ཟུང་འཇུག་བརྒྱུད་པའི་མཚན་དང་བསྙེན་སྒྲུབ་བྱེད་པའི་ཐུན་མཚམས་ཞལ་ཤེས།

༈ ཡང་ཚེ་རིང་མའི་བསྙེན་སྒྲུབ་བྱེད་པའི་ཐུན་མཚམས་སུ། བདག་གི་སྤྱི་བོའམ། མདུན་བསྐྱེད་ཀྱི་དབུའི་རྗེ་བཙུན་མི་ལ་རས་ཆེན་ལ་དད་གུས་དྲག་པོས། ན་མོ་གུ་རུ། གངས་ཅན་རྒྱུད་དུ་སོགས་ནས། ཕ་རས་པ་དེ་ལ་གསོལ་བ་འདེབས། །ཞེས་ཤོ་ལོ་ཀ་དེ་དབྱངས་སྙན་པོས་ལན་གསུམ་བརྗོད་ཚེ། མི་ལའི་སྐུ་གསུང་ཐུགས་ལས་འོད་ཟེར་དཀར་དམར་མཐིང་གསུམ་འཕྲོས་ནས་རང་གི་གནས་གསུམ་དུ་ཐིམ་པས་སྒོ་གསུམ་བྱིན་གྱིས་བརླབས། མཐར་ཐུན་འཇོག་དུས་མི་ལ་རང་ལ་དབྱེར་མེད་དུ་ཐིམ་པས། རྗེ་བཙུན་གྱི་ཐུགས་དང་རང་སེམས་དབྱེར་མེད་དུ་བསྲེས་ལ་ཉམས་ལེན་སྐྱོང་བས། རྟོགས་པ་ལ་བོགས་དབྱུང་ཞིང་། ཕྱག་རྒྱ་ཆེན་པོའི་རྟོགས་པ་རྩོལ་མེད་དུ་འཆར་རོ། །ཨྠྀི། ཟབ་བོ་༧ རྗེ་རིན་པོ་ཆེ་ཨ་རཱ་གའི་ཕྱག་བྲིས་ལས་བཤུས་སོ།། །།