ས་འདེབས་ཁ་འཕང་།
ས་འདེབས་ཁ་འཕང་ཡོད་ལགས་སོ། །ཡོས་བཀྲ་བླུགས་ལ་གསེར་སྲང་བརྒྱ་ཨེ་ཡོད་ཟེར་ལ། ཡོད་ཟེར་བཅུག་ལ། མི་འདིའི་ཁྲག་དུར་འདིའི་ལྕེ་ཏེ་བརྩི་བའི་ས་རིན་ལ། གསེར་སྲང་བརྒྱ་ཨེ་ཡོད། སྟོང་ཨེ་ཡོད། ཁྲི་ཕྲག་ཨེ་ཡིན། འབུམ་ཨེ་ཡིན། བྱེ་བ་ཨེ་ཡིན། ས་ཡ་ཨེ་ཡིན། ནས་འདོད་ཁ་མ་བཅད་པའི་ནས་ཁལ་བརྒྱ་ཨེ་ཡིན། དངུལ་སྲང་བརྒྱ་ཨེ་ཡིན། སྟོང་ཨེ་ཡིན། ཁྲི་ཕྲག་ཨེ་ཡིན། འབུམ་ཨེ་ཡིན། །བྱེ་བ་ཨེ་ཡིན། ས་ཡ་ཨེ་ཡིན། གསེར་ཉི་མ་ཙམ་ཨེ་ཡིན། དངུལ་ཟླ་བ་ཙམ་ཨེ་ཡིན། དུང་ལུག་གུ་ཙམ་ཨེ་ཡིན། གཡུ་ཕུག་རོན་ཙམ་ཨེ་ཡིན། ས་ལ་ས་རིན་འཇལ། རྡོ་ལ་རྡོ་རིན་འཇལ། བ་ཁྲི་བརྒྱ་ཨེ་ཡིན། བེལ་ཁྲི་སྟོང་ཨེ་ཡིན། ལུག་དཀར་མོ་བརྒྱ་ཨེ་ཡིན། ནག་པོ་སྟོང་ཨེ་ཡིན། འབྲི་དཀར་མོ་བརྒྱ་ཨེ་ཡིན། ནག་མོ་སྟོང་ཨེ་ཡིན།་ར་དཀར་མོ་བརྒྱ་ཨེ་ཡིན། ནག་མོ་སྟོང་ཨེ་ཡིན། བྱ་དཀར་མོ་བརྒྱ་ཨེ་ཡིན། ནག་མོ་སྟོང་ཨེ་ཡིན། །དཀར་མོ་གཡང་མོ་ལུག་བརྒྱ་འབུལ། །ནག་མོ་ཟ་ལེ་འབྲི་བརྒྱ་འབུལ། །ཁམ་པ་འགྱིང་བ་གཡག་བརྒྱ་འབུལ། །གྲོ་བོ་ཀུ་རུ་རྟ་བརྒྱ་འབུལ། ཕྱག་འཚལ་ཡོན་འབུལ་དཔལ་
བསྐྱེད་པས། །ས་ལ་ངའི་ས་མ་ཟེར། །རྡོ་ལ་ངའི་རྡོ་མ་ཟེར། །རིན་པོ་ཆེའི་ས་ལ་ཀོ་ལོང་མ་མཛད་ཅིག །ས་འདི་ཡག་པའི་གཟུ་དཔང་། །མངྒ་ལཾ།