ཡུལ་འདིའི་གཞི་བདག་སྐོར་བསང་།
ཡུལ་འདིའི་གཞི་བདག་སྐོར་བསང་བཞུགས་སོ།
ཀྱཻ། ཡང་གཅིག་བསང་ཞིང་མཆོད་པ་ནི། །གྱི་མི་ཤན་གྱི་གནས་མཆོག་ནས། །བྱང་ཆུབ་སེམས་དཔའ་ས་སྙིང་བསང་།ས་ཡི་ལྷ་མོ་བརྟན་མ་བསང་། །རི་རབ་ཆེན་པོའི་ས་བདག་བསང་། །ས་བདག་དབང་ཆེན་རྒྱལ་པོ་བསང་། །ས་འཛིན་ལག་པ་ཆེན་པོ་བསང་། །ས་བདག་ལྟོ་འཕྱེ་ཆེན་པོ་བསང་། །ཐེ་སེ་ཧལ་ཁྱི་བླ་མཁྱེན་སོགས། །ས་བདག་རྒྱལ་བློན་བཅུ་དྲུག་བསང་། །སྤར་ཁ་བརྒྱད་ཀྱི་ས་བདག་བསང་། །སྨེ་བ་དགུ་ཡི་ས་བདག་བསང་། །ལོ་སྐོར་བཅུ་གཉིས་ས་བདག་བསང་། །ལོ་རྒན་དྲུག་ཅུའི་ས་བདག་བསང་། །ཚེས་
ལྷ་སུམ་བརྒྱ་དྲུག་ཅུ་བསང་། །གནམ་ལྷ་སེར་ནག་མགྲོན་བུ་ལྔ། །འཕར་བ་མགོ་དགུ་པི་ལིང་སོགས། །ཟླ་འཁོར་ས་བདག་ཐམས་ཅད་བསང་། །རྣལ་འབྱོར་མ་བརྒྱད་གཟའ་ཆེན་བརྒྱད། །བིའི་བྱི་ལིང་ལྔ་སེར་སོགས། །གསེར་མཛོད་སེར་པོ་ལ་སོགས་པའི། །ཞག་དུས་རྒྱུ་བའི་ས་བདག་བསང་། །གཟའ་བརྒྱད་འཕར་བ་གདོང་རྒྱུག་བརྒྱད། །ཟིན་ཕུང་གཡུ་མཛོད་སྔོན་མོ་སོགས། །དུས་ཚོད་རྒྱུ་བའི་ས་བདག་བསང་། །གཡུ་འབྲུག་གསེར་སྦལ་དུང་སེང་སོགས། །མཆོང་ཉ་གསེར་སྤྲེལ་ལ་སོགས་པའི། །གཉན་ཆེན་གཉན་རིགས་ཐམས་ཅད་
བསང་། །མཐོ་བ་གནམ་ལ་གནས་པ་བསང་།།དམའ་བ་ས་ལ་གནས་པ་བསང་། །མངའ་རིས་སྐོར་གསུམ་ས་བདག་བསང་། །དབུས་གཙང་རུ་བཞིའི་ས་བདག་བསང་། མདོ་ཁམས་སྒང་དྲུག་ས་བདག་བསང་། །ཆུ་བོ་དྲུག་གི་ཀླུ་རྒྱལ་བསང་། །ནམ་མཚོ་ཕྱུག་མོ་ཚྭ་མཚོ་དཀར། །ཁྲི་ཤོར་རྒྱལ་མོའི་མཚོ་དང་ནི། །གཙང་ཁ་ལ་ཡི་མཚོ་སྔོན་ལ། །གནས་པའི་ས་བདག་ཀླུ་གཉན་བསང་། །གཙུག་ན་རིན་ཆེན་ལ་སོགས་པའི། །རྒྱ་མཚོ་ནང་གི་ཀླུ་ཆེན་བརྒྱད། །དཀར་པོ་སྦལ་མཛེས་ལ་སོགས་པའི། །དཀར་པོའི་ཀླུ་རིགས་ཐམས་ཅད་བསང་། །ནག་པོ་སྦལ་མགོ་ལ་སོགས་པའི། །ཀླུ་བདུད་ཀླུ་བཙན་ཐམས་ཅད་བསང་། །ངོམ་རྒྱལ་མཚོ་བཀྲ་ལ་སོགས་པའི། །ངོམ་གྱི་རྒྱལ་ཆེན་བཅོ་བརྒྱད་བསང་། །གཡོ་རྫོང་མཚོ་སྨན་ལ་སོགས་པའི། །ངོམ་གྱི་མཚོ་སྨན་སྤུན་གསུམ་བསང་། །གོ་རྒྱལ་རྡོ་རྗེ་བདུད་འཇོམས་ལ་སོགས་པའི། །ཟླ་རྒྱལ་གཞི་བདག་ཐམས་ཅད་བསང་། །སྐུ་རྒྱལ་ཤེ་ནེ་ལ་སོགས་པའི། །མདོ་ཁམས་ས་བདག་ཐམས་ཅད་བསང་། །རྫ་རྒྱལ་འབྲི་བྱེད་ལ་སོགས་པའི། །རྫ་ཡི་གཞི་བདག་ཐམས་ཅད་
བསང་། །དབུས་ཀྱི་ཐང་ལྷ་ཡར་བཞུད་བསང་། །ཤར་གྱི་རྨ་གཉན་སྤོམ་ར་བསང་། །རྡོ་ཐི་གངས་དཀར་མཆེད་བརྒྱད་བསང་། །གཟི་རྒྱལ་ཇོ་བོ་མཆེད་གསུམ་བསང་། །རྟ་ཤོད་ཟེ་མའི་རི་རྒྱུད་བསང་། །བོད་ཀྱི་སྤེན་ནེ་རི་བཀྲ་བསང་། །རོང་བཙན་ཁ་བ་དཀར་པོ་བསང་། །དམག་དཔོན་དགྲ་འདུལ་དབང་ཕྱུག་བསང་།ལྕི་ཡི་བྲག་ལ་མདའ་ཟུག་བསང་། །སྤམ་རྒྱལ་གསལ་བ་འོད་ལྡན་བསང་། །སྤར་ཁའི་ཇོ་བོ་རྩེ་གསུམ་བསང་། །མཆོད་ཀྱི་དཀར་པོ་གཡུ་རྩེ་བསང་། །དབ་ཀྱི་ཇོ་མོ་གཡུ་སྒྲོན་བསང་།དོག་པ་ཀླུ་ཡི་དགེ་བསྙེན་བསང་། །ཡོབ་ཀྱི་རྐྱང་རི་དིས་དིས་བསང་། །སྤར་ཁའི་བྲེ་དགུ་དཀར་སྒྲོན་བསང་། །སྤམ་གྱི་ཆུ་དཀར་སྟག་རྩེ་བསང་། །གནས་དཔོན་་སྐུ་ལྷ་འབར་བ་བསང་། །གོ་ཏེ་ཀླུ་རྫོང་ཕྱུག་མོ་བསང་། །དགེ་བསྙེན་དར་མ་དབང་ཕྱུག་བསང་། །རི་དམར་དཔའ་བོ་མོ་ནམ་བསང་། །བསྡུ་ཡ་རིན་ཆེན་སྤུང་པ་བསང་།སྡོམ་ཁའི་ཁྲ་ཡག་སྤྱན་གསུམ་བསང་། །བསམ་བསམ་འབར་བ་ལྷ་རྩེ་བསང་། །རྨ་རི་ཀ་བཀྲ་ཆེན་མོ་གཡག་གདོང་བསང་། །རོང་དུ་གཉེན་རྩེ་མོ་ཁད་ལྷ་རྩེ་བསང་། །གོ་ཕུ་
ལྷ་རྩེ་མཁར་བཤམ་ལྷ་རྩེ་བསང་། །རིས་ནོ་འབོམ་བྲག་གདོང་བརྒྱའི་མཚལ་བྲག་བསང་། །རྫ་རྒན་འབར་བ་ཨ་མྱེ་དབུ་དཀར་བསང་། །ལྕོག་རྩེ་མོ་མ་སྟོན་པ་ཟོ་ཟེ་བསང་།ས་ཆེན་སྒོ་བ་རྨ་རི་སྤུན་གསུམ་བསང་། །ཤ་ནེ་སྤྱན་གསུམ་ཤང་དཀར་སྤུན་གསུམ་བསང་། །དམར་ཡག་སྤུན་གསུམ་རག་སྡོང་སྤུན་གསུམ་བསང་། །ཨག་གི་སྟོང་དཔོན་དཔའ།རྔམ་སེ་བོ་བསང་། །ཨག་གི་ཚྭ་རྒྱལ་དངུལ་འཕྲུལ་བསང་། །ཨག་གི་ཚྭ་ལ་བྱ་ཞུར་བསང་། །ཨག་གི་ཚྭ་སྨན་དཀར་མོ་བསང་། །ཨག་གི་ཚ་ཁ་བཅོ་བརྒྱད་ལ། །གནས་པའི་ས་བདག་ཀླུ་གཉན་བསང་། །འདམ་ཤེས་ལྕགས་མར་མེ་སྒྲོན་ཡག་བསང་། །འདམ་གྱི་རྒྱལ་ཆེན་བཅོ་བརྒྱད་བསང་། །མདོ་ཁམས་ས་ཡི་དིལ་བདུན་བསང་། །དངུལ་ཁྱིམ་གསེར་འཕྲུ་བཅུ་གསུམ་བསང་། །སྡང་སྡང་ལྷ་རྩེ་བཅུ་གསུམ་བསང་། །རྫ་ནག་ཧོར་པོ་འབྲུག་དེས་བསང་། །རྫ་དཀར་དབུ་དཀར་སྟག་རྩེ་བསང་། །ཆུ་མགོ་བཀྲ་ཤིས་འཁྱིལ་པ་བསང་། །རྫ་དཀར་ཤེལ་མཛོད་དཀར་པོ་བསང་། །རྫ་ནག་དར་ཤིང་སྟག་རྩེ་བསང་། །རྫ་སྙིང་དཀར་ནག་སུམ་མདོ་བསང་། །རྫ་ལྕིབ་ཟམ་པ་སྟག་རྩེ་བསང་། །
རྫ་དཀར་ཨ་མྱེ་བསམ་ཐིས་བསང་། །ཡོ་ཁྱིམ་ངང་པའི་འབྲོང་དཀར་བསང་། །སྒེས་ལུང་ངང་པའི་སྤེས་ཁེབ་བསང་། །ཐོབ་རྒྱལ་ངང་པའི་སྟག་རྩེ་བསང་།རི་ཡི་འབྱོར་པོ་ཤིང་ཞོན་བསང་། །ཨ་མྱེ་ར་འདྲེ་རྒྱུང་རྒན་བསང་། །ར་འདྲེ་མགར་བ་མཆེ་བརྒྱད་བསང་། །ག་ཉའི་ཡེང་ཤོས་དཀར་ནག་བསང་། །སྒམ་ཁྱི་དཀར་པོ་མཆེད་བརྒྱད་བསང་། །གངས་ནེ་མཚོ་སྨན་ཕྱུག་མོ་བསང་། །ག་ཡག་གི་པ་མཆེད་གསུམ་བསང་། །ཟླ་རྒྱལ་ཇོ་བོ་ལ་སོགས་པའི། །ཟླ་བའི་གཞི་བདག་ཐམས་ཅད་བསང་། །རྩི་ཡི་དཔའ་རྒོད་མཐོན་པོ་བསང་། །རྩི་རྒྱལ་སྨུག་པོ་མཆོང་རི་བསང་། །རྩི་ཡི་ཕུ་བཞི་མདའ་བརྒྱུད་བསང་། །གནས་པའི་ས་བདག་ཀླུ་གཉན་བསང་། །འབྲི་སྟོད་ཁུ་བྱུག་རི་བཙན་བསང་། །དགེ་བསྙེན་གདོང་ར་འཁོར་བཅས་བསང་། །དབུས་ཀྱི་དགེ་བསྙེན་གོང་སྔོན་བསང་། །ཤར་གྱི་འོད་དེ་གོང་རྒྱལ་བསང་། །ཤར་ལྷོ་རོང་ལྷ་གེར་མཛོ་བསང་། །ལྷོ་ནུབ་འཛམ་བུ་ཀླུ་འཕྲུལ་བསང་། །ནུབ་བྱང་བཙན་ལ་བྱང་ཆུང་བསང་། །བྱང་ཤར་ལྷ་དགུ་གཉན་པོ་བསང་། །ལུང་པའི་ལྷ་རྒོད་མདུང་རྩེ་བསང་། །གཙང་
གི་ཇོ་མོ་ངང་རིག་བསང་། །འགོ་བའི་ལྷ་སྲུང་གཉན་པོ་བསང་། །སྐྱོབ་པའི་ལྷ་སྲུང་གཉན་པོ་བསང་། །གཞན་ཡང་ཡུལ་ཕྱོགས་འདིར་གནས་པའི། །ཡུལ་གཉན་རི་གཉན་ཆུ་གཉན་དང་། །བྲག་གཉན་རྡོ་གཉན་ཤིང་གཉན་དང་། །ས་གཉན་གྲོགས་གཉན་ལ་གནས་པའི། །ཡིད་ཀྱི་གཟུགས་ཅན་ཐམས་ཅད་ལ། །ཕྱེ་མར་འབྲུ་སྣ་ཟས་ཕུད་དང་།ཇ་ཆང་འོ་མའི་ཕུད་ཀྱིས་མཆོད། །ཐམས་ཅད་མཉེས་ཤིང་ཚིམ་གྱུར་ཅིག །བླ་མ་རྣམས་ཀྱིས་བྱིན་གྱིས་རློབས། །ཡི་དམ་རྣམས་ཀྱིས་དངོས་གྲུབ་སྩོལ། །མཁའ་འགྲོ་རྣམས་ཀྱིས་བར་ཆད་སོལ། །ཆོས་སྐྱོང་རྣམས་ཀྱིས་ཕྲིན་ལས་སྒྲུབས། །ནོར་ལྷ་རྣམས་ཀྱིས་ཕྲུ་གཡང་ཕོབ། །གཞི་བདག་རྣམས་ཀྱིས་སྡོང་གྲོགས་མཛོད། །གྲིབ་དང་མི་གཙང་སང་གྱུར་ཅིག །ཕོག་ཐུག་འགྲམས་འཁྲུགས་ཞི་གྱུར་ཅིག །མི་ལ་ན་ཚ་མ་བཏང་ཞིག །ཕྱུགས་ལ་གོད་ཁ་མ་བཏང་ཞིག །ཞིང་ལ་བཙའ་སད་མ་བཏང་ཞིག །བསམ་དོན་ཆོས་བཞིན་འགྲུབ་གྱུར་ཅིག །ཅེས་པ་འདི་རཱ་ག་ཨ་སྱས་རྩི་ཆུ་སུམ་མདོ་ལ་བཞུགས་ནས་གཞི་བདག་རྣམས་ཀྱིས་ཇ་འདྲེན་བཞག་ནས་བསང་མཆོད་འདི་ཉིད་བྲིས་པས་དགེ་བར་གྱུར་ཅིག །མངྒ་ལཾ། དགེའོ།། བཀྲ་ཤིས།།