མཁའ་འགྲོ་སེང་གདོང་མའི་བསྙེན་ཐབས་ཀྱི་དམིགས་རིམ།
མཁའ་འགྲོ་སེང་གདོང་མའི་བསྙེན་ཐབས་ཀྱི་དམིགས་རིམ་ཅུང་ཟད། འདི་དབང་ལུང་མ་ཐོབ་པར་བལྟས་ན་མྱུར་དུ་སྲོག་ལ་རྒོལ་བས་སུ་ཐོད་ཐོད་ཀྱིས་ལྟ་བར་མི་བྱའོ། ས་མ་ཡ༔ རྒྱ་རྒྱ་རྒྱ༔
ན་མོ་ཌཱཀི་ནཱི་སེང་ཧ་མུ་ཁ་ཡེ། རྡོ་རྗེ་གོ་མཚོན་ཞལ་ཤེས་ཅུང་ཟད་བྲི། ཐུགས་ཀར་པད་མ་དམར་པོ་འདབ་མ་ནི། །བཅུ་བཞི་ཟེའུ་འབྲུ་ཉི་སྟེང་ཧཱུཾ་མཐིང་ནག །འདབ་མ་རེ་རེའི་སྟེང་དུ་ཡི་གེ་རེ། །ཡིག་ངོ་ནང་བསྟན་གཡས་སུ་འཁོར་བ་ལས། །དེ་ཉིད་ཀློག་པའི་ཚུལ་དུ་ཅུང་ཞིག་བཟླ་།ཡིག་འབྲུ་རྣམས་ལས་འོད་ཟེར་ཁ་དོག་ལྔ། །སྟོང་སྐུད་འདྲ་བ་འོད་ཟེར་གཡོན་དུ་འཁོར། །དེ་ནས་ཡིག་འབྲུ་དལ་བུས་གཡོན་དུ་འཁོར། །དེ་ནས་ཇེ་མགྱོགས་ཤིན་ཏུ་མགྱོགས་པར་འཁོར། །དེ་ལྟར་འཁོར་བཞིན་པ་ལས་འོད་ཟེར་ནི། །དཀར་པོ་ཟླ་ཤར་འདྲ་བ་ཕྱོགས་
བཅུར་འཕྲོས། །བདག་དང་བསྲུང་བྱ་ཀུན་གྱི་ནད་དང་གདོན། །སེམས་ཅན་ཀུན་གྱི་སྡིག་སྒྲིབ་སྡུག་བསྔལ་ཀུན། །མུན་པར་ཟླ་བ་ཤར་ལྟར་ཞི་བར་གྱུར། །དེ་རྗེས་འོད་ཟེར་གསེར་མདོག་ཕྱོགས་བཅུར་འཕྲོས། །བདག་དང་བསྲུང་བྱའི་ཚེ་བསོད་དབང་ཐང་དང་། །འགྲོ་བ་ཀུན་ཀྱི་ཡེ་ཤེས་རྒྱས་པར་བྱས། །དེ་རྗེས་འོད་ཟེར་དམར་པོ་གློག་ཞགས་ལྟར། །འཕྲོས་པས་རྒྱལ་བློན་ཡུལ་འཁོར་རྒྱལ་ཁམས་ཀུན། །རང་དབང་མེད་པར་བདག་གི་དབང་དུ་བསྡུས། །དེ་རྗེས་འོད་ཟེར་དམར་ནག་ཚ་ངར་ཅན། །འཕྲོས་པས་བདུད་བཞི་ལོག་འདྲེན་གཞོབ་ཏུ་
སྲེག །ཐམས་ཅད་ཟིལ་གནོན་དམ་ལ་ཐོགས་པར་གྱུར། །དེ་རྗེས་འོད་ཟེར་སྣ་ཚོགས་འཕྲོས་པ་ནི། །ལྗང་གུ་འཕྲོས་པས་སྣ་ཚོགས་ལས་གྲུབ་ཅིང་། །ནག་པོ་འཕྲོས་པས་༣ གནོད་བྱེད་དགྲ་བགེགས་བཀུག །དབང་པོ་ནག་ཐིབས་དྲན་མེད་རྨོངས་པ་དང་། །རྐང་ལག་འོད་ཟེར་གྱིས་བཅིངས་ཤིང་ལྟར་ཧྲེངས།། །།ཕྱི་ནང་རླུང་གི་རྒྱུ་བ་བཅད་དེ་བསད། །འོད་ཟེར་དུད་ཁ་རླུང་འཚུབ་ལྟ་བུ་ཡིས། །བལ་འདབ་རླུང་གིས་ཁྱེར་ལྟར་རིངས་པར་བསྐྲད། །དེ་ནི་བསྙེན་སྒྲུབ་དུས་ཀྱི་དམིགས་པ་སྟེ། །འདི་ཡི་ལུགས་ཀྱི་སྲུང་ཟློག་དམིགས་པ་ནི། །བསྲུང་བྱ་ཐམས་ཅད་ཆོས་འབྱུང་ནང་དུ་ཚུད། །ཆོས་འབྱུང་གནམ་ལྕགས་མཁར་འདྲ་འཇིགས་པ་བྲལ། །གནོད་བྱེད་བྱད་མ་འོད་ཟེར་ནག་པོས་བསྡུས། །འོག་གཞི་ཆོས་འབྱུང་ཕུར་པའི་ཙཀྲས་གཟིར། །ཆོས་འབྱུང་ཕྱི་ནས་མེ་ལྕེས་གཞོབ་ཏུ་བསྲེག །ཐལ་བ་བསྐལ་པའི་རླུང་བྱུང་རྗེས་མེད་གཏོར། ༈ །དེ་ནི་སྲུང་ཟློག་དམིགས་རིམ་བསྡུས་པ་ལ། །དེ་ལ་ཡི་གེ་བཅུ་བཞིའི་བཟླས་ཆོག་གི །གོ་ལྡོག་ནང་འགྲས་མིན་པ་མི་དགོས་སོ། །དགོང་མོ་ནུབ་ཏུ་ཁ་བལྟས་ཕྲེང་བ་ནི། །ཕྱིར་ལ་བཅད་ཅིང་དམིགས་པ་བྱ་ཚུལ་ནི། །ཕྲེང་བ་དགྲ་བོ་དངོས་སུ་དམིགས་བྱས་ལ། །མཐེ་བོང་
ཟངས་ཀྱི་སྤུ་གྲི་རྣོ་ངར་ཅན། །གུང་མཛུབ་གསེར་གྱི་ཙག་གདན་ཡིན་པའི་བར། །དགྲ་མགོ་ཧྲུག་ཧྲུག་བཅད་ནས་འཕང་བ་དེ། །མདུན་དུ་ས་དོང་གྲུ་གསུམ་རྒྱ་ཆེ་བ་། །དེ་ནང་ལས་ཀྱི་གཤིན་རྗེ་ཁ་གདངས་པའི། །ནང་དུ་དགྲ་མགོ་ཧྲུག་ཧྲུག་སོང་བར་བསམ། །དེ་ནི་རྒྱུན་གྱི་ཟློག་པ་ཡིན་མོད་ཀྱི། ན་མོ་བླ་མ་སངས་རྒྱས་ཆོས་སོགས་བདེན་བདར་རྗེས། སྤྲོ་ན། བྱད་ཁ་དྲག་པོ་ཡོད་པ་ལྟ་བུ་ལ། །ཉེར་དགུ་ལ་སོགས་ཐེབ་ནི་དྲག་པོའི་དུས། །སྐུ་གསུང་ཐུགས་རྟེན་ཀ་བའི་ལོགས་ལ་བཅིངས། །དེ་ནས་བསྐོར་བ་གཡོན་དུ་བྱ་བཞིན་དུ། །གོས་ཀྱང་མགོ་མཇུག་ལྡོག་ནས་གྱོན་བྱ་ཞིང་། །ཕྲེང་བ་ཕྱིར་བཅད་དམིགས་པ་དེ་བསྒོམ་ཞིང་། །ཡི་གེ་བཅུ་བཞི་པ་ཡི་སྔགས་ཤམ་དུ། ཧྲཱིཿཧཱུྃ་བྷྱོ༔བཟློག་ཕཊ༔ཡ༔ར༔མ༔ས༔ར༔ད༔ཙ༔ར༔མ༔ས༔ཀ༔ཨ༔ དེ་ནས་བདེན་བདར་རྒྱས་བསྡུས་གང་རུང་མཇུག །ཕྱག་གཡས་གནམ་ལྕགས་འཁོར་ལོ་རྩིབས་སྟོང་པ། །ལྟེ་བར་ཉི་མས་མཚན་ཞིང་མེ་དཔུང་འབར། །གཡོན་པའང་རྩིབས་སྟོང་མཐིལ་དུ་ཟླ་བོས་མཚན། །དེ་ལས་བསྐལ་པའི་ཆུ་བོ་རྦ་རླབས་འཁྲུགས། །རང་གི་ཤངས་ནས་རླུང་ནག་འཚུབ་མ་འཕྲོས། །གནོད་བྱེད་ཀུན་བཀུག་ལག་མཐིལ་གཡོན་དུ་བཞག །ཉི་ཟླ་བརྡབས་པས་ཤ་སྐྱོ་ཁྲག་སྐྱོར་གྱུར། །བསྐལ་པའི་
མེས་བསྲེགས་ཆུས་བཀྲུས་ཐལ་འཛིམས་དེ། །མདུན་དུ་དོང་ནང་གཤིན་རྗེའི་ཁར་སོང་དམིགས། །འདི་ནི་གཉན་པས་མང་དུ་མི་རུང་གསུངས། །དེ་ནི་ཟློག་པའི་དམིགས་རིམ་མདོར་བསྡུས་ཏེ། །དགྲ་བོ་བསད་དང་བརླགས་དང་རྣམ་པ་གཉིས། །མདུན་དུ་ཤི་ང་རྡུལ་ནང་དུ་ཤིང་བུ་ཡི། ཧཱིཧཾ་བྷྱོ་བཟློག་ཚར་གསུམ་བྲིས་ནས་ཀྱང་། །དེ་ཉིད་དགྲ་བོ་མི་ནོར་འཁོར་བཅས་དམིགས། །ཡི་གེ་བཅུ་བཞི་པ་ཡི་མཇུག་ཉིད་དུ། །ཧཱུྃཧཱུྃ་བྷྱོབཟློག་སྦྱར་བ་ཚར་བརྒྱ་བཟླས། །ཕུ་བྱས་ཡི་གེ་དེ་ཉིད་བསྣོག་པའི་ཚེ། །དགྲ་བོ་མི་ནོར་འཁོར་དང་བཅས་པ་རྣམས། །ཐལ་བ་རླུང་གིས་གཏོར་ལྟར་རྗེས་མེད་བསམ། །དེ་ནི་དགྲ་བོ་རྗེས་མེད་བརླག་ཐབས་སོ། །རང་ཉིད་ཌཱཀིར་གསལ་བའི་འོག་ཕྱོགས་སུ། །གནམ་ལྕགས་ཧོམ་ཁུང་གྲུ་གསུམ་མེ་འབར་ནང་། །སྤྲུལ་པའི་མཁའ་འགྲོ་མང་པོས་དགྲ་བོ་བཀུག །མཚོན་ཆའི་ཆར་ཕབ་ལུས་ནི་དུམ་བུར་གཏུབ། །སྲོག་དང་རྣམ་ཤེས་མར་མེ་བསད་པ་ལྟར། །ནག་དང་སྐེམ་ལ་མེད་སོང་ཡང་ཡང་དམིགས། །ཡི་གེ་བཅུ་བཞི་པ་ཡི་སྔགས་ཤམ་དུ། ཡམར༔ཏྲ༔ཤདརསམར༔ ཡཕཊ༔ སོད་སོད། ཅེས་བཟླས་སྔགས་དམིགས་ཁོ་ནས་ཆོག་པ་སྟེ། །འདི་ཡི་ལུགས་ཀྱི་བསད་ལས་གཙོ་བོ་ཡིན། །སྨྱོན་པ་ལ་སོགས་གདོན་ཆེན་འདུལ་འདོད་ན། །ཕཊ༔ཅེས་བརྗོད་པས་སྐད་ཅིག་དྲན་
རྫོགས་སུ། །ངོ་བོ་སེང་གདོང་ལྷ་མོ་ཡིན་པ་ལ། །རང་ཉིད་གནམ་ལྕགས་སྡིག་པ་མགོ་དགུ་པ། །རྭ་ནི་བཅོ་བརྒྱད་ལུས་པོ་གཉེར་མས་གང་། །གཉེར་མའི་གསེབ་ནས་ཁ་གདངས་མཆེ་བ་གཙིགས། །མགོ་བོ་རེ་ལ་སྤྱན་གསུམ་སྡང་མིག་བགྲད། །བ་སྤུ་ཐམས་ཅད་དུག་གི་ཚེར་མ་ཅན། །དྲི་མ་མི་ཞིམ་དཔག་ཚད་རྒྱང་གྲགས་ཁྱབ། །ལུས་ཀྱང་ཆེ་བ་རི་རབ་ཙམ་དུ་བསམ། །དེ་ལས་སྡིག་པ་ཆུང་ངུ་གྲངས་མེད་འཕྲོས། །གནོད་བྱེད་གདོན་དེ་བཀུག་ཅིང་གཏུབ་ནས་ཀྱང་། །ཤིན་ཏུ་ཐུལ་དཀའ་སྨྱོ་རྒོད་ལ་སོགས་པ། །སྡིག་པ་འོག་སྒོར་ཞུགས་ནས་ཁོག་པ་བརྐྱང་། །རྭ་གཉིས་ཕྲག་པ་གཡས་གཡོན་གཉིས་ནས་ཕུད། །མགོ་དེས་སྙིང་ནས་འདྲད་ཅིང་ཟ་བར་བསྒོམ། །དམིགས་པ་འདི་ཉིད་དྲག་ཏུ་བསྒོམས་པ་ཡིས། །ཞག་གསུམ་ནང་ནས་ཐུལ་རྟགས་ལག་བླངས་ཡིན། །བསྙེན་པའི་སྔགས་ནི་ཡི་གེ་བཅུ་བཞི་པ། །གནོད་བྱེད་མཱ་ར་ཡ་ཕཊབཏགས་ལ་བཟླས། །རྡོ་རྗེ་གོ་མཚོན་ཟབ་གནད་ཞལ་ཤེས་འདི། །དཔལ་ལྡན་བླ་མ་དྲུང་པ་ཚེར་ལུང་པ། །ཀརྨ་སྒྲུབ་བརྒྱུད་བསྟན་པ་རྣམ་རྒྱལ་གྱི། །གསུང་གིས་བསྐུལ་ཕྱིར་རཱ་ག་ཨ་སྱས་བྲིས།།
ཤོག་སྟོང་།