དམ་གྲིབ་ཞི་ཕྱིར་སྨེ་བརྩེགས།
དམ་གྲིབ་ཞི་ཕྱིར་སྨེ་བརྩེགས་བཞུགས་སོ།། རང་གི་སྙིང་དབུས་ཧཱུྃ་ཡིག་ལྗང་ནག་ལས། །མེ་འབར་ནད་གདོན་གྲིབ་དང་མི་གཙང་བ། །ཐ་མལ་ལུས་བསྲེགས་རང་ཉིད་ཡེ་ཤེས་ཀྱི། །ཁྲོ་བོ་སྨེ་བ་བརྩེགས་པའི་སྐུར་གྱུར་པ། །སྐུ་མདོག་ལྗང་ནག་ཞལ་གསུམ་ཕྱག་དྲུག་པ། །གཡས་དཀར་གཡོན་དམར་དབུས་ལྗང་ཁྲོ་བོའི་ཞལ། །ཁམས་ནག་རལ་པ་སྤྲུལ་སྔོན་ལྟེ་ཕྱིར་དཀྲིས། །གཡས་ཀྱི་ཕྱག་གཉིས་རྡོ་རྗེ་རལ་གྲི་དང་། །གཡོན་གཉིས་ཞགས་པ་དང་ནི་ལྕགས་ཀྱུ་བསྣམས། །མཐའ་གཉིས་སྡིགས་མཛུབ་ཕྱག་རྒྱ་ཐུགས་ཀར་བསྣོལ། །ཁྲོ་བོའི་ཆས་ཀུན་ཡོངས་རྫོགས་མེ་དཔུང་འབར། །པད་ཉི་གདན་ལ་ཞབས་བསྒྲད་བཞེངས་ཏེ་བཞུགས། །དཔྲལ་བར་ཨོཾ་དཀར་མགྲིན་པར་ཨཱཡིག་དམར། །ཐུགས་ཀར་ཉི་སྟེང་ཧཱུྃ་ཡིག་ལྗང་ནག་མཐར། །རང་འདྲ་དཔག་མེད་སྤྱན་དྲངས་རང་ལ་བསྟིམས། །སྔགས་ཕྲེང་འོད་ཟེར་ལྗང་ཁུའི་ལུས་ཀུན་ཁྱབ། །ནད་གདོན་གྲིབ་བསལ་མཐུ་སྟོབས་རྒྱས་པར་གྱུར། །ཨོཾ་བྷར་ཁུང་མ་ཧཱ་པྲ་མ་ཎ་ཡེ་བྷར་ཙི་བྷུར་ཀི་བི་མ་ལེ་ཨུ་ཙུཏྨ་ཀྲོ་དྷ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། བསྙེན་པའོ། །ཨོཾ་བྷར་ཁུང་རྗེས་སྭཱ་ཧཱ། ཡང་སྙིང་གི་སྔགས་རྣམས་གང་མང་
བཟླའོ་ཞེས། ཨ་རཱ་གས་སོ།། །།