འཛམ་ལྷ་རིགས་ལྔའི་བསང་མཆོད།
འཛམ་ལྷ་རིགས་ལྔའི་བསང་མཆོད་བཞུགས་སོ།། ཀྱཻ། རི་རབ་ལྷུན་པོའི་བྱང་ཕྱོགས་ལྕང་ལོ་ཅན། །རིན་ཆེན་སྣ་བདུན་བརྩེགས་པའི་གཞལ་ཡས་ནས། །འཛམ་ལྷ་རིགས་ལྔ་ལྷ་མོ་ནོར་རྒྱུན་མ། །འཁོར་བཅས་འདིར་གཤེགས་བསང་དང་མཆོད་པ་བཞེས། །སྐུ་ཡི་འཛམ་ལྷ་དཀར་པོ་འབྲུག་ལ་ཆིབས། །མཁའ་འགྲོ་སྡེ་བཞི་འཁོར་དང་བཅས་པ་ལ། །གཡུ་ཤུག་ཕྱེ་མར་གསུར་གྱི་དུད་པས་བསང་། །གསུང་གི་འཛམ་དམར་ཞལ་གསུམ་ཕྱག་དྲུག་པ། །ཀུ་རུ་ཀུལླེ་འཁོར་དང་བཅས་པ་ལ། །འབྲུ་སྣ་ཟས་ཕུད་དྲི་བཟང་དུད་པས་བསང་། །ཐུགས་ཀྱི་འཛམ་ནག་ཁྲོ་ཞིང་སྒེག་པའི་གཟུགས། །ནོར་ལྷ་མཆེད་བརྒྱད་འཁོར་དང་བཅས་པ་ལ། །དཀར་གསུམ་མངར་གསུམ་བསང་གི་མཆོད་པ་འབུལ།ཡོན་ཏན་འཛམ་སེར་བི་ཛ་ནེའུ་ལེ་འཛིན། །ནོར་ལྷ་ཕོ་དགུ་མོ་དགུ་འཁོར་བཅས་ལ། །འབྲུ་སྣ་ཕྱེ་མར་བསང་གི་དུད་པས་བསང་། །ཕྲིན་ལས་འཛམ་ཁྲ་ཕྱག་ན་ནེའུ་ལེ་འཛིན་། །གནོད་སྦྱིན་བྱེ་བ་བདུན་འབུམ་འཁོར་བཅས་ལ། །འབྲུ་སྣ་དར་ཟབ་དྲི་བཟང་དུད་པས་བསང་། །ནོར་གྱི་བདག་པོ་ལྷ་མོ་ནོར་རྒྱུན་མ། །གསེར་མདོག་མཆོག་སྦྱིན་
འབྲས་ཀྱི་སྙེ་མ་འཛིན། །མཆེད་ལྔ་འཁོར་དང་བཅས་ལ་བསང་མཆོད་འབུལ། །ནོར་ལྷ་ཁྱེད་རྣམས་མཆོད་པའི་བྱིན་རླབས་ཀྱིས། །ཚེ་བསོད་དཔལ་འབྱོར་རྒྱས་པའི་ཁ་འཛིན་མཛོད། །ལོ་ལེགས་ཕྱུགས་རྣམས་འཕེལ་བའི་དངོས་གྲུབ་སྩོལ། །གོད་འདྲེ་གནོད་བྱེད་ཟློག་པའི་ཕྲིན་ལས་མཛོད། །ཅེས་ཉམས་ལེན་བདེ་ཕྱིར་ཨ་རཱ་གས་བྲིས་སོ།།