གཡས་རུའི་ཡུལ་ལྷའི་གསེར་སྐྱེམས།
གཡས་རུའི་ཡུལ་ལྷའི་གསེར་སྐྱེམས་དཀར་གསུམ་འོ་ཞོ་ཇ་ཆང་དཀར་གཏོར་སོགས་བཤམས་ལ། བྷྲཱུཾ་ལས་རིན་ཆེན་སྣོད་མཆོག་རྒྱ་ཆེ་བར། །ཨོཾ་ལས་དཀར་གསུམ་གསེར་སྐྱེམས་བདུད་རྩིའི་མཚོ། །མདོག་དཀར་དྲི་ཞིམ་སྦྲང་རྩི་རོ་ལྡན་པ། །ཨོཾ་ཨཱཿཧཱུྃ་གིས་ཡེ་ཤེས་བདུད་རྩིར་གྱུར། །ཨོསརྦ་ལོ་ཀ་པཱ་ལ་ཨི་དཾ་བ་ལིཾ་ཏ་ཁ་ཁ་ཁཱ་ཧི། ཨ་ཡ་མ་དུ་རུ་ཙ་ཤ་ན་ཨི་དཾ་བ་ལཾ་ཏ་ཁ་ཁ་ཁཱ་ཧི།་ཀྱི། དཀར་གསུམ་མངར་གསུམ་བདུད་རྩིའི་རྒྱ་མཚོ་འདི། །དཔལ་མགོན་བདུན་ཅུའི་ལྷ་སྲིན་སྡེ་བརྒྱད་དང་། །སྤྲུག་གི་བཙན་རྒོད་སྐྱ་དགུ་བྲན་དང་ཕྱོགས་བཅས། །བརྟན་མ་བཅུ་གཉིས་མགུར་ལྷ་བཅུ་གསུམ་སོགས། །པད་འབྱུང་བཀའ་སྲུང་དམ་ཅན་ཐམས་ཅད་ལ། །འབུལ་ལོ་མཆོད་དོ་མཉེས་ཤིང་ཚིམས་གྱུར་ཅིག །ངོམ་རྒྱལ་མཚོ་བཀྲ་འཁོར་དང་བཅས་པ་དང་། །རབ་དཀར་ག་ཡས་ལས་མཁན་མགར་ནག་དང་། །དགེ་བསྙེན་འབོ་རང་འཁོར་དང་བཅས་པ་སོགས། །དཀར་ཕྱོགས་སྐྱོང་བའི་ཡུལ་ལྷ་གཞི་བདག་ལ། །འབུལ་ལོ་མཆོད་དོ་མཉེས་ཤིང་ཚིམས་གྱུར་ནས། །ཁ་འཛིན་སྡོང་གྲོགས་མེལ་ཚེ་མ་གཡེལ་ཅིག །དགྲ་ཇག་ཆོམ་རྐུན་གོད་ཁ་ཞི་བ་དང་། །ལོ་
ལེགས་འབྲུ་འཕེལ་ཚེ་བསོད་རྒྱས་པར་མཛོད། །ཨོ་རྒྱན་ཆེན་པོའི་བཀའ་ལས་མ་འདའ་བར། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །ཅེས་རཱ་ག་ཨ་སྱས་བླ་མ་སྲུང་ལའོ།།