ཕྱག་ན་རྡོ་རྗེའི་རྒྱུན་ཁྱེར།
ཕྱག་ན་རྡོ་རྗེའི་རྒྱུན་ཁྱེར་བཞུགས་སོ༔ བླ་མ་དཀོན་མཆོག་གསུམ་ལ་སྐྱབས་སུ་མཆི༔ འགྲོ་བའི་དོན་དུ་གསང་བའི་བདག་པོ་བསྒྲུབ༔ ཨ༔ ཆོས་རྣམས་སྨྲ་བསམ་བརྗོད་བྲལ་སྟོང་པ་ཉིད༔ རང་སེམས་ཧཱུྃ་ཡིག་སྔོན་པོའི་འོད་ཟེར་གྱིས༔ གནམ་ས་གསེར་དང་གནམ་ལྕགས་ནམ་མཁའི་གུར༔ དེ་ཕྱིར་རྡོ་རྗེའི་ར་གུར་མེ་རིའི་གུར༔ དེ་དབུས་པད་བྷཉི་ཧཱུྃ་ཡིག་ཡོངས་གྱུར་ལས༔ རང་ཉིད་འབྱུང་འདུལ་མཐིང་ནག་ཁྲོས་པའི་ཉམས༔ རྩ་ཕྱག་ཐུགས་ཀར་འབྱུང་འདུལ་ཕྱག་རྒྱ་དང་༔ འོག་གཉིས་རྡོ་རྗེ་སྡིགས་མཛུབ་བགེགས་ལ་གཟིར༔ ཞབས་གཉིས་འདོར་ཐབས་མེ་དཔུང་དབུས་ན་བཞུགས༔ གནས་གསུམ་འབྲུ་གསུམ་འོད་ཀྱི་ཡེ་ཤེས་པཿ དབང་ལྷ་དབང་བཅས་སྤྱན་དྲངས་དབང་བསྐུར་ནས། །དབང་རྟག་མི་སྤྱོད་པ་ཡིས་དབུ་རྒྱན་གྱུར༔ ཐུགས་ཀར་ཉི་སྟེང་ཧཱུྃ་ལ་སྔགས་ཀྱིས་བསྐོར༔ འོད་ཟེར་སྤྲོ་བསྡུས་ལས་རྣམས་མྱུར་འགྲུབ་གྱུར༔ ཧཱུྃ་བཛྲ་ཕཊ༔ ཨརྒྱུ་པཱདཾ་པུབྦེ་སོགས། ལྕང་ལོ་ཅན་གྱི་གནས་མཆོག་དམ་པ་རུ༔ གསང་སྔགས་རིག་སྔགས་ཀུན་གྱི་བདག་པོ་སྟེ༔ ལོག་འདྲེན་བགེགས་ཀྱི་ཚོགས་རྣམས་འཇོམས་མཛད་པ༔ བཅོམ་ལྡན་རྡོ་
རྗེ་འཛིན་ལ་ཕྱག་འཚལ་བསྟོད༔ ཨོཾ་བྷུ་ཏ་ཊ་མ་ར་བྷུ་ཏ་ར་ཨ་ཏི༔ པ་ཏི་ཨཀྵོ་བྷྱཿ ཀི་རི་ཊི་ནཱ་སརྦ་བྷུ་ཏ་པི་ཤ་ཙི་ས་དྷ་ཡ་སྭཱ་ཧཱ༔ ཞེས་པ་རཱ་ག་ཨ་སྱས་མཛད་པའོ༔