གྲོ་ལོད་དམ་སྒྲགས།
ཧཱུྃ་ཧཱུྃ་ཧཱུྃ། རྣལ་འབྱོར་བདག་ལ་དམ་སྲིའི་དགྲ་བྱུང་ན། །སྐྱབས་ཀྱི་དམ་པ་རྡོ་རྗེ་གྲོ་ལོད་འབོད། །ཡེ་ཤེས་སྤྱན་དང་མངོན་ཤེས་དྲུག་ཅུ་ཡིས། །སྣང་སྲིད་འཁོར་འདས་ཐམས་ཅད་ས་ལེར་གཟིགས། །རྡོ་རྗེས་སྙན་མངའ་ནམ་མཁའི་མཐར་ཐུག་པའི། །སྒྲ་རྣམས་ཀུན་གྱི་རྗེས་འགྲོ་སོ་སོར་གསན། །མཐུ་སྟོབས་ཐོགས་མེད་དྲེགས་པ་ཀུན་འདུལ་བ། །གནོད་བྱེད་དམ་སྲི་འདི་ལ་བཀའ་ཆད་ཕོབ། །མ་འོངས་པདྨ་འབྱུང་གནས་མཚན་འཛིན་པ། །སྤྱི་བོར་བླངས་ནས་ཕྲིན་ལས་བསྒྲུབ་བོ་ཞེས། །སྔོན་གྱི་དམ་ཚིག་དེ་ལ་འདས་གྱུར་ན། །རྣལ་འབྱོར་ང་ལ་ཐོ་འཚམ་བྱེད་པ་ཡིན། །བགེགས་དང་དམ་སྲི་འབྱུང་པོ་གང་ཡིན་པ། །ཡཀཱ་ཁྲོ་བོས་མགོ་དང་ཡན་ལག་ཆོད། །གནམ་ལྕགས་སྡིག་པས་དེ་ཡིས་སྙིང་ཁྲག་འཇིབས། །སྔོན་གྱི་དམོད་པ་རང་རང་ཉིད་ལ་ཟློག །རྡོ་རྗེ་གྲོ་ལོད་བཀའ་ལ་བདེན་ཡོད་ན། །ང་ལ་ཐོ་འཚམ་བྱེད་པའི་དམ་སྲི་རྣམས། །མཐུ་སྟོབས་ནུས་པས་རྡུལ་དུ་རླག་གྱུར་ཅིག །ནམ་ཞིག་བདག་གིས་བླ་མེད་འབྲས་ཐོབ་ཚེ། །དམ་སྲི་ཁྱོད་ཀྱང་བདག་གིས་རྗེས་བཟུང་ནས། །བླ་མེད་བྱང་ཆུབ་མཆོག་ལ་འགོད་པར་
ཅེས་མཛོ་རྫི་མདའ་རུ་དམ་སྲི་ཐོ་འཚམ་བྱུང་ནས། རཱ་ག་ཨ་སྱས་བྲིས་པའོ། །མངྒ་ལཾ།།