆུང་བཞི་པོ་རེ་རེ་བཞིན་དུ་ཕྱུང་༔ དུར་ཁྲོད་གཞལ་ཡས་ཁང་གི་སྒོ་བཞི་ཕྱེས་ནས༔ ལྷ་དམག་རྣམས་བཤར་བར་བསམ༔ རྒྱལ་ཆེན་བཞི་འཁོར་དྲི་ཟ་གྲུལ་བུམ་གནོད་སྦྱིན་ཀླུ་དེ་རྣམས་ཀྱི་དམག་ཐམས་ཅད་རང་གི་གྲོགས་སུ་ཆས་པར་བསམ་ལ་འདི་སྐད་དོ༔ ཀྱེ༔ ཕྱོགས་ཕྱོགས་དག་ཀྱང་ཕ་ཀི་ན༔ ཉི་མ་ཤར་ཕྱོགས་ཕ་ཀི་ན༔ ཡུལ་ཡང་དཀར་པོ་དུང་གི་ཡུལ༔ མཁར་ཡང་དཀར་པོ་དུང་གི་མཁར༔ དུང་མཁར་དེ་ཡི་ནང་ཤེད་ན༔ རྟ་མགྲིན་ཤར་གྱི་ཕྱོགས་མཚམས་ན༔ རྒྱལ་པོ་ཆེན་པོ་ཡུལ་འཁོར་སྲུང་༔ དྲི་ཟ་འབུམ་གྱི་ཚོགས་དང་བཅས༔ སྒོ་མོ་དེ་ཡི་ནང་ཤེད་ནས༔ དུང་གི་བུད་མེད་དཀར་མོ་གཅིག༔ ཕྱག་གཡས་དངུལ་དཀར་མེ་ལོང་བསྣམས༔ གཡོན་པས་དངུལ་གྱི་ལྡེ་མིག་བསྣམས༔ སྒོ་ཡི་བསྟན་པ་ཤ་ར་ར༔ ཐབས་ཀྱི་ལྡེ་མིག་ཁྲོ་ལོ་ལོ༔ ཤེས་རབ་ཨ་ལོང་སི་ལི་ལི༔ སྒོ་མ་ལགས་པས་སྒོ་ཕྱེས་ཤིག༔ འཕྲང་མ་ལགས་པས་འཕྲང་སོལ་
ཅིག༔ གསེར་སྐྱེམས་མཆོད་པ་འདི་བཞེས་ལ༔ དོ་ནུབ་གཏོར་ལམ་མ་བཅད་ཅིག༔ ཤར་ཕྱོགས་རྒྱལ་ཆེན་འཁོར་དང་བཅས༔ གསེར་སྐྱེམས་མཆོད་པ་འདི་བཞེས་ལ༔ མཐོ་བ་རྣམས་ཀྱིས་ཞབས་སྐུམས་ལ༔ དམའ་བ་རྣམས་ཀྱིས་དབུ་ཆུམས་ལ༔ བར་པ་རྣམས་ཀྱིས་སྐུ་བཟུར་ཅིག༔ དྲག་པོའི་གཏོར་ལམ་མ་བཅད་ལ༔ དྲག་པོ་གཏོར་མའི་སྒོ་ཕྱེས་ཤིག༔ ཀྱེ༔ ཕྱོགས་ཕྱོགས་དག་ཀྱང་ཕ་ཀི་ན༔ ཉི་མ་ལྷོ་ཕྱོགས་ཕ་ཀི་ན༔ ཡུལ་ཡང་སེར་པོ་གསེར་གྱི་ཡུལ༔ མཁར་ཡང་སེར་པོ་གསེར་གྱི་མཁར། གསེར་མཁར་དེ་ཡི་ནང་ཤེད་ན༔ རྟ་མགྲིན་ལྷོ་ཡི་ཕྱོགས་མཚམས་ནས༔ རྒྱལ་པོ་ཆེན་པོ་འཕགས་སྐྱེས་པོ༔ གྲུལ་བུམ་འབུམ་གྱི་ཚོགས་དང་བཅས་སྒོ་མོ་དེ་ཡི་ནང་ཤེད་ནས༔ གསེར་གྱི་བུད་མེད་སེར་མོགཅིག༔ གཡས་ན་གསེར་གྱི་ནོར་བུ་བསྣམས༔ གཡོན་པས་གསེར་གྱི་ལྡེ་མིག་བསྣམས༔ སྒོ་ཡི་བསྟན་པ་ཤ་ར་ར༔ ཐབས་ཀྱི་ལྡེ་མིག་ཁྲོ་ལོ་ལོ༔ ཤེས་རབ་ཨ་ལོང་སི་ལི་ལི༔ སྒོ་མ་ལགས་པས་སྒོ་ཕྱེས་ཤིག༔ འཕྲང་མ་ལགས་པས་འཕྲང་སོལ་ཅིག༔ གསེར་སྐྱེམས་མཆོད་པ་འདི་བཞེས་ལ༔ དོ་ནུབ་གཏོར་
ལམ་མ་བཅད་ཅིག༔ དོ་ནུབ་གཏོར་ལམ་སྒོ་ཕྱེས་ཤིག༔ ལྷོ་ཕྱོགས་རྒྱལ་ཆེན་འཁོར་དང་བཅས༔ གསེར་སྐྱེམས་མཆོད་པ་འདི་བཞེས་ལ༔ མཐོ་བ་རྣམས་ཀྱིས་ཞབས་སྐུམས་ལ༔ དམའ་བ་རྣམས་ཀྱིས་དབུ་ཆུམས་ལ༔ བར་པ་རྣམས་ཀྱིས་སྐུ་བཟུར་ཅིག༔ དྲག་པོའི་གཏོར་ལམ་མ་བཅད་ལ༔ དྲག་པོ་གཏོར་མའི་སྒོ་ཕྱེས་ཤིག༔ ཀྱེ༔ ཕྱོགས་ཕྱོགས་དག་ཀྱང་ཕ་ཀི་ན༔ ཉི་མ་ནུབ་ཕྱོགས་ཕ་ཀི་ན༔ ཡུལ་ཡང་དམར་པོ་ཟངས་ཀྱི་ཡུལ༔ མཁར་ཡང་དམར་པོ་ཟངས་ཀྱི་མཁར༔ ཟངས་མཁར་དེ་ཡི་ནང་ཤེད་ན། མགྲིན་ནུབ་ཀྱི་ཕྱོགས་མཚམས་ན༔ རྒྱལ་པོ་ཆེན་པོ་སྤྱན་མི་བཟང་༔ ཀླུ་དབང་འབུམ་གྱི་ཚོགས་དང་བཅས༔ སྒོ་མོ་དེ་ཡི་ནང་ཤེད་ན༔ ཟངས་ཀྱི་བུད་མེད་དམར་མོ་གཅིག༔ གཡས་པས་ཟངས་ཀྱི་པདྨ་བསྣམས༔ གཡོན་པས་ཟངས་ཀྱི་ལྡེ་མིག་བསྣམས༔ སྒོ་ཡི་བསྟན་པ་ཤ་ར་ར༔ ཐབས་ཀྱི་ལྡེ་མིག་ཁྲོ་ལོ་ལོ༔ ཤེས་རབ་ཨ་ལོང་སི་ལི་ལི༔ སྒོ་མ་ལགས་པས་སྒོ་ཕྱེས་ཅིག༔ འཕྲང་མ་ལག་པས་འཕྲང་སོལ་ཅིག༔ གསེར་སྐྱེམས་མཆོད་པ་འདི་བཞེས་ལ༔ དོ་ནུབ་གཏོར་ལམ་མི་བཅད་ཅིག༔ དོ་ནུབ་གཏོར་ལམ་སྒོ་ཕྱེས་
ཤིག༔ ནུབ་ཕྱོགས་རྒྱལ་ཆེན་འཁོར་དང་བཅས༔ གསེར་སྐྱེམས་མཆོད་པ་འདི་བཞེས་ལ༔ མཐོ་བ་རྣམས་ཀྱིས་ཞབས་སྐུམས་ལ༔ དམའ་བ་རྣམས་ཀྱིས་དབུ་ཆུམས་ལ༔ བར་པ་རྣམས་ཀྱིས་སྐུ་བཟུར་ཅིག༔ དྲག་པོའི་གཏོར་ལམ་མ་བཅད་ལ༔ དྲག་པོ་གཏོར་མའི་སྒོ་ཕྱེས་ཤིག༔ ཀྱེ༔ ཕྱོགས་ཕྱོགས་དག་ཀྱང་ཕ་ཀི་ན༔ ཉི་མ་བྱང་ཕྱོགས་ཕ་ཀི་ན༔ ཡུལ་ནི་དྲག་པོ་ལྕགས་ཀྱི་ཡུལ༔ མཁར་ནི་དྲག་པོ་ལྕགས་ཀྱི་མཁར༔ ལྕགས་མཁར་དེ་ཡི་ནང་ཤེད་ན༔ རྟ་མགྲིན་བྱང་གི་ཕྱོགས་མཚམས་ན༔ རྒྱལ་པོ་ཆེན་པོ་རྣམ་ཐོས་སྲས༔ གནོད་སྦྱིན་འབུམ་གྱི་ཚོགས་དང་བཅས༔ སྒོ་མོ་དེ་ཡི་ནང་ཤེད་ནས༔ ལྕགས་ཀྱི་བུད་མེད་ནག་མོ་གཅིག༔ ཕྱག་གཡས་ལྕགས་ཀྱི་རྒྱ་གྲམ་བསྣམས༔ གཡོན་པས་ལྕགས་ཀྱི་ལྡེ་མིག་བསྣམས༔ སྒོ་ཡི་བསྟན་པ་ཤ་ར་ར༔ ཐབས་ཀྱི་ལྡེ་མིག་ཁྲོ་ལོ་ལོ༔ ཤེས་རབ་ཨ་ལོང་སི་ལི་ལི༔ སྒོ་མ་ལགས་པས་སྒོ་ཕྱེས་ལ༔ འཕྲང་མ་ལགས་པས་འཕྲང་སོལ་ཅིག༔ གསེར་སྐྱེམས་མཆོད་པ་འདི་བཞེས་ལ༔ དོ་ནུབ་གཏོར་ལམ་མ་བཅད་ཅིག༔ དོ་ནུབ་གཏོར་ལམ་སྒོ་ཕྱེས་ཤིག༔ བྱང་ཕྱོགས་རྒྱལ་
ཆེན་འཁོར་དང་བཅས༔ གསེར་སྐྱེམས་མཆོད་པ་འདི་བཞེས་ལ༔ མཐོ་བ་རྣམས་ཀྱིས་ཞབས་སྐུམས་ལ༔ དམའ་བ་རྣམས་ཀྱིས་དབུ་ཆུམས་ལ༔ བར་པ་རྣམས་ཀྱིས་སྐུ་བཟུར་ཅིག༔ དྲག་པོའི་གཏོར་ལམ་མ་བཅད་ལ༔ དྲག་པོ་གཏོར་མའི་སྒོ་ཕྱེས་ཤིག༔ ཅེས་སྒོ་དབྱེ་གསེར་སྐྱེམས་མཆོད༔ ༈ དེ་ནས་ཁྱིམ་དུ་གདོན་ཆེན་ཞུགས་ན་གཏོར་ཆེན་ཟློག༔ ནད་པ་ཆག་ཆེ་བའམ༔ བུད་མེད་སྲི་ཅན་ནམ༔ སྨྱོ་འབོག་ཅན་ཡིན་ན་དེའི་སྟེང་དུ་ཟློག༔ དུས་ཀྱི་རིམ་འགྲོའམ༔ ལྟས་ངན་སྐག་བཟློག་དང་༔ གདོན་སོགས་ལ་རྒྱང་རིང་བསྲིངས་ནས་ཐེབ་ལྡོག་དང་སྤྲད་ལ་ཕྱི་རོལ་དུ་འབུལ༔ དགྲ་ཆོས་དང་དགྲ་བཟློག་ཡིན་ན༔ ཐེབ་ལྡོག་རྩིས་ལ༔ དགྲ་ཕྱོགས་དང་བྱེད་མའི་ཕྱོགས་སུ་བསྐུལ་ལ་འཕེན༔ རི་ཁྱིམ་གང་དུ་ཡང་ལིངྒ་ལ་ཟོར་བརྡེག་ཅིང་༔ གཏོར་མ་མེ་ཐབ་ཏུ་སྲེག་པ་སོགས་མཐོང་བ་བརྒྱུད་པའི་ཕྱག་ལེན་ལྟར་བྱའོ༔ ཧཱུྃ༔ ཡབ་གཅིག་ཐུགས་རྗེ་ཆེན་པོ་སྙན་གསོན་ཅིག༔ རྟ་མགྲིན་རྒྱལ་པོ་སྙན་གསོན་ཅིག༔ ཡཀྵ་ནག་པོ་སྙན་གསོན་ཅིག༔ གནོད་སྦྱིན་ནག་པོ་སྙན་གསོན་ཅིག༔ འཁོར་གྱི་སྡེ་བརྒྱད་སྙན་གསོན་ཅིག༔ སྲོག་བདག་ནག་པོ་སྙན་གསོན་ཅིག༔ ཆོས་སྐྱོང་སྲུང་མ་སྙན་གསོན་ཅིག༔ ལེགས་ལྡན་ནག་པོ་སྙན་གསོན་ཅིག༔ རྣལ་འབྱོར་དགྲ་ལྷ་སྙན་གསོན་ཅིག༔
དམ་ཉམས་དགྲ་ལ་ཟོར་ཅིག་འཕེན༔ ཟོར་འདི་གནམ་དུ་མི་འཕེན་ནོ༔ གནམ་གྱི་ལྷ་ལ་སྐྱོན་པར་མཆིས༔ ཟོར་འདི་འོག་ཏུ་མི་འཕེན་ནོ༔ འོག་གི་ཀླུ་ལ་སྐྱོན་པར་མཆིས༔ ཟོར་འདི་བར་དུ་མི་འཕེན་ནོ༔ བར་གྱི་གཉན་ལ་སྐྱོན་པར་མཆིས༔ དེ་རིང་ཟོར་འདི་གང་དུ་འཕེན༔ དེ་རིང་ཟོར་འདི་གནས་བསྟན་པ༔ སྡང་བའི་དགྲ་བོ་འདི་ལ་འཕེན༔ གནོད་པའི་བགེགས་ཆེན་འདི་ལ་འཕེན༔ སྣང་ཞིང་སྲིད་པའི་ལྷ་འདྲེ་རྣམས༔ རྟ་མགྲིན་ནག་པོའི་དམ་ལ་འདུས༔ ཡཀྴ་ནག་པོའི་དམ་ལ་འདུས༔ གནོད་སྦྱིན་ནག་པོའི་དམ་ལ་འདུས༔ ཆོས་སྐྱོང་སྲུང་མ་དམ་ལ་འདུས༔ ཡཀྵ་ནག་པོས་ཟོར་སྣ་དྲོངས༔ རྟ་མགྲིན་ནག་པོས་ཟོར་འཕོང་ཞིག༔ ཆོས་སྐྱོང་སྲུང་མ་འཁོར་བཅས་ཀྱིས༔ དེ་རིང་ཟོར་གྱི་ལས་མཛོད་ཅིག༔ ཟོར་འཕང་ཚུར་ལ་མ་ལྡོག་ཅིག༔ ཉེས་བྱེད་དགྲ་བོའི་སྟེང་དུ་རྒྱུག༔ ཟོར་ཟོར་དུག་ཏུ་མ་བསྐྱོད་ཅིག༔ ཟོར་འདི་དགྲ་བོའི་སྟེང་དུ་འཕེན༔ མུ་སྟེགས་ནག་པོའི་ཐོད་པ་རུ༔ ཟོར་གྱི་གཏོར་མ་ལམས་སེ་ལམ༔ ཞེས་སམ༔ ཁྲག་ཟོར་དམར་པོ་ལམས་སེ་ལམ༔ མདའ་ཟོར་དུས་སུ༔ ཟོར་གྱི་གཞུ་མཆོག་ལམས་
སེ་ལམ༔ སྔགས་ཀྱི་གཞུ་སྒྲ་ཕྲེངས་སེ་བྲེང་༔ རཀྟ་ཁྲག་གི་སྨྱུག་ཕྲན་འདི༔ ཁྲོ་ཆུ་ཁོལ་མའི་མདེལ་ཆུང་སྦྱར༔ བདུད་བྱ་ལྕོང་ཁྲའི་སྒྲོ་དང་གཅིག༔ སྲིན་བྱ་འུག་པའི་སྒྲོ་དང་། ལྷགཉིས༔ འདྲེ་བྱ་སྲེག་པའི་སྒོ་དང་གསུམ༔ སྒོ་མོ་དེ་གསུམ་བརྒྱན་པའི་མདའ༔ དམ་ཉམས་དགྲ་བོའི་སྙིང་ལ་མདའ་ཟོར་ཡ༔ སྙིང་རྩ་བཅད་པའི་དུས་ལ་བབ༔ ཅེས་དང་རྒྱས་ན་ནི་ཚིག་འདི་ཟོར་སོ་སོར་ཁ་བསྒྱུར་རོ༔ སྤྱི་བོའི་གཙུག་ཏུ་ཁྲག་ཟོར། མདའ་ཟོར། གཏོར་ཟོར། ཟོར་ཡ༔ ཀླད་ཁྲག་འཕོ་བའི་དུས་ལ་བབ༔ ལྟེ་བའི་དཀྱིལ་དུ་ཁྲག་ཟོར་ཡ༔ རྒྱ་ཁྲག་བསྲེ་བའི་དུས་ལ་བབ༔ རྣམ་ཤེས་བརྒྱད་ལ་ཁྲག་ཟོར་ཡ༔ དབང་དུ་སྡུད་པའི་དུས་ལ་བབ༔ སྲོག་རྩ་དམར་ལ་ཁྲག་ཟོར་ཡ༔ བསད་ཅིང་གཏུབས་པའི་དུས་ལ་བབ༔ སྙིང་རྩའི་རྒྱུད་ལ་ཁྲག་ཟོར་ཡ༔ རྩ་བ་བཅད་པའི་དུས་ལ་བབ༔ ལྟག་པའི་བདུད་སྒོར་ཁྲག་ཟོར་ཡ༔ བརྒྱལ་དུ་བཅུག་པའི་དུས་ལ་བབ༔ ཀླད་པའི་དཀྱིལ་དུ་ཁྲག་ཟོར་ཡ༔ ཞོ་ལྟར་དཀྲུགས་པའི་དུས་ལ་བབ༔ རྐང་པའི་མཐིལ་དུ་ཁྲག་ཟོར་ཡ༔ སྒྲོག་ཏུ་བཅུག་པའི་དུས་ལ་བབ༔ སྟེང་གི་ཕོ་ལ་ཁྲག་ཟོར་ཡ༔ སྲོག་རྩ་བཅད་པའི་དུས་ལ་བབ༔ འོག་
གི་མོ་ལ་ཁྲག་ཟོར་ཡ༔ རྩད་ནས་བཅད་པའི་དུས་ལ་བབ༔ ནོར་གྱི་དབྱིག་ལ་ཁྲག་ཟོར་ཡ༔ བརླག་ཏུ་བཅུག་པའི་དུས་ལ་བབ༔ ཨོཾ་བཛྲ་ཀྲོ་ཏ་ཧྱ་གྲི་ཝ་ཧཱུཾ་ཕཊ༔ ནས་རྦད་སྔགས་བཟླས༔ ཨུ་ཙ་ཏ་ཡ་ཕཊ༔ ཐུ་རི་ལི་ལི༔ ཞེས་ཐལ་མོ་དང་དར་ནག་བརྡབ་བོ༔ ༈ དགོངས་གསོལ་ནི༔ ཧོ༔ དགོངས་སུ་གསོལ་ལོ༔ དཔལ་ཆེན་ཁྲོ་བོ་རྟ་མགྲིན་ནག་པོའི་བཀའ་ཉན༔ སྟེང་ལྷའི་དྲང་མཁན༔ འོག་ཀླུའི་དྲང་མཁན༔ བར་གཉན་གྱི་དྲང་མཁན༔ གནམ་ས་གཉིས་ཀྱི་དྲང་མཁན༔ ཉི་ཟླ་གཉིས་ཀྱི་དྲང་མཁན༔ དཔལ་མ་ཧཱ་ཀཱ་ལ་འཁོར་དང་བཅས་པ་ཐམས་ཅད་དགོངས་སུ་གསོལ་ལོ༔ སྤྱིར་སངས་རྒྱས་ཀྱི་བསྟན་དགྲེ༔ དཀོན་མཆོག་གསུམ་གྱི་སྤྱི་དགྲ༔ རྣལ་འབྱོར་པ་བདག་གི་སྒོས་དགྲ༔ བསླབ་པའི་ལེའུ་ལྷ་ལོག༔ ཉོས་པའི་ཆུང་མ་སྙིང་རིང་༔ ཤག་རོག་མནའ་ཟན༔ སློབ་མ་དམ་ཉམས༔ ཡོན་བདག་གཞུང་ངན༔ བཀའ་བཅག་པ༔ དམ་བཀྲལ་བ༔ འགྲས་བཙལ་བ༔ དོ་བསྡོ་བ༔ ཡ་བོ་བཟུང་བ༔ སྔ་དགྲ་ལག་ཏུ་བརྡར་བ༔ ཕྱི་དགྲ་ཡིད་ལ་འཆང་བ༔ ད་དགྲ་དངོས་སུ་བྱེད་པ༔ མཐུ་བུ་
ལོན་བཞིན་ཏུ་བསྟག་པ༔ དམ་ཉམས་པའི་དགྲ་བོ་འདི་ཡི་ཚེ་བཏུང་སྲོག་ཆོད༔ དབུགས་དྲོངས༔ ཤ་ཟོ༔ ཁྲག་འཐུང་༔ རུས་པ་མུར༔ ཕོ་རྒྱུད་རྩད་ནས་ཆོད༔ མོ་རྒྱུད་མངལ་ནས་སྐམ༔ ཚེ་ཕྱི་མ་ལ་དུས་མ་འདེབས༔ ནམ་མཁའ་སྟོང་པ་ལ་ཚད་མ་བཙུགས༔ ས་སེར་པོ་ལ་རྗེས་མ་བཙལ༔ སྣང་སྲིད་ཀྱི་ལྷ་སྲིན་སྡེ་བརྒྱད་ཁྱེད་རྣམས་ཀྱིས་དམ་ཉམས་པའི་དགྲ་བོ་འདི་ལོ་དང་ཟླ་བར་མ་བཞག༔ ཞག་དང་ཟ་མར་མ་བཞག༔ ད་ལྟ་ཉིད་དུ་བཀའི་གཏོར་མ་འདི་དང་མཉམ་པར་བཞེས་ཤིག༔ ཆེད་བརྒྱད་ཀྱི་ཐུ་རི་ལི་ལི༔ ཡན་བརྗོད་དོ༔ འདི་ནི་ཟོར་ཆེན་དུས་སམ༔ ཡང་ན་གཏོར་ཆེན་མེ་ཐབ་ཏུ་འབུལ་དུས་སྐད་ཆེན་པོས་བརྗོད་ཅིང་༔ བཞེས་བརྒྱག༔ དར་ནག་གདབ༔ ཟོར་ཚར་ནས་ཆོས་སྐྱོང་གེལ་པ་རྣམས་ལ་གཏོར་འབུལ་སྤྲོ་ན་རིམ་བཞིན་གཏོར་མ་འབུལ༔ དེ་ནས་གཏོར་ཆེན་འབུལ༔ གཏོར་གཞོང་མདོས་གདན་ཁ་སྦུབ་པའི་སྟེང་དུ་དར་ནག་བཟུང་ཞིང་༔ བྲོ་བརྡུང་ངོ་༔ ན་མོ༔ རྟ་མགྲིན་ནག་པོའི་ལྷ་ཚོགས་འཁོར་བཅས་རྣམས་ཀྱི་བཀའ་བདེན་པས༔ དགྲ་བགེགས་དམ་སྲི་ཐམས་ཅད་གཏོར་གཞོང་རི་རབ་འབར་བའི་འོག་ཏུ་ཁུག་ཅིག༔ ཛཧཱུྃ་བཾ་ཧོ༔ ཧཱུྃ༔ དགྲ་བགེགས་བསྒྲལ་བའི་ཕུང་པོ་ལ༔ དཔའ་བོ་ཆེན་པོས་
བྲོ་བརྡུང་པས༔ ཕྱོགས་བཅུ་ནམ་མཁའི་ཁམས་གང་ནས༔ ཁྲོ་བོའི་ཚོགས་དང་ཁྲོ་མོའི་ཚོགས༔ ལྷ་སྲིན་ཚོགས་དང་ཕོ་ཉའི་ཚོགས༔ བྲོ་ལ་གཤེགས་སོ་ཆེམས་སེ་ཆེམ༔ ཧཱུྃ༔ ང་ནི་རྟ་མགྲིན་ཁྲོས་པའི་སྐུ༔ རྟ་སྐད་ལན་གསུམ་སྟེང་དུ་འཚེར༔ དང་པོ་གཟུགས་མེད་ཁམས་ཀུན་གཡོས༔ གཉིས་པས་གཟུགས་ཁམས་དབང་དུ་སྡུད༔ གསུམ་པས་འདོད་ཁམས་ཟིལ་གྱིས་མནན༔ འདི་ནི་རྟ་མགྲིན་བརྟུལ་ཞུགས་ཡིན༔ ཧཱུྃ༔ ང་ནི་རྟ་མགྲིན་ཁྲོས་པའི་སྐུ༔ རྟ་བྲོ་ཁམས་གསུམ་མགོ་ལ་བརྡུང་༔ དང་པོས་སྟེང་གི་འཇིག་རྟེན་གཡོ༔ གཉིས་པས་ས་བླ་དབང་དུ་སྡུད༔ གསུམ་པས་ས་འོག་ཟིལ་གྱིས་གནོན༔ འདི་ནི་ཁྲོ་བོའི་མཐུ་རྩལ་ཡིན༔ ཧཱུྃ༔ ང་ནི་རྟ་མགྲིན་ཁྲོས་པའི་སྐུ༔ དུག་གསུམ་དགྲ་བགེགས་ཞབས་སུ་མནན༔ ཞེ་སྡང་ཕོ་རྒྱུད་གཡས་སུ་མནན༔ འདོད་ཆགས་མོ་རྒྱུད་གཡོན་དུ་མནན༔ གཏི་མུག་རིགས་རྒྱུད་རྩད་ནས་བཅད༔ འདི་ནི་ཕོ་ཉའི་ཕྲིན་ལས་ཡིན༔ ཧཱུྃ༔ སྡང་བའི་དགྲ་དང་གནོད་པའི་བགེགས༔ བྱད་མ་དམ་སྲིའི་གནོད་སྦྱིན་ཚོགས༔ ཞབས་ཀྱི་འོག་ཏུ་རྡུལ་ཕྲན་བཞིན༔ རྟ་མགྲིན་ཁྲོ་བོའི་ཚོགས་
ཀྱིས་བརྡུང་༔ ཡེ་ཤེས་རི་རབ་བརྗིད་ཀྱིས་མནན༔ དྲག་སྔགས་རྡོ་རྗེའི་མཚོན་གྱིས་གཏུབ༔ ཡེ་ཤེས་མེ་དཔུང་ཟེར་གྱིས་བསྲེགས༔ སྲིད་པ་ལས་ཀྱི་རླུང་གིས་གཏོར༔ ཇི་སྲིད་བསྟན་པ་མ་རྫོགས་བར༔ དགྲ་བགེགས་ལྡང་བར་མ་གྱུར་ཅིག༔ ཨོཾ་བཛྲ་ཀྲོ་ཏ་ཧྱ་གྷི་ཝ་ཧཱུྃ་ཕཊ༔ སརྦ་བིགྷ་ནན་ཤ་ཏྭཾ་སུཾ་བྷ་ཡ་ནན༔ ཞེས་བྲོ་བརྡུང་ངོ་༔ གཏོར་གཞོང་གྱེན་དུ་སྦེད་ནས་དངོས་གྲུབ་ཀྱིས་གང་བར་བསམ༔ སརྦ་སིདྡྷི་ཕ་ལ་ཨ་ལ་ལ་ཧོ༔ ཞེས་བརྗོད༔ གཏོར་མ་སྐྱེལ་བ་རྣམས་སྔོན་དུ་བཏང་༔ རང་རྒྱབ་ནས་འགྲོ༔ དར་ནག་དྲིལ་ཞིང་ཁྱེར༔ ཡེ་ཤེས་ཀྱི་བྱ་ཁྱུང་དམར་པོས་ཞལ་ཕྱིར་གཟིགས་ནས་འབྱུང་པོ་དང་སྒབ་འདྲེའི་རྗེས་བཟློག་པར་གྱུར༔ ཨོཾ་བཛྲ་གྷ་རུ་ཊ་ཧཱུྃ་ཕཊ༔ ཅེས་བརྗོད་ནས་ཡར་ལམ་སྲུང་འཁོར་བསྒོམ་ཞིང་རྣམ་འཇོམས་འདོན༔ ཁྱིམ་དུ་ལོག་ནས་སྔར་ལྟར་གཏང་རག་ཚོགས་འཁོར་སྤྱི་ལྟར་བྱ༔ ཚེ་འགུགས་རྒྱས་བསྡུས་གང་འོས་བྱའོ༔ ཡང་ན་ཚེ་དབང་བསྐུར༔ རྗེས་ཆོག་རྒྱས་པ་སྤྲོ་ན་གཞན་དུ་གསལ༔ བསྡུ་ན་འདིའོ༔ ཨོཾ་རྒྱ་གྷཾ་ཝ་ཨགྷཾ་སོགས༔ གར་གྱི་དབང་ཕྱུག་པདྨ་ཧེ་རུ་ཀ༔ སྐུ་མདོག་མཐིང་ནག་ཆོས་ཉིད་འགྱུར་བ་མེད༔ ཕྱག་གཉིས་གདུག་པའི་མཚོན་གྱིས་དགྲ་བགེགས་བསལ༔ རྟ་མགྲིན་ནག་པོའི་སྐུ་ལ་ཕྱག་འཚལ་བསྟོད༔
ཅེས་པས་བསྟོད༔ མ་འབྱོར་པ་དང་ཉམས་པ་དང་༔ གང་ཡང་བདག་རྨོངས་བློ་ཡིས་ནི༔ བགྱིས་པ་དང་ནི་བགྱིད་བསྩལ་བ༔ དེ་ཀུན་མགོན་པོས་བཟོད་པར་གསོལ༔ ཨོཾ་པདྨ་སཏཱ་ས་མ་ཡ༔ སོགས་ཡིག་བརྒྱ་བརྗོད༔ ཨོཾ་ཁྱེད་ཀྱིས་སེམས་ཅན་དོན་ཀུན་མཛོད༔ རྗེས་སུ་མཐུན་པའི་དངོས་གྲུབ་སྩོལ༔ སངས་རྒྱས་ཡུལ་དུ་གཤེགས་ནས་ཀྱང་༔ སླར་ཡང་འབྱོན་པར་མཛད་དུ་གསོལ༔ བཛྲ་མུཿ ཞེས་པས་ཡེ་ཤེས་པ་གཤེགས༔ དམ་ཚིག་པ་རང་ལ་བསྡུ༔ རྟེན་ཡོད་ན་བརྟན་གཞུག་བྱ༔ དགེ་བ་འདི་ཡིས་མྱུར་དུ་བདག༔ རྟ་མགྲིན་ནག་པོ་འགྲུབ་གྱུར་ནས༔ འགྲོ་བ་གཅིག་ཀྱང་མ་ལུས་པ༔ དེ་ཡི་ས་ལ་འགོད་པར་ཤོག༔ བསྔོ་བ་བྱའོ༔ དེ་ནས་མེ་ཏོག་འཐོར་ཞིང་༔ ཧཱུྃ༔ ཆོས་ཀྱི་དབྱིངས་ནས་སྐུར་བཞེངས་ཤིག༔ བྱིན་རླབས་ཆར་རྒྱུན་འབེབས་མཛད་པ༔ བླ་མ་རྣམས་ཀྱི་བཀྲ་ཤིས་གང་༔ སྒྲུབ་མཆོག་བདག་ལ་དངོས་གྲུབ་སྩོལ༔ ཧཱི༔ ལོངས་སྐུའི་གནས་ནས་སྐུ་བཞེངས་ཤིག༔ དངོས་གྲུབ་རྣམ་གཉིས་སྟེར་མཛད་པའི༔ ཡི་དམ་ལྷ་ཚོགས་བཀྲ་ཤིས་གང་༔ སྒྲུབ་མཆོག་བདག་ལ་དངོས་གྲུབ་སྩོལ༔ ཧཱུྃ༔ སྤྲུལ་སྐུའི་གནས་ནས་སྐུ་བཞེངས་ཤིག༔ ཕྲིན་ལས་ཐོགས་
མེད་སྒྲུབ་མཛད་པ༔ དཔའ་བོ་མཁའ་འགྲོའི་བཀྲ་ཤིས་གང་༔ སྒྲུབ་མཆོག་བདག་ལ་དངོས་གྲུབ་སྩོལ༔ དབང་ཆེན་གནད་ནས་སྐུ་བཞེངས་ཤིག༔ དྲེགས་པ་ལས་ལ་བསྐུལ་མཛད་པའི༔ རྟ་མགྲིན་ནག་པོའི་བཀྲ་ཤིས་གང་༔ སྒྲུབ་མཆོག་བདག་ལ་དངོས་གྲུབ་སྩོལ༔ ཧཱུྃ༔ ལས་བྱེད་གནས་ནས་སྐུ་བཞེངས་ཤིག༔ གནོད་བྱེད་དགྲ་བགེགས་འདུལ་མཛད་པ༔ དྲེགས་པ་སྡེ་བརྒྱད་བཀྲ་ཤིས་གང་༔ སྒྲུབ་མཆོག་བདག་ལ་དངོས་གྲུབ་སྩོལ༔ ཉིན་མོ་བཀྲ་ཤིས་མཚན་བཀྲ་ཤིས༔ ཉིན་མཚན་རྟག་ཏུ་བཀྲ་ཤིས་པ༔ བཀྲ་ཤིས་བདེ་ལེགས་སྣ་ཚོགས་རྣམས༔ སྒྲུབ་མཆོག་བདག་ལ་དངོས་གྲུབ་སྩོལ༔ ཨོཾ་ཡེ་དྷརྨ་ཧེ་ཏུ་པྲ་བྷ་ཝཱ་ཧེ་ཏུནྟེ་ཥཱནྟ་ཐ་ག་ཏོ་ཧྱ་བ་དཏ། ཏེ་ཥཱཉྩ་ཡོ་ནི་རོ་དྷ་ཨེ་ཝཾ་བཱ་དཱི་མ་ཧཱ་ཤྲཱ་མ་ཎཿསྭཱ་ཧཱ༔ ཨ་ཨཱ་ཨི་ཨཱི་ཨུ་ཨཱུ་རྀ་རྀ་ལྀ་ལཱ་ཨེ་ཨི་ཨོཾ་ཨཽ་ཨཾ་ཨཱ། ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧཀཱ། དོན་དམ་དམིགས་མེད་རྫོགས་པ་ཆེན་པོའི་ངང་ལ་ཅི་གནས་སུ་བཞག་གོ༔ འདིར་སྨྲས་པ༔ ཨེ་མ་ཧོ༔ རྟ་མཆོག་རོལ་པ་དུམ་བུ་ཀླུ་འདུལ་རྒྱུད༔ ཁྲོ་མཆོག་ཉིད་སྤྲུལ་པདྨས་རྒྱ་ཆེན་བཀྲལ༔ དེ་ཉིད་ཆོས་དབང་རཏ་
གླིང་སངས་རྒྱས་གླིང་ཞིག་པོ་གླིང་དང་མཐོང་བ་དོན་ལྡན་བརྒྱུད༔ དབང་ཕྱུག་རྡོ་རྗེ་ཆོས་ཀྱི་དབང་ཕྱུག་དང་༔ འདི་ཡི་སྒྲུབ་ཐབས་དུ་མ་མཐོང་ཐོས་ཀྱང་༔ བསྲེ་སླད་སྤངས་ཏེ་ཉང་ལུགས་སོར་བཞག་བྱས༔ ལུང་དང་རིག་པ་གཞུང་དང་ལས་ཚོགས་དང་བརྒྱུད་ལྡན་བླ་མ་མང་པོའི་སྙན་བརྒྱུད་བཅས་གཅིག་ཏུ་དྲིལ་ནས་འདོན་འགྲིགས་ཁྱེར་བདེ་ཞིང་༔ ཕྱག་ལེན་འཁྲུལ་པ་སྤངས་བ་འདི་ཉིད་བསྒྲིགས༔ འདི་ལ་ཉེས་པའི་དྲི་མ་གང་མཆིས་པ༔ ཆོས་བདག་མཁའ་འགྲོ་སྲུང་མ་རྣམས་ལ་བཤགས༔ དགེ་བས་འགྲོ་ཀུན་བདེ་ཆེན་ཞིང་ཐོབ་ཤོག༔ ཅེས་པ་འདི་ནི་དགེ་སློང་རིག་སྔགས་འཆང་ཞིང་༔ བསྐྱེད་རྫོགས་ལམ་ལ་མོས་པ་ལྷུར་བྱེད་པ༔ རཱ་གའི་མིང་ཅན་དགེ་སློང་དེ་ཡིས་བཀོད༔ བདག་ནི་བརྒྱུད་མེད་མ་ཡིན་དབང་ལུང་རྫོགས༔ རང་བཟོ་མ་ཡིན་བླ་མའི་གསུང་རྒྱུན་མང་༔ དྲོད་མེད་མ་ཡིན་རང་གི་ཉམས་སུ་བླངས༔ ལག་རྡུམ་མ་ཡིན་བསྙེན་སྒྲུབ་ཕྱག་ལེན་མཁས༔ ཁ་ནག་ཡིག་ནག་སྤྲད་པའི་གཟུ་ལུམ་མི༔ དེ་ཕྱིར་འདི་ལ་མོས་པའི་སྔགས་འཆང་ཀུན༔ མ་ནོར་ལམ་དུ་ཞུགས་ན་ཅི་མ་རུང་༔ རང་འདོད་སྤངས་པའི་བདེན་ཚིག་དེ་སྐད་སྨྲས༔ སྤྱི། ཁ་ཐཾ༔ གུ་ཧྱ༔ མངྒ་ལཾ༔ དགེའོ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།
ཤོག་སྟོང་།