མི་ཁ་ཟློག་པའི་གསོལ་འདེབས།
ན་མོ་མ་ཧཱ་གུ་རུ་སརྦ་སིདྡྷི་ཧཱུྃ། རིག་འཛིན་གྲུབ་དབང་པདྨ་འབྱུང་གནས་ལ། །གསོལ་བ་འདེབས་སོ་དབང་བསྐུར་བྱིན་གྱིས་རློབས། །དགྲ་བགེགས་ཁ་མཆུ་མི་ཁ་གླེང་གཞི་རྣམས། །མྱུར་དུ་ཞི་ཞིང་བཟློག་པར་མཛད་དུ་གསོལ། །ཁྲོ་རྒྱལ་དམར་ནག་མེ་ཕྲེང་ཡབ་ཡུམ་ལ། །གསོལ་བ་འདེབས་སོ་དབང་བསྐུར་བྱིན་གྱིས་རློབས། །དགྲ་བགེགས་ཁ་མཆུ་མི་ཁ་གླེང་གཞི་རྣམས། །མྱུར་དུ་ཞི་ཞིང་བཟློག་པར་མཛད་དུ་གསོལ། །ཡི་དམ་རྟ་མགྲིན་ཕག་མོ་ཡབ་ཡུམ་ལ། །གསོལ་བ་འདེབས་སོ་དབང་བསྐུར་བྱིན་༡གྱིས་རློབས། །དགྲ་བགེགས་ཁ་མཆུ་མི་ཁ་གླེང་གཞི་རྣམས། །མྱུར་དུ་ཞི་ཞིང་བཟློག་པར་མཛད་དུ་གསོལ། །ཡེ་ཤེས་ཆོས་སྐྱོང་མ་མགོན་ལྕམ་དྲལ་ལ། །གསོལ་བ་འདེབས་སོ་དབང་བསྐུར་བྱིན་གྱིས་རློབས། །དགྲ་བགེགས་ཁ་མཆུ་མི་ཁ་གླེང་གཞི་རྣམས། །མྱུར་དུ་ཞི་ཞིང་བཟློག་པར་མཛད་དུ་གསོལ། །ནོར་ལྷ་གཏེར་བདག་དམ་ཅན་རྒྱ་མཚོ་ལ། །གསོལ་བ་འདེབས་སོ་དབང་བསྐུར་བྱིན་གྱིས་རློབས། །དགྲ་བགེགས་ཁ་མཆུ་མི་ཁ་གླེང་གཞི་རྣམས། །མྱུར་དུ་ཞི་ཞིང་བཟློག་པར་མཛད་དུ་གསོལ། །རྗེ་བཙུན་
འཕགས་མ་སྒྲོལ་མ་དཀར་སྔོན་ལ། །གསོལ་བ་འདེབས་སོ་དབང་བསྐུར་བྱིན་གྱིས་རློབས། །དགྲ་བགེགས་ཁ་མཆུ་མི་ཁ་གླེང་གཞི་རྣམས། །མྱུར་དུ་ཞི་ཞིང་བཟློག་པར་མཛད་དུ་གསོལ། །དེ་ལྟར་རྩེ་གཅིག་གསོལ་བ་བཏབ་པའི་མཐུས། །བདག་ལ་ལོག་ལྟ་སྐུར་པ་འདེབས་པ་ཡི། །དགྲ་བགེགས་ཁ་མཆུ་མི་ཁ་གླེང་གཞི་རྣམས། །མྱུར་དུ་ཞི་ཞིང་བཟློག་པར་མཛད་དུ་གསོལ། །ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ། ཞེས་པ་འདི་དུས་ཕྱིས་སྙིགས་མ་ལ་ཐུག་པའི་དུས་འགྲོ་ལ་ཕན་པའི་ཕྱིར། ཨ་རཱ་གས་སྦྱར་བའོ།།