ར་དགེ་དང་ཐོ་བཙུགས་ཁུང་གི་སྒབ་འདྲེ་བཅད་པ།
ར་དགེ་ནི། ཧཱུྃ། ཉི་མ་ནུབ་ཕྱོགས་ཕ་ཀི་ན། །ལྕགས་རི་ནག་པོའི་ནང་རོལ་ན། །ཕ་ཝང་ལོང་བུའི་སྐུ་མཁར་ན། །འཇའ་ཚོན་སྣ་ལྔའི་འོད་ཟེར་འཕྲོ། །སྟེང་ན་དུག་གི་སྤྲིན་འཁྲིགས་ཤིང་། །ཕྱི་རོལ་ཁྲག་གི་རྒྱ་མཚོ་ཁོལ། །ཞེ་སྡང་གདུག་པའི་རླུང་ནག་འཚུབ། །འབྱུང་བ་ཚ་གྲང་འཐབ་པའི་སྒྲ། །གནམ་ལྕགས་ཐོག་གི་བུ་ཡུག་འཚུབ། །དེ་ལྟ་བུ་ཡི་སྐུ་མཁར་ན། །ཆོས་སྐྱོང་རྒྱལ་པོ་བཞུགས་པ་ནི། །སྐྱེས་བུ་བཛྲ་སཱ་དྷུ་སྟེ། །རྒྱལ་བ་ཀུན་གྱི་བསྟན་བསྲུང་ཞིང་། །དཀྱིལ་འཁོར་ཀུན་གྱི་ཉུལ་མ་སྟེ། །རྣལ་འབྱོར་ཀུན་གྱི་ཆོས་སྐྱོང་ཁྱོད། །འདིར་སྤྱོན་དམ་བསྐང་ཕྲིན་ལས་མཛོད། །ཅེས་དགེ་བསྙེན་ལ་འབུལ་ལོ། ། ༈ ཐོ་བཙུགས་ཁྱུང་གིས་སྒབ་འདྲེ་བཅད་པ་ནི། རང་ཕྱོགས་ཀྱི་དབུ་ལ་ཁྱུང་གསལ་བར་བསྒོམས་ལ་སྒབ་འདྲེ་བཅད་པར་བསམ་ལ། ཨོཾ་བཛྲ་ཁྲོམ་ག་རུ་ཎ་ཙ་ལེ་ཙ་ལེ་ཧཱུྃ་ཕཊ༔ ཧཱུྃ། ཆེ་མཆོག་སྤྲུལ་པའི་བྱ་ཁྱུང་རྒྱལ། །མཐུ་རྩལ་སྟོབས་ཀྱིས་སྡེ་བརྒྱད་འདུལ། །བགེགས་དང་འབྱུང་པོའི་ཕྱི་ལམ་ཆོད། །བཛྲ་ག་རུ་ཎ་ཡ་ཧཱུྃ་ཕཊ༔ སརྦ་བྷུ་ཏ་ནན༔ ཤིང་བྱང་ལ་ཁྲོ་དང་གཡུང་དྲུང་བྲིས་ལ་བཙུགས། ལམ་དུ་ཕྱི་མིག་མི་བལྟ་བར་རྣམ་འཇོམས་དང་ཁྱུང་སྔགས་བཟླས་ཤིང་འོང་སྲོལ་