མི་ཁ་བཟློག་གཟུངས་མདོར་བསྡུས།
― CMR043_Page_0433 ―
[མ་དཔེ་གཟིགས་ན་འདིར་གནོན།]
མི་ཁ་བཟློག་གཟུངས་མདོར་བསྡུས་བཞུགས་སོ། །རང་ཉིད་ཐུགས་རྗེ་ཆེན་པོའི་ཐུགས་ཀ་ནས་འོད་ཟེར་ལྗང་གུ་འཕྲོས་པས་གཏམ་ངན་མི་ཁ་ཐམས་ཅད་བཟློག་པར་བསམ། ཨོཾ་མ་ཎི་པདྨེ་ཧཱུྃ་ཧཱུྃ༔ ཧུར་ཐུ་མི་ཁ་གཏམ་ངན་ཐམས་ཅད་ཟློག །རི་ལི་རི་ལི། ཨོཾ་མ་ཧཱ་དྷེ་ཝ་དགྲ་བོ་ཀྲྀ་ཏྲི་སྲོག་ལ་རྦད་ཆོད། བྷྱོ་མི་ཁ་ངན་པ་སྒྱུར། མི་ཁ་དགྲ་བོ་མཱ་ར་ཡ། ཐུ་ཐཾ། ཤིག་ཤིག །རྦད་རྦད། དྲིལ་དྲིལ། བྷྱོ་བྷྱོ། ཟློག་ཟློག །བརྒྱའི་མི་ཁ་ཟློག །སྟོང་གི་བྲ་མཆུ་ཟློག བརྒྱ་ཁ་ཡེར་ཡེར་ཟློག །སྟོང་ཁ་མེར་མེར་ཟློག །ནད་སྣ་ཟློག །གདོན་སྣ་ཟློག །ཡམས་སྣ་ཟློག །རིམས་སྣ་ཟློག །དགྲ་སྣ་ཟློག །གྱོད་སྣ་ཟློག །རྐུན་སྣ་ཟློག །དམག་སྣ་ཟློག །ཉི་མ་ཕྱོགས་བཞི་མཚམས་བརྒྱད་ཀྱི་མི་ཁ་གཏམ་ངན་ཐམས་ཅད་ཟློག །ངན་སེམས་ཚུར་ལ་འཆང་བའི་དགྲ་བོ་ཐམས་ཅད་རྦད་རྦད། དྲིལ་དྲིལ། ཐཾ་ཐཾ། ཤིག་ཤིག །བྷྱོ་བྷྱོ། ཟློག་ཟློག །བྷྱོ་ཟློག་ཡཅིག །ཅེས་པ་འདི་ཀརྨ་རཱ་ག་ཨ་སྱས་སྦྱར་བའོ།། །།