ལྷ་ཆེན་ཚོགས་ཀྱི་བདག་པོའི་བསང་མཆོད།
ལྷ་ཆེན་ཚོགས་ཀྱི་བདག་པོའི་བསང་མཆོད་བཞུགས། ཀྱཻ། སུམ་ཅུ་རྩ་གསུམ་ལྷ་གནས་ནས། །ལྷ་ཆེན་ཚོགས་ཀྱི་བདག་པོ་ནི། །འདིར་གཤེགས་བསང་དང་མཆོད་པ་བཞེས་། །གཡུ་ཤུག་ཕྱེ་མར་གསུར་གྱིས་བསང་། །བདུད་རྩི་ཇ་ཆང་ཕུད་ཀྱིས་མཆོད། །སྐུ་ཡི་ཚོགས་བདག་དཀར་པོ་བསང་། །དགྲ་བགེགས་གནོད་པ་ཞི་བར་མཛོད། །གསུང་གི་ཚོགས་བདག་དམར་པོ་བསང་། །ཁམས་གསུམ་དབང་དུ་འདུ་བར་མཛོད། །ཐུགས་ཀྱི་ཚོགས་བདག་སྔོན་པོ་བསང་། །ཕ་རོལ་དམག་ཚོགས་གཡུལ་ངོ་ཟློག །ཡོན་་ཏན་ཚོགས་བདག་སེར་པོ་བསང་། །ལོངས་སྤྱོད་མངའ་ཐང་རྒྱས་པར་མཛོད། །ཕྲིན་ལས་ཚོགས་བདག་མཐིང་ནག་བསང་། །གནོད་བྱེད་དགྲ་བོ་རྡུལ་དུ་རློགས། །ཡེ་ཤེས་ལས་ལ་གྲུབ་པ་ཡི། །ཚོགས་བདག་གླང་སྣ་སྤྲེལ་ཐོད་ལ། །བསང་དང་མཆོད་པ་རྒྱ་ཆེན་འབུལ། །རིགས་ཀྱི་བུ་ལ་རྒྱུད་ཀྱི་ལྷ། །འཁོར་བ་སྲིད་པའི་ལུགས་ཡིན་པས། ལུས་མེད་རྡོ་རྗེའི་བཀའ་བཞིན་དུ། །མི་དང་ལྷ་རུ་མི་འབྲལ་བར། །རྟག་ཏུ་སྲུང་སྐྱོབ་སྡོང་གྲོགས་མཛོད། །བཅོལ་བའི་ཕྲིན་ལས་མ་གཡེལ་ཅིག །ཀརྨ་ཨ་རཱ་གས་ནང་ཆེན་རྒྱལ་པོ་རིན་