ནོར་ལྷ་རྒྱ་མཚོའི་བསང་ཉུང་འདུས་དངོས་གྲུབ་འགུགས་པའི་ལྕགས་ཀྱུ།
― CMR036_Page_0365 ―
[མ་དཔེ་གཟིགས་ན་འདིར་གནོན།]
ནོར་ལྷ་རྒྱ་མཚོའི་བསང་ཉུང་འདུས་དངོས་གྲུབ་འགུགས་པའི་ལྕགས་ཀྱུ་ཞེས་བྱ་བ་བཞུགས་སོ། །གནོད་གནས་དབང་པོ་ཨརྱ་ཛམ་བྷ་ལ། །དཀར་སེར་དམར་ལྗང་སྔོ་དང་ཁྲ་བའི་མདོག །ཤིན་ཏུ་ཁྲོས་ཚེ་མགོ་དགུ་སྤྱང་ཞོན་མ། །བརྟན་མ་ཀུན་གྱི་གཙོ་མོ་གཡུ་སྒྲོན་མ། །འཁོར་དང་བཅས་ལ་བདག་གིས་བསྟོད་པར་བགྱི། །དམ་རྫས་བརྒྱན་པའི་མཆོད་གཏོར་འདི་བཞེས་ལ། །བདག་ཅག་དཔོན་སློབ་བསྲུང་བྱ་ཐམས་ཅད་ཀྱི། །ནད་གདོན་བར་ཆད་ཐམས་ཅད་ཞི་བ་དང་། །ཚེ་དང་བསོད་ནམས་དཔལ་འབྱོར་རྒྱས་པ་དང་། །སྣང་སྲིད་ལོ་དབང་སྡུད་དགྲ་བགེགས་ཚར་གཅོད་པའི། །ཅི་བསམ་དོན་ཀུན་འབད་མེད་འགྲུབ་པ་དང་། །ཚེ་དང་སྒྲུབ་པ་མཐའ་རུ་ཕྱིན་པ་ཡི། །སྡོང་གྲོགས་མཛོད་ཅིག་མ་སྲིང་བརྟན་མའི་ཚོགས། །དམ་ཚིག་དུས་ལ་བབ་བོ་ས་མ་ཡ། །སྔགས་འཆང་རཱ་ག་ཨ་སྱས་སྦྱར་བའོ། །མངྒ་ལཾ།། །།