དགྲ་བླའི་གསེར་སྐྱེམས།

དགྲ་བླའི་གསེར་སྐྱེམས་བཞུགས་སོ། །ཀྱཻ། འཛམ་གླིང་སེང་ཆེན་གེ་སར་རྒྱལ་པོ་ནི། །སྐྱེས་བུ་དོན་གྲུབ་དགྲ་བླའི་དམག་དཔུང་བཅས། །འདིར་བྱོན་དཀར་གསུམ་གཏོར་མ་རྒྱན་དང་བཅས། །ཇ་ཆང་གསེར་དངུལ་ཟས་སྣའི་ཕུད་ཀྱིས་མཆོད། །རྣལ་འབྱོར་བདག་གིས་དེང་ནས་བྱང་ཆུབ་བར། །ཁྱེད་བསྒྲུབ་ཁྱེད་གསོལ་ཁྱེད་མཆོད་ཁྱེད་བསྟེན་ན། །རྣལ་འབྱོར་ལམ་གྱི་བར་ཆད་ཞི་བ་དང་། །མཐུན་རྐྱེན་མ་ལུས་ལྷུན་གྱིས་འགྲུབ་པར་མཛོད། །ལམ་གྱི་བར་ཆད་དགྲ་ཇག་ཆོམ་རྐུན་སོགས། །མ་ལུས་རྡུལ་ཕྲན་བཞིན་དུ་བརླག་པ་དང་། །གང་བསམ་ཐོགས་མེད་སྒྲུབ་པའི་རྒྱལ་ཁ་ཐོབ། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །ཅེས་རཱ་ག་ཨ་སྱས་སྦྱར་བའོ།། །།