དགྲ་བླའི་བསང་བསྡུས།
དགྲ་བླའི་བསང་བསྡུས་ནི། ཀྱཻ། སངས་རྒྱས་དཀོན་མཆོག་གསུམ་གྱི་དགྲ་ལྷ་མཛོད། །བླ་མ་ཡི་དམ་མཁའ་འགྲོས་དགྲ་ལྷ་མཛོད། །ཆོས་སྐྱོང་དམ་ཅན་རྒྱ་མཚོས་དགྲ་ལྷ་མཛོད། །སྲིད་པའི་ཕྱུ་དམུ་མཚུན་གསུམ་དགྲ་ལྷ་མཛོད། །བྱེས་ལྷ་ཡུལ་ལྷ་ཟོ་དོར་དགྲ་ལྷ་མཛོད། །དགྲ་ལྷ་བཅུ་གསུམ་ངོ་སོ་ཡར་ལ་བསྟོད། །ཀྱཻ། བླ་མ་ཡི་དམ་མཁའ་འགྲོས་ལམ་ལྷ་མཛོད། །དམ་ཅན་ཆོས་སྐྱོང་སྲུང་མས་ལམ་ལྷ་མཛོད། །བཀའ་གཏེར་སྲུང་མ་ནོར་ལྷས་ལམ་ལྷ་མཛོད། །ཕོ་ལྷ་དགྲ་ལྷ་ཡུལ་ལྷས་ལམ་ལྷ་མཛོད། །ལྷ་ཀླུ་གཞི་བདག་མགྲོན་ལྷས་ལམ་ལྷ་མཛོད། །ཕྱོགས་བཞི་མཚམས་བརྒྱད་གར་འགྲོའི་ལམ་ལྷ་མཛོད། །ཀྱཻ། དཀོན་མཆོག་རྣམ་གསུམ་ཡི་དམ་ལྷ་ཚོགས་དང་། །མཁའ་འགྲོ་ཆོས་སྐྱོང་དམ་ཅན་ནོར་ལྷའི་ཚོགས། །ཡུལ་ལྷ་གཞི་བདག་འཁོར་བཅས་བསངས་བྱས་ནས། །རྣལ་འབྱོར་བདག་ལ་རྟག་པར་ཁ་འཛིན་མཛོད། །ཞི་རྒྱས་དབང་དྲག་ལས་ལ་ཁ་འཛིན་མཛོད། །དམག་ཇག་བྱེས་ཀྱི་མགྲོན་ལ་ཁ་འཛིན་མཛོད། །ཞིང་ཁང་ནོར་རྫས་གཞི་ལ་ཁ་འཛིན་མཛོད། །ཡོ་བྱད་སོ་ནམ་ལས་ཀྱི་ཁ་འཛིན་མཛོད། །རྒྱལ་ཁ་ཡག་ཁ་
འཛིན་པའི་ཁ་འཛིན་མཛོད། །ཀྱཻ། རྐང་བཞི་ཕྱུགས་ཀྱི་གཡང་དང་རྟ་ཡི་གཡང་། །ལུག་གཡང་ནོར་གཡང་བང་མཛོད་འབྲུ་ཡི་གཡང་། །རྨ་གཡང་ཟས་གཡང་རིགས་རྒྱུད་མི་ཡི་གཡང་། །ཕྱྭ་དང་གཡང་རྣམས་ཐམས་ཅད་གཡང་དུ་ལེན། །ཕྲུ་ཁུག་གཡང་ཁུག་བདེ་ལེགས་སྐྱིད་པ་ཧཱུྃ། །ཡེ་ཤེས་ལྷ་རྣམས་ཆོས་ཀྱི་དབྱིངས་སུ་མུ། །འཇིག་རྟེན་པ་རྣམས་རང་རང་གནས་སུ་གཤེགས། །བདག་ཉིད་ལྷ་གསལ་བ་ཡང་སྟོང་པ་ཉིད། །རང་རིག་འོད་གསལ་རྗེན་པ་ཨེ་མ་ཧོ། །འཇིག་རྟེན་འཇིག་རྟེན་འདས་པའི་བཀྲ་ཤིས་ཤོག །བཀྲ་ཤིས་ཀུན་གྱི་བཀྲ་ཤིས་བདེ་ལེགས་ཤོག །ཅེས་དགྲ་ལྷ་ལམ་ལྷ་ཁ་འཛིན་ཁུ་ཡེ་བཅས་དོན་བསྡུས་ཏེ། ཨ་རཱ་གས་སྦྱར་བའོ།། །།