སེང་གདོང་ཌཱཀིའི་ཟློག་པའི་ལས་མཐའ་སྦྱིན་སྲེག་ཞལ་ཤེས།
ན་མོ་ཌཱཀི་སེང་ཧ་མུ་ཁ་ཡེ། སེང་གདོང་ཊཱཀིའི་ཟློག་པའི་ལས་མཐའ་ནི། །སྦྱིན་སྲེག་མེ་ཡི་སྤུ་གྲིའི་ཞལ་ཤེས་རྣམས། །སྔོན་ཆད་ཡི་གེ་མེད་པ་ཡི་གེར་བཀོད། །ཆོས་བདག་ཌཱཀིས་བཀའ་ཡིས་གནང་བ་སྩོལ། །ཟངས་ལྕགས་སྣོད་དུ་གཏོར་མ་ཟུར་གསུམ་ནི། །བྲ་སྲན་འབྲུ་ནག་བསྲེས་པའི་ཟན་ལ་བཅལ། །དེ་ཡི་སུམ་གཉིས་འཕྲད་དུ་བཅད་བྱས་ལ། །སྨད་དེ་གྲུ་གསུམ་ཧོ་ཁུང་གཟུགས་སུ་བྱས། །དེ་ནང་ལིངྒ་དཔེའུ་རིས་ལྟར་བཅུག །སྟོད་སྨད་མཚམས་སྦྱར་ཁྲག་གིས་དམར་ནག་བྱུགས། །ཕྱོགས་བཞིར་གཏོར་ཆུང་ཟུར་གསུམ་བཞི་ཡང་བཞག །ཤ་ཁྲག་མར་རྒྱན་མེ་རི་བཅས་པ་བྱ། །དབུ་ཕྱག་གྲངས་ཀྱི་རྩང་ཐུར་བཙུགས་བྱས་ལ། །མཚེ་དང་ཡུངས་དཀར་ནག་གིས་བརྒྱན་པར་བྱ། །མདུན་དུ་སྟེགས་སམ་གང་བདེའི་ས་རུ་བཞག །གཏོར་མའི་རྩེ་ནི་ལྷ་མོ་གཙོ་འཁོར་ལ། །སྐེད་པ་དྲག་པོའི་མཆོད་སྤྲིན་རྒྱ་མཚོར་དམིགས། །སྨད་ནི་གྲུ་གསུམ་ལྕགས་ཁང་འབར་བའི་ནང་། །ལིངྒ་བྱད་མ་མགོ་ཐུར་མནན་པར་དམིགས། །བཀུག་གཞུག་སྤྱི་ལྟར་ཡང་ཡང་བྱས་པའི་རྗེས། །དམིགས་པ་བདག་མདུན་ལྷ་མོའི་འོད་ཟེར་ལས། །ཕཊ་ཡིག་བྱོན་ཏེ་ཁོ་ཡི་གསང་ལམ་
ཞུགས། །སྙིང་ཁར་ཕྱིན་པས་གནམ་ལྕགས་འཁོང་ལོའི་སྟེང་། །འོག་མ་ཟངས་ལས་གྲུབ་པའི་འཁོར་ལོ་གཉིས། །རྩིབས་ནི་བཅུ་བཞི་རྣོ་ངར་སྤུ་གྲི་འདྲ། །སྟེང་མ་གཡས་དང་འོག་མ་གཡོན་དུ་འཁོར། །དང་པོ་འཁོར་ལོ་ཆུང་ངུ་གཉིས་ཡིན་པ། །ཁོ་ཡི་སྲོག་རྩྭ་ལྗང་མིག་ནང་དུ་འཁོར། །ཚིགས་མིག་ཆད་པས་འཁོར་ལོ་ཇེ་ཆེར་བསྐྱེད། །ཤ་ཁྲག་དོན་སྙིང་དབང་པོ་ཐམས་ཅད་གཏུབ། །དམར་ཉིལ་སོང་བ་གཏོར་མའི་སྨད་དང་འདྲེས། །སེང་གདོང་ལྷ་མོ་ཌཱཀི་བྱེ་བ་ཡིས། །བྱ་རྒོད་ཐེད་ལ་རུབ་བཞིན་གསོལ་བར་བསམ། །ཡི་གེ་བཅུ་བཞི་པ་ཡི་སྔགས་ཤམ་དུ། །གཞུང་གི་ཁཱ་ཧིའི་སྔགས་ཀྱིས་གཏོར་མ་བསྔོ། །དེ་དག་ཞག་གྲངས་ཚང་ངམ་རྟགས་ཐོན་དུས། །རྒྱུ་ལྡོག་ལེགས་པར་བརྩིས་ལ་དགྲ་ཕྱོགས་སུ། །གཏོར་མ་འཕང་ཞིང་དམོད་བཅོལ་གང་ཤེས་བྱ། །ལིང་རོ་དེ་ཉིད་མནན་པ་བྱ་བའམ། །ཡང་ན་ཡུངས་ཀར་སྦྱིན་སྲེག་ནང་དུ་ཕུལ། །དེ་ནི་གཏོར་མའི་ཞལ་གདམས་ཨྠྀིནརྒྱ། ༈ དེ་ནས་ལིངྒ་བྲི་ཚུལ་སྤྱི་ལྟར་ལ། །ཤོག་བུ་ལ་ནི་བོང་ང་སྐམ་པོ་བྱུག །དེ་སྟེང་སྣག་ཚ་གཙང་མའི་ནང་དུ་ནི། །བཙན་དུག་གྲི་ཁྲག་ཞད་ཙམ་བསྲེས་བྱས་ལ། །ལིངྒ་བྲི་ཚུལ་སྤྱི་དང་མཚུངས་པ་
ལགས། །སྙིང་ཁར་ནི་ཡིག་ཆེན་པོ་གཅིག་གི་ནི། །ཀྲྀ་ཡི་མིག་ཏུ་འཁོར་ལོ་རྩིབས་བཅུ་བཞི། །བརྡ་མཚོན་སེན་མོ་ཙམ་ཞིག་བྲིས་པའི་དབུས། །ཡི་གེ་ཕཊ་ནི་ནག་པོ་བྲི་བར་བྱ། །ནི་མཐར་མིང་ཡིག་གང་དགོས་བྲི་བ་དང་། །དམིགས་ཡུལ་ངེས་པ་མེད་ན་སྤྱི་མིང་སྟེ། །གནོད་བྱེད་དགྲ་བགེགས་བྱད་མ་ཞེས་པའམ། །ཚེ་བསོད་སྲོག་ལ་བར་དུ་གཅོད་པ་ཡི། །སྒབ་འདྲེ་དམ་སྲི་ལ་སོགས་སྤྱི་མིང་བྲི། །དེ་རྒྱབ་བླ་ཤ་རེ་མ་ཏི་ལ་སོགས། །བླ་འགུགས་སྤྱི་ཡི་སྔགས་ཀྱིས་བསྐོར་བར་བྱ། །ཡན་ལག་འབྲུ་བཞི་ལ་སོགས་སྤྱི་དང་མཚུངས། །ལིངྒའི་རྒྱབ་ནས་ཡི་གེ་མགོ་ནང་བསྟན། །བསད་སྔགས་ཡིག་འབྲུ་བཅུ་བཞི་པ་དེ་ཉིད། །བཅུད་གཅིག་མ་འཁོར་བར་དུ་ཤོང་བར་བྲི། །དེ་རྒྱབ་ཛཿདང་ཁྲམ་གྱིས་འཁོར་བར་བསྐོར། །ལིང་ཁྲུས་འགུགས་གཞུག་ལྷ་དབྱེ་ལྟེབ་ཆག་སྤྱི་དང་མཚུངས། །ཚོན་སྐུད་ཤི་སྐྲ་ཁྱི་རའི་སྐུད་པ་གསུམ། །གང་འཛོམ་རྒྱ་གྲམ་བཅིང་ལ་གཏོར་མར་བཅུག །དེ་ནས་ལིངྒའི་ཞལ་གདམསཨྠྀི་རྒྱ། ༈ །སྔགས་ནི་རིམ་གྲོ་སྲུང་ཟློག་ཁོ་ན་ལ། །གཞུང་ལྟར་ཡི་གེ་བཅུ་བཞི་པ་ཡི་མཇུག །གནོད་བྱེད་དགྲ་བགེགས་བྱད་མ་མཱ་ར་ཡ་ཕཊ༔ ཅེས་པ་
ཁོ་ན་བགྲངས་བས་ཆོག་པ་ཡིན། །ལྷ་མོ་འདི་ཉིད་ཡི་དམ་བྱས་པ་ཡི། །སྔགས་པ་གཞན་དང་ནང་འགྲས་བྱུང་བ་ན། ཨ༔ཀ༔ས༔མ༔ར༔ཙ༔གཞུང་ལྟར་དང་། །དེ་མཐར་ཕཊཡར༔མསསོགས་གོ་ལྡོག་དང་། །གནོད་བྱེད་བྱེད་མ་མཱ་ར་ཡ་ཕཊ ཋསོགས་སྔགས་ཚན་གསུམ། །སྦྲེལ་མར་བཟླས་པ་དེ་ནི་མན་ངག་ཡིན། །དེ་དག་བཟློག་པ་ཁོ་ན་གཙོ་བོ་སྟེ། །བསད་པ་ཉིད་ལ་གཙོ་བོ་བྱེད་འདོད་ན། །དགོང་མོ་ནས་ནི་བསད་སྔགས་འདི་ཉིད་བཟླས། །ཡམརུཎ༔ཤདར༔ས༔མ༔ར༔ཡ༔ཕཊསོདསོད༔ སོད་སོད་གོང་དུ་གནོད་བྱེད་དགྲ་བགེགས་སོགས། །མིང་སྤེལ་བཅས་པ་བཟླ་བ་མན་ངག་ཡིན། །དམིགས་པ་གོང་གི་འཁོར་ལོ་བསྐོར་དམིགས་གཉིས། །དེ་ནི་སྔགས་ཀྱི་ཞལ་ཤེསཨྠྀི་རྒྱ། །དེ་དག་ངེས་པར་རྟགས་ཐོན་བྱེད་ན་སྟེ། །དེ་མིན་རང་གི་སྲུང་ཟློག་ཙམ་ལ་ནི། །གཏོར་མ་ལིངྒ་མི་དགོས་སྦྱིན་སྲེག་ཆོག །དེ་ཡང་བཟློག་ནི་མེད་པའི་དུས་སུ་སྟེ། །ཉི་ནག་མེད་དུས་ལ་སོགས་དྲག་པོའི་དུས། །ཉིན་གཅིག་ལ་ཡང་ཚར་གྲངས་དུ་ཐོན་བླུག །ཡུངས་ཀར་བརྒྱ་རྩ་མཆོད་བསྟོད་རྩི་བྱ་སྟེ། །སྦྱིན་སྲེག་ཚར་གཅིག་ཡིན་པ་ཤེས་པར་བྱ། །མང་དུ་བླུགས་ན་མཐར་
ཡང་མི་བསྡུ་བཞག །མཐར་ནི་རང་ལ་བསྟིམ་སོགས་གཞུང་ལྟར་རོ། །དེ་ནི་ཞལ་ཤེས་ཡོངས་སུ་རྫོགས་པའོ། །སྦ་འོས་གསལ་བཀོད་ཉེས་པ་ལྷ་ལ་བཤགས། །དགེ་བས་དཀོན་མཆོག་དབུ་འཕང་མཐོ་བ་དང་། །བསྟན་འཛིན་སྐྱེས་བུ་སྐུ་ཚེ་བརྟན་གྱུར་ཅིག །འབྲི་གུང་ལུགས་ནས་རཱ་ག་ཨ་སྱས་བྲིས།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།
ཤོག་སྟོང་།