ལྷ་མོའི་བཟང་།

ལྷ་མོའི་བསང་ནི། བྷྱོ༔ བྱང་ཤར་ཆོས་དབྱིངས་ཕོ་བྲང་དམ་པ་ནས། །མ་གཅིག་དཔལ་ལྡན་ལྷ་མོ་དུད་སོལ་མ། །སྐུ་མདོག་མཐིང་ནག་རྔམས་པའི་ཆ་ལུགས་ཅན། །རྫུ་འཕྲུལ་མྱུར་མགྱོགས་བོང་བུ་དམར་ག་ཆིབས། །རྒྱལ་བའི་བསྟན་སྲུང་ཆོས་མཛད་བུ་བཞིན་སྐྱོངས། །ཕས་རྒོལ་དགྲ་བོ་དཔུང་འཇོམས་བགེགས་དཔུང་འདུལ། རྣལ་འབྱོར་གདུང་བའི་འབོད་ཀྱིས་ཐོགས་མེད་གཤེགས། །ཇ་ཆང་འབྲུ་སྨན་བསང་གི་མཆོད་པ་བཞེས། །རིན་ཆེན་རྫས་རྟགས་རྒྱལ་སྲིད་འདོད་ཡོན་ལྔ། །གཟུགས་མཛེས་སྒྲ་སྙན་དྲི་ཞིམ་རོ་མངར་ཞིང་། །རེག་འཇམ་ལྷ་མིའི་དཔལ་འབྱོར་ཇི་སྙེད་ཀུན། །ཡིད་ཀྱིས་སྤྲུལ་ནས་མ་གཅིག་ཁྱེད་མཆོད་པས། །བདག་ཅག་མི་ནོར་འཁོར་བཅས་སྐྱོབ་པར་མཛོད། །ཕྱི་ནང་འགལ་རྐྱེན་སོལ་ལ་མཐུན་རྐྱེན་སྒྲུབས། །ཡིད་ལ་རེ་བའི་འབྲས་བུ་མཆིས་པར་མཛོད། །ཅེས་པ་ཨ་རཱ་གས་སྦྱར་བའོ།། །།