Nitartha Digital Library
Tibetan
མཁས་གྲུབ་ཀརྨ་ཆགས་མེད་ཀྱི་གསུང་འབུམ།

1 occurrence of གསང་བདག་ཕྱག་རྡོར་
[Clear Hits]


  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
ས་བདག་དབང་ཆེན་ཤིན་ཏུ་བསྡུས་པ།
  
  
 
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  


1 occurrence of གསང་བདག་ཕྱག་རྡོར་
[Clear Hits]

 
previousས་བདག་དབང་ཆེན་ཤིན་ཏུ་བསྡུས་པ།next

ས་བདག་དབང་ཆེན་ཤིན་ཏུ་བསྡུས་པ།


CMR040_Page_0249
[མ་དཔེ་གཟིགས་ན་འདིར་གནོན།]

ས་བདག་དབང་ཆེན་ཤིན་ཏུ་བསྡུས་པའི་དབུ་ཕྱོགས་ལེགས་པར་བཞུགས་སོ།


CMR040_Page_0250
[མ་དཔེ་གཟིགས་ན་འདིར་གནོན།]

ན་མོ་བཛྲ་པཱ་ཎི་ཡེ། ས་བདག་དབང་ཆེན་མཆོད་སྒྲུབ་ཀྱི། །སྔོན་དུ་ས་སྲིན་བཀར་ཐབས་བསྡུས་པ་ནི། །ཅོག་རྡོག་ཆངས་བུ་ཏིང་ལོ་བཤམས། ཨཱཿ སྟོང་པའི་ངང་ལས་རང་སེམས་ཡི་གེ་ཁྲོ། །དེ་ལས་རྡོ་རྗེ་ཁྱུང་ཆེན་སྐུ་མདོག་དཀར། །གསེར་མིག་རྡོ་རྗེའི་རྭ་དང་མཆུ་སྡེར་ཅན། །རལ་གྲིའི་གཤོག་པ་ཆུ་གྲིའི་རྐང་པ་ཅན། །ཡེ་ནས་དམ་ཡེ་དབྱེར་མེད་གཅིག་ཏུ་གསལ། །བཀའ་དང་དམ་ལ་མི་གནས་གདུག་པ་ཅན། །ནག་པོའི་ཕྱོགས་གྱུར་ཀླུ་སྲིན་ས་སྲིན་དང་། །བྲག་སྲིན་ལ་སོགས་ས་བདག་མཆོད་སྒྲུབ་ལ། །གནོད་བྱེད་སྒབ་འདྲེ་ཐམས་ཅད་འདིར་འདུས་ཤིག །


CMR040_Page_0251
[མ་དཔེ་གཟིགས་ན་འདིར་གནོན།]

ཏྲིཿཛཿཧཱུྃ་བཾ་ཧོཿ འོ་དེ་ཤན་དང་རོལ་མཚོ་བྲག་ནག་ལ། །གནས་པའི་ཀླུ་སྲིན་རྒན་རྒོན་སྦྲུལ་མཇུག་ཅན། །བུ་ནི་བྲག་སྲིན་སྦྱིན་ལུས་སྦྲུལ་མཇུག་ཅན། །དེ་ཡི་མཇུག་མ་བྲག་ཆུ་ཤིང་དང་ནི། །མེ་ལ་བརྡབས་པས་སོ་སོའི་སྲིན་བུ་བྱུང་། །ཀླུ་སྲིན་ས་སྲིན་བྲག་སྲིན་འཁོར་བཅས་ལ། །མཐུན་རྫས་གཏོར་མ་ཆངས་བུ་ཏིང་ལོ་སྦྱིན། །འདི་རུ་མ་འཚེ་མྱུར་བར་གཞན་དུ་དེངས། །ག་རུ་ཊ་གནོད་བྱེད་ཨུ་ཙ་ཏ་ཡ་ཕཊ། བྲག་ནག་གམ། ཤིང་ནག་རྩ་བར་བསྐྱལ། མཚམས་བཅད་སྲུང་འཁོར་བསྒོམ་པར་བྱ། ༈ ན་མོ་བཛྲ་པཱ་ཎི་ཡེ། གསང་སྔགས་འཇིག་རྟེན་མཆོད་བསྟོད་ལས། །ས་


CMR040_Page_0252
[མ་དཔེ་གཟིགས་ན་འདིར་གནོན།]

བདག་དབང་ཆེན་མཆོད་སྒྲུབ་ཐབས། །རྒྱ་ནག་ཧྭ་ཤང་གིས་མཛད་པའི། །དོན་བསྡུས་སྙིང་པོ་འདིར་བརྗོད་བྱ། །མཎྜལ་ལིང་ཚེ་དགུ་པའི་དབུས། །པདྨ་འདབ་མ་བཞི་པ་བྲི། །དེ་ལ་དབང་ཆེན་སྲས་བཙུན་མོ། །ལོ་སྐོར་བཅུ་གཉིས་བཤོས་བུས་བསྐོར། །ཀླུ་སྨན་འབྲུ་སྣ་རིན་པོ་ཆེ། །ཕྱེ་མར་འོ་ཕུད་ཤིང་རྩི་བཤམས། །དེ་ནས་ཚད་མེད་བཞི་བསྒོམ་བདག་བསྐྱེད་ནི། བླ་མ་དཀོན་མཆོག་གསུམ་ལ་སྐྱབས་སུ་མཆི། །སེམས་ཅན་སྲོག་ནི་བདག་ཡིན་ཏེ། །བདག་གིས་བདག་མེད་དོན་བསྒོམས་པས། །སྲིད་པའི་ལྷ་འདྲེ་དབང་འདུས་གྱུར། །བདག་མེད་དོན་དེ་མ་རྟོགས་པའི། །འགྲོ་བ་སེམས་ཅན་ཐམས་ཅད་ཀུན། །བྱང་ཆུབ་མཆོག་ལ་འགོད་པའི་ཕྱིར། །བྱམས་དང་སྙིང་རྗེ་བསྒོམ་པའི་མཐུས། །ས་བདག་ཐམས་ཅད་གྲོགས་སུ་གྱུར། །བྱང་སེམས་ངོ་བོ་ཟླ་དཀྱིལ་དབུས། །རང་སེམས་ཧཱུྃ་ཡིག་འཕྲོ་འདུ་ལས། །རང་ཉིད་ཕྱག་ན་རྡོ་རྗེ་ནི། །འཇིག་རྟེན་གསུམ་ལས་རྣམ་རྒྱལ་བ། །ཞལ་གཅིག་ཕྱག་གཉིས་རབ་ཏུ་འཕྲོས། །རྡོ་རྗེ་ཕྱར་ཞིང་སྡིགས་མཛུབ་བསྒྲེངས། །དར་དང་རིན་ཆེན་སྦྲུལ་གྱིས་བརྒྱན། །ཞབས་འོག་ས་བདག་ཁྱབ་པ་ནི། །རུས་སྦལ་ཕོ་མོའི་གཟུགས་སུ་མནན། །པད་ཟླའི་གདན་ལ་བརྐྱང་བསྐུམ་བཞུགས། །


CMR040_Page_0253
[མ་དཔེ་གཟིགས་ན་འདིར་གནོན།]

དེ་ཡི་གནས་གསུམ་འབྲུ་གསུམ་ལས། །འོད་འཕྲོས་ཡེ་ཤེས་སྤྱན་དྲངས་ཏེ། །གཉིས་མེད་ཐིམ་ཞིང་དབང་ལྷ་ཡིས། །དབང་བསྐུར་མི་བསྐྱོད་དབུར་བརྒྱན་གྱུར། །ཨོཾ་བཛྲ་པཱ་ཎི་ཨརྒྷཾ་སོགས་དང་། ལྕང་ལོ་ཅན་གྱི་སོགས་ཀྱིས་བསྟོད། དེ་ནས་མདུན་བསྐྱེད་ནི། ཨོཾ་སྭ་བྷ་ཝ་ཤུདྡྷ་སོགས། ཨེ་ཡཾ་རཾ་ཁཾ་སུཾ་ལཾ་ལས། །འབྱུང་བ་རིམ་བརྩེགས་རི་རབ་སྟེང་། །ཧཱུྃ་ལས་རིན་ཆེན་གཞལ་ཡས་ཁང་། །གྲུ་བཞི་སྒོ་བཞི་རྒྱན་རྣམས་རྫོགས། །འཇའ་གུར་གཡུ་བུན་མེ་ཏོག་བཀྲ། །ཁྲུས་རྫིང་གསེར་གྱི་བྱེ་མ་བརྡལ། །དཔག་བསམ་ཤིང་གི་ཕྲེང་བས་བསྐོར། །སྟེང་གི་ནམ་མཁར་ཤཱཀྱ་ཐུབ། །རིགས་གསུམ་མགོན་པོ་ཉན་ཐོས་ཚོགས། །སྣང་བརྒྱད་མདོ་སྡེ་གསུང་བཞིན་བཞུགས། །གཞལ་ཡས་དབུས་སུ་པད་ཟླའི་སྟེང་། །རང་གི་ཐུགས་ལས་འཕྲོས་པ་ཡི། །དྷིཡིག་ཡོངས་སུ་གྱུར་པ་ལས། །དེ་ཝ་ས་མ་ཡ་ཡི་སྒྲས། །ས་བདག་དབང་ཆེན་གསེར་གྱི་མདོག །འབྱུང་ལྔ་དུག་ལྔའི་རང་བཞིན་ཞལ། །རྩ་ཞལ་མི་ལ་གཡས་ཞལ་སྟག །གཡོན་ཞལ་ཕག་རྒོད་གཡས་སྟེང་ཞལ། །སྦྲུལ་དམར་གཡོན་སྟེང་སྤེལ་ཞལ་དཀར། །ཐོར་ཚུགས་རིན་ཆེན་


CMR040_Page_0254
[མ་དཔེ་གཟིགས་ན་འདིར་གནོན།]

འབར་བས་བརྒྱན། །དང་པོས་ཐལ་སྦྱར་བདག་ལ་འདུད། །གཡས་འོག་གསེར་གྱི་འཁོར་ལོ་ནི། །རྩིབས་བརྒྱད་སྤར་ཁའི་ཕྱག་རྒྱས་མཚན། །གཡོན་འོག་རི་རབ་འཛིན་པ་སྟེ། །གཞོན་མཛེས་དར་དང་རིན་ཆེན་བརྒྱན། །ཕྱེད་སྐྱིལ་སྦྲུལ་མཇུག་སྐེད་ལ་དཀྲིས། །རུས་སྦལ་ཕོ་མོའི་ཁྲི་ལ་བཞུགས། །གཡས་སུ་སྲས་པོ་ས་འཛིན་ནི། །གསེར་མདོག་མཆེ་བ་འཛིན་པའོ། །གཡོན་དུ་ས་བདག་རྒྱལ་པོ་སེར། །སྦྲུལ་མགོ་བཅུ་དྲུག་སྦྲུལ་མཇུག་འཁྱིལ། །རིན་ཆེན་སྡོང་པོ་ཕག་མཆེ་འཛིན། །མདུན་དུ་ས་ཡི་ལྷ་མོ་ཡུམ། །སེར་མོ་རིན་ཆེན་བུམ་པ་འཛིན། །རྒྱབ་ཏུ་ལྔ་སེར་ས་ཁམས་རྒྱལ། །དེ་རྒྱབ་འབྱུང་བའི་རྒྱལ་པོ་བརྒྱད། །རྒྱལ་བློན་བཅུ་བདུན་འབྱུང་བའི་ལྷ། །སྤར་སྨེ་ལོ་ཟླ་ཞག་དུས་དང་། །གཟའ་སྐར་གཉན་ཆེན་སྡེ་བརྒྱད་དང་། །ཀླུ་གཉན་ཡུལ་རིས་ས་བདག་ཚོགས། །སྒོ་བཞི་སྲུང་བཞི་སྒོ་སྲུང་ཚུལ། །རང་རང་སོ་སོའི་ཐུགས་ཀ་ནས། །འོད་འཕྲོས་རང་རྒྱུད་པ་རྣམས་སྤྱན་དྲངས་གྱུར། །སྤྱན་འདྲེན་པ་ནི། ན་མོ་འཕགས་པའི་ཚོགས་རྣམས་དགོངས། །དེང་གི་གནས་མཆོག་དམ་པ་འདིར། །ཕྱག་ན་རྡོ་རྗེའི་བཀའ་


CMR040_Page_0255
[མ་དཔེ་གཟིགས་ན་འདིར་གནོན།]

གཉན་པ། །མགོན་སྐྱབས་སྟོང་གྲོགས་བྱེད་པའི་ལྷ། །སྲིད་པའི་ས་བདག་དབང་ཆེན་རྣམས། །མཆོད་པ་འབུལ་ཕྱིར་སྤྱན་འདྲེན་ན། །བྱམས་པའི་ཐུགས་ཀྱིས་འདིར་དགོངས་ཤིག །ཧཱུྃ། ཕྱག་ན་རྡོ་རྗེའི་བཀའ་བྱུང་གིས། །སྲིད་པའི་ས་བདག་དབང་ཆེན་ཀུན། །བསྐུལ་ལོ་བསྐུལ་ལོ་ཐུགས་དམ་བསྐུལ། །བཞེངས་ཤིག་བཞེངས་ཤིག་དབྱིངས་ནས་བཞེངས། །དབང་ཆེན་ཡབ་ཡུམ་སྲས་དང་འཁོར། །ས་བདག་མངའ་བདག་འཁོར་བཅས་རྣམས། །མཆོད་པའི་གནས་འདིར་གཤེགས་སུ་གསོལ། །ལོ་ཟླ་ཞག་དུས་འབྱུང་བའི་ལྷ། །སྤར་སྨེ་ས་བདག་རྒྱལ་བློན་བཅས། །གཉན་དང་ཡུལ་ས་གཞི་བདག་ཚོགས། །ཐམས་ཅད་མ་ལུས་གཤེགས་སུ་གསོལ། །སརྦ་དྷེ་ཝ་ས་པཱ་རི་ཝཱ་ར་ཛ༔ཧཱུྃ་བཾ་ཧོཿ བཞུགས་སུ་གསོལ་བ་ནི། ཧཱུྃ། ས་བདག་དབང་ཆེན་འཁོར་བཅས་ཀུན། །ཞི་ཞིང་བྱམས་པས་བྱོན་པ་ལེགས། །བཀྲ་ཤིས་གཙང་ཆབ་འདི་ཕུལ་བས། །སྐུ་དང་ཕྱག་ཞབས་ཁྲུས་བགྱིའོ། །ཡིད་འོང་མཛེས་པའི་ཕོ་བྲང་འདིར། །རིན་ཆེན་ཁྲི་སྟེང་དར་ཟབ་སྟེང་། །བཀའ་ཉན་ཚུལ་དུ་བཞུགས་སུ་གསོལ། །དྷེ་ཝ་ས་མཱ་ཡ་ཏིཥྛ་ལྷན།


CMR040_Page_0256
[མ་དཔེ་གཟིགས་ན་འདིར་གནོན།]

ཀུན་གྱི་གནས་གསུམ་འབྲུ་གསུམ་གྱིས། །མཚན་ནས་དམ་ཚིག་ལྡན་པར་གྱུར། །དབང་ཆེན་སྲས་འཁོར་བཙུན་མོ་བཅས་པ་ལ། །གུས་པས་ཕྱག་འཚལ་བསྙེན་བཀུར་མཆོད་པ་འབུལ། །སྐྱེད་ཚལ་གཞལ་ཡས་ཁང་དང་རིན་ཆེན་ཁྲི། །གདན་དང་དྲི་བཟང་རྒྱན་དང་སྣང་གསལ་དང་། །ཞལ་ཟས་དཀར་གསུམ་མངར་གསུམ་བཏུང་བའི་ཚོགས། །སྤོས་དང་སྨན་སྣ་འབྲས་དྲུག་རིན་ཆེན་རིགས། །དར་ཟབ་རྩི་ཤིང་སྟག་རས་གཟིག་རས་དང་། །སྲམ་སྣ་ཉ་མགོ་ཕ་ཝང་ལྕེ་དང་ནི། །ཕག་རྒོད་མཆེ་བ་འདབ་ཆགས་གཅན་གཟན་དང་། །རི་དྭགས་གཡུང་དྭགས་ཆུ་གནས་སྣ་ཚོགས་འབུལ། །འབྲོག་ཆས་ཡུལ་དཔྱད་ནང་ཤའི་འབྱུང་ཁམས་བརྒྱད། །གཏོར་མ་བཤོས་བུ་ཤེལ་ཚིགས་ཕྱེ་མར་སོགས། །དངོས་སུ་བཤམ་དང་ཡིད་ཀྱིས་རྣམ་སྤྲུལ་ཏེ། །ས་བདག་དབང་ཆེན་འཁོར་དང་བཅས་ལ་འབུལ། །ཐམས་ཅད་མ་ལུས་མཉེས་ཤིང་ཚིམ་གྱུར་ཅིག །དྷེ་ཝ་ས་པཱ་རི་ཝཱ་ར་ཨརྒྷཾ་སོགས། རང་གི་ཐུགས་ཀའི་འོད་ཟེར་གྱིས། །ཕོག་པས་ཐམས་ཅད་བཀའ་ཉན་གྱུར། །ཨོཾ་བཛྲ་པཱ་ཎི་ཧཱུྃ་ཧཱུྃ་ཕཊ། མ་ཧཱ་དྷེ་ཝ་སིདྷི་ནན་སྭཱ་ཧཱ། འཛབ་བརྒྱ་སྟོང་གི་མཆོད་པ་འབུལ། །


CMR040_Page_0257
[མ་དཔེ་གཟིགས་ན་འདིར་གནོན།]

གཙང་སྦྲ་བྱས་ཤིང་འཐབ་རྩོད་སྤང་། །ཟླ་བ་གཅིག་གམ་རྟགས་བྱུང་བར། །བསྒྲུབས་པས་ཅི་དགོས་བཀའ་ཉན་གྱུར། །དེ་ནས་ལས་རྣམས་བསྒྲུབ་སྔགས་བཟླས། །ན་མོ་རཏྣ་ཏྲ་ཡཱ་ཡ། ན་མས་མན། དྷེ་བ་ར་ཙ་ཡེ། ཏདྱ་ཐཱ། ཨོཾ་ཨ་ཀ་ནི་ནི་ཀ་ནི་ཨ་བྷི་ལ་མནྜ་ལ་མ་ཡེ། སརྦ་མངྒ་ལཾ་ས་ད་ན་མན་ན་སྭཱ་ཧཱ། ཞེས་བཟླས་བཀྲ་ཤིས་འདོད་པའི་དོན་རྣམས་བསྒྲུབ། །དེ་ནས་དཀར་གཏོར་རམ་ཐུད་མདུན་དུ་བྲན་བྱས་ལ། ཧཱུྃ་ལས་རིན་ཆེན་སྣོད་ནང་དུ། །གཏོར་མ་བདུད་རྩིའི་རྒྱ་མཚོར་གྱུར། །ཨོཾ་ཨ་ཀཱ་རོ་སོགས། སརྦ་དྷེ་བ་ས་པཱ་རི་ཝཱ་ར་ཨི་དཾ་བྷ་ལིཏ་ཁ་ཁ་ཁཱ་ཧི་ཁཱ་ཧི། དཀོན་མཆོག་གསུམ་གྱི་བདེན་པ་ཆེན་པོ་དང་། །བདེ་གཤེགས་རིན་ཆེན་མང་དང་གཟུགས་མཛེས་དང་། །འབྱམས་ཀླས་འཇིགས་ཀུན་བྲལ་བའི་བདེན་པ་ཡིས། །གཏོར་མ་ལྷ་རྫས་བདུད་རྩིའི་རྒྱ་མཚོ་འདི། །ས་བདག་དབང་ཆེན་བཙུན་མོ་སྲས་འཁོར་བཅས། །ས་བདག་ཀུན་གྱི་མཁོ་དགུར་གྱུར་ནས་ཀྱང་། །ཡིད་མཐུན་ལོངས་སྤྱོད་རྒྱ་ཆེན་ཐོབ་པར་ཤོག །དམ་རྫས་བརྒྱན་པའི་མཆོད་གཏོར་འདི་བཞེས་ལ། །བདག་དང་ཡོན་བདག་མི་ནོར་འཁོར་བཅས་ལ། །ས་བདག་ལས་གྱུར་ནད་གདོན་གནོད་པ་ཟློག །ཚེ་བསོད་


CMR040_Page_0258
[མ་དཔེ་གཟིགས་ན་འདིར་གནོན།]

དཔལ་འབྱོར་རྒྱས་པའི་ཕྲིན་ལས་མཛོད། །ས་བདག་གཉན་པོའི་ཐུགས་དང་ཅི་འགལ་བ། །སྤར་སྨེ་གཟའ་སྐར་ལས་ཐབས་ཉེས་པ་དང་། །ཕྱོགས་དང་དུས་ཚོད་ལས་ཐབས་ཉེས་པ་དང་། །ན་ཉེས་ཤི་ཉེས་དུར་འདེབས་ཉེས་པ་དང་། །ས་གཉེན་བརྐོས་སམ་ན་གཉན་བརྐོས་པ་དང་། །ཤིང་གཉན་བཅད་དམ་རྡོ་གཉན་རློག་པ་དང་། །མཚོ་གཉན་དཀྲུག་དང་ཆུ་གཉན་ཡུལ་དུ་དྲངས། །མཁར་གཉན་བསྒྱེལ་ལམ་ཁང་ནག་བཤུ་འགེབས་བྱས། །ཐང་གཉན་མཚེར་བྲིས་སྤང་གཉན་ཕུར་པ་བཏབ། །རྨེ་བཙོག་ཐབ་གཞོབ་མནའ་ལྕགས་ལ་སོགས་པ། །ཕ་མྱེས་རིང་ནས་ད་ལྟ་ཡན་ཆད་དུ། །ཐུགས་དང་འགལ་བ་ཐམས་ཅད་མཐོལ་ལོ་བཤགས། །ཉེས་པ་སོར་ཆུད་བྱང་ཞིང་དག་པར་ཤོག །བདག་དང་ཡོན་བདག་འཁོར་དང་བཅས་པ་རྣམས། །ཚེ་རིང་ནད་མེད་བགེགས་རྣམས་ཞི་བ་དང་། །མི་འཕེལ་ནོར་འཕེལ་སྙན་གྲགས་རྒྱས་པ་དང་། །བདེ་སྐྱིད་ཕུན་སུམ་ཚོགས་པར་མཛད་དུ་གསོལ། །འབྱུང་བ་ལོ་ཟླ་དུས་ཚོད་བདག་པོ་ཡིས། །ཕྱོགས་དུས་གནས་སྐབས་ཀུན་ཏུ་བདེ་ལེགས་སྩོལ། །ཡུལ་ས་གནས་ཀྱི་བདག་པོ་ཐམས་ཅད་ཀྱིས། །རྟག་ཏུ་


CMR040_Page_0259
[མ་དཔེ་གཟིགས་ན་འདིར་གནོན།]

ཕན་འདོགས་དགེ་བའི་སྟོངས་གྲོགས་མཛོད། །ཀླུ་སྨན་སྣ་ཚོགས་མཆོད་པ་འདི་ཕུལ་བས། །ས་བདག་རྣམས་ཀྱི་ནད་རྣམས་སོས་གྱུར་ནས། །བདག་དང་ཡོན་བདག་ནད་རྣམས་ཞི་བར་མཛོད། །ས་བདག་བསྙུང་བ་སོས་ཤིང་བཀྲེས་པ་འགྲང་། །མནོལ་བ་སངས་ལ་ཆད་པ་ཡོད་ན་མཐུད། །འཁོན་པ་སྡུམས་ལ་འགྲས་པ་ཡོད་ན་སྦྱོངས། །འགལ་བ་བཟོད་གསོལ་རྗེས་མཐུན་དངོས་གྲུབ་སྩོལ། །ཧཱུྃ། ས་བདག་གཙོ་བོ་སྐུ་མདོག་སེར་པོ་ནི། །འབྱུང་ལྔའི་རང་བཞིན་ཞལ་ལྔ་ཕྱག་བཞི་པ། །སྦྲུལ་ཆེན་འཁྱིལ་པ་རུས་སྦལ་གདན་ལ་བཞུགས། །དགེ་བསྙེན་བྱང་ཆུབ་སེམས་དཔའ་ཁྱོད་ལ་བསྟོད། །བཙུན་མོ་ས་ཡི་ལྷ་མོ་བརྟན་མ་ནི། །གསེར་མདོག་རྒྱུན་ལྡན་རིན་ཆེན་བུམ་པ་འཛིན། །དུས་གསུམ་རྒྱལ་བ་ཀུན་གྱི་དཔང་པོ་མ། །ས་འཛིན་ལྷ་མོ་ཁྱེད་ལ་བདག་བསྟོད་དོ། །སྲས་པོ་ས་འཛིན་ལག་པ་ཆེན་པོ་དང་། །ས་བདག་རྒྱལ་པོ་ལ་སོགས་འཁོར་གྱི་ཚོགས། །འབྱུང་བ་ལོ་ཟླ་ཞག་དུས་སྤར་སྨེའི་བདག །སྲིད་པའི་དབང་ཆེན་རྣམས་ལ་བདག་གིས་བསྟོད། །ས་ཆ་ཡུལ་རི་ལ་གནས་ཡིད་གཟུགས་ཅན། །གཉན་དང་ས་བདག་ཡུལ་བདག་


CMR040_Page_0260
[མ་དཔེ་གཟིགས་ན་འདིར་གནོན།]

གྲོང་གི་བདག །ཅི་རེ་ལྟ་དང་ཀྲོག་གེ་ཉན་པའི་ཚོགས། །ལེགས་ཉེས་སྟངས་འཛིན་རྣམས་ལ་བདག་གིས་བསྟོད། །དཀོན་མཆོག་གསུམ་གྱི་བདེན་པའི་མཐུ་སྟོབས་ཀྱིས། །ས་བདག་རྣམས་ལ་གནས་དང་གཞལ་ཡས་ཁང་། །སྤྲིན་དང་ཆར་པ་མཚོ་རྫིང་དཔག་བསམ་ཤིང་། །དཀོར་ནོར་ལོངས་སྤྱོད་དཔག་མེད་འབྱུང་གྱུར་ཅིག །དགའ་ཞིང་མགུ་ནས་བདག་དང་ཡོན་བདག་རྣམས། །བཟུང་བ་ཐོངས་ལ་བཅིངས་པ་ཡོད་ན་ཁྲོལ། །བསྡམས་པ་ལྷོད་ལ་མནན་པ་ཡོད་ན་ཁྱོག །ཕྱིན་ཆད་སྤུན་དང་གྲོགས་ལྟར་སྟོངས་གྲོགས་མཛོད། །འདྲེ་སྲིན་ངན་པའི་དབྱེན་ལ་མ་ཉན་ལ། །གནོད་བྱེད་བགེགས་ཀྱི་རྒྱབ་རྟེན་མ་བྱེད་པར། །ཞི་ཞིང་བྱམས་པའི་སེམས་ཀྱིས་གནས་པར་མཛོད། །མཆོད་པའི་སྐབས་འདིར་ཡོ་བྱད་མ་འབྱོར་དང་། །ལྷག་ཆད་ནོར་འཁྲུལ་ཅི་མཆིས་བཟོད་པར་གསོལ། །ས་བདག་དབང་ཆེན་འཁོར་དང་བཅས་པ་དང་། །ས་ཆ་ཡུལ་རིས་གཞི་བདག་རྣམས། །སོ་སོ་རང་རང་གནས་སུ་གཤེགས་། །དེར་ཡང་དགེ་བའི་སེམས་ཀྱིས་བཞུད། །བདེ་ལེགས་ཕུན་སུམ་ཚོགས་པའི་བཀྲ་ཤིས་ཤོག །དྷེ་ཝ་ས་པཱ་རི་ཝཱ་ར་ཨ་གཙྪ། ས་མཱ་ཡ་


CMR040_Page_0261
[མ་དཔེ་གཟིགས་ན་འདིར་གནོན།]

མུ༔ འདི་ལྟར་བགྱིས་པའི་བསོད་ནམས་དཔག་མེད་ཀྱིས། །ས་བདག་ལ་སོགས་སེམས་ཅན་མ་ལུས་པ། །མྱུར་དུ་བླ་མེད་བྱང་ཆུབ་ཐོབ་པར་ཤོག །དེ་ནས་རྡུལ་ཚོན་ཤིང་རྩི་གཏོར་མ་རྣམས། །ཞིང་ཁང་ཆུ་མགོ་རི་ལ་བསྐྱལ། །རྗེས་མི་མངོན་པར་བྱས། བཀྲ་ཤིས་བརྗོད་ཅིང་དགེ་བ་བསྔོ། ཞེས་པ་རྒྱ་ནག་ཧྭ་ཤང་ཆེན་པོས་མཛད་པ་ལས། མདོར་བསྡུས་པ་འདི་ནི་རཱ་གའི་མིང་གིས་སྦྱར་བའོ། མངྒ་ལཾ།། །།ཕྱེ་མར། འོ་ཕུད། འབྲུ་སྣ། ཀླུ་སྨན། ཤིང་རྩི། ལྕོག་རྡོག །ཏིང་ལོ། ཆངས་བུ། མདའ་དར། མེ་ལོང་། ཐོད་པ་དེ་ལྟར་དགོས། །སྤྱན་འདྲེན་དུས་ས་བདག་དབང་ཆེན་འཁོར་བཅས་ནམ་མཁར་ས་གཞི་བར་སྣང་ཁམས་ནས་ཆར་བབས་པ་ལྟར་སྤྱན་དྲངས། མདུན་བསྐྱེད་དཀྱིལ་འཁོར་ལ་ཐིམ་པས་ཐུགས་དགྱེས་ཤིང་བཞུགས་པར་བསྒོམ། བསྙེན་དུས་རང་ཉིད་ཕྱག་ན་རྡོ་རྗེའི་ཐུགས་ཀའི་སྔགས་ཕྲེང་ལས་འོད་ཟེར་འཕྲོས་པས། མདུན་བསྐྱེད་དབང་ཆེན་ཡབ་ཡུམ་འཁོར་དང་བཅས་པ་ལ་ཕོག་པས། བཀའ་ཉན་གསུང་སྡོད་དངོས་གྲུབ་སྩོལ་བར་བསམ་ལ་སྔགས་བཟླས། ཨོཾ་བཛྲ་པཱ་ཎི་ཧཱུྃ་ཧཱུྃ་ཕཊ་མ་ཧཱ་དེ་ཝ་སིདྡྷི་ནན་སྭཱ་ཧཱ། ཞེས་པས་སོ། ད་ནི་སྒོ་དབྱེ་བསྡུས་པ་ནི། ཀྱཻ། ཤར་ཕྱོགས་ཡེ་ཤེས་གསེར་གྱི་སྒོ། །སྒོ་བ་རྣམས་ཀྱིས་སྒོ་ཕྱེས་ཤིག །གཏི་མུག་མུན་པའི་སྒོ་ཆོད་ཅིག །རྒྱས་པའི་དངོས་གྲུབ་སྒོ་


CMR040_Page_0262
[མ་དཔེ་གཟིགས་ན་འདིར་གནོན།]

ཕྱེས་ཤིག །ལྷོ་ཕྱོགས་ཞི་བ་གཡུ་ཡི་སྒོ། །སྒོ་བ་རྣམས་ཀྱིས་སྒོ་ཕྱེས་ཤིག །ང་རྒྱལ་གཏུམ་པོའི་སྒོ་ཆོད་ཅིག །ཞི་བའི་དངོས་གྲུབ་སྒོ་ཕྱེས་ཤིག །ནུབ་ཕྱོགས་སྦྱིན་པ་ཟངས་ཀྱི་སྒོ། །སྒོ་བ་རྣམས་ཀྱིས་སྒོ་ཕྱེས་ཤིག །འདོད་ཆགས་གདུག་པའི་སྒོ་ཆོད་ཅིག །སྦྱིན་པ་དངོས་གྲུབ་སྒོ་ཕྱེས་ཤིག །བྱང་ཕྱོགས་ཡངས་པ་ལྕགས་ཀྱི་སྒོ། །སྒོ་བ་རྣམས་ཀྱིས་སྒོ་ཕྱེས་ཤིག །ཕྲག་དོག་གདུག་པའི་སྒོ་ཆོད་ཅིག །ཡངས་པ་དངོས་གྲུབ་སྒོ་ཕྱེས་ཤིག །དུས་བཞི་རྒྱལ་པོས་སྒོ་ཕྱེས་ཤིག །དུས་བཞིའི་འཁྲུགས་པ་བསལ་དུ་གསོལ། །གདུག་པ་དུག་གི་སྒོ་ཆོད་ཅིག །མཐུན་པའི་དངོས་གྲུབ་སྒོ་འདི་ད་ཕྱེས་ཤིག །དགེ་བས་ས་ཡི་ལྷ་མོ་འགྲུབ་པར་ཤོག །ས་བདག་དབང་ཆེན་ཤིན་ཏུ་བསྡུས་པ་འདི་ཁང་པ་ལ་སོགས། ས་རྐོ་རྡོ་སློག་དུས་བཅས་ན་ཕན་ཡོན་ཤིན་ཏུ་ཆེའོ། །རོ་དང་བག་མ་དུས་བྱས་ཀྱང་ལེགས་སོ། །དགེའོ། །དགེའོ། །དགེའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།


previousས་བདག་དབང་ཆེན་ཤིན་ཏུ་བསྡུས་པ།next