ལྷ་མོ་འོད་ཟེར་ཅན་མའི་བསང་མཆོད།

ལྷ་མོ་འོད་ཟེར་ཅན་མའི་བསང་མཆོད་བཞུགས་སོ། །ཨོཾ་ཨཱ༔ཧཱུྃ། རང་བཞིན་གནས་དང་མྱ་ངན་ཚལ། །དག་པའི་གནས་མཆོག་དམ་པ་ནས། །འོད་ཟེར་ཅན་མ་གཤེགས་སུ་གསོལ། །བསང་མཆོད་འབུལ་ལོ་ལམ་ལྷ་མཛོད། །འོད་ཟེར་ཅན་མ་ཕག་ལ་ཆིབས། །སེར་མོ་ཁབ་སྐུད་འཛིན་པའི་ཚོགས། །རླུང་ལྟར་འཚུབ་པའི་གནོད་བྱེད་རྣམས། ཁ་མིག་ཚེམ་ནས་ནུས་མེད་གྱུར། །བསང་མཆོད་འབུལ་ལོ་ལམ་ལྷ་མཛོད། །རྩི་ཤིང་དྲི་བཟང་སྣ་ཚོགས་དང་། །ཇ་ཆང་ཕུད་དང་གསེར་སྐྱེམས་དང་། །འདོད་ཡོན་དཔག་མེད་བསང་རྫས་འདིས། །ལྷ་མོ་འོད་ཟེར་ཅན་མ་བསང་། །ལམ་ལྷ་མཛོད་ལ་གནོད་བྱེད་ཆིངས། །དགྲ་བགེགས་མ་ལུས་ཚར་ཆོད་ལ། །ཅི་བསམ་དོན་རྣམས་འགྲུབ་པར་མཛོད་། །ཅེས་ཨ་རཱ་གས་སྦྱར་བའོ།། །།