མཁའ་འགྲོའི་རྩང་བསྟོད་རྩང་བསྐུལ།
མཁའ་འགྲོའི་རྩང་བསྟོད་རྩང་བསྐུལ་བཞུགས་སོ།།
ཧཱུྃ་བྷྱོ༔ གྲུ་གསུམ་མཐིང་ནག་འབར་བའི་དཀྱིལ་འཁོར་ནས། །དགྲ་བགེགས་བྱད་མ་བསྒྲལ་བའི་ཁྲི་སྟེང་ན། །དུས་གསུམ་སངས་རྒྱས་ཐམས་ཅད་བསྐྱེད་པའི་ཡུམ། །ཡེ་ཤེས་མཁའ་འགྲོ་སྟོང་གི་གཙོ་མོ་བཞུགས། །རིགས་ལྔ་མཁའ་འགྲོས་འགྲོ་དོན་ཐ་དད་བསྒྲུབ། །ལས་བྱེད་མཁའ་འགྲོས་དགྲ་བགེགས་བྱད་མ་བསྒྲལ། །ཕྱི་ཡི་དུར་ཁྲོད་ལྕགས་རི་ཆེན་མོ་ལ། །དམར་ནག་རྩང་ཕུར་སྲིན་མོ་འགྲོས་སུ་བཙུགས། །དེ་ལ་མ་མོ་མཁའ་འགྲོ་ཕོ་ཉ་བཞུགས། །དགྲ་བགེགས་བྱད་མའི་སྙིང་ལ་མཱ་ར་ཡ། ཧཱུྃ། གདུག་པའི་རྩང་ཕུར་རྩེ་མོ་གཉིས་དང་ལྡན། །
ཡར་གྱི་རྩེ་མོ་ཆོས་ཉིད་དབྱིངས་སུ་སླེབས། །མར་གྱི་རྩེ་མོར་འཁོར་བའི་རྒྱ་མཚོ་སྐེམ། །རྐེད་པ་རྒྱ་མདུད་འཁོར་བ་དབྱིངས་སུ་སྒྲོལ། །དགྲ་བགེགས་བྱད་མའི་སྙིང་ལ་མཱ་ར་ཡ། ཧཱུཾ། གདུག་པའི་རྩང་ཕུར་རྩེ་མོ་གཉིས་དང་ལྡན། །ཡར་གྱི་རྩེ་མོ་སྲིད་པའི་རྩེ་ལ་ཁྱབ། །མར་གྱི་རྩེ་མོར་ངན་སོང་ན་རཀ་སྐེམ། །རྐེད་པ་རྒྱ་མདུད་ཆོས་ཀྱི་འཁོར་ལོ་བསྐོར། །དགྲ་བགེགས་བྱད་མའི་སྙིང་ལ་མཱ་ར་ཡ། །ཧཱུཾ། གདུག་པའི་རྩང་ཕུར་རྩེ་མོ་གཉིས་དང་ལྡན། །ཡར་གྱི་རྩེ་མོ་རི་རབ་རྩེ་དང་མཉམ། །མར་གྱི་རྩེ་མོ་རྒྱ་མཚོའི་གཏིང་ན་ཟུག །རྐེད་པ་རྒྱ་མདུད་རི་རབ་
གསེང་དང་མཉམ། །དགྲ་བགེགས་བྱད་མའི་སྙིང་ལ་མཱ་ར་ཡ། ཧཱུྃ། གདུག་པའི་རྩང་ཕུར་རྩེ་མོ་གཉིས དང་ལྡན། །ཡར་གྱི་རྩེ་ལ་ཛ་ཡི་ཆར་པ་འབེབས། །མར་གྱི་རྩེ་ལ་རཾ་གྱི་ཚྭ་ཚྭ་འཕྲོ། །རྐེད་པ་རྒྱ་མདུད་ཕག་གི་ངུར་སྒྲ་སྒྲོག །དགྲ་བགེགས་བྱད་མའི་སྙིང་ལ་མཱ་ར་ཡ། ཧཱུྃ་གདུག་པའི་རྩང་ཕུར་རྩེ་མོ་གཉིས་དང་ལྡན། །ཡར་གྱི་རྩེ་ལ་སེང་ཆེན་རལ་པ་གསིག །མར་གྱི་རྩེ་ལ་སྟག་མོས་མཆོང་རྒྱུག་བྱེད། །རྐེད་པ་རྒྱ་མདུད་གཟིག་ཆེན་ང་རོ་སྒྲོག །དགྲ་བགེགས་བྱད་མའི་སྙིང་ལ་མཱ་ར་ཡ། ཧཱུཾ། གདུག་ཀླུཔའི་རྩང་ཕུར་རྩེ་མོ་གཉིས་དང་ལྡན། །ཡར་གྱི་རྩེ་ལ་གནམ་ལྕགས་འབྲུག་སྒྲ་ལྡིར། །མར་གྱི་རྩེ་ལ་མེ་གློག་དམར་པོ་འཁྱུག །རྐེད་པ་རྒྱ་མདུད་དོམ་དང་དྲེད་མོང་འཐབ། །དགྲ་བགེགས་བྱད་མའི་སྙིང་ལ་མཱ་ར་ཡ། ཧཱུཾ། གདུག་པའི་རྩང་ཕུར་རྩེ་མོ་གཉིས་དང་ལྡན། །ཡར་གྱི་རྩེ་ལ་ཁུ་བྱུག་སྔོན་མོ་གྲག །མར་གྱི་རྩེ་ལ་རྒྱ་གྲོག་དམར་ནག་འཐབ་། །རྐེད་པ་རྒྱ་མདུད་ཟངས་ཀྱི་ཝ་མོ་འཁངས། །དགྲ་བགེགས་བྱད་མའི་སྙིང་ལ་མཱ་ར་ཡ། ཧཱུྃ། གདུག་པའི་རྩང་ཕུར་རྩེ་མོ་གཉིས་དང་ལྡན། །ཡར་གྱི་རྩེ་ལ་དུང་
གི་ལྷོ་སྤྲིན་འཁྲིགས། །མར་གྱི་རྩེ་ལ་གསེར་གྱི་སྦྲང་བུ་ལྡིང་། །རྐེད་པ་རྒྱ་མདུད་བསེ་ཡི་འཕར་བ་འཁངས། །དགྲ་བགེགས་བྱད་མའི་སྙིང་ལ་མཱ་ར་ཡ། །ཧཱུྃ༔ གདུག་པའི་རྩང་ཕུར་རྩེ་མོ་གཉིས་དང་ལྡན། །ཡར་གྱི་རྩེ་ལ་དུང་གི་སེར་བ་འབེབས། །མར་གྱི་རྩེ་ལ་ནད་ཀྱི་ན་བུན་འཐིབས། །རྐེད་པ་རྒྱ་མདུད་མཚོན་ཆའི་ཆར་པ་འབེབས། །དགྲ་བགེགས་བྱད་མའི་སྙིང་ལ་མཱ་ར་ཡ། །ཧཱུྃ། གདུག་པའི་རྩང་ཕུར་རྩེ་མོ་གཉིས་དང་ལྡན། །ཡར་གྱི་རྩེ་ལ་གསེར་གྱི་འུག་པ་རྒོད། །མར་གྱི་རྩེ་ལ་བསེ་ཡི་ཤ་བ་རྒྱུག །རྐེད་པ་རྒྱ་མདུད་སྟག་དང་ཁུ་མུག་འཐབ། །དགྲ་བགེགས་བྱད་མའི་སྙིང་ལ་མཱ་ར་ཡ། །ཧཱུྃ། གདུག་པའི་རྩང་ཕུར་རྩེ་མོ་གཉིས་དང་ལྡན། །ཡར་གྱི་རྩེ་ལ་བྱ་རྒོད་ནམ་མཁའ་འགེང་། །མར་གྱི་རྩེ་ལ་གཡག་རྒོད་ངར་ཞིང་ངུར། །རྐེད་པ་རྒྱ་མདུད་ཀང་ཀ་རོ་ལ་རོལ། །དགྲ་བགེགས་བྱད་མའི་སྙིང་ལ་མཱ་ར་ཡ། །ཧཱུཾ། གདུག་པའི་རྩང་ཕུར་རྩེ་མོ་གཉིས་དང་ལྡན། །ཡར་གྱི་རྩེ་ལ་ལྟས་ངན་པུ་ཤུད་འཇུམ། །མར་གྱི་རྩེ་ལ་ལྕགས་ཀྱི་ཕོ་རོག་གྲག །རྐེད་པ་རྒྱ་མདུད་དུང་གི་བྱི་བ་མཆོང་། །དགྲ་བགེགས་བྱད་
མའི་སྙིང་ལ་མཱ་ར་ཡ། །ཧཱུྃ། གདུག་པའི་རྩང་ཕུར་རྩེ་མོ་གཉིས་དང་ལྡན། །ཡར་གྱི་རྩེ་ལ་སེང་ཆེན་རལ་པ་གསིགས། །མར་གྱི་རྩེ་ལ་མཁའ་འགྲོའི་བགེགས་དཔུང་འཇོམས། །རྐེད་པ་རྒྱ་མདུད་རོ་ལངས་ཐལ་མོ་རྡེབ། །དགྲ་བགེགས་བྱད་མའི་སྙིང་ལ་མཱ་ར་ཡ། །ཧཱུཾ། གདུག་པའི་རྩང་ཕུར་རྩེ་མོ་གཉིས་དང་ལྡན། །ཡར་གྱི་རྩེ་ལ་ལྷ་དབང་རྒྱལ་པོ་འགྱིང་། །མར་གྱི་རྩེ་ལ་བཙན་རྣམས་རྡེའུ་འཐོར། །རྐེད་པ་རྒྱ་མདུད་གཟའ་ཆེན་རྔམ་སྟབས་སྟོན། །དགྲ་བགེགས་བྱད་མའི་སྙིང་ལ་མཱ་ར་ཡ། །ཧཱུཾ། གདུག་པའི་རྩང་ཕུར་རྩེ་མོ་གཉིས་དང་ལྡན། །ཡར་གྱི་རྩེ་ལ་ཁྲག་གི་རྦ་ཀློང་འཁྲུགས། །མར་གྱི་རྩེ་ལ་བསྐལ་པའི་མེ་ཆེན་འབར། །རྐེད་པ་རྒྱ་མདུད་འབྱུང་བའི་རླུང་ཆེན་གཡོ། །ཧཱུཾ། གདུག་པའི་རྩང་ཕུར་རྩེ་མོ་གཉིས་དང་ལྡན། །ཡར་གྱི་རྩེ་ལ་མཁའ་འགྲོས་གར་སྟབས་སྟོན། །མར་གྱི་རྩེ་ལ་མ་མོས་བགེགས་ཚོགས་འདུལ། །རྐེད་པ་རྒྱ་མདུད་ལྷ་སྲིན་ཕོ་ཉ་འགྱེད། །དགྲ་བགེགས་བྱད་མའི་སྙིང་ལ་མཱ་ར་ཡ། །ཧཱུྃ། གདུག་པའི་རྩང་ཕུར་རྩེ་མོ་གཉིས་དང་ལྡན། །ཡར་
གྱི་རྩེ་ལ་ལྷ་དང་ལྷ་མིན་འཐབ། །མར་གྱི་རྩེ་ལ་འབྱུང་པོས་ས་གཞི་གང་། །རྐེད་པ་རྒྱ་མདུད་ཐོག་གི་བུ་ཡུག་འཚུབ། །དགྲ་བགེགས་བྱད་མའི་སྙིང་ལ་མཱ་ར་ཡ། །ཧཱུྃ། གདུག་པའི་རྩང་ཕུར་རྩེ་མོ་གཉིས་དང་ལྡན། །ཡར་གྱི་རྩེ་ལ་འཁོར་འདས་དག་པར་སྟོན། །མར་གྱི་རྩེ་ལ་སྤྲུལ་པའི་ཕོ་ཉ་འགྱེད། །རྐེད་པ་རྒྱ་མདུད་གཡག་རྒོད་ངར་ཞིང་འགྱིང་། །དགྲ་བགེགས་བྱད་མའི་སྙིང་ལ་མཱ་ར་ཡ། །ཧཱུཾ། རྩང་གི་དྲ་མིག་རེ་རེ་ལ། །མ་རུངས་ཕོ་ཉ་དུ་མ་རྒྱུག །ཆེ་ཆུང་ཚད་ནི་རྒྱ་གྲོག་དམར་པོ་ཙམ། །རྔམ་བརྗིད་དྲག་པོས་ཚོགས་པོར་འཕེན། །འཇིགས་པའི་ཚུལ་གྱིས་ལོག་འདྲེན་འབྱུང་པོ་འདུལ། །དགྲ་བགེགས་གདུག་པའི་ཚོགས་རྣམས་ཚར་ཆོད་ཅིག་།ༀ་བཛྲ་བྷ་ར་ཧི་ཀྲོ་ཏི་ཀཱ་ལི་ཧ་རི་ནི་ས་བཛྲ་ཌཱ་ཀི་ནཱི་ཨ་ཝེ་ཤ་ཡ་ཧཱུྃ་ཕཊ། ཨ༔ཀ༔ས༔མ༔ར༔ཙ༔ཤ༔ད༔ར༔ས༔མ༔ར༔ཡ༔ཕཊ༔ ཚྭ་ཏྲི་ཤ་ཅུ་མཱ་ར་ཡ་ཕཊ༔ ཅེས་མཁའ་འགྲོ་སེང་གདོང་མའི་རྩང་བསྟོད་ཨ་རཱ་གས་སྦྱར་བའོ།། །།
ཤོག་སྟོང་།