འཇམ་དཔལ་གཤིན་རྗེ་ཁྲོ་ཆུའི་བསང་མཆོད།
― CMR036_Page_0311 ―
[མ་དཔེ་གཟིགས་ན་འདིར་གནོན།]
འཇམ་དཔལ་གཤིན་རྗེ་ཁྲོ་ཆུའི་བསང་མཆོད་བཞུགས་སོ།། ཨེ། ཆོས་སྐུ་ཞི་བའི་ངང་ལས་མ་གཡོས་ཀྱང་། །ཐབས་ཀྱི་ཆོ་འཕྲུལ་འཇམ་དཔལ་གཤིན་རྗེ་གཤེད། །སྐུ་མདོག་དམར་ནག་ཞལ་གསུམ་ཕྱག་དྲུག་པ། །རྡོ་རྗེ་དགྲ་སྟ་གློ་སྙིང་ཕྱག་ན་བསྣམས། །རབ་འཇིགས་ཁྲོ་ཆས་ཡོངས་རྫོགས་གཤོག་པ་གདེངས། །སྐུ་སྨད་ཁྲོ་ཆུའི་ཕུར་པས་དགྲ་སྙིང་གཟིར་། །འཁོར་ཚོགས་འཆི་བདག་ཚེ་བདག་སྲོག་བདག་དང་། །བྷེ་ཝ་ས་ཏ་ཟ་བ་ལྗང་ནག་དང་། །ཡ་མ་རཱ་ཙ་གཤེད་ཆེན་སྡེ་བཞི་དང་། །གཞན་ཡང་འཁོར་ཚོགས་བསམ་གྱིས་མི་ཁྱབ་པ། །འདོད་ཡོན་བདུད་རྩིའི་དྲི་ཞིམ་དུད་པས་བསང་། །ཕྱེ་མར་ཟས་ཕུད་ཤ་ཁྲག་གཏོར་མ་འབུལ། །བསྟན་དགྲ་བོན་གྱི་ཕུར་ཁ་བཟློག་པ་དང་། །གློ་བུར་བར་ཆད་ཚོགས་རྣམས་ཟློག་པར་མཛོད།། །ནང་པར་ཚང་སར་སྐུ་མཆེད་ཀྱིས་བསྐུལ་ངོར་རྗེ་རྒྱལ་ཇོ་བོའི་མདུན་དུ་བཞུགས་དུས་མར་མེའི་ངོས་ནས་༧ རཱ་ག་ཨ་སྱས་བསྒྲིགས་པ་ལྟར་བསྐུལ་བ་པོས་ཡི་གེ་མཛད་པའོ། །སརྦ་མངྒ་ལཾ།།