གནམ་ཆོས་ཐུགས་གཏེར་ལས་ཞི་བའི་བསང་མཆོད།
གནམ་ཆོས་ཐུགས་གཏེར་ལས་ཞི་བའི་བསང་མཆོད་བཞུགས་སོ།
ཀྱཻ༔ དད་པ་དང་ནི་དམ་ཚིག་གིས༔ བླ་མ་ཡི་དམ་མཁའ་འགྲོ་དང་༔ ཆོས་སྐྱོང་སྲུང་མ་སྤྱན་འདྲེན་ནོ༔ གཡུ་ཤུག་ཕྱེ་མར་གསུར་གྱིས་མཆོད༔ ནད་གདོན་བར་ཆད་ཞི་བར་མཛོད༔ ཡམས་ནད་རིམས་ནད་ཞི་བར་མཛོད༔ གློ་གོར་ཧོན་གསུམ་ཞི་བར་མཛོད༔ རླུང་མཁྲིས་བད་ཀོན་ཞི་བར་མཛོད༔ ཕོ་གདོན་མོ་གདོན་ཞི་བར་མཛོད༔ ཞི་བའི་ལས་ཀུན་བསྒྲུབ་ཏུ་གསོལ༔ ཀྱཻ༔ དད་པ་དང་ནི་དམ་ཚིག་གིས༔ རྣམ་སྲས་ཛཾ་ལྷ་ནོར་རྒྱུན་མ༔ ནོར་ལྷ་གཏེར་བདག་སྤྱན་འདྲེན་ནོ༔ གཡུ་ཤུག་ཕྱེ་མར་གསུར་གྱིས་མཆོད༔ ནད་གདོན་བར་ཆད་ཞི་
བར་མཛོད༔ ཡམས་ནད་རིམས་ནད་ཞི་བར་མཛོད༔ གློ་གོར་ཧོན་གསུམ་ཞི་བར་མཛོད༔ རླུང་མཁྲིས་བད་ཀན་ཞི་བར་མཛོད༔ ཕོ་གདོན་མོ་གདོན་ཞི་བར་མཛོད༔ ཞི་བའི་ལས་ཀུན་བསྒྲུབ་ཏུ་གསོལ༔ ཀྱཻ༔ དད་པ་དང་ནི་དམ་ཚིག་གིས༔ དབང་ཕྱུག་མ་ཧཱ་དེ་བ་དང་༔ སྡེ་དཔོན་སུམ་ཅུ་སྤྱན་འདྲེན་ནོ༔ གཡུ་ཤུག་ཕྱེ་མར་གསུར་གྱིས་མཆོད༔ ནད་གདོན་བར་ཆད་ཞི་བར་མཛོད༔ ཡམས་ནད་རིམས་ནད་ཞི་བར་མཛོད༔ གློ་གོར་ཧོན་གསུམ་ཞི་བར་མཛོད༔ རླུང་མཁྲིས་བད་ཀན་ཞི་བར་མཛོད༔ ཕོ་གདོན་མོ་གདོན་ཞི་བར་མཛོད༔
ཞི་བའི་ལས་ཀུན་བསྒྲུབ་ཏུ་གསོལ༔ ཀྱཻ༔ དད་པ་དང་ནི་དམ་ཚིག་གིས༔ ལྷ་ཆེན་བརྒྱད་དང་ཀླུ་ཆེན་བརྒྱད༔ ཕྱོགས་སྐྱོང་བཅུ་པོ་སྤྱན་འདྲེན་ནོ༔ གཡུ་ཤུག་ཕྱེ་མར་གསུར་གྱིས་མཆོད༔ ནད་གདོན་བར་ཆད་ཞི་བར་མཛོད༔ ཡམས་ནད་རིམས་ནད་ཞི་བར་མཛོད༔ གློ་གོར་ཧོན་གསུམ་ཞི་བར་མཛོད༔ རླུང་མཁྲིས་བད་ཀན་ཞི་བར་མཛོད༔ ཕོ་གདོན་མོ་གདོན་ཞི་བར་མཛོད༔ ཞི་བའི་ལས་ཀུན་བསྒྲུབ་ཏུ་གསོལ༔ ཀྱཻ༔ དད་པ་དང་ནི་དམ་ཚིག་གིས༔ གཟའ་ཆེན་བརྒྱད་དང་འཇིགས་བྱེད་དགུ༔ རྒྱུ་སྐར་ཉེར་བརྒྱད་སྤྱན་འདྲེན་ནོ༔ གཡུ་ཤུག་ཕྱེ་མར་གསུར་གྱིས་མཆོད༔ ནད་གདོན་བར་ཆད་ཞི་བར་མཛོད༔ ཡམས་ནད་རིམས་ནད་ཞི་བར་མཛོད༔ གློ་གོར་ཧོན་གསུམ་ཞི་བར་མཛོད༔ རླུང་མཁྲིས་བད་ཀན་ཞི་བར་མཛོད༔ ཕོ་གདོན་མོ་གདོན་ཞི་བར་མཛོད༔ ཞི་བའི་ལས་ཀུན་བསྒྲུབ་ཏུ་གསོལ༔ ཀྱཻ༔ དད་པ་དང་ནི་དམ་ཚིག་གིས༔ བོད་སྐྱོང་བརྟན་མ་བཅུ་གཉིས་དང་༔ མགུར་ལྷ་བཅུ་གསུམ་སྤྱན་འདྲེན་ནོ༔ གཡུ་ཤུག་ཕྱེ་མར་གསུར་གྱིས་མཆོད༔ ནད་གདོན་བར་ཆད་ཞི་བར་མཛོད༔ ཡམས་ནད་རིམས་ནད་ཞི་བར་མཛོད༔ གློ་
གོར་ཧོན་གསུམ་ཞི་བར་མཛོད༔ རླུང་མཁྲིས་བད་ཀན་ཞི་བར་མཛོད༔ ཕོ་གདོན་མོ་གདོན་ཞི་བར་མཛོད༔ ཞི་བའི་ལས་ཀུན་བསྒྲུབ་ཏུ་གསོལ༔ ཀྱཻ༔ དད་པ་དང་ནི་དམ་ཚིག་གིས༔ སྲིད་པའི་ལྷ་རབ་ཐམས་ཅད་དང་༔ དགེ་བསྙེན་ཉེར་གཅིག་སྤྱན་འདྲེན་ནོ༔ གཡུ་ཤུག་ཕྱེ་མར་གསུར་གྱིས་མཆོད༔ ནད་གདོན་བར་ཆད་ཞི་བར་མཛོད༔ ཡམས་ནད་རིམས་ནད་ཞི་བར་མཛོད༔ གློ་གོར་ཧོན་གསུམ་ཞི་བར་མཛོད༔ རླུང་མཁྲིས་བད་ཀན་ཞི་བར་མཛོད༔ ཕོ་གདོན་མོ་གདོན་ཞི་བར་མཛོད༔ ཞི་བའི་ལས་ཀུན་བསྒྲུབ་ཏུ་གསོལ༔ ཀྱཻ༔ དད་པ་དང་ནི་དམ་ཚིག་གིས༔ གཉན་ཆེན་ཐང་ལྷ་ཡར་བཞུད་དང་༔ ལྷ་རབ་ཤམ་པོ་སྤྱན་འདྲེན་ནོ༔ གཡུ་ཤུག་ཕྱེ་མར་གསུར་གྱིས་མཆོད༔ ནད་གདོན་བར་ཆད་ཞི་བར་མཛོད༔ ཡམས་ནད་རིམས་ནད་ཞི་བར་མཛོད༔ གློ་གོར་ཧོན་གསུམ་ཞི་བར་མཛོད༔ རླུང་མཁྲིས་བད་ཀན་ཞི་བར་མཛོད༔ ཕོ་གདོན་མོ་གདོན་ཞི་བར་མཛོད༔ ཞི་བའི་ལས་ཀུན་བསྒྲུབ་ཏུ་གསོལ༔ ཀྱཻ༔ དད་པ་དང་ནི་དམ་ཚིག་གིས༔ རྨ་རྒྱལ་སྤོམ་ར་འཁོར་དང་བཅས༔ ཨ་བོ་གེར་མཛོད་སྤྱན་འདྲེན་ནོ༔
གཡུ་ཤུག་ཕྱེ་མར་གསུར་གྱིས་མཆོད༔ ནད་གདོན་བར་ཆད་ཞི་བར་མཛོད༔ ཡམས་ནད་རིམས་ནད་ཞི་བར་མཛོད་གློ་གོར་ཧོན་གསུམ་ཞི་བར་མཛོད༔ རླུང་མཁྲིས་བད་ཀན་ཞི་བར་མཛོད༔ ཕོ་གདོན་མོ་གདོན་ཞི་བར་མཛོད༔ ཞི་བའི་ལས་ཀུན་བསྒྲུབ་ཏུ་གསོལ༔ ཀྱཻ༔ དད་པ་དང་ནི་དམ་ཚིག་གིས་ཕ་ལྷ་མ་ལྷ་ཞང་ལྷ་དང་༔ དགྲ་ལྷ་རྣམས་ཀྱང་སྤྱན་འདྲེན་ནོ༔ གཡུ་ཤུག་ཕྱེ་མར་གསུར་གྱིས་མཆོད༔ ནད་གདོན་བར་ཆད་ཞི་བར་མཛོད༔ ཡམས་ནད་རིམས་ནད་ཞི་བར་མཛོད༔ གློ་གོར་ཧོན་གསུམ་ཞི་བར་མཛོད༔ རླུང་མཁྲིས་བད་ཀན་ཞི་བར་མཛོད༔ ཕོ་གདོན་མོ་གདོན་ཞི་བར་མཛོད༔་ཞི་བའི་ལས་ཀུན་བསྒྲུབ་ཏུ་གསོལ༔ ཀྱཻ༔ དད་པ་དང་ནི་དམ་ཚིག་གིས༔ གནས་བདག་དཀོར་བདག་ཁྱིམ་ལྷ་དང་༔ ཡུལ་ལྷ་གཞི་བདག་སྤྱན་འདྲེན་ནོ༔ གཡུ་ཤུག་ཕྱེ་མར་གསུར་གྱིས་མཆོད༔ ནད་གདོན་བར་ཆད་ཞི་བར་མཛོད༔ ཡམས་ནད་རིམས་ནད་ཞི་བར་མཛོད༔ གློ་གོར་ཧོན་གསུམ་ཞི་བར་མཛོད༔ རླུང་མཁྲིས་བད་ཀན་ཞི་བར་མཛོད༔ ཕོ་གདོན་མོ་གདོན་ཞི་བར་མཛོད༔ ཞི་བའི་ལས་ཀུན་བསྒྲུབ་ཏུ་གསོལ༔ ནད་
ཐམས་ཅད་ཤཱནྟིཾ་ཀུ་རུ་ཡེ་སྭ་ཧཱཿ གདོན་ཐམས་ཅད་ཤཱནྟིཾ་ཀུ་རུ་ཡེ་སྭ་ཧཱཿ བར་ཆད་ཐམས་ཅད་ཤཱནྟིཾ་ཀུ་རུ་ཡེ་སྭ་ཧཱཿ ཡམས་ནད་ཐམས་ཅད་ཤཱནྟིཾ་ཀུ་རུ་ཡེ་སྭ་ཧཱཿ རིམས་ནད་ཐམས་ཅད་ཤཱནྟི་ཀུ་རུ་ཡེ་སྭ་ཧཱཿ འགོས་ནད་ཐམས་ཅད་ཤཱནྟི་ཀུ་རུ་ཡེ་སྭ་ཧཱཿ གློ་ཤཱནྟིཾ་ཀུ་རུ་ཡེ་སྭཱ་ཧཱ། གོར་ཤཱནྟི་ཀུ་རུ་ཡེ་སྭ་ཧཱཿ ཧོན་ཤཱནྟིཾ་ཀུ་རུ་ཡེ་སྭ་ཧཱཿ རླུང་ཤཱནྟི་ཀུ་རུ་ཡེ་སྭ་ཧཱཿ མཁྲིས་པ་ཤཱནྟིཾ་ཀུ་རུ་ཡེ་སྭ་ཧཱཿ བད་ཀན་ཤཱནྟིཾ་ཀུ་རུ་ཡེ་སྭཱ་ཧཱ། འདུས་པ་ཤཱནྟཾ་ཀུ་རུ་ཡེ་སྭ་ཧཱཿ ཕོ་གདོན་རྒྱལ་པོ་ཤཱནྟིཾ་ཀུ་རུ་ཡེ་སྭ་ཧཱཿ མོ་གདོན་བསེན་མོ་ཤཱནྟི་ཀུ་རུ་ཡེ་སྭ་ཧཱཿ ཀླུ་གདོན་ཐེའུ་རང་ཤཱནྟིཾ་ཀུ་རུ་ཡེ་སྭ་ཧཱཿ སྣང་སྲིད་ལྷ་སྲིན་སྡེ་བརྒྱད་ཀྱི་གནོད་པ་ཐམས་ཅད་ཤཱནྟིཾ་ཀུ་རུ་ཡེ་སྭ་ཧཱཿ ཨོཾ་ཨརྑ་ནི་སྭ་ཧཱཿ ནིརྑ་ནི་སྭ་ཧཱཿ གོ་གྷ་ལི་སྭ་ཧཱཿ ཡ་མ་ན་ཡེ་སྭ་ཧཱཿ ས་མ་ཡེ་སྭ་ཧཱཿ ཧི་ཀ་ལི་སྭ་ཧཱཿ ཤཱནྟཾ་ཀུ་རུ་ཡེ་སྭ་ཧཱཿ ས་མ་ཡ༔ རྒྱ་རྒྱ་རྒྱ༔ ཁ་ཐཾ༔ ཞེས་པ་འདི་སྤྲུལ་སྐུ་མི་འགྱུར་རྡོ་རྗེ་ལ་ཨོ་རྒྱན་རིན་པོ་ཆེས་དངོས་སུ་གསུངས་པ་ལས་གཏེར་བློན་རཱ་ག་ཨ་སྱས་ཅུང་ཟད་ཅིག་བསྡུས་ཏེ་བཀོད་པའོ༔ ཉེས་འགལ་མཆིས་ན་ལྷ་ལ་བཤགས༔ སརྦ་མངྒ་ལཾ།།