སེར་ལམ་གཅོད་པའི་ཐབས་ཀྱི་བསང་བསྡུས་པ།
སེར་ལམ་གཅོད་པའི་ཐབས་ཀྱི་བསང་བསྡུས་པ་བཞུགས་སོ། ཧཱུྃ། སློབ་དཔོན་པདྨས་དམ་བཏགས་ལྷ་འདྲེས་ཚོགས། །གཟའ་བརྒྱད་གདོང་མོ་གཟའ་སྲིན་བྱེ་བ་འབུམ། །སྡོང་ཟླ་ལྷ་སྲིན་སྡེ་བརྒྱད་ཡུལ་ལྷའི་གཙོ། །ཐང་ལྷ་འབྲི་བྱེད་རྨ་རྒྱལ་ངོམ་རྒྱལ་དང་། །སྐུ་རྒྱལ་རྫ་རྒྱལ་གཏམ་རྒྱལ་རྨོག་ཤེ་སོགས། །སྟོན་རྒྱལ་སྤོ་རྒྱལ་རྒྱལ་ཆེན་གྲུ་གུ་དང་། །རྫོ་རྒྱལ་ངང་མ་བོད་ཡུལ་ལྷ་འདྲེའི་ཚོགས། །ཡུལ་ཕྱོགས་འདིར་གནས་སེར་བདག་བཅོ་བརྒྱད་ལ། །འབྲུ་སྣ་སྙེ་ཕུད་གཡུ་ཤུག་གསུར་གྱི་བསང་། །ན་བུན་དགེ་བསྙེན་ཉིན་སྒྱུ་འཕྲང་དགེ་བསྙེན་དང་། །སྦ་སེར་སྦ་ནག་སྒྲིལ་གོར་དར་མ་སོགས། །བོད་ཀྱི་དགེ་བསྙེན་ས་བདག་ཀླུ་གཉན་ལ། །ཕྱེར་མར་འབྲུ་སྣ་གཡུ་ཤུག་གསུར་གྱི་བསང་། །ཁྱད་པར་ཡུལ་བདག་གྲོང་བདག་གནས་བདག་ཀྱི། །རྔམ་རྩ་རྡོ་ཚ་སྦོམ་ཤེ་སྐུ་འཁོར་བཅོས། །མདུན་རི་གཡས་རི་རྒྱབ་རི་དང་། །གཡོན་རི་ཕུ་མདའ་ཉིན་སྲིབ་ལ། །གནས་པའི་གཞི་བདག་ཐམས་ཅད་ལ། །ཕྱེ་མར་འབྲུ་སྣ་གཡུ་ཤུག་གསུར་གྱི་བསང་། །བདག་གིས་བསྲུང་བའི་ལོ་ཐོག་འདི་རྣམས་ལ། །སེར་བའི་གནོད་པ་མ་བཏང་ཐུབ་པར་སྲུངས། །སྡེ་
བརྒྱད་སེར་བ་ས་ཕྱོགས་གཞན་དུ་བསྒྱུར། །ཞེས་པ་ཤོར་ལུང་སེར་སྲུང་གི་དོན་རུ་རཱ་གས་འཕྲལ་དུ་བྲིས།། ༈ ཧཱུྃ། སློབ་དཔོན་པདྨས་དམ་བཏགས་ལྷ་འདྲེའི་ཚོགས། །གཟའ་བརྒྱད་གདོང་མོ་གཟའ་སྲིན་བྱེ་བ་འབུམ། །སྡོང་ཟླ་ལྷ་སྲིན་སྡེ་བརྒྱད་ཡུལ་ལྷའི་གཙོ། །ཐང་ལྷ་འབྲི་བྱེད་སེར་བདག་བཅོ་བརྒྱད་ལ། །འབྲུ་སྣ་སྙེ་ཕུད་གཡུ་ཤུག་གསུར་གྱི་བསང་། །བདག་གི་བསྲུང་བའི་ལོ་ཐོག་འདི་རྣམས་ལ། །སེར་བའི་གནོད་པ་མ་བྱེད་ཐུབ་པར་སྲུངས། །སྡེ་བརྒྱད་སེར་བ་ས་ཕྱོགས་གཞན་དུ་སྒྱུར། །རཱ་གས་སྦྱར།།