སྤོམ་གཏའ་དང་སྒམ་ཆིངས།
རཱ་ག་ཨ་སྱས་མཛད་པའི་སྤོམ་གཏའ་དང་སྒམ་ཆིངས་བཞུགས་སོ། །ཤཱཀྱའི་རྒྱལ་པོ་དེ་ལ་ཕྱག་འཚལ་ལོ། ཀོང་ཙེ་བྱང་ཆུབ་སེམས་དཔའི་ལུགས་ཀྱི་སྤོམ་གཏའ་སྡོམ་ཚུལ་ནི། མཁར་ལས་སྟོན་མོ་ལྟད་མོ་སོགས་གང་བྱེད་ན། ངན་ཆེ་བའི་ཁས་ལེན་གཏོ་འདི་བྱའོ། །ཤིང་གང་ཡང་རུང་བའི་ཤིང་ཆེན་ལ། ༈ ༀ་བཅིངས་པའི་ཁར་ཤིང་གི་སྒམ་ཆུང་ནང་འབྲུ་དཀར་བྲེ་གང་འབྲུ་ནག་བྲེ་གང་བཀྲམ་པའི་ནང་ཟན་གྱི་རུ་སྦལ་གྱི་གཟུགས་གན་རྐྱལ་གྱི་སྟེང་གནམ་ལོའི་གཟུགས་སྨེ་དགུ་སྤར་བརྒྱདལོ་བཅུ་གཉིས་གཟུགས་སམ་གཏོར་མ། ཟན་ཆད་གྲངས་མང་ཆངས་བུ་སོགས་བཞག །གཟེ་བརྒྱབ་ཕྱུགས་རྫིའི་བུར་ཐག་གིས་དཀྲིས་ལ་བཞག །དེ་སྟེང་ཐུབ་སྐུ་མདོ་བརྒྱད་སྟོང་པའམ་བཀའ་འདུས་པུ་ཏི། མཆོད་རྟེན་ནམ་གཟུངས་ལྡན་བཞག །ཨོཾ་གྱི་འོག་ཏུ་ཨུར་ནོན་གྱི་དངོས་པོ་སཱཙྪ་འབྱུང་ལྷའི་མདོག་ཅན་ཕྱོགས་མ་ནོར་བ་བཀོད་་་་མཆན་ཡིན་པ་འདྲ། ཕྱོགས་ཀྱི་ལྷ་བཞི་དང་མཚམས་ལྷའི་ལོག་གནོན་གྱི་སྐུ་བྲིས་པ། ཤར་གྱི་སྟག་སྐྱ་བོ། ལྷོ་ཡི་གཡུ་འབྲུག་སྔོན་མོ། ནུབ་ཀྱི་བྱ་དམར་མོ། བྱང་གི་རུ་སྦལ་རྒྱ་བོ་སྟེ་ཕྱོགས་ཀྱི་ལྷ་བཞི་བཀོད། སེ་བ་མགོ་ལིང་། སྐྱེར་ཚེར། མགལ་པ། ས་མདའ་དང་གནམ་མདའ། བྲེ་དང་སྲང་། རྩྭ་ཆུན། གྲོད་པའི་ནང་དུ་ཆུ་སྣ་དགུ་བླུག་བཅུག །ཁ་དགུ་མིག་སྤྲོ་དགུ་བྲིས། ལྷམ་གཡོན་པ། ཤྭ། བལ་ཚོན་སྣ་ལྔ། ཙག་ཐོག་ཕུད་པའི་མདོག་གི་བླ་དར་བཏགས། མི་ཁའི་རྫས་སྣ་ཚོགས་ལྡུམ་ནང་དུ་བླུགས། དེ་རྣམས་ཤི་ང་རིང་བ་ཐོག་རྩེའི་ཚད་ཙམ་ལ་བཏགས་ནས། ཕྱོགས་ཆེན་ཡོད་པའི་
ཕྱོགས་སུ་བཙུགས། མཁར་ལས་ཚན་ཆེན་མིན་ན་ལོ་དེའི་སྤར་ཁ་དང་། ཐེ་སེ་རྒྱལ་པོའི་ཕྱོགས་སུ་བཙུགས་པ་ལེགས་སོ། །བཤོས་བུ་དང་འབྲང་རྒྱས་ཀོང་ཙེའི་བཤོས་བུ་དང་ཇ་ཆང་ཕུད་ཚྭ་དང་ནས་དཀར། གཞན་ལོ་གང་བྱེད་ཀྱི་ཕུད་རྣམས། སྤོམ་གཏའ་སྡོམ་པའི། སྟོན་མོའི་སར་འཛུགས་ལ་བཞག །སྔགས་འཆང་རྒྱལ་པོས་མདའ་དར་སྣ་ལྔ་ཐོགས་ལ། ཡོན་བདག་རྗེས་ཟློས་བྱེད་དུ་གཞུག་ནས་འདི་སྐད་དོ། །ཀྱི། གནམ་སྔོན་པོ་ཡང་གསོན་ཅིག །ས་གྲོ་མོ་ཡང་གསོན་ཅིག །གངས་རི་དཀར་པོ་ཡང་གསོན་ཅིག །སྲིབ་རི་ནག་པོ་ཡང་གསོན་ཅིག །ལོ་རྒྱལ་པོ་ཡང་གསོན་ཅིག །ཟླ་བ་བློན་པོ་ཡང་གསོན་ཅིག །ཞག་དམག་མི་ཡང་གསོན་ཅིག །དུས་ཚོད་མཚོན་ཆ་ཡང་གསོན་ཅིག །ཕྱོགས་ཀྱི་ལྷ་བཅུ་གཉིས་ཡང་གསོན་ཅིག །ཀོ་ལོང་སྡོམ་པའི་ལྷ་དགུ་ཡང་གསོན་ཅིག །གཟའ་དང་རྒྱུ་སྐར་དང་། དེ་རིང་གི་རྒྱུ་བའི་ས་བདག་ཀླུ་གཉན་རྣམས་ཀྱང་གསོན་ཅིག །སྤར་ཁ་བརྒྱད་དང་སྨེ་བ་དགུ་ཡང་གསོན་ཅིག །གནམ་སྔོན་པོས་མར་ཕུབ། །ས་གྲོ་མོའི་ཡར་སྟེང་། བར་ན་རྫུ་འཕྲུལ་གྱི་སྐར་མ་འོཆར།་འདི་ན་མི་གནས་པ་མེད། འདི་ན་མི་སྲིད་པ་མེད། འདི་ན་མི་འབྱུང་བ་མེད། གཏོ་མཁན་རྒྱལ་པོས་མི་ཐུབ་པ་ཐུབ་པར་
བྱས། མི་ཆོད་པ་ཆོད་པར་བྱས། ང་གཏོ་མི་རྒྱལ་པོའི་མི་ཐུབ་པ་མེད། མི་ཆོད་པ་མེད། ངན་ཆེན་ཁས་བླངས། དུག་ཆེན་སོས་བླངས། ང་གཏོ་མཁན་རྒྱལ་པོས་ཁས་བླངས་པ་བཞིན་དུ། སྤོམ་གཏའ་ཁྱོད་ཀྱིས་ཐུབ་པར་གྱིས། མི་ཐུབ་པ་ཐུབ་པར་གྱིས་ཤིག །ངན་ཆེན་ཁས་ལོངས་ཤིག །དུག་ཆེན་སོས་ལོངས་ཤིག །ཤིང་ཆེན་བཙུགས་པ་འདིས་གཏོ་མི་འགྱུར་བར་ཁས་ལོངས་ཤིག །ཤིང་སྐྱེར་ཚེར་འདིས་ཕ་སྤུན་ལ་མི་གནོད་པར་ཁས་ལོངས་ཤིག །རྩྭ་ཆུན་འདིས་ཕྱུགས་ལ་གོད་ཁ་མེད་པར་ཁས་ལོངས་ཤིག །ལྷམ་གཡོན་པ་འདིས་བུད་མེད་ལ་མི་གནོད་པར་ཁས་ལོངས་ཤིག །གནམ་མདའ་དང་ས་མདའ་འདིས་གནམ་སའི་བྱུར་ཐུབ་པར་གྱིས་ཤིག །མདའ་ལི་དམར་ལྟོང་བཟང་འདིས་སྐྱེས་པའི་སྲོག་མི་འགྱུར་བར་ཁས་ལོངས་ཤིག །ལྷ་བཞི་རྒྱང་འཕེན་ནམ་མཁའ་འདིས་འགོ་བའི་ལྷ་ལྔ་མི་འགྱུར་བར་ཁས་ལོངས་ཤིག །བྲེ་སྟོང་དང་སྲང་སྟོང་འདིས་འཇལ་བ་ནང་དུ་མི་འཇུག་པར་ཁས་ལོངས་ཤིག །གྲོད་པ་གཡས་སུ་བཏགས་པ་འདིས་ནོར་གཡང་དང་ཟས་གཡང་ཕྱིར་མི་འཆོར་བར་ཁས་ལོངས་ཤིག །ཁ་དགུ་མིག་དགུ་བྲིས་
པ་འདིས་བརྒྱ་ཁ་མང་གིས་གླེང་བ་དང་། སྟོང་མིག་མང་གིས་མི་བལྟ་བར་ཁས་ལོངས་ཤིག །ནང་གི་ངར་གླུད་དགུ་པོ་འདིས། ལྷ་མ་སྲིན་སྡེ་བརྒྱད་ཀྱིས་མི་བསྐྱོན་བར། གླུད་ཅིག་འབྱུང་བ་ལྔ་ལ་འབུལ། འབྱུང་བ་ལྔ་མི་འཁྲུགས་པར་ཁས་ལོངས་ཤིག །རྩེ་ལ་བླ་དར་འཕྱར་བ་འདིས།་ཡོན་བདག་མི་བོར་བར་ཁས་ལོངས་ཤིག །ཐུབ་ཆོད་ཀྱི་གཏོ་འདིས་ཡོན་མཆོད་རྣམས་བཀྲ་ཤིས་པར་ཤོག་ཅིག །ཅེས་གསེར་སྐྱེམས་དང་ཕུད་གཏོར་རོ། །བཀྲ་ཤིས་པའི་མདོ་དང་། དག་པ་གསེར་ཐིག་དང་། སྣང་བརྒྱད་མདོས་དང་མདོ་བཅས་འདོན། ལས་ཟིན་ནས་སྤོམ་གཏའ་བཀྲོལ་བའི་དུས་ཕུད་དང་འབྲུ་སྣ་ཡོས་བཀྲ་གཏོར་ཅིང་འདོན་བྱ་ཟུར་གསལ་ལྟར་གྱིས་བཀྲོལ། རྨ་བྱའི་མདངས་ཀྱིས་ཐེ་སེ་ཐུབ། མེ་ལོང་གིས་བཙུན་མོ་ཐུབ། གཟུགས་མོའི་བྱི་ཐུར་གྱིས་སློབ་དཔོན་ཐུབ། ལྕགས་ཀྱིས་སེ་བས་རང་རྟ་ཐུབ། མདའ་དར་གྱིས་བློན་པོ་ཐུབ། སྟག་གཟིག་ལྤགས་པས་གནམ་ཁྱི་ཐུབ། མཚོན་སྐུད་སྣ་ལྔའི་གྲུ་གུས་ནད་བདུད་ཐུབ།་ལུག་གི་གཡང་གཞིས་ཧལ་ཁྱི་ཐུབ། མགྲོན་བུ་བུ་མས་ས་བདག་སྤྱི་རྣམས་ཐུབ། རུ་སྦལ་ཁོག་པས་གཏམ་ངན་ཕྱི་ཐུབ། ཤཱཀྱ་ཐུབ་པའི་སྐུ་ཡིས་ས་བདག་ཐམས་ཅད་དང་ངན་པ་ཐམས་ཅད་ཐུབ་པས་འདི་རྣམས་སྤོམ་གཏའ་ལ། བཏགས་པའི་དགོས་པ་གལ་ཆེ་བར་ཡོད་དོ། །དེ་རྣམས་རེ་རེས་ཀྱང་རང་གི་ཉེས་པ་ཐུབ་པ་ཡིན། སྤོམ་
གཏའི་ཕྱག་ལེན་ཟབ་བོ། །ཞེས་པ་འདི་ཡང་རཱ་ག་ཨ་སྱས་མཛད་པའོ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།