ཚེ་རིང་མའི་བསང་།
ཚེ་རིང་མའི་བསང་ཡོད། ཀྱཻ། ཕྱོགས་བཅུ་སྟོང་གི་འཇིག་རྟེན་ན། །མ་བཙུན་སྔོན་གྱི་ཚེ་རིང་མ། །མཐིང་ཤུན་གཡུ་ཡི་ཟུར་ཕུད་ཅན། །དུང་གི་ཐོར་ཚུགས་ལྡེམས་སེ་ལྡེམ། །གཡུ་ཡི་སྨིན་མ་ཁྱུགས་སེ་ཁྱུག །འཇའ་ཚོན་ན་བཟའ་ལྷུབས་སེ་ལྷུབ། །ཕྱག་གཡས་དངུལ་དཀར་མེ་ལོང་འཛིན། །ཕྱག་གཡོན་རིན་ཆེན་བུམ་པ་འཛིན། །ཆིབས་སུ་བྱ་རྒོད་ཐང་དཀར་ཆིབས། །འཁོར་དུ་སྨན་ཕྲན་འབུམ་གྱིས་བསྐོར། །གནས་འདིར་མ་ཐོགས་ད་ཚུར་བྱོན། །བ་ལིང་གཏོར་མ་འདི་བཞེས་ལ། །སལ་སལ་གཏམ་ལ་སིལ་སིལ་སྨོས། །སྲིད་གསུམ་བདག་མོ་ད་ཚུར་བྱོན། །དུང་ལོ་འབར་བའི་སུར་དཀར་དང་། །གསེར་ལོ་འབར་བའི་སྟག་པས་བསང་། །གཡུ་ལོ་འབར་བའི་ཤུག་པས་བསང་། །རྩི་སྨན་སྤོས་དཀར་དུད་པས་བསང་། །དཀར་གསུམ་མངར་གསུམ་ཕུད་ཀྱིས་མཆོད། །རིན་ཆེན་གསེར་དངུལ་སྣ་ཚོགས་མཆོད། །དར་ཟབ་སྣ་ལྔའི་རྒྱན་གྱིས་མཆོད། །འབྲུ་ཡི་བྱེ་བྲག་སྣ་ཚོགས་མཆོད། །དྲི་ཞིམ་སྤོས་ཀྱི་དུད་པས་མཆོད། །བསང་དང་ཞི་བའི་མཆོད་པ་འདི། །མ་བཙུན་ཚེ་རིང་མ་ལ་འབུལ། །ཁྱེད་ཀྱིས་བདག་ལ་
མངོན་ཤེས་སྟོན། །ཁམས་གསུམ་དབང་སྡུད་བདག་སྐྱོབས་ལ། །མི་ནོར་ཟས་གསུམ་ལོངས་སྤྱོད་དང་། །ཚེ་རིང་ནད་མེད་དངོས་གྲུབ་སྩོལ། །མིའུ་རིགས་བཞིའི་དངོས་གྲུབ་སྩོལ། །རྫུ་འཕྲུལ་མངོན་ཤེས་བདག་ལ་བསྒྲུབ། །ཁྱོད་དང་བདག་ནི་མི་འབྲལ་ལོ། །མདའ་རྒོད་སྟག་དང་མེ་ལོང་བརྒྱན། །རིན་ཆེན་དར་སྣས་བརྒྱན་པ་འདི། །མ་བཀྲ་ཤིས་ཚེ་རིང་ཁྱོད་ལ་འབུལ། །རིན་ཆེན་འབྲུ་སྣ་དར་སྣ་དང་། །སྨན་སྣ་བདུད་རྩིའི་བསང་མཆོད་འདི། །མ་བཀྲ་ཤིས་ཚེ་རིང་ཁྱོད་ལ་འབུལ། །རྫུ་འཕྲུལ་མངོན་ཤེས་མྱུར་དུ་སྟོན། །འཇིག་རྟེན་ཁམས་རྣམས་དབང་དུ་བསྡུས། །བཀྲ་ཤིས་བདེ་ལེགས་དར་རྒྱས་ཤོག །ཨ་རཱ་གས་སོ།། །།