དུར་ཁྲོད་བདག་པོའི་གསོལ་མཆོད།

དུར་ཁྲོད་བདག་པོའི་གསོལ་མཆོད་ནི། ཧཱུྃ། འཁོར་ལོ་སྡོམ་པ་ཡབ་ཡུམ་དང་། །པདྨ་བཛྲ་སྤྱན་སྔ་རུ། །རང་རྟགས་སྲོག་གི་སྙིང་པོ་ཕུལ། །དུར་ཁྲོད་ཆེན་པོ་གནས་བརྒྱད་བསྲུང་། །སོ་ས་གླིང་གི་ཞིང་སྐྱོང་བ། །དུར་ཁྲོད་བདག་པོ་ཡབ་དང་ཡུམ། །ཁྱོད་ནི་སྲུང་མ་ཐུགས་དམ་ཅན། །བདག་ནི་རྣལ་འབྱོར་དམ་ཚིག་ཅན། །བདག་ཅག་འཁོར་དང་ལོངས་སྤྱོད་བཅས། །སྲུང་བའི་སྲུང་མར་ཁྱོད་བཅོལ་ལོ། །དེ་ལ་གནོད་བྱེད་དགྲ་རྐུན་ཇག །འཆིང་བའི་ཞགས་པར་ཁྱོད་བསྐོས་སོ། །མ་གཡེལ་མ་འདའ་མཐུ་*རྩལ་ཅན། །ཇ་ཆང་ཕུད་ཚོགས་གཏོར་མས་མཆོད། །བཅོལ་བའི་ཕྲིན་ལས་འགྲུབ་པར་མཛོད། །ཅེས་པ་རྨི་ལམ་དུ་མའི་སྐྱ་རྒྱ་མྱག་སེ་བ་བཅུ་ཙམ་དབང་ཞུ་ཟེར་བས། ཁོང་རྣམས་ཀྱི་ལྷ་དེ་མི་འདོད་པ་འདྲ་ཞིག་འདུག་ཀྱང་། ངན་བྱས་ནས་དུར་ཁྲོད་བདག་པོའི་དབང་བསྐུར་བ་དེ། ཇག་རྐུན་བཟློག་པའི་རྟགས་སུ་གོ་ནས་བཀོད་པ་ཨ་རཱ་གས་སོ། །མངྒ་ལཾ། །