ཚེ་གཡང་།

ཚེ་དཔག་མེད་མགོན་སངས་རྒྱས་སྨན་གྱི་བླ། །སྒྲོན་དཀར་ཚེ་འཕེལ་ལྷ་མོ་རྣམ་རྒྱལ་མ། །མ་གཅིག་གྲུབ་པའི་རྒྱལ་མོ་ཚེ་རིང་མ། །ཨོ་རྒྱན་པདྨ་རིག་འཛིན་ཚེ་ཡི་ལྷ། །མི་འཆི་འཆི་མེད་ཚེ་ལ་དབང་བར་ཤོག །འཆི་མེད་བདུད་རྩིས་ཚེ་བུམ་གང་བར་ཤོག །བེ། རྣམ་སྲས་སྐྱ་བརྒྱད་ཛཾ་ལྷ་རིགས་ལྔ་དང་། །ཕྱུགས་ལ་གཡང་འཕེལ་ལྷ་མོ་ནོར་རྒྱུན་མ། །གཡང་གི་ལྷ་མོ་དཔལ་ཆེན་འཁོར་དང་བཅས། །ནོར་ལྷ་གཏེར་བདག་གནོད་སྦྱིན་ནོར་བདག་ཚོགས། །མི་འཛད་ནོར་བུའི་བསོད་ནམས་གང་བར་ཤོག །ཨོཾ་ཨཱཿཧཱུྃ་ཧིདྡྷཾ་སྭཱ་ཧཱ། འདི་ལྟར་བགྱིས་པའི་བསོད་ནམས་དཔག་མེད་ཀྱིས། །མི་ཡི་ན་ཚ་ཕྱུགས་ཀྱི་གོད་ཁ་ཟློག །ཞིང་ལ་བཙའ་སད་སེར་གསུམ་ལ་སོགས་པ། །མྱུར་དུ་མ་ལུས་ཞི་བར་མཛད་དུ་གསོལ། །ཞེས་ཚེ་གཡང་ཁ་སྤྲོད་འདི། ༧ རཱ་ག་ཨ་སྱས་སྦྱར་བའོ།། །།