གསང་སྒྲུབ་ཁྲོ་མོ་རོལ་པའི་གཏོར་ཟློག
བཅོམ་་་ཨོ་རྒྱན་གྱིས་མཛད། ལྡན་འདས་་་་ཅིག་སྒྲུབ། རྡོ་རྗེ་ཕག་མོ་ཁྲོས་མ་གསང་བ་ལྷ་ལྔ། ནག་མོའི་གསང་སྒྲུབ་་་མཁའ་འགྲོའི་བླ་རྡོ་བཅང་བ། ཁྲོ་མོ་་་ལྷ་བཅུ་གསུམ་མ་རཏྣ་གླིང་པས་བྱས་པའི་ཉང་གཏེང་མན་ངག་ཁ་བཀང་། རོལ་པའི་གཏོར་ཟློག་ལེའུ་བཅུ་གསུམ་པ་ཟབ་པའི་མཐར་ཐུགག་བཞུགས་སོ༔ ཤིན་ཏུ་དྲག་པོའི་ལས་ཕྱིར་བཅའ་ཤེས་པ་དགོས། གསང་ལ་སྤྱོད་དང་དངོས་གྲུབ་ལེགས་པ་ཐོབ། མནྡྷ་གུ་ཧུ་ཞེས་པའི་བརྡ་སྦྱར་བའོ༔ ཟབ་པའི་སྔགས་བླ་མེད་དོ༔
ཨུ་རྒྱན་སྐད་དུ༔ མ་ཏྲི་ཛིན་མུ་ཏྲ་ས་ན་དྷ༔ མཁའ་འགྲོའི་བརྡ་སྐད་དུ༔ མ་ཧོ་ཀ་ལི་མ་ལ་ནི༔ རྒྱ་གར་སྐད་དུ༔ བཛྲ་དྷཱ་ཀི་ནཱི་བྷ་ར་ཧི་ཀྲོ་ཏི་ཀཱ་ལི་གུ་ཧྱ་སནྡྷ་སརྦ་ཡཀྵ་ཟློག་ལ་ཧི་ན་མ༔ བོད་ཡུལ་དུ༔ རྡོ་རྗེ་ཕག་མོ་ཁྲོས་མ་ནག་མོའི་གསང་སྒྲུབ་གཏོར་ཟློག་ཆེན་མོ་ཞེས་བྱ་བ༔ ཨུ་རྒྱན་མཁའ་འགྲོ་མ་སྲིང་རྣམས་ལ་ཕྱག་འཚལ་ལོ༔ ད་ཡང་སྐལ་པ་དང་ལྡན་པའི་རྣལ་འབྱོར་པས་ཡེ་ཤེས་ཀྱི་མཁའ་འགྲོ་མ་རྣམས་གསང་བ་ལྟར་རྡོ་རྗེ་ཕག་མོའི་སྒྲུབ་པ་ལ༔ ཁྲོ་མོ་རོལ་པའི་གཏོར་སྒྲུབ་ཡིད་བཞིན་ནོར་བུ་འདི་ལ་གསུམ་སྟེ༔ དང་པོ་དུར་ཁྲོད་དམ༔ རི་ཁྲོད་དབེན་པའི་གནས་སུ་དལ་
མདའ་གང་གི་དབུས་སུ༔ ཆོས་འབྱུང་གཉིས་བརྩེགས་ཀྱི་དབུས་སུ་ཨེ༔ ཟུར་རྣམས་སུ་གྲི་གུག་གྲུ་ཆེད་དུ་གཡུ་དྲུང་མཐར་མེ་ཏོག་སྔོན་པོས་ཚོམ་བུས་བསྐོར་བའི་དབུས་སུ༔ ཐོད་པ་དུམ་བུ་གཅིག་པ་ཚང་གིས་བཀང་བའི་ནང་དུ་ཨ་མི་ཏ་དང་༔ སིནྡྷ་ར་དང་༔ བྱང་སེམས་དཀར་དམར་སྦྱར་བ་བླུག་གོ༔ དེའི་སྟེང་དུ་མེ་ལོང་ཁ་ཆང་གིས་རླན༔ སིནྡྷ་ར་བརྩེགས་པ་ལ་སྙིང་པོ་རྣམས་བཀོད༔ དེའི་སྟེང་དུ་ཁྲོས་མའི་སྐུ་བཞག་གོ༔ མཐའ་བསྐོར་དུ་གཏོར་ཚོགས་གཞུང་བཞིན་བཀྲམ༔ ཐོད་པ་ལྟག་སྤྲོད་ཀྱི་རྔ་ནི་ཤིན་ཏུ་དོ་གལ་ཆེ༔ དེ་ནི་མཁའ་འགྲོ་སྒྲུབ་པར་གཅེས་སོ༔ སྤྲོས་མེད་བླ་རྡོ་མཆན་དུ་བཅང་ལ་སྲོག་གི་བླ་རྡོ་བསྟན་པ་ནི༔ ཤོག་བུ་བཟང་པོ་ལ་སྐར་མ་རྒྱལ་གྱི་ཉིན་པར༔ རབ་གསེར༔ འབྲིང་མཚལ༔ ཐ་མ་རྒྱ་སྣག༔ རབ་བུ་མོ་མདའ་
མ་ཕོག་པའི་དྲི་ལ་སྦྱར༔ འབྲིང་ཆང་གར་ཁུ་བས་འདུལ་ལ་མུ་ཁྱུད་གསུམ་གྱི་ལྟེ་བར། མཏྲིཧཱཕེཛཿ མཁའའགྲོམཐམསཅདདབངདུསྡུསཤིག༔ བཀའཉནལསབྱེདཔརགྱུརཅིག༔ རྩིབས་བཞི་ལ༔ ཧརིནིས༔ རྩིབས་མཆན་བཞི་ལ༔ བཛྲརཏྣཔདྨཀརྨ༔ ཀིནིཧཱུྃཛ༔ དེ་ཡི་ཕྱི་རིམ་མུ་ཁྱུད་ལ༔ རྩ་སྔགས་ལས་སྦྱོར་བཅས་པ་བྲི༔ དེ་རྒྱབ་སྐག་དང་པདྨ་རཀྟ་བྱུག༔ མཁའ་འགྲོ་བསྐྱེད་བསྟིམ་རབ་གནས་ལེགས་པར་བྱས་ལ༔ ནང་རྟེན་དུ་སིནྡྷ་ར་དང་མུ་མེན་དང་བཅས་པ་ཚོན་སྐུད་ཀྱིས་བཅིངས༔ དེ་དར་སྣ་ལྔས་དཀྲིས་ལ་ཕག་མོ་ནག་མོའི་པགས་པས་དྲིལ་ཏེ་མཆན་ཁུང་གཡོན་དུ་བཅང་ངོ་༔ ལུས་དང་གྲིབ་མ་བཞིན་དུ་ལེགས་པར་འགྲོགས་སོ༔ འཁུ་ལྡོག་མེད་ཅིང་བསྒོ་བའི་བཀའ་ཉན་ནོ༔ འདི་སྙིང་དང་འདྲ་བའི་སྔགས་འཆང་མིན་པ་ལ་གསང་ངོ་༔ ས་མ་ཡ༔ རྒྱ་རྒྱ་རྒྱ༔ ༈ བདག་བསྐྱེད་གསང་སྒྲུབ་དངོས་གཞིའི་རིམ་པ་ནི༔ བདེ་བའི་སྟན་ལ་འདུག་སྟེ༔ དཔྲལ་བར་སིན་ར་ཡི་ཐིག་ལེ་བྱུག་ལ་སྨྲ་བཅད་ལ༔ དེ་ནས་སྐྱབས་འགྲོ་སེམས་བསྐྱེད་སྔོན་དུ་སོང་ནས༔ ཨོཾ་མ་ཧཱ་ཤཱ་རྱ་ཏ་བཛྲ་ཛྷ་ན་སྭ་བྷ་ཝ་ཨཏྨ་ཀོཉཧཾ༔ སྣང་སྲིད་ཆོས་དབྱིངས་སྟོང་པའི་ངང་ལས༔ དུར་ཁྲོད་ཆེན་པོ་འབར་བའི་དབུས་སུ༔ ཆོས་འབྱུང་ཟུར་དྲུག་ཨེ་གྲུ་གསུམ་མེ་དཔུང་དམར་ནག་རབ་ཏུ་འབར་བའི་དབུས་སུ་པཾ་ལས་རོ་གདན་གྱི་སྟེང་དུ་སྐད་ཅིག་གིས་དྲན་རྫོགས་སུ་ཧཱུཾ་ལས་ཕག་
མོ་ཁྲོས་མ་ཞལ་གཅིག་ཕྱག་གཉིས༔ སྐུ་མདོག་མཐིང་ནག་སྤྱན་གསུམ་དམར་ལ་ཟླུམ་པ་མཆེ་བ་གཙིགས་པ༔ དབུ་སྐྲ་ཁམ་སེར་སྐུ་རྒྱབ་ནས་མར་འཕྱོ་བ༔ སྤྱི་གཙུག་ན་ཕག་ཞལ་ངུར་སྒྲ་སྒྲོགས་པས་སྣང་སྲིད་དབང་དུ་སྡུད་ཅིང་ཁམས་གསུམ་ཟིལ་གྱིས་མནན་པ༔ མ་མོ་མཁའ་འགྲོ་ཐམས་ཅད་རང་དབང་མེད་པར་དབང་དུ་འདུ་བ༔ ཕྱག་གཡས་གྲི་གུག་ནམ་མཁའ་ལ་ཕྱར་བ༔ གཡོན་པས་ཐོད་ཁྲག་ཐུགས་ཀར་འཛིན་པ༔ ཁ་ཊཾ་རྩེ་གསུམ་གྲུ་མོར་བརྟེན་པ༔ ཞབས་གཡས་བསྐུམས་པས་མཚན་མ་ལ་གཏད་པ། གཡོན་བརྐྱང་བས་རོ་ཡི་སྙིང་ཁ་ནས་མནན་པ༔ ནུ་མ་དང་བྷ་ག་རྒྱས་པ༔ གླང་ཆེན་ཀོ་བ་དང་ཞིང་ཆེན་གཡང་གཞིའི་སྟོད་གཡོགས་དང་༔ སྟག་གི་ཤམ་ཐབས་སྦྲུལ་ཆུན་མི་མགོ་ཁྲག་འཛག་པ་ལྔ་བཅུའི་དོ་ཤལ་ཅན༔ སྐུའི་བ་སྤུ་རེ་རེ་ནས་མཁའ་འགྲོ་མ་རང་འདྲ་བ་ཚོན་གང་བ་ལ༔ མེ་ཡི་ཚྭ་ཚྭ་སྐར་ལྟར་འཕྲོ་ཞིང་ཕཊ་དང་ཕོ་གྱི་སྒྲ་སྒྲོག་པ་དེ་ཡི་སྤྱི་བོ་ན༔ རྡོ་རྗེ་མཁའ་འགྲོ་མ་སྐུ་མདོག་དཀར་མོ་རང་འདྲ་གཙོ་འཁོར་སུམ་བརྒྱ་དང་དྲུག་ཅུ༔ གཡས་ཐམས་ཅད་རྡོ་རྗེ་གྲི་གུག༔ གཡོན་ཐམས་ཅད་ཐོད་ཁྲག་བསྣམས་པ༔ མགྲིན་པར་རིན་
ཆེན་མཁའ་འགྲོ་མ་སྐུ་མདོག་སེར་མོ་གཙོ་འཁོར་བཅུ་དྲུག༔ གཡས་ཐམས་ཅད་རིན་ཆེན་གྲི་གུག༔ གཡོན་ཐམས་ཅད་ཐོད་ཁྲག་བསྣམས་པ༔ ཐུགས་ཀར་སངས་རྒྱས་མཁའ་འགྲོ་མ་མཐིང་ནག་གཙོ་འཁོར་སུམ་ཅུ་རྩ་གཉིས༔ གཡས་ཐམས་ཅད་འཁོར་ལོ་གྲི་གུག༔ གཡོན་ཐམས་ཅད་ཐོད་ཁྲག་བསྣམས་པ༔ ལྟེ་བར་པདྨ་མཁའ་འགྲོ་མ་སྐུ་མདོག་དམར་མོ༔ གཙོ་འཁོར་དྲུག་ཅུ་རྩ་བཞི༔ གཡས་ཐམས་ཅད་པདྨའི་གྲི་གུག་གཡོན་ཐམས་ཅད་ཐོད་ཁྲག་བསྣམས་པ༔ གསང་གནས་སུ་ལས་ཀྱི་མཁའ་འགྲོ་མ་སྐུ་མདོག་ལྗང་ཁུ་གཙོ་འཁོར་ཉི་ཤུ་རྩ་བརྒྱད་གཡས་ཐམས་ཅད་རྒྱ་གྲམ་གྲི་གུག་གཡོན་ཐམས་ཅད་ཐོད་ཁྲག་བསྣམས་པའོ༔ དེ་ལྟར་གསལ་བའི་བདག་ཉིད་ཀྱི་སྙིང་གྱེན་དུ་ལོག་པའི་དབུས་སུ་པདྨ་ཕྱོགས་མཐུན་འདབ་བཞིའི་ལྟེ་བར་གསང་བ་ཐུགས་ཀྱི་ཕག་མོ་ལྷ་ལྔ་བསྐྱེད་དེ༔ པདྨའི་ཟེའུ་འབྲུར་སངས་རྒྱས་མཁའ་འགྲོ་མ་མཐིང་ཀ༔ མདུན་དུ་རྡོ་རྗེ་མཁའ་འགྲོ་མ་དཀར་མོ༔ གཡས་སུ་རིན་ཆེན་མཁའ་འགྲོ་མ་སེར་མོ༔ རྒྱབ་ཏུ་པདྨ་མཁའ་འགྲོ་མ་དམར་མོ༔ གཡོན་དུ་ལས་ཀྱི་མཁའ་འགྲོ་མ་ལྗང་གུ་དེ་རྣམས་ཀྱང་གཡས་གྲི་གུག་དང་༔ གཡོན་
ཐོད་ཁྲག༔ རྒྱན་ཆ་ལུགས་རྣམས་གཙོ་མོ་དང་མཚུངས་པའོ༔ དེ་དག་ཐམས་ཅད་ཀྱི་ཐུགས་ཀར་ཉི་ཟླའི་དཀྱིལ་འཁོར་མཚན་པ་རེ་རེའི་དབུས་སུ་སངས་རྒྱས་མཁའ་འགྲོ་མ་ཧཱུྃ་དང་མ༔ རྡོ་རྗེ་མཁའ་འགྲོ་མ་ཧ༔ རིན་ཆེན་མཁའ་འགྲོ་མ་རི༔ པདྨ་མཁའ་འགྲོ་མ་ནི༔ ལས་ཀྱི་མཁའ་འགྲོ་མ་ས༔ དེ་རྣམས་རེ་རེ་ལའང་རང་རང་གི་ས་བོན་ལ་སྔགས་ཀྱིས་བསྐོར་བར་བསྒོམ་མོ༔ དེ་ལྟར་གསལ་བ་ནན་གྱིས་བསྐྱེད་ནས༔ ངག་ཏུ༔ ཧཱུྃ་ཧཱུྃ་ཧཱུྃ༔ མ་ཧ་རི་ནི་ས་ཕེ་ཕོ་ས་མ་ཡ་ཛ་ཛཿ ཞེས་བརྗོད་པས༔ ལྷ་རང་རང་གི་ཐུགས་ཀའི་ས་བོན་ལས་འོད་ཟེར་འཕྲོས་པས༔ འོག་མིན་གནས་ནས་ཡེ་ཤེས་ཀྱི་ལྷ་དང་མཁའ་འགྲོ་རྣམས་ཀྱང་རང་སྒྲ་ཏི་རི་རི་ནམ་མཁའ་ལ་བྱོན་ནས་སླར་བདག་དམ་ཚིག་པ་ལ་སོ་སོར་དབྱེར་མེད་དུ་ཐུགས་ཀྱི་བྱིན་གྱིས་བརླབས༔ ཡེ་ཤེས་ལྔ་ཡི་དབང་བསྐུར་བས་ལྷ་ཐམས་ཅད་ཀྱིས་ཕག་སྐད་དུས་གཅིག་ལ་བསྒྲགས་པས་སྟོང་གསུམ་ཐམས་ཅད་འུར་འུར་ཆོམ་ཆོམ་ལྡིག་ལྡོག་དུ་གྱུར་ནས་རང་དབང་མེད་པར་བདག་གི་དབང་དུ་འདུས་ཤིང་༔ མཁའ་འགྲོ་མ་རྣམས་ཀྱིས་ཕྲིན་ལས་རྣམ་བཞི་དུས་གཅིག་ལ་སྒྲུབ་ཅིང་༔ ལྷ་སྲིན་སྡེ་བརྒྱད་ཀྱིས་
བཀའ་ཉན་ལས་བྱེད་སྙིང་པོ་ཕུལ་བར་གྱུར་པར་བསམ་མོ༔ གཞལ་ཡས་ཁང་དང་རང་གི་རྩ་གནས་ཐམས་ཅད་ནས་མཁའ་འགྲོ་མ་ཏིལ་གྱི་སྒང་བུ་ཁ་བྱེ་བ་ལྟར་གནས་པར་བསམ་མོ༔ དེ་ཡང་ཤིན་ཏུ་ཟབ་པའི་སྔགས་བཟླ་བར་བྱའོ༔ སྟེང་རླུང་བར་རླུང་ཕོ་སྨད་དུ་བཟུང་བར་བྱ་སྟེ༔ ལྟོ་བ་རྒྱང་སྐེད་པ་ཅུང་ཟད་ཉག་ཁ་བྱས་ནས་སྟེང་རླུང་དང་འོག་རླུང་རང་སོར་བཞག་ཅིང་དམིགས་པ་སྙིང་གི་ཕག་མོ་ལྔ་ལ་གཏད་ཅིང་རླུང་རབ་ཏུ་སྦྱངས་བ་ཡིན་ན་འཁོར་ལོ་དང་རྩ་གནས་ཀྱི་མཁའ་འགྲོ་མ་ཐམས་ཅད་རབ་ཏུ་གཅུན་པས་ཀུན་གྱིས་སྔགས་དི་རི་རི་བཟླ་བར་བསམ་མོ༔ ཨོཾ་བཛྲ་བྷ་ར་ཧི༔ ཀྲོ་ཏི་ཀཱ་ལི་ཧ་རི་ནི་ས༔ ཨཱ་ཝེ་ཤ་ཡ་ཙིཏྟ་ཧཱུྃ་ཧཱུྃ་ཛ་ཛཿ ཞེས་བཟླས་པས་རྟགས་དང་བྱིན་རླབས་བསམ་གྱིས་མི་ཁྱབ་པ་འབྱུང་ཞིང་སྐབས་སུ་བར་རླུང་བཟུང་བའི་ངང་ནས་སྐེད་པ་གཡས་དང་གཡོན་དུ་བསྐོར་ནས་ལྷ་རྣམས་ཀྱང་དེ་བཞིན་འཁོར་ཞིང་གནད་ནས་བསྐུལ་བས་རང་སྔགས་ཏི་རི་རི་བཟླ་བར་བསྒོམས་ལ་རྟགས་དང་ཡོན་ཏན་བསམ་གྱིས་མི་ཁྱབ་སྟེ་མྱུར་དུ་འགྲུབ་པར་འགྱུར་རོ༔ ས་མ་ཡ༔ རྒྱ་རྒྱ་རྒྱ༔ མནྡྷ༔ ཀླུ་བྱ་ཁ་ཐཾ༔ མངྒ་ལཾ༔ ཨོཾ༔ ན་མ་ཤི་ཀྲོ་ཏི་ཀཱ་ལི་ཡེ༔ རྡོ་རྗེ་ཕག་མོ་ཉིད་ལ་གུས་བཏུད་ནས༔ ཁྲོས་མ་ནག་མོའི་ཁྲོ་མོ་རོལ་པའི་གཏོར་ཟློག་བྲི༔ མཁའ་འགྲོའི་བཀའ་གནང་སྲུང་མས་མཐུན་རྐྱེན་སྒྲུབས༔ སྦྱོར་དངོས་རྗེས་གསུམ་ཟིན་བྲིས་འདི་ལྟར་རོ༔ དེ་ལའང་རྣལ་འབྱོར་པ་གང་གིས་ཀྱང་འདི་
ཉམས་སུ་ལེན་ན་འདི་ལྟར་རོ༔ ཡེ་ཤེས་མཁའ་འགྲོའི་གསང་སྒྲུབ་ཀྱི་དབང་བཀའ་ལུང་ལེགས་པར་མནོས་ཤིང་༔ དམ་ཚིག་གཞུང་ལྟར་བསྲུང་ནུས་ཤིང་བསྙེན་སྒྲུབ་རྟགས་མཚན་ལྡན་པས་བྱར་གཏུབ་བོ༔ རབ་བསྙེན་སྒྲུབ་ལྟ་བུའམ༔ འབྲིང་ཟློག་ཐབས་སམ༔ ཐ་མ་ཟོར་ཐབས་ཙམ་གྱིས་ཁྲོ་མོ་རོལ་པའི་གཏོར་ཟློག་བྱ་སྟེ༔ དང་པོ་སྦྱོར་བ༔ གཉིས་པ་སྟ་གོན༔ གསུམ་པ་མདུན་བསྐྱེད་སྒྲུབ་པ༔ བཞི་པ་ཚོགས་ཀྱིས་དགྱེས་པར་བྱ་བ༔ ལྔ་པ་བསྐུལ་པ༔ དྲུག་པ་བསྒྲལ་བ༔ བདུན་པ་ཟློག་པའི་གཞུང་བསྲང་བ༔ བརྒྱད་པ་ཁ་བསྒྱུར་བྱ་བ༔ དགུ་པ་གནད་གདམ་དགུ་བསྟན་པ༔ བཅུ་པ་ཆད་ཐོ་སྲུང་མ་བསྐུལ་བ༔ བཅུ་གཅིག་བརྟན་མ་སྐྱོང་བ༔ བཅུ་གཉིས་པ་ཟོར་བརྡེག་ཅིང་ལས་ལ་ཆད་པ༔ བཅུ་གསུམ་པ་རྟ་བྲོ་དང་རྗེས་ཀྱི་བྱ་བ་དང་བཅས་པའོ༔ དོན་བཅུ་གསུམ་པ་དང་པོའི་སྦྱོར་བ་ལ༔ ཐོག་མར་བླ་མ་ཡི་དམ་མཁའ་འགྲོ་ཆོས་སྐྱོང་ནོར་ལྷ་སྤྱི་གཏོར་སོགས་གོང་དང་འདྲ་བ་རྒྱས་པར་བཤམས་ལ༔ གཏོར་ཟློག་གི་དངོས་གཞི་ལ༔ ཟངས་ལྕགས་བྷནྡྷའི་སྣོད་དུ་དུར་ཁྲོད་ཀྱི་སས་བཀང་ལ་དཀྱིལ་འཁོར་དཔེའུ་རིས་ལྟར་བྲིས་ལ༔ ལྷ་བཅུ་གསུམ་གྱི་གཏོར་མ་གྲུ་གང་ཡན་ཆད་ལེགས་པར་ཁྲག་སྣས་བསྣོས༔ དེ་ལ་བསྐང་འབྲས་ཁྲག་ཀྱུ་བདུད་རྩི་གཏོར་མ་ལ་རྩང་བཅུ་གསུམ་ཡན་ཆད་ཀྱིས་བརྒྱན་པ་ཟློག་བྱང་ཙཀྲ་གནད་གདམ་དང་བཅས་པ་རྣམས་གཟུགས་སོ༔ ཉ་བོ་མིང་རུས་སམ་གཟུགས༔ ཤ་ཁྲག་གཏོར་མ་མང་དུ་བཤམས་ལ༔ བཀའ་སྲུང་བསྐུལ་པའི་ཟུར་གསུམ༔
དཀར་གཏོར་ལྔ༔ གཞི་བདག་བརྟན་སྐྱོང་རྣམས་བྱ༔ ཟོར་ཆུང་བརྒྱ་ལས་མི་ཉུང་བ་ཁྲག་གིས་སྣོས༔ དེ་དག་ལ་དར་ནག་གིས་གདུགས་ཕུབ་ལ་ཞིང་གི་གདན་བཏིང་༔ སྤྱན་གཟིགས་སྐུ་གསུང་ཐུགས་རྟེན་བཀྲམ༔ ཐོད་རྔ་ཆ་ལང་རྐང་གླིང་ཌཱ་དྲིལ་ལ་སོགས་རོལ་མོ་དུ་མ་འཁྲོལ༔ གཉིས་པ་སྟ་གོན་བྱ་བ་ནི༔ གཞི་བདག་དང་བགེགས་ལ་སྤྱི་ལྟར་བཀའ་སྒོས༔ སྲུང་འཁོར་བསྒོམ་ལ༔ བདག་བསྐྱེད་ཡི་དམ་ཞི་དྲག་གང་རུང་མཁའ་འགྲོས་ལས་གཞུང་བསྲང་༔ ཆོས་སྐྱོང་རྣམས་རྫོགས་ནས་བདག་བསྐྱེད་གོང་གི་ཕག་མོའི་གསང་སྒྲུབ་བསྙེན་ཚད་དང་ལྡན་པར་བྱས་ལ༔ གསུམ་པ་མདུན་བསྐྱེད་མཆོད་རྫས་བསངས་སྦྱངས་བྱས་ལ༔ རང་ཉིད་ཁྲོས་མར་གསལ་བཏབ་ལ༔ ཨོཾ་ཨ་མྲྀ་ཏེ་ཧཱུྃ་ཕཊ༔ ཨོཾ་སྭ་བྷ་ཝས་སྦྱང་༔ སྟོང་པའི་ངང་ལས་ཕྱི་ནང་གསང་བའི་མཆོད་རྫས་རྣམས་ལ་བསྒྲུབ་རྫས་བསྐང་རྫ་ས་ཐམས་ཅད་དྭངས་ཤིང་ཐོགས་པ་མེད་པ་ས་དང་ནམ་མཁའ་བར་སྣང་ཐམས་ཅད་ཁྱབ་པ༔ ངོ་བོ་སྟོང་ཞིང་རྣམ་པ་མཆོད་རྫས་སོ་སོར་སྣང་བ་བྱེད་ལས་དབང་པོ་དྲུག་གི་སྤྱོད་ཡུལ་ཟག་པ་མེད་པའི་བདེ་བ་ཁྱད་པར་ཅན་བསྐྱེད་པ་རྣམས་སུ་གྱུར༔ མཆོད་པའི་སྔགས་རྣམས་བརྗོད་ལ༔ ཕྱི་རོལ་དུ། རྡོ་རྗེ། འཁོར་ལོ། རལ་གྲི། དབྱུག་ཐོ། རྒྱ་གྲམ། མེ་དཔུང་གི་བླ་བྲེ་ར་བ་ས་གཞིའི་གུར་ཁང་ཆེན་པོ་གནོད་བྱེད་ཀྱིས་ལྟ་ཡང་མི་བཟོད་པ་
ཡངས་ཤིང་རྒྱ་ཆེ་བར་གྱུར༔ སྔགས་རྣམས་ཤེས་པར་བྱའོ༔ དེ་ཡི་དབུས་སུ་སྣ་ཚོགས་རྡོ་རྗེ་རྩེ་དགུ་དགུ་ཡོད་པའི་འོད་ཟེར་གྱིས་བདུད་དཔུང་ཐམས་ཅད་ཟིལ་གྱིས་གནོན་པ༔ ལྟེ་བ་ཡངས་ཤིང་རྒྱ་ཆེ་བའི་དབུས་སུ༔ ཨེ་མཎྜལ་ལ་བྷཾ༔ སྐད་ཅིག་གིས་སྟོང་གསལ་ཆེན་པོའི་ངང་ལས་བདག་ཉིད་ཡེ་ཤེས་ཀྱི་མཁའ་འགྲོ་མའི་ཐུགས་ཀ་ནས་འོད་ཟེར་འཕྲོས་མདུན་བསྐྱེད་ཀྱི་དཀྱིལ་འཁོར་མ་ཏྲ་དངོས་སུ་གསལ་བ་ལ་ཁཾམས་གསུམ་གྱི་དུག་ལྔ་བསྡུས་ནས་ཐིམ་པ་ལས༔ རང་ཉིད་ཀྱི་ཐུགས་ཀ་ནས་མཚོན་ཆའི་ཆར་བབ་པ་ལས༔ བསྒྲལ་བྱའི་ཕུང་པོ་དེ་ཉིད་ཡུལ་རྣམ་པར་དག་པ་ཨོ་རྒྱན་རང་བྱུང་གི་དུར་ཁྲོད་དབྱིབས་ཆོས་འབྱུང་ཟུར་གསུམ་པ༔ སྣང་བ་ཐམས་ཅད་འོད་ཀྱི་དཀྱིལ་འཁོར་འོད་ཟེར་དམར་པོའི་རྦ་བ་ཏུ་འཁྲུགས་པ༔ སྣང་སྲིད་འཁོར་འདས་ཐམས་ཅད་འོད་དང་གཟུགས་བརྙན་རྣམས་དངོས་སུ་འཆར་བའོ༔ ལུས་རྣམ་པར་དག་པ་གཞལ་ཡས་ཁང་དུར་ཁྲོད་ཀྱི་བཀོད་པ༔ བཾ་གསར་རྙིང་དང་བྷནྡྷ་སྐམ་རློན་གྱི་བརྩེགས་པ་ལས་གནམ་ལྕགས་ཀྱི་གཟེར་བཏབ་པ༔ ལྷ་བརྒྱད་ཀྱི་ཀ་བ་བྱས་པ༔ ཀླུ་བརྒྱད་ཀྱི་ཀ་གདན་བྱས་པ༔ གཟའ་བརྒྱད་ཀྱི་ཀ་ཞུ་
བྱས་པ༔ མཆོག་ཆེན་གྱི་གདུང་ལ༔ མཆོག་ཕྲན་གྱི་གྲལ་ཕྱམ༔ ཞིང་ཆེན་གྱི་ཐོག་ཕུབ༔ ཉི་ཟླའི་མཐོང་སྐར༔ མི་ལྤགས་ཀྱི་བླ་བྲེ༔ ཙིཏྟའི་ཕོ་ལོང་འཕྱང་བ༔ འཇའ་ཚོན་སྣ་ལྔའི་ཞིང་ཁམས་གསལ་བ་ལ་རཀྟའི་རྦ་ཀློང་འཕྱོ་བ༔ གསུར་ཆེན་གྱི་དུད་པ་འཁྲིགས་པ༔ ཉིན་བཞིན་དུ་རླུང་འཚུབ་པ༔ མཚན་བཞིན་དུ་མེ་འབར་བ༔ སྒོ་སྟོད་ལ་སེང་གེ་དང་གཡས་གཡོན་དུ་སྟག་གཟིག་རྔམ་ཞིང་རྒྱུག་པ༔ སྒོ་ཐེམ་ལ་ཞིང་དང་རུས་སྦལ་གྱི་ཕྲ་བཏབ་པ༔ སྒོ་ཁང་དུ་གིང་ཕོ་མོས་རང་སྐད་སྒྲོག་པ༔ འཇིགས་སུ་རུང་བ་ཨུ་ཙ་ལའི་དུར་ཁྲོད་ཀྱི་གཞལ་ཡས་ཁང་དེ་ཡི་ཕྱོགས་མཚམས་དུར་ཁྲོད་བརྒྱད༔ ཤིང་བརྒྱད༔ ཞིང་སྐྱོང་གི་མཁའ་འགྲོ་མ་བརྒྱད༔ མཆོད་རྟེན་བརྒྱད༔ ཕྱོགས་སྐྱོང་བརྒྱད༔ སྒྲུབ་པ་པོ་བྲམ་ཟེ་ལྟ་བུ་བརྒྱད༔ མཚོ་བརྒྱད༔ ཀླུ་བརྒྱད༔ རི་རབ་བརྒྱད༔ སྤྲིན་བརྒྱད༔ མཆོད་པའི་ལྷ་མོ་བརྒྱད༔ རོ་ལངས་བརྒྱད༔ ཕྲ་མེན་བརྒྱད༔ མེ་བརྒྱད༔ ལས་ཀྱི་མཁའ་འགྲོ་མ་བརྒྱད༔ ནགས་ཚལ་བརྒྱད༔ ཕོ་བྲང་བརྒྱུད། རྣལ་འབྱོར་ཕོ་མོའི་ཚོགས་འཁོར་དང་བཅས་པས་ཚོགས་ཀྱི་འཁོར་ལོ་བསྐོར་བའོ༔ དེ་ཡི་ཕྱི་
རོལ་དུ་པདྨ་དང་ཐོད་པ་སྐམ་རློན་གྱི་གུར༔ རྡོ་རྗེ་སྣ་ཚོགས་ཀྱི་གུར༔ གནམ་ལྕགས་ཁྲོ་ཆུ་ལས་གྲུབ་པའི་རྡོ་རྗེ་ཕ་ལམ་གྱི་འཁོར་ལོའི་གུར༔ མདའ་དར་རལ་གྲི་དབྱུག་ཐོ་ཁ་ཊཾ་ཕུར་པ་མེ་དཔུང་དུམ་བུ་གཅིག་ཏུ་གྱུར༔ གཞལ་ཡས་ཁང་དེ་ཡི་དབུས་སུ༔ ཨེ་ལས་ཆོས་ཀྱི་འབྱུང་གནས་གདེངས་ཀ་ཆེ་བ་གྱེན་དུ་འཕྱོ་བ༔ རྩེ་མོ་ཕྲ་བ་ཐུར་དུ་ཟུག་པ༔ དེའི་དབུས་སུ་སྣ་ཚོགས་པདྨ་འདབ་མ་བརྒྱད་པ༔ རང་མདོག་གིས་མཛེས་པ༔ དེའི་ལྟེ་བར་འཁོར་ལོ་རྩིབས་བཞི་པ༔ ཕྱོགས་བཞིར་དཀར་སེར་དམར་ལྗང་འབར་བ༔ དཀྱིལ་འཁོར་དབུས་ལྟེ་བར་ཉི་དཀྱིལ་དུ་རང་སེམས་ཡི་གེ་ཧཱུྃ་མཐིང་ག་ལས་འོད་ཟེར་སྤྲོ་བསྡུའི་བདག་ཉིད་མ༔ ལས་ཀྱི་མཁའ་འགྲོ་རྡོ་རྗེ་ཕག་མོ་ཁྲོས་མ་ནག་མོ་སྐུ་ཆེ་ལ་ཡན་ལག་རགས་པ༔ སྐུ་མདོག་མཐིང་ནག་ལ་འོད་ཟེར་དམར་པོ་འཕྲོ་བས་སྣང་སྲིད་ཟིལ་གྱིས་གནོན་པ༔ ཞལ་གཅིག་ཕྱག་གཉིས་འཇིགས་སུ་རུང་བ༔ ཕྱག་གཡས་གྲི་གུག་ནམ་པ། མཁའ་ལ་ཕྱར་བ༔ གཡོན་ཐོད་ཁྲག་ཐུགས་ཀར་འཛིན་པ༔ ཁ་ཊཾ་ག་གཡོན་དུ་འཁྱུད་པ༔ ཞབས་གཡས་བསྐུམ་པའི་རྟིང་པ་བྷ་ག་ལ་གཏད་པ༔ གཡོན་བརྐྱང་བ་རོ་ཡི་སྙིང་
གར་མནན་པ༔ སྐུ་འཇིགས་ཤིང་རབ་ཏུ་ཁྲོས་པ༔ སྦྲུལ་གྱི་ག་ཤལ༔ སྟག་གི་ཤམ་ཐབས༔ ཐོད་པའི་ཕྲེང་བ༔ རཀྟའི་ཐིག་ལེ༔ ཞག་གི་ཟོ་རིས༔ གླང་ཆེན་གྱི་ཀོ་རློནུ༔ ཞིང་གི་གཡང་གཞི༔ ཐོད་སྐམ་རིགས་ལྔའི་དབུ་རྒྱན༔ རུས་པའི་རྒྱན་དྲུག་གསོལ་བ༔ རལ་པ་དམར་ནག་གྱེན་དུ་འཕྱོ་བ༔ སྤྱི་གཙུག་རལ་པའི་གསེབ་ནས་ཕག་ཞལ་མཐིང་ནག་གྱེན་དུ་ངུར་བའི་ཟེ་བ་ནས་ཡེ་ཤེས་ཀྱི་མེ་འབར་བ༔ ཞལ་གྱི་ཁྲོ་གཉེར་བསྡུས་ཤིང་སྤྱན་གསུམ་དམར་ལ་ཟླུམ་པ༔ ཞལ་གདངས་ལྗགས་འདྲིལ་མཆེ་བ་བཞི་གཙིགས་པ༔ དྲག་པོའི་སྙན་སྒྲ་རྡེབ་ཅིང་ཨ་རལླི་ཕོ་ཕེ་ཛཧ་ཧ་ཧེ་ཧེ་ཕཊ་ཕཊཀྱི་སྒྲ་དང་གད་མོ་སྒྲོག་པ༔ སྐུ་ལས་ཡེ་ཤེས་ཀྱི་མེ་འབར་ཞིང་ཁྲོ་མོའི་ཚྭ་ཚྭ་འཕྲོ་བ༔ ཞབས་བརྡབས་པ་ཙམ་གྱིས་སྲིད་གསུམ་གཡོ་ཞིང་ཁམས་གསུམ་འགུལ་བ༔ སྟོང་གསུམ་ཟིལ་གྱིས་གནོན་པ་ཞིག་ཏུ་གྱུར༔ ཤར་གྱི་རྩིབས་ལ་བདེ་ཆེན་དཀར་མོ༔ ལྷོ་ཡི་རྩིབས་ལ་སེར་མོ་དོན་གྲུབ༔ ནུབ་ཀྱི་རྩིབས་ལ་དམར་མོ་སྒྲ་སྒྲོག༔ བྱང་གི་རྩིབས་ལ་སྣ་ཚོགས་མཐར་ཕྱིན༔ དེ་ཐམས་ཅད་ཀྱང་ཡེ་ཤེས་ཀྱི་མཁའ་འགྲོ་མ་ལོ་བཅུ་དྲུག་ལོན་པའི་ན་ཚོད་
ལྟར་གར་གྱི་ཉམས་དགུ་དང་ལྡན་པ༔ སྐུ་གྲོལ་སྐུ་སྟོད་ཁེབས་པ༔ ཐོད་སྐམ་དབུ་རྒྱན་ཐོད་རློན་དོ་ཤལ༔ རུས་པའི་རྒྱན་དྲུག་ཅན༔ སྐུ་སྟོད་སེང་གེ་ལྟར་འགྱིང་བ༔ སྐུ་སྨད་དུང་ལྟར་འཁྱིལ་བ༔ སྐུ་སྐེད་རྡོ་རྗེ་ལྟར་འཁྲིལ་བ༔ རང་རྟགས་ཕྱག་མཚན་གྲི་ཐོད་བསྣམས་པ༔ ཕག་ཞལ་རང་མདོག་སྤྱི་གཙུག་ཏུ་ངུར་བའོ༔ ཁ་ཊཾ་ག་ལ་འཁྱུད་ཅིང་གཙོ་མོ་ལ་གུས་པའི་ཚུལ་གྱིས་གར་བྱེད་པའོ༔ ཕྱི་རོལ་པད་འདབ་བརྒྱད་ལ༔ ཤར་དུ་རྡོ་རྗེ་མཁའ་འགྲོ་དཀར་མོ༔ ལྷོར་རིན་ཆེན་མཁའ་འགྲོ་སེར་མོ༔ ནུབ་ཏུ་པདྨ་མཁའ་འགྲོ་དམར་མོ༔ བྱང་དུ་ལས་ཀྱི་མཁའ་འགྲོ་ལྗང་གུ༔ ཤར་ལྷོར་དམ་ཚིག་མཁའ་འགྲོ་དཀར་སེར༔ ལྷོ་ནུབ་ཏུ་སྣ་ཚོགས་མཁའ་འགྲོ་སེར་དམར༔ ནུབ་བྱང་དུ་ཐམས་ཅད་མཁའ་འགྲོ་དམར་ལྗང་༔ བྱང་ཤར་དུ་འཇིག་རྟེན་མཁའ་འགྲོ་དཀར་ལྗང་༔ དེ་བརྒྱད་ཀྱང་རང་མདོག་དང་རིགས་ཀྱི་ཕྱག་མཚན་གྲི་ཐོད་བསྣམས་པ༔ རུས་པ་དང་དུར་ཁྲོད་ཀྱི་ཆས་བརྒྱད་ཀྱིས་བརྒྱན་པ༔ ཁ་ཊཾ་ག་ལ་གར་སྟབས་ཀྱིས་འཁྱུད་ཅིང་རོ་ཡི་གདན་ལ་བརྐྱང་བསྐུམ་གྱིས་འགྱིང་བའོ༔ ཕྱིའི་ཁྱམས་སུ་ཡེ་ཤེས་དང་ལས་ལ་གྲུབ་པའི་
འཇིག་རྟེན་གྱི་ཤ་ཟ་དང་ཤུགས་འགྲོ་བསམ་གྱིས་མི་ཁྱབ་པས་བསྐོར་བ༔ སྒོ་ལ་སྒོ་སྐྱོང་བཞི་དང་ཆུང་རྣམས་དབང་ཕྱུག་ཉེར་བརྒྱད་དུ་ཡེ་ནས་ལྷུན་གྱིས་གྲུབ་པའི་སྐུར་གསལ་བར་གྱུར༔ དེ་དག་ཐམས་ཅད་ཀྱི་ཐུགས་ཀར་ཧཱུྃ་དང་རང་རང་གི་ས་བོན་ལས་འོད་ཟེར་འཕྲོས་པས་ནུབ་ཕྱོགས་ཨུ་ཙ་ལ་མི་བཟད་པ་རབ་ཏུ་འཇིགས་པའི་དུར་ཁྲོད་ནས༔ རྗེ་བཙུན་ཐུགས་རྗེ་ཁྲོས་མ་ནག་མོ་འཁོར་དང་བཅས་པ་སྤྱན་དྲངས༔ བཛྲ་ས་མ་ཡ་ཛཛཿ ཞེས་སྤྱན་དྲངས་ལ་སྤོས་དང་ཤ་ཆེན་བསྲེག༔ རྐང་གླིང་རོལ་མོའི་སྒྲ་སྒྲོག་ལ༔ རྔམས་བརྗིད་ཁྲོས་པའི་ང་རོས་གསང་བའི་དབྱངས་ཀྱིས༔ ཧཱུྃ་ཕེ་ཛཿ འོག་མིན་ཆོས་དབྱིངས་ཞིང་ཁམས་ནས༔ རིག་འཛིན་གྲུབ་ཐོབ་གནས་འདིར་བྱོན༔ སྐུ་དང་ཡེ་ཤེས་དཀྱིལ་འཁོར་ནས༔ ཡི་དམ་ལྷ་ཚོགས་གནས་འདིར་བྱོན༔ སྟོང་ཉིད་ཆོས་སྐུའི་ཀློང་ཡངས་ནས༔ རྒྱལ་བའི་ཡུམ་ཆེན་གཤེགས་སུ་གསོལ༔ དག་པ་མཁའ་སྤྱོད་ཕོ་བྲང་ནས༔ རྡོ་རྗེ་ཕག་མོ་གཤེགས་སུ་གསོལ༔ ཨུ་ཙ་ལ་ཡི་དུར་ཁྲོད་ནས༔ ཐུགས་རྗེ་ཁྲོས་མ་གཤེགས་སུ་གསོལ༔ ཆོས་འབྱུང་ཨེ་དབུས་འབར་བ་ནས༔ གསང་བའི་ཁྲོ་མོ་གཤེགས་སུ་གསོལ༔ རང་རིག་མི་འགྱུར་གནས་པ་
ནས༔ བདེ་ཆེན་དཀར་མོ་གཤེགས་སུ་གསོལ༔ གཏེར་འབྱུང་ཡིད་བཞིན་འཁྱིལ་བ་ནས༔ སེར་མོ་དོན་གྲུབ་གཤེགས་སུ་གསོལ༔ ཤེས་རབ་བཙུན་མོའི་མཁའ་དབྱིངས་ནས༔ དམར་མོ་སྒྲ་སྒྲོག་གཤེགས་སུ་གསོལ༔ མཐུ་རྩལ་མངོན་སྤྱོད་ཐོགས་མེད་ནས༔ སྣ་ཚོགས་མཐར་ཕྱིན་གཤེགས་སུ་གསོལ༔ ཤར་ཁྲོ་གཏུམ་རྔམ་སྒྲོག་དུར་ཁྲོད་ནས༔ རྡོ་རྗེ་མཁའ་འགྲོ་གཤེགས་སུ་གསོལ༔ ལྷོ་གད་རྒྱངས་ཧ་ཧའི་དུར་ཁྲོད་ནས༔ རིན་ཆེན་མཁའ་འགྲོ་གཤེགས་སུ་གསོལ༔ ནུབ་གསང་ཆེན་རོལ་པའི་དུར་ཁྲོད་ནས༔ པདྨ་མཁོའ་འགྲོ་གཤེགས་སུ་གསོལ༔ བྱང་ཀཱི་ལིའི་ཚང་ཚིང་དུར་ཁྲོད་ནས༔ ལས་ཀྱི་མཁའ་འགྲོ་གཤེགས་སུ་གསོལ༔ ཤར་ལྷོ་རབ་འཇིགས་དུར་ཁྲོད་ནས༔ དམ་ཚིག་མཁའ་འགྲོ་གཤེགས་སུ་གསོལ༔ ལྷོ་ནུབ་གཏུམ་པའི་དུར་ཁྲོད་ནས༔ སྣ་ཚོགས་མཁའ་འགྲོ་གཤེགས་སུ་གསོལ༔ ནུབ་བྱང་རབ་རྒྱུའི་དུར་ཁྲོད་ནས༔ ཐམས་ཅད་མཁའ་འགྲོ་གཤེགས་སུ་གསོལ༔ བྱང་ཤར་དྲག་ཤུལ་དུར་ཁྲོད་ནས༔ འཇིག་རྟེན་མཁའ་འགྲོ་གཤེགས་སུ་གསོལ༔ གནས་ཆེན་ཉི་ཤུ་རྩ་བཞི་ནས༔ ཡེ་ཤེས་མཁའ་འགྲོ་གཤེགས་སུ་
གསོལ༔ ཡུལ་ཆེན་སུམ་ཅུ་རྩ་བཞི་ནས༔ ལས་ཀྱི་མཁའ་འགྲོ་གཤེགས་སུ་གསོལ༔ རྒྱ་བོད་བལ་ཡུལ་ཐམས་ཅད་ནས༔ ཤ་ཟ་མཁའ་འགྲོ་གཤེགས་སུ་གསོལ༔ དུར་ཁྲོད་ཆེན་པོ་སོ་སོ་ནས༔ མཁའ་འགྲོ་མ་ཚོགས་གཤེགས་སུ་གསོལ༔ དཀྱིལ་འཁོར་ཀུན་གྱི་མཐའ་གནས་པ༔ དབང་ཕྱུག་ཉེར་བརྒྱད་གཤེགས་སུ་གསོལ༔ བཀའ་དང་དམ་ཚིག་ཕོ་བྲང་ནས༔ མ་རྒྱུད་སྲུང་མ་གཤེགས་སུ་གསོལ༔ མཁའ་འགྲོའི་ཚོགས་རྣམས་གཤེགས་སུ་གསོལ༔ རིན་ཆེན་རུས་རྒྱན་སི་ལི་ལི༔ དབུ་སྐྲ་ཐོར་ཙུགས་ལྡེམས་སེ་ལྡེམ༔ དུར་ཁྲོད་ཆས་བརྒྱད་ཁྲོ་ལོ་ལོ༔ གླུ་ལེན་གར་བྱེད་ཁྱུགས་སེ་ཁྱུག། ཧཱུྃ་ཕཊ་ཕོ་སྒྲ་དི་རི་རི༔ བྱིན་རླབས་དངོས་གྲུབ་ཐིབས་སེ་ཐིབ༔ བར་ཆད་སེལ་ཕྱིར་གཤེགས་སུ་གསོལ། རྐྱེན་ངན་བཟློག་ཕྱིར་གཤེགས་སུ་གསོལ༔ ཤྲཱི་བཛྲ་ཌཱཀི་ནཱི་སརྦ་ས་མ་ཡ་ཛ་ཛཿ ཛཿཧཱུྃ་བཾ་ཧོཿ ཨེ་ཨ་རལླི་ཕེ་ཕོ༔ བཞུགས་སུ་གསོལ་བ་ནི༔ ཧཱུྃ༔ དུར་ཁྲོད་མེ་དཔུང་བཻ་རོ་པདྨའི་སྟེང་༔ ཐུགས་རྗེ་ཁྲོས་མ་འཁོར་དང་བཅས་པ་རྣམས༔ གཟུགས་སྐུས་འགྲོ་དོན་སྣ་ཚོགས་མཛད་པའི་ཕྱིར༔ དམ་ཡེ་དབྱེར་མེད་རོ་གཅིག་བརྟན་པར་བཞུགས༔ བཛྲ་
ཏིཥྛ་ལྷན༔ ཕྱག་འཚལ་བ་ནི༔ ཧཱུྃ༔ ལྷུན་གྲུབ་ཡེ་ཤེས་ཕོ་བྲང་ནས་དག་སྣང་བཀའ་བརྒྱུད་རིན་པོ་ཆེ༔ གནས་གསུམ་ཌཱཀིའི་སྤྲིན་ཚོགས་བཅས༔ རྗེ་གུ་རུ་རྣམས་ལ་ཕྱག་འཚལ་ལོ༔ སྟོང་ཉིད་སྙིང་རྗེའི་ངང་ལས་ཐུགས་རྗེའི་སྐུ༔ རྒྱལ་བའི་བསྐྱེད་ཡུམ་རྡོ་རྗེ་རྣལ་འབྱོར་མ༔ བྱིན་རླབས་དངོས་གྲུབ་ཐམས་ཅད་འབྱུང་བའི་གནས༔ ཕག་མོ་འཇིགས་བྱེད་ཁྲོས་མར་ཕྱག་འཚལ་ལོ༔ བདེ་ཆེན་དཀར་མོས་འཇིགས་བརྒྱད་བཅུ་དྲུག་སྒྲོལ༔ སེར་མོ་དོན་གྲུབ་དཔལ་འབྱོར་ཚེ་དབང་རྒྱས༔ དམར་མོ་སྒྲ་སྒྲོག་ཁམས་གསུམ་དབང་དུ་བསྡུས༔ ལྗང་མོ་མཐར་ཕྱིན་མངོན་སྤྱོད་ཕྲིན་ལས་སྒྲུབ༔ མཁའ་འགྲོ་སྡེ་བརྒྱད་ཕྲིན་ལས་སྣ་ཚོགས་སྒྲུབ༔ བདེ་སྟོང་མཁའ་འགྲོ་རྣམས་ལ་ཕྱག་འཚལ་ལོ༔ ཕྱི་ནང་གསང་མཆོད་འབུལ་བ་ནི༔ ཧཱིཧཾ༔ མ་དང་ཊཱའི་མཁའ་འགྲོ་རྒྱ་མཚོ་ལ༔ མེ་ཏོག་བདུག་སྤོས་མར་མེ་དྲི་ཆབ་དང་༔ ཞལ་ཟས་རོལ་མོ་ཕྱི་མཆོད་ཇི་སྙེད་འབུལ༔ གཟུགས་མཛེས་སྒྲ་སྙན་དྲི་ཞིམ་རོ་མངར་བ༔ རེག་འཇམ་ཆོས་ཡིད་དགྱེས་པའི་ནང་མཆོད་འབུལ༔ དཔའ་བོ་རྟ་མགྲིན་གིང་ཆེན་སྡེ་བཞི་དང་༔ ཐབས་ཀྱི་རྡོ་རྗེ་བདེ་ཆེན་སྦྱོར༔ ལྷ་
ཚོགས་མཉེས་པའི་གསང་མཆོད་འབུལ༔ ཨོཾ་ཤྲཱི་བཛྲ་བྷ་ར་ཧི་ཀྲོ་ཏི་ཀཱ་ལི་ཧ་རི་ནི་ས་སརྦ་པཱུ་ཙ་པཱ༴ སོགས། རྭ་པ་ནས་བྷྱོ་དྷི་ཙིཏྟ་སརྦ་པཱུ་ཛ་ཧོ༔ སྨན་རཀ་གཏོར་མ་འབུལ་བ་ནི༔ ཧཱུྃ༔ འབྲས་རྒུན་བུར་སྦྲང་རྫས་སྦྱར་ཆང་༔ ཤེས་རབ་ཛ་གད་བདུད་རྩི་འབུལ༔ ཐིག་ལེ་རྐང་དང་ཁུ་བ་ཞག༔ མུ་ལ་ལེན་ཛ་རཀྟ་འབུལ༔ དོན་སྙིང་དབང་པོ་ཤ་ཁྲག་བརྒྱན༔ འདོད་ཡོན་ལོངས་སྤྱོད་གཏོར་མ་འབུལ༔ དྲི་ལྔ་སྨན་ལྔ་བདུད་རྩི་ལྔ༔ སྙིང་པོ་ལྔ་ལྡན་ནང་མཆོད་འབུལ༔ ཤ་རུས་ཀླད་ཁྲག་སྙིང་ལ་སོགས༔ དུག་ལྔའི་ཕུང་པོ་དབྱིངས་སུ་རོལ༔ སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི༔ མ་ཧཱ་སུ་ཁ་པུ་ཙ་ཧོ༔ སྦྱོར་སྒྲོལ་དེ་ཁོ་ན་ཉིད་ཀྱི་མཆོད་པ་ནི༔ ཧཱུྃ༔ ཐབས་ཤེས་ཡབ་ཡུམ་སྲུབ་སྤྱོད་སྦྱོར༔ དགའ་བདེ་བྱང་སེམས་ཡིད་ཀྱིས་མགུ༔ ལྷན་སྐྱེས་རང་བཞིན་སྦྱོར་མཆོད་འདི༔ མཁའ་འགྲོ་གཙོ་འཁོར་བཅས་ལ་འབུལ༔ ཀུན་གྱི་དོན་རྟོགས་རྣལ་འབྱོར་པས༔ དུག་གསུམ་སྐུ་གསུང་ཐུགས་སུ་སྒྲོལ༔ དུག་ལྔ་ཡེ་ཤེས་ལྔ་རུ་སྒྲོལ༔ སྣང་སྲིད་ཕྱག་རྒྱ་ཆེན་པོར་སྒྲོལ༔ མ་རིག་སྟོང་པ་བདེ་ཆེན་འདི༔ གྲུབ་ཐོབ་བརྒྱུད་པས་བཞེས་སུ་གསོལ༔ ཉོན་མོངས་ལྔ་པོ་ཡེ་ཤེས་
ལྔ༔ ཁྲོས་མ་ལྷ་ལྔས་བཞེས་སུ་གསོལ༔ རྣམ་ཤེས་ཚོགས་བརྒྱུད་རྣམ་དག་པའི༔ མཁའ་འགྲོ་སྡེ་བརྒྱད་བཞེས་སུ་གསོལ༔ ཕུང་ཁམས་སྐྱེ་མཆེད་ཡོངས་རྫོགས་འདི༔ ཌཱཀི་རྒྱ་མཚོས་བཞེས་སུ་གསོལ༔ སྐུ་གསུང་ཐུགས་ཀྱི་ཀློང་དུ་རོལ༔ མཆོག་ཐུན་དངོས་གྲུབ་བསྩལ་དུ་གསོལ༔ གསང་སྒྲུབ་ལྟར༔ ཐུན་མཚམས་པ།ཏོར་མ་འབུལ་བ་ནི༔ མེ་རླུང་གི་སྦྱོར་བས་ཡེ་ཤེས་ཀྱི་བདུད་རྩིར་བྱིན་གྱིས་བརླབས་ཏེ༔ ཐོད་རྔ་སྒྲོག་ཅིང་༔ ཨེ་ལས་ནམ་མཁའ་ཡཾ་ལས་རླུང་གི་དཀྱིལ༔ རཾ་ལས་མེ་ཐབ་ཀཾ་ལས་ཐོད་སྐྱེད་སྟེང་༔ ཨ་ལས་ཡེ་ཤེས་ཀ་པཱ་ལ་ཡི་ནང་༔ ཤ་ལྔ་དྲི་ལྔ་སྨན་ལྔ་བདུད་རྩི་ལྔ༔ ཤ་ཁྲག་ཀླད་རུས་དབང་པོ་ནང་ཁྲོལ་བཅས༔ རླུང་གིས་མེ་སྦར་ཐོད་ནང་ཞུ་ཞིང་ཁོལ༔ མི་གཙང་ཕྱིར་ལུད་ཡེ་ཤེས་བདུད་རྩིར་གྱུར༔ རྩ་བརྒྱད་སྟོང་སྦྱར་ར་ས་ཡ་ན་དང་༔ འདུ་འབྲལ་མེད་པའི་པཉྩ་ཨ་མྲྀ་ཏ༔ གདོད་ནས་རྣམ་དག་ཡེ་ཤེས་བདུད་རྩིར་གྱུར༔ ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧཱི༔ ཕོ་ཛཿཧཱུྃ༔ རྣམ་དག་ཆོས་དབྱིངས་བྷནྡྷ་རུ༔ ཤ་ཁྲག་དམར་དང་ལོངས་སྤྱོད་བརྒྱན༔ ཡེ་ཤེས་བདུད་རྩི་རོ་མཆོག་ལྡནུ༔ འདོད་ཡོན་མཆོད་པ་སྤྲིན་ལྟར་གཏིབས༔ སྤོས་
གསུར་དྲི་ངད་ཀྱི་ལི་ལི༔ ཁྲག་ཞག་ཞུ་ཆེན་མེ་རེ་རེ༔ ཚོགས་བསྐང་ལོངས་སྤྱོད་ཀྱི་ལི་ལི༔ དཔལ་གཏོར་བརྗིད་མདངས་ཡ་ལ་ལ༔ རཀྟ་ཞུ་ཆེན་རྦ་རླབས་འཕྱོ༔ ཡེ་ཤེས་བདུད་རྩི་ངོ་རེ་མཚར༔ རྟག་ཏུ་མི་ཟད་རྒྱུན་རེ་རིང་༔ མཁའ་འགྲོའི་གཏོར་ལེན་དྭངས་རེ་སྤྲོ༔ མཆོད་བཞེས་དམ་བསྐང་དབང་དང་དངོས་གྲུབ་སྩོལ༔ ཨོཾ་བཛྲ་བྷ་ར་ཧི་ཀྲོ་ཏི་ཀཱ་ལི་ཧ་རི་ནི་ས་བཛྲ་རཏྣ་པདྨ་ཀརྨ་སརྦ་ཙིཏྟ་ཧྲི་ཧྲི་སིདྡྷི་ཕ་ལ་ཧོ༔ ཨིན་པྲ་མ་ནི་མ་ཧཱ་བ་ལིཾ་ཏ་ཁཱ་ཧི་ཁཱ་ཧི༔ ཞེས་སྔགས་ཚར་གསུམ་མམ་བདུན་གྱིས་ཕུལ༔ ཐུན་མཚམས་སུ་བསྟོད་པ་བྱ་ཞིང་ཐུགས་དམ་བསྐུལ༔ དངོས་གྲུབ་ལེན་ཞིང་ཤ་ཆེན་དང་སྤོས་དང་གུ་གུལ་བསྲེགས༔ ངོ་ཆེན་དང་ཐོད་རྔ་འཁྲོལ་ཞིང་དབྱངས་སྙན་པོས༔ ཧཱུྃ༔ ཆོས་ཀྱི་དབྱིངས་ནས་སྒྱུ་མའི་སྐུར་བཞེངས་པ༔ རྒྱལ་བའི་ཡུམ་མཆོག་རྡོ་རྗེ་ཕག་མོ་ནི༔ ཆགས་མེད་བརྗོད་བྲལ་བཅོམ་ལྡན་ཁྲོས་མའི་སྐུ༔ བདེ་གཤེགས་ཁྲོས་མའི་སྐུ་ལ་ཕྱག་འཚལ་བསྟོད༔ ཆོས་འབྱུང་འབར་བ་ཨེ་ཡི་དཀྱིལ་འཁོར་ནས༔ ཡེ་ཤེས་བསྐལ་པ་མེ་དཔུང་འབར་བའི་ཀློང་༔ གར་དགུའི་ཉམས་ལྡན་ཁྲོ་གཏུམ་རྔམས་པའི་སྐུ༔ ཕ་རོལ་ཕྱིན་དྲུག་རྫོགས་ལ་ཕྱག་འཚལ་བསྟོད༔ ཞལ་གཅིག་ཕྱག་གཉིས་མཐོང་
ནག་འབར་བའི་སྐུ༔ སྤྱན་གསུམ་སྡང་མིག་དམར་ཟླུམ་རབ་ཏུ་གཡོ༔ མཆེ་བ་བཞི་གཙིགས་ཁྲོ་གཉེར་འགྱིངས་བག་ལྡན༔ མཁའ་འགྲོ་གཙོ་མོའི་སྐུ་ལ་ཕྱག་འཚལ་བསྟོད༔ གཡས་པས་གྲི་གུག་སྐྱེ་ཤི་རྩད་ནས་གཅོད༔ གཡོན་པས་རྟོག་མེད་བྷན་ཁྲག་བཀང་གསོལ་གཡས་བསྐུམ་གཡོན་བརྐྱང་རོ་ཡི་གདན་ལ་བཞུགས༔ དཔའ་མོ་ཆེན་མོ་ཁྱོད་ལ་ཕྱག་འཚལ་བསྟོད༔ ཕག་སྐད་གྱེན་ངུར་སྒྲ་ཆེན་རབོ་སྒྲོག་ཅིང་༔ ཁམས་གསུམ་སྲིད་གསུམ་དབང་དུ་སྡུད་པར་བྱེད༔ ཕག་སྐད་ངར་ངར་ཕྱོགས་བཅུའི་སྟོང་ཁམས་ཁེངས༔ སྡེ་བརྒྱད་དབང་སྡུད་རྔམས་ལ་ཕྱག་འཚལ་བསྟོད༔ ཕག་སྐད་ངུར་ངུར་འོག་ཏུ་ཆེམ་ཆེམ་སྒྲོག༔ ས་བདག་ཀླུ་གཉན་ཟིལ་གྱིས་གནོན་པར་བྱེད༔ ཕཊ་ཕེ་ཨཱ་རལླི་ཛཞལ་ནས་སྒྲོག༔ ཆེ་བའི་ཡོན་ཏན་རྫོགས་ལ་ཕྱག་འཚལ་བསྟོད༔ དབུ་སྐྲ་ཁམ་སེར་རིགས་ལྔ་སྤྱི་བོར་བཅིངས༔ སྙན་ཆ་མགུལ་གྱི་གདུ་བུས་རབ་ཏུ་མཛེས༔ ཁ་ཊཾ་མཆན་བཅུག་དུག་གསུམ་རྩད་ནས་གཅོད༔ ཡེ་ཤེས་ཁྲོས་མའི་སྐུ་ལ་ཕྱག་འཚལ་བསྟོད༔ འདུ་བྱེད་རྣམ་དག་མགོ་ཕྲེང་རྒྱུ་མས་སྦྲེལ༔ གཡང་གཞི་སྟག་ཤམ་རུས་པའི་རྒྱན་ཏུ་
སྤྲས༔ ཁྲག་དང་ཞུན་ཆེན་ཐལ་བས་སྐུ་ལ་བརྒྱན༔ སྐུ་ཡི་རྒྱན་རྣམས་རྫོགས་ལ་ཕྱག་འཚལ་བསྟོད༔ སྐུ་ཡི་གནས་ལྔར་མཁའ་འགྲོའི་དཀྱིལ་འཁོར་རྫོགས༔ གསང་བ་ཐུགས་ཀྱི་ཡེ་ཤེས་ཕག་ལྔ་རྫོགས༔ རྩ་རྣམས་འཁོར་ལོ་མཁའ་འགྲོའི་སྔགས་སྒྲ་སྒྲོག༔ ཕྲིན་ལས་རྣམ་བཞི་རྫོགས་ལ་ཕྱག་འཚལ་བསྟོད༔ ཅེས་བསྟོད༔ དེ་ནས་མདུན་བསྐྱེད་སྒྲུབ་པ་ནི༔ འཁོར་་ལོ་ལྔ་ལ་སྔགས་བཀོད་དེ༔ ཨོཾ་བཛྲ་བྷ་ར་ཧི་ཀྲོ་ཏི་ཀཱ་ལི་ཧ་རི་ནི་ས་ཨཱ་ཝེ་ཤ་ཡ་ཨཱཿ ཏིང་འཛིན་སྤྲོ་བསྡུའི་འཁོར་ལོ་བསྐོར་ལ་བསྙེན་ནོ༔ བཞི་པ་ཚོགས་ཀྱི་དགྱེས་པར་བྱ་བ་ནི༔ བསྐང་བའི་རྫས་དང་༔ ཚོགས་ཀྱི་ཡོ་བྱད་དུ་མ་བཀྲམ་ལ༔ དང་པོ་སྦྱངས་སྤེལ་བྱིན་རླབས་རྣམས་ཡི་དམ་གྱི་སྤྱི་གཞུང་ལྟར་ལ༔ ཧཱུྃ༔ ཉོན་ཅིག་བགེགས་དང་ལོག་འདྲེན་ཚོགས་ང་ནི་ཁྲོས་མ་ནག་མོའི་སྐུ༔ ང་ཡི་བཀའ་ལས་མ་འདའ་བར༔ འདི་རུ་མ་འདུག་གཞན་དུ་དེངས༔ ཅི་སྟེ་མི་འགྲོ་འདུག་གྱུར་ན༔ ཁྲོས་མ་ནག་མོ་ཐུགས་ཁྲོས་ནས༔ རྡོ་རྗེ་གྲི་གུག་མཚོན་ཆ་ཡིས༔ ཁྱོད་ཀྱི་ལུས་ངག་ཡིད་གསུམ་རྣམས༔ རྡུལ་ཕྲན་བཞིན་དུ་རློག་པར་བྱེད༔ དེ་བས་རང་གི་གནས་སུ་དེངས༔ ཨོཾ་ཨཱབུདྡྷ་ཌཱཀི་ནི་གནོད་བྱེད་ཨུ་ཙ་ཏ་ཡ་ཧཱུྃ་ཕཊ༔ ཨ་ཧ་རི་ནི་ས༔ ཨོཾ་
ཙཀྲ་རཀྵ་རཀྟ་ཧཱུྃ༔ ཨོཾ་སྭ་བྷ་ཝས་སྦྱང་༔ སྟོང་པའི་ངང་ལས་ཡཾ་ལས་རླུང་གི་དཀྱིལ་འཁོར་གཞུ་བརྡུང་བའི་དབྱིབས་ཅན་ལྗང་སྔོན་གཡོ་བའི་ཆང་བཟུང་ལ་ཡཾ་དང་མཆོག་མ་ལ་བ་དན་གྱིས་མཚན་པ༔ དེ་ཡི་སྟེང་དུ་རཾ་ལས་མེ་ཡི་དཀྱིལ་འཁོར་དམར་པོ་གྲུ་གསུམ་རཾ་གྱིས་མཚན་པ༔ ཟུར་གསུམ་དུ་ཀཾ་ལས་མི་མགོའི་སྒྱེད་པུ་གསུམ་གྱི་སྟེང་དུ་ཨ་ལས་ཡེ་ཤེས་ཀྱི་ཀ་པཱ་ལ་ཕྱི་དཀར་ལ་ནང་དམར་བ་དུམ་བུ་གཅིག་པ༔ དཔྲལ་བ་རང་ལ་བསྟན་པ་ཡངས་ཤིང་རྒྱ་ཆེ་བའི་དབུས་སུ་ཨོཾ་ཨཱཧཱུྃ་གི་ཚོགས་དཔག་ཏུ་མེད་པ་སྤྱན་དྲངས་ནས་དམ་ཚིག་ཡེ་ཤེས་གཉིས་སུ་མེད་པའི་བདུད་རྩི་ཁ་དོག་དྲི་རོ་ནུས་པ་ཕུན་སུམ་ཚོགས་པ་ཟག་པ་མེད་པའི་བདེ་བ་ཆེན་པོ་དང་ལྡན་པར་གྱུར་ཅིག༔ བསམ་ལ༔ ཨོཾ་ཨཱཧཱུྃ༔ ཉེར་གཅིག་གིས་བྱིན་བརླབ་བོ༔ ༈ ཚོགས་མགྲོན་སྤྱན་འདྲེན་པ་ནི༔ ཧཱུྃ༔ ཆོས་འབྱུང་ཨེ་ཡི་གཞལ་ཡས་སུ༔ ཡུམ་ཆེན་ཁྲོས་མ་འཁོར་དང་བཅས༔ མཁའ་འགྲོ་བྱེ་བ་འབུམ་གྱིས་བསྐོར༔ འདིར་གཤེགས་ཚོགས་ཀྱི་མཆོད་པ་འབུལ༔ གནས་ཁང་བྱིན་རློབས་ཚོགས་བཅུད་སྤེལ༔ སྐལ་ལྡན་རྣམས་ལ་དངོས་གྲུབ་སྩོལ༔ ཚོགས་ཕུད་གསུམ་དུ་སྤྲོས་ལ༔ ཧཱུྃ༔ རང་
བཞིན་རྣམ་དག་ལྷུན་གྲུབ་ཞིང་ཁམས་དང་༔ སྟོང་ཉིད་བཅོ་བརྒྱད་ཡེ་ཤེས་དཀྱིལ་འཁོར་དང་༔ ཕྱོགས་མཚམས་དུར་ཁྲོད་འབར་བའི་ཀློང་ཡངས་ནས༔ འགྲོ་བའི་དོན་མཛད་ཐུགས་རྗེའི་སྤྲུལ་པའི་སྐུ༔ མཁའ་འགྲོའི་གཙོ་མོ་པདྨ་ཐོད་ཕྲེང་རྩལ༔ ཕྲིན་ལས་རིག་འཛིན་མཁའ་འགྲོ་རྒྱ་མཚོའི་ཚོགས༔ དུས་གསུམ་སངས་རྒྱས་ཀུན་གྱི་ཡུམ་ཆེན་མོ་བཅོམ་ལྡན་རྡོ་རྗེ་ཕག་མོ་ཁྲོས་མ་ལ༔ ཞི་རྒྱས་དབང་དྲག་སྐུ་གསུང་ཐུགས་ཡོན་ཕྲིན༔ ཐུགས་སྲས་རིགས་བཞི་སྡེ་བརྒྱད་མཁའ་འགྲོའི་ཚོགས༔ རྫུ་འཕྲུལ་ནམ་མཁའི་སྤྲིན་ལྟར་གཏིབས་ནས་ཀྱང་༔ རིན་ཆེན་རུས་པའི་རྒྱན་ཆ་ཁྲ་ལ་ལ༔ རོལ་མོ་སྒྲ་སྙན་མང་པོ་སི་ལི་ལི༔ སྣ་ཚོགས་གླུ་ལེན་གར་བྱེད་ཁྱུགས་སེ་ཁྱུག༔ འདིར་གཤེགས་དམ་བསྐང་ཚོགས་ཀྱི་མཆོད་པ་བཞེས༔ ཨ་ལ་ལ་སྟེ་དགྱེས་པར་དགོངས་ནས་ཀྱང་༔ མཆོག་དང་ཐུན་མོང་དངོས་གྲུབ་སྩོལ་མཛད་གསོལ། ཞེས་མཆོད་ཅིང་བསྐང་བ་ནི༔ ཧཱུྃ༔ དབང་པོའི་མེ་ཏོག་ཚིལ་ཆེན་བདུག་སྤོས་དང་༔ ཞུན་ཆེན་མར་མེ་ཤ་ཆེན་ཞལ་ཟས་དང་༔ རྐང་གླིང་རོལ་མོ་གཟུགས་མཛེས་སྒྲ་སྙན་པ༔ དྲི་ཞིམ་རོ་མངར་རེག་འཇམ་ཆོས་ཡིད་ཚིམས༔
ཐུགས་རྗེ་ཁྲོས་མ་གཙོ་འཁོར་བཅས་ལ་འབུལ༔ གསང་བ་ཌཱཀིའི་ལྷ་ཚོགས་ཐུགས་དམ་བསྐང་༔ དཔའ་བོ་ཡབ་ཡུམ་དགའ་བདེ་བྱང་སེམས་བཅུད༔ རྩ་བརྒྱད་བདུད་རྩི་རྣམ་ལྔ་དང་༔ དམ་རྫས་འབྲུ་བཅུད་མ་ཧཱ་བ་ལིཾ་ཏ༔ མཁའ་དབྱིངས་ཉོན་མོངས་བསྒྲལ་བའི་རཀྟའི་མཚོ༔ ཐུགས་རྗེ་ཁྲོས་མ་གཙོ་འཁོར་བཅས་ལ་འབུལ༔ གསང་བ་ཌཱཀིའི་ལྷ་ཚོགས་ཐུགས་དམ་བསྐང་༔ འབྲུ་བཅུད་སྟོང་སྦྱར་ཛ་གད་དཔའ་བོ་དང་༔ འདོད་ཡོན་ལོངས་སྤྱོད་ཚོགས་ཀྱི་རྒྱ་མཚོའི་ཚོགས༔ ཤ་ལྔ་བདུད་རྩི་ཕུན་སུམ་ཚོགས་པ་དང་༔ མཆོག་ཆེན་མཆོག་ཕྲན་བམ་ཆེན་མཾ་ས་འདི༔ ཐུགས་རྗེ་ཁྲོས་མ་གཙོ་འཁོར་བཅས་ལ་འབུལ༔ གསང་བ་ཌཱཀིའི་ལྷ་ཚོགས་ཐུགས་དམ་བསྐང་༔ རི་གླིང་རོལ་མཚོ་མུ་ཁྱུད་ཉི་ཟླ་བཅས༔ མཁའ་ལྡིང་སྡེར་ཆགས་རི་དྭགས་དུད་འགྲོའི་ཚོགས༔ རྟ་ནག་གཡག་ནག་ཁྱི་ནག་གཟུགས་འགྲོས་བཅས༔ འཇིག་རྟེན་ཁམས་ཀྱི་བཀོད་པ་དུ་མའི་ཚོགས༔ ཐུགས་རྗེ་ཁྲོས་མ་གཙོ་འཁོར་བཅས་ལ་འབུལ༔ གསང་བ་ཌཱཀིའི་ལྷ་ཚོགས་ཐུགས་དམ་བསྐང་༔ སྟོང་གསུམ་འདིའམ་འཇིག་རྟེན་ཐམས་ཅད་དུ༔ རྒྱལ་སྲིད་སྣ་
བདུན་བཀྲ་ཤིས་རྫས་རྟགས་བརྒྱད༔ ལྷ་མིའི་དཔལ་འབྱོར་ལོངས་སྤྱོད་དཔག་མེད་རྣམས༔ མོས་བློས་བླངས་ཏེ་གནམ་ས་བར་སྣང་བཀང་༔ ཐུགས་རྗེ་ཁྲོས་མ་གཙོ་འཁོར་བཅས་ལ་འབུལ༔ གསང་བ་ཌཀིའི་ལྷ་ཚོགས་ཐུགས་དམ་བསྐང་༔ སྣོད་ཀྱི་འཇིག་རྟེན་བྷན་ཡངས་པའི་ནང་༔ སྣང་སྲིད་འབྱུང་བ་ཐམས་ཅད་ཟག་མེད་ཀྱི༔ གཏོར་མ་འབྲུ་བཅུད་རིན་ཆེན་དུ་མས་སྤྲས༔ འཛམ་གླིང་སྤྱོད་བྱེད་དཀར་དམར་ཐིགས་པ་གནས༔ ཐུགས་རྗེ་ཁྲོས་མ་གཙོ་འཁོར་བཅས་ལ་འབུལ༔ གསང་བ་ཆ་ཀིའི་ལྷ་ཚོགས་ཐུགས་དམ་བསྐང་༔ བཅུད་ཀྱི་སྐྱེ་འགྲོ་དུར་ཁྲོད་གཞལ་ཡས་ཁང་༔ ཕུང་ཁམས་སྐྱེ་མཆེད་ལྷུན་གྲུབ་ཕོ་བྲང་བརྩེགས༔ རྣམ་ཤེས་དཔའ་བོ་དཔའ་མོའི་གླུ་བྲོ་གར༔ གཞལ་ཡས་ཁང་ཆེན་ཡོངས་སུ་རྫོགས་པ་འདི༔ ཐུགས་རྗེ་ཁྲོས་མ་གཙོ་འཁོར་བཅས་ལ་འབུལ༔ གསང་བ་ཌཱཀིའི་ལྷ་ཚོགས་ཐུགས་དམ་བསྐང་༔ དུར་ཁྲོད་བཀོད་ལེགས་ཕོ་བྲང་བཤམས་པ་འདི༔ ཕྱི་ལྟར་མཁའ་འགྲོའི་དཀྱིལ་འཁོར་བསམ་ལས་འདས༔ ནང་ལྟར་དགྲ་བགེགས་ཤ་ཁྲག་གཏོར་མ་བཤམས༔ གསང་བ་ཡེ་ཤེས་ལྷ་དང་གཉིས་སུ་མེད༔ ཐུགས་རྗེ་ཁྲོས་མ་གཙོ་
འཁོར་བཅས་ལ་འབུལ༔ གསང་བ་ཌཀིའི་ལྷ་ཚོགས་ཐུགས་དམ་བསྐང་༔ དངོས་སུ་བཤམས་དང་ཡིད་སྤྲུལ་མཆོད་སྦྱིན་ཚོགས༔ རྒྱ་ཆེན་རྒྱུན་མི་འཆད་ཅིང་ཟག་མེད་བདེ༔ ཀུན་བཟང་ལས་བྱུང་དགྱེས་པའི་ལོངས་སྤྱོད་རྫོགས༔ གླུ་དབྱངས་བརྡ་གར་ལྷག་བསམ་བསྐང་རྫ་ས་འདི༔ ཐུགས་རྗེ་ཁྲོས་མ་གཙོ་འཁོར་བཅས་ལ་འབུལ༔ གསང་རྒྱབ་ཆ་ཀིའི་ལྷ་ཚོགས་ཐུགས་དམ་བསྐང་༔ ཞེས་ཚོགས་ཕུད་ཕུལ་ལ༔ ཧཱུྃ༔ བཅོམ་ལྡན་རྡོ་རྗེ་ཕག་མོ་སྟོང་ཉིད་ངང་༔ ཐུགས་རྗེ་ཁྲོས་མའི་ཐུགས་དམ་བསྐང་༔ སྐུ་ཡིས་མཚན་དཔེས་འཇིགས་ཀུན་སྒྲོལ༔ བདེ་ཆེན་དཀར་མོའི་ཐུགས་དམ་བསྐང་༔ ཡོན་ཏན་རེ་བསྐངས་དངོས་གྲུབ་བདག༔ སེར་མོ་དོན་གྲུབ་ཐུགས་དམ་བསྐང་༔ གསུང་གིས་ཁམས་གསུམ་དབང་དུ་སྡུད༔ དམར་མོ་སྒྲ་སྒྲོགས་ཐུགས་དམ་བསྐང་༔ ཕྲིན་ལས་བཞི་ཡི་མངོན་སྤྱོད་མཛད༔ སྣ་ཚོགས་མཐར་ཕྱིན་ཐུགས་དམ་བསྐང་༔ རྡོ་རྗེ་མཁའ་འགྲོ་འཇིགས་ཚུལ་ཅན༔ དཀར་མོ་འབུམ་སྡེའི་ཐུགས་དམ་བསྐང་༔ རིན་ཆེན་མཁའ་འགྲོ་གཟི་བརྗིད་ཅན༔ སེར་མོ་འབུམ་སྡེའི་ཐུགས་དམ་བསྐང་༔ པདྨ་མཁའ་འགྲོ་དྲི་མེད་མ༔
དམར་མོ་འབུམ་སྡེའི་ཐུགས་དམ་བསྐང་༔ ལས་ཀྱི་མཁའ་འགྲོ་བདེ་བ་ཅན༔ ལྗང་མོ་འབུམ་སྡེའི་ཐུགས་དམ་བསྐང་༔ དམ་ཚིག་མཁའ་འགྲོ་དམིགས་པ་ཅན༔ མ་མོ་འབུམ་སྡེའི་ཐུགས་དམ་བསྐང་༔ སྣ་ཚོགས་མཁའ་འགྲོ་མི་ཐུབ་མ༔ དཔའ་མོ་འབུམ་སྡེའི་ཐུགས་དམ་བསྐང་༔ ཐམས་ཅད་མཁའ་འགྲོ་ཀུན་རྒྱུའི་བདག༔ རྗེས་གཅོད་འབུམ་སྡེའི་ཐུགས་དམ་བསྐང་༔ འཇིག་རྟེན་མཁའ་འགྲོ་དུར་ཁྲོད་བདག༔ ཤ་ཟ་འབུམ་སྡེའི་ཐུགས་དམ་བསྐང་༔ གནས་ཆེན་ཉེར་བཞི་ཡུལ་སོ་གཉིས༔ བྱེ་བ་འབུམ་སྡེའི་ཐུགས་དམ་བསྐང་༔ ཡེ་ཤེས་སྐུ་ཡི་དཀྱིལ་འཁོར་ནས༔ མཁའ་འགྲོ་འབུམ་འབུམ་ཐུགས་དམ་བསྐང་༔ ཐུགས་དམ་གཉེན་པོ་བསྐངས་གྱུར་ནས༔ གཡར་དམ་གཉེན་པོ་ཁྱོད་ཀྱིས་སྩོལ༔ བཤགས་པ་ནི༔ ཧཱུྃ༔ མཁའ་འགྲོ་འཁོར་བཅས་དགོངས་སུ་གསོལ༔ བདག་ནི་མ་རིག་འཁྲུལ་པ་ཡིས༔ རྩ་བ་ཡན་ལག་དམ་ཚིག་ལ༔ ཉམས་ཆག་འགལ་འཁྲུལ་མཐོལ་ལོ་བཤགས༔ བཛྲ་ཌཱཀི་ནཱི་སརྦ་ས་མ་ཡ་ཤུདྡྷེ་ཨ་ཨཱཿ དེ་ནས་མཆེད་ལྕམ་རྣམས་ཚོགས་ལ་རོལ་པ་ནི༔ ཀྱེ་དཔའ་བོ་ཆེན་པོ་དགོངས་སུ་གསོལ༔ འདི་ནི་ཆོས་རྣམས་བཟང་པོར་
སྟོན༔ འདུས་པའི་དྲི་བྲལ་གཙང་སྨེ་གཉིས༔ རང་བཞིན་གཅིག་ཏུ་ངེས་དགོངས་རོལ༔ ཞེས་དྲངས་སོ༔ བདེ་གཤེགས་ཆོས་སྐུ་དྲི་མ་མེད༔ གཟུང་འཛིན་བླང་དོར་མེད་པའི་ངང་༔ བླ་མེད་དམ་རྫས་དངོས་གྲུབ་ཉིད༔ དད་གུས་དགྱེས་པའི་ཨ་ལ་ལ་ཧོ༔ ཞེས་བླང་ལ་རོལ༔ ལྷག་མ་བསྡུས་ལ་བྲན༔ ཧཱུྃ༔ དང་པོ་ཕུད་ཀྱིས་མཁའ་འགྲོ་མཆོད༔ བར་དུ་ཚོགས་ཀྱིས་འདིར་ཚོགས་དགྱེས༔ ཐ་མ་ལྷག་མས་གནོད་བྱེད་ཚིམས༔ རྣམ་གསུམ་གཅིག་བསྲེས་རྒྱུ་འབྲས་གཅིག༔ ཁ་ཆུས་བྲན་པས་དམ་ཚིག་འདྲེས༔ ལས་བྱེད་ཤུགས་འགྲོ་ལྷག་ལ་འདུས༔ ཧཱུཾ་བྷྱོ༔ ཕྱི་རོལ་དུར་ཁྲོད་ཆེན་པོའི་གནས་བརྒྱད་ནས༔ མཁའ་འགྲོ་ཤུགས་འགྲོ་ཞིང་སྐྱོང་དང་༔ དབང་ཕྱུག་གིང་ལང་ཕྲ་མེན་མ༔ མཁའ་རྒྱུ་གར་ཡང་ཐོགས་མེད་ཅིང་༔ འདོད་དགུའི་གཟུགས་ཅན་འཕྲུལ་མོ་ཆེ༔ རབ་འཇིགས་རྔམ་བྱེད་སྲིན་མོའི་ཚོགས༔ ཤ་ཟ་ཁྲག་འཐུང་རུས་འཆའ་མོ༔ མྱུར་མགྱོགས་རྫུ་འཕྲུལ་སྟོབས་ལྡན་མ༔ སྣ་ཚོགས་ལས་བྱེད་སྤྲུལ་འཁོར་བཅས༔ བརྡ་ཐོས་རྒྱུ་བའི་ཚོགས་ཁང་འགྲིམ༔ ལྷག་སྡུད་དྲོད་ཉུལ་རྣལ་འབྱོར་སྐྱོང་༔ གླུ་ལེན་གར་བྱེད་ཁྱུགས་སེ་
ཁྱུག༔ གཏོར་ལེན་བྲོ་རྡུང་ཁྲིགས་སེ་ཁྲིག༔ ཤ་ཟའི་མཆེ་བ་ཆེམས་སེ་ཆེམ༔ ཁྲག་འཐུང་ལྕེ་སྤྱང་སྤུངས་སེ་སྤུང་༔ རུས་མུར་སོ་སྒྲ་ཁྲོ་ལོ་ལོ༔ རྐང་འཇིབ་རྐན་སྒྲ་ཐགས་སེ་ཐག༔ ཆང་འཐུང་བཞད་གད་ཡ་ལ་ལ༔ ཕྱི་འཁོར་སྐྱོང་བའི་མཁའ་འགྲོ་རྣམས༔ ཚོགས་ལྷག་ཉིད་དང་ལྷན་ཅིག་ཏ༔ སྡང་དགྲ་གནོད་བྱེད་བགེགས་འབུལ་བཞེས༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་ལྷག་མ་ཕྱི་རོལ་དུ་དོར༔ ལྔ་པ་མཁའ་འགྲོ་འཁོར་བཅས་ཀྱི་ཐུགས་དམ་གནད་ནས་བསྐུལ་ཏེ༔ ཐོད་སྣོད་རྐང་གི་གཟར་བུས་ཤ་ཁྲག་གཏོར་མ་ལ་ལེགས་པར་མཆོད་ལ༔ རྔ་གླིང་རོལ་མོ་དང་བཅས་པས་བྷྱོ༔ མཚན་མོ་སྒྲ་སྒྲོག་གཅེར་བུ་མ༔ རྐང་པས་བགེགས་མནན་སྟེང་དུ་ལ༔ གྱེན་དུ་ཕག་ངུར་སྣང་སྲིད་འདུས༔ མཁའ་འགྲོ་འཁོར་བཅས་དུས་ལ་བབ༔ མ་བཅོས་རྫོགས་པའི་ཁྲོས་མ་ནག་མོ་ནི༔ མཐིང་ནག་འབར་བ་ཕག་ཞལ་ངུར་སྒྲ་སྒྲོག༔ ཞལ་གཅིག་ཕྱག་གཉིས་ཁྲོ་མོའི་ཆ་བྱད་ཅནེ༔ ཁྲོ་གཉེར་སྤྱན་གསུམ་མཆེ་བ་རབ་ཏུ་གཙིགས༔ གྲི་གུག་ཐོད་ཁྲག་གཡས་གཡོན་ཕྱག་ན་བསྣམས༔ ཕྱག་མཚན་ཁ་ཊཾ་ག་ནི་གྲུ་མོར་བརྟེན༔ ཕྱག་རྒྱ་ལྔ་དང་དུར་ཁྲོད་ཆས་ཀྱིས་བརྒྱན༔ མེ་
དཔུང་ཀློང་ན་ཞབས་གཉིས་བརྐྱང་བསྐུམ་འགྱིངས༔ གར་དགུའི་ཉམས་ལྡན་མཉེན་ལྕུག་བརྗིད་བའི་སྐུ༔ ཐུགས་རྗེ་ཁྲོས་མའི་ཐུགས་དམ་དུས་ལ་བབ༔ སྲིད་པའི་འདྲེ་གདོན་ཐལ་བ་རྡུལ་དུ་རློགས༔ ཧཱུྃ༔ ཆོས་ཉིད་རང་སྒྲ་འབྲུག་སྟོང་ལྡིར་བ་ཡི༔ དབྱངས་གསལ་ཨཱ་ར་ལི་ཕོ་ཧཱུཾ་སྒྲ་སྒྲོག༔ བློ་ཟློག་ཕཊ་བཞད་ང་རོས་བདུད་དཔུང་འདུལ༔ སྤྱི་གཙུག་ཕག་ཞལ་ངུར་ངུར་ཕྱོགས་བཅུར་སྒྲོག༔ སྣང་སྲིད་དབང་སྡུད་མཁའ་འགྲོ་ཕོ་ཉར་འགྱེད༔ གསུང་དབྱངས་དྲུག་ཅུས་འཁོར་བ་དོང་ནས་སྤྲུགས༔ ཐུགས་རྗེ་ཁྲོས་མའི་ཐུགས་དམ་དུས་ལ་བབ༔ སྲིད་པའི་འདྲེ་གདོན་ཐལ་བ་རྡུལ་དུ་རློགས༔ ཧཱུྃ༔ དོན་དམ་སྐྱེ་མེད་སྤྲོས་བྲལ་ཀློང་ཡངས་ཐུགས༔ ཤེས་རབ་ཕར་ཕྱིན་དྲུག་དང་ཐེག་དགུའི་མཛོད༔ བརྗོད་ལས་རང་བྱུང་མཐའ་བྲལ་སྟོང་ཉིད་ངང་༔ འགྲོ་ལ་བརྩེར་བཟུང་དངོས་གྲུབ་ཀུན་འབྱུང་གནས༔ འོད་གསལ་འོད་སྟོང་སྙིང་རྗེའི་ཡུལ་དུ་འཇུག༔ ཡེ་ཤེས་ལྔ་ལྡན་ཉོན་མོངས་དྲི་འཇོམས་ཐུགས༔ ཐུགས་རྗེ་ཁྲོས་མའི་ཐུགས་དམ་དུས་ལ་བབ༔ སྲིད་པའི་འདྲེ་གདོན་ཐལ་བ་རྡུལ་དུ་རློགས༔ ཧཱུྃ༔ རྟོག་མེད་ལྷུན་གྲུབ་ཁྲོ་མོ་
ཁྲག་འཐུང་ཁྲོས༔ ཡེ་ཤེས་ལོངས་སྤྱོད་རྫོགས་སྐུའི་དཀྱིལ་འཁོར་ནས༔ མཁའ་འགྲོ་འབུམ་ཕྲག་ཉི་ཤུ་རྩ་བཞི་སྤྲུལ༔ མཁའ་ལ་འཇའ་ཤར་ལྟ་བུས་འགྲོ་དོན་མཛོད༔ འདོད་དགུ་ཐོགས་མེད་ཕུན་སུམ་ཚོགས་པ་ཡི༔ ཕྱོགས་བཅུའི་སངས་རྒྱས་ཞིང་ཁམས་ཚོགས་ཀྱིས་གང་༔ ཐུགས་རྗེ་ཁྲོས་མའི་ཐུགས་དམ་དུས་ལ་བབ༔ སྲིད་པའི་འདྲེ་གདོན་ཐལ་བ་རྡུལ་དུ་རློགས། ཧཱུྃ༔ གང་འདུལ་ཐབས་མཁས་བདུད་སྡེའི་དཔུང་འཇོམས་ཕྱིར༔ སྤྱི་མགྲིན་སྙིང་ལྟེ་གསང་གནས་འཁོར་ལོ་ལྔ༔ མཁའ་འགྲོ་སྡེ་ལྔའི་དཀྱིལ་འཁོར་སྤྲུལ་པ་བཅས༔ འབུམ་ཕྲག་བྱེ་བ་ས་ཡས་འདྲེ་དཔུང་འདུལ༔ ཀུན་ཀྱང་གཙོ་མོ་རང་འདྲ་ཁྲོ་མོའི་གཟུགས༔ ཕྲིན་ལས་དུ་མས་བདུད་སྡེ་དཔུང་བཅས་འཇོམས༔ ཐུགས་རྗེ་ཁྲོས་མའི་ཐུགས་དམ་དུས་ལ་བབ༔ སྲིད་པའི་འདྲེ་གདོན་ཐལ་བ་རྡུལ་དུ་རློགས༔ ཞེས་བསྐུལ་ལོ༔ དྲུག་པ་མངོན་སྤྱོད་དྲག་པོས་དགྲ་བགེགས་ཚར་གཅོད་པ་ལ༔ མདུན་དུ་དགྲ་བགེགས་གང་གནོད་ལིངྒ་བཅས་པ་བཤམ༔ གྲི་གུག་ཕུར་པ་ཐུན་ཟོར་ཐོགས་ལ༔ ཨེ་ལས་དུག་གསུམ་བཙོན་ཁང་རབ་འབར་ནང་༔ ཏྲི་ལས་གནོད་བྱེད་གཟུགས་ཕུང་དངོས་སུ་གསལ༔ འདིའི་མཚམས་སུ་བདེན་བདར་དང་
བཀུག་གཞུག་དྲག་ཏུ་བྱའོ༔ བྷྱོ༔ ཆོས་ཀྱི་དབྱིངས་ནས་རང་བྱུང་གྲུབ་པའི་ལྷ༔ ཌཱཀི་རོལ་པའི་དུར་ཁྲོད་ཆེན་པོ་ནས༔ ཤིན་ཏུ་མི་བཟད་རབ་འཇིགས་སྐུར་སྟོན་པ༔ ཁྲོས་མ་ཡོངས་རྫོགས་དྲག་པོའི་ཕྲིན་ལས་མཛོད༔ སངས་རྒྱས་བསྟན་པ་བཤིག་པ་དང་༔ བླ་མའི་སྐུ་ལ་བསྡོ་བ་དང་༔ བདག་དང་མཆེད་ལ་འཚེ་བ་ཡི༔ སྡང་བའི་དགྲ་དང་གནོད་པའི་བགེགས༔ དབང་དུ་བསྡུས་ལ་རྡུལ་དུ་རློགས༔ བཛྲ་ཨངྐུ་ཤ་ཛཿ རཏྣ་པཱ་ཤ་ཧཱུྃ༔ པདྨ་སྤོ་ཊ་ཐཾ༔ ཀརྨ་གནྡྷེ་ཧོ༔ བྷྱོ༔ དམ་ཚིག་ཆེན་པོའི་དུས་ལ་བབ། ལས་ཀྱི་མཁའ་འགྲོ་རྫུ་འཕྲུལ་ཅན༔ གདུག་ཅིང་སྡང་སེམས་ལྡན་པ་རྣམས༔ ལྷ་དང་ཕྱེས་ལ་མྱོས་སུ་ཆུགས༔ སརྦ་ཀརྨ་ཊཱཀི་ནི་ཀྲོ་ཏི་སརྦ་ཤ་ཏུཾ་པྲ་ཝེ་ཤ་ཡ་ཕཊ༔ གྲི་གུག་ཐོགས་ལ༔ ཚེ་ཁྲུས་ཀྱི་དགོངས་པ་དང་ལྡན་པས་དགྲ་བགེགས་རྣམ་ཤེས་སྤར༔ ཧཱུྃ༔ ང་ནི་ཁྲོས་མ་ནག་མོའི་སྐུ༔ སྲས་དང་སྤྲུལ་པ་བྱེ་བ་འབུམ༔ མཁའ་འགྲོ་རབ་འཇིགས་ཕོ་ཉར་འགྱེད༔ ཁྲོ་མོ་ཡོངས་རྫོགས་དུས་ལ་བབ༔ ཀུན་ཀྱང་སྲོག་གི་བདག་མོ་སྟེ༔ གཡས་ཀྱི་ཕྱག་ན་གྲི་གུག་བསྣམས༔ ཡར་རྩེ་རྡོ་རྗེ་རྩེ་ལྔ་འདི༔ ཡེ་ཤེས་ལྔ་ལྡན་དུག་ལྔ་བསྒྲལ༔ སྐེད་པ་
ཆུ་སྲིན་འབར་བ་འདི༔ མ་རིག་སྡུག་བསྔལ་དབྱིངས་སུ་བསྒྲལ༔ མར་རྩེ་ཟངས་གྲི་རྣོན་པོ་འདིས༔ སྲིད་པའི་འདྲེ་གདོན་སྐྱེ་ཤི་གཅོད༔ ཉམས་པའི་སྲོག་ལ་མཱ་ར་ཡ༔ ཨོཾ་ཤྲཱི་བཛྲ་བྷ་ར་ཧི་ཀྲོ་ཏི་ཀཱ་ལི་ཧ་རི་ནི་ས༔ བཛྲ་ཌཱཀི་ནཱི་ཨཱ་ཝེ་ཤ་ཡ་གནོད་བྱེད་དགྲ་བགེགས་ཐམས་ཅད་སརྦ་ཤ་ཏུཾ་མཱ་ར་ཡ་ཕཊ༔ ཅེས་བསྒྲལ་ཞིང་གཏུབ་ལ༔ བྷྱོ༔ མཁའ་འགྲོའི་ལྷ་ཚོགས་དུས་ལ་བབ༔ དམ་ཉམས་དགྲ་བགེགས་ཕུང་པོ་ལ༔ ཕུར་པ་རལ་གྲི་དགྲ་སྟ་དང་༔ ཡུངས་དཀར་མདའ་རྡོ་ཁྲག་ལ་སོགས༔ སྣ་ཚོགས་མཚོན་ཆར་དགྲ་ལ་ཕོབ༔ དགྲ་བགེགས་ཐལ་བ་རྡུལ་དུ་རློགས༔ ཨོཾ་བཛྲ་ཀྲོ་ཏི་སརྦ་ཀརྨ་ཡཀྵ་ཡ་མ་ཐ་དུ་རཀྟ་པ་ཏྲེ་སརྦ་ཀརྨ་བློ་བྷྱོ༔ ཞལ་དུ་བསྟབ་པ་ནི༔ བྷྱོ༔ མཁའ་འགྲོ་ཁྲོས་མ་འཁོར་དང་བཅས༔ དགྲ་བགེགས་ཕུང་པོ་ཞལ་དུ་བསྟབ༔ ལྷག་མ་མེད་པར་ཁ་རཾ་ཁཱ་ཧི༔ དགྱེས་པར་རོལ་ཅིག་ཨཱ་ར་ལི༔ སརྦ་ཌཱཀི་ནི་ཁ་ཁ་ཁཱ་ཧི་ཁཱ་ཧི༔ ཞེས་ཕུལ༔ བདུན་པ་ཟློག་པའི་གཞུང་དངོས་ལ་འདི་སྐད་དོ༔ དེ་ནས་གྱེར་དབྱངས་དང་བཅས༔་ཧཱུྃ་བྷྱོ༔ གདོད་ནས་རྣམ་དག་ཆོས་འབྱུང་ལྷུན་གྲུབ་དབུས༔ བཅོམ་ལྡན་རྡོ་རྗེ་ཕག་མོ་ཁྲོས་མའི་སྐུ༔ སྐུ་མདོག་སྨུག་ནག་འཇིག་
རྟེན་གསུམ་པོ་འདུལ༔ སྤྱི་གཙུག་ཕག་ཞལ་ངུར་སྒྲས་སྟོང་གསུམ་སྡུད༔ ཁྲོ་གཉེར་རབ་བསྡུས་ཁམས་གསུམ་ཟིལ་གྱིས་གནོན༔ སྤྱན་བསྒྲད་ཞལ་གདངས་སྲིད་གསུམ་གདུག་པ་འདུལ༔ གཏུམ་ཆེན་ཁྲོ་མོའི་ཐུགས་དམ་གནད་ནས་སྐུལ༔ དགྲ་བགེགས་ཤ་ཁྲག་གཏོར་མ་འདི་བཞེས་ལ༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ ཁྲོ་མོ་རོལ་པའི་གཏོར་ཟློག་ལས་ཀྱང་༔ བྷྱོ༔ ཕྱོགས་ཕྱོགས་དག་ཀྱང་ཕ་ཀི་ན༔ རི་བོ་ཆེན་པོའི་བྱང་ཕྱོགས་ན༔ རྩུབ་གྱུར་ཚལ་གྱི་དུར་ཁྲོད་ན༔ རི་བོ་ཐམས་ཅད་རུས་པའི་རི༔ ཆུ་རྣམས་ཐམས་ཅད་ཁྲག་དང་རྣག༔ རྩི་ཤིང་ཐམས་ཅད་མདའ་དང་མདུང་༔ སྒྲ་སྐད་ཐམས་ཅད་སྔགས་ཀྱི་སྒྲ༔ རབ་ཏུ་འཇིགས་པའི་གནས་མཆོག་ནས༔ དུས་གསུམ་སངས་རྒྱས་ཡ་ང་བ༔ ཕྱག་ན་རྡོ་རྗེ་འཇིགས་པའི་ས༔ ཁྲོ་བཅུ་རྒྱུ་བར་མི་ནུས་ཤིང་༔ ཨུ་ཙ་ལ་ཡི་དུར་ཁྲོད་དེར༔ རབ་འཇིགས་གཏུམ་པོ་འབར་བ་རུ༔ རྡོ་རྗེ་ཕག་མོའི་ཕོ་བྲང་དུ༔ ཁྲོས་མ་ནག་མོ་དེ་ན་བཞུགས༔ གསང་བའི་ཕག་ལྔ་དེ་ན་བཞུགས༔ མཁའ་འགྲོ་སྡེ་བརྒྱད་དེ་ན་བཞུགས༔ ཧཱུྃ་དད་པ་དང་ནི་དམ་ཚིག་གིས༔ སྐུ་
གསུང་ཐུགས་རྒྱུད་བསྐུལ་བའི་ཚེ༔ ཁྲོས་མའི་ཞལ་ནས་བྱུང་བ་ནི༔ སྟོང་ཉིད་དོན་རྟོགས་ཁྲོ་མོ་འབུམ༔ དམ་ཉམས་དགྲ་བགེགས་གཏོར་མ་བཞེས༔ སྲིད་པའི་འདྲེ་གདོན་དགྲ་ལ་ཟློག༔ དབུ་སྐྲ་དམར་སེར་སྤྲིན་གཏིབས་ལ༔ ཐུགས་རྗེའི་ཆར་འབེབས་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ ཐོད་སྐམ་ལྔ་ཡིས་དབུ་བརྒྱན་ལ༔ རིགས་ལྔའི་འགྲོ་དོན་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ་སྲིད་པའི་འདྲེ་གདོན་དགྲ་ལ་ཟློག༔ སྤྱན་གསུམ་སྡང་མིག་རབ་བསྒད་པས༔ དུག་གསུམ་རྩད་གཅོད་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ ཞལ་གྱི་ཁྲོ་གཉེར་ལྔ་ལྡན་ལ༔ དུག་ལྔ་རང་གྲོལ་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ ཞལ་གདངས་ལྗགས་འདྲིལ་རྔམས་པ་ལ༔ སྤྲུལ་པ་གློག་འཁྱུགས་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ་སྲིད་པའི་འདྲེ་གདོན་དགྲ་ལ་ཟློག༔ མཆེ་བཞི་རྣོ་དཀར་གཙིགས་པ་ལ༔ སྐྱེ་འཆི་རྩད་གཅོད་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔
སྲིད་པའི་འདྲེ་གདོན་དགྲ་ལ་ཟློག་དགྱེས་པས་ཨཱ་ར་ལི་སྒྲོག་པ༔ འཁོར་བ་དོང་སྤྲུག་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་དགྲ་ལ་ཟློག༔ ཁྲོས་པས་མཱ་ར་ཡ་སྒྲོག་པའི༔ ལོག་འདྲེན་ཐལ་བརླག་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ ཕྱག་གཡས་གྲི་གུག་འབར་བ་ལས༔ སྲོག་གཅོད་དབུགས་ལེན་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ གཡོན་པས་ཐོད་པ་ཁྲག་བཀང་གསོལ༔ དམ་ཉམས་སྙིང་འདྲེན་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ ཁ་ཊཾ་རྩེ་གསུམ་མཆན་དུ་འཁྱུད༔ དུག་གསུམ་རྩད་གཅོད་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ ཐོད་པ་སྐམ་རློན་སུམ་བརྩེགས་ལ༔ ཁམས་གསུམ་དབང་སྡུད་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ མཐིང་ནག་ཅོད་པན་འཕུར་པ་ལ༔ སྲིད་གསུམ་ཟིལ་གནོན་ཁྲོ་མོ་འབུམ༔ དམ་ཉམས་ཤ་
ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ གསེར་གྱི་ཌཱ་རུ་འཁྲོལ་བ་ལ༔ སྙན་བརྒྱུད་གསང་མཛོད་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ དྲང་ཞིང་ཡུ་བ་དཀར་པོ་ལ༔ ལྷ་མིན་གཡུལ་བཟློག་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ་སྲིད་པའི་འདྲེ་གདོན་དགྲ་ལ་ཟློག་སྙན་ཆ་མགུལ་རྒྱན་མཛེས་པ་ལ༔ ཀུན་གྱི་ཡིད་འགུགས་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ ཕྱག་རྒྱ་དྲུག་གིས་རབ་ཏུ་བརྒྱན༔ ཕར་ཕྱིན་དྲུག་ལྡན་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ གདུག་པ་སྦྲུལ་གྱི་ག་ཤལ་ལ༔ དགྲ་ལ་དུག་འབེབས་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ ཐོད་རློན་ལྔ་བཅུའི་དོ་ཤལ་ལ༔ འདུ་བྱེད་རྩད་གཅོད་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ ང་རྒྱལ་སྟག་གི་ཤམ་ཐབས་ལ༔ སྡིག་ཅན་ཟིལ་གནོན་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་
གདོན་དགྲ་ལ་ཟློག༔ གཅེར་བུ་སྐྲ་གྲོལ་གར་ཐབས་རོལ༔ རྟོག་མེད་ཉམས་ལྡན་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ གཡས་བསྐུམ་གཡོན་བརྐྱང་འགྱིང་བ་ལ༔ ལེགས་ཉེས་སྟངས་གཅོད་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ བམ་རོ་བདུད་བཞི་གདན་རོལ་ལ༔ དུར་ཁྲོད་ཤ་ཟ་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ སྐུ་མདོག་རབ་རྔམ་མཐིང་ནག་ལ༔ ཞེ་སྡང་རྩད་གཅོད་ཁྲོ་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ སྤྱི་གཙུག་ཕག་ཞལ་དུར་བ་ལ༔ སྡེ་བརྒྱད་དབང་སྡུད་ཁྲོ་མོ་འབུམ༔ ༔ དམ་ཉམས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་ཟློག༔ ཧཱུྃ༔ དུང་ཁང་རྩ་འཁོར་སུམ་བརྒྱ་དྲུག་ཅུ་ལ༔ རྡོ་རྗེ་རིགས་ཀྱི་ཁྲོ་མོ་དཀར་མོ་འབུམ༔ མཁའ་འགྲོ་འབུམ་གྱི་བརྡ་སྐད་དི་རི་རི༔ ཤ་ཟན་འབུམ་ཕྲག་དབང་དུ་སྡུད་པ་ཡི༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ སྲིད་པའི་འདྲེ་གདོན་དགྲ་ལ་བཟློག་ཏུ་གསོལ༔
མགྲིན་པར་རྩ་འཁོར་བཅུ་དྲུག་རྒྱས་པ་ལ༔ རིན་ཆེན་རིགས་ཀྱི་ཁྲོ་མོ་སེར་མོ་འབུམ༔ མཁའ་འགྲོ་འབུམ་གྱི་བརྡ་སྐད་དི་རི་རི༔ རུས་མུར་འབུམ་ཁྲག་དབང་དུ་བསྡུ་བ་ཡི༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ སྲིད་པའི་འདྲེ་གདོན་དགྲ་ལ་བཟློག་ཏུ་གསོལ༔ ཐུགས་ཀར་རྩ་འཁོར་སུམ་ཅུ་རྩ་གཉིས་ལ༔ སངས་རྒྱས་རིགས་ཀྱི་མཁའ་འགྲོ་མཐིང་ནག་འབུམ༔ མཁའ་འགྲོ་འབུམ་གྱི་བརྡ་སྐད་དི་རི་རི༔ ཀླད་བཅོམ་འབུམ་ཕྲག་དབང་དུ་བསྡུ་བ་ཡི༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ སྲིད་པའི་འདྲེ་གདོན་དགྲ་ལ་བཟློག་ཏུ་གསོལ༔ ལྟེ་བ་རྩ་འཁོར་དྲུག་ཅུ་རྩ་བཞི་ལ༔ པདྨ་རིགས་ཀྱི་ཁྲོ་མོ་དམར་མོ་འབུམ༔ མཁའ་འགྲོ་འབུམ་གྱི་བརྡ་སྐད་དི་རི་རི༔ ཁྲག་འཐུང་འབུམ་ཕྲག་དབང་དུ་བསྡུ་བ་ཡི༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ སྲིད་པའི་འདྲེ་གདོན་དགྲ་ལ་བཟློག་ཏུ་གསོལ༔ གསང་གནས་རྩ་འཁོར་ཉི་ཤུ་རྩ་བརྒྱད་ལ༔ ལས་ཀྱི་རིགས་ཀྱི་ཁྲོ་མོ་ལྗང་ནག་འབུམ༔ མཁའ་འགྲོ་འབུམ་གྱི་བརྡ་སྐད་དི་རི་རི༔ དབུགས་འཕྲོག་འབུམ་ཕྲག་དབང་དུ་བསྡུ་བ་ཡི༔ དམ་ཉམས་དགྲ་བགེགས་ཤ་ཁྲག་འདི་རོལ་
ལ༔ སྲིད་པའི་འདྲེ་གདོན་དགྲ་ལ་བཟློག་ཏུ་གསོལ༔ སྐུ་ཡི་སྤྲུལ་པ་བདེ་ཆེན་དཀར་མོ་ལ༔ གཏི་མུག་རྩད་གཅོད་ཁྲོ་མོ་དཀར་མོ་འབུམ༔ མཁའ་འགྲོ་འབུམ་གྱི་བརྡ་སྐད་དི་རི་རི༔ གཟུགས་སྣང་མཁའ་འགྲོ་འབུམ་ཕྲག་དབང་དུ་བསྡུ༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ སྲིད་པའི་འདྲེ་གདོན་དགྲ་ལ་བཟློག་ཏུ་གསོལ༔ མི་ཡོན་ཏན་སྤྲུལ་པ་སེར་མོ་དོན་གྲུབ་མ༔ ང་རྒྱལ་རྩད་གཅོད་ཁྲོ་མོ་སེར་མོ་འབུམ༔ མཁའ་འགྲོ་འབུམ་གྱི་བརྡ་སྐད་དི་རི་རི༔ རྫུ་འཕྲུལ་མཁའ་འགྲོ་འབུམ་ཕྲག་དབང་དུ་བསྡུ༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ སྲིད་པའི་འདྲེ་གདོན་དགྲ་ལ་བཟློག་ཏུ་གསོལ༔ གསུང་ལས་སྤྲུལ་པའི་དམར་མོ་སྒྲ་སྒྲོགས་མ༔ འདོད་ཆགས་རྩད་གཅོད་ཁྲོ་མོ་དམར་མོ་འབུམ༔ མཁའ་འགྲོ་འབུམ་གྱི་བརྡ་སྐད་དི་རི་རི༔ སྐད་སྒྲོག་མཁའ་འགྲོ་འབུམ་ཕྲག་དབང་དུ་བསྡུ༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ སྲིད་པའི་འདྲེ་གདོན་དགྲ་ལ་བཟློག་ཏུ་གསོལ༔ ཕྲིན་ལས་སྤྲུལ་པ་སྣ་ཚོགས་མཐར་ཕྱིན་མ༔ ཕྲག་དོག་རྩད་གཅོད་ཁྲོ་མོ་ནག་མོ་འབུམ༔ མཁའ་འགྲོ་འབུམ་གྱི་བརྡ་སྐད་དི་རི་རི༔ བརྟུལ་
ཞུགས་མཔའི་འགྲོ་འབུམ་ཕྲག་དབང་དུ་བསྡུ༔ དམ་ཉམས་དགྲ་བགེགས་བུ་ཁྲག་འདི་རོལ་ལ༔ སྲིད་པའི་འདྲེ་གདོན་དགྲ་ལ་བཟློག་ཏུ་གསོལ༔ ༈ ཤར་ཕྱོགས་གཏུམ་དྲག་དུར་ཁྲོད་ནས༔ རྡོ་རྗེ་མཁའ་འགྲོ་དཀར་མོ་འབུམ༔ དམ་ཉམས་ཤ་ཁྲག་འདི་ལ་རོལ༔ དྲི་ཟའི་གདུག་པ་དགྲ་ལ་ཟློག༔ ལྷོ་ཕྱོགས་གད་རྒྱངས་དུར་ཁྲོད་ནས༔ རིན་ཆེན་མཁའ་འགྲོ་སེར་མོ་འབུམ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ གྲུ་བུམ་གདུག་པ་དགྲ་ལ་ཟློག༔ ནུབ་ཕྱོགས་པདྨའི་དུར་ཁྲོད་ནས༔ པདྨ་མཁའ་འགྲོ་དམར་མོ་འབུམ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ ཀླུ་ཡི་གདུག་པ་དགྲ་ལ་ཟློག༔ བྱང་ཕྱོགས་ཀཱི་ལ་སྒྲོག་པ་ནས༔ ལས་ཀྱི་མཁའ་འགྲོ་ལྗང་མོ་འབུམ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ གནོད་སྦྱིན་གདུག་པ་དགྲ་ལ་ཟློག༔ ཤར་ལྷོ་རབ་འཇིགས་དུར་ཁྲོད་ནས༔ དམ་ཚིག་མཁའ་འགྲོ་དཀར་སེར་འབུམ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ དྲང་སྲོང་གདུག་པ་དགྲ་ལ་ཟློག༔ ལྷོ་ནུབ་གཏུམ་པའི་དུར་ཁྲོད་ནས༔ སྣ་ཚོགས་མཁའ་འགྲོ་སེར་དམར་འབུམ༔ དམ་ཉམས་དགྲ་བགེགས་
ཤ་ཁྲག་འདི་ལ་རོལ༔ སྲིན་པོའི་གདུག་པ་དགྲ་ལ་ཟློག༔ ནུབ་བྱང་རབ་རྒྱུའི་དུར་ཁྲོད་ནས༔ ཐམས་ཅད་མཁའ་འགྲོ་དམར་ལྗང་འབུམ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ རླུང་ལྷའི་གདུག་པ་དགྲ་ལ་ཟློག༔ བྱང་ཤར་དྲག་ཤུལ་དུར་ཁྲོད་ནས༔ འཇིག་རྟེན་མཁའ་འགྲོ་ཤ་ཟ་འབུམ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ བགེགས་ཀྱི་གདུག་པ་དགྲ་ལ་ཟློག༔ སྟེང་ཕྱོགས་འཇའ་ལུས་དུར་ཁྲོད་ནས༔ མཁའ་སྤྱོད་མཁའ་འགྲོ་དམར་མོ་འབུམ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ ལྷ་ཡི་གདུག་པ་དགྲ་ལ་ཟློག༔ འོག་ཕྱོགས་ས་གཞིའི་དུར་ཁྲོད་ནས༔ ས་སྤྱོད་མཁའ་འགྲོ་སེར་མོ་འབུམ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ ས་བདག་གདུག་པ་དགྲ་ལ་ཟློག༔ དཀྱིལ་འཁོར་མུ་རན་སྐྱོང་བ་ཡི༔ དབང་ཕྱུག་ཉི་ཤུ་རྩ་བརྒྱད་ཀྱང་༔ རྩང་གི་ལྷ་སྟེ་རྩང་ལ་གནས༔ མ་མོ་བྱེ་བ་ས་ཡ་རྣམས་གཙོ་མཆོག་ཁྲོས་མའི་བཀའ་བཞིན་དུ༔ ཞི་རྒྱས་དབང་དྲག་བསྒྲུབ་སླད་དུ༔ ལས་ཀྱི་ཕོ་བྲང་འདིར་གཤེགས་ལ༔ དམ་ཉམས་ཤ་ཁྲག་འདི་ལ་རོལ༔ ལྷ་ཆེན་ཉེར་བརྒྱད་
གདུག་རྩུབ་ཟློག༔ བཅོལ་བའི་ཕྲིན་ལས་འགྲུབ་པར་མཛོད༔ སྔགས་ཀྱིས་སྦྱར་བ་ནི༔ ཨོཾ་བཛྲ་པྲ་མོ་ཧ་བྷ་ར་ཧི་ཀྲོ་ཏི་ཀཱ་ལི་ནི་སརྦ་ཌཱཀི་ནཱི་ཧེ་དུན་བློ་བློ་ཟློག་ཟློག༔ ཡུངས་དཀར་ལ་སྔགས་བཏབ་ཟོར་དུ་བླུགས༔ བརྒྱད་པ་ཁ་བསྒྱུར་བྱ་བ་ནི༔ སྤྱི་དང་བྱེ་བྲག་གཉིས་ལས༔ སྤྱི་ལ་ལིངྒ་དང་བཅས་པ་ཤ་ཁྲག་གཏོར་མ་མདོས་སུ་ཕུལ་ནས་བྷྱོ༔ རྗེ་བཙུན་ཁྲོས་མ་འཁོར་བཅས་ཀྱིས༔ བཀའ་ཡི་གཏོར་མ་འདི་བཞེས་ལ༔ ཁྲོ་མོ་ཁྱེད་ཀྱི་འདུལ་སྐལ་འདི༔ རྟགས་མཚན་དངོས་ཕྱུངས་འདུལ་བར་མཛོད༔ ཅེས་སྤྱི་དང་༔ བྱེ་བྲག་ཏུ༔ སྲི་འབྱམས་པ་ལ༔ ཕོ་སྲི་གདུག་པ་བཟློག་ཏུ་གསོལ༔ མོ་སྲི་གདུག་པ་བཟློག་ཏུ་གསོལ༔ ཆུང་སྲི་གདུག་པ་བཟློག་ཏུ་གསོལ༔ རྒས་སྲིའི་གདུག་པ་བཟློག་ཏུ་གསོལ༔ གཞོན་སྲིའི་གདུག་པ་བཟློག་ཏུ་གསོལ༔ དར་སྲིའི་གདུག་པ་བཟློག་ཏུ་གསོལ་གྲི་སྲིའི་གདུག་པ་བཟློག་ཏུ་གསོལ༔ ཐབ་སྲིའི་གདུག་པ་བཟློག་ཏུ་གསོལ༔ གོད་སྲིའི་གདུག་པ་བཟློག་ཏུ་གསོལ༔ ཕུང་སྲིའི་གདུག་པ་བཟློག་ཏུ་གསོལ༔ བྱུར་འདྲེའི་གདུག་པ་བཟློག་ཏུ་གསོལ༔ ཟ་འདྲེའི་གདུག་པ་བཟློག་ཏུ་གསོལ༔ མངལ་འབྱམས་གདུག་པ་བཟློག་ཏུ་གསོལ༔ སུན་མ་བཟློག་ན༔ གླུད་དང་སུན་
ཐག་བཀྲོལ་ལ་༈ ཡེ་ཤེས་མཁའ་འགྲོའི་སུན་མ་ཟློག༔ ལས་ཀྱི་མཁའ་འགྲོའི་སུན་མ་ཟློག༔ རིགས་ཀྱི་མཁའ་འགྲོའི་སུན་མ་ཟློག༔ འཇིག་རྟེན་མཁའ་འགྲོའི་སུན་མ་ཟློག༔ ཤ་ཟ་མཁའ་འགྲོའི་སུན་མ་ཟློག༔ ཁྲག་འཐུང་མཁའ་འགྲོའི་སུན་མ་ཟློག༔ རུས་མུར་མཁའ་འགྲོའི་སུན་མ་ཟློག༔ རྐང་ལྡག་མཁའ་འགྲོའི་སུན་མ་ཟློག༔ སྟེ་དབུགས་འཕྲོག་མཁའ་འགྲོའི་སུན་མ་ཟློག༔ མདངས་འཕྲོག་མཁའ་འགྲོའི་སུན་མ་ཟློག༔ སྡེ་བརྒྱད་མཁའ་འགྲོའི་སུན་མ་ཟློག༔ བརྟན་མ་བཅུ་གཉིས་སུན་མ་ཟློག༔ མ་མོ་སྨན་མོའི་སུན་མ་ཟློག༔ སུན་གླུད་འདི་དང་ལུས་བརྗེས་ལ༔ སུན་ཐག་གྲུ་གུ་ལྡོག་ཏུ་གསོལ༔ སུན་ལམ་དར་དཀར་དྲིལ་དུ་གསོལ༔ འཁོར་བཅས་རང་རང་ཡུལ་དུ་སོང་བཅོལ་བའི་ཕྲིན་ལས་འགྲུབ་པར་མཛོད༔ སྨྱོ་འདུལ་ན༔ འབྱུང་བ་ལྔ་དང་ཟོར་ཀོང་ལོ་གྲངས་ལ༔ སྲིད་པ་ལྷ་ཡི་སྨྱོ་འདྲེ་ཐུལ༔ གནོད་བྱེད་འབྱུང་པོ་རྡུལ་དུ་རློགས༔ སྲིད་པ་གཤིན༔ སྨྱོ་འདྲེ་ཐུལ༔ གནོད་བྱེད་འབྱུང་པོའི་སྲོག་ལ་བྷྱོ༔ སྣང་སྲིད་མ་མོའི་སྨྱོ་འདྲེ་ཐུལ༔ གནོད་བྱེད་འབྱུང་པོའི་སྲོག་ལ་བྷྱོ༔ སྲིད་པ་བདུད་ཀྱི་སྨྱོ་འདྲེ་ཐུལ༔ གནོད་བྱེད་འབྱུང་
པོའི་སྲོག་ལ་བྷྱོ༔ སྲིད་པ་བཙན་གྱི་སྨྱོ་འདྲེ་ཐུལ༔ གནོད་བྱེད་འབྱུང་པོའི་སྲོག་ལ་བྷྱོ༔ དཀོར་བདག་རྒྱལ་འགོང་སྨྱོ་འདྲེ་ཐུལ༔ གནོད་བྱེད་འབྱུང་པོ་རྡུལ་དུ་རློགས༔ སྒབ་འདྲེ་གནོད་སྦྱིན་སྨྱོ་འདྲེ་ཐུལ༔ གནོད་བྱེད་འབྱུང་པོ་རྡུལ་དུ་རློགས༔ འཐམས་པ་ཀླུ་བདུད་སྨྱོ་འདྲེ་ཐུལ༔ གནོད་བྱེད་འབྱུང་པོ་རྡུལ་དུ་རློགས༔ དྲང་སྲོང་གཟའ་ཡི་སྨྱོ་འདྲེ་ཐུལ༔ གནོད་བྱེད་འབྱུང་པོ་རྡུལ་དུ་རློགས༔ སྣང་སྲིད་ཐེའུ་རང་སྨྱོ་འདྲེ་ཐུལ༔ གནོད་བྱེད་འབྱུང་པོ་རྡུལ་དུ་རློགས༔ གྲོང་རྒྱུན་འདྲེ་མོའི་སྨྱོ་འདྲེ་ཐུལ༔ གནོད་བྱེད་འབྱུང་པོ་རྡུལ་དུ་རློགས༔ ཡུལ་འདྲེ་འགགས་འདྲེའི་སྨྱོ་འདྲེ་ཐུལ༔ གནོད་བྱེད་འབྱུང་པོ་རྡུལ་དུ་རློགས༔ ཚེ་སྲོག་བླ་ཡིད་བརྐུ་བའི་བགེགས༔ ལུས་ངག་ཡིད་ལ་གནོད་བྱེད་པའི༔ བཀའ་འདས་དམ་ལས་འགལ་བ་འདི༔ མགོ་ལུས་ཚལ་པ་བརྒྱར་ཐོངས་ཤིག༔ མ་གཡེལ་མཁའ་འགྲོའི་ཕྲིན་ལས་མཛོད༔ གྲི་བོ་འདུལ་ན༔ བྱང་ལིང་ལ་བཀུག་ལ༔ གྲི་སྲི་ཤ་བའི་མགོ་བོ་ཅན༔ བཀུག་ནས་འདུལ་བའི་དུས་ལ་བབ༔ གནོད་སེམས་ནུས་པ་བརླག་པར་མཛོད༔ མདའ་གྲི་ཤིང་རྟའི་མགོ་བོ་ཅན༔ བཀུག་ནས་འདུལ་བའི་དུས་ལ་བབ༔
གནོད་སེམས་ནུས་པ་བརླག་པར་མཛོད༔ མེ་གྲི་ཕག་གི་མགོ་བོ་ཅན༔ བཀུག་ནས་འདུལ་བའི་དུས་ལ་བབ༔ གནོད་སེམས་ནུས་པ་བརླག་པར་མཛོད༔ ཆུ་གྲི་ཉ་ཡི་མགོ་བོ་ཅན༔ བཀུག་ནས་འདུལ་བའི་དུས་ལ་བབ༔ གནོད་སེམས་ནུས་པ་བརླག་པར་མཛོད༔ ལྟེབ་གྲི་སྤྲེལ་གྱི་མགོ་བོ་ཅན༔ བཀུག་ནས་འདུལ་བའི་དུས་ལ་བབ༔ གནོད་སེམས་ནུས་པ་བརླག་པར་མཛོད༔ དབབ་ཧྲི་ཀེང་རུས་མགོ་བོ་ཅན༔ བཀུག་ནས་འདུལ་བའི་དུས་ལ་བབ༔ གནོད་སེམས་ནུས་པ་བརླག་པར་མཛོད༔ སྣེལ་གྲི་གླང་གི་མགོ་བོ་ཅན༔ བཀུག་ནས་འདུལ་བའི་དུས་ལ་བབ༔ གནོད་སེམས་ནུས་པ་བརླག་པར་མཛོད༔ མདུང་གྲི་ཕུ་ཤུད་མགོ་བོ་ཅན༔ བཀུག་ནས་འདུལ་བའི་དུས་ལ་བབ༔ གནོད་སེམས་ནུས་པ་བརླག་པར་མཛོད༔ གཏིབ་གྲི་དོམ་གྱི་མགོ་བོ་ཅན༔ བཀུག་ནས་འདུལ་བའི་དུས་ལ་བབ༔ གནོད་སེམས་ནུས་པ་བརླག་པར་མཛོད༔ དམེ་གྲི་སྤྱང་ཀིའི་མགོ་བོ་ཅན༔ བཀུག་ནས་འདུལ་བའི་དུས་ལ་བབ༔ གནོད་སེམས་ནུས་པ་བརླག་པར་མཛོད༔ མཁར་ཅན་གྲི་བོ་བཅུ་གསུམ་འདི༔ ཕྱོགས་བཅུའི་ཞིང་ནས་ཁུག་ལ་
ཐུལ༔ གནོད་སེམས་ནུས་པ་བརླག་པར་མཛོད༔ ནད་རིམས་འདུལ་བ་ནི༔ རྫས་དང་སྔགས་དང་སྲུང་ཟློག་བཅས༔ བྷྱོ༔ རྗེ་བཙུན་ཁྲོ་མོ་མཐུ་རྩལ་ཅན༔ སྐུ་གསུང་ཐུགས་སྤྲུལ་མཁའ་འགྲོའི་ཚོགས༔ ཕྲིན་ལས་སྤྲུལ་པ་མ་མོའི་ཚོགས༔ འཁོར་དུ་ཌའི་བྱེ་བས་བསྐོར༔ ཀུན་ཀྱང་སྔགས་སྒྲ་འུ་རུ་རུ༔ དོ་ནུབ་ནད་གདོན་ཐོག་ཏུ་བྱོ༔ མ་མོ་མཁའ་འགྲོའི་ཁྲག་ནད་ཟློག༔ ཀླུ་ཡི་དུག་རླངས་དགྲ་ལ་སྒྱུར༔ ནད་ཡམས་འགོས་ནད་ད་ཆོད་ལ༔ བསྲུང་ཞིང་བཟློག་པའི་ཕྲིན་ལས་མཛོད༔ ཁྲོས་མ་ནག་མོ་མཐུ་རྩལ་ཅན༔ སྐུ་གསུང་ཐུགས་སྤྲུལ་མཁའ་འགྲོའི་ཚོགས༔ ཕྲིན་ལས་སྤྲུལ་པ་མ་མོའི་ཚོགས་འཁོར་དུ་ཌཱཀི་བྱེ་བས་བསྐོར༔ ཀུན་ཀྱང་སྔགས་སྒྲ་འུ་རུ་རུ༔ དོ་ནུབ་ནད་གདོན་ཐོག་ཏུ་བྷྱོ༔ མ་མོ་མཁའ་འགྲོའི་ཁྲག་ནད་ཟློག༔ ཀླུ་ཡི་དུག་རླངས་དགྲ་ལ་སྒྱུར༔ ནད་ཡམས་འགོས་ནད་ད་ཆོད་ལ༔ བསྲུང་ཞིང་བཟློག་པའི་ཕྲིན་ལས་མཛོད༔ བདེ་ཆེན་དཀར་མོ་མཐུ་རྩལ་ཅན༔ སྐུ་གསུང་ཐུགས་སྤྲུལ་མཁའ་འགྲོའི་ཚོགས༔ ཕྲིན་ལས་སྤྲུལ་པ་མ་མོའི་ཚོགས༔ འཁོར་དུ་ཀླུའི་བྱེ་བས་བསྐོར༔ ཀུན་ཀྱང་སྔགས་སྒྲ་འུ་རུ་རུ༔ དོ་ནུབ་ནད་གདོན་
ཐོག་ཏུ་བྱོ༔ མ་མོ་མཁའ་འགྲོའི་ཁྲག་ནད་ཟློག༔ ཀླུ་ཡི་དུག་རླངས་དགྲ་ལ་སྒྱུར༔ ནད་ཡམས་འགོས་ནད་ད་ཆོད་ལ༔ བསྲུང་ཞིང་བཟློག་པའི་ཕྲིན་ལས་མཛོད༔ སེར་མོ་དོན་གྲུབ་མཐུ་རྩལ་ཅན༔ སྐུ་གསུང་ཐུགས་སྤྲུལ་མཁའ་འགྲོའི་ཚོགས༔ ཕྲིན་ལས་སྤྲུལ་པ་མ་མོའི་ཚོགས༔ འཁོར་དུ་ཌཱཀི་བྱེ་བས་བསྐོར༔ ཀུན་ཀྱང་སྨྲ་སྔགས་སྒྲ་འུ་རུ་རུ༔ དོ་ནུབ་ནད་གདོན་ཐོག་ཏུ་བྷྱོ༔ མ་མོ་མཁའ་འགྲོའི་ཁྲག་ནད་ཟློག༔ ཀླུ་ཡི་དུག་རླངས་དགྲ་ལ་སྒྱུར༔ ནད་ཡམས་འགོས་ནད་ད་ཆོད་ལ༔ བསྲུང་ཞིང་བཟློག་པའི་ཕྲིན་ལས་མཛོད༔ དམར་མོ་སྒྲ་སྒྲོག་མཐུ་རྩལ་ཅན༔ སྐུ་གསུང་ཐུགས་སྤྲུལ་མཁའ་འགྲོའི་ཚོགས༔ ཕྲིན་ལས་སྤྲུལ་པ་མ་མོའི་ཚོགས༔ འཁོར་དུ་ཌཱཀི་བྱེ་བས་བསྐོར༔ ཀུན་ཀྱང་སྔགས་སྒྲ་འུ་རུ་རུ༔ དོ་ནུབ་ནད་གདོན་ཐོག་ཏུ་བྷྱོ༔ མ་མོ་མཁའ་འགྲོའི་ཁྲག་ནད་ཟློག༔ ཀླུ་ཡི་དུག་རླངས་དགྲ་ལ་སྒྱུར༔ ནད་ཡམས་འགོས་ནད་ད་ཆོད་ལ༔ བསྲུང་ཞིང་བཟློག་པའི་ཕྲིན་ལས་མཛོད༔ སྣ་ཚོགས་མཐར་ཕྱིན་མཐུ་རྩལ་ཅན༔ སྐུ་གསུང་ཐུགས་སྤྲུལ་མཁའ་འགྲོའི་ཚོགས༔ ཕྲིན་ལས་སྤྲུལ་པ་མ་མོའི་ཚོགས༔
འཁོར་དུ་ཌཱཀི་བྱེ་བས་བསྐོར༔ ཀུན་ཀྱང་སྔགས་སྒྲ་འུ་རུ་རུ༔ དོ་ནུབ་ནད་གདོན་ཐོག་ཏུ་བྱོ༔ མ་མོ་མཁའ་འགྲོའི་ཁྲག་ནད་ཟློག༔ ཀླུ་ཡི་དུག་རླངས་དགྲ་ལ་སྒྱུར༔ ནད་ཡམས་འགོས་ནད་ད་ཆོད་ལ༔ བསྲུང་ཞིང་བཟློག་པའི་ཕྲིན་ལས་མཛོད༔ སྡེ་བརྒྱད་མཁའ་འགྲོ་མཐུ་རྩལ་ཅན༔ སྐུ་གསུང་ཐུགས་སྤྲུལ་མཁའ་འགྲོའི་ཚོགས༔ ཕྲིན་ལས་སྤྲུལ་པ་མ་མོའི་ཚོགས༔ འཁོར་དུ་ཌཀི་བྱེ་བས་བསྐོར༔ ཀུན་ཀྱང་སྔགས་སྒྲ་འུ་རུ་རུ༔ དོ་ནུབ་ནད་གདོན་ཐོག་ཏུ་བྷྱོ༔ མ་མོ་མཁའ་འགྲོའི་ཁྲག་ནད་ཟློག༔ ཀླུ་ཡི་དུག་རླངས་དགྲ་ལ་སྒྱུར༔ ནད་ཡམས་འགོས་ནད་ད་ཆོད་ལ༔ བསྲུང་ཞིང་བཟློག་པའི་ཕྲིན་ལས་མཛོད༔ འབུམ་ཕྲག་མཁའ་འགྲོ་མཐུ་རྩལ་ཅན༔ སྐུ་གསུང་ཐུགས་སྤྲུལ་མཁའ་འགྲོའི་ཚོགས༔ ཕྲིན་ལས་སྤྲུལ་པ་མ་མོའི་ཚོགས༔ འཁོར་དུ་ཌཱཀི་བྱེ་བས་བསྐོར༔ ཀུན་ཀྱང་སྔགས་སྒྲ་འུ་རུ་རུ༔ དོ་ནུབ་ནད་གདོན་ཐོག་ཏུ་བྷྱོ༔ མ་མོ་མཁའ་འགྲོའི་ཁྲག་ནད་ཟློག༔ ཀླུ་ཡི་དུག་རླངས་དགྲ་ལ་སྒྱུར༔ ནད་ཡམས་འགོས་ནད་ད་ཆོད་ལ༔ བསྲུང་ཞིང་བཟློག་པའི་ཕྲིན་ལས་མཛོད༔ དབང་ཕྱུག་ཉེར་བརྒྱུད་མཐུ་རྩལ་ཅན༔ སྐུ་གསུང་
ཐུགས་སྤྲུལ་མཁའ་འགྲོའི་ཚོགས༔ ཕྲིན་ལས་སྤྲུལ་པ་མ་མོའི་ཚོགས༔ འཁོར་དུ་ཌཱཀི་བྱེ་བས་བསྐོར༔ ཀུན་ཀྱང་སྔགས་སྒྲ་འུ་རུ་རུ༔ དོ་ནུབ་ནད་གདོན་ཐོག་ཏུ་བྷྱོ༔ མ་མོ་མཁའ་འགྲོའི་ཁྲག་ནད་ཟློག༔ ཀླུ་ཡི་དུག་རླངས་དགྲ་ལ་སྒྱུར༔ ནད་ཡམས་འགོས་ནད་ད་ཚོད་ལ༔ བསྲུང་ཞིང་བཟློག་པའི་ཕྲིན་ལས་མཛོད༔ ཅེས་དཀྲོལ་ལོ༔ ༈ སྦྱིན་སྲེག་བྱེད་ན༔ བསྲེག་རྫས་མཆོད་པ་མེ་སྦར་ཞིང་༔ ཧཱུྃ༔ རྣམ་དག་ཆོས་འབྱུང་པད་ཉི་བཻ་རོའི་སྟེང་༔ ཆོས་དབྱིངས་མཐིང་ནག་ཧོམ་ཁུང་ཀློང་ཡངས་སུ༔ གསང་བའི་ཁྲོ་མོ་ཁྲོས་མ་ནག་མོ་ལ་དམ་རྫས་བདུད་རྩི་འབར་བའི་སྦྱིན་སྲེག་འབུལ༔ གང་ལ་དམིགས་པའི་དགྲ་བགེགས་འདུལ་བ་ལ༔ རྣོ་མྱུར་ནུས་པས་ཕྲིན་ལས་འགྲུབ་པར་མཛོད། མེ་ལོང་དཀར་གསལ་ཧོམ་ཁུང་ཀློང་ཡངས་སུ༔ གསང་བའི་ཕག་མོ་བདེ་ཆེན་དཀར་མོ་ལ༔ དམ་རྫས་བདུད་རྩི་འབར་བའི་སྦྱིན་སྲེག་འབུལ༔ གང་ལ་དམིགས་པའི་དགྲ་བགེགས་འདུལ་བ་ལ༔ རྣོ་མྱུར་ནུས་པས་ཕྲིན་ལས་འགྲུབ་པར་མཛོད༔ མཉམ་ཉིད་སེར་གསལ་ཧོམ་ཁུང་ཀློང་ཡངས་སུ༔ གསང་བའི་ཕག་མོ་སེར་མོ་དོན་གྲུབ་ལ༔ དམ་
རྫས་བདུད་རྩི་འབར་བའི་སྦྱིན་སྲེག་འབུལ༔ གང་ལ་དམིགས་པའི་དགྲ་བགེགས་འདུལ་བ་ལ༔ རྣོ་མྱུར་ནུས་པས་ཕྲིན་ལས་འགྲུབ་པར་མཛོད༔ སོར་རྟོག་དམར་ནག་ཧོམ་ཁུང་ཀློང་ཡངས་སུ༔ གསང་བ་དབང་སྡུད་དམར་མོ་སྒྲ་སྒྲོག་ལ༔ དམ་རྫས་བདུད་རྩི་འབར་བའི་སྦྱིན་སྲེག་འབུལ༔ གང་ལ་དམིགས་པའི་དགྲ་བགེགས་འདུལ་བ་ལ༔ རྣོ་མྱུར་ནུས་པས་ཕྲིན་ལས་འགྲུབ་པར་མཛོད༔ བྱ་གྲུབ་ལྗང་ནག་ཧོམ་ཁུང་ཀློང་ཡངས་སུ༔ གསང་བ་དྲག་མོ་སྣ་ཚོགས་མཐར་ཕྱིན་ལ༔ དམ་རྫས་བདུད་རྩི་འབར་བའི་སྦྱིན་སྲེག་འབུལ༔ གང་ལ་དམིགས་པའི་དགྲ་བགེགས་འདུལ་བ་ལ༔ རྣོ་མྱུར་ནུས་པས་ཕྲིན་ལས་འགྲུབ་པར་མཛོད༔ ཤར་ཕྱོགས་གཏུམ་དྲག་དུར་ཁྲོད་ནས༔ རྡོ་རྗེ་མཁའ་འགྲོ་འཁོར་བཅས་ལ་དམ་རྫས་བདུད་རྩི་འབར་བའི་སྦྱིན་སྲེག་འབུལ༔ གང་ལ་དམིགས་པའི་དགྲ་བགེགས་འདུལ་བ་ལ༔ རྣོ་མྱུར་ནུས་པས་ཕྲིན་ལས་འགྲུབ་པར་མཛོད༔ ལྷོ་ཕྱོགས་གད་གྲངས་དུར་ཁྲོད་ནས༔ རིན་ཆེན་མཁའ་འགྲོ་འཁོར་བཅས་ལ༔ དམ་རྫས་བདུད་རྩི་འབར་བའི་སྦྱིན་སྲེག་འབུལ༔ གང་ལ་དམིགས་པའི་དགྲ་བགེགས་འདུལ་བ་ལ༔ རྣོ་མྱུར་
ནུས་པས་ཕྲིན་ལས་འགྲུབ་པར་མཛོད༔ ནུབ་ཕྱོགས་པད་འཁྱིལ་དུར་ཁྲོད་ནས༔ པདྨ་མཁའ་འགྲོ་འཁོར་བཅས་ལ༔ དམ་རྫས་བདུད་རྩི་འབར་བའི་སྦྱིན་སྲེག་འབུལ༔ གང་ལ་དམིགས་པའི་དགྲ་བགེགས་འདུལ་བ་ལ༔ རྣོ་མྱུར་ནུས་པས་ཕྲིན་ལས་འགྲུབ་པར་མཛོད༔ བྱང་ཕྱོགས་ཀི་ལ་སྒྲོགས་པའི་དུར་ཁྲོད་ནས༔ ལས་ཀྱི་མཁའ་འགྲོ་འཁོར་བཅས་ལ༔ དམ་རྫས་བདུད་རྩི་འབར་བའི་སྦྱིན་སྲེག་འབུལ༔ གང་ལ་དམིགས་པའི་དགྲ་བགེགས་འདུལ་བ་ལ༔ རྣོ་མྱུར་ནུས་པས་ཕྲིན་ལས་འགྲུབ་པར་མཛོད། །ཤར་ལྷོ་རབ་འཇིགས་དུར་ཁྲོད་ནས༔ དམ་ཚིག་མཁའ་འགྲོ་འཁོར་བཅས་ལ༔ དམ་རྫས་བདུད་རྩི་འབར་བའི་སྦྱིན་སྲེག་འབུལ༔ གང་ལ་དམིགས་པའི་དགྲ་བགེགས་འདུལ་བ་ལ༔ རྣོ་མྱུར་ནུས་པས་ཕྲིན་ལས་འགྲུབ་པར་མཛོད༔ ལྷོ་ནུབ་གཏུམ་པོའི་དུར་ཁྲོད་ནས༔ སྣ་ཚོགས་མཁའ་འགྲོ་འཁོར་བཅས་ལ༔ དམ་རྫས་བདུད་རྩི་འབར་བའི་སྦྱིན་སྲེག་འབུལ༔ གང་ལ་དམིགས་པའི་དགྲ་བགེགས་འདུལ་བ་ལ༔ རྣོ་མྱུར་ནུས་པས་ཕྲིན་ལས་འགྲུབ་པར་མཛོད༔ ནུབ་བྱང་རབ་རྒྱུའི་དུར་ཁྲོད་ནས༔ ཐམས་ཅད་མཁའ་འགྲོ་
འཁོར་བཅས་ལ༔ དམ་རྫས་བདུད་རྩི་འབར་བའི་སྦྱིན་སྲེག་འབུལ༔ གང་ལ་དམིགས་པའི་དགྲ་བགེགས་འདུལ་བ་ལ༔ རྣོ་མྱུར་ནུས་པས་ཕྲིན་ལས་འགྲུབ་པར་མཛོད༔ བྱང་ཤར་དྲག་ཤུལ་དུར་ཁྲོད་ནས༔ འཇིག་རྟེན་མཁའ་འགྲོ་འཁོར་བཅས་ལ༔ དམ་རྫས་བདུད་རྩི་འབར་བའི་སྦྱིན་སྲེག་འབུལ༔ གང་ལ་དམིགས་པའི་དགྲ་བགེགས་འདུལ་བ་ལ༔ རྣོ་མྱུར་ནུས་པས་ཕྲིན་ལས་འགྲུབ་པར་མཛོད༔ རྩ་དང་གནས་ཡུལ་དུར་ཁྲོད་ནས༔ མཁའ་འགྲོ་བྱེ་བ་ས་ཡ་རྣམས༔ དམ་རྫས་བདུད་རྩི་འབར་བའི་སྦྱིན་སྲེག་འབུལ༔ གང་ལ་དམིགས་པའི་དགྲ་བགེགས་འདུལ་བ་ལ༔ རྣོ་མྱུར་ནུས་པས་ཕྲིན་ལས་འགྲུབ་པར་མཛོད༔ ཅེས་བརྗོད་ཅིང་མཆོད༔ དགུ་པ་མན་ངག་གནད་ཀྱི་གདམས་པ་ནི༔ གོང་གི་ཁ་བསྒྱུར་དྲུག་ལ༔ དར་སྲི་འཁྱམས་ན་མནན་སྲེག་འཕང་གསུམ་བྱའོ༔ སུན་ཟློག་ལ་མདོས་ཐབས་སུ་ཁྱེར་ལ་བྱེད་ལ་ཕྱི་རྗེས་བཅད༔ སྨྱོ་འདུལ་མེའི་སྦྱིན་སྲེག་དང་༔ ཆུའི་ལྕག་དང་༔ ཤིང་གི་མཚོན་ཆ༔ ས་ཡི་ཧོམ་ཁུང་ནང་དུ་འདྲེ་བཅུག་ལ་དེ་ལ་སྦུབ༔ ལྕགས་ཀྱི་གྲི་གུག་ཕུར་བུ་རྣམས་དང་༔ ཁྲག་གི་ཟོར་ནད་པའི་ལོ་གྲངས་ལ་དཔལ་འབར་བཙུགས༔ རྩང་མཚེ་ཡུངས་ཀར་གྱིས་བརྒྱན༔ གྲི་བོ་འདུལ་ན་གཏོར་ཟློག་ལ་ཁྲོ་ཞལ་ཆེ་བ་དང་༔ འཁོར་ལོ་གཅིག་བཙུགས༔ ཧོམ་ཁུང་ལིངྒ་
གཅིག་དང་བྱང་བུ་དང་རང་གཟུགས་བཅུག་ལ་བྲིས་ལ་བཙུགས༔ དེ་རྣམས་ལ་གདབ་ཆོག་ལེགས་པར་བྱ༔ རྗེས་ལ་མནན་སྲེག་བྱ༔ སྦྱིན་སྲེག་དུར་ཁྲོད་ས་ལ་མངོན་རྟོགས་ལྟར་དཀྱིལ་འཁོར་བྲི༔ ཟོར་ཆུང་བཅུ་གསུམ་བསྐོར༔ མར་མེ་ལྔ་བཀོད༔ སྲེག་རྫས༔ གཏོར་ཆུང་༔ ཕྱེ་མར༔ འབྲུ་སྣ༔ མར་ཁུ་རྣམས་ཚོ་བཅོ་ལྔ་ཙམ་བཤམ༔ ཆ་གཅིག་མེ་ལྷ་ལ་འབུལ༔ མེ་བཞིག་བརྐྱང་༔ མཐར་དཀྱིལ་འཁོར་བསྡུ༔ བཀྲ་ཤིས་དང་སྨོན་ལམ་བྱའོ༔ ༈ སྒོ་དབྱེ་བྱ་བ་ནི༔ བྷྱོ༔ དཀྱི་ལ་འཁོར་ཡོངས་ཀྱི་ཕྱི་སྒོ་སྐྱོང་༔ རྒྱལ་ཆེན་སྡེ་བཞི་ཕྱོགས་སྐྱོང་བཅུ༔ གསེར་སྐྱེམས་མཆོད་པ་འདི་བཞེས་ལ༔ སྐུ་གཟུར་སྤྱན་གཡོལ་དམག་དཔུང་བསྐྱེད༔ སྡང་དགྲ་གནོད་བྱེད་ཐོག་ཏུ་བྷྱོ༔ ཧཱུྃ༔ བཅོམ་ལྡན་ཕག་མོ་ཁྲོས་མ་ཡིས༔ བཀའ་ཉན་མཁའ་འགྲོ་བྱེ་བ་འབུམ༔ གསེར་སྐྱེམས་མཆོད་པ་འདི་བཞེས་ལ༔ སྒོ་མས་སྒོ་ཕྱེས་འཕྲང་སོལ་ཅིག༔ དམག་དཔུང་དགྲ་བགེགས་ཐོག་ཏུ་བྱོ༔ ཧཱུྃ༔ ང་ནི་ཁྲོས་མ་ཕག་གདོང་ཡིན༔ མཁའ་འགྲོ་མ་ཚོགས་དགྲ་ལ་བྷྱོ༔ བཀའ་ཡི་ལྷ་སྲིན་སྡེ་བརྒྱད་རྣམས༔ གསེར་སྐྱེམས་མཆོད་པ་འདི་བཞེས་ལ༔ དགྲ་བགེགས་ཐལ་བ་རྡུལ་དུ་རློགས༔ ཞེས་ཟོར་སྣ་ཕྱིར་བསྒྱུར་ལ༔ གསེར་སྐྱེམས་ནས༔ བཅོམ་ལྡན་ཁྲོས་མའི་བར་གྱི་
སྲུང་མ་རྣམས་གོ་ལྡོག་ལ་བཤམས༔ བཅུ་པ་ཆད་མདོ་སྲུང་མ་བསྐུལ་པ་ནི༔ དང་པོ་ཡེ་ཤེས་མཁའ་འགྲོ་བཅོམ་ལྡན་ཁྲོས་མའི་འབུམ་བསྐུལ་ནི༔ ཧཱུྃ་བྷྱོ༔ ཕྱོགས་ཕྱོགས་དག་ཀྱང་ཕ་ཀི་ན༔ ཉི་མ་ནུབ་བྱུང་ཕ་ཀི་ན༔ རྡོ་རྗེ་གདན་གྱི་ནུབ་ངོས་སུ༔ ཨུ་ཙ་ལ་ཡི་དུར་ཁྲོད་ནས༔ རི་བོ་རུས་པ་རྩི་ཤིང་མདུང་ཆུ་ཀླུང་ཁྲག་ཞག་སྒྲ་སྐད་ལྡིར༔ རབ་འཇིགས་ཁྲོ་བཅུ་རྒྱུ་མི་ནུས༔ ཤིན་ཏུ་ཡ་ངའི་གནས་མཆོག་དེར༔ དུས་གསུམ་སངས་རྒྱས་བསྐྱེད་ཡུམ་ནི༔ རྡོ་རྗེ་ཕག་མོ་རབ་ཁྲོས་པའི༔ ཁྲོ་མོ་ཆེན་མོ་དེ་ན་བཞུགས༔ སྤྱི་གཙུག་ཕག་ཞལ་དུར་བ་ལས༔ ཆོས་ཉིད་འགྱུར་བ་མེད་པའི་མཁའ་འགྲོ་འབུམ༔ ལྷ་སྲིན་སྡེ་བརྒྱད་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ སྐུ་མདོག་མཐིང་ནག་རྔམས་པ་ལ༔ ཕྱོགས་བཅུའི་ཞིང་འདུལ་མཁའ་འགྲོ་འབུམ༔ འཇིག་རྟེན་དྲེགས་པ་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ ཞལ་གདངས་མཆེ་བ་རབ་གཙིགས་པས༔ བདུད་བཞི་བཅོམ་པའི་མཁའ་འགྲོ་འབུམ༔ བདུད་དཔུང་མ་ལུས་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ དབུ་ལ་ཕག་གི་སྤྱན་དྲུག་ལ༔ མངོན་ཤེས་དྲུག་ལྡན་མཁའ་འགྲོ་
འབུམ་རིགས་དྲུག་གདུག་པ་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ ཐོད་སྐམ་ལྔ་ཡི་དབུ་རྒྱུན་ལ༔ རིགས་ལྔའི་དོན་མཛད་མཁའ་འགྲོ་འབུ༔ རྒྱུད་ལྔའི་འགྲོ་བ་དབང་དུ་སྡུས༔ མཁའ་འགྲོའི་བཀའ་ཚད་དགྲ་ལ་བྷྱོ༔ དབུ་སྐྲ་སིལ་བུ་གཏིབས་པ་ལ༔ ཐུགས་རྗེ་ཆར་ལྟར་འབེབས་པའི་མཁའ་འགྲོ་འབུམ་སྣང་སྲིད་ལྷ་འདྲེ་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ ཕྱག་གཡས་གྲི་གུག་ཕྱུར་བ་ལས༔ སྲོག་ལ་རྔམས་པའི་མཁའ་འགྲོ་འབུམ༔ སྲོག་གཅོད་གཤིན་རྗེ་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ ཕྱག་གཡོན་ཐོད་ཁྲག་གསོལ་བ་ལ༔ ནད་བདག་འགྱེད་བསྡུའི་མཁའ་འགྲོ་འབུམ༔ མ་མོ་སྡེ་བརྒྱད་དབང་དུ་སྡུས། ། མཁའ་འགྲོའི་བཀའ་ཆད་དགྲ་ལ་བྱོ༔ ཁ་ཊཾ་རྩེ་གསུམ་བསྣམས་པ་ལ༔ ཁམས་གསུམ་དབང་སྡུད་མཁའ་འགྲོ་འབུམ༔ སྟོང་གསུམ་ལྷ་འདྲེ་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ དྲང་འདྲིལ་ཡུ་དཀར་ལྡེམ་པ་ལ༔ ལྷ་མིན་གཡུལ་རྒྱལ་མཁའ་འགྲོ་འབུམ༔ གླིང་བཞི་ཕྲན་བརྒྱད་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་
བྷྱོ༔ རྡོ་རྗེ་རྩེ་ལྔས་བརྒྱན་པ་ལ༔ སྲིད་གསུམ་ཟིལ་གནོན་མཁའ་འགྲོ་འབུམ༔ སྣང་སྲིད་འགྲོ་བ་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ དར་གྱི་འཕུར་ལྕེས་བརྒྱན་པ་ལ༔ བདུད་སྡེའི་གླིང་འཇོམས་མཁའ་འགྲོ་འབུམ༔ མཐའ་འཁོབ་དམག་དཔུང་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ ཌཱ་རུ་དྲིལ་ཆུང་ཏིང་ཤག་སྒྲས༔ སྙན་བརྒྱུད་མཛོད་འཛིན་མཁའ་འགྲོ་འབུམ༔ ཌཱཀིའི་སྡེ་ཚོགས་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ བུམ་པས་རབ་བརྒྱན་བདུད་རྩི་འཁྱིལ༔ ཡོན་ཏན་ལྷུན་གྲུབ་མཁའ་འགྲོ་འབུམ༔ པཎྜི་ཏ་རྣམས་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ སྣ་ཚོགས་རྡོ་རྗེ་རྒྱ་གྲམ་ལ༔ ཕྲིན་ལས་ཐོགས་མེད་མཁའ་འགྲོ་འབུམ༔ གང་འདུལ་འགྲོ་བ་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ མི་མགོ་ལྔ་བཅུའི་དོ་ཤལ་ལ༔ འདུ་བྱེད་དག་པའི་མཁའ་འགྲོ་འབུམ༔ འཇིག་རྟེན་ཁམས་རྣམས་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ རུས་པའི་རྒྱན་དྲུག་མཛེས་པ་ལ༔ ཕྱིན་དྲུག་རྫོགས་པའི་མཁའ་འགྲོ་འབུམ༔ འབྱུང་དྲུག་ལྷ་འདྲེ་དབང་
དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ ཞབས་གཉིས་བརྐྱང་བསྐུམ་གར་རོལ་པ༔ བདེ་ཆེན་ཉམས་ལྡན་མཁའ་འགྲོ་འབུམ༔ བར་སྣང་རྒྱུ་བ་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ རྟོག་མེད་རོ་ཡི་གདན་ལ་བཞུགས༔ ཐབས་ཤེས་ཟུང་འཇུག་མཁའ་འགྲོ་འབུམ༔ དུར་ཁྲོད་མཁའ་འགྲོ་དབང་དུ་སྡུས། མཁའ་འགྲོའི་བཀའ་ཆད་དགྲ་ལ་བྱོ༔ དུར་ཁྲོད་ཆས་བརྒྱད་ལྡན་པ་ལ༔ ཉོན་མོངས་རྣམ་དག་མཁའ་འགྲོ་འབུམ༔ ཕ་རོལ་བྱད་མ་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ སྤྱི་བོ་བདེ་ཆེན་འཁོར་ལོ་ལ༔ པྲ་མོ་སིདྡྷི་མཁའ་འགྲོ་འབུམ༔ དཀར་མོའི་སྡེ་རིགས་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ མགྲིན་པ་ལོངས་སྤྱོད་འཁོར་ལོ་ལ༔ རཏྣ་སིདྡྷི་མཁའ་འགྲོ་འབུམ༔ སེར་མོའི་སྡེ་རིགས་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ སྙིང་ག་ཆོས་ཀྱི་འཁོར་ལོ་ལ༔ བུདྡྷཱ་སིདྡྷི་མཁའ་འགྲོ་འབུམ༔ སྔོན་མོའི་སྡེ་རིགས་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ ལྟེ་བ་སྤྲུལ་པའི་འཁོར་ལོ་ལ༔ པདྨ་སིདྡྷི་མཁའ་འགྲོ་འབུམ༔ དམར་མོའི་
སྡེ་རིགས་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ གསང་གནས་བདེ་སྐྱོང་འཁོར་ལོ་ལ༔ ལོ་ཀ་དྷཀི་མཁའ་འགྲོ་འབུམ༔ ལྗང་མོའི་སྡེ་རིགས་དབང་དུ་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ ཕྲིན་ལས་རྣམ་བཞིའི་འཁོར་ལོ་ལ༔ ལས་བྱེད་མཁའ་འགྲོ་འབུམ་ཕྲག་བཞི༔ རིགས་བཞིའི་མཁའ་འགྲོའི་མ་ཚོགས་སྡུས༔ མཁའ་འགྲོའི་བཀའ་ཆད་དགྲ་ལ་བྷྱོ༔ ཤ་ཁྲག་གཏོར་མ་འདི་བཞེས་ལ༔ བཅོལ་བའི་ཕྲིན་ལས་འགྲུབ་པར་མཛོད༔ འཁོར་གྱི་ཌཀིའི་བསྐུལ་པ་ནི༔ ཧཱུྃ༔ ཕྱོགས་བཞིའི་འཁོར་ལོ་རྩིབས་བཞི་ལ༔ སྐུ་གསུང་ཐུགས་ཡོན་ཕྲིན་ལས་ཀྱི༔ སྤྲུལ་པའི་བདེ་ཆེན་དཀར་མོ་དང་༔ སེར་མོ་དོན་གྲུབ་དམར་མོ་སྒྲ༔ སྣ་ཚོགས་མཐར་ཕྱིན་རྣམ་བཞི་ནི༔ ཉོན་མོངས་རྣམ་དག་ཡེ་ཤེས་སྐུ༔ ཞི་རྒྱས་དབང་དྲག་ལས་མཛད་པ༔ དཀར་སེར་དམར་ལྗང་རིགས་ཀྱི་གཙོ༔ རིགས་ཀྱི་དབུ་རྒྱན་ཐོར་ཚུགས་ཅན༔ རང་རྟགས་གྲི་ཐོད་ཕྱག་ན་བསྣམས༔ དུག་ལྔ་རྩད་གཅོད་ཞལ་དུ་གསོལ༔ བཅུ་དྲུག་ན་ཚོད་ཁ་ཊཾ་བརྟེན༔ གཅེར་བུ་རུས་རྒྱན་དུར་ཁྲོད་བརྒྱན༔ ཞབས་གཉིས་རོ་ཡི་གདན་ལ་རོལ༔ རང་སྔགས་སིདྡྷི་
སྒྲ་འབྱིན་ཅིང་༔ མཁའ་འགྲོ་འབུམ་ཕྲག་རེ་རེས་བསྐོར༔ བསྐུལ་ལོ་ཐུགས་དམ་དུས་ལ་བབ༔ མཁའ་འགྲོའི་བཀའ་ཆད་དགྲ་ལ་བྷྱོ༔ ཤ་ཁྲག་གཏོར་མ་འདི་བཞེས་ལ༔ བཅོལ་བའི་ཕྲིན་ལས་འགྲུབ་པར་མཛོད༔ བྷྱོ༔ ཕྱོགས་བཞི་མཚམས་བརྒྱད་དུར་ཁྲོད་ནས༔ མི་ཕྱེད་རྡོ་རྗེ་མཁའ་འགྲོ་བྷྱོ༔ གཟི་ལྡན་རིན་ཆེན་མཁའ་འགྲོ་བྷེ༔ དྲི་མེད་པདྨ་མཁའ་འགྲོ་བྱོ༔ བདེ་ཆེན་ལས་ཀྱི་མཁའ་འགྲོ་བྱོ༔ མི་འདའ་དམ་ཚིག་མཁའ་འགྲོ་བྷྱོ༔ མི་ནུབ་སྣ་ཚོགས་མཁའ་འགྲོ་བྱོ༔ ཀུན་རྒྱུ་ཐམས་ཅད་མཁའ་འགྲོ་བྷྱོ༔ རྒྱུད་འཛིན་འཇིག་རྟེན་མཁའ་འགྲོ་བྷྱོ༔ རེ་རེའི་འཁོར་དུ་འབུམ་ཕྲག་རེ༔ དུར་ཁྲོད་མཁའ་འགྲོ་དགྲ་ལ་བྷྱོ༔ ཤ་ཁྲག་གཏོར་མ་འདི་བཞེས་ལ༔ བཅོལ་བའི་ཕྲིན་ལས་འགྲུབ་པར་མཛོད༔ སྲུང་མ་བསྐུལ་པ་ནི༔ ཧཱུྃ་བྷྱོ༔ ང་ནི་ཁྲོས་མ་ནག་མོ་ཡིན༔ སྡེ་བརྒྱད་མཁའ་འགྲོ་ལས་ལ་འདུས༔ གནས་ཆེན་ཉེར་བཞི་ཡུལ་སོ་གཉིས༔ ཞིང་སྐྱོང་མཁའ་འགྲོ་ལས་ལ་འདུས༔ འཛམ་གླིང་དུར་ཁྲོད་སོ་ས་ནས༔ ཤ་ཟ་མཁའ་འགྲོ་ལས་ལ་འདུས༔ ཤ་ཁྲག་གཏོར་མ་འདི་བཞེས་ལ༔ དོ་ནུབ་སྡང་བའི་དགྲ་ལ་བྷྱོ༔ བྷྱོ༔
འཇིགས་རུང་དུར་ཁྲོད་ཆེན་པོ་ནས༔ འབྱུང་དྲུག་དུག་གསུམ་རབ་ཏུ་འཁྲུགས༔ ཐོད་པ་སྣ་ཚོགས་མཁར་ནང་ནས༔ ཁྲོས་མའི་བཀའ་ཉན་མཐུ་མོ་ཆེ༔ མ་མོ་གྲི་ཐོད་སྙིང་ཟན་ནག༔ ལྕགས་སྤྱང་མགོ་དགུ་ཆིབས་ལ་རྒྱུག་གཡས་ནས་དམར་མོ་བཙན་ཞགས་འཕེན༔ མཚལ་སྟག་མགོ་དགུ་ཆིབས་ལ་རྒྱུག༔ གཡོན་ན་སྔོན་མོ་བདུད་ཞགས་འཕེན༔ ཟངས་འཕར་མགོ་དགུ་ཆིབས་ལ་རྒྱུག༔ ཐམས་ཅད་གཅེར་བུ་རལ་པ་ཅན༔ ཁྲོས་ཞལ་ཨམ་གཙིགས་རབ་ཏུ་བསྒྲད༔ འབྱུང་བ་འཁྲུགས་པའི་ཀློང་དུ་རྒྱུ༔ སྤྱང་ཞོན་མཆེད་གསུམ་འཁོར་དང་བཅས༔ རྗེ་བཙུན་ཁྲོས་མའི་དམ་བཞག་ལྟར༔ བདག་ཅག་གང་བཅོལ་བསྒྲུབ་པ་དང་༔ ཕྱི་ནང་གསང་བའི་རྐྱེན་བསལ་ཕྱིར༔ ཤ་ཁྲག་གཏོར་མ་འདི་། བཞེས་ལ༔ བཅོལ་བའི་ཕྲིན་ལས་འགྲུབ་པར་མཛོད༔ བྷྱོ༔ མཚན་མོ་སྐུ་གྲོལ་གཅེར་བུ་མ༔ གར་མཛད་དགྱེས་པའི་གད་རྒྱངས་ཚུལ༔ བདུད་འཇོམས་ཁྲོ་མོའི་ཆ་ལུགས་ཅན༔ འཇིག་རྟེན་དབང་ཕྱུག་ཕག་གདོང་མ༔ དུར་ཁྲོད་ཤ་ཟ་མཁའ་འགྲོའི་ཚོགས༔ འབུམ་ཕྲག་བརྒྱད་ཀྱི་འཁོར་དང་བཅས༔ ཀུན་ལ་རྒྱུ་བའི་འཕྲུལ་མོ་ཆེ༔ ཕག་མོ་ཁྲོས་
མའི་བཀའ་སྲུང་གིས༔ དམ་རྫས་འདི་བཞེས་དགྲ་བགེགས་སྒྲོལ༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ སྟོང་ཁམས་འདི་ན་དྲེགས་པའི་ཚོགས༔ གཟའ་བདུད་དམག་ཚོགས་དགྲ་ལ་བྷྱོ༔ ཟངས་རི་མཁར་དམར་གནས་པ་ཡི༔ བཙན་རྒོད་དམག་ཚོགས་དགྲ་ལ་བྷྱོ༔ འཇིག་རྟེན་བོད་ཁམས་སྐྱོང་བ་ཡི༔ ་བརྟན་མའི་དམག་ཚོགས་དགྲ་ལ་བྷྱོ༔ ཕྱོགས་བཞི་འཇིག་རྟེན་སྐྱོང་མཛད་པའི༔ རྒྱལ་ཆེན་སྡེ་བཞི་དགྲ་ལ་བྷྱོ༔ ཏི་སེ་གངས་རི་ཞིང་སྐྱོང་དང་༔ མངའ་རིས་སྐོར་གསུམ་ལྷ་འདྲེ་བྷྱོ༔ ཐང་ལྷ་ཡར་བཞུད་གཉན་ཆེན་པོ༔ དབུས་གཙང་རུ་བཞིའི་ལྷ་འདྲེ་བྷྱོ༔ རྨ་རྒྱལ་སྐུ་རྒྱལ་འཁོར་དང་བཅས༔ མདོ་ཁམས་སྒང་དྲུག་ཡུལ་ལྷ་བྷྱོ༔ འཛམ་གླིང་བོད་ན་གནས་པ་ཡི༔ སྣང་སྲིད་ལྷ་འདྲེ་སྡེ་བརྒྱད་རྣམས༔ སློབ་དཔོན་པདྨ་འབྱུང་གནས་དང་༔ རྗེ་བཙུན་ཁྲོས་མོ་མཁའ་འགྲོའི་ཚོགས༔ གྲུབ་ཐོབ་ཀ་མ་ལ་ཤི་དང་༔ མཁའ་འགྲོ་མ་རྒྱུད་སྤྲུལ་པའི་འཁོར༔ སྤྱན་སྔར་ཁས་བླངས་དམ་བཅས་ལྟར༔ བཀའ་དང་དམ་ལས་མ་འདའ་བར༔ ཤ་ཁྲག་གཏོར་མ་འདི་བཞེས་ལ༔ སྡང་དགྲ་གནོད་བྱེད་ཐོག་ཏུ་
བྷྱོ༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་གཏོར་ཟོར་རྣམས་འཕང་ལ༔ བཅུ་གཅིག་པ་གཏོར་མ་སྐྱོང་བ་ནི༔ གཏོར་ཟློག་བཏེག་ལ༔ ཧཱུྃ་བྷྱོ༔ ཟ་ལམ་བདུན་ཅུ་འདས་པའི་་མཐར༔ དུར་ཁྲོད་ཆེན་པོའི་གནས་བརྒྱད་ནས༔ མཁའ་འགྲོ་ཕག་མོ་འཁོར་དང་བཅས༔ དོ་ནུབ་གཏོར་མ་ལེན་ཕྱིར་འདུས༔ རྣལ་འབྱོར་གཏོར་མ་ལེན་ཕྱིར་འདུས༔ རྣལ་འབྱོར་ཏིང་འཛིན་གནད་ནས་དྲངས༔ ཐུགས་རྗེས་དགོངས་ཤིག་དོ་ནུབ་འདུས༔ རྔ་དུང་རྐང་གླིང་དབྱངས་ཀྱིས་དྲོངས༔ སྙན་གྱིས་གསོན་ལ་དོ་ནུབ་འདུས༔ སྣང་གསལ་མར་མེ་སྤྱན་གྱིས་གཟིགས༔ དྲི་ཞིམ་བདུག་སྤོས་ཤངས་ཀྱིས་སྣོམས༔ དམ་ཉམས་ཤ་ཁྲག་ཞོལ་དུ་གསོལ༔ སྡེ་བརྒྱད་མཁའ་འགྲོ་གཏོར་ལེན་མ༔ དུར་ཁྲོད་གནས་ནས་དོ་ནུབ་འདུས༔ སྣ་ཚོགས་ཀུན་བསྐྱོད་གཤོག་པ་ཅན༔ རིན་ཆེན་གཞོང་ཐོགས་གར་གྱིས་རྒྱུག༔ དམ་རྫས་གཏོར་མ་འདི་ལོངས་ལ༔ རང་རང་སོ་སོའི་སྐག་སྒྱུར་ཅིག༔ སྡེ་བརྒྱད་གདོན་ཚོགས་བཟློག་ཅིང་སྒྱུར༔ བདག་ལ་གནོད་པའི་དགྲ་བོ་སྒྲོལ༔ ནད་གདོན་བར་ཆད་བྱད་སྦྱོར་ཟློག༔ ཕྲིན་ལས་རྣམ་བཞི་མ་ལུས་སྒྲུབས༔ གཤོག་པ་རྡོབས་ལ་རང་
གནས་གཤེགས༔ བཅུ་གཉིས་པ་ཟོར་བརྡེག་པ་ནི༔ ཧཱུྃ༔ དམར་གྱི་གཏོར་མ་ཆེན་པོ་འདི༔ མཁའ་འགྲོ་དམ་ཅན་མཆོད་པའི་རྫས༔ དགྲ་བགེགས་དམ་སྲི་བསྒྲལ་བའི་མཚོན༔ ནད་དང་རིམས་ཀྱི་ན་བུན་འཐུལ༔ གནམ་ལྕགས་ཐོག་གི་ཚྭ་ཚྭ་འཕྲོ༔ བསྟན་པ་བཤིགས་པའི་དམ་ཉམས་དགྲ༔ བར་ཆད་བྱེད་པའི་གདོན་བགེགས་ལ༔ ཕོབ་ཅིག་རྒྱོབ་ཅིག་མཱ་ར་ཡ༔ དགྲ་བགེགས་ཐལ་བ་རྡུལ་དུ་རློགས༔ གཏོར་ཟོར་ལོ་གྲངས་སོགས་འཕང་ལ་དེ་ནས་གཏོར་ཟློག་བསྐྱོད་ཅིང་གཏོར་མདོས་རང་ཉིད་ཀྱིས་བཏེག་ཡི་དམ་གྱི་ཏིང་འཛིན་དང་ལྡན་པས་འདི་སྐད་དོ༔ བྷྱོ༔ ཐུགས་རྗེ་ཁྲོས་མ་མཐུ་མ་ཆུང་༔ རིགས་བཞིའི་མཁའ་འགྲོ་བང་མ་བུལ༔ སྡེ་བརྒྱད་མཁའ་འགྲོ་རྩལ་མ་ཞན༔ འབུམ་ཕྲག་བྱེ་བ་ས་ཡ་བྷྱོ༔ གདོད་ནས་མ་གྲུབ་ཡུམ་ཆེན་མོ༔ འགགས་མེད་རིག་རྩལ་རྡོ་རྗེ་ཕག༔ ལས་ལ་ཐོགས་མེད་ཁྲོ་མོ་རོལ༔ ནམ་མཁའ་ལྟ་བུར་སྐུ་བཞེངས་ལ༔ རུས་པའི་རྒྱན་དྲུག་གསོལ་བ་་ལས༔ རྒྱུ་སྐར་སེར་ལྟར་འདྲིལ་བ་བྷྱོ༔ ཕག་ཞལ་ཕྱོགས་བཅུར་ངུར་བ་ལས༔ ཁམས་གསུམ་མ་མོས་ཁེངས་པ་བྷྱོ༔ བྷནྡ་ཁྲག་བཀང་གསོལ་བ་ལས༔ རི་རླུང་ཁྲག་མཚོ་
དགྲ་ལ་བྷྱོ༔ གྲི་གུག་རྔམ་རྔམ་ཕྱར་བ་ལས༔ མཚོན་ཆའི་ཆར་པ་དགྲ་ལ་བྷྱོ༔ ཞིང་ཆེན་གླང་ཀོ་སྤྲུགས་པ་ལས༔ གནམ་ས་སྣང་སྲིད་གདུག་གཅེར་བྷྱོ༔ ཞལ་ནས་ཧཱུྃ་ཕཊ་སྒྲ་སྒྲོགས་པས༔ འབྱུང་པོ་ཕོ་མོས་སྲོག་ལ་བྷྱོ༔ སྤྱན་བསྒྲད་དམར་ཟླུམ་འཁྲུགས་པ་ལ༔ ཉི་ཟླ་ཚོགས་པོར་བཀོག་ཤིང་བྱོ༔ དབུ་སྐྲ་ཁམ་ནག་གསིག་པ་ལས༔ སྤྲིན་ནག་ཐོག་སེར་དགྲ་ལ་བྷྱོ༔ མེ་དཔུང་ཚྭ་ཚྭ་སྤྲོས་པ་ལས༔ བསྐལ་པ་མེ་ཡིས་བསྲེག་པ་བྷྱོ༔ མི་མགོའི་ཕྲེང་བ་འཁྲོལ་བ་ལས༔ འཛམ་གླིང་གཡོ་འགུལ་སྐྱོད་ཅིང་བྷྱོ༔ ཞབས་གཉིས་གར་གྱིས་རོལ་པ་ལས༔ ས་གཞི་རི་བོ་ལྡིག་འཁྱོམས་བྷྱོ༔ འབུམ་ཕྲག་མཁའ་འགྲོ་ཉི་ཤུ་ལས༔ སྟོང་གསུམ་དམག་གིས་འཁྲུག་པ་བྷྱོ༔ གཟི་བརྗིད་རབ་ཏུ་འབར་བ་ལས༔ ལྷ་སྲིན་ཐམས་ཅད་དགྲ་ལ་བྷྱོ༔ ཧཱུྃ་ཧཱུྃ་ཕོ་ཕི༔ མ་གཡེལ་མ་འཕང་རྣལ་འབྱོར་མ༔ ཆོས་དབྱིངས་ཨེ་ཡི་གཞལ་ཡས་ནས༔ རང་བཞིན་དབྱིངས་ཀྱི་མཁའ་འགྲོ་མ༔ རྡོ་རྗེ་ཕག་མོ་སྐུ་བཞེངས་ཤིག༔ རྗེ་བཙུན་ཁྲོས་མ་སྐུ་བཞེངས་ཤིག༔ འཁོར་གྱི་མཁའ་འགྲོ་སྐུ་བཞེངས་ཤིག༔ རི་རབ་ཆེན་པོའི་གླིང་བཞི་ནས༔ ཉི་ཤུ་རྩ་བཞིའི་གནས་མཆོག་ནས༔
རིགས་བཞིའི་མཁའ་འགྲོ་ཤུགས་འགྲོ་དང་༔ ཡེ་ཤེས་ལས་ཀྱི་མ་མོའི་ཚོགས༔ ཁྲི་འབུམ་བྱེ་བ་ས་ཡ་རྣམས༔ དར་གྱི་ཅོད་པན་པུ་རུ་རུ༔ སིལ་སྙན་མང་པོ་སི་ལི་ལི༔ རོལ་མོ་མང་པོ་ཏི་རི་རི༔ རྒྱན་ཆ་མང་པོ་ཁྲོ་ལོ་ལོ༔ ཌ་རུ་གར་ཐབས་ཤིགས་སེ་ཤིག༔ ཞལ་ནས་སྔགས་སྒྲ་དི་རི་རི༔ ཕཊ་དང་ཕོ་སྒྲ་འུ་རུ་རུ༔ རི་རབ་གླིང་བཞི་ལྡེམས་སེ་ལྡེམ༔ རྒྱ་མཚོ་ཀུན་ཀྱང་ཆོམས་སེ་ཆོམ༔ སྣང་སྲིད་དབང་སྡུད་ཧྲི་ལི་ལི༔ སྡེ་བརྒྱད་བྲན་དུ་ཁྱུགས་སེ་ཁྱུག༔ རྐང་པ་རྡོ་རྗེ་གར་འགྲོས་ཀྱིས་ཐོགས་མེད་མཁའ་་ལ་བུན་ནེ་བུན༔ ལག་པ་གསེར་གྱི་གདུ་བུ་ལ༔ སྣ་ཚོགས་གར་བྱེད་ཁྱུགས་སེ་ཁྱུག༔ ཆ་ལུགས་རྣམ་པ་སྣ་ཚོགས་ཀྱིས༔ ཕྲིན་ལས་རྣམ་བཞི་ཐོགས་མེད་སྒྲུབས༔ བསྐུལ་ལོ་ཐུགས་དམ་དབྱིངས་ནས་བསྐུལ༔ མཁའ་འགྲོའི་དངོས་གྲུབ་མ་གཡེལ་ཅིག༔ ཤུགས་འགྲོ་ལས་ལ་མ་གཡེལ་ཅིག༔ བསེ་ལམ་མཐུ་སྟོབས་མ་ཆུང་ཅིག༔ བརྒྱན་པའི་གཏོར་མ་འདི་བཞེས་ལ༔ འདོད་པའི་དོན་ལ་གསོལ་འདེབས་ཀྱིས༔ མཆོག་དང་ཐུན་མོང་དངོས་གྲུབ་སྩོལ༔ ཚེ་དབང་ལོངས་སྤྱོད་རྒྱས་པ་དང་༔ བཅོལ་བའི་ཕྲིན་ལས་
འགྲུབ་པར་མཛོད༔ ཅེས་ཐུགས་དམ་བསྐུལ་ལ་བདག་བསྐྱེད་མདུན་བསྐྱེད་ཐམས་ཅད་གསལ་བས་ཕག་མོའི་ངུར་དབྱངས་ཀྱིས་བསྐུལ་བས་གནད་ནས་དྲངས༔ བསྐྱེད་རིམ་གྱིས་གཟེར་གདབ༔ སྔགས་ཀྱིས་དབང་དུ་བསྡུས། ཐུགས་དམ་གནད་ནས་བསྐུལ་ན་གང་བསམ་ཐོགས་པ་མེད་པར་འགྲུབ་བོ༔ དེ་ནས་བཅུ་གསུམ་པ་རྟ་བྲོ་བརྡུང་བ་ནི༔ གཏོར་སྣོད་སྦུབ་ལ་དམ་སྲི་རྒབ་འདྲེ་ཐམས་ཅད་བཀུག་གཞུག་བྱ༔ ཧཱུྃ༔ བཞེངས་ཤིག་དཔའ་བོ་དཔའ་མོ་རྣམས༔ གཉིས་མེད་སྦྱོར་བའི་བྱིན་རླབས་ཀྱིས༔ བདེ་བ་ཆེན་པོའི་བྲོ་གཅིག་བརྡུང་༔ ཉོན་མོངས་དུག་ལྔའི་ས་གཞི་ལ༔ དགྲ་བགེགས་བར་ཆད་དམ་སྲིའི་སྟེང་༔ ཐུགས་རྗེ་ཁྲོས་མའི་བྲོ་ཞིག་བརྡུང་༔ ཌཱཀིའི་ཚོགས་ཀྱིས་གླུ་ཞིག་ལེན༔ འབུམ་ཕྲག་བྱེ་བའི་གར་ཞིག་བྱེད༔ དཔའ་བོའི་བྲོ་རྡུང་ཁྲིགས་སེ་ཁྲིག༔ དཔའ་མོའི་གླུ་ལེན་ཀྱུ་རུ་རུ༔ ཐབས་ཀྱི་གར་བྱེད་ཤིགས་སེ་ཤིག༔ ཤེས་རབ་ཅང་ཏེའུ་ཁྲོ་ལོ་ལོ༔ བདེ་བ་ཆེན་པོ་ཡ་ལ་ལ༔ སྟོང་པ་ཆེན་པོ་ཡ་ལ་ལ༔ ཡེ་ཤེས་མཐའ་དབུས་མེད་པར་རྒྱས༔ དུག་ལྔའི་ཕུང་པོ་གཏན་ནས་བརླག༔ གླུ་བྲོ་གར་གསུམ་ཡེ་ཤེས་བརྡ༔ དགྲ་བགེགས་ཐལ་བརླག་ཕྱེ་མར་འཐག༔ དེ་ཕྱིར་གླུ་བྲོ་རྒྱུན་མི་འཆད༔ ཧཱུཾ་ཧཱུཾ་ཧཱུཾ་བྷ་ཡ་ནན༔ ཞེས་མནན་
ནོ༔ དེ་ནས་རྗེས་ཀྱི་བྱ་བ་རྣམས་གསང་སྔགས་སྤྱི་ཁོག་ལྟར་བྱའོ༔ ལས་ཅན་གཅིག་དང་འཕྲད་པར་ཤོག༔ ས་མ་ཡ༔ རྒྱ་རྒྱ་རྒྱ༔ ཡེ་ཤེས་མཁའ་འགྲོ་གསང་བ་སྒྲུབ་པའི་ཐབས༔ གཅིག་ཆོག་ཡང་ཞུན་གསང་བའི་སྙིང་པོ་འདི༔ མཚོ་རྒྱལ་བདག་གི་མི་ལོ་ཉི་ཤུའི་ཚེ༔ ཏི་སྒྲོ་བྲག་ལ་མཁའ་འགྲོའི་ལུང་བསྟན་བྱུང་༔ རྒྱལ་བ་ཀུན་གྱི་སྤྲུལ་སྐུ་ཨོ་རྒྱན་ལ༔ མཁའ་འགྲོའི་སྒྲུབ་ཐབས་ཡང་གསང་དཔག་མེད་ཞུས༔ བསམ་ཡས་མཆིམས་ཕུ་གདང་ལྷ་སྦྱར་རྗེས་དང་༔ མཁར་ཆུ་བྲག་དང་སྟག་ཚང་ལ་སོགས་སུ༔ མཁའ་འགྲོའི་སྒྲུབ་སྐོར་དཔག་ཏུ་མེད་པ་སྦས༔ འོན་ཀྱང་ཟབ་དྲིལ་སྙིང་ཁྲག་ལྟ་བུ་འདི༔ གནམ་སྐས་བྲག་ལ་གཅེས་པར་བསམ་སྟེ་བཞག༔ ལན་གཅིག་ཕྱི་མ་འབྱུང་བ་དུས་ཀྱི་ཚེ༔ སྐལ་ལྡན་ལས་འཕྲོ་ཅན་དང་འཕྲད་པར་ཤོག༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ རྒྱ་རྒྱ་རྒྱ༔ ཁོ་བོ་རཏྣ་གླིང་པ་ངས༔ གནམ་སྐས་བྲག་ནས་ཕྱུང་བ་ཡིན༔ ཤིན་ཏུ་གསང་བའི་བཀའ་རྒྱ་མ༔ ཤེལ་དཀར་བཟའ་ཡི་ཕྱག་ཡིག་འདི༔ ཤོག་སེར་ཞེང་ནི་སོར་བཞི་པ༔ དཀྱུས་སུ་མཐོ་གསུམ་པ་ཞིག་ལ༔ ལུག་ལོ་ཁྱི་ཟླའི་ཚེས་གཅིག་ལ༔ བདེ་ཆེན་གླིང་དུ་བཤུས་པའོ༔ ཞེས་པ་རཏྣ་གླིང་པས་བཏོན༔ མཁའ་འགྲོའི་གསང་སྒྲུབ་འདི་ཉིད་ལ༔ ཁོག་ཕུབ་མངའ་བདག་ཉང་གི་གཏེར༔ ཁྲོ་མོ་རོལ་པའི་གཏོར་སྒྲུབ་གཉིས༔ ལེགས་པར་མཚམས་སྦྱར་ཞིབ་ཏུ་བཀོད༔ ཕྱི་ལྟར་གཏོར་ཟློག་སྒྲུབ་དཀྱིལ་མཚོན༔ ནང་ལྟར་ཕག་མོའི་མཆོད་སྒྲུབ་
མཚོན༔ གསང་བ་ལུས་དཀྱིལ་མན་ངག་མཚོན༔ ཡང་གསང་ཁྲོས་མའི་གསང་སྒྲུབ་མཚོན༔ བླ་མེད་གདམས་ངག་ཟུར་བརྒྱན་མཛེས༔ འདི་མཚུངས་སྨྲས་པའི་རྣལ་འབྱོར་པ༔ རཱ་ག་ཨ་སྱ་ཞེས་བྱ་བས༔ ལེགས་སྦྱར་འདི་ལ་ཉེས་འགལ་གྱི༔ ནོངས་པ་མཁའ་འགྲོའི་ཚོགས་ལ་བཤགས༔ མཁྱེན་ལྡན་པད་འབྱུང་ལྷ་ལ་བཟོད༔ མི་སྒྲིབ་ཚངས་པའི་དངོས་གྲུབ་སྩོལ༔ ཤིན་ཏུ་ཟབ་ངེས་གསང་བ་འདི༔ མཁའ་འགྲོས་ཀོ་ལོང་མི་བསྡམ་ཞུ༔ ལོག་ལྟ་ཅན་གྱི་རུ་ཏྲ་ལ༔ མ་སྟོན་བཀའ་རྒྱ་གསང་རྒྱས་གདམས༔ སྣོད་ལྡན་ཆིག་རྒྱུད་ཉམས་སུ་ལོངས༔ གསང་སྔགས་མི་ནུབ་མཐའ་རྒྱས་སྨོན༔ བཀྲ་ཤིས་དགེ་ལེགས་རྒྱན་དུ་ཤོག༔ མཁའ་འགྲོའི་གསང་སྒྲུབ་ཁྲོ་མོ་རོལ་པའི་གཏོར་ཟློག༔ གསང་སྔགས་གནད་ཀྱི་གདམས་པ་ལེའུ་བཅུ་གསུམ་པ་རྫོགས་སོ༔ མངྒ་ལཾ༔ ༈ ཆོས་དབྱིངས་ལྷུན་གྱིས་གྲུབ་པ་ཡི༔ རྡོ་རྗེ་ཕག་མོའི་བཀྲ་ཤིས་ཤོག༔ ཕྲིན་ལས་རྣམ་བཞི་ཀུན་སྒྲུབ་པའི༔ ཁྲོས་མ་ནག་མོའི་བཀྲ་ཤིས་ཤོག༔ འགྱུར་བ་མེད་པ་རྡོ་རྗེ་མཁའ་འགྲོའི་བཀྲ་ཤིས་ཤོག༔ དགོས་འདོད་ཀུན་འབྱུང་རིན་ཆེན་མཁའ་འགྲོའི་བཀྲ་ཤིས་ཤོག༔ སྐྱོན་གྱིས་མ་གོས་པདྨ་མཁའ་འགྲོའི་བཀྲ་ཤིས་ཤོག༔ ཐམས་ཅད་ལྷུན་གྲུབ་ལས་ཀྱི་མཁའ་འགྲོའི་བཀྲ་ཤིས་ཤོག༔ དམ་ཚིག་ལ་གནས་འཇིག་རྟེན་མཁའ་འགྲོའི་བཀྲ་ཤིས་ཤོག༔ བར་ཆད་ཀུན་སེལ་
ཆོས་སྐྱོང་སྲུང་མའི་བཀྲ་ཤིས་ཤོག་ལས་དང་འཇིག་རྟེན་མཁའ་འགྲོའི་ཚོགས༔ ཤ་ཟ་དམ་ཚིག་མཁའ་འགྲོ་མ༔ འཇིག་རྟེན་ཆོས་སྐྱོང་སྲུང་མ་རྣམས༔ ཁྱོད་ཀྱིས་སེམས་ཅན་དོན་ཀུན་མཛད༔ རྗེས་སུ་མཐུན་པའི་དངོས་གྲུབ་སྩོལ༔ སོ་སོའི་ཡུལ་དུ་གཤེགས་སུ་གསོལ༔ སོ་སོའི་ཡུལ་དུ་གཤེགས་ནས་ཀྱང་༔ སེམས་ཅན་རྣམས་ཀྱི་དོན་སླད་དུ༔ སླར་ཡང་འབྱོན་པར་མཛད་དུ་གསོལ༔ བཛྲ་མུཿ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།
ཤོག་སྟོང་།