གཅན་གཟན་ལ་སོགས་གནོད་འཚེ་མི་བྱེད་པའི་བསང་མཆོད།
― CMR037_Page_0278 ―
[མ་དཔེ་གཟིགས་ན་འདིར་གནོན།]
གཅན་གཟན་ལ་སོགས་གནོད་འཚེ་མི་བྱེད་པའི་བསང་མཆོད་བཞུགས་སོ།། ཀྱཻ། བསང་ངོ་རྩ་བརྒྱུད་བླ་མ་བསང་། །སྐྱབས་གནས་དཀོན་མཆོག་རྣམ་གསུམ་བསང་། །དཔའ་བོ་མཁའ་འགྲོ་ཆོས་སྐྱོང་བསང་། །སྣང་སྲིད་ལྷ་སྲིན་སྡེ་བརྒྱད་བསང་། །ཡུལ་འདིའི་གཞི་བདག་གཉན་པོ་བསང་། །བདག་ལ་འགོ་བའི་ལྷ་རྣམས་བསང་། །གནོད་བྱེད་འདྲེ་གདོན་འབྱུང་པོ་བསང་། །ཁྱད་པར་བདག་ཅག་སྒོ་ཡི་ནོར། །རྟ་ཕྱུགས་ར་ལུག་བཅས་པ་ལ། །གནོད་ཅིང་འཚེ་བའི་མ་རུངས་པ། །གཅན་གཟན་གཟུགས་སུ་སྤྲུལ་བྱེད་པའི། །ཀྱི་ལོ་ལྷ་སྲིན་གདོན་བགེགས་མཐའ་འདྲེ་རྣམས། །བསང་ངོ་མཆོད་པས་ཚིམ་གྱུར་ཅིག །གནོད་འཚེའི་བསམ་པ་རྒྱུན་ཆོད་ཅིག །དཀོན་མཆོག་བཀའ་ཡི་བདེན་པ་དང་། །རྩ་གསུམ་བདེན་པའི་བྱིན་རླབས་དང་། །མཁའ་འགྲོ་ཆོས་སྐྱོང་ནུས་མཐུ་ཡིས། །འགལ་རྐྱེན་འཚེ་བ་ཀུན་ཞི་ཞིང་། །ལེགས་ཚོགས་བཀྲ་ཤིས་རྒྱས་གྱུར་ཅིག །ཅེས་ཨ་རཱ་གས་སྦྱར་བའོ།།