ཕ་མཚུན་གྱི་བསང་མཆོད།
― CMR037_Page_0200 ―
[མ་དཔེ་གཟིགས་ན་འདིར་གནོན།]
ཕ་མཚུན་གྱི་བསང་མཆོད་ནི། ཀྱཻ། མི་མཆོག་རྒྱལ་བུ་མཐིང་གེ་སོགས། །བདག་གི་ཕ་དང་ཁུ་བོ་མྱེས་པོ་དང་། །མ་མྱེས་རྒྱུད་ཀྱི་མཚུན་མགོན་དང་། །ཡང་མྱེས་བཟང་པོའི་བླ་ཡིད་རྣམས། །འདིར་གཤེགས་བསང་དང་མཆོད་པ་བཞེས། །གཡུ་ཤུག་ཕྱེ་མར་གསུར་གྱི་མཆོད། །དགྲ་དང་ཕ་སྤུན་བུ་སྲིང་གིས། །ཡུལ་དུ་མ་བྲོས་མ་འཁྱམས་པར། །བུ་དང་ཚ་བོའི་མགོན་སྐྱབས་མཛོད། །བུ་དང་ཚ་བོ་མནའ་མ་ཡིས། །མཆོད་པ་ཆུང་ཡང་མ་འཁོན་ལ། །རང་ཡུལ་ཟུངས་ལ་ཁ་འཛིན་མཛོད། །ཕ་མཚུན་མི་དང་མ་འབྲལ་ཅིག །ཅེས་པ་འདི་རཱ་ག་ཨ་སྱས་མཛད་པའོ། །