རྟ་མགྲིན་ནག་པོ་ལྷ་ལྔའི་སྒོ་ནས་སེར་བ་བསྲུང་བའི་མན་ངག
རྟ་མགྲིན་ནག་པོ་ལྷ་ལྔའི་སྒོ་ནས་སེར་བ་བསྲུང་བའི་མན་ངག་བཞུགས་སོ༔
ན་མོ་རྒྱ་གྷི་ཝ་དེ་ཝ་པཉྩཡེ༔ ཀླུ་འདུལ་ལྷ་ལྔའི་ཞབས་ལ་ཕྱག་འཚལ་ནས༔ སེར་བའི་གདོང་བཟློག་མན་ངག་ཅུང་ཟད་བཀོད༔ ཆོས་བདག་སྲུང་མས་བཀའ་ཡི་གནང་བ་སྩོལ༔ རྒྱས་པར་སེར་བ་བསྲུང་ཚུལ་གཞན་དུ་གསལ༔ འདི་ནི་ཉེར་མཁོའི་དམིགས་རིམ་གདོང་བཟློག་སྟེ༔ དང་པོ་ད་ནངས་ནམ་མཁའ་བྱིན་རླབས་ནི༔ ཧྲཱིཿ རང་ཉིད་སྐད་ཅིག་རྟ་མགྲིན་ལྷ་ལྔ་གསལ༔ ནམ་མཁའི་དབུས་སུ་པདྨ་ཟླ་བའི་སྟེང་༔ ཆོས་སྐུ་སྣང་བ་མཐའ་ཡས་སྐུ་མདོག་དམར༔ མཚན་དཔེའི་རྒྱན་ལྡན་སྐྱིལ་ཀྲུང་མཉམ་གཞག་ཅན༔ ཆོས་གོས་གསུམ་མནབས་འོད་ཟེར་ནམ་མཁའ་གང་༔ བར་སྣང་པད་ཟླའི་སྟེང་དུ་སྤྱན་རིས་གཟིགས༔ དཀར་
པོ་ཕྱག་བཞི་དང་པོ་ཐལ་མོ་སྦྱར༔ འོག་མ་གཉིས་ན་ཤེལ་ཕྲེང་པད་དཀར་འཛིན༔ ལོངས་སྤྱོད་རྫོགས་སྐུ་སྐྱིལ་མོ་ཀྲུང་གིས་བཞུགས༔ ཐུགས་ཀར་ཟླ་སྟེང་ཧྲིལ་ཡིག་དྲུག་བསྐོར༔ ཡེ་ནས་དམ་ཡེ་དབྱེར་མེད་སྐུ་རུ་གསལ༔ འོད་འཕྲོས་སྡེ་བརྒྱད་སེར་བདག་ཀུན་ལ་ཕོག༔ རང་དབང་མེད་པར་བྱམས་དང་སྙིང་རྗེ་སྐྱེས༔ ཨོཾ་ཧཱུྃཧཱུྃ་ཕཊ༔ ཅེས་དང་༔ ཨོཾ་མ་ཎི་པདྨེ་ཧཱུྃ༔ སྔགས་དེ་གཉིས་ལ་ཕྲེང་བསྐོར་ཙམ་ཞིག་བཟླ༔ སེར་བདག་སྡེ་བརྒྱད་ཐམས་ཅད་འོད་དུ་ཞུ༔ ཐུགས་རྗེ་ཆེན་པོ་ལ་ཐིམ་དེ་ཡང་ནི༔ སྣང་བ་མཐའ་ཡས་ལ་ཐིམ་དེ་ཡང་ཡལ༔ སྡེ་བརྒྱད་སྣང་བ་མཐའ་ཡས་ཐུགས་ཀྱི་ཀློང་༔ སྐྱེ་མེད་ཆོས་སྐུའི་
ཀློང་དུ་སངས་རྒྱས་གྱུར༔ དེ་ནས་རང་སེམས་ངོ་བོ་ཡུད་ཙམ་བལ༔ དེ་ལྟར་རྒྱུན་དུ་བྱས་ན་ག་ནམ་ཡུལ་འཇམ༔ ཡང་ན་ནམ་འཕྲད་བྱས་པས་ཆོག་པ་ཡིན༔ དེ་ནས་སེར་སྤྲིན་བརྟག་ཅིང་གཏོར་བ་ནི༔ དུས་དང་དུས་མ་ཡིན་པའི་སེར་བ་གཉིས༔ ཚེས་བཞི་སྔ་དྲོའི་སྤྲིན་ནི་ཁམ་ནག་དང་༔ ཚེས་བརྒྱད་ཕུག་རོན་སྐ་དང་འདྲ་བའི་སྤྲིན༔ བཅུ་གཅིག་ར་མ་རྒྱ་མོའི་སྦོ་ཝ་འདྲ༔ བཅོ་ལྔ་ཁམ་ནག་ཐལ་བ་གནམ་གཏོར་འདྲ༔ བཅོ་བརྒྱད་རྟ་སྐྱའི་རྔ་མ་གྱེན་གཤེད་འདྲ༔ ཉི་ཤུ་སྤྲིན་ནི་དམར་པོའམ་ཁམ་སེར་ལ༔ འཚུབས་མ་འདྲ་བ་ཀོ་རོ་རོ་བྱེད་པ༔ དེ་དག་བྱུང་ན་དུས་ཀྱི་སེར་བ་འོང་༔ དུས་མིན་སྤྲིན་དམར་ཁམ་སེར་དུད་ཁ་དང་༔ སྡིག་པའི་རྭ་འདྲ་གཡག་རྔ་ལངས་འདྲ་དང་༔ ར་རྒྱའི་སྤོ་འདྲ་བྱ་ཁྱུང་གཤོག་པ་འདྲ་རལ་པ་བསིགས་འདྲ་ནག་པོ་མདུང་ཡུ་འདྲ༔ འདི་དག་སྔ་དྲོ་དགོང་མོ་ནམ་བྱུང་ཡང་༔ སེར་བ་འོང་བས་སེར་སྤྲིན་གཏོར་བ་ནི༔ ༈ ཧཱུྃ༔ སེར་སྤྲིན་དབུས་སུ་རྟ་མགྲིན་ལྷ་ལྔ་གསལ༔ སྐུ་ལས་ཡེ་ཤེས་མེ་དཔུང་ཆེར་འབར་བས༔ སེར་སྤྲིན་བསྲེགས་ཤིང་སེར་བ་ཆུ་རུ་བཞུས༔ སེར་བདག་ཐམས་ཅད་རྒྱ་མཚོའི་ཕར་འགྲམ་བྲོས༔ ཨོཾ་ཧྲཱིཿབཛྲ་ཀྲོ་དྷ་ཧྱ་གྷི་ཝ་ཧུ་ལུ་ཧུ་ལུ་ཧཱུྃ་ཕཊ༔ ཨོཾ་ཏམ་པ་ལ་ཧཱུྃ་ཕཊ༔ ནཱ་ག་ཤ་ནཱ་ཐེད་ཐེད་སྭཱ་ཧཱ༔ ནཱ་ག་ཤི་ནཱ་ག་སྭཱ་ཧཱ༔ ཏྲི་མཱ་ར་ཡ་ན་སྭཱ་ཧཱ༔ ཞེས་པ་བརྒྱའམ་ཉེར་གཅིག་བདུན་སོགས་བརྗོད༔ རྟ་མགྲིན་ལྷ་ལྔ་འོད་ཞུ་སྤྲིན་
ལ་ཐིམ༔ སྤྲིན་ལས་བདུད་རྩིའི་ཆར་རྒྱུན་འབེབས་པར་གྱུར༔ དེ་ལྟར་བསྒོམས་པས་སེར་བ་ཞུ་བར་འགྱུར༔ དེས་ཀྱང་མ་ཕན་སེར་བ་བཅས་བྱུང་ན༔ ཧཱུྃ༔ རང་ཉིད་རྟ་མགྲིན་ནག་པོར་གསལ་བ་ཡི༔ ཐུགས་དབུས་ཧྲུནང་ཡུལ་ཁམས་ཞིང་རྣམས་ཚུད༔ རང་གི་ཕྱོགས་བཞི་རྟ་མགྲིན་རིགས་བཞི་ཡི༔ ཞལ་ཕྱིར་གཟིགས་ནས་ཕྱོགས་བཞིའི་སེར་བ་སྲུང་༔ སྐུ་ལས་མེ་རླུང་ཁྲོ་བོའི་དམག་དཔུང་འཕྲོས༔ སེར་བདག་ཐམས་ཅད་རྒྱ་མཚོའི་ཕ་རོལ་དེར༔ ཕྱོགས་མཚམས་སྟེང་འོག་རྡོ་རྗེའི་གུར་དུ་གྱུར༔ ཨོཾ་ཧྲཱིཿབཛྲ་ཀྲོ་དྷ་ཧྱ་གྷི་ཝ་ཧུ་ལུ་ཧུ་ལུ་ཧཱུྃ་ཕཊ༔ ཆར་ནི་ཆུར་ནི་སྭཱ་ཧཱ༔ ཞེས་སྔགས་ཕུས་གདབ༔ སྡིགས་མཛུབ་སེར་ལམ་བསྟན༔ སེར་བ་སེར་བྱེད་དང་བཅས་པ་གཡས་སུ་བྱོལ་ཅིག༔ གཡོན་དུ་བཟུར་ཅིག༔ སྤང་རི་ལ་རྒྱོབས༔ ནགས་རི་ལ་རྒྱོབས༔ གཡའ་རི་ལ་རྒྱོབས༔ བྲག་རི་ལ་རྒྱོབས༔ ཞེས་བརྗོད༔ ཞིང་མེད་ས་རུ་སེར་བའི་ལམ་བསྟན་ན༔ དེ་ལྟར་བྱས་པས་ཐུབ་པར་སླ་བ་ཡིན་དེས་ཀྱང་མ་ཐུབ་པར་སེར་རྐང་བཙུགས་བྱུང་ན༔ ཧཱུྃ༔ རང་ཉིད་རྟ་མགྲིན་ནག་པོ་རབ་ཏུ་ཁྲོས༔ ཕྱག་གཡས་རལ་གྲི་རྣོ་ངར་མེ་འབར་བ༔ གཡུགས་པས་སེར་རྐང་དེ་ཉིད་དུམ་བུར་གཏུབས༔
སེར་བ་སེར་བྱེད་གཏུབ་ཅིང་བསྲེགས་པར་གྱུར༔ རལ་གྲིའི་རྩེ་ལས་མེ་ཡི་འཁོར་ལོ་འཕྲོས༔ སེར་སྤྲིན་དཀྱིལ་དུ་བརྒྱབས་པས་གཏོར་བར་འགྱུར༔ ཨོཾ་ཧྲཱིཿབཛྲ་ཀྲོ་དྷ་ཧྱ་གྷི་ཝ་ཧུ་ལུ་ཧུ་ལུ་ཧཱུྃ་ཕཊ༔ ནཱ་ག་རཀཱ་ནག་པོ་ཏི་པ་ཙ་མཱ་ར་ཡ་ཧཱུཾ་ཕཊ༔ ཡཀྴ་ཀཱ་ལ་ཆེན་པོ་སེར་བ་སེར་བྱེད་དང་བཅས་པའི་སྲོག་རྩ་ལ་རྦད་རྦད༔ སྙིང་ལ་རྦད་རྦད༔ ཤ་ལ་རྦད་ཟཔ༔ ཁྲག་ལ་རྦད་རྦད༔ རུས་པ་ལ་རྦད་རྦད༔ པགས་པ་ལ་རྦད་རྦད༔ ཀླད་པ་ལ་རྦད་རྦད༔ ཡིད་ལ་རྦད་རྦད༔ སེར་བ་སེར་བྱེད་སྣ་འདྲེན་བཅས་པ་ཙིཏྟ་ཟུང་ཟུང་༔ ཙིཏྟ་སྨུག་རླུག༔ ཙིཏྟ་ཕྱུང་ཕྱུང་༔ ཙིཏྟ་གཏུབ་གཏུབ༔ ཙིཏྟ་མྱོག་མྱོག༔ ཙིཏྟ་ཐུམ་ཐུམ༔ རིལ་རིལ༔ རྦད་རྦད༔ ཡ་ཡ༔ བྷོ་བྷྱོ༔ སེར་བ་སེར་བྱེད་སྣ་འདྲེན་བཅས་པའི་སྲོག་རྩ་ཆོད་ཆོད༔ སྙིང་རྩ་ཕྱུང་ཕྱུང་༔ གཏུབ་གཏུབ༔ ཁཾ་ཁཾ༔ ལཾ་ལཾ༔ རྦད་རྦད༔ དུམ་བུ་སྤྱད་སྤྱད༔ ནཱ་ག་རཱ་ཛ་མཱ་ར་ཡ་རྦད་སོད༔ མྱོག་ཐཾ་རིལ་མཱ་ར་ཡ་རྦད་ཡ༔ ཞེས་བརྗོད་ཅིང་ཤིང་རལ་གྲི་གཡུགས་ཤིང་ཐུན་ཡང་འཕེན༔ རལ་གྲི་མེད་ན་ལག་པ་གཡས་རལ་གྲིའི་ཚུལ་དུ་གཡུགས་པས་ཆོད་པའོ༔ ཡང་ན་དམིགས་པ་འདི་འདྲ་སྔགས་དུས་བསྒོམ༔ རང་ཉིད་རྟ་མགྲིན་ལྷ་
ལྔའི་སྤྱི་བོ་རུ༔ བྱ་ཁྱུང་རིགས་ལྔ་གཤོག་པས་ནམ་མཁའ་ཁྱབ༔ རང་ཉིད་རྟ་མགྲིན་ཞལ་ནས་མེ་ཆེན་འབར༔ སེར་བདག་བསྲེགས་ཤིང་སེར་བ་ཆུ་རུ་བཞུས༔ ཤངས་ནས་རླུང་འཚུབ་སེར་སྤྲིན་ཐམས་ཅད་གཏོར༔ ཅེས་བསྒོམ་བསྔགས་ན་རལ་གྲི་མི་དགོས་སོ༔ འབྲུག་སྒྲ་ཟེར་ལྡང་ཟི་ར་ཁོལ་བྱུང་དུས༔ ཐོག་མདའ་འོང་དོགས་ཐོག་སྲུང་འདི་ལྟར་བསྒོམ༔ ཧཱུྃ༔ རང་ཉིད་རྟ་མགྲིན་སྤྱི་གཙུག་ནམ་མཁའ་ལ༔ གསེར་གྱི་འཁོར་ལོ་རྩིབས་སྟོང་གུར་ལྟར་ཕུབ༔ ལྟེ་བར་རྒྱལ་བ་ཤཱཀྱ་ཐུབ་པ་དང་༔ འདབ་མ་སྟོང་ལ་བསྐལ་བཟང་སངས་རྒྱས་སྟོང་༔ རང་གི་ཞབས་འོག་གཡུ་ཡི་གྲོད་པ་མནན༔ ཕྱོགས་མཚམས་རྡོ་རྗེའི་ར་བ་གུར་དུ་གྱུར༔ ནི་ནཱ་ག་ཛ་མུན་ཏི་ཨཱཿ སྔགས་འདི་བདུན་ནམ་ཉེར་གཅིག་ཙམ་གྱིས་ཆོག༔ ཐོག་སྲུང་རྒྱལ་པོ་དྲན་པས་ཆོག་པ་ཡིན༔ གདོང་བཟློག་བྱས་པས་སེར་བ་མ་ཐུབ་ན༔ རང་ཉིད་རྟ་མགྲིན་ཤིན་ཏུ་ཁྲོས་པ་ཡི༔ ཞབས་འོག་ཀླུ་བདུད་ནག་པོ་མགོ་དགུ་མནན༔ ཀླུ་བདུད་ཁ་ནས་དུག་གི་ན་བུན་དང་༔ ནད་ཀྱི་རླངས་པ་མཚོན་ཆའི་བུ་ཡུག་འཕྲོས༔ སེར་བ་སེར་བདག་ཐམས་ཅད་རྡུལ་དུ་བརླགས༔ སེར་སྤྲིན་དེ་ཉིད་གཟའ་བདུད་མགོ་དགུ་པ༔ ཁོག་པའི་ནང་དུ་སེར་བ་
སེར་བདག་ཚུད༔ རང་ཉིད་རྟ་མགྲིན་ཁྲོས་པས་ཕྱག་གཡས་ཀྱིས༔ རཱ་ཧུ་ལ་ཡི་སྤྲུལ་འཇུག་ནས་བཟུང་སྟེ༔ ས་ལ་བརྡབས་ཏེ་ཞབས་ཀྱི་འོག་ཏུ་མནན༔ རྟ་མགྲིན་བྲོ་བརྡུང་སྡེ་བརྒྱད་འདམ་ལྟར་བསྣག༔ བཀའ་ཉན་གསུང་སྡོད་སྲོག་སྙིང་ཕུལ་བར་གྱུར༔ རང་ཉིད་ང་རྒྱལ་བསྐྱེད་ཅིང་སྔགས་རིང་བཟླས༔ བརྡེབ་འཁོར་ཡོད་ན་རབ་ཡིན་མེད་ན་ཡང་༔ དམིགས་པ་བྱེད་ཅིང་གོས་མཐུ་ས་ལ་བརྡབ༔ དེ་ཡིས་སེར་བ་མི་ཐུབ་སྲིད་མི་འགྱུར༔ ཤིན་ཏུ་གཉེན་ཅིང་སྡིག་ཀྱང་ཆེ་བའི་ཕྱིར༔ གག་ཐུག་ལན་རེ་མ་གཏོགས་བྱ་མི་རུང་༔ ཕལ་ཆེར་དམིགས་པ་གོང་མ་རྣམས་ཀྱིས་ཆོག༔ སེར་བ་ཡལ་རྗེས་ལྷ་འདྲེ་གསོ་བ་ནི༔ ༈ བདག་གི་འཁོར་དང་བདག་ལས་སྤྲུལ་པ་ཡིས༔ མེ་རི་ཁྲོ་བོ་ཐམས་ཅད་རང་ལ་ཐིམ༔ རང་ཉིད་རྟ་མགྲིན་གནས་འགྱུར་སྤྱན་རས་གཟིགས༔ སྐུ་སྟོད་ནམ་མཁའ་སྐུ་སྨད་བར་སྣང་ཁྱབ༔ ཞི་འཛུམ་དར་དང་རིན་ཆེན་དུ་མས་བརྒྱན༔ ཞབས་གཉིས་སྐྱིལ་ཀྲུང་ཕྱག་གཡོན་པདྨ་འཛིན༔ ཕྱག་གཡས་མཆོག་སྦྱིན་མཐིལ་ནས་ཧྲཱིཿཡིག་ལས༔ བདུད་རྩིའི་ཆུ་རྒྱུན་གང་གཱའི་རྒྱུན་བཞིན་བབ༔ སྡེ་བརྒྱད་སེར་བདག་རྣམས་ཀྱིས་འཐུངས་བས་ཚིམས༔ ཁྲུས་བྱས་སྨྲས་འགྲམ་སྡུག་བསྔལ་ཐམས་ཅད་ཞི༔ བྱམས་དང་སྙིང་རྗེའི་
སེམས་བསྐྱེད་དགའ་ཞིང་ཚིམས༔ ཡིག་དྲུག་འདོན་ཅིང་རང་གནས་སོང་བར་གྱུར༔ ཨོཾ་མ་ཎི་པདྨེ་ཧཱུྃ༔ དམིགས་པ་མ་ཟིན་བར་དུ་ཡིག་དྲུག་འདོན༔ རང་ཉིད་ཐུགས་རྗེ་ཆེན་པོ་འོད་དུ་ཞུ༔ མེ་ལོང་ཧས་བཏབ་བཞིན་དུ་སྟོང་པར་ཡལ༔ རང་སེམས་སྟོང་ཉིད་འོད་གསལ་རྗེན་པར་བུད༔ འདི་ལྟར་སེར་བ་བཟློག་པའི་དགེ་བ་འདིས༔ དབུ་ནག་མི་ལ་ཟང་ཟིང་སྦྱིན་པར་ཤོག༔ འབུ་སྲིན་རྣམས་ལ་སྐྱབས་ཀྱི་སྦྱིན་པར་ཤོག༔ ལྷ་འདྲེ་རྣམས་ལ་ཆོས་ཀྱི་སྦྱིན་པར་ཤོག་ཀུན་ཀྱང་བླ་མེད་བྱང་ཆུབ་ཐོབ་གྱུར་ཅིག༔ དེ་ལྟར་བྱས་པས་ལྷ་འདྲེ་འཁོན་སེམས་ཞི༔ སྒྲིབ་པར་མི་འགྱུར་བྱང་ཆུབ་ལམ་དུ་འགྲོ༔ སྔགས་འཆང་ར་ལོད་ཅེས་བྱས་བསྐུལ་བྱས་ནས༔ ༧ རཱ་ག་ཨ་སྱ་ཞེས་བྱས་ཡི་གེར་བཀོད༔ ཉེས་འགལ་མཆིས་ན་རྟ་མགྲིན་ཉིད་ལ་བཤགས༔ དགེ་བས་འཇིག་རྟེན་བདེ་ཞིང་ལོ་ལེགས་ཤོག༔ སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།