གཤེད་སྐྱེར་བྱང་ལ་བརྟག་པ།
ད་ནི་གཤེད་སྐྱེར་བྱང་ལ་བརྟག་པ་ནི༔ ཟ་འདྲེ་མ་ཁུག་ན༔ དར་རས་ཐེར་ཕྲུག་ལྭ་བ་དུམ་བུ་ལ་གབ༔ ཤི་གཤེད་མ་ཁུག་ན༔ གྲུ་གུའམ་སྣལ་མ་དཀར་ནག་སྟོང་སྐུད་དཀར་དམར་ལ་གབ། སྲོག་གཅོད་མ་ཁུག་ན༔ སྐྱི་མོ་དུམ་བུའམ་ཤོག་གུ་ནང་དུ་སྨན་ཐུམ་ཡོད་པ་ལ་གབ༔ དབུགས་ལེན་མ་ཁུག་ན༔ དར་རས་དཀར་དམར་སྔོན་པོའམ་ལྭ་བ་ནག་པོ་སྔོན་པོ་ལ་གབ༔ མདངས་འཕྲོག་ཁུག་ན༔ ཚིལ་ལམ་མར་བཅད་འཕྲོ་ལ་གབ༔ ཆེ་སྲི་མ་ཁུག་ན༔ ཨ་ལོང་ངམ་ལྕགས་མིག་དོད་པའི་བཙའ་ཁྲོ་་ལ་གབ༔ ཆུང་སྲི་མ་ཁུག་ན༔ གྲི་ཡུ་བ་ངན་པའི་བཙའ་ཁྲོ་ལ་གབ༔ རྒན་སྲི་མ་ཁུག་ན༔ སེམས་ཅན་མདོག་ཡོད་པའི་རྫས་འོད་ཅན་ལ་གབ༔ གཞོན་སྲི་མ་ཁུག་ན༔ གཡང་ཁུག་ནང་བསྡུས་པའི་དར་དཀར་རམ་རི་མོ་ཅན་ནམ། གྲ་འཕྲོའམ་སག་ཏི་སྤྱིན་ཐི་ལ་གབ༔ ༈ ལི་ཞག་གསུམ་དང་བདུན་ནས། ཁོན་ཞག་བདུན་ནས། དྲ་ཟླ་བ་གསུམ་ནས་རྒྱང་ལོག་ཡོད་བུད་མེད་ལ་ངན༔ ཁོན་ཟླ་བ་གཅིག་རྒྱང་ལོག་ཡོད་ཕ་ཁུ་དང་བུ་སྲིན་ལ་ངན༔ ཁཾ་ཟླ་བ་གསུམ་ནས་རྒྱང་ལོག་ཡོད་རྟ་སྦྲུལ་བྱ་སྤྲེལ་ལོ་པར་ངན༔ གིན་ཟླ་བ་གཉིས་ནས་
ལོག་པར་འདུག༔ ཟིན་ཟླ་བ་དྲུག་ནས་ལོག་ཕ་ཁུ་ལ་ངན༔ ཟོན་ཟླ་བ་དྲུག་ནས་ལོག་རྒན་རབས་ལ་ངན༔ ཞུས་སོ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།